Category: समाचार

काठमाडौं । नेपाली कांग्रेसका सभापति शेरबहादुर देउवा प्रधानमन्त्री नियुक्त भएका छन्।

राष्ट्रपति विद्यादेवी भण्डारीले अदालतको आदेश अनुसार देउवालाई संविधानको धारा ७६ (५) अनुसार प्रधानमन्त्री नियुक्त गरेकी हुन्।

सर्वोच्च अदालतले मंगलबार अपरान्ह ५ बजेसम्म देउवालाई प्रधानमन्त्री नियुक्त गर्न परमादेश दिएको थियो ।

देउवा प्रधानमन्त्रीमा नियुक्त भएसँगै राष्ट्रपतिको कार्यालयले शपथको तयारी गरेको छ । देउवाले प्रधानमन्त्रीको रुपमा ६ बजे शपथ लिँदैछन् ।

देउवा नेतृत्वको सरकारमा माओवादी केन्द्र, जनता समाजवादी पार्टी ९जसपा० उपेन्द्र यादवसमूह सहभागी हुँदैछन् ।

काठमाडौं । सरकारमा जाने मन्त्रीको नाम तय गर्न आज नेकपा (माओवादी केन्द्र)को स्थायी कमिटी बैठक बस्दैछ । मंगलबार बिहान केन्द्रीय कार्यालय पेरिसडाँडामा बोलाइएको बैठकले सरकारमा माओवादीको नेतृत्व गर्ने नेताको नाम तय हुने भएको हो । शेरबहादुर देउवाको नेतृत्वमा आज सरकार गठन हुँदैछ । देउवाले आजै गठबन्धनका नेता सहभागी गराई सानो आकारको मन्त्रिपरिषद बनाउने तयारी गरेका छन् ।

काठमाडौं । विपक्षी गठबन्धनमा रहेका दलहरु कांग्रेस सभापति शेर बहादुर देउवाको नेतृत्वमा संयुक्त सरकार बनाउन सहमति भएका छन । सर्वोच्चको फैसलापछि सोमबार पाँच राजनीतिक दल सम्बद्ध गठबन्धनको बैठक बसेको थियो । बैठकले नेपाली कांग्रेसका सभापति शेरबहादुर देउवाको नेतृत्वमा संयुक्त सरकार गठन गर्ने निर्णय गरेको हो । यो बैठकमा एमालेका वरिष्ठ नेता माधव कुमार नेपाल समेत सहभागी थिए ।

आजबाट भने उनी यो गठबन्धनमा रहने छैनन् । पार्टी एकताको प्रक्रियामा रहेको भन्दै अब आफु विपक्षी गठबन्धनमा रहनु उचित नहुने उनको भनाई छ । सर्वोच्च अदालतले देउवालाई प्रधानमन्त्रीमा नियुक्त गर्न परमादेश जारी गरेको छ । राष्ट्रपतिले मंगलबारसम्म उनलाई प्रधानमन्त्री बनाउनु पर्छ ।

यससँगै मंगलबार नै सानो मन्त्रीमण्डल गठन गर्ने तयारी समेत गठबन्धनको रहेको छ । सर्वोच्चको आदेशले प्रतिगमनकारी हर्कतलाई रोक्ने र देशलाई अग्रगमनको दिशामा लैजाने काम गरेको निष्कर्ष गठबन्धनले निकालेको हो । सकेसम्म एमालेलाई समेत समटेर सरकारको नेतृत्व गर्न देउवालाई नेताहरुले सुझाव दिएका छन् ।

काठमाडौं । नेकपा एमालेका वरिष्ठ नेता माधवकुमार नेपालले नेतृत्व गरेको समूह विपक्षी गठबन्धनबाट अलग भएको छ । आज बसेको विपक्षी गठबन्धनको बैठकमा नेता नेपालले यस्तो जानकारी गराएका हुन् । संविधानको रक्षा गर्ने मिसन पुरा भएको र परिस्थिति फेरिएको भन्दै उनले अब आफु गठबन्धनमा नलाग्ने बताएका हुन् । सर्वोच्च अदालतले संसद पुनर्स्थापना गर्दै शेरबहादुर देउवालाई प्रधानमन्त्री बनाउन परमादेश दिएलगत्तै विपक्षी दलको बैठक आज कोटेश्वरमा बसेको थियो ।

बैठकमा एमाले वरिष्ठ नेता नेपालले आफ्नो परिस्थिति फेरिएको भन्दै अब गठबन्धनमा नरहने जानकारी गराएका हुन् । पार्टीमा एकताका लागि प्रयास भएको भन्दै अब भने पार्टीको निर्णय अनुसार नै चल्ने संकेत उनले गरेका हुन् । एमाले अध्यक्ष ओलीले दुई पटक सम्म संविधान विपरित संसद विघटन गरेपछि नेता नेपाल विपक्षी गठबन्धनमा सहभागी भएका थिए ।

प्रतिनिधिसभा र संविधान बचाउने अभियानमा भने आफु साथमै रहेको सन्देश उनले गठबन्धनलाई दिएका छन् । पार्टी एकता र संसद पुनर्स्थापनापछि गठबन्धन असान्दर्भिक भएको उनको निष्कर्ष छ । एमालेका २६ सहित १४९ सांसदको हस्ताक्षरलाई सर्वोच्चले वैधानिकता दिएको छ ।

काठमाडौं । सर्वोच्च अदालतले कांग्रेस सभापति शेर बहादुर देउवालाई २८ घण्टा भित्र प्रधानमन्त्रीमा नियुक्त गर्न परमादेश दिएको छ । प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गरेको प्रतिनिधिसभा विघटनलाई असंवैधानिक ठहर गर्दै बदर गरेको सर्वोच्चले उक्त आदेश गरेको हो । सर्वोच्च अदालतको संवैधानिक इजालसले संविधानको धारा ७६ (५) अनुसार कांग्रेस सभापति शेरबहादुर देउवालाई प्रधानमन्त्री नियुक्ति गर्न परमादेश जारी गरेको हो । फैसलामा देउवालाई भोलि २९ गते साँझ ५ बजेसम्म प्रधानमन्त्री नियुक्त गर्न भनिएको हो । सर्वोच्चले संविधानको धारा ७५ (४) को प्रक्रियामा नगएकाले केपी शर्मा ओलीले ७५(५) अनुसार गरेको दाबी भने संविधानसम्वत नभएको उल्लेख गरेको छ । राष्ट्रपति भण्डारीले दोस्रोपटक जेठ ७ मा प्रतिनिधिसभा विघटन गरेकी हुन् । प्रधानमन्त्रीले मार्गप्रशस्त गरेको भन्दै राष्ट्रपति भण्डारीले ७६(५) अनुसार प्रधानमन्त्री नियुक्तिका लागि विश्वासको मत प्राप्त गर्ने आधार प्रस्तुत गर्न आहृवान गरेकी थिइन् ।

राष्ट्रपतिले तोकेको समयभित्र नेपाली कांग्रेस संसदीय दलका नेता शेरबहादुर देउवा र एमाले संसदीय दलका नेता ओलीको दाबी परेको थियो । देउवाले कांग्रेसका ६१, माओवादी केन्द्रका ४९, एमालेको माधवकुमार नेपाल समूहका २६, जनता समाजवादी पार्टीको उपेन्द्र यादव पक्षका १२ र राष्ट्रिय जनमोर्चाका एक गरी १४९ सांसदको हस्ताक्षर बुझाएका थिए । अब देउवाले एक महिनापछि संसदबाट विश्वासको मत लिनुपर्छ ।

 
काठमाडौं । नेकपा एमालेभित्रको विवाद अन्ततः टुंगोमा पुगेको छ । कार्यदल स्तरको बैठकले १० वटा बुदामा सहमी गर्दै विवाद टुङ्ग्याएको हो ।  आइतबार राती साढे १० बजे अर्थ मन्त्रालयबाट एमालेका प्रवक्ता प्रदीप ज्ञवालीले सहमति पत्र पढेर सुनाए  । उनका अनुसार  कार्यदलको बैठकमा १० बुँदे सहमति पत्रमा हस्ताक्षर भयो । यो सहमतिपत्र सोमबार नेतृत्व तहमा पेस गरिने भएको छ । सहमति अनुसार नेकपा एकीकरण सर्वोच्च अदालतको आदेशबाट रद्द भएपछि दुबै गुटबाट भएका निर्णय खारेज हुने भएको छ । एमाले बनेका पुर्व माओवादी नेताको उचित व्यवस्थापन गर्ने निर्णय समेत भएको छ ।

काठमाडौं । एमालेलाई विभाजनको मुखबाट जोगाउन अन्तिम कसरतमा लागेका नेताले मिलीसक्यो भन्न लागेको दुई साता भयो । पछिल्लो समय शनिबार एमाले नेता सुवास नेम्वांगले आइतबार बिहानै एमालेका सुभचिन्तकले सुखदः खबर सुन्न पाउने बताएका थिए । तर, उनले भनेजस्तो भएन । सत्तारुढ नेकपा एमालेमा विवाद समाधानका लागि गठित कार्यदलको वार्ता सर्वोच्च अदालतमा विचाराधीन प्रतिनिधिसभा विघटनको मुद्दामा अड्किएको छ ।

यस विषयमा वरिष्ठ नेता माधव कुमार नेपालले चट्टानी अडान राखेका छन् । कार्यदलका नेता आइतबार बिहानै देखि अर्थ मन्त्रालयमा जुटेका छन् । छलफल चल्दाचल्दै कार्यदलका सदस्य घनश्याम भुसालले वरिष्ठ नेता माधवकुमार नेपाललाई उनकै निवास कोटेश्वर पुगेर भेटेका छन् । ओली पक्षले अदालतमा विचाराधीन प्रतिनिधिसभा विघटनको मुद्दामा पार्टीको भावना कायम हुने गरी निर्णय लिने भनी बुँदा थप्न चाहेको छ ।

तर वरिष्ठ नेता नेपाल भने अदालतमा विचाराधिन मुद्दामा कुनै पनि शब्द राख्न नहुने अडानमा छन् । सोहीकारण एमालेमा कुरा मिलेको छैन । प्रतिनिधिसभा विघटनविरुद्ध सर्वोच्च अदालतमा शेरबहादुर देउवासहित १४६ सांसदले रिट दिएका छन् । यसमा एमालेका २३ सांसदको हस्ताक्षर छ । यो मुद्दाको संवैधानिक इजलासमा बहस सकिएको छ । मुद्दाको पेशी सोमबार राखिएको छ ।

काठमाडौं । पछिल्लो २४ घण्टामा देशभर १८३३ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ५५३५ पीसीआर परीक्षणमा १२३७ र ३६८३ जनाको एन्टिजेन परीक्षणमा ५९४ जना गरी १८३३ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ६ लाख ५५ हजार ४४९ पुगेको छ । पछिल्लो २४ घण्टामा १५३३ जना संक्रमण मुक्त भएका छन् ।

यो सहित संक्रमण मुक्त हुनेको संख्या ६ लाख १९ हजार ८९४ जना पुगेको छ । संक्रिय संक्रमितको संख्या २६ हजार १७३ रहेको छ । पछिल्लो २४ घण्टामा २० जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ९ हजार ३८२ पुगेको छ ।

काठमाडौं । निर्वाचन आयोगले पुष्पकमल दाहाल प्रचण्ड नेतृत्वको नेकपा माओवादी केन्द्र वैधानिक रहेको ठहर गरेको छ।

पूर्वमाओवादी केन्द्रका नेताहरु टोपबहादुर रायमाझीलगायतका नेताहरुले दल दर्ता खारेजीको माग गर्दै दिएको निवेदन अस्वीकार गर्दै आयोगले प्रचण्डको नेतृत्वको माओवादी केन्द्र बैधानिक रहेको बताएको हो ।

आइतबार बसेको आयोगको बैठकले दर्ता भएका निवेदन र दाबी दुवैलाई खारेज गरी दल दर्ता खारेजीको माग अस्वीकार गरेको हो ।

रामबहादुर थापा बादललगायत माओवादी केन्द्र छाडेर एमालेमा गएका नेताहरू निकट समूहले आयोगमा माओवादीको हैसियत गुमिसकेको भन्दै दल दर्ता खारेजी माग गरेका थिए।

काठमाडौं । गण्डकी प्रदेशमा पनि कोरोना भाइरसको नयाँ डेल्टा भेरियन्ट बी.१.६१७.२ फेला परेको छ ।

स्याङ्जा र गोरखामा कोरोनाको डेल्टा भेरियन्ट फेला परेको गण्डकी प्रदेश स्वास्थ्य निर्देशनालयले जनाएको छ ।

स्वास्थ्य निर्देशनालय, प्रदेश स्वास्थ्य आपतकालीन कार्यसञ्चालन केन्द्र गण्डकी प्रदेशले स्याङ्जाको कालिगण्डकी गाउँपालिकाका २ पुरुष र गोरखा बारपाक सुलिकोट गाउँपालिकाका ३ महिलामा डेल्टा भेरियन्ट देखिएको पुष्टि गरेको छ। गत जेठ ३१ गते प्रदेश जनस्वास्थ्य प्रयोगशालाबाट उक्त ५ जनाको नयाँ भेरिएन्ट जाँचका लागि जनस्वास्थ्य प्रयोगशाला, काठमाडौं पठाइएको थियो।

डेल्टा भेरियन्ट यसअघिको अल्फा भेरियन्ट भन्दा बढी संक्रमित हुने भएकोले सचेतना अपनाउन निर्देशनालयले आग्रह गरेको छ ।

काठमाडौं । आइतबार देशका धेरै ठाउँमा वर्षा जारी रहने भएको छ । पछिल्लो तीन दिनयता वर्षा जारी छ । प्रदेश एक, वाग्मती, गण्डकी, कर्णाली र सुदूरपश्चिम प्रदेशका थोरै ठाउँमा भारी वर्षा भएको जल तथा मौसम पूर्वानुमान महाशाखाले उल्लेख गरेको छ । आइतबार दिनभर धेरै स्थानमा वर्षा हुने छ । काठमाडौं उपत्यकामा समेत वर्षा जारी छ । नेपालमा आगामी तीन दिनसम्म नै मनसुन सक्रिय रहने महाशाखाको अनुमान रहेको छ ।

अहिले ठूलो पानी परेका क्षेत्र प्रदेश एक, वाग्मती, गण्डकी, कर्णाली र सुदूरपश्चिमको मध्यपहाडी तथा चुरे भइ बहने स–साना नदीमा बहाव बढ्ने र केहीमा आकस्मिक बहाव हुनसक्ने भएकाले तटीय क्षेत्र तथा डुबान भइरहने क्षेत्रहरुमा सतर्कता अपनाउन बाढी पूर्वानुमान महाशाखाले आग्रह समेत गरेको छ। पहाडी भेगमा आउने वर्षा र भेलले तराई भेगका नदीमा पानीको बहाव बढ्ने गरेको छ ।

काठमाडौं । प्रधानमन्त्री केपी शर्मा ओली आज बाढी, पहिरोले क्षतिग्रस्त बनाएको क्षेत्र हेर्न सिन्धुपाल्चोक जाने भएका छन् । मेलम्ची खानेपानी आयोजनासहित सिन्धुपाल्चोकका विभिन्न ठाउँ र बस्तीको निरीक्षण गर्न नेपाली सेनाको हेलिकप्टरबाट बिहान १० बजे सिन्धुपाल्चोक जाने कार्यक्रम तय भएको छ ।

उनले मेलम्ची बजार र हेलम्बुको गणेश बगरमा आयोजना गरिएको कार्यक्रममा भाग दिने छन् । उनले बाढी र पहिरो पीडितलाई राहत प्याकेजको घोषणा गर्ने तयारी रहेको बताइएको छ । असार पहिलो अविरल वर्षापछि आएको बाढी र पहिरोले मेलम्चीमा ठूलो मानवीय तथा भौतिक क्षति भएको छ । बाढीका कारण राष्ट्रिय गौरवको आयोजना मेलम्ची अनिश्चित कालका लागि बन्द भएको छ ।

काठमाडौं । नेकपा एमालेका नेताहरु एकताका लागि सहमत भएको नेताहरुले दावि गरेका छन् । पछिल्लो दुई साता लगातार बैठकमा जुटेका नेताहरुले शुक्रबार महत्वपूर्ण सहमति जुटेको दावि गरेका छन् । यद्दपी सहमतिका बुँदा के हुन भन्ने चाँही खुलाइएको छैन । अध्यक्ष केपी शर्मा ओली र वरिष्ठ नेता माधव कुमार नेपाल पक्षबीच एकताका लागि बनेको कार्यदलको शुक्रबार दिनभरको बैठकले समझदारी जुटाएको कार्यदलका सदस्य प्रदिप ज्ञवालीले बैठकपछि जानकारी दिए ।

उनका अनुसार सहमतिको दस्तावेजलाई अन्तिम रुप दिन शनिबार पुनः बैठक बस्ने भएको छ । त्यसपछि सहमतिका बुँदा सार्वजनिक गर्ने तयारी छ । कार्यदलबीच शुक्रबार ७ घण्टा अर्थ मन्त्रालयमा छलफल भएको हो ।

काठमाडौं । पछिल्लो २४ घण्टामा देशभर २२३९ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ६६५७ पीसीआर परीक्षणमा १४७९ र ४६५६ जनाको एन्टिजेन परीक्षणमा ७६० जना गरी २२३९ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ६ लाख ५२ हजार ८५९ पुगेको छ । पछिल्लो २४ घण्टामा १३१६ जना संक्रमण मुक्त भएका छन् ।

यो सहित संक्रमण मुक्त हुनेको संख्या ६ लाख १६ हजार ९२९ जना पुगेको छ । संक्रिय संक्रमितको संख्या २६ हजार ५९० रहेको छ ।

पछिल्लो २४ घण्टामा २० जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ९ हजार ३४० पुगेको छ ।