काठमाडौं । आजबाट देशभर दुई पांग्रे सवारी साधनलाई समेत जोर विजोर प्रणाली लागु हुने भएको छ । सोबारबाट सबै प्रकारका निजी सवारी साधनमा जोर विजोर प्रणाली लागु हुने गृह मन्त्रालयले स्पष्ट पारेको छ । यसअघि सवारीसाधानमा जोर विजोर लागू गर्नेबार गृह मन्त्रालय र ट्राफिक प्रहरी अन्यौलमा थिए ।
सोहीकारण चार पांग्रे सवारीमा मात्र यसको नियम लागु भएको थियो । सोमबारबाट भने ४ पाङ्ग्रे र २ पाङ्ग्रे सवारी साधन सबैमा जोर विजोर प्रणाली लागु हुने भएको हो । मोटरसाइकल र स्कुटरमा पनि जोरबिजोर प्रणाली लागू गर्न गृहले सरोकारवाला निकायलाई निर्देशन दिएको छ।
मन्त्रिपरिषद् बैठकले मोटरसाइकलमा एक जना मात्रै सवार हुनुपर्ने निर्णय गरेको थियो । बैठकले निजी सवारी साधनमा जोर विजोर प्रणाली लागु हुने भने पनि दुई पांग्रेको हकमा के गर्ने भन्ने स्पष्ट पारेको थिएन् ।
मन्त्रिपरिष्दको निर्णय अनुसार गृहले स्पष्ट पारेको हो । यस्तो प्रणाली अनुसार जोर गते जोर नम्बर र विजोर गते विजोर नम्बरका सवारी साधन चलाउन पाइन्छ । सरकारले लकडाउन खुकुलो बनाउने क्रममा पहिलो चरणमा निजी सवारी साधन खोल्ने निर्णय गरेको हो ।
त्यो पनि जोर विजोर प्रणालीमा चलाउन पाइन्छ । सवारी साधन एक जिल्लाबाट अर्को जिल्लामा चलाउन भने पाइदैन ।
