Category: समाचार

काठमाडौं । नेकपा एमालेमा चर्किएको विवाद अदालतमा विचाराधिन प्रतिनिधिसभा विघटनको मुद्दा र त्यसमा विपक्षी दलका नेता शेर बहादुर देउवालाई प्रधानमन्त्री बनाउन गरिएको हस्ताक्षरमा पुगेर अड्किएको छ । प्रधानमन्त्री केपी शर्मा ओलीले शेर बहादुर देउवाको पक्षमा हस्ताक्षर गरेका नेतालाई सोमबार भित्र हस्ताक्षर फिर्ता लिन समय दिएका छन् ।

उनले शनिबार समेत सोही प्रशंग दोहोर्याए । शनिबार वालुवाटारमा आयोजित एमालेको केन्द्रिय कमिटि बैठकमा उनले देउवाको पक्षमा हस्ताक्षर गर्ने नेता एमाले हुन नसक्ने बताए ।

यता, वरिष्ठ नेता माधवकुमार नेपाल पक्षले भने नेपाली कांग्रेसका सभापति शेरबहादुर देउवालाई प्रधानमन्त्री बनाउन गरेको हस्ताक्षर कुनै पनि हालतमा फिर्ता नहुने स्पष्ट पारेको छ । शनिबार नेता नेपालले आफु निकट सांसदहरुसँग छलफल गरेका थिए । उक्त छलफलमा कुनै पनि हालतमा हस्ताक्षर फिर्ता लिन नहुने निष्कर्ष निकालिएको हो ।

अध्यक्ष ओलीले बोलाएको केन्द्रिय कमिटि बैठकलाई समेत यो समूहले अवैधानिक भनेको छ । सोहीकारण सो बैठकमा माधव पक्षका नेता गएका छैनन् । यो समूहले भने धानमन्त्री एवं पार्टी अध्यक्ष नै पार्टी एकताको विरोधमा रहेको बताइरहेको छ । दोस्रो तहका नेताको अथक प्रयासका वावजुत पार्टीमा विषयहरु मिल्न सकेका छैनन् ।

काठमाडौं । नेपालमा कोरोना भाइरसको संक्रमणका कारण पछिल्लो २४ घण्टामा थप १९ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार अब नेपालमा कोरोनाबाट ज्यान गुमाउनेको संख्या ९१९८ पुगेको छ । नेपालमा संक्रमितको तुलनामा कोरोनाको मृत्युदर १.५ प्रतिशत रहेको छ । पछिल्लो २४ घण्टामा २३२८ मा कोरोना पुष्टी भएको छ । यस अवधिमा ३०६६ जनाले भने कोरोनालाई जितेका छन् ।

काठमाडौं । पछिल्लो २४ घण्टामा देशभर २२९९ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ६५६६ पीसीआर परीक्षणमा १३९१ र ४०३० जनाको एन्टिजेन परीक्षणमा ९०८ जना गरी २२९९ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ६ लाख ४२ हजार ५३ पुगेको छ । पछिल्लो २४ घण्टामा ३४५१ जना संक्रमण मुक्त भएका छन् ।

यो सहित संक्रमण मुक्त हुनेको संख्या ६ लाख ३ हजार ६ सय जना पुगेको छ । संक्रिय संक्रमितको संख्या २९ हजार २७४ रहेको छ ।

काठमाडौं । नेपालमा कोरोना संक्रमणबाट थप ३४ जनाको मृत्यु भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न अस्पतालमा उपचाररत ३४ जनाको मृत्यु भएको हो ।

यससँगै नेपालमा कोरोना संक्रमणबाट मृत्यु हुनेको संख्या ९ हजार १७९ पुगेको छ।

चितवन । चितवन र तनहुँमा पहिरोमा परी कम्तिमा चार जनाको मृत्यु भएको छ । चितवनमा केही मानिस घाइते छन् । तनहुँमा भने तीन जना वेपत्ता भएका छन् । प्रहरीका अनुसार चितवनको दुई छुट्टाछुटै ठाउँमा पहिरोमा पुरिएर दुई जनाको मृत्‍यु भएको हो । तीनजना अझै बेपत्ता छन् । मृत्‍यु हुनेमा कालिका नगरपालिका–११ सिद्धिको दानेटारका ५२ वर्षीय ज्ञानबहादुर चेपाङ र एकजनाको नाम नखुलेको जिल्ला प्रहरी कार्यालय चितवने जनाएको छ । उता, राप्ती नगरपालिका १२ मा पहिरो जाँदा एकै घरका चारजना बेपत्ता भएकोमा एकजनाको शव भेटिएको छ ।

उता, तनहुँको बन्दीपुर, शुक्लागण्डकी, म्याग्दे र भिमादमा सात जना घाइते भएका छन् । बन्दीपुरमा तीन, शुक्लागण्डकीमा दुई र भिमादमा दुई जना घाइते भएको जिल्ला प्रहरी कार्यालयले जनाएको छ । पहिरोमा परी बन्दीपुर ३ तामुङमा सुभाष थापा, लीलबहादुर थापा र दाउरीमाया थापा घाइते भएका छन् । सोही ठाउँका ७० वर्षीया हरिमाया नेपाली र ३० वर्षीया सरस्वती थापाको ज्यान गएको छ । घाइतेहरुको विभिन्न अस्पतालमा उपचार जारी छ । मनसुनका कारण देशभर वर्षा जारी छ । यसले पहाडी भेगमा पहिरोले मानवीय तथा भौतिक क्षति निम्त्याएको हो ।

काठमाडौं । सरकारले भक्ति थापालाई नेपालको राष्ट्रिय विभूतिमा समावेश गर्ने निर्णय गरेको छ । मन्त्रिपरिषद्का निर्णय सार्वजनिक गर्न बुधबार सञ्चार तथा सूचना प्रविधि मन्त्रालयमा आयोजित पत्रकार सम्मेलनमा सञ्चार तथा सूचना प्रविधिमन्त्री एवं सरकारका प्रवक्ता वसन्तकुमार नेम्वाङ्गले उक्त जानकारी दिए । थापाले नेपाल-अंग्रेज युद्धमा वीरता प्रदर्शन गरेका थिए। विसं १७९८ मा लमजुङमा जन्मिएका थापा नेपाल-अंग्रेज युद्धको बखत नेपालका वरिष्ठ सैनिक थिए।

उनी पहिले लम्जुङका राजा केहरीनारायण शाहका सेनाका सरदार भएकाले लमजुङका तर्फबाट धेरै पटक युद्ध लडेका थिए। गोरखा (नेपाल) सँगको अन्तिम युद्धमा पराजित भई युद्धबन्दीका रूपमा काठमाडौं पुगेको करिब एक वर्षपछि उनी नेपाली फौजका सरदार भई नेपाल एकीकरण अभियानमा संलग्न भएका थिए।

त्यस्तै शिक्षा मन्त्रालयको प्रस्तावमा नेपाल विश्वविद्यालय पूर्वाधार विकास समितिको अध्यक्ष डा. अर्जुन कार्की नियुक्त भएका छन् । फेवा तालको चार किल्ला निर्धारण, सिमाङ्कन तथा नक्साङ्कन समितिको म्याद थपेर साउन ३१ सम्म पुर्‍याइएको उनले जानकारी दिए ।

यसैगरी पछिल्ला दुई आर्थिक वर्षमा हरेक वर्ष कम्तिमा सय जना कामदार पठाउन नसकेका इजाजतप्राप्त म्यानपावर कम्पनी संस्था नविकरण गर्न आएमा नविकरण गर्ने निर्णय प्रवक्ता नेम्बाङ्गले जनाकारी दिए ।

काठमाडौं । पछिल्लो २४ घण्टामा देशभर २८९२ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७१८७ जनामा गरिएको पीसीआर परीक्षणमा १८८९ जना र ४३८१ जनामा गरिएको एन्टिजेन परीक्षणमा १००३ जना गरी कुल २८९२ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ६ लाख ३६ हजार ९१६पुगेको छ । पछिल्लो २४ घण्टामा ४३४८ जना संक्रमण मुक्त भएका छन् ।

स्वास्थ्य तथा जनसंख्या मन्त्रालयका अनुसार अहिले नेपालमा संक्रमणदर २६ प्रतिशत पुगेको छ ।

केही दिन अघिसम्म २३ प्रतिशत रहेको संक्रमण दर झन्डै साढे तीन प्रतिशतले वृद्धि भएको हो ।

यो सहित संक्रमण मुक्त हुनेको संख्या ५ लाख ९२ हजार ५३५ जना पुगेको छ । संक्रिय संक्रमितको संख्या ३५ हजार ३१० रहेको छ ।

काठमाडौं । पछिल्लो २४ घण्टामा देशभर २६३६ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ७२५९ पीसीआर परीक्षणमा १७२८ र ४४८९ जनाको एन्टिजेन परीक्षणमा ९०८ जना गरी २६३६ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ६ लाख ३६ हजार ९१६पुगेको छ । पछिल्लो २४ घण्टामा ४३४८ जना संक्रमण मुक्त भएका छन् ।

यो सहित संक्रमण मुक्त हुनेको संख्या ५ लाख ९२ हजार ५३५ जना पुगेको छ । संक्रिय संक्रमितको संख्या ३५ हजार ३१० रहेको छ ।

काठमाडौं । प्रधानन्यायाधीश चोलेन्द्र शम्शेर जबराले प्रधानमन्त्री केपी शर्मा ओलीले विश्वासको मत नलिने घोषणा आफैँ गर्न मिल्छ वा मिल्दैन भनेर प्रश्न गरेका छन् ।

संसद विघटनविरुद्धको मुद्दामा मंगलबार सरकारको पक्षबाट बहस गर्न आएका नायब महान्यायाधिवक्ता पदम प्रसाद पाण्डेयलाई प्रधानन्यायाधीश जबराले संविधानको धारा ७६ (३) अनुसार नियुक्त भएका प्रधानमन्त्रीले संसद् छलेर जान मिल्छ ? भन्दै प्रश्न गरेका हुन् ।

प्रधानन्यायाधीश राणाले प्रश्न गर्दै भने, ‘संविधानको धारा ७६ (३) अनुसार नियुक्त भएका प्रधानमन्त्रीले विश्वासको मत प्राप्त गर्न सक्दिन भन्ने घोषणा त संसद्मार्फत जानुपर्ने होइन र ? संसद् छलेर जान मिल्छ र ?’ उत्तरमा नायव महान्यायाधिवक्ता पद्मप्रसाद पाण्डेयले विश्वासको मत लिन्न भन्ने प्रस्ताव संसद्मै पेस गर्नुपर्छ भन्ने ब्यवस्था नभएको बताए ।

‘विश्वासको मत लिन्न भन्ने प्रस्ताव संसद्मै पेस गर्नुपर्छ भन्ने ब्यवस्था छैन, त्यसमा पनि विश्वासको मत पाउँदिन भनेर सरेन्डर गरेपछि फेरी संसद्मा जानुपर्दैन ,’ उनले भने, ‘नेपालको संविधानको धारा ७६(३)को प्रधानमन्त्रीले ७६(५)को प्रधानमन्त्रीमा दाबी गर्न मिल्दैन भन्ने प्रावधान संविधानमा कही व्यवस्था गरिएको छैन, दलबाट निर्वाचित प्रतिनिधिसभा सदस्यले दलको विधान मान्नुपर्छ, नेपालको संविधानको ७६(५)ले दलीय व्यवस्था गरेको छ, दलबिनाका प्रतिनिधिसभा सदस्य हुन सक्दैनन् ।’

काठमाडौं । पछिल्लो २४ घण्टामा देशभर २४४४ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ६६४८ पीसीआर परीक्षणमा १५०९ र ४९९२ जनाको एन्टिजेन परीक्षणमा ९३५ जना गरी २४४४ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ६ लाख ३५ हजार १८८ पुगेको छ । पछिल्लो २४ घण्टामा ३८५३ जना संक्रमण मुक्त भएका छन् ।

यो सहित संक्रमण मुक्त हुनेको संख्या ५ लाख ८८ हजार १८७ जना पुगेको छ । संक्रिय संक्रमितको संख्या ३७ हजार ९५० रहेको छ ।

काठमाडौं । काठमाडौं उपत्यकामा फेरि एकसाता निषेधाज्ञा थपिएको छ ।

सोमबार बिहान बसेको काठमाडौं, भक्तपुर र ललितपुरका प्रमुख जिल्ला अधिकारीको बैठकले निषेधाज्ञा एक साता थप्ने निर्णय गरेको छ।

यससँगै भोलिदेखि सार्वजनिक यातायात सञ्चालन हुने भएको छ। बैठकले भोलिदेखि २५ सीट क्षमताभन्दा ठूला सार्वजनिक गाडीहरु जोरबिजोरका आधारमा चल्न दिने निर्णय गरेको हो ।

हाललाई २५ सीटभन्दा कम क्षमताका माइक्रोबस, ट्याम्पु लगायत सार्वजनिक सवारीसाधन भने चलाउन रोक लगाइएको छ । उपत्यकामा गतसातादेखि नै ट्याक्सी तथा निजी गाडी भने जोरबिजोर प्रणालीमा संचालन भइसकेका छन् ।

सरकारले असार १७ गतेबाट आन्तरिक उडान खुला गर्ने निर्णय गरेसँगै यातायात व्यवसायीले पनि गाडी चलाउन पाउनुपर्ने माग गरेका थिए ।

कोभिड–१९ नियन्त्रणका लागि १६ वैशाखदेखि काठमाडौंमा निषेधाज्ञा जारी छ। पछिल्लो समय थपिएको निषेधाज्ञा आज राति १२ बजे सकिँदै छ।

भोलिदेखि सात दिन अर्थात् २१ असारसम्म निषेधाज्ञा थपिएको हो। अब झन् खुकुलो पारिने भएको छ।

काठमाडौं । सर्वोच्च अदालतले सरकारले बहराइनका लागि युवराज कार्कीलाई राजदूतमा नियुक्त गरेको सिफारिस कार्यान्वयन नगर्न आदेश दिएको छ ।

न्यायाधीशद्धय सपना प्रधान मल्ल र प्रकाश ढुंगानाको इजलासले राजदूतको योग्यतासम्बन्धी परेको रिट निवेदनमा स्नातक नगरेको व्यक्तिलाई राजदूत नियुक्त नगर्न अन्तरिम आदेश दिएको हो ।

मन्त्रिपरिषदले वैशाख २५ गतेको बैठकमा कार्कीलाई बहराइनको आवासीय राजदूतका लागि सिफारिस गर्ने निर्णय थियो। त्यसविरुद्ध अधिवक्ता दिपकविक्रम मिश्रले सर्वोच्च अदालतमा रिट दिएका थिए।

त्यही रिटमाथि सुनुवाइ गर्दै मल्ल र ढुङ्गानाको इजलासले निवेदनको अन्तिम टुंगो नलागेसम्म राजदुत नियुक्तिको निर्णय कार्यान्वयन नगर्ननगराउन अन्तरिम आदेश जारी गरेको हो।

पछिल्लो समय आफ्नै निर्णयका कारण कामचालाउ प्रधानमन्त्री केपी ओलीलाई एकपछि अर्को झड्का लाग्ने क्रम जारी छ। आइतबार उनलाई फेरि अर्को झड्का लागेको हो ।

काठमाडौं । पछिल्लो २४ घण्टामा देशभर १९२० जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ६००० पीसीआर परीक्षणमा १३५३ र ३८३६ जनाको एन्टिजेन परीक्षणमा ५६७ जना गरी १९२० जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ६ लाख ३३ हजार ६७९ पुगेको छ । पछिल्लो २४ घण्टामा ३००७ जना संक्रमण मुक्त भएका छन् ।

यो सहित संक्रमण मुक्त हुनेको संख्या ५ लाख ८४ हजार ३३४ जना पुगेको छ । संक्रिय संक्रमितको संख्या ४० हजार ३३६ रहेको छ ।