Category: समाचार

अन्ततः छुट्टिए प्रचण्ड–माधव नेपाल समूह, एमालेमै गएर संघर्ष गर्ने नेपाल पक्षको निर्णय
काठमाडौं, २४ फागुन । प्रचण्ड–नेपाल स्थायी समितिको बैठकले पूर्वएमाले र पूर्वमाओवादी अलग अलग भएर जाने निर्णय गरेको छ।

पेरिसडाँडामा आज बसेको यो समूहको बैठकले यस्तो निर्णय गरेको हो। उनी पेरिसडाँडाबाट फेरि भेटौंला भन्दै बाहिरिएका थिए । अब एमाले र माओवादी केन्द्र आफ्नोआफ्नो हिसाबले अघि बढ्ने भएका छन्। खनालले भने, ‘अदालतको फैसला राजनीतिक भयो, यसमा हाम्रो असहमति छ। तर फैसला मान्नैपर्यो,’ बैठकबाट फर्किंदै झलनाथ खनालले भने, ‘फेरि भेटौंला।’

प्रवक्ता नारायणकाजी श्रेष्ठले नेपाल कम्युनिष्ट पार्टी ९नेकपा०को बैठक अन्तिम भएको बताए । उनले एमाले र माओवादी केन्द्रबीच पुनः पार्टी एकता गर्ने पहल जारी राख्ने बताए । प्रचण्ड–माधव नेपाल पक्षको स्थायी कमिटी बैठकको निर्णयबारे जानकारी दिँदै उनले केपी शर्मा अ‍ोलीले प्रधानमन्त्रीबाट राजीनामा दिनुपर्ने बताए ।

आइतबार सर्वोच्च अदालतले सत्तारुढ दल नेपाल कम्युनष्ट पार्टी ९नेकपा०लाई खारेज गर्दै एमाले र माओवादी केन्द्र ब्यूँताइदिएको थियो ।

काठमाडौं । नेपालमा थप ८९ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप ८९ जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७४ हजार ८१० जना पुगेको छ । स्वास्थ्य मन्त्रालयका अनुसार ४२ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७० हजार ९२७ जना पुगेको मन्त्रालयले जनाएको छ । संक्रिय संक्रमितको संख्या ८ सय ७२ रहेको छ । पछिल्लो २४ घण्टामा मृत्यु हुनेको संख्या १ जना रहेको छ । यो सहित मृतकको संख्या ३०११ जना पुगेको छ ।

काठमाडौं । प्रधानमन्त्री केपी शर्मा ओलीले आफ्नो पार्टीका बारेमा सर्वोच्च अदालतलाई सोध्न आग्रह गरेका छन् ।

अन्तर्राष्ट्रिय महिला दिवसका अवसरमा प्रज्ञा प्रतिष्ठानमा आयोजित समारोहमा बोल्दै ओलीले पार्टीका नेता भीम रावललाई म कुन पार्टीको प्रधानमन्त्री भनेर सर्वोच्चलाई नै जानुस् भन्दै व्यंङग गरेका हुन् ।

आइतबार प्रतिनिधिसभाको बैठकमा प्रचण्ड–नेपाल समूहका नेता भीम रावलले ‘प्रधानमन्त्री कुन पार्टीको हो’ भनेर प्रश्न गरेका थिए। सोही अभिव्यक्तिको जवाफ दिँदै ओलीले आफ्नो पार्टीका बारेमा सर्वोच्चलाई सोध्न भनेका हुन्।

‘अब हुँदा हुँदा प्रधानमन्त्री कुन पार्टीका हो जानकारी पाउँ भन्नुभयो, सर्वोच्च अदालतमा जानुस्। कुन पार्टीको हो रे !’ ओलीले भने।

आइतबार सर्वोच्च अदालतले तत्कालीन एमाले र माओवादी केन्द्र ब्यूँतिनेगरी फैसला गरेको थियो।

काठमाडौं । प्रतिनिधिसभाको बैठक आगामी बुधबारसम्मका लागि स्थागित भएको छ । संसद सचिवालयले सूचना टासी बुधवार १ बजेसम्मका लागि संसद स्थगित भएको बताएको हो । प्रमुख प्रतिपक्षी नेपाली काङ्ग्रेसले आज संवैधानिक परिषद् सम्बन्धी अध्यादेश फिर्ता हुनुपर्ने माग गर्दै नाराबाजी गरेको छ । त्यसपछि बैठक १० मिनेटका लागि स्थगित भएकोमा सूचना टासी बुधबारसम्म स्थगित गरिएको हो ।

कांग्रेसको निर्णयमा जनता समाजवादी पार्टीले पनि काङ्ग्रेसलाई साथ दिएको छ । पुनर्स्थापित प्रतिनिधिसभाको पहिलो बैठक प्रचण्ड-माधव नेपाल समूहका सांसदहरूले बहिष्कार गरेका थिए। नेकपाका नेताहरुले सर्वोच्च अदालतले संसद्‌ पुनर्स्थापित गरेसँगै सरकारले वैधानिकता गुमाएको भन्दै पहिलो बैठकमा अध्यादेश सहितका कार्यसूची राख्न नहुने माग गरेका थिए ।

काठमाडौं । प्रचण्ड–नेपाल समूहले संसदको बैठक बहिष्कार गरेका छन् ।

सभामुख अग्नि प्रसाद सापकोटाले अध्यादेश लगायतका विषय बैठकको कार्यसूची तय गरेपछि प्रचण्ड–नेपाल समूहले बैठक बहिस्कार गरेको हुन् । प्रचण्ड–नेपाल समूहका सबै सदस्य बाहिरिएका छन् ।

काठमाडौं । नेपालमा थप ६६ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप ६६ जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७४ हजार ७३१ जना पुगेको छ । स्वास्थ्य मन्त्रालयका अनुसार ५८ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७० हजार ८८६ जना पुगेको मन्त्रालयले जनाएको छ । संक्रिय संक्रमितको संख्या ८ सय २८ रहेको छ । मृत्यु हुनेको संख्या शून्य रहेको छ ।

काठमाडौं । सर्वोच्च अदालतले नेपाल कम्युनिष्‍ट पार्टीको आधिकारिकता ऋषि कट्टेलाई दिएको छ ।

न्यायाधीशहरु बमकुमार श्रेष्ठ र कुमार रेग्मीको इजलासले आइतबार ऋषि कट्टेलको पक्षमा फैसला सुनाएका हुन् ।

यो फैसलासँगै केपी शर्मा ओली र पुष्पकमल दाहाल प्रचण्डको नेतृत्वमा रहेको पार्टीको नाम नेपाल कम्युनिस्ट पार्टी (नेकपा) राख्ने निर्वाचन आयोगको निर्णय खारेज खारेज भएको छ ।

काठमाडौं । नारायणगढ-मुग्लिन सडक खण्डमा यात्रा गर्दै हुनुहुन्छ भने आजबाट एक साता ट्राफिक जामको समस्या पर्न सक्छ । पहिरो रोकथामसम्बन्धी बाँकी पुरा गर्न यो सडक खण्ड आजबाट एक हप्ता दिउँसो बन्द हुँदैछ । आगामी २९ गतेसम्म दिउँसो साढे १० बजेबाट ३ बजेसम्म सडक बन्द गर्न लागिएको छ ।

नारायणगढमुग्लिन सडक आयोजनाका अनुसार यो सडकखण्डको चारकिलोमा पहिरो रोकथामको काम गरिँदैछ । अत्यावश्यक सेवाबाहेक सबै सवारी साधनको आवागमन दुई तर्फी नै रोक्न लागिएको छ । असार पहिलो साता पहिरोले बगाएको क्षेत्रमा पहिरो रोकथामको काम हुनेछ । आजबाट नारायणढतर्फबाट गएका सवारी साधनलाई जलबिरेमा र मुग्लिनतर्फबाट आएका सवारी साधनलाई शान्तिबजारमा रोकिने भएको छ ।

दार्चुला । दार्चुलामा जीप दुर्घटनामा परी कम्तिमा तीन जनाको मृत्यु भएको छ । नेपाली संचारमाध्यमहरुका अनुसार चालक सहित तीन जनाको मृत्यु भएको पुष्टी भएको छ । शनिबार साँझ शैल्यशिखर नगरपालिका–८ अमतोलीबाट लेकम गाउँपालिका–४ रिठाचौपातातर्फ जाँदै गरेको ग ३ च १६९३ नम्बरको को जीप दुर्घटनामा परेको छ ।

जीप लेकम गाउँपालिका–६ स्थित उचकोट भन्ने स्थानमा कच्ची सडकखण्डबाट अन्दाजी १०० मिटर तल खसेको स्थानीय प्रहरीले जनाएको छ । जीपमा ७ जना चढेका थिए ४ जना घाइते भएको प्रदेश प्रहरी कार्यालय दिपायलले जनाएको छ । मृत्यु हुनेमा जीप चालक चालक ३८ वर्षीय करन नाथ, शैल्यशिखर नगरपालिका–८ की ७० वर्षीया सुनादेवी पन्त र सोही ठाउँका ४० वर्षीय पदमराज पन्त छन् ।

घाइते शैल्यशिखर नगरपालिका–८ का ७२ वर्षीय बुद्धि बल्लभ पन्त, पदम राज पन्तका छोराहरु वर्ष १२ का मुकेश पन्त र ७ वर्षीय बसन्त पन्त र ७० वर्षीय गंगादेवी पन्तको उपचार जारी छ ।

काठमाडौं । प्रधानमन्त्री केपी शर्मा ओलीले बामदेव गौतमलाई फकाउन पुनः कसरत थालेका छन् । उनी आज साँझ गौतमलाई भेट्न निवास भैंसेपाटीमै पुगेका छन् । शुक्रबार साँझ प्रधानमन्त्री ओली भैंसेपाटी पुगेर बामदेवसँग नेकपा विवादका विषयमा छलफल गरेका हुन् ।

बामदेव अहिले ओली र प्रचण्ड कुनै पनि पक्षमा खुलेका छैनन् । दुबै पक्षले उनलाई तान्न भने प्रयास गरिरहेका छन् । प्रधानमन्त्रीका प्रेस सल्लाहकार सूर्य थापाले ओ‌ली र गौतमबीचको भेटको तस्वीर सार्वजनिक गरेका छन् । उनका अनुसार प्रधानमन्त्री ओली गौतमको स्वास्थ्य स्थिति बुझ्न भैंसेपाटी गएका हुन् ।

यसअघि पनि नेकपा विवाद उत्कर्षमा रहेको समयमा साउनमा ओली बामदेवलाई भेट्न निवासमै पुगेका थिए । रक्षात्मक अवस्थामा पुगेका ओलीले अहिले सत्ता बचाउन अन्तिम प्रयास जारी राखेका छन् ।

काठमाडौं । नेपालमा थप १२० जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप १२० जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७४ हजार ६०८ जना पुगेको छ । स्वास्थ्य मन्त्रालयका अनुसार ८३ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७० हजार ७६६ जना पुगेको मन्त्रालयले जनाएको छ । संक्रिय संक्रमितको संख्या ८ सय ३२ रहेको छ । मृत्यु हुनेको संख्या शून्य रहेको छ ।

काठमाडौं । प्रधानमन्त्री केपी शर्मा ओलीले नेपालमा हिंसात्मक द्वन्द्व अन्त्य भएको घोषणा गरेका छन् ।

सरकार र नेपाल कम्युनिस्ट पार्टीबीच सम्पन्न सहमति हस्ताक्षर कार्यक्रमलाई सम्बोधन गर्दै ओलीले शुक्रबारदेखि नेपालमा हिंसात्मक द्वन्द्व अन्त्य भएको घोषणा गरेका हुन् ।

ओलीले नेपाल शान्तिपूर्ण युगमा प्रवेश गरेको बताए । ‘अब नेपालमा हिंसात्मक द्वन्द्व छैन, अब नेपालमा हिंसात्मक बाटो र हिंसात्मक आन्दोलनको कार्यदिशा कसैले पनि अवलम्बन गरेको छैन,’ उनको भनाइ थियो ।

शान्तिपूर्ण ढंगले बाँच्न पाउने हरेक नेपालीका चाहाना भएको समेत बताए। ‘अब देश विकासको कामले गतिशिल ढंगले अगाडि बढ्छौँ।’ उनले भने, ‘नेपाली जनताको चाहाना यही हो। हामी सबैको चाहाना समृद्ध नेपाल, सुखी नेपाली हो।

काठमाडौं । नेकपाका महासचिव नेत्रविक्रम चन्द (विप्लव) ले सरकारसँग गरेको सहमतिमा नेपाललाई सुन्दर देश बनाउने सपना लुकेको बताएका छन् ।

शुक्रबार राष्ट्रिय सभागृहमा आयोजित हस्ताक्षर कार्यक्रममा बोल्दै विप्लवले यो सहमतिको पछाडि भित्र लुकेको महान अकांक्षा बताएका हुन् ।

उनले नेपाललाई सुन्दर देश बनाउने सपना छ । दिर्घ शान्ति स्थिरता । अहिलेसम्म पूरा नभएको समृद्धिको अकांक्ष रहेको बताए । उनले भने, ‘यो सहमति केवल नेपाल सरकार र नेकपाको मात्र होइन । यो सहमति पार्टीको कुरामात्र होइन ।

‘जनताको सपना पूरा गर्नका लागि सबैले हातेमालो गर्नुपर्छ। नेपाली जनताको पक्ष आफ्नो नेता कार्यकर्ताले ज्यान दिएका थिए।

नेपाली जनताको चाहाना पूरा भएको छैन’उनले भने, ‘मृत्युको नजिक नपुगेको कम्युनिस्ट नेता पनि छैनन्। सहिद परिवारलाई विश्वास दिलाउनका लागि बलिदान दिन तयार छौँ। तर, हामी हाम्रो प्रतिबद्धताबाट भाग्दैनौँ।’

केही नेताको कुरा होइन । त्यस्तै ‘विप्लव’ले विदेशी वा अन्य कुनै प्रकारको हस्तक्षेप सह्य नहुने बताएका छन् । आज राष्ट्रियसभागृहमा आयोजित कार्यक्रममा विप्लवले यस्तो बताएका हुन् ।

उनले भने, ‘हामीलाई विदेशीलगायत कुनै हस्तक्षेप मान्य छैन । हस्तक्षेप गर्न खोजे धर्तीमा गाडिन्छौँ तर झुुक्दैनौँ ।’ उनले जनतालाई हरेक कुराको फैसला गर्न दिनुपर्ने बताए । जनतालाई स्वतन्त्र रूपमा निर्णय गर्न दिनुपर्नेमा उनले जोड दिए ।

काठमाडौं । सरकार र नेपाल कम्युनिस्ट पार्टी विप्लव समूहबीच सहमतिपत्रमा हस्ताक्षर भएको छ।

शुक्रबार राष्ट्रिय सभागृहमा आयोजित समारोहमा सरकारी वार्ता टोलीका संयोजक तथा गृहमन्त्री रामबहादुर थापा र विप्लव समूहका वार्ता टोलीका संयोजक खड्गबहादुर विश्वकर्माले हस्ताक्षर गरेका हुन् ।

सरकार र विप्लव नेतृत्वको नेकपाबीच बिहीबार ३ बुँदे सहमति भएको थियो। सरकारले प्रतिबन्धबाट फुकुवा गर्न र नेकपाले शान्तिपूर्ण राजनीति गर्न सहमति जनाएका हुन् ।

दुई पक्षबीच भएको सहमतिअनुसार विप्लव पक्षले आफ्ना सम्पूर्ण राजनीतिक विषयहरुको समाधान सम्वादका माध्यमबाट गर्ने, आफ्ना सम्पूर्ण राजनीतिक क्रियाकलापहरु शान्तिपूर्ण रुपमा सञ्चालन गर्ने र सरकारका तर्फबाट लगाइएको विप्लव नेतृत्वको नेकपामाथिको प्रतिबन्ध हटाउने, सम्पूर्ण बन्दीको रिहाइ र मुद्दा खारेजी लगायत विषयहरु रहेका छन्।

यस्ता छन् सहमति

१) दुबै पक्ष नेपाल सरकार र नेपाल कम्युनिष्ट पार्टी देशको राजनीतिक समस्या वार्ताबाट समाधान गर्न सहमत भएका छौँ

२) नेकपाले आफ्ना सबै गतिविधि शान्तिपूर्वक गर्ने सहमति

३) नेपाल सरकारले नेकपामाथि प्रतिबन्ध फुकाउ गर्ने, कारागारमा रहेकाहरुलाई छुट गर्ने र सबै आरोपहरु खारेज गर्ने

काठमाडौं । प्रधानमन्त्री केपी शर्मा ओली र नेकपाका महासचिव नेत्रविक्रम चन्द विप्लव एउटै मञ्चमा देखिएका छन् । तीन बुँदे सहमतिमा हस्ताक्षर तथा त्यसपछि आयोजित सभालाई सम्बोधन गर्न प्रधानमन्त्री ओली र महासचिव विप्लव एउटै मञ्चमा देखिएका हुन् ।

बिहीबार सरकार र नेकपाबीच भएको तीन बुँदे सहमति भएको थियो ।

काठमाडौं । दुई वर्षयता भूमिगत रहेका नेत्रविक्रम चन्द्र विप्लव आज काठमाडौंमा सार्वजनिक हुँदैछन् । सरकारसँग तीन बुँदे सहमति गरेपछि विप्लव र प्रधानमन्त्री केपी शर्मा ओलीले आज राष्ट्रिय सभागृहमा एउटै मञ्चबाट सम्बोधन गर्ने भएका हुन् । राष्ट्रिय सभागृहमा शुक्रबार दिउँसो दुई बजे विप्लव सार्वजनिक हुने कार्यक्रम छ । आज नै प्रधानमन्त्री ओली र महासचिव विप्लवबीच सहमति पत्रमा हस्ताक्षर गर्ने कार्यक्रम राखिएको छ ।

सरकार र विप्लव समूहबीच विहीबारको वार्तापछि सार्वजनिक भएको प्रेस नोटमा तीन बुँदे सहमति भएको बताइएको छ । सहमतिलाई बिहीबार बसेको मन्त्रिपरिषद बैठकले अनुमोदन गरेको हो । वार्तामा विप्लव समूह शान्तिपूर्ण राजनीतिमा आउन तयार भएको हो । सरकारले समुहमाथिको प्रतिबन्ध हटाउने र बन्दीलाई रिहा गर्ने तथा मुद्दा खारेजी प्रक्रिया शुरु गरिसकेको छ ।

काठमाडौं । सरकारले नेकपा विप्लव समूहमाथि लगाएको प्रतिबन्ध फुकुवा गरेको छ । आज बसेको मन्त्रीपरिषद् बैठकले विप्लव समुहमाथि विगत दुई वर्षदेखि लागेको प्रतिवन्ध फुकुवा गर्ने निर्णय गरेको हो । मन्त्रिपरिषद् बैठकले आज विहान सरकारी वार्ता टोली र विप्लव समूहबीच भएको तीनबुँदे सहमतिलाई अनुमोदन गरेको हो ।

सोही अनुसार विप्लव समुहमाथिको प्रतिवन्ध फुकुवा भएको हो । यो समुह हिंसा छाडेर शान्तिपूर्ण राजनीतिमा आउन तयार भएको छ । शुक्रबार प्रधानमन्त्री केपी शर्मा ओली र विप्लव समुहका नेता नेत्र विक्रम चन्द एकै कार्यक्रममा सहभागी भई विस्तृत सम्झौता सार्वजनिक गर्ने बताइएको छ ।

काठमाडौं । नेपालमा थप १०७ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप १०७ जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७४ हजार ४८८ जना पुगेको छ । स्वास्थ्य मन्त्रालयका अनुसार ७८ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७० हजार ६८३ जना पुगेको मन्त्रालयले जनाएको छ । संक्रिय संक्रमितको संख्या ७ सय ९५ रहेको छ । मृत्यु हुनेको संख्या शून्य रहेको छ ।

काठमाडौं । दुई वर्षपछि प्रतिबन्धित नेकपाका महासचिव नेत्रविक्रम चन्द ‘विप्लव’ सार्वजनिक हुने भएका छन् ।

बिहीबार सरकार र विप्लव समूहबीच तीन बुँदे सहमति जुटेपछि फागुन २१ गते विशेष समारोहकाबीच ‘विप्लव’ सार्वजनिक हुने भएका हुन् ।

विप्लव समूहलाई केपी ओली नेतृत्वको सरकारले २०७५ फागुन २८ मा प्रतिबन्ध लगाएको थियो । ओली नेतृत्वको सरकारले पार्टीमाथि प्रतिवन्ध लगाएपछि विप्लव भूमिगत रहँदै आएका छन् । विप्लव समुहले वर्तमान व्यवस्था र संविधान नै नमान्ने बताउँदै आएको थियो ।

शुक्रबार विशेष समारोह गरेर सरकार र विप्लव समूहबीच भएका सहमतिहरु सार्वजनिक गर्ने र सो समारोहमा प्रधानमन्त्री केपी शर्मा ओली र विप्लवले समेत सम्बोधन गर्ने दुवै पक्षका वार्ता टोली संयोजकले बिहीबार जारी गरेको प्रेस नोटमा उल्लेख छ ।

त्यस्तै विप्लव समूहका सबै बन्दी रिहा हुने भएका छन् । सरकार र नेकपा ‘विप्लव’ समूहबीच तीन बुँदे सहमति भएसँगै सो समुहका एक हजार ३६ जना नेता कार्यकर्ता रिहाइ हुने भएका हुन् ।

यसअघि विप्लव समूहले आफ्ना एक हजार बढी नेता कार्यकर्तालाई सिरकारले नियन्त्रणमा लिएको बताउदै आएको थियो । सहमतिपछि रिहाइ हुनेमा सचिवालय सदस्य धर्मेन्द्र, बास्तोला, हेमन्त प्रकाश ओली, माइला लामा लगायत पर्नेछन् ।

सरकार र विप्लव समूहबीच बिहीबार भएको सहमतिपत्रमा विप्लव समूहमाथिको प्रतिबन्ध हटाउँदै सरकारले बन्दी बगाएकाहरुको रिहाइ गर्ने उल्लेख छ । साथै विप्लव समुहका नेता कार्यकर्तामाथिको मुद्दासमेत खारेज हुने भएको छ ।

काठमाडौं । बुधबार कांग्रेस सभापति शेर बहादुर देउवाले आफुले प्रधानमन्त्री पद नमागेको तर आइपरे स्वीकार गर्ने बताएको थिए । यो भनाई यस्तो समयमा आएको छ, जहाँ नेकपा भित्रको प्रचण्ड नेपाल समुहले उनलाई प्रधानमन्त्रीका रुपमा खुला आह्वान गरेको छ । यसै सन्दर्भमा आज नेपाली कांग्रेसका सभापति शेरबहादुर देउवाले पदाधिकारी बैठक डाकेका छन् ।

बिहीबार ३ बजे सभापति देउवाको निवास बुढानिलकण्ठमा पार्टी पदाधिकारी बैठक डाकिएको छ । यहाँ पूर्वपदाधिकारीसमेत उपस्थित हुनेछन् । कांग्रेसको संसदीय दलको बैठक शुक्रबार बस्दैछ । त्यसअगाडी नै पदाधिकारी बैठकले आगामी संसद बैठक अगाडी कांग्रेसको पोजिसनका विषयमा स्पष्ट निर्णय लिने बताइएको छ ।

सरकारको सिफारिसमा राष्ट्रपतिबाट प्रतिनिधि सभा बैठक फागुन २३ मा आह्वान गरिएको छ । यो बैठकका लागि सबै दलले आआफ्नो रणनीति बनाइरहेका छन् । कांग्रेस भित्र देउवा सरकारमा जानुपर्ने पक्षमा छन् भने रामचन्द्र पौडेल समुह भने प्रतिपक्षमै बस्नुपर्ने पक्षमा छन् ।