Category: फिचर

काठमाडौं । नेपालमा पछिल्लो २४ घण्टामा थप ४ सय २१ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशका विभिन्न प्रयोगशालामा गरिएको परीक्षणमा थप थप ४ सय २१ जनामा कोरोना संक्रमण पुष्टि भएको हो ।

आज थपिएका सहित ४२१ सहित नेपालमा संक्रमितको संख्या ८ हजार ६ सय ५ पुगेको छ ।  पछिल्लो २४ घण्टामा थप १९४ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या १७७२ पुगेको छ।

कुल संक्रमितमध्ये २३ जनाको मृत्यु भएको छ।

प्रवक्ता डा गौतमका अनुसार हालसम्म देशका ७५ जिल्लामा संक्रमण देखिएको छ।

काठमाडौं । नेपालमा कोरोना संक्रमणबाट थप एक जनाको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार गुल्मीमा होम-क्वारेन्टिनमा बसेकाबेला मृत्युु भएका ६९ वर्षीय पुरूषमा कोरोना पोजेटिभ देखिएको हो ।

करिब दुई हप्ताअघि भारतको मुम्बईबाट आई होम क्वारेन्टिनमा बसेका छत्रकोट गाउँपालिकाका ती पुरूषको बिहीबार राति मृत्यु भएको थियो।

मुम्बईबाट आएका उनलाई प्यारालाइसिसको समस्या रहेपछि गाउँपालिकाको वडा नम्बर ५ मैनडाँडामा रहेको घरमै रेखदेख गर्नेगरी राखिएको थियो।

उनलाई घरमा ल्याएपछि नै आरडिटी परीक्षणमा कोरोना पोजेटिभ देखिएको भए पनि पिसिआर परीक्षणको लागि भने शुक्रवार बिहानमात्र उनको स्वाब संकलन गरिएको थियो। यो सहित नेपालमा कोेरोनाबाट मृत्यु हुनेको संख्या २३ पुगेको छ ।

काठमाडौं

जनता समाजवादी पार्टीकी सांसद सरिता गिरीविरुद्ध जन्मकैदको माग गर्दै जाहेरी परेको छ । महानगरीय प्रहरी टेकुमा शुक्रबार साँझ अधिवक्तात्रय सन्तोष भण्डारी, सुजन नेपाल, नवराज पाण्डेले संयुक्तरुपमा जाहेरी दर्ता गरेको अधिवक्ता सन्तोष भण्डारीले बताए । जाहेरी दर्ता पछि अधिबक्ता भण्डारी भन्छन्; ‘सांसद सरिता गिरीका अभिब्यक्ती पूर्णत राज्यद्रोह कै लागि भएको हुँदा हामीले जन्म कैद माग गरेका छौं । गिरीलाई मुलुकी अपराध संहिता, २०७४ को दफा ४९ को ५ (क) उपदफा (१) वा (२) बमोजिमको कसुरमा कारबाही गर्न माग गरिएको छ । उक्त कानूनी व्यवस्था अनुसार राज्यविरुद्धको कसुर ठहर भएमा सांसद गिरीलाई जन्मकैदको सजाय हुनेछ । जाहेरीमा उक्त कानून व्यवस्थाविरुद्ध गिरीले षडयन्त्र गरेको भनिएको छ । सांसद गिरीलाई तत्काल पक्राउ गर्न माग समेत गरिएको छ।

नेपालको कानूनमा राज्य बिरुद्धको कसुर अन्तर्गत सार्वभौम सत्ता, अखण्डता वा राष्ट्रिय एकता उपर खलल गर्न नहुने शीर्षक अन्तर्गत कसैले नेपालको स्वतन्त्रता, सार्वभौम सत्ता, भौगोलिक, प्रादेशिक वा राष्ट्रिय एकतामा खलल पार्ने नियतले मानिस, हात-हतियार वा खरखजना जम्मा गर्ने हातहतियार सहित सैनिक वा संगठन गर्ने वा यस्तो कार्य नगर्न नहुने कानूनमा उल्लेख गरिएको छ ।

दफा ४९ को २ मा नेपालको स्वतन्त्रता, सार्वभौम सत्ता, भौगोलिक वा प्रादेशिक अखण्डता वा राष्ट्रिय एकतामा खलल पार्न सक्ने गरी कुनै विदेशी राज्य, सरकार वा संगठित शक्तिसँग मिली कुनै प्रकारको षडयन्त्र गर्ने वा गराउने गर्न नहुने व्यवस्था छ।

गिरीले आधार र प्रमाणबिना कालापानी, लिपुलेक र लिम्पियाधुरा सहितको नयाँ नक्सा जारी गरिएको भन्दै सरकारको संशोधन विधेयकमाथि प्रतिनिधिसभा बैठकमा संशोधन दर्ता गरेकी थिइन् । उनको संशोधन प्रस्ताव नियमावली विपरीत रहेको भन्दै सभामुखले खारेज गरिदिएका थिए। उनले नयाँ नक्साको निर्णय र संविधान संशोधानविरुद्ध विभिन्न माध्यमबाट वक्तव्यवाजी समेत गर्दै आएकी छिन् । गिरी बिरुद्ध जाहेरी दर्ता गर्ने तिनै जना अधिबक्ता हुन् । अधिबक्ता सन्तोष भण्डारी काठमाडौं कपनका स्थानीय हुन् भने सुजन नेपाल काठमाडौस्थित मुलपानीका स्थानीय हुन् । अर्का अधिबक्ता नवराज पाण्डे नुवाकोटका स्थनीय ब्यक्ती हुन् ।

काठमाडौं  । पछिल्लो २४ घण्टामा थप १७६ जना कोरोना संक्रमणमुक्त भएका छन्। स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशका विभिन्न स्थानका अस्पतालबाट उनिहरु संक्रमणमुक्त भएका हुन् । मन्त्रालयको अध्यावधिक विवरणअनुसार सिराहा अस्पतालबाट २६ जना र आइसोलेशन सेन्टर बाँकेबाट ५४ जना जनाले कोरोना जितेको छन् ।

कोशी अस्तपाल विराटनगरबाट ११ जना, सल्यानका ११ जना, सुर्खेतका १३ जना, दाङका ५ जनासमेत उपचार पछि निको भएर घर फर्किएका हुन्।

यस्तै, डडेल्धुराका २ जना, अछामका ५ जना, दार्चुलाका २ जना, डोटीका ९ जना, धनगढीमा उपचाररत ८ जना, कैलालीको टीकापुरमा उपचाररत ४ जना, कैलालीकै १ जना, कञ्चनपुरका ६ जना, कैलालीकै ८ जना, चितवनमा उपचाररत ३ जना र नवलपरासी पूर्वमा उपचार गरी निको भएर ४ जना घर फर्कीएको मन्त्रालयले जानकारी दिएको हो।

डिस्चार्ज हुनेमा १८ महिला र १५८ जना पुरुष रहेको मन्त्रालयका प्रवक्ता गौतमले जानकारी दिए ।

योसहित नेपालमा हालसम्म १ हजार ५ सय ७८ जना उपचारपछि निको भएका छन्।

नेपालमा हालसम्म २२ जनाको भने कोरोना संक्रमणका कारण मृत्यु भएको मन्त्रालयले जानकारी दिएको छ।

काठमाडौं । नेपालमा पछिल्लो २४ घण्टामा थप ३ सय ३१ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशका विभिन्न प्रयोगशालामा गरिएको परीक्षणमा थप ३ सय ३१ जनामा कोरोना संक्रमण पुष्टि भएको हो । यो सहित संक्रमितको संख्या ८६०५ पुगेको छ । पछिल्लो २४ घण्टामा डिस्चार्ज हुनेको संख्या १७६ रहेको छ ।

काठमाडौं । सत्तारुढ नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले मिलेनियम च्यालेन्ज कर्पोरेशन (एमसीसी) सहायता स्वीकार गर्ने वा नगर्ने भन्ने सम्बन्धमा विवाद भइरहेका बेला सैन्य गठबन्धनसँग जोडिने कुनै पनि विदेशी सहयोग नेपालले स्वीकार नगर्ने बताएका छन् । एमसीसी सैन्य गठबन्धनको एक पाटो भएको नेकपा कार्यदलले निष्कर्ष निकालेको थियो ।

नेकपा र चिनियाँ कम्युनिस्ट पार्टी (सिपिसी) बीच शुक्रबार राजधानीमा संयुक्त भर्चुअल कार्यशाला सम्पन्न भयो । कार्याशालालाई शुक्रबार धुम्बाराहीस्थित केन्द्रीय कार्यालयबाट सम्बोधन गरेका प्रचण्डले नेपालले सैन्य गठबन्धनका लागि वितरण गरिएका कुनै पनि सहायता स्वीकार नगर्ने उल्लेख गरे ।

नेपाल विकासको चरणमा रहेको भन्दै उनले यसबेला ठूलो सहयोग आवश्यक रहेको बताए । तर, सहयोगको नाममा नेपाल कुनै पनि सैन्य गठबन्धनमा भने जोडिन नसक्ने स्पष्ट पारे । नेकपाभित्र अमेरिकी परियोजना मिलेनियम च्यालेन्ज कर्पोरेशन (एमसीसी) स्वीकार गर्ने वा नगर्ने भन्ने विषयमा गम्भीर विवाद कायम छ ।

एमसीसी अमेरिकी इन्डो प्यासिफिक सैन्य रणनीतिको एक भाग रहेको नेकपाका नेताहरु नै बताउँछन् । नेकपामा प्रचण्डले एमसीसीबारे ठोस धारणा सार्वजनिक गरेका छैनन् । नेकपाका अर्का अध्यक्ष तथा प्रधानमन्त्री केपी शर्मा ओली भने एमसिसी जसरी पनि पास गर्ने पक्षमा छन् । उनी पार्टीमा एमसीसीको पक्षमा बहुमत जुटाउने प्रयासमा छन् ।

शुक्रबार पनि अध्यक्ष दाहालले एमसीसी र अमेरिकाको नाम भने लिएनन् । तर, उनको संकेत संशोधन बीना एमसीसी पास नहुने भन्नेमै थियो । नेपालले असंलग्न विदेश नीति अवलम्बन गर्दै आएको उनले स्मरण गरे ।

नेपालको संविधानसँग बाझिने गरी, कुनै पनि पनि सैन्य गठबन्धनमा आवद्ध हुनुपर्ने सहयोग नेपाललाई स्वीकार्य हुन नसक्ने उनको भनाई छ । उनले नेपाल दुबै छिमेकीसँग द्वन्द्व नचाहेको समेत स्ष्ट पारे ।

नेपाल र भारतबीचको सीमा विवादबारे बोल्दै उनले छिमेकीहरुसँगको विवाद समाधानमा नेपाल वार्ताको पक्षमा रहने उल्लेख गरे । उक्त बैठकमा नेकपा स्कुल विभाग प्रमुख तथा रक्षामन्त्री ईश्‍वर पोखरेल पनि सहभागी थिए । उनले कोभिड(१९ नियन्त्रणमा चीनले गरेको सहयोगप्रति धन्यवाद दिए।

काठमाडौं  । कोरोना भाइरस संक्रमण संख्या बढ्दैगएपछि उच्च सतर्कता अपनाउन सरकारले अत्यावश्यक कामबाहेक हिँडडुलमा रोक लगाएको छ ।

सरकारले ‘लकडाउन व्यवस्थित गर्ने सम्बन्धी सुरक्षा मापदण्ड–२०७७’ जारी गर्दै पैदल र सवारीबाट राति १० देखि बिहान ५ बजेसम्म हिँडडुलमा रोक लगाएको हो ।

जेठ २८ गतेको मन्त्रिपरिषद् बैठकले लकडाउन खुकुलो बनाउने निर्णयगरेसँग राति सुरक्षाकर्मीलाई छलेर एक जिल्लाबाट अर्को जिल्लामा अनुमति बिना यात्रु ओसारपसार हुन थालेपछि थप कडाई गरेको मन्त्रालय स्रोतले जनाएको छ ।

मापदण्ड कडाइका साथ पालना गराउन गृह मन्त्रालयले सुरक्षा निकाय र ७७ वटै जिल्ला प्रशासन कार्यालयलाई निर्देशन दिएको छ ।

सरकारले असार १ गतेदेखि सर्लाही, रौतहट, कपिलवस्तु र दैलेखबाहेक ७३ जिल्लाभित्र निजी सवारी साधनमा जोरविजोर प्रणाली लागू गरेको छ ।

मालसामान ढुवानी गर्दा चालक र सहचालक बाहेक कसैलाई पनि बोक्न नपाइने व्यवस्था ल्याइएको छ ।

उद्योग/कलकारखानालगायत कार्यस्थलमा एक स्थानमा एकपटकमा १० जनाभन्दा बढी भेला हुन पाइने छैन । सामाजिकरसांस्कृतिक कार्यमा १५ जनाभन्दा बढी भेला हुन निषेध गरेको छ ।

काठमाडौं । नेपालमा पछिल्लो २४ घण्टामा थप ४ सय २६ जनामा कोरोना भाइरसको संक्रमण देखिएको छ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशका विभिन्न प्रयोगशालामा गरिएको परीक्षणका क्रममा थप ४ सय २६ जनामा कोरोना भाइरसको संक्रमण पोजेटिभ देखिएको हो। यो नेपालमा संक्रमितको संख्या ८ हजार २ सय ७४ पुगेको छ ।

पछिल्लो २४ घण्टामा थप २१६ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या १४०२ पुगेको छ।

कुल संक्रमितमध्ये २२ जनाको मृत्यु भएको छ।