Category: स्वास्थ्य

काठमाडौं । नेपालमा शनिबार १ सय ९ जना व्यक्तिमा कोरोना संक्रमण भेटिएको छ । स्वास्थ्य तथा जनसंख्या मन्त्रालयले सार्वजनिक गरेको विवरण अनुसार देशभर ४ हजार ७५ नमुना परीक्षणबाट यो संख्यामा कोरोना भाइरसका संक्रमित फेला परेका हुन् । अब नेपालमा १८ हजार ४८३ जनामा कोरोना पुष्टी भएको छ । सरकारले देशभर लकडाउन खुला गरेको छ । यसले पुनः संक्रमणको डिग्राी भने उकालो लाग्न थालेको संकेत देखाएको छ ।

नेपालमा शनिबारसम्म ४५ जनाको मृत्यु भइसकेको छ । देशभरबाट १३ हजार ५३ जनाले कोरोनालाई पराजित गर्न सफल भएका छन् । शनिबार डोटीमा सबैभन्दा बढी १३ जना संक्रमित थप भएका छन् । सुर्खेत र सप्तरीमा ११\११ जना कोरोना पुष्टी भएको छ । पर्सामा ८, कपिलवस्तु र जाजरकोटमा ६\ ६ जना र दाङमा ५ जनामा कोरोना देखिएको छ ।

रौतहट, नवलपुर, पाल्पा र डडेलधुरामा ४\४ जना, बारा, गुल्मी, कालीकोट, दैलेख र बैचडीमा ३\ ३ जनामा कोरोना देखिएको छ । काठमाडौं, बाँके, बर्दिया, अछाम र मुगुमा २\ २ जना तथा झापा, खोटाङ, सर्लाही, चितवन, मकवानपुर, ललितपुर, अछाम, तनहुँ र हुम्लामा एक\एक जना कोरोना देखिएको मन्त्रालयको तथ्यांकमा उल्लेख छ ।

वीरगन्ज । स्थानीय प्रशासनले वीरगन्जमा आजबाट लागु हुने गरी अनिश्चितकालिन निषेधाज्ञा जारी गरेको छ । अब अत्यावश्यक काम नपरेसम्म घर बाहिर निस्कन पाइने छैन । वीरगन्जमा समुदायस्तरमा कोरोना फैलिएको छ । पछिल्लो तीन दिनयता कोरोना भाइरसका कारण यहाँ तीन जनाको ज्यान गइसकेको छ । जसले गर्दा स्थानीयमा चिन्ता बढेको छ ।

भारतबाट मानिसहरु अनाधिकृत प्रवेश गरेको र उनीहरुमा कोरोना पुष्टी भएपछि यहाँ समुदायस्तरमा कोरोना फैलिएको पुष्टी भएको छ । जिल्ला प्रशासन कार्यालयले शुक्रबार राजनीतिक दलहरुसँग छलफल गरेको थियो । त्यसपछि अर्को आदेश जारी नभएसम्मका लागि निषेधाज्ञा लगाउने निर्णय भएको हो । निषेधाज्ञा जारी भएको समयमा वीरगञ्ज महानगरपालिका क्षेत्रमा अत्यावश्यक स्वास्थ्य उपचारबाहेक अन्य काममा घर बाहिर निस्कन प्रतिबन्ध लागेको छ ।

महानगर क्षेत्रभित्रका सम्पूर्ण पसल र उद्योग व्यवसायसमेत बन्द भएका छन् । वीरगञ्जमा अन्य जिल्ला र भारतबाट आउन पूर्णप्रतिबन्ध लगाइएको छ । बिहारमा बढ्दो संक्रमणका बीच वीरगन्जमा जोखिम बढेको हो । निषेधाज्ञा लगाइएको समयमा मास टे्रस्टिङको काम समेत गरिने भएको छ । संक्रमितको सम्पर्कमा आएकालाई प्राथमिकतामा राखेर जोखिमपूर्ण स्थानमा पिसिआर गरिने भएको छ ।

वीरगन्ज । नेपालको बारा र पर्सा जिल्ला कोरोनाका इपिसेन्टर बनेको छ । पछिल्लो दुई दिनमा यहाँ कोरोना संक्रमणका कारण तीन जनाको ज्यान गइसकेको छ । कोरोना विशेष अस्पतालमा शुक्रबार दिउँसो मृत्यु भएकी युवतीमा कोरोना संक्रमण पुष्टि भएको छ । अब नेपालमा कोरोनाले मृत्यु हुनेको संख्या ४५ पुगेको छ । मृतक बारा परवानीपुर गाउँपालिका–४ घर भएकी १७ बर्षीया युवतीको पीसीआर रिपोर्ट पोजेटिभ आएको हो ।

नारायणी अस्पतालको प्रयोगशालामो पीसीआर विधिबाट गरिएको परीक्षणमा कोरोना पुष्टि भएको हो । आज प्रयोगशालामा गरिएको पीसीआर परीक्षणमा मृतक युवतीसहित नौ जनामा संक्रमण पुष्टि भएको हो । बुधबार नारायणी अस्पतालमा भर्ना भएकी युवतीको स्वास्थ्य अवस्था गम्भीर भएपछि वीरगञ्ज हेल्थ केयर अस्पताल लगिएको थियो ।

त्यहाँको आकस्मिक कक्षमा भर्ना गर्दा अवस्था गम्भीर देखिएपछि उनको र्‍यापिड डाइग्नोस्टिक टेस्ट भएको हो । उक्त टेस्टमा पोजेटिभ पाइएपछि उनको पिसिआर परीक्षण गरिएको हो । आरडीटी एन्टीबडी पोजेटिभ देखिएपछि कोरोना संक्रमणको आशंकामा उनलाई बिहीबार गण्डक कोभिड अस्थायी अस्पताल ल्याएर भर्ना गरिएको हो । शुक्रबार उनको मृत्यु भयो ।

काठमाडौं । काठमाडौंमा युवतीमाथि एसिड प्रहार गर्ने दुई जना पक्राउ परेका छन् । काठमाडौंको सीतापाइलामा युवतीलाई एसिड प्रहार भएको थियो । काठमाडौं प्रहरी परिसर र महानगरीय अपराध अनुसन्धान महाशाखाको संयुक्त टोलीले एसिड प्रहार गर्ने दुई जनालाई डल्लुबाटै पक्राउ गरेको छ । पक्राउ पर्नेमा रौतहटको लक्ष्मीपुर घर भई हाल डल्लु बस्ने मोहम्मद आलम र भारत घर भई डल्लुमा कालीगढको काम गर्ने मुन्ना मोहम्मद रहेको प्रहरीले जानकारी दिएको घ ।

घटना भएका दुई घण्टा भित्र उनीहरु पक्राउ पर्न सफल भएका छन् । आलमको आदेशमा उनका कामदार मुन्नाले युवतीको अनुहारमा एसिड छ्यापेको खुलेको छ । राजधानीको एक तारे होटेलमा काम गर्ने युवती र आलमबीच भने चिनजान भएको बताइएको छ । युवतीले आलम दाई जस्तो मान्ने गरेको भएपनि आलमले उनलाई मन पराउने गरेका थिए । युवतीले आफुलाई मन नपराएपछि उनलाई एसिड छ्यापेको बयान आलमले दिएका छन् ।

घरबाट दही किन्न बजार निस्किएकी उनलाई आलमले नै मोटरसाइकलमा राखेर पसलसम्म पुर्याएको खुलेको छ । त्यसपछि उनले योजना अनुसार आफ्ना कामदारलाई युवती फर्कदा एसिड छ्याप्न लगाएका थिए । बिहीबार साँझ डेराबाट दही किन्न भनेर निस्किएकी ओखलढुंगाकी २२ वर्षीया पवित्रा कार्कीमाथि एसिड प्रहार भएको हो ।

घटना हुनअगाडी आलमको मोवाइलबाट युवतिको मोवाइलमा दर्जनौं मिसकल आएको र सोही आधारमा प्रहरीले अनुसन्धान पनि उनीतर्फ नै मोडेको थियो । त्यसमा सिसिटिभी फुटेजको भिडियो उपयोगी सावित भएको हो । मोहम्मदको आग्रहअनुसार मुन्नाले युवतीमाथि रक्सीको बोतलमा राखेर एसिड प्रहार गरेका थिए । आफुले बोतलमा एसिड छ भन्ने पत्तै नपाएको बयान मुन्नाले दिएका छन् । आफ्नो हातमा समेत एसिड झरेर पोलेपछि मात्र एसिड भएको पत्ता पाएको उनले बताए ।

वीरगञ्ज । नेपालका कोरोना भाइरसको संक्रमणबाट थप एक जनाको निधन भएको छ । वीरगञ्ज–६ माईस्थानका एक व्यक्तिको कोरोना भाइरसका कारण ज्यान गएको हो । ७० वर्षका उनी ज्वरो आएपछि एक सातादेखि बिरामी थिए । मंगलबार निधन भएको उनको सोही दिन कोरोनाको नमुना संकलन गरिएको थियो । उनमा बिहीबार कोरोना पुष्टी भएको हो । मृतकको घरमा गहना पसल रहेको बताइएको छ ।

तर, पसलमा नबस्ने उनमा कसरी कोरोना भयो भन्नेमा भने अन्यौल नै रहेको छ । यसले वीरगन्जमा कतै समुदायमा कोरोना फैलिएको त छैन भन्ने आंशका समेत उत्पन्न गराएको छ । नारायणी अस्पताल, वीरगञ्जमा १८८ जनाको पेड पीसीआर टेष्ट गर्दा २५ जनामा कोरोना संक्रमण देखिएकोबाट समेत अब वीरगन्जमा समुदायमा कोरोना देखिएको आंशका बढेको हो ।

कोरोना संक्रमण भन्दा पनि काठमाडौं जानुपर्ने, कार्यालयमा फर्किनुपर्ने मानिसहरुले पैसा तिरेर कोरोना परीक्षण गराइरहेका छन् । निजी अस्पतालमा आफैं कोरोना परीक्षण गर्दा ५ हजार ५०० रुपैयाँ शूल्क लाग्छ । अहिले गण्डक कोभिड विशेष अस्पतालमा ५ उपचाररत बिरामीलाई आईसीयूमा भर्ना गरिएको छ । उनीहरुमध्ये एकजनाको अवस्था गम्भीर भएको बताइएको छ ।

काठमाडौं । नेपालमा कोरेना भाइरसका कारण थप एक जनाको ज्यान गएको छ । धरानको वीपी कोइराला स्वास्थ्य विज्ञान प्रतिष्ठानमा एक जना कोरोना संक्रमितको ज्यान गएको हो । मंगलबार राति महोत्तरीका ६० वर्षीय पुरुषको मृत्यु भएको अस्पतालले पुष्टी गरेको छ । सिकित्स अवस्थामा अस्पताल आएका उनको आइसियुमा राखेर उपचार थालिएको थियो । सोही क्रममा उनको पिसिआर जाँच गर्दा रिपोर्ट पोजेटिभ आएको थियो ।

मंगलबार नै आइसियुबाट आइसोलेसनमा स्थानान्तरण गरिएको थियो। बिरामीमा रुघाखोकी र ज्वरो आएको अस्पतालले जनाएको छ । मृतकको शवलाई महोत्तरी पठाइएको छ । शव व्यवस्थापन भने नेपाल आमीले गर्नेछ । उनको मृत्यु भएसँगै नेपालमा कोरोनाबाट ज्यान गुमाउने मानिसको संख्या ४१ पुगेो छ । यो संख्या स्वास्थ्य मन्त्रालयले आधिकारिक जारी गर्न भने बाँकि रहेको छ ।

काठमाडौं । संसारमा कोरोना भाइरसको संक्रमणले पुनः गति लिएको छ । विश्व स्वास्थ्य संगठन (डब्ल्यूएचओ)का अनुसार एकैदिन भेटिने संक्रमितको संख्यामा सोमबार नयाँ रेकर्ड कायम भएको हो । २४ घण्टामा विश्वभर २ लाख ६० हजार संक्रमित थपिए । यो संख्या एकै दिन थप भएको सर्वाधिक संख्या हो । विश्वभर कोरोना भाइरसका कारण ६ लाख ४ हजार ७२५ जनाले ज्यान गुमाइसकेका छन् ।

अमेरिकामा मात्रै १ लाख ४० हजार ४७४ जना संक्रमितको मृत्यु भइसकेको छ । भारतमा पछिल्लो २४ घण्टामा ३८ हजार ९०२ जना संक्रमित थपिए । यस दिन भारतमा ५४३ जनाको मृत्यु भएको छ। भारतमा अहिलेसम्म १० लाख ७७ हजार ७८१ जना संक्रमित फेला परेका छन् । २६ हजार ८१६ जनाले कोरोनालाई जितेका छन् । विश्वभर १ करोड ४४ लाख ३८ हजार ८३८ जनामा कोरोना देखिएको छ ।

अमेरिका, ब्राजिल र भारतमा बढी संक्रमण पुष्टी भएको छ । नेपालमा भने पछिल्लो समय संक्रमणको दार घटेको छ । आइसोलेसनमा हुने मानिसभन्दा डिस्चार्च हुनेको संख्या अधिक रहेकाले सकारात्मक सन्देश पाइएको छ ।

काठमाडौं । शनिबार नेपालमा कोराना भाइरससम्बन्धी सकारात्मक खबर सार्वजनिक भएको छ । शनिबार कोरोना भाइरसका ५७ जना मात्र थप संक्रमित भेटिएका छन् । यो संख्या पछिल्लो दुई महिनायता कै सबैभन्दा कम हो । लगातार माथि चढ्दै गएको कोरोनाको ग्राफ पछिल्ला दुई सातायता ओरालो लागेको छ । अहिले नयाँ थप हुने भन्दा कोरोनालाई जित्नेहरुको संख्या बढी रहेको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा देशभर २७ वटा प्रयोगशालामा तीन हजार तीन सय ३१ जनाको पिसिआर विधिबाट परीक्षण भएको छ । जसबाट मात्र ५७ जनामा कोरोना पुष्टी भएको छ । यससँगै नेपालमा कोरोना संक्रमित संख्या १७ हजार पाँच सय २ पुगेको छ । अब देशभरका क्वारेन्टिनमा २३ हजार २ सय ७५ जना रहेका छन् ।

आइसोलेसनमा भने पाँच हजार ८ सय २५ जना रहेका छन् । शनिबार एक सय ३ जनाले कोरोनालाई जित्दै घर फर्किएका छन् । अब देशभर कोरोना निको हुनेको संख्या ११ हजार छ सय ३७ पुगेको मन्त्रालयको तथ्यांक उल्लेख छ । समुदायमा नफैलिएको र विदेशबाट आउने मानिसहरुको संख्या घटेसँगै अहिले नेपालमा कोरोना भाइरसको संक्रमण कम भएको हो । यद्दपी यो भाइरसको जोखिम भने जिवितै रहेको मन्त्रालयको भनाई छ ।

काठमाडौं । संसारका करीव डेढ करोड मानिसमा कोरोना भाइरसको संक्रमण भएको छ । कोभिड–१९ बाट विश्वभर अहिलेसम्म १ करोड ४० लाख ३७ हजार २१ जना मानिस संक्रमित भएको तथ्यांक सार्वजनिक भएको छ । उनीहरुमध्ये ६ लाख ६६५ जनाले ज्यान गुमाइसकेका छन् । जोन्स होप्किन्स विश्वविद्यालयले सार्वजनिक गरेको तथ्यांक अनुसार भारतले रुसलाई समेत उछिन्दै संक्रमित संख्यामा निरन्तर अगाडी आएको छ ।

यस सुचिमा सबैभन्दा अगाडी भने अमेरिका छ । यस मुलुकमा अहिलेसम्म सबैभन्दा बढी ३६ लाख ३८ हजार २ जनामा संक्रमण पुष्टी भइसकेको छ । अमेरिकामा १ लाख ३९ हजार १२८ मानिसको ज्यान गइसकेको छ । अमेरिकापछि क्रमशः ब्राजिल, भारत, रसिया र पेरुमा धेरै संक्रमित भेटिएको तथ्यां रहेको छ । ब्राजिल, बेलायत, मेक्सिको, इटली र फ्रान्समा अन्यत्रभन्दा धेरै संक्रमितको ज्यान गएको छ ।

भारतमा संक्रमित धेरै भएपनि ज्यान गुमाउने मानिसको संख्या भने कम रहेको छ । भारतमा १० लाख ३ हजार ८३२ जनामा संक्रमण भएको छ । नेपालमा १७ हजार मानिसमा संक्रमण पुष्टी भएको छ । त्यसमध्ये ११ हजार हाराहारी मानिसले यसलाई जित्न सफल भएका छन् । ४० जनाले ज्यान गुमाएका छन् ।

धरान । नेपालमा कोरोनाबाट थप एक जनाको मत्यु भएको छ । अब नेपालमा कोरोनाबाट ज्यान गुमाउनेको संख्या ४० पुगेको छ । शुक्रबार बिहान कोरोना संक्रमणका कारण बीपी कोइराला स्वास्थ्य विज्ञान प्रतिष्ठान धरानमा उपचाररत एक जनाको मृत्यु भएको हो । सप्तरी राजविराज नगरपालिका–१ घर भएका ७३ वर्षीय वृद्धको मृत्यु भएको हो ।

प्रदेश १ मा कोरोना संक्रमितको मृत्यु भएको यो पहिलो घटना भएको अस्पतालले जनाएको छ । बीपी कोइराला स्वास्थ्य विज्ञान प्रतिष्ठान धरानका अनुसार उनी बुधबार अस्पताल भर्ना भएका हुन् । उनी मधुमेह, उच्च रक्तचाप र मुटु रोगको उपचारका लागि भर्ना भएका थिए । वृद्धको उपचारका क्रममा बुधबार नै स्वाब संकलन गरिएको थियो । बिहीबार कोरोना पोजेटिभ रिपोर्ट आएपछि उनलाई आइसोलेसनमा भर्ना गरिएको अस्पतालले जनाएको छ । आइसोलेसनमा उपचारका क्रममा बिहीबार राती उनको मृत्यु भएको हो ।

चितवन । कोरोना भाइरसको संक्रमणको दर केही कम भएको छ । खासगरी भारतबाट आउने मानिसको संख्या घटेको र विदेशबाट फर्कनेको पिसिआर परीक्षण अनिवार्य गरिएका कारण कोरोना भाइरसको संक्रमण कम भएको छ । समुदायस्तरमा भने अहिलेसम्म भयानक रुपमा कोरोना फैलिएको पाइएको छैन । यसैबीच, बुधबार नवलपरासी पूर्व र चितवनमा थप १९ जनामा कोरोना संक्रमण पुष्टी भएको छ ।

भरतपुर अस्पताल प्रयोगशाला चितवनमा गरिएको परीक्षणमा नवलपरासी पूर्वका ११ र चितवनका ८ जनामा संक्रमण पुष्टि भएको हो। नवलपरासी पूर्वको बुलिङटार गाउँपालिकाका ९ र कावासोती नगरपालिकाका २ जनामा संक्रमण देखिएको प्रयोगशाला प्रमुख डाक्टर नितु अधिकारीले उल्लेख गरेकी छिन् ।

चितवनका संक्रमित सबै माडी नगरपालिका १, ७ र ८ नम्बर वडाका रहेको प्रयोगशालाले जनाएको छ। दुवै जिल्लाका सबै संक्रमित क्वारेन्टाइनमै रहेका छन्।
पछिल्लो समय शहरी इलाकामा संक्रमणको दर बढ्दो क्रममा रहेको छ ।

म्याग्दी । म्याग्दीमा पहिरोमा परी ज्यान गुमाउने मानिसको संख्या २८ पुगेको छ । आइतबार एक जनाको शव फेला परेको हो । उनीहरुमध्ये १९ जनाको भने सामुहिक अन्त्येष्टी गरिएको छ । रघुगंगा गाउँपालिका–६, ठाडाखानी, धवलागिरी–६, मराङ र मालिका–७, विममा गएको बाढी तथा पहिरोमा परी दर्जनौं मानिस वेपत्ता भएका थिए । त्यसमध्ये २८ जनाको ज्यान गएको छ ।

आइतबार मराङका खिमबहादुर जुग्जालीको शव भेटिएको हो । म्याग्दी प्रहरीका अनुसार यसअघि शनिबार २७ जनाको शव भेटिएको थियो । बाढी र पहिरोमा परेर मालिका–७, बिमकी एलिसा केसी, धवलागिरी–६, मराङ ९कल्लेनीका जनिमा केसी, सबिन पुन र दुखुखोलामा बेपत्ता मालिका–६, दरबाङकी गीता रोका भने अझै वेपत्ता छन् ।

पहिरोमा परेर घाइते भएका दुईजना गर्भवतीसहित १३ जनालाई प्रभु एअर र नेपाली सेनाको  हेलिकोप्टरमार्फत उद्धार गरेर बेनी, पोखरा र काठमाडौं पठाइएको छ । धवलागिरी–६ को मराङ, कल्लेनी, राम्चे र रिखा तथा मालिका–७ को विम, दुले र नुर्बाङमा पहिरो गएपछि ठूलो मानवीय क्षति भएको छ ।

मराङ पहिरोमा ज्यान गुमाएका १९ जनाको भने आइतबार सामुहिक अन्त्येष्टी गरियो । यहाँ अझै २ जना वेपत्ता छन् । गाउँ नै सखाप हुने गरी पहिरोले क्षति गरेपछि गाउँलेहरु शोकमा छन् । बिहीबार राति बस्ती माथिबाट खसेको पहिरोमा परी १९ को ज्यान गएको थियो । दुई परिवारका ७ जनाको एउटै चिहानमा राखी अन्त्येष्टि गरिएको छ ।

काठमाडौं । नेपालमा कोरोना भाइरसको महामारीका बीच शनिबार एक खुसीको खबर सार्वजनिक भएको छ । करीव डेढ महिना यता पहिलो पटक सबैभन्दा कम संख्यामा कोरोना भाइरसको संक्रमित फेला परेका छन् । नयाँ संक्रमितको संख्या दुई अंकमा झरेको छ भने सक्रिय संक्रमितभन्दा निको हुने संख्या समेत अब धेरै भएको छ ।

अर्कोतर्फ एकै दिन नयाँ थपिने संक्रमित भन्दा डिस्चार्ज हुने संख्या समेत नेपालमा धेरै भएको छ । यस्तो भने पछिल्लो तीन दिन यता जारी छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार ६४८ नमुना परीक्षण गरिएको छ । जसमा मात्र ७० जनामा कोरोना भाइरसको संक्रमण पुष्टि भएको छ ।

डेढ महिनापछि नेपालमा कोरोना संक्रमितको संख्या दुई अंकमा झरेको छ । नेपालमा ९ माघमा र १० चैत मा दोस्रो संक्रमित भेटिएका थिए । नेपालमा जेठ १३ सम्म दैनिक थपिएका नयाँ संक्रमितको संख्या २ अंक भित्रै रहेको थियो । जेठ १४ मा पहिलो पटक एकै दिन १ सय भन्दा बढी संक्रमित देखिएका थिए । उक्त दिन ३५८० नमुना परीक्षण गर्दा ११४ जनामा संक्रमण पुष्टि भएको थियो ।

त्यसपछि लगातार तेस्रो अंकमा रहेको वृद्धि शनिबार भने दुई अंकमा झरेको हो । यसले केही सकारात्मक सन्देश दिएको छ । नेपालमा १९ असारमा एकै दिन सर्वाधिक ७४० जनामा कोरोना देखिएको थियो । नेपालमा अहिले औसतः ४ हजार पिसिआर परीक्षण भइरहेको छ ।