Category: समाचार

काठमाडौं । नेकपा एमालेका अध्यक्ष केपी शर्मा ओलीले महासचिवबाहेक सबै पदाधिकारीलाई हटाएका छन् ।

बालुवाटारमा बसेको केन्द्रीय कमिटिको बैठकले उपाध्यक्ष, उपमहासचिव, सचिवलगायत पद खारेज गरेको हो। त्यस्तै वैठकले रामबहादुर थापा बादल सहित माओवादी केन्द्रका २३ जना नेता नेकपा एमालेको केन्द्रीय सदस्य मनोनित गरेको छ ।

बालुवाटारमा बसेको केन्द्रीय कमिटिको बैठकले बादल, ऊर्जा मन्त्री टोपबहादुर रायमाझी, खानेपानी मन्त्री मणि थापा, उद्योग मन्त्री लेखराज भट्ट, शहरी विकास मन्त्री प्रभु साहलगायत २३ जनालाई मनोनित गरिएको एक नेताले जानाकारी दिए । त्यसैगरी बैठकले मंसिर २ गतेदेखि ६ गतेसम्म एमालेको महाधिवेशन गर्ने निर्णयसमेत गरेको छ ।

काठमाडौं । प्रहरीले राजधानी काठमाडौंबाट ४ जनालाई विस्फोटक पदार्थसहित पक्राउ गरेको छ।

प्रहरीले शुक्रबार काठमाडौंको बौद्धबाट २ किलो ५ सय ग्राम विस्फोटक पदार्थसहित ४ जनालाई पक्राउ गरेको महानगरीय प्रहरी कार्यालय रानीपोखरीले शुक्रबार पत्रकार सम्मेलन गरी जानाकारी दिएको हो ।

पक्राउ पर्नेमा रामेछापको लिखु तामाकोशी गाउँपालिका–५ बस्ने ४० वर्षीय नारायण सिंह तामाङ, सोही ठाउँ घर भई हाल काठमाडौंको बौद्ध बस्ने ४० वर्षीया जानुका तामाङ, रामेछापको बागजोर नगरपालिका–४ का २० वर्षीय प्रकाश चौहान र सिन्धुलीको सुनकोशी–४ बस्ने २० वर्षीय मनोज न्यौपाने रहेका छन् ।

उनीहरुले सो विस्फोटक पदार्थ कुन प्रयोजनका लागि बौद्ध ल्याएका हुन भन्ने विषय खुली नसकेको प्रहरीले बताएको छ। प्रहरीका अनुसार एक व्यक्तिको घरमा २० वर्षदेखि लुकाएर राखिएको उक्त विस्फोटक पदार्थ प्रहरीले फेला पारेको हो।

विस्फोटक पदार्थलाई नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ। नेपालमा युरेनियम बरामद भएको यो पहिलो घटना हो ।

त्यसको नेपाली मूल्य ६ अर्ब रुपैयाँ बराबर पर्ने आउने प्रहरीको भनाइ छ । जफत भएको युरेनियम प्राकृतिक युरोनियम हो।

युरेनियम २३८ लाई प्रशोधन गरेर युरेनियम २३५ बनाइन्छ। एक किलोग्राम युरोनियम २३५ बाट निस्किने ऊर्जा तीन लाख टन कोइलाबाट निस्किने ऊर्जा बराबर हुने मानिन्छ। १० ग्राम युरेनियम २३५ को मूल्य २० लाख ९ हजार डलर अर्थात् १८ करोड रुपैयाँभन्दा माथि पर्न जान्छ।

काठमाडौं । रेशन चौधरीको रिहाईदेखि संविधान संशोधनसम्मका शर्त राखेर सरकारमा जान तयार देखिएको जनता समाजवादी पार्टी र नेकपा एमालेबीच आज पनि सत्ता साझेदारीका विषयमा छलफल हुने भएको छ । बिहीबार शीर्ष नेताहरुबीच छलफल भएकोमा आज कार्यदल स्तरमा छलफल हुने भएको हो । प्रधानमन्त्री केपी शर्मा ओलीसँगको बिहीबार साँझको बैठकमा जसपाले सरकारमा सहभागी हुन तीन वटा सर्त राखेको थियो ।

सर्त मान्न ओली सकारात्मक देखिएका छन् । संविधान संशोधन, रेशम चौधरीको रिहाइ, कैदीबन्दीको मुद्दा फिर्तासहितका माग जसपाको छ । यता, जसपामा समेत सत्ता साझेदारी गर्दा कसको नेतृत्वमा गर्ने भन्ने विषयमा भने विवाद छ । जसपाका अध्यक्ष बाबुराम भट्टराई र नेता उपेन्द्र यादव ओलीसँगको सहकार्यको विपक्षमा छन् । तर, नेता महन्त ठाकुर र राजेन्द्र महतो भने ओलीसँग सहकार्य गर्न आतुर देखिएका छन् । यसले अन्ततः जसपा समेत विभाजन हुन सक्ने जोखिम बढेको छ ।

काठमाडौं । परिवर्तित परिस्थितिमा आफ्नो सत्ता जोगाउन कसरत गरिरहेका प्रधानमन्त्री केपी शर्मा ओलीले आज जनता समाजवादी पार्टीका शीर्ष नेतासँग छलफल गरेका छन् । प्रधानमन्त्री निवास वालुवाटारमा भएको छलफलमा सत्ता साझेदारीको विषयमा छलफल भएको बताइएको छ । प्रधानमन्त्रीका प्रेस सल्लाहकार सूर्य थापाले नेकपा एमाले र जनता समाजवादी पार्टीका उच्च नेताहरुबीच छलफल भएको जानकारी दिएका छन् ।

उनले भेटघाट सकारात्मक रहेको समेत उल्लेख गरेका छन् । उनका अनुसार शुक्रबार समेत यी दुई पार्टीको कार्यदलस्तरमा छलफल हुने भएको छ । प्रधानमन्त्रीले सरकारमा जसपाको समर्थन चाहेका छन् । माओवादी केन्द्रबाट समर्थन फिर्ता भएको अवस्थामा प्रधानमन्त्री ओलीले संसदमा विश्वासको मत लिनु पर्ने हुन्छ । त्यसो त जसपालाई मनाउन माओवादी केन्द्रले समेत छलफल तिब्र बनाएको छ । जसपाले भने आफ्ना माग र एजेण्डा जसले पुरा गर्छ, सोही दललाई समर्थन गर्ने बार्गेनिंगमा रहेको छ ।

काठमाडौं । नेपालमा थप ९७ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप ९७ जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७५ हजार ७० जना पुगेको छ । स्वास्थ्य मन्त्रालयका अनुसार ६६ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७१ हजार ११६ जना पुगेको मन्त्रालयले जनाएको छ । संक्रिय संक्रमितको संख्या ९ सय ४२ रहेको छ । मृत्यु हुनेको संख्या शून्य रहेको छ ।

काठमाडौं । आज नेपाली सेनाले सेना दिवस मनाउँदैछ । यस अवसरमा काठमाडौंको टुडिखेलमा विशेष कार्यक्रम आयोजना हुँदैछ । समारोहमा राष्ट्रपति, उपराष्ट्रपति, प्रधानमन्त्रीसहित विशिष्ट व्यक्ति सहभागी हुने भएका छन् । नेपाली सेनाको परमाधिपति राष्ट्राध्यक्ष हुने प्रचलन रहेको छ ।

कार्यक्रममा राष्ट्रपतिबाट नेपाल एकीकरणको इतिहास, नेपालको ऐतिहासिक गढी, किल्ला तथा युद्धस्थलको परिचय र सिपाही वार्षिक–२०७७ लोकार्पण गर्ने कार्यक्रम छ । ‘फ्रि–फल जम्प’मा प्रथम र द्वितीय हुनेलाई पुरस्कार समेत राष्ट्रपतिको हातबाट गरिने छ ।

सैनिक मञ्च, टुँडिखेलमा मुख्य समारोह तथा मुलुकभर सेनाका सबै कार्यालय, विभाग, फर्मेशन, पृतना, बाहिनी, युनिट तथा सव–युनिटले पनि आआफ्नो क्षेत्रमा विभिन्न कार्यक्रम गरी सेना दिवस भव्यताका साथ मनाइने सेनाले जनाएको छ ।

नेपाली सेनाले दुई दशकअघिदेखि महाशिवरात्रिको दिनलाई सेना दिवसका रूपमा मनाउँदै आएको छ । सैनिक मञ्चमा परेड (शस्त्राभ्यास) तथा तोप बढाइँ, कवाजलगायत विविध सांस्कृतिक कार्यक्रम गरिने भएको छ ।

समारोहमा राइफल तथा तोपबाट बढाइँ कवाज, त्रिभुवन आर्मी क्लबका खेलाडी र राष्ट्रिय सेवा दलका क्याडेटलगायत विभिन्न युनिटबाट मार्चपाष्ट, बख्तरबन्द गाडी, हतियार र इक्युप्मेन्ट प्रदर्शन, ब्याण्ड डिस्प्ले, हेलिकप्टरबाट नेपालको राष्ट्रिय झण्डा र सेना दिवस–२०७७ लेखिएको ब्यानर प्रदर्शनी साथै पुष्पवृष्टि गर्ने तयारी सेनाले गरेको छ ।

दैलेख । घरेलु हिंसाको शिकार बनेकी दैलेखकी एक महिलाले आइतबार राती आफ्ना चार सन्तानसहित यो संसारलाई त्याग्ने अकल्पनीय निर्णय लिइन् । आइतबार भएको यो घटनामा चार जनाको शव भेटिएको छ भने एक जना अझै वेपत्ता छिन् । कर्णालीमा हाम फालेका एकै परिवारका पाँच जनामध्ये शव फेला परेका चार जनाको दाहसंस्कार गरिएको छ ।

आठबिस नगरपालिका–३ निमाल बस्ने मानसिंह बडुवालकी श्रीमती सुखी, उनका ३ छोरी र एक छोराले २३ फागुनको राती कर्णाली नदीमा हाम फालेका थिए । स्थानीय प्रहरीका अनुसार श्रीमान मानसिंह मदिरा सेवन गरी परिवारमा झगडा गर्थे । श्रीमान नसुध्रिएपछि सुखीले अन्ततः दुखद निर्णय लिएको हुन सक्ने आशंका गरिएको छ । श्रीमानलाई प्रहरीले पक्राउ गरिसकेको छ ।

दाहसंस्कार गरिएकामा मानसिंहकी छोरी १२ वर्षीया सरिता, १४ वर्षीया छोरी कल्पना, उनकी श्रीमती ३५ वर्षीया सुखी र १० वर्षीया छोरा ललित रहेका छन् । कान्छी छोरी ७ वर्षीया रजनी भने बेपत्ता नै छिन् । उनको खोजी भइरहेको प्रहरीले जनाएको छ ।

काठमाडौं । नेपालमा थप १०४ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप १०४ जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७४ हजार ९७३ जना पुगेको छ । स्वास्थ्य मन्त्रालयका अनुसार ६३ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७१ हजार ५० जना पुगेको मन्त्रालयले जनाएको छ । संक्रिय संक्रमितको संख्या ९ सय ११ रहेको छ । मृत्यु हुनेको संख्या शून्य रहेको छ ।

काठमाडौं । जनता समाजवादी पार्टी नेपालका अध्यक्ष उपेन्द्र यादवले असंवैधानिक कदम उठाउने र अलोकतान्त्रीक कार्य गर्ने प्रतिगामी शक्तिलाई बहिर्गमन गराउने पार्टीको रणनीति भएको बताएका छन् ।

बुधबार संघीय संसद भवनमा सञ्‍चारकर्मीसंग कुरा गर्दै असंवैधानिक कदम र प्रतिगमन कदम चाल्ने प्रधानमन्त्री केपी शर्मा ओलीलाई सत्ताबाट हटाउने पार्टीको मूल ध्येय हुने यादवले बताए ।

हाम्रो मुख्य ध्ययअ संवैधानिक कदम र प्रतिगमन कदम चाल्नेलाई सत्ताबाट हटाउने हो यादवले भने । अध्यक्ष यादवले ओली नेतृत्वको सरकारमा जाने जनता समाजवादी पार्टीको कुनै योजना नरहेको बताए ।

उनले प्रधानमन्त्रीसंग सरकारका बिषयमा नभएर रेशम चौधरीलाई रिहाई गर्ने बिषयमा भएको तर्क गरे । जसपाले लोकतन्त्र र संघीयताको रक्षा गर्ने शक्तिसंगमात्र सहकार्य गर्ने भन्दै उनले त्यो शक्ति नेकपा एमाले नभएको बताए ।

उनले कांग्रेस र माओवादीको सरकारमा जान पार्टी खुल्ला रहेको बताए ।

काठमाडौं । प्रतिनिधि सभा बैठक चैत ३ गतेसम्मका लागि स्थगित भएको छ । बुधबार बसेको प्रतिनिधि सभाको दोस्रो बैठक शोक प्रस्ताव पारित गरि स्थगित भएको हो ।

बैठकमा निधन भएका १४ जना पूर्व सांसदहरूको शोक प्रस्ताव पारित भएको थियो ।

काठमाडौं । आज प्रतिनिभिसभा बैठक बस्दैछ । यसअघि २३ फागुनमा बसेको बैठक कांग्रेस तथा जनता समाजवादी पार्टीको अवरोधपछि स्थगित भएको थियो । आज दिउँसो १ बजेका लागि बैठक बोलाइएको संघीय संसद सचिवालयले जनाएको छ । फागुन २३ गतेको बैठकमा सरकारले विभिन्न अध्यादेश पेश गर्न खोजेको थियो । सोहीकारण प्रमुख प्रतिपक्षी नेपाली कांग्रेस र जसपाले विरोध गरेका हुन् । आजको कार्यसूचिमा समेत अध्यादेश पेश गरिने भएको छ ।

कांग्रेसले असंवैधानिक अध्यादेश ल्याइएको भन्दै ती अध्यादेश संसदमा पेश हुन नसक्ने बताइरहेको छ । त्यसो त अदालतबाट नेकपा विभाजन नभएको अवस्थामा प्रचण्ड र माधव नेपाल समुहमा रहेका सांसदले समेत बैठक बहिष्कार गरेका थिए । अब एमाले र माओवादी केन्द्र भएको अवस्थामा सरकारको विरुद्धमा रहेका एमाले सांसदले के गर्छन् भन्ने विषय समेत चासोपूर्वक हेरिएको छ ।

काठमाडौं । नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता भएको छ । मंगलबार देउवालाई भेट्न प्रचण्ड साँझ उनको निवास बुढानीलकण्ठ पुगेका छन् । उनीहरुबीच बदलिँदो राजनीतिक परिस्थिति र सत्ता साझेदारीका विषयमा छलफल भएको बताएको छ ।

आजै बसेको माओवादीको बैठकले सत्ता साझेदारीका विषयमा कांग्रेस र जनता समाजवादी पार्टीसँग छलफल गर्ने निर्णय गरेको थियो । सोही अनुसार आज प्रचण्डले पहिलो चरणमा देउवासँग अनौपचारिक छलफल गरेका हुन् । सर्वोच्च अदालतबाट नेकपा एकिकरणलाई वैधानिकता नदिएपछि एनेकपा माओवादी र नेकपा एमाले पुनः अस्तित्वमा आएका छन् । तर, सत्ता साझेदारीका विषयमा भने सरगर्मी बढेको छ ।

काठमाडौं । नेपालमा थप ५९ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप ५९ जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७४ हजार ८६९ जना पुगेको छ । स्वास्थ्य मन्त्रालयका अनुसार ६० जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७० हजार ९८७ जना पुगेको मन्त्रालयले जनाएको छ । संक्रिय संक्रमितको संख्या ८ सय ७० रहेको छ । पछिल्लो २४ घण्टामा मृत्यु हुनेको संख्या १ जना रहेको छ । यो सहित मृतकको संख्या ३०१२ जना पुगेको छ ।

काठमाडौं । निर्वाचन आयोगले सत्तारुढ दल नेपाल कम्युनिष्ट पार्टी (नेकपा) खारेज गरेको छ । आयोगले सर्वोच्च अदालतको फैसलाअनुसार नेकपा खारेज गरेको हो ।

आयोगले नेकपा एमाले र नेकपा माओवादी केन्द्रबीच एकीकरण भइ बनेको नेपाल कम्युनिस्ट पार्टी (नेकपा) नामक राजनीतिक दल दर्ता भएको राजपत्रमा प्रकाशित सूचनालाई खारेज गर्ने र सोको सूचना राजपत्रमा प्रकाशित गर्ने भएको छ । नेकपा एमाले र माअ‍ोवादी केन्द्रले एकता गर्ने भए १५ दिनभित्र निवेदन दिन जानकारी गराउने प्रवक्ता राजकुमार श्रेष्ठले जानकारी दिए ।

उनकाअनुसार सर्वोच्च अदालतको फैसला अनुसार नेकपा एमाले र नेकपा माओवादी केन्द्र अलग अलग राजनीतिक दलका रुपमा साविककै अवस्थामा कायम रहेकोबारे नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल प्रचण्डलाई औपचारिक रुपमा जानकारी दिइनेछ ।

आयोगले नेपाल कम्युनिस्ट पार्टी एमाले र नेपाल कम्युनिस्ट पार्टी माओवादी केन्द्र अलग अलग राजनीतिक दलका रुपमा साविककै अवस्थामा काम भएको व्यहोरा पनि राजपत्रमा प्रकाशित गर्ने निर्णय गरेको छ ।

एमाले र माओवादी केन्द्रले एकीकरण गर्ने भएमा आ–आफ्नो केन्द्रीय समितिबाट दल एकीकरण गर्ने निर्णय गरी सो निर्णय सहित नयाँ दलको रूपमा एकीकरण गर्ने भएमा एकिकरण पछि बन्ने दलको नयाँ नाम र चिन्ह समेत प्रस्ताव गरी १५ (पन्ध्र) दिन भित्र आयोगमा निवेदन सहित उपस्थित हुनका लागि नेपाल कम्युनिष्ट पार्टी (एकीकृत मार्क्सवादी–लेनिनवादी) र नेपाल कम्युनिष्ट पार्टी (माओवादी केन्द्र) लाई जानकारी गराउने निर्णय आयोगले गरेको छ ।

कर्णााली। दैलेखको आठबीस नगरपालिका–३ दैलेख निमाइलका एउटै घरका पाँच जनाले कर्णाली नदीमा हामफालेर आत्महत्या गरेका छन्। आमासहित चार बालबालिकाले कर्णाली नदीमा हामफालेर आत्महत्या गरेको प्रहरीले जनाएकाे छ। जिल्ला प्रहरी कार्यालय दैलेखका प्रहरी नायब उपरीक्षक अनुपम श्रेष्ठले हामफालेका पाँचमध्ये सोमबार दुईको शव भेटिएको जानकारी दिए।

हामफालेका मध्ये १४ वर्षीया कल्पना बडुवाल र ११ वर्षीया सरिता बडुवालको शव अछामको पञ्चदेवल विनायक नगरपालिका–४ स्थित कर्णाली नदीमा माछा मार्न प्रयोग गरिने डोरीमा लपेटिएको अवस्थामा भेटिएको प्रहरी नायब उपरीक्षक श्रेष्ठले बताए।

उनले भने, “शव फेला परेकाको सनाखत भइसकेको छ। नदीमा हामफालेर बेपत्ता भएका ३५ वर्षीया आमा सुकु बडुवाल, आठ वर्षीय छोरा ललित बडुवाल र पाँच वर्षीया रजनी बडुवाललाई भेट्टाउन सकिएको छैन।” गोताखोर टोलीबाट उनीहरुको खोजी कार्य थालिएको उनले बताए।

मृतकका श्रीमान् मानसिंह बडुवाललाई भने सोमबार नै इलाका प्रहरी कार्यालय राकमले नियन्त्रणमा लिएर अनुसन्धान थालेको छ। सोमबार बिहान तीन छोरी र एक छोरा लिएर घरबाट आफ्नो माइत जान हिँडेकी सुकु माइतमा समेत नगएको नभेटिएपछि आफन्तले उनीहरुको खोजतलास गरेका थिए।

आठबीस नगरपालिकाका उपप्रमुख दीपा बोहोराका अनुसार श्रीमान्ले दिनहुँ मदिरा सेवन गरी कुटपिट गर्ने झैझगडा गर्ने भएपछि आजित भएर नदीमा हामफालेको हुनसक्ने आकलन गरिएको छ। नेपालभर १११औँ अन्तर्राष्ट्रिय महिला श्रमिक दिवस मनाइरहँदा सोही दिनमा आठबीस नगरपालिका–३ दैलेखको निमाइल बस्ती शोकाकुल बनेको थियो।

काठमाडौं । धुम्बाराहीमा रहेको नेपाल कम्युनिष्ट पार्टी (नेकपा) पार्टी कार्यालयको नाम र साइनबोर्ड परिवर्तन गरिएको छ ।

आइतबार सर्वोच्च अदालतले नेपाल कम्युनिष्ट पार्टी (एमाले) र नेकपा (माओवादी केन्द्र) एकतालाई पहिलेकै अवस्थामा ब्यूँताएपछि पार्टी कार्यालयको नाम र साइनबोर्ड परिवर्तन गरिएको हो ।

एमालेको केन्द्रीय कार्यालय धुम्बाराही र माओवादी केन्द्रको कार्यालय पूर्ववत् पेरिसडाँडा नै भएका छ । एकतापछि दुवै ठाउँमा नेकपाका केन्द्रीय कार्यालय रहेको थियो ।

२०७५ साल जेठ ३ गते तत्कालीन एमाले र माओवादी केन्द्र मिली नेपाल कम्युनिष्ट पार्टी (नेकपा)का गठन भएको थियो ।

तर त्यसअघि नै निर्वाचन आयोगमा ऋषि कट्टेल अध्यक्ष रहेको नेकपा नामक दल दर्ता रहेकाले सोही नामको अर्को दल दर्ता गर्न नमिल्ने भन्दै सर्वोच्च अदालतले एमाले र माओवादी केन्द्रलाई पहिलेकै अवस्थामा ब्यूँताएको हो ।

काठमाडौं । प्रधानमन्त्री केपी शर्मा ओलीले मन्त्रिपरिषदको बैठक डाकेका छन्। सर्वोच्च अदालतको निर्णयपछि पहिलोपटक मंगलबार दिउँसो ४ बजे प्रधानमन्त्री निवास बालुवाटारमा बैठक बोलाएका हुन् ।

अदालतले एमाले र माओवादी केन्द्र ब्यूँताएपछि अब उत्पन्न हुने राजनीतिक परिस्थिति र सत्तासमिकरणबारे छलफल गर्न प्रधानमन्त्रीले मन्त्रिपरिषद्को बैठक बोलाएका एक नेताले जनाकारी दिए । सर्वोच्च अदालतको फैसलापछि एमाले र माओवादी केन्द्र आ–आफ्नो कित्तामा लागेका छन् ।

ओली सरकारमा अहिले पूर्वमाओवादी केन्द्रमा रहेकाहरू पनि मन्त्री छन्। यसैबीच सरकारले जारी गरेका केही अध्यादेश पनि संसदमा पेश गर्न बाँकी छ।

आइतबारको संसद बैठकमा एउटा अध्यादेश पेस भए पनि बैठक अवरूद्ध भएपछि प्रक्रिया अघि बढ्न सकेको छैन।