Category: फिचर

काठमाडौं । सरकारले भौतिक दूरीलाई व्यवस्थित गर्न र भिडभाड कम गर्नको लागि निजी र सरकारी कार्यालय दुई सिफ्टमा सञ्चालन गर्ने निर्णय सरकारले गरेको छ।

मन्त्रिपरिषद् बैठकका निर्णय सार्वजनिक गर्दै सरकारका प्रवक्ता डा। युवराज खतिवडाले यो जानकारी दिएका हुन्।

खतिवडाका अनुसार असार १ गतेदेखि सबै सरकारी, निजी र बैंक तथा वित्तीय संस्थाका कार्यालय तत्कालका लागि बिहान आठबजेदेखि दिउँसो एक बजेसम्म र दिउँसो १ बजेदेखि ६ बजेसम्म अर्को सिफ्टमा कार्यालय सञ्चालन गर्ने निर्णय गरेको हो ।

सरकारी कार्यालय सञ्चालन गर्दा स्वास्थ्य मन्त्रालयले जारी गरेको जनस्वास्थ्यसम्बन्धी र गृह मन्त्रालयले जारी गरेको सुरक्षासम्बन्धी प्रोटोकलको पालना गर्नुपर्ने खतिवडाले जानकारी गराएका छन् ।

काठमाडौं । पछिल्लो २४ घण्टामा देशभरबाट थप १ सय ८७ जना कोरोना संक्रमणमुक्त भएका छन्।

देशका विभिन्न स्थानका अस्पतालबाट संक्रमणमुक्त भएको जानकारी स्वास्थ्य तथा जनसंख्या मन्त्रालयले दिएको हो।

नेपालमा हालसम्म ८६१ जना उपचारपछि निको भएका छन् । जसमा ८७ जना महिला रहेका छन् ७७४ पुरुष रहेका छन् ।

नेपालमा पछिल्लो २४ घण्टामा थप २ सय ५० जनामा कोरोना भाइरस संक्रमण पुष्टि भएसँगै देशभर कुल कोरोना संक्रमितको संख्या ४ हजार ६ सय १४ पुगेको छ ।

यसको संक्रमणका कारण हालसम्म नेपालमा १५ जनाको भने मृत्यु भइसकेको छ।

काठमाडौं । नेपालमा पछिल्लो २४ घण्टामा थप २ सय ५० जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशका विभिन्न प्रयोगशालामा गरिएको परीक्षणमा थप २ सय ५० जनामा कोरोना संक्रमण पुष्टि भएको हो ।

उनका अनुसार नयाँ संक्रमित थपिनेमा २३० पुरुष रहेका छन् भने २० महिला रहेका छन् । देशभर कुल कोरोना संक्रमितको संख्या ४ हजार ६ सय १४ पुगेको छ ।

हालसम्म देशभरबाट कोरोना संक्रमितको उपचारपछि ८६१ डिस्चार्ज भएका छन् । पछिल्लो २४ घण्टामा १८७ जना डिस्चार्ज भएका हुन्। जसमा ८७ जना महिला रहेका छन् ७७४ पुरुष रहेका छन् । नेपालमा हालसम्म ८६१ जना उपचारपछि निको भएका छन्।

प्रवक्ता डा गौतमका अनुसार हालसम्म देशका ७२ जिल्लामा संक्रमण देखिएको छ।

सुर्खेत । बुधबार बिहान कालिकोटको लालीघाटमा एक टिपर दूर्घटनामा पर्यो । दूर्घटनामा २ जनाको घटनास्थलमै ज्यान गयो । कयौं बगे । बगेका मध्ये ८ जना घाइते अवस्थामा उद्दार भयो । २ जना अझै वेपत्ता छन् । टिपरमा ३९ जना यात्रु चढेका थिए । उनीहरु सबै भारतबाट मजदुरी गरी कोरोना भाइरसको सन्त्रासका बीच घर फर्किएका मजदुर थिए ।

टिपरमा दुधे बच्चादेखि महिला तथा बालबालिका समेत थिए । प्रहरीका अनुसार यो दूर्घटनामा यात्रु र सवारी चालक दुबैले सवारी अनुसन्धानको गम्भीर उल्लंघन गरेको पाइएको छ । दुर्घटनामा टिपर चालकको भूमिका थियो । अर्थातः चालकले जानाजान टिपर नदीमा हुलेका थिए । आफु भने भागेका थिए ।

यो अवस्था आउनुमा भने यात्रु र चालकबीचको झगडा भएको पाइएको छ । यात्रुसँग चालकको हात हालाहालसम्मको झगडा भएको प्रहरीले बताएको छ । तर, त्यसपछि गाडी चलाएका चालकले टिपरको स्टार्ट बन्द नगरी छोडेपछि टिपर खोलामा खसेको थियो ।

ठाउँ बाटोमा अति कोचाकोच गरेर जाँदा बालबालिकालाई गाह्रो भएको गुनासो यात्रुले गरेका थिए । तर, चालकले नमानेपछि यात्रु हातपातमै उत्रिएका थिए । प्रहरीका अनुसार अनुसार टिपर कर्णाली करिडोरस्थित सडकबाट करिब ३० मिटर तल नदीमा खसेको छ ।

चल्दाचल्दैको टिपर छाडेर भागेका चालक रास्कोट–८ का रंगनाथ धमाला प्रहरीको नियन्त्रणमा छन् । उनीलाई कालिकोटकै सान्नीगाडबाट पक्राउ गरिएको हो । धेरै मानिसलाई एउटै टिपरमा कोचाकोच गर्न खोजिएपछि विवाद भएको यात्रुले बताएका छन् ।

भारतबाट आएका १३ महिला र २६ पुरुषलाई लालीघाट क्वारेन्टाइनमा राख्न टिपरमार्फत ओसारिएको हो । यस दूर्घटनामा गम्भीर घाइते २ जनालाई नेपाली सेनाको हेलिकप्टरबाट सुर्खेत लगिएकामा त्यहाबाट काठमाडौं रिफर गरिएको छ । उनीहरुको काठमाडौंमा उपचार भइरहेको छ ।

घटनास्थलमा कर्णाली प्रदेशका मुख्यमन्त्री महेन्द्रबहादुर शाही नै पुगेका थिए । दुर्घटनामा मृत्यु हुनेमा रास्कोट नगरपालिका–२ का २१ वर्षीया शर्मिला सार्की र २१ वर्षीया ठम्की साार्की छन ।

काठमाडौं । नेपालमा पछिल्लो २४ घण्टामा थप ९० जना कोरोना संक्रमणमुक्त भएका छन्।

स्वास्थ्य तथा जनसंख्या मन्त्रालयले दिएको जानाकारी अनुसार जनकपुरस्थित अस्पतालबाट ३७ जना, सिराहाबाट २० जना र दाङमा उपचार गराइरहेका ७ जना संक्रमणमुक्त भएर घर फर्किएका छन्।

त्यस्तै कोशी अस्पताल विराटनगरबाट ६ जना, काठमाडौंको बलम्बुस्थित अस्पतालबाट १ जना, कर्णाली स्वास्थ्य विज्ञान प्रतिष्ठानबाट १८ जना, बिपी कोइराला स्वास्थ्य विज्ञान प्रतिष्ठान धरानबाट १ जना निको भएर फर्किएका छन् ।

यीमध्ये २ महिला हुन् भने ८८ जना पुरुष हुन्। योसहित नेपालमा कोरोना संक्रमणमुक्त हुनेको संख्या ६७४ पुगेका छन्। हालसम्म १५ जनाको भने कोरोनाका कारण मृत्यु भएको मन्त्रालयले जानकारी दिएको छ।

काठमाडौं । नेपालमा थप २७९ जनामा कोरोना भाइरसको संक्रमण देखिएको छ। पछिल्लो २४ घण्टामा देशका विभिन्न प्रयोगशालामा गरिएको परीक्षणका क्रममा थप २७९ जनामा कोरोना भाइरसको संक्रमण पोजेटिभ देखिएको हो।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार आज थपिएका २७९ सहित नेपालमा संक्रमितको संख्या ४ हजार ३ सय ६४ पुगेको छ। संक्रमित मध्ये ४ हजार ५५ जना पुरुष र ३ सय ९ जना महिला छन्।

नेपालमा हालसम्म ६७४ जना उपचारपछि निको भएका छन्। पछिल्लो २४ घण्टामा ९० जना डिस्चार्ज भएका हुन्।

हालसम्म देशका ७२ जिल्लामा संक्रमण देखिएको छ।

काठमाडौं । पछिल्लो समय नेपालमा ऋंखलावद्ध रुपमा आपराधिक घटनामा वृद्धि भएको छ । सोमबार राती रुपन्देहीमा ५ जनाको सामुहिक हत्या भएको भोलीपल्ट ललितपुर र धनुषामा समेत एक\एक गरी राती दुई जनाको हत्या भएको प्रहरीले जनाएको छ ।

मंगलबार राती ललितपुरको गोदावरी नगरपालिका, टौखेलमा एक जना युवक मृत भेटिएका छन् । उनी फ्रेस हाउस सञ्चालक भएको प्रहरीले जनाएको छ । २५ वर्षीय अमित शाहीको घाटी र हातमा गहिरो चोट देखिएको छ । घटनास्थलमा मासु काट्ने हतियार भेटिएको भन्दै प्रहरीले हत्यामा सोही हतियार प्रयोग भएको हुन सक्ने आंशका समेत गरेको छ ।

घटनामा बुधबार बिहानसम्म कुनै पनि व्यक्ति पक्राउ भने परेका छैनन् । उता, धनुषामा समेत गतराती एक युवकको हत्या भएको छ । घरमै रहेका वेला राती घर बाहिर लगि गोली हानिएको प्रहरीले जनाएको छ ।

सबैला नगरपालिका–७ मका २५ वर्षीय अरुण मण्डललाई घर बाहिर बोलाएर हत्या गरिएको हो । परिवारका अनुसार घरमा चिनजान भएकै व्यक्तिले उनलाई घर बाहिर बोलाएका थिए । घटनाबारे थप अनुसन्धान जारी रहेको प्रहरीले बताएको छ ।

काठमाडौं । प्रधानमन्त्री केपी शर्मा ओलीले आज संसदमा सम्बोधन गर्ने भएका छन् । प्रतिनिधि सभा बैठक बिहान ११ बजे बजेका लागि डाकिएको छ ।
सांसदहले उठाएका बिभिन्न सन्दर्भको जवाफ प्रधानमन्त्रीले दिने भएका छन् ।

संसद सचिवालयको बुधबारको सम्भावित कार्यसूचीमा प्रधानमन्त्री कार्यालय, राष्ट्रिय योजना आयोग, राष्ट्रपति कार्यालय, उपराष्ट्रपति कार्यालयका बिभिन्न शीर्षकहरुमाथिको छलफलमा उठेका प्रश्नको जवाफ प्रधानमन्त्रीबाट दिने उल्लेख छ ।

काठमाडौं । भारतीय अतिक्रमणमा परेको लिम्पियाधुरा, कालापानी तथा लिपुलेक क्षेत्रमा नेपालको अधिकार स्थापित गर्ने सन्दर्भमा प्रतिनिधिसभामा सर्वदलीय सहमति जुटेको छ । मंगलबार संसदबाट लिम्पियाधुरासहित भूभाग समेटेर तयार पारिएको नयाँ राजनीतिक नक्साअनुसार निशान छाप परिवर्तन गर्न सरकारले ल्याएको संविधान संशोधन विधेयकलाई विचार गरियोस् भन्ने प्रस्ताव सर्वसम्मतले पास समेत भएको छ ।

सत्तारुढ नेपाल कम्युनिस्ट पार्टी (नेकपा), विपक्षी नेपाली कांग्रेस र जनता समाजवादी पार्टीसहित संसदमा उपस्थित सबै दलका सांसद विधेयकको पक्षमा उभिएपछि विधेयक सर्वसम्मतिले पास भएको अब अब यसले संविधान संशोधन प्रक्रिया अगाडी बढाउने बाटो समेत खुलेको छ ।

संसदको तेस्रो ठूलो दलका रुपमा रहेको जनता समाजवादी पार्टीले संसदमा संविधान संशोधनसम्बन्धी अर्को प्रस्ताव पेश गरेको भएपनि नक्सासम्बन्धी संशोधन विधेयकको भने पक्षमा रहेको बताएको छ । आफूहरुको राष्ट्रियतामाथि शंका नगर्न समेत उनले आग्रह गरे ।

सरकारले जेठ ७ मा लिम्पियाधुरा, कुटी, गुञ्जी, नावीसहितको भूभाग समेटेर नेपालको नयाँ राजनीतिक तथा प्रशासनिक नक्सा सार्वजनिक गरेको थियो । जेठ ९ मा नक्सा संशोधनसँग सम्बन्धी संविधानको निशान छाप परिवर्तन गर्न संशोधन विधेयक संसद सचिवालयमा दर्ता गरिएको हो । जेठ १९ मा विधेयक प्रतिनिधि सभामा प्रस्तुत भयो । सोही दिन सर्वसाधारणको जानकारीका लागि नेपाल राजपत्रमा समेत प्रकाशित गरिएको हो ।

जेठ २०मा सर्वसाधारणको जानकारीका लागि सरकारी पत्रिका गोरखापत्रमा समेत प्रकाशित गरिएको थियो । आज जेठ २७ मा विधेयकका सम्बन्धमा प्रतिनिधि सभामा सैद्धाान्तिक छलफल भएको हो । मंगलबार प्रतिनिधि सभामा विधेयकमाथि सैद्धान्तिक छलफल सकेर विचार गरियोस् भन्ने प्रस्ताव सर्वसम्मत पास भएको हो ।

अब सांसदहरुले ७२ घण्टाभित्र यस प्रस्तावमा संशोधन हाल्न सक्ने भएका छन् । प्राप्त संशोधनमाथि छलफल गरेर विधेयक पारितको प्रक्रियामा जानेछ । यहि प्रक्रिया राष्ट्रिय सभामा समेत चल्छ । त्यो प्रक्रिया पूरा भएपछि दुबै सदनले पास गर्नुपर्छ । त्यसपछि प्रमाणिकरणका लागि राष्ट्रपति समक्ष पठाइन्छ । प्रमाणिकरण भएपछि लिम्पियाधुरा नेपालको संविधानको अनुसूचीमा समेटिन्छ ।

काठमाडौं। पछिल्लो २४ घण्टामा देशभरका विभिन्न आइसोलेसनबाट ९६ जना कोरोना संक्रमित डिस्चार्ज भएका छन् । धरानबाट झापाका २८ पुरुष, ,दाङबाट बर्दियाका ४ पुरुष र जिल्ला अस्पताल दैलेखबाट १ महिला कोरोना संक्रमण निको भएका छन्।

जनकपुरबाट ६ महिलासहित २६ जना पुरुषहरु डिस्चार्ज भएका छन्।
बाँके कोहलपुर २२ जना र राप्तिसोनारी आइसोलेसनबाट ७ जना डिस्चार्ज भएका छन्।

धरानबाट झापाका २८ पुरुष, दाङबाट बर्दियाका ४ पुरुष र जिल्ला अस्पताल दैलेखबाट १ महिला कोरोना संक्रमण निको भएका छन्। काठमाडौंबाट एक महिला डिस्चार्ज भएकी छन्।

हलसम्म देशभरबाट कोरोना संक्रमण भई उपचार पछि निको हुनेको संख्या ५८४ जना पुगेको छ। जसमध्ये ५०७ र महिला ७७ रहेका छन्।

काठमाडौं । नेपालमा पछिल्लो २४ घण्टामा थप ३ सय २३ जनामा कोरोना भाइरस संक्रमण पुष्टि भएको छ ।

देशका विभिन्न प्रयोगशालामा गरिएको परीक्षणमा थप ३ सय २३ जनामा कोरोना संक्रमण पुष्टि भएको हो । यससँगै नेपालमा कुल संक्रमितको संख्या ४ हजार ८५ पुगेको छ ।

यसैगरी निको भएर घर फर्कनेहरुको संख्या पनि ५सय ८४ पुगेको छ । कोरोना संक्रमणबाट नेपालमा १५ जनाले ज्यान गुमाएका छन् ।

बुटवल । रुपन्देहीमा एक निर्मम हत्याकाण्ड बाहिर आएको छ । रुपन्देहीको तिलोत्तमा नगरपालिका–१० मा ५ जनाको सामुहिक हत्या भएको हो । प्रहरीले एक जनालाई पक्राउ गरेको छ । पक्राउ पर्नेमा सुर्खेतका झसेन्द्र सिंजाली छन् । उनलाई गाउँलेले पक्राउ गरी प्रहरीमा बुझाएको बताइएको छ । गाउँलेले पक्राउ गर्दा अचेत बनेका उनको तिलोत्तमास्थित प्रिन्सन अस्पताल उपचार भइरहेको छ ।

यो घटना स्थानीय एक गाई फार्ममा भएको हो । यस फार्ममा ६ जना कार्यरत थिए । एक जनाले अन्य ५ जनाको हत्या गरेको र घटनाबारे अनुसन्धान जारी रहेको प्रहरीले बताएको छ । घटनामा माधव मुसहर, जानकी मुसहर, पोखराज मुसहर, करण चौधरी र आशिष चौधरीको निर्मम हत्या भएको छ ।

उनीहरुको शव पोष्टमार्टम गर्न अस्पताल पठाइएको छ । प्रहरीका अनुसार आरोपित सिंजाली लागु औषधी प्रयोगकर्ता समेत भएको बताइएको छ । यद्दपी प्रहरीले घटनाको विस्तृत विवरण भने सार्वजनिक गरिसकेको छैन । हत्या सोमबार राती भएको हो ।

काठमाडौं । रुकुममा ६ जनाको ज्यान जाने गरी भएको घटना छानबिन तथा अनुसन्धानका लागि संसदीय विषेश समिति गठन भएको छ । प्रतिनिधिसभाको सोमबारको बैठकले नेकपाका सांसद देवेन्द्र पौडेलको संयोजकत्वमा ९ सदस्यीय संसदीय विशेष समिति गठन गर्ने निर्णय गरेको हो ।

‘चौरजहारी नगरपालिका, सोती घटना छानविन समिति’का नाममा गठित यो समितिले एक महिनाभित्र प्रतिवेदन बुझाउने सभाुमख अग्नी प्रसाद सापकोटाले जानकारी दिए । उनका अनुसार सांसदहरु एकवाल मिया, दुर्गा पौडेल, पार्वती विसुंखे, विमला विश्वशकर्मा, महेश्वरजंग गहतराज, मीन बिश्वकर्मा, रामसहायप्रसाद यादव र प्रकास रसाइली समितिमा सदस्य रहेका छन् ।

संसदमा प्रतिनिधित्व गर्ने दलित समुदायका सांसद तथा प्रमुख प्रतिपक्षी दल नेपाली कांग्रेसले रुकुम घटनाको छानबिनका लागि उच्चस्तरिय संसदीय समितिको माग गरिरहेका थिए । यो घटनाबारे गृह मन्त्रालयले समेत अनुसन्धान गरिरहेको छ ।

चौरजहारी घटना गैरजातिय विवाहको मामलाका कारण भएको दलित समुदायको दावि छ । उता, रुकुमका स्थानीय भने लकडाउनको समयमा ठूलो समूहमा युवा गाउँ छिरेपछि प्रतिकार गर्दा घटना भएको दावि गर्छन् । यस घटनामा नवराज विकसहत ६ जना जाजरकोटका युवा मारिएका थिए ।

दलित युवाले मल्ल थरकी युवतीसँग विवाह गर्न खोज्दा उक्त घटना भएको हो । जेठ १० मा रुकुम घटनामा दलित युवा पक्षका मानिसमाथि केटी पक्षका मान्छेबाट भएको आक्रमणमा ६ जना मारिएका हुन् । घटनामा नवराज विक, गणेश बुढामगर, टीकाराम नेपाली, लोकेन्द्र सुनार, गोविन्द शाही र सञ्जु विकको ज्यान गएको थियो ।

काठमाडौं सोमबार थप २१ जना डिस्चार्ज भएका छन्। स्वास्थ्य तथा जनसंख्या मन्त्रालयका प्रवक्ता प्रवक्ता डा. जागेश्वर गौतमको अनुसार बाँकेबाट २० जना र काठमाडौंको बलम्बु अस्पतालबाट एकजना महिलाले कोरोना जितेर डिस्चार्ज भएका हुन् । योसहित निको हुनेको संख्या ४८८ पुगेको छ।

प्रवक्ताका अनुसार निको हुनेमा पुरुष ४१९ र महिला ६९ छन्।

काठमाडौं । नेपालमा थप ३ सय १४ जनामा कोरोना भाइरस कोभिड १९ संक्रमणको पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशका बिभिन्न भागमा सय संख्यामा संक्रमित थपिएका हुन् । थपिनेमा २ सय ९४ पुरुष र २० महिला छन् ।

योसंगै नेपालमा संक्रमितको कुल संख्या ३ हजार ७ सय ६१२ पुगेको छ । यसैगरी निको भएर घर फर्कनेहरुको संख्या पनि ४ सय ८८ पुगेको छ । जस्मा पुरुष ४ सय १९ र महिला ६९ जना छन् ।