Category: अर्थतन्त्र

काठमाडौं । मौद्रिक नीतिको अर्धवार्षिक समीक्षापछि लगातार ओरोलो लागेको शेयर बजार दोहोरो अंकको बढेको छ ।

साताको कारोबारको तेस्रोदिन शेयर बजार मापक सूचक(नेप्से) ३३.५७ अंकले बढेर २०८०.३८ विन्दुमा पुगेको हो ।

नेपाल स्टक एक्सचेन्जका अनुसार बुधवार २६९ कम्पनीको १ अर्ब ८० करोड ३२ लाख ८२ हजार १८० रुपैयाँ बढीको ४७ लाख ७९ हजार ७९६ कित्ता शेयर किनबेच भएको छ ।

अघिल्लो दिनको तु्लनामा कारोबार रकम घटेको छ । सोमबार कम्पनीको १ अर्ब ९४ करोड ७६ लाख २३ हजार ९९३ रुपैयाँ बराबरको कारोबार भएको थियो ।

आज कारोबारमा आएका १३ वटा उपसमूह मध्ये माइक्रोफाइनान्स, व्यापार र म्युचुअल फण्ड बाहेक अरु सबै समूहको परिसूचकमा हरियाली छाएको छ । हाइड्रोपावर समूह सबैभन्दा धेरै ३.८५ प्रतिशतले बढेको छ ।

दोहोरो अंकले बढेको बजारमा आज लिबर्टी इनर्जीको शेयर मूल्यमा पोजेटिभ सर्किट लागेको छ । यसका सेयरधनीले करिब १० प्रतिशत कमाएका छन् ।

त्यसैगरी, छ्याङ्दी हाइड्रोपावर ९.५६, दोर्दीखोला विद्युत् ९, पिपुल्स पावर ८.४०, रिभर फल्स पावर ७.८०, बरुण ७.७५, एनएमबी बैंक, दिव्यश्वरी हाइड्रोपावर, ङादी ग्रुप ७ प्रतिशत र हिमालयन पावरको शेयर मूल्य साढे ६ प्रतिशतले बढेको छ ।

आज हिमालयन डिस्ट्रीलरीको सर्वाधिक कारोबार भएको छ । यसको १३ करोड रुपैयाँ बढीको शेयर किनबेच भएको छ । त्यस्तै, जीवन विकास लघुवित्तको पौने ५ करोड र ग्लोबल आइएमई बैंकको साढे ४ करोड बढीको कारोबार भएको छ ।

काठमाडौं । कर्मचारीलाई तलब समेत खुवाउन नसकेपछि उडान सुरक्षासँग जोडेर नेपाल नागरिक उड्डयन प्राधिकरणले गुण एयरलाइन्सलाई अनिश्चितकालका लागि उडानमा प्रतिबन्ध लगाएको छ ।

आर्थिक संकटबाट जुधिरहेको कम्पनीले सेवा दिंदा कर्मचारीको मनोविज्ञान सुरक्षामैत्री हुन नसक्ने देखिएकाले ७ वटै विमानलाई सोमबारदेखि नै उडान भर्न नदिने निर्णय गरेको हो ।

यद्यपि गत बुधबारदेखि नै गुणका उडान बन्द थिए । कम्पनीले सबै कर्मचारीको बक्यौता तलब भुक्तान गरेको र थप तलब सुविधा प्रदान गर्न समस्या नभएको पत्र पठाएपछि प्राधिकरणले अनुगमन गरेर प्रतिबन्ध हटाउने बताएको छ ।

काठमाडौं । शेयर बजारमा एकसाता देखि लगातार दोहोरो अंकको घटेको छ । राष्ट्र बैंकले चालु आर्थिक वर्षको मौद्रिक नीतिको अर्धवार्षिक समीक्षामा लगानीकर्ताले शेयर धितो कर्जामा लगाइएको १२ करोडको सीमा हटाउन र जोखिमभार घटाउन माग गरे पनि सुनुवाई नगरेपछि नेप्से लगातार घटेको हो ।

साताको कारोबारको पहिलोदिन शेयर बजार मापक सूचक(नेप्से) २३.६०अंकले घटेर २०४६.८१ विन्दुमा पुगेको हो ।

नेपाल स्टक एक्सचेन्जका अनुसार सोमवार २५८ कम्पनीको १ अर्ब ९४ करोड ७६ लाख २३ हजार ९९३ रुपैयाँ बढीको ६० लाख ९१ हजार ३५३ कित्ता शेयर किनबेच भएको छ ।

अघिल्लो दिनको तु्लनामा कारोबार रकम बढेको छ । विहीबार १ अर्ब ६८ करोड रुपैयाँ बढीको कारोबार भएको थियो ।

काठमाडौं । परिस्थितिजन्य कारणले ऋण तिर्न नसकेका ऋणीलाई संस्थाको ग्राहक संरक्षण कोषको रकमबाट आवश्यक व्यवस्थापन गर्न उपप्रधान तथा अर्थमन्त्री विष्णु पौडेलले लघुवित्त वित्तीय संस्थालाई निर्देशन दिएका छन् । लघुवित्त क्षेत्रको अवस्थाबारे बुधबार नेपाल राष्ट्र बैंक, लघुवित्त बैंकर्स संघ र अर्थ मन्त्रालयबीच भएको छलफलपछि अर्थमन्त्री पौडेलले यस्तो निर्देशन दिएका हुन । बैठकमा अर्थमन्त्री पौडेलले त्यस्ता ऋणीको विवरण एक महिनाभित्र तयार पारी व्यवस्थापन गर्न निर्देशन दिएका थिए ।

अब वार्षिक १.५ प्रतिशतभन्दा बढी सेवा शुल्क नलिन पनि लघुवित्तहरूले सहमति जनाएका छन् । अर्थ मन्त्रालयले जारी गरेको विज्ञप्तिमा ग्राहकले एउटा लघुवित्त संस्थाभन्दा धेरैबाट कर्जा लिन नपाउने व्यवस्था गर्ने सम्बन्धमा पनि त्रिपक्षीय सहमति भएको उल्लेख छ ।

लघुवित्त वित्तीय संस्थाको सबैभन्दा ठूलो समस्या भनेकै बहुबैंकिङ (एउटै व्यक्तिले एकभन्दा बढी संस्थाबाट ऋण लिने) हो । क्षमता मूल्यांकन नगरी एउटै व्यक्तिलाई धेरै संस्थाले ऋण प्रवाह गर्दा ऋणी ऋण तिर्न नसक्ने अवस्थामा पुगेका छन् । छलफलमा अर्थमन्त्री पौडेलले बहुबैंकिङको समस्या समाधान गर्न राष्ट्र बैंकलाई निर्देशन दिएको स्रोतले बताएको छ । अर्थमन्त्रीको निर्देशनपछि राष्ट्र बैंकका डेपुटी गभर्नर बमबहादुर मिश्रले हालका लागि एक व्यक्तिले एउटा संस्थाबाट मात्र ऋण लिन पाउने व्यवस्था गरिने आश्वासन दिएका थिए ।

छलफलमा लघुवित्त वित्तीय संस्थाले नियमविपरीत लिएको सेवा शुल्कबापतको करिब १ अर्ब ६० करोड रुपैयाँ एक साताभित्र फिर्ता गर्ने सहमति जनाएका छन् । यो ती संस्थाहरूले राष्ट्र बैंकको निर्देशनविपरीत बढी सेवाशुल्कमार्फत ग्राहकबाट असुली गरेको रकम हो । गत आर्थिक वर्षको वार्षिक साधारणसभाका लागि अनुमति दिँदा गत पुसअघि नै राष्ट्र बैंकले लघुवित्त वित्तीय संस्थाहरूलाई नियमविपरीत सेवाशुल्कमार्फत असुली रकम फिर्ता गर्ने प्रतिबद्धता गराएको छ । सोही रकम एक साताभित्र फिर्ता गर्न अर्थमन्त्री पौडेलले निर्देशन दिएका हुन् ।

वित्तीय संस्थाले अर्थतन्त्र, रोजगारी, कर, वित्तीय साक्षरता र सामाजिक क्षेत्रमा गरेको योगदान तथा यस क्षेत्रमा देखापरेका समस्या समाधानबारे अध्ययन गरेर प्रतिवेदन पेस गर्न पनि अर्थमन्त्री पौडेलले नेपाल राष्ट्र बैंकलाई निर्देशन दिएका छन् । छलफलमा अर्थ मन्त्रालयका सचिव तोयम राया, नेपाल राष्ट्र बैंकका कार्यकारी निर्देशक प्रकाशकुमार श्रेष्ठ, अर्थ मन्त्रालयका सहसचिव झक्कप्रसाद आचार्य, नेपाल लघुवित्त बैकर्स संघका अध्यक्ष प्रकाशराज शर्मा, लघु वित्त संघ नेपालका अध्यक्ष जगत पोखरेललगायत सहभागी थिए ।

काठमाडौं । शेयर बजारमा दोहोरो अंकको घटेको छ । साताको कारोबारको दोस्रोदिन शेयर बजार मापक सूचक(नेप्से) १६.४० अंकले घटेर २१०५.४६ विन्दुमा पुगेको हो ।

नेपाल स्टक एक्सचेन्जका अनुसार मंगलवार २५५ कम्पनीको १ अर्ब ७८ करोड ७० लाख १६ हजार ३७२ रुपैयाँ बराबरको ४६ लाख ८५ हजार ८०९ कित्ता शेयर किनबेच भएका छन् ।

आज कारोबारमा आएका १३ वटा उपसमूहमध्ये उत्पादनमूलक बाहेक अरु सबैको परिसूचक राताम्मे भएको छ । लगानी समूह सबैभन्दा धेरै १.०२ प्रतिशतले घटेको छ ।

दोहोरो अंकले घटेको बजारमा आज बाराही हाइड्रोपावरका शेयरधनीले सबैभन्दा धेरै ५.०७ प्रतिशत गुमाएका छन् ।

लक्ष्मी लघुवित्त, सामुदायिक लघुवित्त, ग्रीन डेभलपमेन्ट बैंकको शेयर मूल्य साढे ३ प्रतिशतले घटेको छ भने सबैको लघुवित्त, आशा लघुवित्त, राष्ट्र उत्थान लघुवित्त, किसान लघुवित्त र युनाइटेड लघुवित्तको शेयरमूल्य ३ प्रतिशतले घटेको छ ।

आज हिमालयन डिस्ट्रीलरीको सर्वाधिक कारोबार भएको छ । यसको झन्डै पौने ८ करोड रुपैयाँको शेयर किनबेच भएको छ । त्यस्तै, ङादी पावर साढे ७ करोड र एनआइसी एशिया बैंक पौने ७ करोड बढीको कारोबार भएको छ ।

काठमाडौं । नेपाल राष्ट्र बैंकले अब अनुमतिबिना सेवाग्राहीसँग सेवा शुल्क लिएमा सो सेवा शुल्कमा १० प्रतिशत थपेर बैंक तथा वित्तीय संस्थाले आफ्ना ग्राहकलाई फिर्ता दिनुपर्ने व्यवस्था गरेको छ ।

राष्ट्र बैंकले बैंक तथा वित्तीय संस्थाले ग्राहकको अनुमतिबिना सेवा दिएर शुल्क लिएमा गुनासो गर्न सेवाग्राहीलाई आग्रह गरेको छ । अब बैंक तथा वित्तीय संस्थाहरुले ग्राहकको अनुमतीबिना एकतर्फी रुपमा सेवाशुल्क लिन नपाउने भएका छन् ।

नेपाल राष्ट्र बैंकले ग्राहकको गुनासोलाई मध्येनजर गर्दै यस्तो व्यवस्था गरेको हो । पछिल्लो समय बैंक तथा वित्तीय संस्थाहरुले ग्राहकको अनुमति नै नलिई मोबाइल बैंकिङ, एसएमएस बैंकिङ जस्ता सेवामा शुल्क लिएकाे भन्ने गुनासो बढेसँगै यस्तो व्यवस्था गरेको हो ।

यसरी दर्ता गरिएको गुनासोमा सम्बन्धित संस्थाले सुनवाई नभए राष्ट्र बैंकको वित्तीय ग्राहक संरक्षण इकाइमा जानकारी गराउन राष्ट्र बैंकले भनेको छ ।

काठमाडौं । यातायात संगठनका मजदुरले सार्वजनिक यातायात बन्द र आन्दोलनका कार्यक्रम फिर्ता लिएका छन्। मंगलबार उपप्रधान, भौतिक पूर्वाधार तथा यातायात मन्त्री नारायणकाजी श्रेष्ठसंग वार्तापछि बन्द फिर्ता लिन सहमत भएका हुन्।

यातायात व्यवस्था विभागका महानिर्देशक तुलसीनाथ गौतमको संयोजकत्वमा अहिले यातायात क्षेत्रमा देखिएका समस्याहरु समाधानका लागि कमिटी बनेको छ।

उक्त कमिटीले मंगलबारबाटै काम थाल्ने र यहि फागुन ११ गतेभित्र प्रतिवेदन दिनेछ। उक्त प्रतिवेदन तत्कालै कार्यान्वयनमा लैजाने सहमति हुन लागेको बताइएको छ।

यातायात मजदुरहरुले बढाइएको ट्राफिक प्रहरीको जरिवाना खारेज लगायत १० बुँदे माग राखेर सोमबारदेखि आन्दोलन गरेका थिए ।

काठमाडौं । शुभम पावर लिमिटेडको प्राथमिक साधारण सेयर (आइपीओ) बाँडफाँड भएको छ । कम्पनीको सेयर निष्काशन तथा विक्री प्रबन्धक मुक्तिनाथ क्यापिटल आज बिहान आइपीओ बाँडफाँड गरेको हो ।

क्यापिटलका अनुसार गोलाप्रथाबाट ४८ हजार १८६ जनाले १० कित्ताका दरले सेयर हात पारेका छ भने २ जनाले ११ कित्ताका दरले सेयर पाएका छन् । साढे १२ लाख बढीको हात रित्तो भएको छ ।

कम्पनीले माघ १८ गतेदेखि सर्वसाधरणका लागि विक्रीमा ल्याएको प्रतिकित्ता १०० रुपैयाँ दरले ४ करोड ८१ लाख ८२ हजार २०० रुपैयाँ बराबरको ४ लाख ८१ हजार ८२२ कित्ता आइपीओ विक्रीमा ल्याएको थियो ।

कहाँबाट हेर्ने रिजल्ट ?

कम्पनीको आइपीओको रिजल्ट ३ ठाउँबाट हेर्न सकिने छ । लगानीकर्ताले https://iporesult.cdsc.com.np/ मा गएर १६ अंकको डिम्याट नम्बर हालेपछि सजिलै हेर्न सक्नेछन् ।

यसैगरी, विक्री प्रबन्धक मुक्तिनाथ क्यापिटलको वेबसाइट र शुभम पावरको वेबसाइटबाट पनि नतिजा हेर्न सकिने छ । यद्यपि, भर्खरै मात्र आइपीओ बाँडफाँड भएकाले नतिजा आउन केही समय लाग्ने जनाइएको छ ।

काठमाडौं । शेयर बजारमा दोहोरो अंकको बढेको छ । साताको कारोबारको अन्तिमदिन शेयर बजार मापक सूचक(नेप्से) १२.४३ अंकले बढेर २१८२.६१ विन्दुमा पुगेको हो, छ ।

नेपाल स्टक एक्सचेन्जका अनुसार बिहीवार २५७ कम्पनीको २ अर्ब ६ करोड २० लाख ५८ हजार ७४९ रुपैयाँ बराबरको ५६ लाख ४८ हजार २१२ कित्ता शेयर किनबेच भएका छन् ।

अघिल्लो दिनको तुलनामा कारोबार रकम घटेको छ । बुधवार ३ अर्ब ६९ करोड १९ लाख ७२ हजार ८१७ रुपैयाँ बराबरको कारोबार भएको थियो ।

आज कारोबारमा आएका १३ वट उपसमूहमध्ये एकवटाको बाहेक अरु सबै उपसमूहको परिसूचक बढेको छ । आज अपी पावर कम्पनीको सर्वाधिक कारोबार भएको छ ।

यस्तै, आज सबैभन्दा धेरै बारही हाइड्रोपावर कम्पनीको शेयरधनीले कमाएका छन् भने नबिल ब्यालेन्स्ड फण्ड-३ का सेयरधनीले सबैभन्दा बढी गुमाएका छन् ।

यसको ५ करोड ८६ लाख रुपैयाँ बढीको शेयर किनबेच भएको छ । त्यस्तै, नविल बैंकको ५ करोड ७३ लाख र ङादी ग्रुप पावर झन्डै ५ करोड ३३ रुपैयाँको कारोबार भएको छ ।

काठमाडौं । उचित बजार मूल्य नपाएको भन्दै झापाका किसानले बिर्तामोडको मुक्ति चोकमा अण्डा र कुखुरा फालेर विरोध प्रदर्शन गरेका छन् ।

मंगलबार उचित बजार नपाएको भन्दै किसानहरुले अण्डा र कुखुरा सडकमा फालेर विरोधसँगै सरकारको ध्यानाकर्षण गराएका हुन् ।

सरकारले कृषि कर्मममा लागेका किसानहरुको मर्म नबुझेको भन्दै बाध्य भएर आफूहरु सडकमा उत्रिनु परेको उनीहरुको दुःखेसो छ ।

बढ्दो ब्याज, महँगीका कारणले देशभरका किसानहरु मारमा परेको भन्दै प्रदर्शनमा सहभागी किसानहरुले यो प्रतिनिधिमुलक आन्दोलन भएको र यसमा झापाका सबै किसानको समर्थन रहेको बताएका छन् ।

काठमाडौं । शेयर बजारमा उच्च अंकले बढेको छ । साताको कारोबारको तेस्रोदिन शेयर बजार मापक सूचक (नेप्से)७६.६४ अंकले बढेर २१७७.३४विन्दुमा पुगेको हो ।

नेपाल स्टक एक्सचेन्जका अनुसार मंगलवार २६० कम्पनीको ३ अर्ब ३६ करोड २२ लाख ६७ हजार ७८ रुपैयाँ बराबरको ९३ लाख ३३ हजार ७८८ कित्ता शेयर किनबेच भएका छन् ।

अघिल्लो दिनको तुलनामा कारोबार रकम बढेको छ । सोमवार १ अर्ब ४७ करोड ४१ लाख ६१ हजार ६४५ रुपैयाँ बराबरको कारोबार भएको थियो ।

आज कारोबारमा आएका १३ वटा उपसमूहका परिसूचकमा हरियाली छाएको छ । लगानी समूह सबभन्दा धेरै ६.२५ प्रतिशतले बढेको छ । त्यस्तै, हाइड्रोपावर, विकास बैंक र फाइनान्स समूह पनि ५ प्रतिशतभन्दा धेरैले बढेको छ ।

उच्च अंकले बढेको बजारमा ५ कम्पनीको मूल्यमा पोजेटिभ सर्किट लागेको छ । चार कम्पनीको शेयरमूल्य १० प्रतिशतले बढेको छ । १ कम्पनीको शेयरमूल्य ९.९८ प्रतिशत भन्दा बढीले बढेको छ ।

आदर्श लघुवित्त, बरुण हाइड्रोपावर, खानीखोला हाइड्रोपावर र राधी विद्युत् कम्पनीका शेयरधनीले ठ्याक्कै १० प्रतिशत कमाएका छन् । त्यसैगरी, रिडी पावर, ग्रीन भेन्चर र ङादी ग्रपको शेयर मूल्य पनि करिब १० प्रतिशतले बढेको छ ।

आज एनआइसी एशिया बैंकको सर्वाधिक कारोबार भएको छ । यसको झन्डै १३ करोड रुपैयाँ बढीको शेयर किनबेच भएको छ । त्यस्तै, ङादी ग्रुप ११ करोड र अपि पावर ९ करोड बढीको कारोबार हुँदै शीर्ष तीनमा रहे ।

काठमाडौं । नेपाल आयल निगमले इन्धनको मूल्य बढाएको छ । आज मध्यराति १२ बजेपछि लागु हुने गरी पेट्रोल र डिजेलरमट्टितिलको साविकको खुद्रा विक्री मूल्यमा प्रतिलिटर ३ रुपैयाँ मूल्य बढाएको हो । अब पेट्रोल प्रतिलिटर १७८ रुपैयाँ पुगेको छ भने डिजेल–मटितेलको मूल्य प्रतिलिटर १७५ पुगेको छ ।

हवाई इन्धन र खाना पकाउने ग्यासको खुद्रा विक्री मूल्य भने हाललाई यथावत् नै राखिएको आयल निगमले जनाएको छ । निगमले नेपाल सरकारको ऋण र इण्डियन आयल कर्पोरेसन लिमिटेडलाई फेब्रुअरी २०२२ मा तिर्नुपर्ने बक्यौता १६ अर्व ३० करोड रुपैयाँ रहेको दाबी गरेको छ ।

‘इण्डियन आयल कर्पोरेसन लिमिटेडको बक्यौता एवम् सरकारद्वारा उपलब्ध गराइएको ऋणको व्यवस्थापन गर्न निगमलाई अझै चुनौती नै रहेको अवस्था छ,’ निगमले विज्ञप्तिमा भनेको छ । १६ माघमा प्राप्त नयाँ खरिद मूल्यसूची बमोजिम पेट्रोलमा प्रतिलिटर ८.१ रुपैयाँ, डिजेलमा ७.९८ रुपैयाँ, मटितेलमा ४.६१ रुपैयाँ र हवाई इन्धनमा ७.८ रुपैयाँ मुल्य बढेर आएकाले मूल्यवृद्धि गर्नुपरेको निगमले बताएको छ ।

काठमाडौं । नेपालमा पछिल्लो ६ महिनामा रेमिट्यान्स आयातमा वृद्धि भएको छ । नेपाल राष्ट्र बैंकले सोमवार सार्वजनिक गरेको चालू आर्थिक वर्षको ६ महिनाको तथ्यांकले यस्तो देखाएको हो । समीक्षा अवधिमा विप्रेषण आप्रवाह २४.३ प्रतिशतले वृद्धि भई रु.५ खर्ब ८५ अर्ब ८ करोड पुगेको छ ।

अघिल्लो वर्षको सोही अवधिमा विप्रेषण आप्रवाह ५.० प्रतिशतले घटेको थियो । अमेरिकी डलरमा विप्रेषण आप्रवाह १३.९ प्रतिशतले वृद्धि भई ४ अर्ब ५० करोड पुगेको छ । अघिल्लो वर्ष यस्तो आप्रवाह ५.७ प्रतिशतले घटेको थियो ।

द्दण्। समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या ६४.६ प्रतिशतले वृद्धि भई २,७५,६४३ पुगेको छ । त्यसैगरी, वैदेशिक रोजगारीका लागि पुनः श्रम स्वीकृति लिने नेपालीको संख्या समीक्षा अवधिमा ९.५ प्रतिशतले वृद्धि भई १,४२,५४८ पुगेको छ । अघिल्लो वर्षको सोही अवधिमा यस्तो संख्या २९८.१ प्रतिशतले बढेको थियो ।

काठमाडौं । शेयर बजार झिनो अंकले बढेको छ । साताको कारोबारको पहिलोदिन शेयर बजार मापक सूचक (नेप्से)१.५४ अंकले बढेर २०९६.०८ विन्दुमा पुगेको हो ।

नेपाल स्टक एक्सचेन्जका अनुसार आइतवार २५८ कम्पनीको १ अर्ब ९३ करोड १७ लाख १९ हजार १०३ रुपैयाँ बराबरको ५२ लाख ६ हजार ३७० कित्ता शेयर किनबेच भएका छन् ।

अघिल्लो दिनको तुलनामा कारोबार रकममा घटेको छ । विहीवार २ अर्ब ९ करोड ६४ लाख १९ हजार १६१ रुपैयाँ बराबरको कारोबार भएको थियो ।

आज कारोबारमा आएका ५ वटा उपसमूहको परिसूचक राताम्मे भएको छन् भने अर बढेको छ । झिनो अंकले बढेको बजारमा १ कम्पनीको शेयर मूल्यमा पोजेटिभ सर्किट लागेको छ । आदर्श लघुवित्त कम्पनीको शेयरधनीले करिब १० प्रतिशत कमाएका छन् ।

काठमाडौं । नेपाल वायुसेवा निगमले आन्तरिक उडानमा इ–टिकेटिङ सुरू गरेको छ । निगमका अनुसार अब यात्रुले आन्तरिक र अन्तर्राष्ट्रिय दुवै उडानका टिकटका अनलाइनमार्फत काट्न सक्ने भएका छन्।

‘नेपाल वायुसेवा निगमले यात्रुहरूको सहजताका लागि हाललाई ई-सेवाबाट पूर्णरुपमा सर्वसुलभ हुने गरी आन्तरिक र अन्तर्राष्ट्रिय हवाई टिकट काट्न सक्ने प्रबन्ध गरेको छ,’ निगमद्वारा जारी विज्ञप्तिमा उल्लेख छ। निगमले आगामी दिनमा अन्य वालेट तथा वेवसाइटमार्फत् पनि टिकट काट्ने व्यवस्था मिलाइने बताएको छ।

निगमले दुर्गम/विकट क्षेत्रका जनतालाई आन्तरिक उडान सेवा प्रवाहको प्राथमिकतामा राखेको बताएको छ।

‘आन्तरिकतर्फ उडान हुने विमानको उपलब्ध सिट संख्या १९ भए पनि विमानको यात्रु बोक्ने क्षमतामा उडान गन्तव्यको मौसम, इन्धनको उपलब्धता, विमानको प्राविधिक क्षमता लगायतका विविध कारणहरूले प्रभाव पार्ने हुँदा बिक्री गर्न सकिने सिट संख्यामा स्वतः परिवर्तन हुने जानकारी गराइन्छ,’ जारी विज्ञप्तिमा भनिएको छ।

काठमाडौं । शेयर बजार दोहोरो अंकले घटेको छ । साताको कारोबारको अन्तिमदिन शेयर बजार मापक सूचक (नेप्से)२२.१२ अंकले घटेर २०९४.५४ विन्दुमा पुगेको हो ।

नेपाल स्टक एक्सचेन्जका अनुसार विहीवार २५७ कम्पनीको २ अर्ब ९ करोड ६४ लाख १९ हजार १६१ रुपैयाँ बराबरको ५८ लाख ९८ हजार ९०३ कित्ता शेयर किनबेच भएका छन् ।

अघिल्लो दिनको तुलनामा कारोबार रकममा बढेको छ । बुधवार १ अर्ब ७६ करोड ७० लाख ५१ हजार ९१६ रुपैयाँ बराबरको कारोबार भएको थियो ।

आज कारोबारमा आएका १३ वटा उपसमूहको परिसूचक राताम्मे भएको छ । घटेको बजारमा १ कम्पनीको शेयर मूल्यमा पोजेटिभ सर्किट लागेको छ । आदर्श लघुवित्त कम्पनीको शेयरधनीले करिब १० प्रतिशत कमाएका छन् ।