Category: समाचार

पोखरा । गण्डकी प्रदेशमा नयाँ सरकार गठन गर्न प्रदेश प्रमुखले दिएको समय आज ३ बजे सकिने छ । त्यसपछि प्रदेश प्रमुख सीता पौडेलले आफ्नो निर्णय सार्वजनिक गर्नेछिन् । उनले शुक्रबार २४ घण्टाको समय दिएर बहुमतसहित सरकारको नेतृत्व दावि गर्न समय दिएकी थिइन् । मुख्यमन्त्री पदमा दाबी गर्दै विपक्षी गठबन्धनका उम्मेदवार कृष्णचन्द्र नेपाली पोखरेलले शुक्रबार नै बहुमत ३१ सांसदको हस्ताक्षर प्रदेश प्रमुखको कार्यालयमा बुझाएका छन् ।

कांग्रेस गण्डकी संसदीय दलका नेता पोखरेललाई मुख्यमन्त्रीमा समर्थन गर्दै कांग्रेस, माओवादी केन्द्र, जनता समाजवादी पार्टी, राष्ट्रिय जनमोर्चा र एक स्वतन्त्र सांसद दीपक मनाङेसहित ३१ जना प्रदेश सांसद प्रदेश प्रमुखको कार्यालयमा उपस्थित भई समर्थन दिएका थिए ।

केन्द्रमा राष्ट्रपतिले शेरबहादुर देउवाको योग्य दाबीसमेत अयोग्य भनेपछि प्रदेशमा समेत विपक्षी सशंकित छन । किनकी प्रदेश प्रमुख यहाँ केपी शर्मा ओलीले आफु निकटका नेतालाई बनाएका छन् । विपक्षी दलले भने स्पष्ट बहुमत साथ आएको नेतालाई मूख्यमन्त्रीमा नियुक्त गर्न आह्वान गरेका छन् ।

काठमाडौं । सभामुख अग्नी प्रसाद सापकोटाले बोलाएको शीर्ष नेताको बैठकमा प्रधानमन्त्री केपी शर्मा ओली गएनन् । पूर्व प्रधानमन्त्री र दलका शीर्ष नेता भने बैठकमा पुगेका छन् । नेताहरुले लोकतन्त्रको रक्षा गर्न सभामुखले विशेष भूमिका निर्वाह गर्नुपर्ने सुझाव दिएका छन् । सभामुखको सचिवालयका अनुसार सर्वदलीय बैठकमा उनीहरुले लोकतन्त्रको रक्षाका लागि सभामुखको भूमिका महत्त्वपूर्ण हुने बताए ।

जनता समाजवादी पार्टी (जसपा)का सङ्घीय परिषद् अध्यक्ष डा.बाबुराम भट्टराईले आफूहरुले लोकतन्त्रको रक्षाका लागि पर्न सुझाव दिएको जानकारी संचारकर्मीलाई दिए । छलफलमा शीर्ष नेताहले राष्ट्रपति र प्रधानमन्त्रीले गैरसंवैधानिक रुपमा संसदको विघटन गरेको निष्कर्ष निकालेका छन् । सर्वोच्च अदालतबाट संसद पुनर्स्थापना हुने उनीहरुको भनाई छ ।

बैठकमा नेताहरुले नागरिकलाई कोरोनाविरुद्धको खोप ल्याउन नसकेकोमा आलोचना गरेका थिए । चुरेबाट सरकारले गिट्टी बालुवा निकासी गर्न लागेको नीतिो समेत विरोध भएको छ । बैठकमा सभामुख सापकोटाले संसद विघटनको मुद्दा सर्वोच्च अदालतमा विचाराधीन रहेको अवस्थामा अदालतबाटै निकास आउने अपेक्षा गरे ।

काठमाडौं । सरकारले पशुपंक्षीबाट मानिसमा सर्ने १० वटा रोगलाई प्राथमिकी करण गरेको छ।

इपिडिमियोलोजी तथा रोग नियन्त्रण महाशाखाले शुक्रबार एक विज्ञप्ति सार्वजनिक गर्दै नेपालमा पशुपक्षीबाट मानवमा सर्ने प्रमुख १० रोगको प्राथमिकीकरण गरेको हो।

स्वास्थ्य विभागको निर्यपछि भएको प्रथम जुनोटिक रोगहरुको प्राथमिकीकरण राष्ट्रिय कार्यशाला गोष्ठीले १० वटा रोगलाई प्रथमिकिकरण गरेको जनाएको छ ।

जसमा प्राथमिकीकरण गरिएका रोगहरुमा इन्फ्लुएन्जा जुनोटिक इन्फ्लुएन्जा, सिजनल इन्फ्लुएन्जा, रेबिज, कोरोना भाइरस (सार्स, मर्स, सार्स कोभ २), लेप्टोस्पाइरोसिस, ब्रुसेलोसिस छन्।

यस्तै, सालमोनेलोसिस, लेस्मिनियासिस, जुनोटिक क्षय रोग, सिस्टिसर्कोसिस/हार्डडाइटिडोसिस र टोक्जोप्लास्मोसिस रहेका छन्। यसअघि नेपालका ६ वटा जुनोटिक रोग प्राथमिकीकरणमा परेका थिए।

काठमाडौं । नेपालमा कोरोना संक्रमणबाट थप ६७ जनाको मृत्यु भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न अस्पतालमा उपचाररत ६७ जनाको मृत्यु भएको हो । यससँगै नेपालमा कोरोना संक्रमणबाट मृत्यु हुनेको संख्या ८३०५ पुगेको छ।

काठमाडौं । पछिल्लो २४ घण्टामा देशभर ३७५० जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ९५९८ पीसीआर परीक्षणमा २७०९ जना र ५५८४ एन्टिजेन परीक्षणमा १०४१ जना गरी ३७५० जनामा संक्रमण पुष्टि भएको हो ।

यो सहित नेपालमा कोरोना संक्रमितको संख्या ६ लाख ४ हजार ३९६ पुगेको छ । पछिल्लो २४ घण्टामा ५२२५ जना कोरोना मुक्त भएका छन् ।

यो सहित संक्रमण मुक्त हुनेको संख्या ५ लाख २० हजार ८१६ जना पुगेको छ । भने देशभर संक्रिय संक्रमितको संख्या ७५ हजार २७५ जना रहेका छन् ।

काठमाडौं । बिहीबार गण्डकी प्रदेशका मूख्यमन्त्री पृथ्वीसुब्बा गुरुङलाई मत हाल्न अनुपस्थित भएका स्वतन्त्र सांसद तथा खेलकुद मन्त्री दीपक मनाङेले पद छाडेका छन् । बिहीबार राती मूख्यमन्त्री र मनाङेले बीच पत्रयुद्ध नै चल्यो । मूख्यमन्त्रीको सरकार ढलेको छ । उनी काम चलाउ भएका छन् । कामचलाउन मूख्यमन्त्रीले पूर्ण मूख्यमन्त्रीकै हैसियतमा मनाङेलाई पदबाट मुक्त गरेको पत्र काटे ।

लगत्तै मनाङेले आफुले पद छाडेको र विधिको शासन अनुसार लोकतन्त्रको रक्षाका लागि लड्ने बताए । अब उनले विपक्षी गठबन्धनलाई साथ दिनेछन् । यो अवस्थामा गण्डकी प्रदेशमा प्रधानमन्त्री केपी शर्मा ओलीको समर्थन रहेका पृथ्वी सुब्बा गुरुङको सत्ता जाने छ । यहाँ कांग्रेसको सरकार गठन हुने सम्भावना छ ।

काठमाडौं । गण्डकी प्रदेशका मुख्यमन्त्री पृथ्वीसुब्बा गुरुङ स्वतः पदमुक्त भएका छन् ।

विहीबार प्रदेशसभामा विश्वासको मत मागेका गुरुङले विश्वासको मत पाउन सकेनन् ।

गुरुङले राखेको विश्वासको मतको प्रस्तावमा मत विभाजन हुँदा पक्षमा मत २७ र विपक्षमा ३० मत पर्यो। ६० जना सांसद मध्ये ५८ जनामात्र उपस्थित थिए। ती मध्ये १ जना भने तथस्ट रहे। बहुमतका लागि ३१ मत चाहिन्छ। जनमोर्चाका कृण थापा तथस्ट रहे।

गुरुङ सरकारकै युवा तथा खेलकुदमन्त्री दीपक मनाङे भने मतदान हुँदा प्रदेशसभामा अनुपस्थित रहे।

मुख्यमन्त्रीको प्रस्तावविरुद्ध काँग्रेस, माओवादी केन्द्र, जनमोर्चा र जसपाले मतदान गरेका थिए।

६० सदस्यीय गण्डकीमा विपक्षी गठबन्धनको पनि स्पष्ट बहुमत छैन। तर, दीपक मनाङेले विपक्षीलाई साथ दिए विपक्षीको बहुमत पुग्ने देखिएको छ।

काठमाडौं । पछिल्लो २४ घण्टामा देशभर ३७४९ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा भएको परीक्षणमा ९९०१ नमुनाको पीसीआर परीक्षणमा २८७४ र ५ ३३७ जनाको एन्टिजेन परीक्षणमा ८७५ जना गरी ३७४९ जनामा संक्रमण पुष्टि भएको हो ।

यो सहित नेपालमा कोरोना संक्रमितको संख्या ६ लाख १ हजार ६८७ पुगेको छ । पछिल्लो २४ घण्टामा ५२९३ जना कोरोना मुक्त भएका छन् ।

यो सहित संक्रमण मुक्त हुनेको संख्या ५ लाख १५ हजार ५९१ जना पुगेको छ । भने देशभर संक्रिय संक्रमितको संख्या ७७ हजार ८५८ जना रहेका छन् ।

काठमाडौं । सर्वोच्च अदालतले नागरिकता अध्यादेश कार्यान्वयन नगर्न अन्तरिम आदेश जारी गरेको छ।

प्रधानन्यायाधीश चोलेन्द्र शमशेर राणासहितको संवैधानिक इजलासले अध्यादेश कार्यान्वयन तत्काल नगर्न अन्तरिम आदेश जारी गरेको हो।

सरकारले अध्यादेशमार्फत नागरिकता ऐनसम्बन्धी अध्यादेश जारी गरेकाे थियाे। प्रतिनिधि सभा विघटन गरेपछि जसपाकाे एक पक्षलाई सरकारमा ल्याउने अध्यादेश जारी गरेकाे थियाे।

काठमाडौं । प्रधानमन्त्री केपी शर्मा ओलीले ७ मन्त्री र एक राज्यमन्त्रीसहित मन्त्रिपरिषद्लाई पूर्णता दिएका छन् । उनले माओवादी केन्द्र छाडेका तथा मावध नेपाल पक्ष छाडेर ओलीपक्षमा लागेकालाई पनि मन्त्रिपरिषद्मा समावेश गरेका छन् ।

एमालेको खनाल–नेपाल समूह छाडेका नेता तथा सिन्धुलीबाट प्रतिनिधिसभामा निर्वाचित सांसद गणेश पहाडीलाई सामान्य प्रशासन मन्त्रालयको जिम्मेवारी दिन लागिएको छ । उनी प्रधानमन्त्री ओलीलाई विश्वासको मत दिने बेलामा संसद्मा अनुपस्थित थिए । तर, उनले शेरबहादुर देउवलाई प्रधानमन्त्री बनाउने प्रस्तावमा हस्ताक्षर गरेका छैनन् ।

यस्तै पूर्वस्वास्थ्यमन्त्री खगराज अधिकारीले गृहमन्त्रालय सम्हाल्ने भएका छन् । सांसद नरहेका तत्कालीन गृहमन्त्री रामबहादुर थापा ‘बादल’ सर्वोच्चको आदेशपछि पदमुक्त भएकाले जेठ दोस्रो सातादेखि गृहमन्त्रालय प्रधानमन्त्री ओलीले आफू मातहतमा राखेका थिए । अधिकारी यसअघि सुशील कोइराला प्रधानमन्त्री हुँदा स्वास्थ्य तथा जनसंख्या मन्त्री थिए ।

२०७४ मा कास्कीबाट चुनाव जितेलगत्तै उनी एमाले प्रमुख सचेतक बनेका थिए । माओवादी केन्द्र र नेकपा एमालेबीच एकता भएपछि उनलाई प्रमुख सचेतकबाट हटाएर देव गुरूङलाई प्रमुख सचेतक बनाइएको थियो । यस्तै जसपाका नेता राजकिशोर यादव उद्योग मन्त्री बनेका छन् । उनी जसपा अगाढी राष्ट्रिय जनता पार्टी नेपाल (राजपा) का अध्यक्षमण्डलका सदस्यसमेत थिए । उनी जसपा अध्यक्ष महन्थ ठाकुर निकट मानिन्छन् ।

यस्तै नारदमुनी रानालाई वन तथा वातावरण मन्त्री बनाउने तयारी गरिएको छ । राना विघटित प्रतिनिधिसभा सदस्यमा कैलाली ५ बाट निर्वाचित भएका थिए । उनले कांग्रेस सभापति शेरबहादुर देउवाकी पत्नी आरजु राणा देउवालाई पराजित गरेका हुन् ।२०६४ सालको संविधानसभा सदस्यमा समेत निर्वाचित राना २०५४ सालमा धनगढी उपमहानगरपालिकाको उपप्रमुखसमेत बनेका थिए ।

यता सर्वोच्चको आदेशपछि पदमुक्त भएका रामबहादुर थापाकी पत्नीलाई पनि मन्त्री बनाइएको छ । पूर्वगृहमन्त्री बादलकी पत्नी नैनकला थापा संचारमन्त्री बन्ने भएकी छन् । नैनकला विगतमा महिला आयोगको अध्यक्ष थिइन् ।

प्रधानमन्त्रीले मन्त्रिमण्डल विस्तारमा पूर्वमाओवादी समूहबाट दुईजनालाई समेटेका छन् । नैनकलासँगै ज्वाला शाह कृषिमन्त्री बन्ने भएकी छन् । शाह बारा जिल्लाको क्षेत्र नम्वर ३ बाट विघटित प्रतिनिधि सभामा निर्वाचित् भएकी थिइन् ।

२०५४ सालमा ज्वाला भूमिगत नेकपा माओवादीमा संगठित भएकी उनले यसअघि २०६७ सालमा भुमीसुधार राज्यमन्त्री भएकी थिइन् ।

ज्वाला तत्कालीन माओवादी केन्द्रबाट प्रदेश सभा–२ बाट सांसदमा निर्वाचित भएकी थिइन् । बाराबाट सांसद निर्वाचित साह नेकपा खारेज भएपछि ओली समूहमा लागेकी थिइन् । पार्टी परिवर्तन गरेको भन्दै माओवादी केन्द्रका अध्यक्ष पुष्पकमल दाहाल प्रचण्डले उनीसहित चार जनालाई सांसद पदबाट हटाएका थिए ।

प्रचण्डले शाहलाई सांसदबाट बर्खास्त गरेपछि प्रधानमन्त्री ओलीले प्रदेश २ को एमाले अध्यक्ष बनाएका छन् ।

यस्तै नेकपा एमालेका केन्द्रीय सदस्य मोहन बानियाँ पनि मन्त्री बन्ने भएका छन् । उनको मन्त्रालय भने टुंगो लागेको छैन । बानियाँलाई नेकपा एमालेले २०७४सालको निर्वाचनमा (पिछडिएको क्षेत्र/पुरुष) कोटाबाट समानुपातिक सांसद चयन गरेको हो ।

पोखरा । गडकी प्रदेशका मूख्यमन्त्री पृथ्वीसुब्बा गुरूङले आज विश्वासको मत लिँदैछन् । ६० सदस्य रहेको गण्डकी प्रदेश सभाबाट बहुमत पुर्याउन ३१ जना सांसदको साथ हुनुपर्छ । मुख्यमन्त्री गुरूङको पार्टी नेकपा एमालेमा २७ सांसद छन् । अन्य प्रदेशमा जस्तै यहाँ पनि फ्लोर क्रसको सम्भावना भने छ । उता, विपक्षी गठबन्धनले मुख्यमन्त्रीबाट गुरूङको विकल्पमा नेपाली कांग्रेस संसदीय दलका नेता कृष्णचन्द्र नेपालीलाई भावी मुख्यमन्त्रीमा प्रस्ताव गर्दैछन् ।

कांग्रेस, माओवादी, राष्ट्रिय जनमोर्चा र जसपाले अगाडि सारेका छन् । उनलाई जनमोर्चाका ३ सांसदले साथ दिन मानिरहेका छैन । विपक्षी गठबन्धनले समेत बहुमत पुर्याउन नसके मध्यावधी निर्वाचन घोषणा गर्न सक्ने सम्भावना छ । सोहीकारण मन्त्री दिपक मनाङेले कांग्रेसलाई साथ दिन सक्ने खबर समेत सार्वजनिक भएका छन् ।

आफ्नो मूख्यमन्त्री पद जोगाउन पृथ्वीसुब्बा गुरूङले आफुलाई साथ दिएको भन्दै प्रदेश सभा जोगाउन आफुले निर्णायक भूमिका खेल्ने बताएका छन् । विपक्षी गठबन्धनलाई बहुमत पुर्‍याउन एक मत चाहिएको छ । प्रदेशमा एमालेका २७, कांग्रेसका १५, माओवादीका सभामुखसहित १२, जनमोर्चा ३, जसपाका २ र स्वतन्त्र एक सांसद रहेका छन् ।

काठमाडौं । नेपाली कांग्रेसको महाधिवेशन आगामी भदौमै आयोजना हुने सभापति शेरबहादुर देउवाले बताएका छन् । बुधबार एक वक्तव्य जारी गर्दै उनले पार्टीको महाधिवेशन प्राविधिक वा प्रशासनिक विषय मात्र नभई महत्वपूर्ण राजनीतिक अभियान समेत भएको आफुले बुझेको बताएका हुन् । उनले पार्टीको जिवन्तताका लागि महायज्ञ भएकाले महाधिवेशन तोकिएको समयमै हुने उनले उल्लेख गरेका छन् ।

देउवाले महाधिवेशन गर्न आफू पूर्ण प्रतिवद्ध रहेको भन्दै भ्रममा नपर्न समेत आह्वान गरेका छन् । उनले पार्टीका नेता, कार्यकर्तामा अन्यौल नहोस भनी यस्ते विज्ञप्ती जारी गरेको बताइएको छ । कांग्रेसले तोकिएको समयमा महाधिवेशन गर्ला वा नगर्ला भन्ने अन्यौल अहिले पनि छ ।

‘महाधिवेशनको विषयलाई लिएर कसैले पनि भ्रममा राख्ने वा भ्रममा रहने काम गर्न हुँदैन’ उनले भनेका छन्, ‘बरु पार्टीको महाधिवेशन पार्टीका सबै नेता र सदस्यहरु मिलेर सम्पन्न गर्ने कार्य हो ।’ असार र साउन महिनाभित्र महाधिवेशनका लागि सबै पूर्व तयारी सकेर निर्धारित समयमा नै महाधिवेशन गर्ने उनको भनाई छ ।

काठमाडौं । नेपालमा कोरोना संक्रमणबाट थप ८१ जनाको मृत्यु भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न अस्पतालमा उपचाररत ८१ जनाको मृत्यु भएको हो ।

यससँगै नेपालमा कोरोना संक्रमणबाट मृत्यु हुनेको संख्या ८१७९ पुगेको छ।

काठमाडौं । पछिल्लो २४ घण्टामा देशभर ४३४४ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार १२०७४ पीसीआर परीक्षणमा ३४४९ र ४५६८ जनाको एन्टिजेन परीक्षणमा ८९५ गरी ४३४४ जनामा संक्रमण पुष्टि भएको हो ।

काठमाडौं । सर्वोच्च अदालतले प्रतिनिधि सभा विघटन गर्ने राष्ट्रपतिको निर्णयविरुद्ध अन्तरिम आदेश दिन अस्वीकार गरेको छ ।

बुधबार प्रधानन्यायाधीश चोलेन्द्र शमशेर राणा नेतृत्वको संवैधानिक इजलासले संसद विघटनविरुद्ध परेको रिटमा अन्तरिम आदेश दिन अस्वीकार गरेको हो । अदालतले सरकारका नाममा कारण देखाउ आदेश जारी गरेको छ ।

मन्त्रिपरिषद्को सिफारिशमा राष्ट्रपति विद्या भण्डारीले जेठ ७ गते प्रतिनिधिसभा विघटन गर्दै कात्तिक २६ र मंसिर ३ का लागि चुनावको घोषणा गरेकी थिइन् ।

उक्त मुद्दा सुनुवाईका लागि प्रधानन्यायाधीश राणाले आफ्नो नेतृत्वमा पाँच सदस्यीय संवैधानिक इजलास गठन गरेका थिए ।

उक्त इजलासमा राणासहित न्यायाधीश दीपक कार्की, मीरा खड्का, ईश्वर खतिवडा र आनन्दमोहन भट्टराई रहेका छन् । ९ गतेबाट निरन्तर सुनुवाइ हुनेछ । रिट निवेदक कांग्रेस सभापति शेरबहादुर देउवाका तर्फबाट वरिष्ठ अधिवक्ता शम्भु थापा र महादेव यादवले बहस गरेका थिए ।

थापाले बहुमतसहित देउवाले प्रधानमन्त्रीमा दाबी गरेकाले अन्तरिम आदेश जारी गर्न माग गरेका थिए ।

काठमाडौं । नेकपा एमालेका युवानेता योगेश भट्टराईले एमालेको एकता हुन नसक्नुमा एमालेका तीन शीर्ष नेताको हात रहेको बताएका छन् । बुधबार बिहान सामाजिक संजालबाट आफ्नो प्रतिक्रिया सार्वजनिक गर्दै उनले यस्तो आरोप लगाएका हुन् । एमालेलाई एक बनाउन उनी दोस्रो तहका नेतासँगै लागि परेका बेला शीर्ष नेता नै यसमा बाधक देखिएको आरोप लगाएका हुन् ।

अध्यक्ष केपी ओलीले महन्थ ठाकुर र राजेन्द्र महतोसँग मिल्न तयार हुने र वरिष्ठ नेताद्वय झलनाख खनाल र माधवकुमार नेपाल शेर बहादुर देउवा र प्रचण्डसँग मिल्न तयार हुँदा एमाले एक हुन नसकेको उनको निष्कर्ष रहेको छ ।

उनले भनेका छन्, ‘एमालेको एकताको मुल जड कमरेड केपी ओली आफ्नै पार्टीका वरिष्ठ नेता कमरेड जे एन खनाल र कमरेड माधव नेपालसँग सहकार्य गर्न तयार नहुने तर महन्थ ठाकुर र राजेन्द्र महतोसँग सत्ता साझेदारी र अन्य विषयमा गठबन्धन गर्न तयार हुने, ‘कमरेड जे एन खनाल र माधव नेपाल आफ्नै पार्टीका अध्यक्ष कमरेड केपी ओलीसँग मिल्न तयार नहुने तर शेरबहादुर देउपा, प्रचण्ड र उपेन्द्रसँग सत्ता साझेदारी र अन्य विषयमा गठबन्धन गर्न तयार हुने।’

उनले एमाले एकताको समस्याको मूल जड यहीं रहेको बताएका छन् ।

काठमाडौं । नेपालमा कोरोना संक्रमणबाट थप १०८ जनाको मृत्यु भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न अस्पतालमा उपचाररत १०८ जनाको मृत्यु भएको हो ।

यससँगै नेपालमा कोरोना संक्रमणबाट मृत्यु हुनेको संख्या ८०९८ पुगेको छ।

काठमाडौं । सुदूरपश्चिम प्रदेश सरकारका मुख्यमन्त्री त्रिलोचन भट्टले विश्वासको मत पाएका छन् ।

मंगलबार बसेको प्रदेश सभा बैठकमा उनले आफूलाई विश्वासको मत दिन आग्रह गरेका थिए । उनको पक्षमा ३० र विपक्षमा ९ मत परेको हो ।

५२ सदस्यीय सुदूरपश्चिम प्रदेशमा मुख्यमन्त्रीलाई विश्वासको मत प्राप्त गर्न २७ मत आवश्यक थियो ।

प्रदेशसभामा भएको मतदानमा नेकपा माओवादी केन्द्रका १३ जना र नेकपा एमालेको माधवकुमार नेपाल समूहका १७ जना गरी ३० जनाले मुख्यमन्त्री भट्टलाई मत दिए ।

नेपाली कांग्रेसका १२ जना, नेकपा एमालेको ओली समूहका ७ जना र जनता समाजवादी पार्टीका २ जनाले मुख्यमन्त्रीको विपक्षमा मतदान गरे ।

नेकपा एमालेको प्रदेशसभा संसदीय दलले मुख्यमन्त्रीलाई विश्वासको मत दिने निर्णय गरेको थियो ।

काठमाडौं । पछिल्लो २४ घण्टामा देशभर ४४७२ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा भएको परीक्षणमा १२ हजार २ पीसीआर परीक्षणमा ३३७० र ५,९०१ एन्टिजेन परीक्षणमा १,१०२ गरी कुल १७ हजार ९०३ परीक्षणमा ४,४७२ जनामा संक्रमण पुष्टि भएको हो ।

पछिल्लो २४ घण्टामा ६९५१ जना संक्रमणमुक्त भएका छन् ।

काठमाडौं । नेकपा एमालेको माधवकुमार नेपाल समूहले पार्टी अध्यक्ष केपी शर्मा ओलीले प्रस्तुत गरेको प्रस्तावको लिखित जवाफ दिने निर्णय गरेको छ ।

सोमबार बसेको माधव समुहका नेताहरुको बैठकले सो निर्णय गरेको हो ।

एमाले एकताका लागि भन्दै ओलीले आइतबार साँझ ६ बुँदे प्रस्ताव जारी गरेका थिए। जसमा नेपाल पक्षले राखेका माग मान्न तयार रहेको जनाएका थिए।

अध्यक्ष ओलीको प्रस्तावको हरेक बुँदाको जवाफ दिने गरी तयारी गरेको नेता बेदुराम भुसालले जानकारी दिए ।