Category: समाचार

काठमाडौं । कर्णाली प्रदेशका मुख्यमन्त्री राजकुमार शर्माले विश्वासको मत पाएका छन्। शर्माले मुख्यमन्त्री नियुक्त भएको दशौं दिनमा विश्वासको मत पाएका हुन्।

शुक्रबार प्रदेशसभा बैठकमा ३९ सांसद् उपस्थित भएकोमा मुख्यमन्त्री शर्माको पक्षमा २५ मत खस्दा विपक्षमा १४ मत खसेको थियो ।

शर्माको पक्षमा माओवादी केन्द्रका १३, एमालेका ९, राप्रपा, नेकपा एकीकृत समाजवादी र स्वतन्त्र (देवराज शाही) एक–एकजना सांसद्ले मत हालेका हुन्।

नेपाली कांग्रेसका १४ जना सांसदले विपक्षमा मतदान गरेका छन् । माओवादी केन्द्रका पोलिटब्यूरो सदस्य राजकुमार शर्मालाई प्रदेश प्रमुख तिलक परियारले २७ पुसमा मुख्यमन्त्रीमा नियूक्त गरेका थिए । शर्मा कर्णालीको तेस्रो मुख्यमन्त्री हुन् ।

काठमाडौं । मन्त्रीसँगै राज्यमन्त्री पनि रिबन काट्न तम्सिएपछि आयोजक नै अन्योलमा परेको छ ।

व्यानरमा कार्यक्रमको प्रमुख अतिथिमा स्वास्थ्य तथा जनसंख्या मन्त्री पदम गिरीको नाममात्रै लेखिए पनि राज्यमन्त्री डा.तोसिमा कार्की पनि सहभागी भएर रिबन काट्न तम्सिएपछि अन्योल देखिएको हो ।

वीर अस्पतालको क्याथ ल्याब सेवा उद्घाटनमा व्यानरमा प्रमुख अतिथि गिरीको नाममात्रै लेखिए पनि राज्यमन्त्री कार्की पनि सहभागी थिइन्।

राज्यमन्त्री चिकित्सक नै भएकाले आउने इच्छा गरेपछि पछि बोलाइएको थियो ।

व्यानरमा मन्त्रीले मात्रै उद्घाटन गर्ने लेखिए पनि मन्त्री र राज्यमन्त्री दुवैलाई रिबन काट्न अस्पतालले दुई कैँचीको व्यवस्था गरेको थियो। मन्त्रीसँगै राज्यमन्त्री पनि रिबन काट्न तम्सिएको देखिन्छ।

काठमाडौं । प्रतिनिधिसभाका नवनिर्वाचित सभामुख देवराज घिमिरेले पदभार ग्रहण गरेका छन् । सिंहदरबारस्थित कार्यकक्षमा सभामुख घिमिरेले पदभार ग्रहण गरेका हुन् ।

यसअघि आजै उनले पद तथा गोपनीयताको शपथ लिएका थिए । शीतल निवासमा राष्ट्रपति विद्यादेवी भण्डारीबाट उनले शपथ लिएका हुन् ।

पदबहाली गर्दै सभामुख घिमिरेले नवनिर्वाचित सांसदहरूका लागि संसदीय अभ्यास र प्रक्रियाबारे अन्तरक्रिया गर्ने पहिलो निर्णय गरेका छन् ।

सभामुख घिमिरेले अझै बढी व्यवस्थित, अझै बढी क्रियाशील, अझै मर्यादित बनाउनका लागि सबैको प्रयत्न हुने र त्यसको जिम्मेवारी आफूले पाएको बताए । उनले प्रभावकारी ढंगबाट संघीय संसद्लाई अघि बढाउने विश्वस्त रहेको बताए ।

घिमिरे सत्ता गठबन्धनको समर्थनमा सभामुख निर्वाचित भएका हुन् । सभामुख निर्वाचित भएसँगै उनले एमाले पार्टीको जिम्मेवारीबाट अलग भएको घोषणा गरिसकेका छन् ।

काठमाडौं । नवनिर्वाचित सभामुख देवराज घिमिरेले राष्ट्रपतिबाट पद तथा गोपनीयताको सपथ लिएका छन् ।

शुक्रबार राष्ट्रपति भवन शीतल निवासमा आयोजित एक समारोहकाबीच घिमिरेले सभामुख पदको सपथग्रहण गरेका हुन् ।

सपथपग्रहण कार्यक्रममा उपराष्ट्रपति नन्दबहादुर पुन, प्रधानमन्त्री पुष्पकमल दाहाल, राष्ट्रिय सभाका अध्यक्ष गणेशप्रसाद तिमिल्सिना, कार्वबाहक प्रधानन्यायाधीक हरिकृष्ण कार्कीलगायतको उपस्थिति थियो ।

काठमाडौं । सभामुखमा नेकपा एमालेका देवराज घिमिरे निर्वाचित भएका छन् ।

बिहीबार भएको निर्वाचनमा घिमिरेको पक्षमा १६७ सांसदको मत पाएर घिमिरे विजयी भएका हुन्।

बिहीबार भएको मतदानका क्रममा २६८ जना सांसद उपस्थित थिए। उनलाई सभामुख निर्वाचित गरियोस् भन्ने प्रस्तावको पक्षमा १६७ र विपक्षमा १०० मत पर्‍यो ।

प्रतिनिधिसभाका २७५ मध्ये २६८ जना मतदानमा सहभागी भएका थिए । एक जना सांसद भने तटस्थ रहे ।

काठमाडौं । नेपाली कांग्रेसका महामन्त्री विश्वप्रकाश शर्माले प्रधानमन्त्रीलाई पिँजडामा राख्ने प्रयास गरिएको टिप्पणी गरेका छन् ।

बिहीबारको प्रतिनिधिसभा बैठकमा महामन्त्री शर्माले संविधानले नचिनेको उच्चस्तरीय राजनीतिक संयन्त्रको संयोजक अर्कोलाई बनाएर प्रधानमन्त्रीलाई पिँजडामा राख्ने प्रयास भएको टिप्पणी गरेका हुन् ।

उनले पहिलो दल भएकाले शीतल निवासमा दाबी गर्नु स्वभाविक भएको बताए । माछा र ढोक्साको कथा हालेर आफ्नै जिल्लामा नेताले भनेको कुरामा जवाफ दिनुपर्ने भन्दै महामन्त्री शर्माले केही दिनअघि संसदमा विश्वासको मत लिँदा कांग्रेसले माछाका लागि ढोक्सा थामेको हो भने सफल नहुने भनि गरेको टिप्पणीमा जवाफ दिए ।

उनले आफूहरुले ढोक्सा नथापेको दाबी गर्दै माछा र ढोक्सा हालेर प्रधानमन्त्रीमाथि कसिलो पिँजडा नबनाउन चेतावनी दिए।

उनले भने,‘आफू प्रधानमन्त्री भएको बेलामा सँगैको मित्रले उच्चस्तरीय संयन्त्र बनाउनभन्दा संविधानले नचिनेको नबनाउँ भन्ने तर अहिले सँगैको मित्र प्रधानमन्त्री हुँदा संविधानले नचिनेको उच्चस्तरीय संयन्त्र बनाउन हामीले ढोक्सा थाप्नेभन्दा देशको प्रधानमन्त्रीलाई पिँजडामा राख्न खोजेको संज्ञा दिन चाहन्छु ।’

काठमाडौं । सभामुखको उम्मेदवारको प्रस्तावमाथिको छलफलका क्रममा जनमत पार्टीका अध्यक्ष सीके राउतले सदनमै मौनधारण गरेका छन्।

सांसद राउतले माघ ५ गते मधेस आन्दोलनका शहीदहरुलाई सम्मान गर्न संसदमा १ मिनेट मौनधारण गर्न आग्रह गरेका हुन्।

रोस्ट्रममा बोलिरहेका उनले मधेसका सहिदलाई अरु कसैले उठेर सम्मान गर्छन् कि गर्दैनन् भन्दै मौन धारण सुरु गरेका थिए।

जसमा संसदमा उपस्थित अधिकांश दल र सांसदहरुले १ मिनेट उठेर मौन धारण गरेका थिए। राउतले रोष्ट्रममा मौनधारण गरेपछि अरु सांसदहरूले पनि उभिएर मौनधारण गरेका थिए । मौनधारणमा साथ दिने सांसदहरूलाई उनले धन्यवाद दिए ।

काठमाडौं । उपप्रधान तथा गृहमन्त्री रवि लामिछानेले आफूले नेतृत्व गरेको मन्त्रालय विधि र पद्धतिभन्दा बाहिर नजाने बताएका छन् ।

बिहीबार सभामुख चयनका लागि भएको प्रतिनिधिसभाको बैठकमा सांसद देवराज घिमिरेको पक्षमा मत माग्दै उनले यस्तो बताएका हुन्। बैठकको सुरुमा कांग्रेस सांसद रामहरि खतिवडाले हत्या आरोपी सांसद उपस्थित रहेको भन्दै पक्राउ गर्न माग गरेका थिए।

तर उनको कुराको जवाफ दिने क्रममा गृहमन्त्री लामिछानेले दबाब नदिन भनेका हुन्।

‘माननीयज्यू (रामहरि खतिवडा) ले फरार रहेका मानिस संसदमा हुनुहुन्छ पक्राउ गर्नुस् भन्नुभयो। विधि र पद्धतिबाट बाहिर गएर गृहमन्त्रालय दायाँ बायाँ गर्दैन’, उनले भने, ‘प्रक्रियाबाट गृहमन्त्रालय बाहिर जाँदैन। कर्मचारी सरुवा बढुवामा पनि विधि बाहिर जान्न। गृहमन्त्रालय आफ्नो प्रतिवद्धतामा टसमस भएको छैन।’

महोत्तरी १ बाट निर्वाचित नेकपा एमालेका सांसद लक्ष्मी कोइली महतोमाथि मधेस आन्दोलनका बेला सशस्त्र प्रहरीका सहायक निरीक्षक थमन विकको हत्यासम्बन्धी अभियोग छ। उनलाई उच्च अदालतले थुनामा राख्न आदेश दिएको थियो।

गृहमन्त्री लामिछानेले पटक-पटक सांसद महतोलाई पक्राउ गरिने बताइरहेका छन् तर उनी पक्राउ भएका छैनन्।