Category: कला / साहित्य

काठमाडौं । प्रतिनिधि सभातर्फ मतगणना भइरहेका तीन क्षेत्रमध्ये बाजुरा र स्याङ्जामा नेपाली कांग्रेस तथा दोलखामा नेकपा माओवादी केन्द्रका उम्मेदवारले अग्रता कायम राखेका छन् । मतगणनाको पछिल्लो विवरण अनुसार बाजुरामा गठबन्धनबाट नेपाली कांग्रेसका उम्मेदवार बद्रि पाण्डेले बनाएका हुन् । उनले ११ हजार ७६ मत ल्याइसकेका छन् । उनलाई एमालेका कर्णबहादुर थापाले आठ हजार ८५२ मतसहित पच्छ्याइरहेका छन् ।

स्याङ्जा–२ मा कांग्रेसका उम्मेदवार धनराज गुरुङले अग्रता बढाएका छन् । गुरुङले २२ हजार ४८० मत ल्याउँदा एमालेकी उम्मेदवार पद्मा अर्यालले २० हजार २६७ मतसहित पच्छ्याइरहेकी छिन् । दोलखामा नेकपा (माओवादी केन्द्र) र एमालेका उम्मेदवारबीच तीव्र प्रतिस्पर्धा छ । माओवादी केन्द्रका उम्मेदवार गङ्गा कार्कीले आठ हजार ८४५ मत प्राप्त गर्दा एमाले उम्मेदवार बालकृष्ण सिवाकोटीले आठ हजार ४३ मत ल्याएका छन् । प्रतिनिधिसभाको प्रत्यक्षतर्फ यी तीन क्षेत्रको मात्र नतिजा आउन बाँकी छ ।

काठमाडौं । जनमत पार्टीका अध्यक्ष सिके राउतले सत्ता गठबन्धनमा सहभागी हुने संकेत गरेका छन् । उनले बिहीबारबाट काठमाडौंमा शीर्ष नेतासँगको भेटघाट बढाएका छन् । प्रधानमन्त्री शेर बहादुर देउवालाई भेटेका उनले बिहीबार नै नेकपा माओवादी केन्द्रका अध्यक्ष पुष्पकमल दाहाल प्रचण्डसँग समेत भेट गरे । बिहीबार नै गृहमन्त्री बालकृष्ण खाँणसँग समेत उनले भेटेका छन् ।

राउत तराईमा उदयमान शक्ति बनेका छन् । उनले जनता समाजवादीका अध्यक्ष उपेन्द्र यादवलाई भारी मत अन्तरले हराउँदै सप्तरी २ बाट जितेका हुन् । उनको दल राष्ट्रिय दल बनिसकेको छ । जसका कारण उनी अब गठबन्धनमा समेत बार्गेनिङ गर्न सक्ने शक्तिका रुपमा उदाएका छन् । उनले किसानका मागलाई प्राथमिकतमा राख्दै चुनावमा होमिएका थिए । जसका कारण उनको दललाई जनताले रुचाएका छन् ।

मतगणना शुरु हुन बाँकी तीन वटै निर्वाचन क्षेत्रमा अहिले मतगणना भइरहेको छ । जस अनुसार गठबन्धनका उम्मेदवारले अग्रता लिएका छन् । दोलखामा जारी मतगणनामा नेकपा माओवादी केन्द्रका उम्मेदवार गंगा कार्कीले अग्रता लिएका छन् । शुक्रबार बिहानको मत परिणाम अनुसार कार्कीले २ हजार ३३९ मत पाएका छन् । उनलाई पछ्याइरहेका नेकपा एमालेका उम्मेदवार बालकृष्ण शिवाकोटीले ९३२ मत पाएका छन् । शिवाकोटी १ हजार ४०७ मत अन्तरले पछि छन् ।

हालसम्म ३६६७ मत गणना भइसकेको छ । प्रदेश सभा तर्फ प्रदेश १ मा नेपाली कांग्रेसका उम्मेदवार कुन्दनराज काफ्लेले अग्रता कायम राखेका छन् । उनले १ हजार ६६३ मत पाएका छन् । नेकपा एमालेका उम्मेदवार नरबहादुर श्रेष्ठले १०५४ मत पाएका छन् । प्रदेश २ मा नेकपा एमालेका उम्मेदवार भरतबहादुर केसी अगाडि छन् । केसीले २ हजार १७६ मत पाएका छन् । उनका निकटतम प्रतिस्पर्धी नेपाली कांग्रेसका उम्मेदवार बर्मा लामाले १ हजार ८०१ मत पाएका छन् ।

उता, बाजुरा र स्याङ्जा क्षेत्र नं. २ मा जारी मतगणनामा नेपाली कांग्रेसका उम्मेदवारले अग्रता कायम लिएका छन् । बिहानको मत परिणाम अनुसार बाजुरामा नेपाली कांग्रेसका उम्मेदवार बद्री पाण्डे ५ हजार १०६ मतसहित अगाडि छन् । उनलाई नेकपा एमालेका उम्मेदवार कर्ण थापाले ३ हजार ९९४ मतसहित पछ्याइरहेका छन् ।

स्याङ्जा क्षेत्र नं. २ मा नेपाली कांग्रेसका उपसभापति धनराज गुरुङ ११ हजार ९२० मतसहित अगाडि छन् । गुरुङलाई पछ्याइरहेकी नेकपा एमालेकी सचिव पद्मा अर्याल २ हजार ४१८ मतले पछि परेकी छन् । अर्यालको मत ९ हजार ५०२ छ । यी तीन क्षेत्रमा विवादका कारण मतगणना रोकिएको थियो । दोलखाका १० क्षेत्रमा बिहीबार पुनः मतदान भएपछि अहिले धमाधम गणना भइरहेको छ ।

काठमाडौं । दोलखाका १० निर्वाचन क्षेत्रमा आज निर्वाचन भइरहेको छ । विवादका कारण यी क्षेत्रको मतगणना हुन सकेको थिएन । आयोगले दोलखाका १० वटा मतदान केन्द्रमा आज पुनः मतदान गराएको हो । बिहान ७ बजेदेखि शुरु मतदान साँझ ५ बजेसम्म चल्ने छ ।

११ मंसिरमा बसेको निर्वाचन आयोगको बैठकले दोलखाको वैत्यश्वर गाउँपालिका–२ को जनज्योति माध्यमिक विद्यालय पुतली काठका मतदान केन्द्र क र ख, वैत्यश्वर वडा नम्बर ३ को कालीढुङ्गा मावि मतदान केन्द्रमा क, ख, ग मतदान केन्द्र, वडा नम्बर ६ को वैत्यश्वर माध्यमिक विद्यालय मतदान केन्द्र क, ख, ग तथा तामाकोशी गाउँपालिका वडा नम्बर ३ हेल्थपोष्ट भवन जफे मतदान केन्द्रका क र ख गरी १० वटा मतदान केन्द्रमा ४ मंसिरमा भएको निर्वाचनलाई रद्द गरी पुनः मतदान गर्ने निर्णय गरेको थियो ।

काठमाडौं । देशभर निर्वाचनको अन्तिम नतिजा आउने क्रम अब अन्तिम चरणमा पुगेको छ । अहिलेसम्म १६१ सिटको प्रत्यक्षतर्फको नतिजा सार्वजनिक भएको छ । यसमध्ये राष्ट्रिय स्वतन्त्र पार्टीका अध्यक्ष रवि लामिछाने सबैभन्दा फराकिलो मत अन्तरले जित्ने सांसद बनेका छन् । उनी चितवन २ मा उम्मेदवार थिए । कुल ८४ हजार ३१५ मत खसेको यस क्षेत्रबाट लामिछानेले ४९ हजार ३०० अर्थात् ५८।.७ प्रतिशत मत ल्याए । उनका निकटतम प्रतिद्वन्द्वी राज्यमन्त्री उमेश श्रेष्ठले मात्र १४ हजार ९८८ मत पाए ।

लामिछानेपछि सर्वाधिक मतान्तरले चुनाव जित्नेमा भक्तपुर १ मा नेपाल मजदुर किसान पार्टीका प्रेम सुवाल छन् । उनले ३४ हजार ३१२ मतान्तरले जितेका छन् । सुवालले ४२ हजार ७६१ मत ल्याउँदा नेकपा एमालेका नवराज गेलालले ११ हजार ९६८ मत पाए । नेकपा एमालेका अध्यक्ष केपी शर्मा ओलीले नेपाली कांग्रेसका खगेन्द्र अधिकारीलाई २८ हजार ५७६ मतान्तरले जिते । ओलीले ५२ हजार ३१९ मत पाउँदा अधिकारीले २३ हजार ७४३ मत ल्याए ।

नेकपा माओवादी केन्द्रका उपमहासचिव वर्षमान पुनले पनि २५ हजार २२९ मतान्तरले चुनाव जिते । रोल्पाबाट नेकपा एमालेका पूर्ण बुढामगरलाई फराकिलो अन्तरले पराजित गरेका उनले ४१ हजार ७१४ मत पाए । बुढामगरले १६ हजार ४८५ मत ल्याए । मोरङ–३ मा नेपाली कांग्रेसका सुनिलकुमार शर्माले एमालेका भानुभक्त ढकाललाई २२ हजार ७३६ मतान्तरले पराजित गरे । सप्तरी–२ मा जनमत पार्टीका अध्यक्ष सीके राउतले जसपाका अध्यक्ष उपेन्द्र यादवलाई १८ हजार ६३ मतले हराए ।

रामेछापमा कांग्रेसका पूर्णबहादुर तामाङले एमालेका कैलाश ढुंगेललाई १६ हजार ३६९ मतान्तरले हराए । ललितपुर–३ मा राष्ट्रिय स्वतन्त्र पार्टीकी तोसिमा कार्कीले एमालेका अमृत खड्कालाई १८ हजार १७३ मतान्तरले जितिन् । गोरखा–१ मा कांग्रेसका राजेन्द्र बजगाईले एमालेका रामशरण बस्नेतलाई १६ हजार ६४३ मतान्तरले पराजित गरेको निर्वाचन आयोगको तथ्यांक छ ।

काठमाडौं । ४ मंसिरमा भएको निर्वाचनयता ३ दिन भित्र नतिजा सार्वजनिक गर्ने निर्वाचन आयोगले बताएको थियो । तर, आज १० औं दिन सम्पन्न भइसक्दा समेत पुरै नतिजा आएको छैन । प्रतिनिधिसभाका १ सय ६५ मध्ये १ सय ६१ वटा निर्वाचन क्षेत्रको मतपरिणाम सार्वजनिक भएको छ । अब ४ वटा क्षेत्रको मात्रै मतपरिणाम आउन बाँकी छ ।

सुनसरी ४ मा मतगणना जारी छ । यहाँ नेपाली कांग्रेसका ज्ञानेन्द्रबहादुर कार्की अगाडी छन् । कार्कीले २५ हजार ९ सय ४४ र उनका प्रतिस्पर्धी एमालेका जगदीशप्रसाद कुसियैतले २५ हजार ६ सय २२ मत पाएका छन् । तर, दोलखा, स्याङ्जा र बाजुरामा भने विवादका कारण मतगणना नै शुरु भएको छैन । यसमध्ये कतिपय स्थानमा पुनः मतदान नै गर्नुपर्ने भएको छ ।

मतगणना सकिएका १ सय ६१ ठाउँमध्ये कांग्रेस ५४, एमाले ४४, माओवादी केन्द्र १७ र एकीकृत समाजवादी १० ठाउँमा विजयी भएका छन् । राष्ट्रिय स्वतन्त्र पार्टी, राप्रपा र जसपा ७÷७ ठाउँमा विजयी भएका छन् । स्वतन्त्र उम्मेदवारले ५ ठाउँमा जितेका छन् । लोकतान्त्रिक समाजवादी पार्टी लोसपाले ४ ठाउँमा जितेको छ । नागरिक उन्मुक्ति पार्टीले ३ ठाउँमा जितेको छ । जनमत पार्टी, राष्ट्रिय जनमोर्चा र नेपाल मजदुर किसान पार्टीले एकएक ठाउँमा जितेका छन् ।

काठमाडौं । नेपाली कांग्रेसका दुई महामन्त्री गगन थापा र विश्वप्रकाश शर्मा आगामी प्रधानमन्त्रीमा गगन थापाको दावि रहनेमा एक मत भएका छन् । दुई महामन्त्रीबीच मंगलबार भेट भएको छ । नेपाली कांग्रेसका महामन्त्री एवम् झापा १ बाट नवनिर्वाचित प्रतिनिधिसभा सदस्य विश्वप्रकाश शर्माले अर्का महामन्त्री गगनकुमार थापालाई प्रधानमन्त्री बनाउने अभियान सुरु गर्ने घोषणा गरे । मंगलबार काठमाडौंस्थित महामन्त्री थापाको घरमा बधाई ज्ञापन गर्न पुगेका महामन्त्री शर्माले गगन थापालाई प्रधानमन्त्री बनाउने अभियान सुरु गर्ने बताए । उनले आफू थापालाई सांसद भएकोमा बधाई दिन मात्र नआएको भन्दै प्रधानमन्त्री बनाउने अभियान सुरु गर्न आएको बताए ।

उता, नेपाली कांग्रेसका महामन्त्री गगनकुमार थापाले नागरिकको भरोसालाई जोगाउन प्रधानमन्त्री बन्न आफ्नो आवश्यकता रहेको बताए । उनले लोकतन्त्रको सबैभन्दा महत्वपूर्ण कुरा भनेकै चुनाव र नागरिकको भरोसा भएकाले अहिलेको परिस्थितिमा युवाहरुको नेतृत्व देशलाई आवश्यक भएको बताए । उनले नेपाली काँग्रेसको तर्फबाट युवा पुस्ताले अब पार्टी र देशको नेतृत्व गर्ने समय आइसकेको बताए ।

काठमाडौं । समानुपातिकतर्फ ९१ लाख ८६ हजार मतगणना भइसकेको छ । जस अनुसार एमालेको मत २५ लाख कटेको छ । पछिल्लो परिणामअनुसार एमालेको २५ लाख ६ हजार, कांग्रेसको २३ लाख ७७ हजार, राष्ट्रिय स्वतन्त्र पार्टीको १० लाख ५६ हजार र माओवादी केन्द्रको १० लाख ४६ हजार मत पाएइका छन् ।, राष्ट्रिय स्वतन्त्र पार्टी तेस्रो स्थानमा उक्लिएको छ । माओवादी चौथो स्थानमा झरेको छ ।

राप्रपाको ५ लाख ४२ हजार, जसपाको ३ लाख १४ हजार, जनमत पार्टीको २ लाख ५१ हजार र एकीकृत समाजवादीको २ लाख ४७ हजार मत आएको छ । निर्वाचन आयोगले ६१ प्रतिशत मत खसेको जानकारी दिएको आधारमा चुनावमा १ करोड ९ लाख मत खसेको अनुमान छ ।समानुपातिकमा बदर मत यकिन छैन । राष्ट्रिय दल बन्न कम्तिमा ३ लाख मत ल्याउनु पर्छ ।

धरान । सुनसरी १ बाट जनता समाजवादी पार्टी, जसपाका अशोककुमार राई प्रतिनिधि सभामा विजयी भएका छन् । राष्ट्रिय स्वतन्त्र पार्टीकी गोमा तामाङलाई पराजित गर्दै उनी प्रतिनिधि सभा सदस्यमा निर्वाचित बनेका हुन् । सुरुवाती गणनामा तामाङले अग्रता लिएकी थिइन् । राईले १७ हजार ५९ र तामाङले १६ हजार ६०६ मत ल्याए ।

माओवादीका मुक्सामहाङ्ग सुब्बाले १३ हजार ८७, राप्रपाका अशोककुमार राईले सात हजार ८८४, एमालेबाट विद्रोह गरेर स्वतन्त्र उम्मेदवारी दिएका मनोजकुमार मेयाङ्गबोले सात हजार ८१२, अर्का स्वतन्त्र उम्मेदवार तर्कबहादुर मगरले तीन हजार ८१८, कुमार कार्कीले एक हजार ८६४, मातृकाप्रसाद भट्टराईले एक हजार ७६० मत पाए ।

काठमाडौं । प्रतिनिधि सभाका १६५ निर्वाचन क्षेत्रमध्ये १५५ वटाको नतिजा सार्वजनिक भएको छ । प्राप्त नतिजा अनुसार कांग्रेस ५२, एमाले ४१, माओवादी केन्द्र १७ र एकीकृत समाजवादी १० ठाउँमा विजयी भएका छन् । राष्ट्रिय स्वतन्त्र पार्टी र राप्रपाका उम्मेदवार ७÷७ ठाउँमा विजयी भएका छन् । जनता समाजवादी पार्टी नेपाल (जसपा) ६, स्वतन्त्र उम्मेदवारले ५ ठाउँमा जितेका छन् ।

लोकतान्त्रिक समाजवादी पार्टी लोसपाले ४ ठाउँमा जितेको छ । नागरिक उन्मुक्ति पार्टीले ३ ठाउँमा जितेको छ । जनमत पार्टी, राष्ट्रिय जनमोर्चा र नेपाल मजदुर किसान पार्टीले एक÷एक ठाउँमा जित हासिल गरेका छन् । समानुपातिकतर्फ एमाले पहिलो स्थानमा छ । देशभर अझै १० स्थानमा कतै गणना शुरु भएको छैन भने कतै गणना जारी छ ।

काठमाडौं । इलाम २ बाट प्रतिनिधिसभा सदस्यमा नेकपा एमालेका नेता सुवासचन्द्र नेम्वाङ निर्वाचित भएका छन् । उनले ११४ मतान्तरले कांग्रेस उम्मेदवार डम्बरबहादुर खड्कालाई पराजित गरे ।

नेम्वाङले ३० हजार २० मत पाउँदा खड्काले २९ हजार ९०६ मत पाए । यस क्षेत्रबाट २०७४ सालमा पनि नेम्वाङ नै निर्वाचित भएका थिए । उनी ०५६ सालयता प्रतिनिधि सभामा यसै क्षेत्रबाट निरन्तर अपराजित छन् ।

काठमाडौं । प्रतिनिधिसभातर्फ शनिबार बिहानसम्म कुल १४६ सिटको नतिजा आएको छ । प्रत्यक्षमा कुल १६५ सिटका लागि निर्वाचन भएको हो । यसमा प्रत्यक्षमा नेपाली कांग्रेस पहिलो स्थानमा छ । कांग्रेसले ४९ सिटमा विजयी नतिजा निकालेको छ । कांग्रेसका ५ उम्मेदवार मत गणनामा अगाडी छन् । एमालेले ३८ सिटमा जित निकालिसकेको छ । उसका ६ उम्मेदवार अगाडी छन् । माओवादी केन्द्रले १६ सिटमा जित हाँसिल गरेको छ । उसका २ उम्मेदवार अगाडी छन् ।

एकीकृत समाजवादीले १० सिटमा जित निकालेको छ । राष्ट्रिय स्वतन्त्र पार्टीले ७ सिटमा जितेको छ । एक सिटमा अग्रता लिइरहेको छ । राप्रपाले ६ सिटमा जितेको छ । एक स्थानमा अग्रता लिइरहेको छ । जसपाले ५, लोसपाले ४ र नागरिक उन्मुक्ति पार्टीले ३ स्थानमा वियजी हाँसिल गरेका छन् । स्वतन्त्रसहित अन्य दल ८ स्थानमा विजयी भएका छन् ।

चितवन । राष्ट्रिय स्वतन्त्र पार्टीका सभापतिसमेत रहेका चितवन क्षेत्र नम्बर २ बाट निर्वाचित रवि लामिछानेले अब आवश्यक परे आफ्नो पार्टी तालमेल वा गठबन्धनमा जोडिन सक्ने संकेत गरेका छन् शुक्रबार चितवनमा विजयी भएको प्रमाणपत्र बुझ्दै लामिछानेले चुनावको बेला कसैसँग गठबन्धन नगरे पनि अब आवश्यकताको आधारमा पार्टीले गठबन्धन गर्नसक्ने बताए ।

‘चुनावको बेला हाम्रो दलले कसैसँग तालमेल वा गठबन्धन गरेन तर भोलि देश हितका लागि आवश्यक पर्‍यो भने हामी साथ दिन्छौं,’ उनले भने। लामिछानेले आफूलाई जिताएको भन्दै चितवनवासीलाई धन्यवाद दिँदै जनताको विश्वासलाई शिरमा राखेर काम गर्ने बताए ।

काठमाडौं । प्रतिनिधिसभामा प्रत्यक्ष निर्वाचित हुने १६५ जना सांसद मध्ये ११६ निर्वाेचन क्षेत्रको अन्तिम नतिजा सार्वजनिक भएको छ। जसमा नेपाली कांग्रेसले अग्रता लिइरहेको छ । सो पार्टीले ४० स्थानमा जित निकालेको छ । नेकपा एमालेले २९ स्थानमा जित हात पारेको छ। माओवादी केन्द्रले १२ स्थान र नेकपा एकीकृत समाजवादीले १० स्थान जितेको छ।

राष्ट्रिय स्वतन्त्र पार्टीले ७ स्थान, राष्ट्रिय प्रजातन्त्र पार्टीले ४, लोकतान्त्रिक समाजवादी पार्टी, जनता समाजवादी पार्टी र नागरिक उन्मुक्ति पार्टीले २–२ स्थानमा जित निकालेका छन्। नेपाल मजदुर किसान पार्टी, जनमत पार्टी र राष्ट्रिय जनमोर्चाले १–१ सिट हासिल गरेका छन् भने स्वतन्त्र ५ सिटमा विजयी भएका छन्।

कसले कहाँ जिते ?

नेपाली कांग्रेस

मुस्ताङ – योगेश शेरचन

मनाङ – टेकबहादुर गुरुङ

काठमाडौं १ – प्रकाशमान सिंह

काठमाडौं ३ – सन्तोष चालिसे

काठमाडौं ४ – गगनकुमार थापा

काठमाडौं ५ – प्रदीप पौडेल

रसुवा – मोहन आचार्य

ललितपुर १ – उदय शमशेर जबरा

तनहुँ २ – शंकर भण्डारी

डडेल्धुरा – शेरबहादुर देउवा

काठमाडौं १० – राजेन्द्रकुमार केसी

पर्सा ४ – रमेशकुमार रिजाल

सुर्खेत २ – हृदयराम थानी

ओखलढुंगा – रामहरि खतिवडा

झापा १ – विश्वप्रकाश शर्मा

पर्सा १ – अजयकुमार चौरसिया

गोरखा १ – राजेन्द्र बजगाँई

म्याग्दी – खमबहादुर गर्बुजा

अछाम २ – पुष्पबहादुर शाह

कैलाली ४ – वीरबहादुर बलायर

दार्चुला – दिलेन्द्र प्रसाद बडू

कञ्चनपुर ३ – रमेश लेखक

कञ्चनपुर २ – एनपी साउद

दैलेख २ – दिक्पालकुमार शाही

भक्तपुर २ – दुर्लभ थापा

नवलपरासी पूर्व १ शशांक कोइराला

तनहुँ १ रामचन्द्र पौडेल

बाँके ३ किशोरसिंह राठोर

रौतहट ४ देवप्रकाश तिमल्सिना

सप्तरी ३ दिनेश कुमार यादव

धादिङ २ राम नाथ अधिकारी

सुर्खेत १ पूर्णबहादुर खड्का

नवलपुर २ विष्णु कुमार कार्की

सिन्धुली १ श्‍यामकुमार घिमिरे

दाङ ३ दीपक गिरी

बर्दिया १ सञ्जय गौतम

नवलपरासी पश्चिम १ विनोद चौधरी

धनुषा २ रामकृष्ण यादव

सिन्धुपाल्चोक २ मोहनबहादुर बस्नेत

मोरङ६ शेखर कोइराला

नेकपा एमाले

उदयपुर २ – अम्बरबहादुर रायमाझी

काठमाडौं ९ – कृष्णगोपाल श्रेष्ठ

ललितपुर २ – प्रेमबहादुर महर्जन

गुल्मी २ – गोकर्ण विष्ट

झापा २ – देवराज घिमिरे

झापा ५ – केपी शर्मा ओली

ताप्लेजुङ – योगेश भट्टराई

पर्सा ३ – राजकुमार गुप्ता

अर्घाखाँची – टोपबहादुर रायमाझी

प्युठान – सूर्य थापा

लमजुङ – पृथ्वीसुब्बा गुरुङ

मकवानपुर २ – महेश बर्तौला

सोलुखुम्बु ( मानवीर राई

पर्वत पदम गिरी

झापा ४ (लालप्रसाद साँवा लिम्बु

रुपन्देही ५ बासुदेव घिमिरे

धनकुटा (राजेन्द्रकुमार राई

कास्की २ विद्या भट्टराई

बाँके १ सूर्य प्रसाद ढकाल

सिराहा १ राम शंकर यादव

बैतडी दामोदर भण्डारी

कञ्चनपुर १ तारा लामा तामाङ

कपिलवस्तु १ बलराम अधिकारी

पाँचथर वसन्तकुमार नेम्वाङ

कास्की ३ दामोदर पौडेल ुवैरागीु

सर्लाही ३ हरिप्रसाद उप्रेती

बारा ३ ज्वालाकुमारी साह

बारा १ अच्युतप्रसाद मैनाल

धनुषा ३ ( जुली महतो

नेकपा माओवादी केन्द्र

सिन्धुली २ – लेखनाथ दाहाल

सिन्धुपाल्चोक १ – माधव सापकोटा

बाग्लुङ २ – देवेन्द्र पौडेल

रोल्पा – वर्षमान पुन

रुकुम पूर्व १ – पूर्णबहादुर घर्तीमगर

जाजरकोट – शक्तिबहादुर बस्नेत

गोरखा २ – पुष्पकमल दाहाल ‘प्रचण्ड’

दाङ २ रेखा शर्मा

खोटाङ रामकुमार राई

भोजपुर सुदन किराती

मोरङ ४ अमनलाल मोदी

रूकुम पश्चिम जनार्दन शर्मा

नेकपा एकीकृत समाजवादी

अछाम १ – शेरबहादुर कुँवर

बारा ४ – कृष्णकुमार श्रेष्ठ

बझाङ – भानुभक्त जोशी

दैलेख १ – अमरबहादुर थापा

डोटी – प्रेम आले

सल्यान – प्रकाश ज्वाला

रौतहट १ माधवकुमार नेपाल

डोल्पा धनबहादुर बुढा

धादिङ १ राजेन्द्र पाण्डे

दाङ १ मेटमणि चौधरी

राष्ट्रिय स्वतन्त्र पार्टी

काठमाडौं ७ – गणेश पराजुली

काठमाडौं ८ – विराजभक्त श्रेष्ठ

काठमाडौं २ – सोबिता गौतम

काठमाडौं ६ – शिशिर खनाल

चितवन २ रवि लामिछाने

ललितपुर ३ डा तोसिमा कार्की

चितवन १ हरि ढकाल

राष्ट्रिय प्रजातन्त्र पार्टी

बाँके २ – धवलसमशेर जबरा

जुम्ला – ज्ञानेन्द्रबहादुर शाही

मकवानपुर १ दीपकबहादुर सिंह

झापा ३ राजेन्द्र लिङ्देन

लोकतान्त्रिक समाजवादी पार्टी

रुपन्देही ४ – सर्वेन्द्रनाथ शुक्ला

सर्लाही १ रामप्रकाश चौधरी

जनता समाजवादी पार्टी ९जसपा०

पर्सा १ – प्रदीप यादव

सप्तरी १ नवलकिशोर साह सुडी

नागरिक उन्मुक्ति पार्टी

कैलाली १ गंगाराम चौधरी

कैलाली १ रञ्जिता श्रेष्ठ

नेपाल मजदुर किसान पार्टी

भक्तपुर १ प्रेम सुवाल

राष्ट्रिय जनमोर्चा

बाग्लुङ – चित्रबहादुर केसी

जनमत पार्टी

सप्तरी २ सीके राउत

स्वतन्त्र

बर्दिया २ – लालवीर चौधरी

मोरङ ५ योगेन्द्र मण्डल

रौतहट ३ प्रभु साह

सर्लाही ४ अमरेश सिंह

रौतहट २ किरणकुमार साह

काठमाडौं । एकीकृत समाजवादीका दुई प्रभावशाली नेता प्रेम आले र प्रकाश ज्वाला निर्वाचित भएका छन् । डोटी जिल्लाबाट प्रतिनिधि सभा सदस्यमा एकीकृत समाजवादीका प्रेमबहादुर आले निर्वाचित भएका छन् । बिहिबार बिहान सम्पन्न मतगणनाहुँदा आलेले नेकपा एमालेका उम्मेदवार गौरी ओलीलाई ४ हजार २०६ मतान्तरले हराएका हुन् । सत्ता गठबन्धनका साझा उम्मेदवार आलेले २७ हजार २१० मत प्राप्त गरे ।

एमालेकी ओलीले २३ हजार ४ मत प्राप्त गरिन् भने स्वतन्त्र उम्मेदवार नरेन्द्र खड्काले ६ हजार ६८९ मत पाए । उता, नेकपा एकीकृत समाजवादीका उपमहासचिव प्रकाश ज्वाला सल्यानबाट प्रतिनिधि सभा सदस्यमा निर्वाचित भएका छन् । ३५ हजार ७०० मतसहित ज्वाला निर्वाचित भएका हुन् । निकटतम प्रतिस्पर्धी स्वतन्त्र उम्मेदवार राजेन्द्रबहादुर शाहले १९ हजार ७८९ मत पाएका छन् । ज्वाला र शाहबीचको मत अन्तर १५ हजार ९११ छ । एमालेका उमेदवार राजेन्द्रवीर रायले तेस्रो स्थानमा रहे । उनले १३ हजार २९ मत पाए ।

कास्की । नेकपा एमालेका उपमहासचिव पृथ्वीसुब्बा गुरुङ लमजुङबाट प्रतिनिधि सभा सदस्यमा विजयी बनेका छन् । उनले नेकपा माओवादी केन्द्रका महासचिव देव गुरुङलाई ३ हजार १८८ मत अन्तरले पराजित गरे । पृथ्वीसुब्बाले ३४ हजार ९६९ र देव गुरुङले ३१ हजार ७८१ मत पाए । लम्जुङमा ८० हजार १९२ मत खसेको थियो ।

निर्वाचित गुरुङ २०७४ लमजुङ प्रदेश सभा २ बाट निर्वाचित भई सांसद हुँदै गण्डकी प्रदेशका संस्थापक मुख्यमन्त्री समेत बनेका थिए । माओवादी केन्द्रका गुरुङ २०७४ सालमा एमाले र माओवादी गठबन्धन हुँदा प्रतिनिधि सभा सदस्यमा लमजुङबाट निर्वाचित भएका थिए । यहाँ राष्ट्रिय स्वतन्त्र पार्टीका धर्मराज केसीले ९ हजार २९ मत पाए ।

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड गोरखा क्षेत्र नं. २ बाट निर्वाचित भएका छन् । उनी १३ हजार भन्दा बढी मत अन्तरले प्रतिनिधि सभा सदस्यमा निर्वाचित भएका हुन् ।

उनका निकटतम प्रतिस्पर्धी राष्ट्रिय स्वतन्त्र पार्टीका कविन्द्र बुर्लाकोटी भए । नेकपा एमालेका अब्दुस मिया तेस्रो स्थानमा रहे । प्रचण्डले २६ हजार १०३ मत पाएका छन् । राष्ट्रिय स्वतन्त्र पार्टीका बुर्लाकोटीले १२ हजार ६३७ र एमाले उम्मेदवार अब्दुस मियाले ७ हजार ३९३ मत पाए ।

काठमाडौं । ललितपुर ३ बाट राष्ट्रिय स्वतन्त्र पार्टीकी डा. तोसिमा कार्की निर्वाचित भएकी छिन् । उनले नेकपा एमालेका अमृत भट्टराई र नेकपा माओवादी केन्द्रकी पम्फा भुसाललाई भारी मतले पछि पारिन् ।

बिहीबार बिहान सार्वजनिक अन्तिम मत परिणाम अनुसार तोसिमाले ३१ हजार १३६ मत पाइन । निकटतम प्रतिस्पर्धी नेकपा एमालेका अमृत खड्काले १२ हजार ९६३ मत पाए । ऊर्जामन्त्रीसमेत रहेकी माओवादी उपमहासचिव पम्फा भुसालले ८ हजार ७६९ मत मात्र पाइन् । यो पम्फाले साविकमा जितिरहेको क्षेत्र हो ।

काठमाडौं । रवी लामिछाने अध्यक्ष रहेको राष्ट्रिय स्वतन्त्र पार्टी (रास्वपा)ले काठमाडौंमा सानदार इन्ट्री गरेको छ । पहिलो प्रयासमै यो पार्टीले काठमाडौंका तीन क्षेत्रमा जित निकालेको छ । काठमाडौं क्षेत्र नम्बर–२ मा उपाध्यक्ष सोविता गौतम, काठमाडौं–७ मा गणेश पराजुली र काठमाडौं–८ मा विराजभक्त श्रेष्ठ निर्वाचित भए ।

काठमाडौं क्षेत्र नम्बर २ मा सोविता गौतम १५ हजार २२९ मत ल्याएर विजयी भइन् । यस क्षेत्रमा गठबन्धन चौथो स्थानमा रह्यो । पूर्व सभामुख एवम् नेकपा माओवादी केन्द्रकी उम्मेदवार ओनसरी घर्तीमगर चौथो भएकी हुन् । दोस्रो भएका नेकपा एमालेका उम्मेदवार मणिराम फुयालले ११ हजार ५५५ मत पाए । राप्रपाका उम्मेदवार कुन्तीदेवी पोखरेलले ११ हजार १४ र ओनसरीको पक्षमा ९ हजार ४४९ मत पाए ।

काठमाडौं ७ मा विजयी राष्ट्रिय स्वतन्त्र पार्टीका गणेश पराजुलीले ८ हजार ७४३ मत ल्याए । उनका निकटतम प्रतिस्पर्धी नेकपा एमालेका शिवकुमार घिमिरेले ६ हजार ८०० मत पाए । माओवादी केन्द्रकी मानुषी यमी भट्टराईले ६ हजार ६३ मात्र मत पाइन् ।

काठमाडौं क्षेत्र नम्बर ८ बाट राष्ट्रिय स्वतन्त्र पार्टीकै विराजभक्त श्रेष्ठ १० हजार १०५ मतसहित विजयी भए । उनका निकटतम प्रतिस्पर्धी हाम्रो नेपाली पार्टीका सुमन सायमीले ६ हजार १७४ मत पाए । एकीकृत समाजवादीका नेता तथा संस्कृति पर्यटन तथा नागरिक उड्डयउन मन्त्री जीवनराम श्रेष्ठले ४ हजार ८७७ मात्र मत पाए ।

काठमाडौं । काठमाडौं क्षेत्र नम्बर १० मा नेपाली कांग्रेसका उम्मेदवार राजेन्द्र केसी (राजन)ले विजयको ह्याट्रिक गरेका छन् । उनी लगातार तेस्रो पटक यस क्षेत्रबाट सांसद बनेका हुन् । उनी यसअघि भएका लगातार दुई निर्वाचनमा पनि विजयी भएका थिए । यसपटक उनी १४ हजार ४५८ मतसहित विजयी भए ।

उनका निकटतम प्रतिस्पर्धी नेकपा एमालेका उम्मेदवार हिमेस केसीले ११ हजार ७८६ मत पाए । रास्वपाका प्रदीप विष्टले ८ हजार ७३६ र माओवादी केन्द्रकी अन्जना विशंखेले ५ हजार २६२ मत पाए । २०७० सालमा उनले माओवादीका अध्यक्ष प्रचण्डलाई यसै क्षेत्रमा हराएर चर्चामा आएका थिए ।

काठमाडौं । नेपाली कांग्रेसका युवा नेता प्रदीप पौडेल निर्वाचित बनेका छन् । मंगलबार राति सम्पन्न मत गणनामा पौडेलले काठमाडौं क्षेत्र नं ५ बाट नेकपा एमालेका वरिष्ठ नेता ईश्वर पोखरेललाई ५ हजारभन्दा बढी मतान्तरले पराजित गरे । प्रदीपले १५ हजार २३७ मत पाए । पोखरेलले १० हजार १७५ मत मात्र पाए । पोखरेल, प्रतिनिधिसभा निर्वाचन–२०७९ मा हार व्यहोर्ने एमालेका पहिलो पदाधिकारी समेत बने । पोखरेल एमालेमा अध्यक्ष केपी शर्मा ओलीपछिको वरियताका नेता हुन् ।

विद्यार्थी राजनीतिबाट आएका पौडेल यस अघि २०७० को निर्वाचनमा प्रदेश सभामा तनहुँमा हारेका थिए । २०७४ र यस पटक पनि पनि उनी तनहुँ(२ बाटै प्रतिनिधिसभा सदस्य लड्न चाहेका थिए । तर, नेतृत्वले व्यवस्थापनका क्रममा उनलाई काठमाडौं ल्याएको हो । यस पटक उनलाई गठबन्धनको समेत गसितलो साथ रह्यो । यससँग काठमाडौं ५ मा पोखरेलको दवदवा तोडिएको छ ।

काठमाडौं । सुर्खेत क्षेत्र नम्बर २ मा नेपाली कांग्रेसका उम्मेदवार हृदयराम थानी सांसद बनेका छन् । उनले ३४ हजार ६२५ मत पाए । निकटतम प्रतिस्पर्धी नेकपा एमालेका अमृत कुमार बीसीले २९ हजार ५५८ मत पाएका छन् ।

थानी तीन पटक संसदीय निर्वाचनमा निर्वाचित बनेका छन् । उनी ०७४ भने नेकपा एमालेका नवराज रावतसँग पराजित भएका थिए । उनी ०५६ र ०७० सालमा निर्वाचित भएका हुन्

काठमाडौं । रसुवाबाट प्रतिनिधिसभा सदस्यमा नेपाली कांग्रेसका मोहन आचार्य निर्वाचित भएका छन् । २०७४ मा रसुवाबाटै प्रतिनिधिसभा सदस्य निर्वाचित आचार्यले दोस्रो पटकको जितमा नेकपा एमालेका उम्मेदवार छोवाङ तेन्जिङ तामाङलाई फराकिलो मतान्तरले पराजित गरेका हुन् । आचार्यले १८ हजार २३५ मत ल्याउँदा तामाङले ८ हजार ६१४ मत पाए ।

उनीहरुबीचको मतान्तर ९ हजार ६२१ छ । २०४८ सालमा नेपाल विद्यार्थी संघमा आवद्ध भएर राजनीति यात्रा आरम्भ गरेका कांग्रेसका जिल्ला स्तरका विभिन्न संगठनमा रहेर जिम्मेवारी निर्वाह गरेका नेता हुन् । २०७२ मा नेपाली कांग्रेस महासमिति सदस्य रहेका उनी २०७८ मा कांग्रेस केन्द्रीय सदस्यमा निर्वाचित भएका थिए ।

काठमाडौं । आज प्रतिनिधसभा र प्रदेश सभाका लागि मतदान शुरु भएको छ । बिहान ७ बजेटबाट देशैभर एकै पटक मतदान शुरु भएको हो । मतदान केन्द्रमा पुरुष र महिलाको अलग अलग लाइनको व्यवस्था गरिएको छ । अपांग भएका व्यक्ति, गर्भवती, ज्येष्ठ नागरिक, बिरामी, लैंगिक अल्पसंख्यकका लागि छुट्टै व्यवस्था छ । देशभर १० हजार ८९२ मतदानस्थल र २२ हजार २२७ मतदान केन्द्र रहेका छन् । चुनावमा १ करोड ७९ लाख ८८ हजार ५७० मतदाता रहेको आयोगको तथ्यांक छ ।

प्रतिनिधि सभातर्फ १६५ र प्रदेश सभातर्फ ३३० सिटका लागि प्रत्यक्षतर्फको चुनाव हुँदैछ । प्रतिनिधि सभाका ११० सिट र प्रदेशमा प्रत्येक प्रदेशका लागि त्यो प्रदेशसभाको कुल आकारको ४० प्रतिशत सिटका लागि समानुपातिक चुनाव हुँदैछ । चुनावको लागि २ लाख ४६ हजार ९ सय ६० कर्मचारी खटिएका छन् । यस्तै नेपाली सेना, प्रहरी, सशस्त्र र म्यादी प्रहरी गरी झण्डै ३ लाख सुरक्षाकर्मी खटिएका गृह मन्त्रालयले जनाएको छ ।

काठमाडौं । आइतबार हुने प्रतिनिधि तथा प्रदेश सभा निर्वाचनको तयारी पुरा भएको छ । यसका लागि मतदान गर्न शीर्ष नेतासहित आम मतदाता समेत निर्वाचन क्षेत्रमा पुगिसकेका छन् । प्रधानमन्त्री तथा नेपाली कांग्रेसका सभापति शेरबहादुर देउवाले डडेलधुरा गन्यापधुरा गाउँपालिका–१, रुवाखोलास्थित असिग्राम मावि मतदान केन्द्रमा मतदान गर्ने भएका छन् । देउवा डडेलधुरामै छन् । प्रधानमन्त्री देउवाले बिहान ९ बजे मतदान गर्नेछन् ।

विसं २०४८ देखि लगातार निर्वाचित प्रधानमन्त्री देउवा पुनः सोही निर्वाचन क्षेत्रबाट उम्मेदवार छन् । प्रधानमन्त्री पत्नी डा आरजु राणा देउवाले पनि सोही मतदान केन्द्रबाट मतदान गर्नेछिन् । सञ्चार तथा सूचना प्रविधिमन्त्री ज्ञानेन्द्रबहादुर कार्कीले बराह क्षेत्र नगरपालिका–१० प्रकाशपुरस्थित मतदान केन्द्रमा मतदान गर्नेछन् । गृहमन्त्री बालकृष्ण खाणले रुपन्देहीको तिलोत्तमा–८ स्थित ज्योति आधारभूत विद्यालयमा मतदान गर्नेछन् ।

एकीकृत समाजवादीका अध्यक्ष माधवकुमार नेपालले गौर नगरपालिका–२ स्थित रामजानकी कन्या प्राथमिक विद्यालय भवनमा मतदान गर्दै छन् । सोही पार्टीका नेता झलनाथ खनालले आफैँ उम्मेदवार रहेको इलामको सूर्योदय नगरपालिका–९ को राष्ट्रिय निमावि फिक्कल, रामफोक मतदान केन्द्रमा मतदान गर्नेछन् । लोकतान्तिक समाजवादी पार्टी (लोसपा) का अध्यक्ष महन्थ ठाकुरले सर्लाहीको बलरा नगरपालिका–१ मा मतदान गर्नेछन् ।

जनता समाजवादी पार्टी (जसपा) अध्यक्ष उपेन्द्र यादवले विराटनगर–१४ स्थित डिग्री क्याम्पसमा रहेको मतदान केन्द्रमा मतदान गर्दै छन् । कांग्रेस वरिष्ठ नेता रामचन्द्र पौडेलले तनहुँको व्यास–२, सत्यवादी माध्यमिक विद्यालयस्थित केन्द्रबाट मतदान गर्दै छन् । कांग्रेस महामन्त्री गगनकुमार थापाले काठमाडौँ–३०, मैतीदेवी मन्दिरस्थित मतदान केन्द्रमा मतदान गर्दै छन् । अर्का महामन्त्री विश्वप्रकाश शर्माले झापाको मेचीनगर नगरपालिका–९ को कविशिरोमणि मतदान केन्द्रमा मतदान गर्नेछन् ।

कांग्रेसका नेता प्रकाशमान सिंहले काठमाडौँ–१६ पकनाजोलस्थित नेपाल युवक माविको मतदान केन्द्रमा मतदान गर्नेछन् । कांग्रेस नेता शेखर कोइरालाले विराटनगर–७ को आर्दश विद्यालयमा मतदान गर्नेछन् । नेपाल मजदुर किसान पार्टीका अध्यक्ष नारायणमान विजुक्छेले भक्तपुर दरबार स्क्वायरको विद्यार्थी निकेतन उच्च मावि मतदान केन्द्रबाट मतदान गर्नेछन् ।

माओवादी केन्द्रका वरिष्ठ उपाध्यक्ष नारायणकाजी श्रेष्ठले गोरखाको सिरानचोक गाउँपालिका–८ जौबारीस्थित मतदान केन्द्रमा मतदान गर्दै छन् । पूर्वप्रधानमन्त्री डा बाबुराम भट्टराईले गोरखाको पालुङटार नगरपालिकास्थित अन्नपूर्ण मावि मतदान केन्द्रमा मतदान गर्नेछन् ।