Category: स्वास्थ्य

काठमाडौं । मंगलबार एपेन्डिक्सको शल्यक्रियापछि अस्पतालमै उपचारार्थ रहेका प्रधानमन्त्री केपी शर्मा ओलीको स्वास्थ्यमा बुधबारबाट सुधार हुन थालेको छ ।

यससँगै उनको मृगौलाको डायलासिस गर्ने तयारी समेत गरिएको छ। यसअघि ग्राण्डी अस्पतालमा भइरहेको डायलासिस महराजगञ्जस्थित शिक्षण अस्पतालमै गर्ने तयारी छ ।

प्रधानमन्त्री मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा उपचारार्थ भर्ना भएका हुन् । बुधबार प्रधानमन्त्री बोल्न थालेका छन् ।

उनको स्वास्थ्यमा देखिने गरी सुधार आएको अस्पताल स्रोतको भनाई छ । सोमबार राति पेटमा दुखाई महसुश भएपछि प्रधानमन्त्री ओली मंगलबार बिहानै अस्पताल भनाई भएका हुन् ।

यसैबीच, कांग्रेस सभापति शेर बहादुर देउवाले अस्पतालमा पुगेर प्रधानमन्त्रीको स्वास्थ्य अवस्थाबारे जानकारी लिएका छन् । पूर्वराजा ज्ञानेन्द्र शाहले समेत उनको स्वास्थ्यबारे चासो लिँदै स्वास्थ्य लाभको कामना गरेका छन् ।

काठमाडौं । प्रधानमन्त्री केपी शर्मा ओलीको एपेन्डिसाइटिसको सफल अपरेसन गरिएको छ । प्रधानमन्त्रीको मंगलबार महाराजगञ्जस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा एपेन्डिसाइटिसको अपरेसन गरिएको हो ।

उनको स्वास्थ्य अवस्था स्थिर रहेको अस्पतालले जनाएको छ । डाक्टरहरूले प्रधानमन्त्रीको एपेन्डिसाइटिसको अपरेसन सफल भएको र स्वास्थ्यमा निरन्रता सुधार भइरहेको जानकारी गराएका छन् ।

पेट दुखेपछि उनलाई स्वास्थ्य उपचारका लागि मंगलबार बिहान सेन्टरमा भर्ना गरिएको थियो । डाक्टर रमेशसिंह भण्डारी र दिब्या सिंह शाहले प्रधानमन्त्री ओलीको शल्यक्रिया गरेका थिए । प्रधानमन्त्रीलाई पूर्ण बेहोस बनाएर अपरेशन गरिएको थियो ।

स्वास्थ्य परीक्षणका दौरान प्रधानमन्त्रीलाई एपेन्डिसाइटिस देखिएको थियो । त्यसपछि शल्यक्रिया गर्नुपर्ने निष्कर्षमा डाक्टर पुगेका थिए ।

उनलाई केही दिन अस्पतालमा चिकित्सककै निगरानीमा राख्नु पर्ने भएको छ । शरिरको ठूलो आन्द्रा र सानो आन्द्राको छेउमा तलपट्टी हुने एक नली नै एपेन्डिस हो ।

यो पेटको दाँयातिर तल्लो भागमा रहेको हुन्छ। एपेन्डिसको काम नभएका कारण शल्यक्रिया गरी फाल्दा पनि कुनै असर गर्दैन् । त्यही एपेन्डिस संक्रमणमा भयो भने अधिक पेट दुखाईको महसुश हुन्छ ।

एपेन्डिसमा घाउ हुँदा भएपछि त्यसमा पीप जम्छ, यो पिप फूटेर पेटमा पोखियो भने त्यसले भने शरीरमा असर गर्छ ।

यसैबीच, नेपाल कम्युनिष्ट पार्टी (नेकपा) अध्यक्ष पुष्पकमल दाहाल (प्रचण्ड) ले प्रधानमन्त्री केपी शर्मा ओलीको स्वास्थ्य अवस्थाबारे मंगलबार नै जानकारी लिएका छन्। उनी मंगलबार साँझ अस्पताल पुगेका थिए ।

काठमाडौं । मेडिकल कलेजहरुमा विद्यार्थीबाट बढी असुल गरेको शुल्क फिर्ता गर्न तयार भएका छन् । सरकारले कारवाहीको तयारी गरेपछि कलेजहरु शूल्क फिर्ता लिन तयार भएका हुन् ।

सरकारले १५ दिनको अल्टिमेटम दिँदै बढी लिएको शूल्क फिर्ता गर्न निर्देशन दिएको थियो । अल्टिमेटम सोमबार सकिएको छ ।

सोमबार नै शिक्षा मन्त्रालयमा निजी मेडिकल कलेजका संचालक र मन्त्रालयबीच छलफल भएको थियो । छलफलमा निजी मेडिकल कलेज संचालक शुल्कमा समायोजनका लागि तयार भएका छन् ।

मेडिकल कलेज संचालकले मंगलबारसम्म लिखित प्रतिबद्धता जनाउने सहमति मन्त्रालयसँग गरेका छन् । शिक्षा, विज्ञान तथा प्रविधि मन्त्री गिरिराजमणि पोखरेलको अग्रसरतामा छलपफल भएको हो ।

अल्टिमेटम सकिएपछि पनि शुल्क फिर्ता नभएको भन्दै सरकारले कारबाहीको प्रक्रिया अगाडि बढाउने जानकारी दिने उद्देश्यले छलफल आयोजना गरेको थियो ।

सोमबार नै गृह मन्त्रालयमा सरोकारवालाको बैठक बसेको थियो । बैठकले शुल्क फिर्ता गर्न अटेर गर्ने मेडिकल कलेजलाई बुधबारदेखि कारबाही थाल्ने निर्णय गरेको थियो।

त्यसपछि शिक्षा मन्त्रीले उक्त निर्णयबारे जानकारी गराउन कलेज संचालकलाई मन्त्रालयमा डाकेका थिए ।

गृह मन्त्रालयमा गृहमन्त्री रामबहादुर थापा, शिक्षा मन्त्री पोखरेल, महान्यायाधीवक्ता अग्नि खरेल, गृहसचिव प्रेमकुमार राई, प्रहरी महानिरीक्षक सर्वेन्द्र खनालसहितको बैठक बसेको थियो ।

सरकारले एमबिबिएस, बिपीएच, नर्सिङ, बिडिएस, बिएमएलटी, बिएमआईटी लगायत आठ संकायको शुल्क निर्धारण गरेको छ।

तर, कलेजले भने विद्यार्थीबाट अतिरिक्त शुल्क लिँदै आएका थिए । सरकारको अल्टिमेटमसमेत अटेर गरेका उनीहरुले गृहमन्त्रालयको चेतावनी पछि भने शुल्क फिर्ता गर्न सहमति गरेका हुन् ।

काठमाडौं । डडेल्धुरा पुगेर अनसन बसेका डाक्टर गोविन्द केसीको स्वास्थ्य बिग्रदै गएको छ । जिल्ला अस्पताल डडेलधुराले केसीको सस्थ अवस्था जटिल बन्दै गएको भन्दै सुविधासम्पन्न अस्पतालमा लैजान सुझाव दिएको छ ।

केसीको स्वास्थ्यमा समस्या आइसकेको भन्दै डडेल्धुरा जिल्ला अस्पतालले सुविधा सम्पन्न ठाउँमा लैजाने सुझाव दिएको हो । अस्पतालका अनुसार केसीको ब्लड प्रेसर घटेको छ । जसले गर्दा मुटुको चालमा बढ्न थालेको छ ।

रगतमा अक्सिनको मात्रा घटेको छ भने मृगौलामा समेत समस्या देखिएको छ । अस्पतालले आइतबार विज्ञप्ती जारी गर्दै केसीको स्वास्थ अवस्थाबारे अपडेट गराएको हो ।

केसीको स्वास्थ्य अवस्था दिन प्रतिदिन जटिल बनेको र चिकित्सकीय हैसियतले क्षमताभन्दा बाहिर गएका बेला अस्पतालले कुनैपनि जटिलता व्यवस्थापन गर्न नसक्ने अस्पतालले स्पष्ट पारेको छ ।

जिल्ला अस्पतालमा थप उपचारमा आवश्यक पर्ने आईसीयू सेवा, एबीजी सेवा, दक्ष जनशक्ति र उपकरण नहुँदा समेत समस्या हुन अस्पतालको स्पष्टिकरण छ । केसी अघिल्लो सोमवारदेखि डडेलधुरामा पुगेर अनसन बसेका छन् ।

डडेल्धुरा । चिकित्सा शिक्षामा व्यापक सुधारको माग गदै अनसन बसेका डा. गोविन्द केसीको स्वास्थ्य अवस्था बिग्रर्दै गएको छ । उनी सोमबारदेखि डडेलधुरा पुगेर एक निजी घरमा अनसन थालेका थिए ।

यो उनको १७ औं अनसन हो । उनी क्लिनिक रहेकै घरमा अनसन बसेका छन् । यहााँट जिल्ला अस्पताल समेत नजिकै छ । चिसो र कमजोर शारीरिक अवस्थाका कारण भने उनको स्वास्थ्य प्रतिकूल बन्दै गएको डा. केसीका शहयोगीले जनाएका छन् ।

उनको ब्लड प्रेसर कम भइरहेको छ । बुधबार बिहान मात्रै दुई पटक उनको स्वास्थ्य जाँच गरिएको थियो। यसैबीच डा. केसीको मागमा डोटीका विभिन्न संघसस्थाले ऐक्यबद्धता जनाउँदै उपस्थित भएका छन् ।

सुदूरपश्चिम प्रदेश सांसद तथा नेपाली कांग्रेस पार्टी सभापति कर्णबहादुर मल्लले पनि उनको अनसनमा ऐक्यबद्धता जनाए । डोटी उद्योग वाणिज्य संघले समेत समर्थन जनाएको छ ।

उनले सर्वसूलभ चिकित्सा शूल्क र स्वास्थ्योपचारको माग राख्दै निरन्तर अनसन बस्दै आएका छन् । सरकारले हरेक पटक उनीसँग सम्झौता गरेपनि कार्यान्वयन गर्दैन ।

डडेलधुरा । विगतका सहमति सरकारले पालना नगरेको भन्दै डा. गोविन्द केसी अनसनमा बसेका छन् । उनले यस पटक सरकारी निकाय नभई एक सर्वसाधारणको घरलाई छनोट गरेका छन् ।

पूर्वसहमति कार्यान्‍वयनको माग गर्दै उनी कांग्रेस सभापति शेर बहादुर देउवाको गृहजिल्ला डडेल्धुरा पुगेर अनसन थालेका हुन् । यो उनको १७ औं अनसन हो ।

उनले सरकारी जागिरबाट अवकास पाएपछि भने पहिलो पटक अनसन बस्न लागेका हुन् । उनले आफ्ना माग पुरा गर्न भन्दै सरकालाई १३ कार्तिकसम्मको समय दिएका थिए ।

त्यसबेला तिहार परेपछि केही समय सारेर उनी अनसनमा बसेका हुन । अनसन थाल्नु अघि केसीले पत्रकार सम्मेलन गरेका थिए । उनले १० साउन २०७५ मा भएको सम्झौताअनुसार चिकित्सा शिक्षा ऐनमा संशोधन गर्न माग गरेका छन् ।

विश्वविद्यालयहरुमा पदाधिकारी नियुक्तिको हालको प्रक्रिया रोकी पराशर कोइराला नेतृत्वको मापदण्ड निर्धारण समितिले दिएको सुझाब अनुरूप निष्पक्ष र पारदर्शिता ढङ्गले पदाधिकारी नियुक्त गर्ने कानूनी व्यवस्थाको समेत माग गरेका छन् ।

आंदोलनरत मेडिकल विद्यार्थीहरुका मागहरु पूरा गर्दै नेपालका सबै निजी मेडिकल कलेजले अवैध रुपमा असूल गरेको सम्पूर्ण रकम फिर्ता गर्नुपर्ने उनको माग छ ।

अर्बौंको ठगी तथा आर्थिक अपराधका दोषी मेडिकल कलेजका सञ्चालकहरुलाई फौजदारी कानून बमोजिम कडाभन्दा कडा कारवाही गर्न समेत उनले माग गरेका छन् ।

नेपाली सेना स्वास्थ्य विज्ञान प्रतिष्ठान र काठमाडौं विश्वविद्यालयको आंगिक कलेज तथा विस्तारित कार्यक्रममा तत्काल ७५ प्रतिशत छात्रवृत्तिको व्यवस्थाको माग समेत उनको छ ।

संसदीय उपसमितिको माफियाको प्रभावमा गरिएको शुल्क र सीट संख्यामा वृद्धि गर्नेसम्बन्धी लगायतको निर्णय तत्काल खारेज गर्न उनले आह्वान गरेका छन् ।

कर्णाली स्वास्थ्य विज्ञान प्रतिष्ठानमा तत्काल पूर्वाधार र जनशक्ति पुर्‍याउन समेत उनले माग गरेका छन् । प्रदेश नं दुई र चार तथा डोटी, डडेल्धुरा, उदयपुर र इलाम, पाँचथरमा सरकारी मेडिकल कलेज खोल्ने प्रक्रिया अघि बढाउन समेत उनले माग गरेका छन् ।

क्यान्सरलगायतका महंगा औषधि भारतभन्दा ४, ५ गुणा महंगो भएको भन्दै उनले सुपथ मूल्यमा उपलब्ध गराउनु पर्ने समेत बताएका छन् ।

सिन्धुपाल्चोक । दोलखाबाट काठमाडौं आउँदै गरेको यात्रुबाहक बस सिन्धुपाल्चोकको सुकुटेमा दूर्घटनामा पर्दा कम्तिमा १७ जनाले ज्यान गुमाएका छन् ।

आइतबार साँझसम्म घटनास्थल र अस्पतालमा गरी १७ को ज्यान गइसकेको प्रहरीले जनाएको छ । मृतकमध्ये ७ जनाको सनाखत भएको छ भने अन्यको विवरण संकलन भइरहेको बताइएको छ । १५ जनाको घटनास्थलमै मृत्यु भएको प्रहरीले पुष्टी गरेको छ ।

सनाखत भएकामध्ये दोलखाकी २४ वर्षीया रञ्जिता केसी, सिन्धुपाल्चोककी अन्दाजी २७ वर्षीया चमेली श्रेष्ठ, उनकी छोरी ६ वर्षीया शाहीरामी श्रेष्ठ, ३ महिनाको शिशु सिसन तामाङ र दोलखाकी ५० वर्षीया रक्तकुमारी रावत रहेको प्रहरीले जनाएको छ ।

धुलिखेल अस्पताल र श्री मेमोरियल अस्पताल बनेपामा तेजकुमारी बस्नेत र सुनिला तामाङको निधन भएको छ । दोलखाको सैलुङ गाउँपालिका मागा देउरालीबाट बस काठमाडौंका लागि छुटेको थियो ।

यात्रुहरुका अनुसार बस दूर्घटनामा पर्नुअघि पनि बिग्रिएर बनाइएको थियो । करीव आधा घण्टा लगाएर बनाएको बस ओरालो सकिएर सजिलो बाटोमा आएको थियो ।

त्यसपछि बसले खाना ख्वाएको थियो । खाना खाएर गुडेको ५ मिनेट भित्रै सडकबाट सुनकोशी नदीमा झरेको घाइते यात्रुहरुले बताएका छन् ।

तिब्र गति र बिग्रिएको बस भएकाले दूर्घटनामा परेको आंशका छ । बा २ ख ७२४५ नम्बरको बस आइतबार दिउँसो सुनकोशी नदीमा खसेको हो ।

दूर्घटनास्थलबाट ५४ जनाको भने उद्धार गरिएको थियो । उनीहरुलाई काभ्रेको धुलिखेल अस्पतालमा पठाइएको छ । बसका चालक धनबहादुर तामाङ समेत घाइते रहेको प्रहरीले जानकारी दिएको छ ।

काठमाडौं । प्रधानमन्त्री केपी शर्मा ओली बुधबार ग्राण्डी अस्पताल भर्ना भए । दिनभर संचारमाध्यम र अन्य सामाजिक संजालमा प्रधानमन्त्रीको स्वास्थ्य अवस्थाबारे निकै चासो व्यक्त भयो ।

तर, साँझ अस्पताल र प्रधानमन्त्रीको निजी सचिवका तर्फबाट एक विज्ञप्ती जारी गर्दै भनियो, यो प्रधानमन्त्रीको नियमित स्वास्थ्य परिक्षण भएको र बुधबार साँझ नै या बिहीबारसम्म डिस्चार्ज हुने उल्लेख छ ।

तर, समाचार स्रोतहरुका अनुसार प्रधानमन्त्रीको मृगौलाको डायलासिस गरिएको छ, सोहीकारण उनको अस्पताल बसाई लम्बिने क्रममा छ ।

यसअघि प्रधानमन्त्री स्वास्थ्य उपचारका क्रममा सिंगापुरमा रहँदा समेत सरकारले प्रधानमन्त्रीको स्वास्थ्य अवस्थाबारे जनतालाई जानकारी दिइराख्नु पर्छ भन्ने आवश्यकता ठानेन।

अहिले पनि सकभर प्रधानमन्त्रीलाई के भइरहेको छ र किन अस्पतालमा राख्नु परेको हो भन्ने यथार्थ लुकाइएको छ । प्रधानमन्त्रीको १२ वर्षअघि मृगौला प्रत्यारोपण हो ।

सिंगापुरबाट फर्किएपछि पनि उनी त्रिवि शिक्षण अस्पतालको मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा पुगेर उपचार गराएका थिए ।

त्यसपछि पनि उनी ग्राण्डी अस्पतालमा एक पटक उपचारमा पुगिसकेका थिए ।

मृगौला प्रत्यारोपण गरेको लामो समय भइसकेको अवस्थामा प्रधानमन्त्रीको स्वास्थ अवस्थाबारे सर्वसाधारणको जिज्ञासा वेवास्था गर्नुले सरकारको नियतमाथि भने प्रश्न उठ्ने गर्छ । किनकी कार्यकारी पदमा आसिन व्यक्तिको स्वास्थले समग्र सरकारको गतिमै असर पुग्न जान्छ ।

काठमाडौं । दशैं र तिहारको बेला उपचारमा कुनै समस्या भोग्नु नपर्ने भएको छ । सरकारी आफ्नो स्वामित्वका स्वास्थ्य संस्था खुलै राख्ने निर्णय गरेको हो ।

सङ्घीय मामिला तथा सामान्य प्रशासन मन्त्रालयले दशैं र तिहारमा सार्वजनिक बिदाको समयमा समेत स्वास्थ्यसेवा भने सूचारु राख्ने व्यवस्था मिलाउन स्थानीय तहहरुलाई आग्रह गरेको छ ।

स्वास्थ्य तथा जनसङ्ख्या मन्त्रालय, स्वास्थ्य समन्वय महाशाखाले सबै स्वास्थ्य संस्था खुला राख्ने निर्णय गरी त्यसको कार्यान्वयनको व्यवस्था मिलाउन स्थानीय तहहरुलाई आग्रह गरेको थियो ।

सबैै अस्पताल, अस्पतालका फार्मेसी तथा एम्बुलेन्स २४ सै घण्टा सञ्चालनको व्यवस्था मिलाउने र राजमार्ग वरिपरिका स्वास्थ्य संस्थालाई थप तयारीमा राख्ने व्यवस्था मिलाउन आग्रह गरिएको छ ।

चाडबाडमा दूर्घटना बढी हुने र ग्रामिण भेगमा धेरै मानिस जाने भएका कारण तल्लो तहमा स्वास्थ्य संस्था दुरुस्त राख्ने निर्णय गरिएको मन्त्रालयले जानकारी दिएको छ ।