नयाँ दिल्ली । भारतमा होटेल तथा रेष्टुरेन्टमा लाग्दै आएको सेवा शूल्क हटेको छ । भारतको केन्द्रिय उपभोक्ता संरक्षण प्राधिकरण (सीसीपीए)ले सोमवार होटेल, रेष्टुरेन्ट तथा ढावाले लिने गरेको सेवा शूल्क हटाउने निर्णय गरेको हो । अब भारतमा सेवा शूल्क प्रतिवन्धित भएको छ । त्यो त भारतमा सन् २०१७ मा समेत यस्तो घोषणा भएको थियो ।
तर, सरकारले बाध्य बनाउन नसकेपछि भारतभर यो नियम लागु थियो । जसले गर्दा उपभोक्ताले महंगो मूल्य तिरिरहेका थिए । अब भने कुनै पनि होटेल तथा रेष्टुरेन्टले यस्तो शूल्क लिएमा त्यस विरुद्ध उजरी समेत गर्न सकिने गरी नियम बनेको छ । अहिले पनि मानिसहरुले सेवा शूल्क लिएको बिल सामाजिक संजालमा राखेर प्रश्न भने गरिरहेका छन् ।
