काठमाडौ । विहीवार शेयर बजारमा उछाल आएको छ । कारोबार शुरु भएदेखि नै उकालो लागेको शेयर बजार मापक सूचक (नेप्से) ७४.९३ अंकले बढेर २०३७.६४ विन्दुमा पुगेको हो ।
नेपाल स्टक एक्सचेन्जका अनुसार विहीवार २२७ कम्पनीको २ अर्ब ४५ करोड ८६ लाख १९ हजार ४९४ रुपैयाँ बराबरको ७२ लाख ५४ हजार ७० कित्ता शेयर किनबेच भएका छन् । अघिल्लो दिनको तुलनामा कारोबार रकम बढेको छ ।
बुधवार १ अर्ब ४३ करोड १४ लाख ६४० रुपैयाँ बराबरको कारोबार भएको थियो ।
आज कारोबारमा आएका १३ समूहमध्ये हरियो भएको छ । बैंकिङ २९, विकास बैंक २०४, फाइनान्स १००, होटल तथा पर्यटन १२७, जलविद्युत् १०६, जीवन बीमा २९६, उत्पादन २५०, लघुवित्त २०४, निर्जीवन बीमा ३८७, अन्य ८६ र ब्यापार उपसमूह १२६ अंकले बढे ।
आज नेपाल फाइनान्स, मैलुङ खोला जलविद्युत कम्पनी र न्यादी हाइड्रोपावर लिमिटेडको शेयरमूल्य शेयरमूल्य १० प्रतिशतले बढेको छ ।
त्यस्तै, आँधिखोला लघुवित्त वित्तीय संस्था, सिवाईसी लघुवित्त वित्तीय संस्था, सुर्योदल लघुवित्त वित्तीय संस्था, कर्पोरेट डेभलपमेन्ट बैंक, शिवम् सिमेन्ट, रिलायन्स फाइनान्सको शेय् मूल्य ९ प्रतिशत भन्दा बढीले बढेको छ ।
त्यस्तै पञ्चकन्यामाई हाइड्रोपावर कम्पनी, नेपाल रिइन्स्योरेन्स कम्पनी, पाँचथर पावर कम्पनी, कालिका पावर कम्पनी, मितेरी डेभलपमेन्ट बैंक र सेन्ट्रल फाइनान्स कम्पनीको शेयरमूल्यमा उच्च वृद्धि भएको छ । यी कम्पनीको शेयरमूल्य आज ९ प्रतिशत भन्दा बढीले बढेको छ ।
नेप्सेका अनुसार ग्लोबल आईएमई बैंक डिभेञ्चरका लगानीकर्ताहरुले सर्वाधिक गुमाएका छन् । यसको शेयरमूल्य ३ प्रतिशत भन्दा बढीले घटेको छ ।
कारोबारको आधारमा आज सबैभन्दा बढी शिवम् सिमेन्टको भएको छ । यसको आज ९ करोड ९५ लाख भन्दा बढीको कारोबार भएको छ ।
दोस्रमा हिमालय डिस्टिलरीको ७ करोड ९७ हजार र तेस्रोमा एशियन लाइफको ५ करोड ९९ लाखको कारोबार भएको छ ।
