Category: समाचार

काठमाडौं । नेपाली कांग्रेसको १४औँ महाधिवेशनअन्तर्गत मधेशीतर्फको खुला केन्द्रीय सदस्यको मतगणना सकिएको छ। ५ जनाको लागि भएको मतदानबाट विनोद चौधरी पनि निर्वाचित भएका छन्।

मधेसी कोटाबाट उद्योगी विनोद चौधरी, अजय चौरसिया, चन्द्रमोहन यादव, महेन्द्रकुमार राय र दिनेशकुमार यादव केन्द्रीय सदस्यमा निर्वाचित भएका हुन्।

निर्वाचित ५ मध्ये चन्द्रमोहनबाहेक सबै देउवा प्यानलका हुन्। चन्द्रमोहन पूर्वराष्ट्रपति रामवरण यादवका छोरा हुन्।

कसको कति मत?

१. अजय चौरसिया– २५२२

२. विनोद चौधरी– २२०६

३. चन्द्रमोहन यादव–२१३८

४. महेन्द्रकुमार राय–१९८४

५. दिनेशकुमार यादव–१९५९

काठमाडौं । संसदमा एमालेले जारी राखेको अवरोध नहट्दा महत्वपूर्ण एजेण्डामाथि छलफल हुन सकेको छैन । प्रतिनिधि सभाको बैठक मंगलबार पनि बस्दै छ । यसअघि सर्वदलीय बैठकमा उपस्थित नभएको एमालले आज पनि बैठक अवरुद्ध गर्नेछ । बैठक दिउँसो १ बजेका लागि बोलाइएको हो । बैठकका कार्यसूची तय गर्न सभामुख अग्नि सापकोटाले कार्यव्यवस्था परामर्श समितिको बैठक बोलाएका छन् ।

सोमबार सार्वजनिक सम्भावित कार्यसूचीमा कानुन मन्त्री दिलेन्द्र प्रसाद बडुले यौन हिंसाविरुद्ध र फौजदारी कसूर तथा फौजदारी कार्यविधि सम्बन्धी केही ऐन संशोधन गर्ने अध्यादेश २०७८ प्रस्तुत गर्नेछन् । मंगलार एमसीसी टेवल हुने बताइएको थियो । तर, दलहरुबीचमा अझै सहमति नजुटेका कारण एमसीसी भने टेवल हुने सम्भावना छैन । एमाले मै छँदा सांसदहरुलाई गरेको कारबाहीलाई सभामुख अग्निप्रसाद सापकोटाले मान्यता नदिएको विरोधमा एमालेले संसद अवरोध गरिरहेको छ ।

काठमाडौं । नेपाली कांग्रेसको १४औं महाधिवेशन अन्तर्गत महिला आरक्षण कोटाको मतगणना सम्पन्न भएको छ । यस कोटाबाट ९ जना केन्द्रीय सदस्य निर्वाचित हुने प्रावधान रहेको छ । सोमबार अबेर सार्वजनिक भएको मत परिणाम अनुसार डिला संग्रौला पन्त सबैभन्दा धेरै मत ल्याएर निर्वाचित भइन् । उनले २८८५ मत पाएको निर्वाचन समितिले जनाएको छ । दोस्रो स्थानमा पुष्पा भुसाल २७१८ मत पाएकी छिन् ।

प्रधानमन्त्रीपत्नी आरजु राणा देउवा २५३६ मत सहित तेस्रो स्थानमा रहिन् । अम्बिका बस्नेत २३३९, ईश्वरी न्यौपाने २२५९ मत ल्याएर निर्वाचित भएका छन् । सरिता प्रसाईंले २०९६, रमा कोइराला पौडेल १८५८, सुशीला ढकाल आचार्य १८०४ र रंगमती शाही १७८९ मत ल्याएर निर्वाचित भएको समितिले जनाएको छ । महिलातर्फको केन्द्रीय सदस्य ९ पदका लागि ३० जनाको उमेदवारी परेको थियो । सबैभन्दा कम अम्बिका शर्माको १४९ मत आएको छ ।

काठमाडौं । पछिल्लो २४ घण्टामा देशभर २२० जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार २ हजार ७२५ जनाको पीसीआर परीक्षण गर्दा २१८ जना र १ हजार ४१६ जनाको एन्टिजेन परीक्षण गर्दा २ गरी १८१ जनामा कोरोना भाइरसको संक्रमण देखिएको हो ।

योसँगै नेपालमा कोरोना संक्रमितको संख्या ८ लाख २५ हजार ९५४ जना पुगेको छ ।

पछिल्लो २४ घण्टामा २६३ जना संक्रमण मुक्त भएका छन् । यो सहित संक्रमण मुक्त हुनेको संख्या ८ लाख ९ हजार १५५ पुगेको छ । संक्रिय संक्रमितको संख्या ५ हजार २२५ रहेको छ ।

पछिल्लो २४ घण्टामा मृत्यु हुने संक्रमितको संख्या १ रहेको छ । नेपालमा कोरोना मृत्यु हुनेको संख्या ११ हजार ५७४ पुगेको छ ।

काठमाडौं । नेपाली कांग्रेसको खुलातर्फको केन्द्रीय सदस्य पदको मतगणना सम्पन्न भएको छ । आइतबार राती आएको अन्तिम मतपरिणाममा डा। शशांक कोइराला सबैभन्दा अग्रस्थानमा रहे । उनले लोकप्रिय मत प्राप्त गरेका छन् । उनको ३८३६ मत आएको छ । त्यसपछि क्रमशः एनपी साउद, बालकृष्ण खाँण, उदयशम्शेर राणा, रामहरि खतिवडाको बढी मत आएको छ । ३५ औं स्थानमा कृष्णकिशोर घिमिरे परेका छन् । उनको १७०७ मत आएको छ । निर्वाचित केन्द्रिय सदस्यमध्ये १६ जना नयाँ अनुहार छन् । अधिकांश सदस्य शेर बहादुर देउवा प्यानलका विजयी भएको छन् ।

३५ जनामा कसले कति मत पाए ?

१. शशांक कोइराला ३८३६
२. एनपी साउद २९३७
३. बालकृष्ण खाँण २८७९
४. उदयशम्शेर राणा २८४३
५. रामहरि खतिवडा २८३२
६. ज्ञानेन्द्रबहादुर कार्की २८२०
७. रमेश लेखक २७८०
८. शंकर भण्डारी २७६८
९. जिपछिरिङ लामा २७०२
१०. अर्जुन नरसिंह केसी २६५०
११. जितजंग बस्नेत २५५७
१२. गोपालमान श्रेष्ठ २५३८
१३. मोहनबहादुर बस्नेत २४७६
१४. सुनीलबहादुर थापा २४७२
१५. नैनसिंह महर २४६७
१६. दिलेन्द्रप्रसाद बडू २४४१
१७. डा. रामशरण महत २४३४
१८. बलबहादुर केसी २३८८
१९. गोविन्द भट्टराई २३५०
२०. कुन्दनराज काफ्ले २२७९
२१. दीपक गिरी २२६५
२२. सुरेन्द्रराज पाण्डे २२०१
२३. पद्मनारायण चौधरी २०३८
२४. राजीव ढुंगाना १८९६
२५. गुरु बराल १८७०
२६. सञ्जयकुमार गौतम १८६७
२७. गोविन्द राज पोखरेल १८४३
२८. मदनबहादुर अमात्य १८३०
२९. अजयबाबु शिवाकोटी १८११
३०. गणेश लामा १७८२
३१. दिनेश कोइराला १७८१
३२. उमेशजंग रायमाझी १७७६
३३. ई. मोहन आचार्य १७५१
३४. गोपाल दहित १७१०
३५. कृष्णकिशोर घिमिरे १७०७

काठमाडौं । प्रधानमन्त्री शेरबहादुर देउवा्ले आइतबार बोलाएको सर्वदलीय बैठक सकिएको छ । संसदमा जारी एमालेको अवरोध र अमेरिकी सहयोग सम्बन्धी सम्झौता एमसीसीको विषयमा आज छलफल भएको छ । बैठकमा एमाले भने सहभागी भएन । सोहीकारण बैठकले ठोस निष्कर्ष भने दिन सकेन ।

बैठकपछि सञ्चार तथा सूचना प्रविधिमन्त्री एवम् सरकारका प्रवक्ता ज्ञानेन्द्रबहादुर कार्कीले सर्वदलीय बैठकमा लामो समयदेखि प्रमुख प्रतिपक्षी दल नेकपा (एमाले)ले संसद्‍मा गर्दै आएको अवरोध र एमसीसी सम्झौताको विषयमा छलफल भएको जानकारी गराए । थप छलफलबाट यी विषयलाई निष्कर्षमा पुर्याउने सम्बन्धमा आइतबार सहमति जुटेको समेत उनले जानकारी गराए ।

‘सर्वदलीय बैठकमा प्रधानमन्त्रीले संसद्‍मा प्रतिनिधित्व गर्ने सबै राजनीतिक दललाई आमन्त्रण गरेका थिए । संसद् अवरुद्ध हुँदा संसद्को काम र जनताको अपेक्षा प्रभावित भएको विषयमा सत्तारुढ दलले चिन्ता व्यक्त गरेका छन् । असहमति प्रकट गर्ने थलो संसद् भए पनि सशक्त प्रतिपक्षी दलले त्यसलाई बन्धक बनाउनु नहुने नेताहरुले जोड छ । बैठकले संसद् अवरुद्ध हुँदा समग्र संसदीय व्यवस्था कमजोर हुने भन्दै बैठकले यसको निकास खोज्न प्रतिपक्षी दल एमालेलाई अनुरोध समेत गरेको छ ।

बैठकमा एमसीसी सम्झौतालाई कसरी अगाडि बढाउने भन्ने विषयमा समेत छलफल भएको छ । नेताहरुले एमसीसीको पक्ष र विपक्षमा धारणा राखेका थिए । सम्झौतामाथि थप छलफल हुने उनले बताए ।

बैठकमा प्रधानमन्त्री देउवा, नेपाली काँग्रेसका वरिष्ठ नेता रामचन्द्र पौडेल, नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’, नेता नारायणकाजी श्रेष्ठ, नेकपा (एकीकृत समाजवादी) पार्टीका अध्यक्ष माधवकुमार नेपाल, वरिष्ठ नेता झलनाथ खनाल, जनता समाजवादी पार्टीका अध्यक्ष उपेन्द्र यादव, लोकतान्त्रिक समाजवादी पार्टीका अध्यक्ष महन्थ ठाकुर, सत्तारुढ गठबन्धनका शीर्ष नेता सहभागि भए ।

काठमाडौं । पछिल्लो २४ घण्टामा देशभर १८१ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार ४हजार ८३१ जनाको पीसीआर परीक्षण गर्दा १३३ जना र ५ हजार ४१ जनाको एन्टिजेन परीक्षण गर्दा ४८ गरी १८१ जनामा कोरोना भाइरसको संक्रमण देखिएको हो ।

योसँगै नेपालमा कोरोना संक्रमितको संख्या ८ लाख २५ हजार ७३६ जना पुगेको छ ।

पछिल्लो २४ घण्टामा २८९ जना संक्रमण मुक्त भएका छन् । यो सहित संक्रमण मुक्त हुनेको संख्या ८ लाख ८ हजार ८९२ पुगेको छ । संक्रिय संक्रमितको संख्या ५ हजार २७१ रहेको छ ।

पछिल्लो २४ घण्टामा मृत्यु हुने संक्रमितको संख्या १ रहेको छ । नेपालमा कोरोना मृत्यु हुनेको संख्या ११ हजार ५७३ पुगेको छ ।

काठमाडौं । नेपाली कांग्रेसको १४ औं महाधिवेशनमा निर्वाचत भएको खुला केन्द्रीय सदस्य पदको मतगणना आज पनि जारी रहने भएको छ । शनिबार २३९३ मतको गणना सकेर स्थगित भएको थियो । मतगणना आज नियमित हुँदैछ । खुला तर्फको ३५ जनाका लागि ९९ जनाको उम्मेदवारी परेको छ ।

मतगणना पार्टी कार्यालय सानेपामा जारी छ । अहिलेसम्मको मतगणनामा पहिलो नम्बर डा. शशांक कोइराला छन् । उनलाई एनपी साउदले पच्छ्याइरहेका छन् ।

२३९३ मत गन्दा शीर्ष ३५ मा को को परे ?

१. डा.शशांक कोइराला :१९७१
.२. एनपी साउद : १५३८
३. बालकृष्ण खाँण : १५०७
४. रमेश लेखक : १४५१
५. उदय शमशेर राणा : १४४५
६. शंकर भण्डारी : १४३७
७. ज्ञानेन्द्रबहादुर कार्की : १४२३
८. रामहरि खतिवडा : १३९५
९. अर्जुननरसिंह केसी : १३८३
१०. गोपालमान श्रेष्ठ : १३२३
११. जिप छिरिङ्ग लामा : १३१२
१२. जीतजङ्ग बस्नेत : १२८३
१३. नैनसिंह महर : १२८३
१४. डा।रामशरण महत : १२८१
१५. गोविन्द भट्टराई : १२७७
१६.सुनिलबहादुर थापा : १२४६
१७. बल बहादुर केसी: १२३३
१८. दिलेन्द्र प्रसाद बडू : १२३१
१९. मोहनबहादुर बस्नेत : १२०२
२०. दीपक गिरी : ११७४
२१. सुरेन्द्रराज पाण्डे : ११५१
२२. कुन्दनराज काफ्ले : ११४३
२३. पद्मनारायण चौधरी: ११३७
२४. गुरु बराल : १०३६
२५. सञ्जयकुमार गौतम : १००१
२६. गोविन्द राज पोखरेल : ९६२
२७. गोपाल दहित: ९३१
२८. राजीव ढुंगान: ९३५
२९. कृष्णकिशोर घिमिरे : ९२९
३०. दिनेश कोइराला : ९२५
३१. वीरेन्द्रकुमार कनौडिया : ९१९
३२. ई। मोहन आचार्य: ९१३
३३. अजयबाबु शिवाकोटी: ९०९
३४. मदनबहादुर अमात्य : ९०८
३५. उमेशजंग रायमाझी: ८९१

काठमाडौं । प्रधानमन्त्री शेरबहादुर देउवाले आइतबारका लागि सर्वदलीय बैठक बोलाएका छन् । आइतबार दिउँसो ४ बजे बैठक बोलाइएको हो । बैठकको विषय भने सार्वजनिक गरिएको छैन । प्रधानमन्त्री देउवाको सचिवालयका अनुसार बैठकमा प्रतिनिधिसभामा प्रतिनिधित्व गर्ने राजनीतिक दलका शीर्ष नेता र पूर्वप्रधानमन्त्रीहरुलाई डाकिएको छ ।

प्रधानमन्त्री देउवाले प्रतिनिधिसभा बैठक सञ्चालन र मिलेनियम च्यालेन्ज कर्पोरेसन (एमसीसी)का विषयमा छलफल गर्ने तयारी रहेको बुझिएको छ । सरकारले संसदको चालु अधिवेशनबाटै एमसीसी सम्झौता पारित गर्ने तयारी गरेसँगै यो विषयले चर्चा लिइरहेको छ । नेकपा एमालेले आफूले सांसदहरुलाई गरेको कारबाहीलाई सभामुखले मान्यता नदिएको विषयमा संसद अवरोध गरिरहेको छ ।

काठमाडौं । नेपाली कांग्रेसको १४ औँ महाधिवेशनबाट पदाधिकारीको टुंगो लागेको छ । अब केन्द्रीय कार्यसमिति सदस्यका उमेदवारको मतगणना धमाधम हुने भएको छ । खुल्लातर्फको मत गणना आज गर्ने तयारी छ । सभापतिदेखि केन्द्रीय सदस्यसम्म एक सय ३४ केन्द्रीय कार्यसमितिका लागि गत सोमवार मतदान भएको हो । कांग्रेस केन्द्रीय कार्यसमितिका पदाधिकारीमध्ये एक सभापति, दुई उपसभापति, दुई महामन्त्री, आठ सहमहामन्त्री निर्वाचित हुने व्यवस्था छ । कोषाध्यक्ष निर्वाचित केन्द्रीय सदस्यमध्येबाट निर्वाचित गरिन्छ ।

३५ खुला केन्द्रीय सदस्य, महिला नौ, हरेक प्रदेशबाट तीन जनाका दरले २१, दलित नौ, आदिवासी र जनजाति १५, खस,आर्य १३, मधेसी नौ, थारु चार, मुस्लिम तीन, पिछडिएको क्षेत्रबाट एक, अल्पसङ्ख्यकबाट एक, अपाङ्गता भएकाबाट एक सदस्य गरी कुल १३४ पदाधिकारी तथा सदस्य चयन गरिन्छ । केन्द्रीय सभापतिले ३३ जना मनोनीत गर्ने छन् । कांग्रेसको केन्द्रीय सदस्यमा चित्रलेखा यादव र अर्जुनबहादुर सिंह निर्वाचित भइसकेका छन् ।

काठमाडौं । नेपाली कांग्रेसको १४ औं महाधिवेशनबाट नयाँ कार्यसमिति चयन भएको छ । यसमध्ये पदाधिकारीको सेट तयारी भएको छ । शुक्रबार साँझ सबै क्लस्टरका सहमहामन्त्रीको नतिजा सार्वजनिक भएको छ । जसले आगामी ५ वर्ष कांग्रेसको नेतृत्व गर्ने टीम तयार भएको हो । कांग्रेसमा १३ पदाधिकारी रहेका छन् । कांंग्रेसमा अब नयाँ नेतृत्वमा अधिकांश नयाँ अनुहार देख्न सकिन्छ ।

सभापतिमा शेरबहादुर देउवा विजयी भएका छन् । उपसभापतिमा पूर्णबहादुर खड्का र धनराज गुरूङ, महामन्त्रीमा गगन थापा र विश्वप्रकाश शर्मा, सहमहामन्त्रीमा महालक्ष्मी उपाध्याय, जीवन परियार, भीष्मराज आङ्देम्बे, फर्मुल्लाह मन्सुर, किशोरसिंह राठौर, महेन्द्र यादव र उमाकान्त चौधरी निर्वाचित भएका छन्। यस टीममा देउवा र खड्कामात्रै यसअघि पदाधिकारीमा रहेका अनुहार हुन् ।

निर्वाचित केन्द्रीय सदस्यबाट एक जनालाई सभापतिको प्रस्तावमा केन्द्रीय समितिले अनुमोदन गरि कोषाध्यक्ष मनोनित प्रावधान रहेको छ । कोषाध्यक्ष र पार्टी प्रवक्तालाई पदाधिकारीको बैठकमा सहभागी गराइन्छ । कांग्रेसको अघिल्लो कार्यसमितिमा सभापति शेरबहादुर देउवा, उपसभापति विमलेन्द्र निधि र विजयकुमार गच्छदार, महामन्त्री पूर्णबहादुर खड्का र शशांक कोइराला, कोषाध्यक्ष सीतादेवी यादव, सहमहामन्त्री प्रकाशशरण महत र सुनिल थापा रहेका थिए ।

काठमाडौं । पछिल्लो २४ घण्टामा देशभर २४७ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार ७ हजार ६९१ जनाको पीसीआर परीक्षण गर्दा २६९ जना र १ हजार ३२५ जनाको एन्टिजेन परीक्षण गर्दा ५ गरी २४७ जनामा कोरोना भाइरसको संक्रमण देखिएको हो ।

योसँगै नेपालमा कोरोना संक्रमितको संख्या ८ लाख २५ हजार ४४५जना पुगेको छ ।

पछिल्लो २४ घण्टामा २७० जना संक्रमण मुक्त भएका छन् । यो सहित संक्रमण मुक्त हुनेको संख्या ८ लाख ८ हजार ३३५ पुगेको छ । संक्रिय संक्रमितको संख्या ५ हजार ५२२ रहेको छ ।

पछिल्लो २४ घण्टामा मृत्यु हुने संक्रमितको संख्या ३ रहेको छ । नेपालमा कोरोना मृत्यु हुनेको संख्या ११ हजार ५७० पुगेको छ ।

काठमाडौं । नेकपा एमालेले पदाधिकारीको वरियताक्रम हेरफेर गरेको छ । अन्तरपार्टी निर्देशन १ जारी गर्दै एमालेले पदाधिकारीको वरियतामा हेरफेर गरेको हो ।

मंसिर २५ र २६ गते बसेको केन्द्रीय कमिटी बैठकको निर्णय सार्वजनिक गर्न जारी गरिएको अन्तर पार्टी निर्देशन(अपानी) मा नेताहरूको वरीयता निर्धारण गरिएको छ।

वरीयता निर्धारण गर्ने क्रममा ओलीले पूर्वमाओवादी पृष्ठभूमिका नेताहरूलाई माथि राखेका छन्। रामबहादुर थापा “बादल’ वरीयता तेस्रो नम्बरमा छ।

उपाध्यक्षको पहिलो वरीयतामा युवराज ज्ञवाली छन्, दोस्रोमा अष्टलक्ष्मी शाक्य छन्। बादल तेस्रो वरीयतामा हुँदा विष्णु पौडेल चौंथो वरीयतामा छन् भने पाँचौंमा सुवास नेम्वाङ र छैठौं वरीयतामा सुरेन्द्र पाण्डे छन्।

सचिवहरू मध्ये एक नम्बरमा टोपबहादुर रायमाझी, लेखराज भट्ट, गोकर्णराज विष्ट, योगेश भट्टराई, छविलाल विश्वकर्मा, रघुवीर महासेठ र पद्या अर्याल रहेका छन् ।

यसअघि गोकर्णराज विष्ट, योगेश भट्टराईलाई रघुवीर महासेठ भन्दा तल राखेका थिए ।

त्यस्तै नयाँ पदाधिकारीसहित ३४५ केन्द्रीय सदस्यको जिम्मेवारी बाँडफाँट समेत गरिएको छ । एमालेले विभिन्न विभागका प्रमुख, उपप्रमुखसँगै प्रदेश र जिल्ला इञ्चार्ज पनि तोकेको छ ।

उपाध्यक्षहरू युवराज ज्ञवालीले प्रदेश र स्थानीय तह संयोजन, अष्टलक्ष्मी शाक्यले राजनीतिक समन्वय संयोजन, रामबहादुर थापा ‘बादल’ले कूटनीतिक सम्बन्ध र राष्ट्रिय सुरक्षा, विष्णुप्रसाद पौडेलले पार्टीको सांगठानिक कामको अनुगमन, सुवासचन्द्र नेम्वाङले संसदीय मामिला र सुरेन्द्रप्रसाद पाण्डेले राजकीय मामिलाको जिम्मा पाएका छन् ।

महासचिव शंकर पोखरेलले सांगठनिक कामको संयोजन गर्ने जिम्मेवारी पाएका छन्। उपमहासचिवहरू प्रदीप ज्ञवालीले पार्टी स्कुल विभाग, पृथ्वीसुब्बा गुरुङले प्रचार तथा प्रकाशन विभाग/प्रेस चौतारी नेपाल तथा सम्बद्ध संगठनको इन्चार्जको जिम्मा पाउँदा विष्णु रिमालले निर्वाचन विभाग र आर्थिक तथा कोष व्यवस्थापनको जिम्मेवारी पाएका छन् ।

काठमाडौं । पछिल्लो २४ घण्टामा देशभर १८४ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार ७ हजार २३० जनाको पीसीआर परीक्षण गर्दा १६० जना र ३ हजार ७८८ जनाको एन्टिजेन परीक्षण गर्दा २५ गरी १८४ जनामा कोरोना भाइरसको संक्रमण देखिएको हो ।

योसँगै नेपालमा कोरोना संक्रमितको संख्या ८ लाख २५ हजार १७६ जना पुगेको छ ।

पछिल्लो २४ घण्टामा २६७ जना संक्रमण मुक्त भएका छन् । यो सहित संक्रमण मुक्त हुनेको संख्या ८ लाख ८ हजार ८३ पुगेको छ । संक्रिय संक्रमितको संख्या ५ हजार ५२६ रहेको छ ।

पछिल्लो २४ घण्टामा मृत्यु हुने संक्रमितको संख्या २ रहेको छ । नेपालमा कोरोना मृत्यु हुनेको संख्या ११ हजार ५६७ पुगेको छ ।

काठमाडौं । रक्षामन्त्री मिनेन्द्र रिजालले राजीनामा बुझाएका छन् । बिहीबार प्रधानमन्त्री कार्यालय सिंहदरबार पुगेर रक्षामन्त्री रिजालले प्रधानमन्त्री शेरबहादुर देउवालाई राजीनामा बुझाएका हुन् ।

उनलाई प्रधानमन्त्री देउवाले असोज २२ गते रक्षामन्त्रीमा नियुक्त गरेका थिए । कांग्रेस महामन्त्रीमा पराजित भएपछि रिजालले सामाजिक सञ्जालमार्फत रक्षामन्त्रीबाट राजीनामा दिने घोषणा गरेका थिए ।

काठमाडौं । नेपाली कांग्रेसको महामन्त्रीमा गगनकुमार थापा र विश्वप्रकाश शर्मा निर्वाचित भएका छन् ।

कांग्रेस केन्द्रीय निर्वाचन समितिका अनुसार काठमाडौंमा सम्पन्न १४औं महाधिवेशनमा गगनले ३०२३ र विश्वप्रकाशले १९८४ मत पाएर विजयी भएका हुन् ।

थापा सभापतिमा पराजित शेखर कोइराला प्यानलका उम्मेदवार हुन् भने शर्माले प्रकाशमान सिंहको प्यानलबाट उम्मेदवारी दिएका हुन्।

सभापति शेरबहादुर देउवा निकट शर्माले उनको प्यानलमा महामन्त्रीको उम्मेदवार बन्न नपाएपछि कोइरालाको प्यानलबाट लड्ने चर्चा चलेको थियो । अन्ततः उनी सिंहको प्यानलबाट उठेर चुनाव लडेका हुन्।

यस्तै, महामन्त्रीका अरू उमेदवारहरू डा. प्रकाशशरण महतले १५५६, प्रदीप पौडेलले १३९३, डा. मीनेन्द्र रिजालले ८०९ र डा. राजाराम कार्कीले १०६ मत पाएको निर्वाचन समितिले जनाएको छ ।