काठमाडौं । बुधबार मात्र नियुक्त भएका तीन जना मन्त्रीले पद तथा गोपनीयताको सपथ लिएका छन् । नवनियुक्त अर्थमन्त्री विष्णु पौडेल, सहरी विकास मन्त्री कृष्णगोपाल श्रेष्ठ र महिला बालबालिका तथा जेष्ठ नागरिक मन्त्री लीलानाथ श्रेष्ठले पद तथा गोपनीयताको सपथ लिएका हुन् ।
बिहीबार बिहान राष्ट्रपति कार्यालय शितल निवासमा राष्ट्रपति विद्यादेवी भण्डारीबाट नवनियुक्त मन्त्रीलाई सपथ खुवाइएको हो । सपथसँगै मन्त्रीहरु सम्बन्धित मन्त्रालय पुगेर पदभार सम्हालेका छन् ।
काठमाडौं । नेपाल सरकारका नवनियुक्त मन्त्रीको सथप तथा पदभार ग्रहण आजै हुने भएको छ । आज साढे ११ बजे तीन जना मन्त्रीलाई राष्ट्रपति कार्यालयमा पद तथा गोपनीयताको सपथ ग्रहण कार्यक्रम राखिएको छ ।
प्रधानमन्त्री केपी शर्मा ओलीले बुधबार साँझ गरेको मन्त्रिमण्डल हेरफेरमा तीन जना नयाँ मन्त्री आएका छन् । महासचिव बिष्णु पौडेललाई अर्थ, काठमाडौंका सांसद कृष्णगोपाल श्रेष्ठलाई सहरी विकास र सिरहाका सांसद लीलानाथ श्रेष्ठलाई महिला बालबालिका तथा जेष्ठ नागरिक मन्त्री नियुक्त गरिएको छ ।
काठमाडौं । प्रधानमन्त्री केपी शर्मा ओलीले उपप्रधानमन्त्री इश्वर पोखरेलको विभागीय मन्त्रालय खोसेका छन् । उक्त मन्त्रालय प्रधानमन्त्री स्वयमःले राखेर पोखरेललाई भने प्रधानमन्त्री तथा मन्त्रिपरिषद् कार्यालय हेर्ने गरी जिम्मेवारी तोकिएको छ ।
पहिलो पटक मन्त्रिपरिषद्मा यस प्रकारको संरचना देखिएको हो । राष्ट्रपति कार्यालयले बुधबार साँझ विज्ञप्तिमार्फत प्रधानमन्त्रीको सिफारिसमा राष्ट्रपति विद्यादेवी भण्डारीले मन्त्रीहरुको नियुक्ति, हेरफेर र कार्यविभाजन गरेको पुष्टी गरेको हो ।
प्रधानमन्त्रीले विष्णु पौडेललाई अर्थ मन्त्रालय, कृष्णगोपाल श्रेष्ठलाई शहरी विकास मन्त्रालय र लीलानाथ श्रेष्ठलाई महिला, बालबालिका तथा ज्येष्ठ नागरिक मन्त्रालयको जिम्मेवारी दिएका छन् । यसअघि महिला बालबालिका मन्त्री पार्वत गुरुङलाई सञ्चार तथा सूचना प्रविधि मन्त्रालयको जिम्मेवारी दिएका छन् । अन्य मन्त्री यथावत छन् ।
काठमाडौं । कोरोना भाइरसको संक्रमणबाट नेपालमा थप १२ जनाको मृत्यु भएको छ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा कोरोना संक्रमणबाट थप १२ जनाको मृत्यु भएको हो ।
योसँगै कोरोना संक्रमणबाट अहिलेसम्म नेपालमा मृत्यु हुनेको संख्या ६७५ पुगेको छ।
काठमाडौं । कोरोना बीमा गरेका व्यक्तिमा संक्रमण भए कोरोनाको परीक्षण र उपचार खर्च स्वयंले नै व्यहोर्नु पर्ने भएको छ ।
स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले कोरोना प्रयोगशाला परीक्षण निर्देशकाको पाँचौँ पटक परिमार्जन गर्दै बीमा गरेका व्यक्तिको परिक्षण शुल्क बिमा रकमबाट कटिने व्यवस्था गरिएको जानकारी दिए।
कोरोना भाइरस संक्रमणको परीक्षणदेखि उपचारसम्म सरकारले नै निःशुल्क गरिरहेको भएपनि अबदेखि भने कोरोना बीमा रकमबाट उपचार खर्च कटाउन लागिएको गौतमले बताए ।
उनका अनुसार प्रयोगशाला परीक्षण निर्देशकाको पाँचौँ पटक परिमार्जन गर्दै सरकारको निशुल्क परीक्षण र उपचारको मापदण्डमा परेका कुनै पनि व्यक्तिले कोरोना बीमा गरेको भए परीक्षण र उपचार खर्च बीमा रकमबाट नै व्यहोर्नेछ ।
आर्थिक रुपमा विपन्न, अशक्त, असहाय, एकल महिला, अपाङ्ग ,ज्येष्ठ नागरिक, फ्रन्टलाइनमा खटिने स्वास्थयकर्मी, सुरक्षाकर्मी र जोखिम क्षेत्रमा काम गर्ने कर्मचारीको मात्र कोरोना संक्रमण परीक्षण र उपचार सरकारले निशुल्क गर्नेछ ।
काठमाडौं । काठमाडौं उपत्यकामा १४०३ जना कोरोना संक्रमित थपिएका छन्।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौंमा ९९६, ललितपुरमा ३०५ र भक्तपुरमा १०२ जनालाई कोरोना संक्रमण देखिएको छ।
काठमाडौं । नेपालमा पछिल्लो २४ घण्टामा थप २६३८जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको १३ हजार ९४७ जनाको पीसीआर परीक्षणमा थप २६३८ जनामा कोरोना संक्रमण पुष्टि भएको हो ।
योसँगै नेपालमा कोरोना संक्रमितको संख्या १ लाख १७ हजार ९९६ पुगेको मन्त्रालयले बताएको छ ।
पछिल्लो २४ घण्टामा २१७४ जना कोरोना संक्रमण मुक्त भएर डिस्चार्ज भएका छन् । यससँगै नेपालमा कोरोना संक्रमणबाट निको हुनेको संख्या ८० हजार ९५४ पुगेको छ । आज देशभर ३६ हजार ३६७ जना सक्रिय संक्रमित रहेको मन्त्रालयले जनाएको छ।
तनहुँ । तनहुँको भीमाद नगरपालिकाका एकै परिवारका तीन जनाको कोरोना सङ्क्रमणबाट मृत्यु भएको छ । मृत्यु हुनेमा भीमाद नगरपालिका–६ का ९८, ७५ र ७२ वर्षीय पुरुष रहेका छन् । तीमध्ये एक बाबु र दुई छोरा छन् ।
९८ वर्षीय पुरुषको काठमाडौँस्थित मेडिसिटी अस्पतालमा असोज २५ गते, ७५ वर्षीय पुरुषको काठमाडौँस्थित बिएण्डवी अस्पतालमा असोज २४ गते र ७२ वर्षीय पुरुषको चितवन मेडिकल कलेजमा असोज १९ गते मृत्यु भएको गण्डकी प्रदेश स्वास्थ्य निर्देशनालयले जनाएको छ ।
९८ वर्षीय बाबु बिरामी परेपछि चितवनस्थित एक अस्पतालमा भर्ना गरिएको थियो । अवस्था सुधार नभएपछि उनलाई काठमाडौं लगियो । उपचारका क्रममा उहाँलाई कोरोना सङ्क्रमण पुष्टि भएको थियो । बुबाको स्यहारसुसारमा खटिएका दुई छोरालाई पनि पछि कोरोना देखिएको थियो ।
योसँगै तनहुँमा कोरोना सङ्क्रमणबाट मृत्यु हुनेको सङ्ख्या आठ पुगेको छ । यस अगाडि ब्यास नगरपालिकाका दुई, म्याग्दे गाउँपालिकाका एक, आँबुखैरेनी गाउँपालिकाका दुई जनाको कोरोना सङ्क्रमणबाट मृत्यु भएको थियो ।
राजविराज । सप्तरीमा प्रहरी र तस्कर समुहबीच झडप भएको छ । मंगलबार राती भएको झडपमा दुई प्रहरी घाइते भएको प्रहरीले जानकारी दिएको छ । राजविराज नगरपालिका १३ मुसहर्नियाँममा प्रहरी र तस्कर समुहबीच झडप भएको हो ।
यो क्षेत्रमा पटक पटक प्रहरीसँग तस्करको मुडभेट हुने गर्छ । भारतबाट तीन वटा मोटरसाइकलमा सामान बोकेर आएका उनीहरुलाई सीमा सुरक्षामा खटिएका प्रहरीले रोकेका थिए । त्यसपछि उनीहरुले स्थानीयलाई गुहारेका थिए। स्थानीयको ६०\७० जनाको भीडले प्रहरीमाथि आक्रमण गरेको थियो ।
सो क्रममा प्रहरीले ४ राउण्ड हवाई फायर समेत गर्नु परेको जिल्ला प्रहरी कार्यालय सप्तरीले जनाएको छ । प्रहरीको संख्या कम भएको र गाँउलेले भालालगायत घरेलु हतियार बोकेर निस्किएपछि प्रहरीले हवाई फायर गरेको हो ।
उक्त घटनामा दुई जना प्रहरी घाइते भएका हुन् । घटनापछि प्रहरीले जिल्ला प्रहरी कार्यालयबाट प्रहरी निरीक्षकको कमान्डमा थप फोर्स मगाएको थियो । कोरोना भाइरसको संक्रमणसँगै सीमाना नाका बन्द छन् । सोहीकारण भारतबाट चोरी शिकारी गरी सामान नेपाल भित्रने गरेको छ ।
काठमाडौं । नेपाल कम्युनिस्ट पार्टी (नेकपा) को तर्फबाट प्रतिनिधिसभा सदस्य रहेकी सांसद सानु शिवाको निधन भएको छ।
उपचारको क्रममा बुधवार बिहान सिनामंगलस्थित काठमाडौं मेडिकल कलेजमा निधन भएको हो । शिवाको केही वर्षअघि मिर्गौला प्रत्यारोपण गरिएको थियो ।
शिवा सत्तारुढ दल नेकपाको तर्फबाट समानुपातिकतर्फको संघीय सांसद हुन् ।
सुन्दर जीवनको सपना साँचेर अमेरिका आइपुगेका युवा विक्रम तामाङलाई क्यान्सरको गम्भीर संक्रमणले सताएपछि सहयोगका लागि आर्थिक संकलन सुरु गरिएको छ । तामाङलाई गत जुनमा चौथो स्टेजको ठूलो आन्दा (कोलोन) र कलेजो (लिवर) क्यान्सर पुष्टि भएको थियो ।
इलाममा जन्मिएका तामाङ सात बर्ष अघि अमेरिका आइपुगेका थिए । उनी न्यूह्यामसरको म्यानचेष्टरमा बसोबास गर्दै आएका छन् । परिवारलाई अमेरिका ल्याएर सुखी जीवन बिताउने उनको सपना अधुरो रहन पुगेको छ । उनले परिवारलाई आफुसँगै ल्याउने मेसो मिलाउँदै गर्दा क्यान्सरको सामना गर्नु परेको हो । खाडी क्षेत्रका बिभिन्न मुलुकमा पसिना बगाएपछि उनी अमेरिका आइ पुगेका थिए । तर, अनेक संघर्ष र कष्ट झेल्दै आइपुगेको सपनाको देशमा उनले सोचे जसरी आफ्नो भविश्य तय गर्न सकेनन् र रोग बोकेरै भए पनि परिवार भेट्न नेपाल फर्किने निश्कर्षमा पुगेका छन् ।
सुरुमा उपचारका लागि केमो थेरापी चलाए पनि पछिल्लो समय उनको शरिरले त्यसलाई पचाउन नसकेको डाक्टरहरुको निश्कर्ष छ । केमो चलाउँदा उनी निरन्तर वेहोस हुन थालेपछि चिकित्सकले उपचार विधीनै परिवर्तन गरेका छन् । अब तामाङलाई औषधी मात्र दिने उनीहरुको निर्णय छ ।
कोही कोही बेला सामान्य पेट दुख्ने गरे पनि उनमा ठूलो रोगको लक्षण देखिएको थिएन । गत जुनमा औधी पेट दुखेपछि ‘अर्जेन्ट केयर’ गएर जचाउँदा क्यान्सर पुष्टि भयो त्यो पनि निको हुन कठिन पर्ने चौथो चरणको । तामाङ छाँगाबाट खसेजस्तै भए । तर, नियतिले दिएको चोट सहनुको विकल्प उनमा थिएन । केही दिन त नेपालमा रहेका श्रीमती र छोरोलाई सुनाउन आँट पनि गरेनन् ।
सात बर्ष देखि टाढा रहेको पति एवं पितालाई निको हुनै गाह्रो पर्ने रोग लागेको सुन्दा उनीहरुलाई कति भाउन्न होला भन्ने चिन्ताले तामाङ पिरोलिए । तर, सधैँ लुकाएर कसरी साध्ये लागोस् । अन्ततः क्यान्सरको उपचार सुरु भएको जानकारी दिए । सुरुमा आफु संसारको सबैभन्दा आधुनिक स्वास्थ्य सेवा उपलब्ध देशमा रहेको र छिट्टै निको भएर उनीहरुलाई आफुसँगै अमेरिका बोलाउने आश्वासन दिएर परिवारलाई शान्त पार्ने प्रयास गरे । तर, त्यो आश्वासन पनि अब बदलिइ सकेको छ । उनले सबैलाई भेट्न सक्दो चाँढो आफैँ नेपाल फर्किने र बाँकी जीवन साथमा विताउने जनाउ परिवारलाई दिइ सकेका हुन् । नोभेम्बरमा नेपाल फर्कने तामाङको तयारी छ ।
तामाङको रोगको जटिलता चर्किँदै गएपछि उनलाई परिवार मिलनका लागि स्वदेश फर्किन सहज होस् भनेर न्यूह्यामसर नेपाली समाजका अध्यक्ष सोम गुरुङ, महासचिव माधव गुरुङ, उनका बालसखा एवं गायक रोशन गुरुङ लगायतको अगुवाइमा गोफण्डमी डट कमबाट आर्थिक सहयोग संकलन सुरु गरिएको हो । संकलित रकमबाट उनलाई नेपाल फर्कन मात्र नभइ बाँकी उपचारमा पनि केही राहत हुने अपेक्षा लिएको समाजका अध्यक्ष गुरुङको भनाइ छ ।
तलको लिंक क्लिक गरेर तामाङलाई सहयोग गर्न सकिन्छ ।
काठमाडौं । जिल्ला प्रशासन कार्यालय काठमाडौले कार्यालयले दिदै आएको अत्यावश्यक बाहेकका सेवा बन्द गरेको छ ।
प्रशासनले मंगलबार एक सूचना जारी गर्दै चार जना कर्मचारीमा कोरोना संक्रमण देखिए पछि अर्को सूचना जारी नहुँदासम्मको लागि अत्यावश्यक सेवा बाहेक अन्य सेवा बन्द गरेको जानाकारी दिएको हो ।
जिल्ला संकट व्यवस्थापन केन्द्र सम्बन्धित सरोकारवाला निकाय, स्वास्थ्य विज्ञ समेतको छलफल पछि, नयाँ नेपाली नागरिकता वितरण, नागरिकता प्रतिलिपि वितरण, हातहतियार दर्ता, नविकरण संस्था दर्ता पत्रपत्रिका दर्ता सेवाको कार्य बन्द गरिएको बताएको हो ।
साथै नवीकरण सम्बन्धी कार्य, निजी सुरक्षा कम्पनी, नविकरण राहदानी वितरण, नाबालिग परिचयपत्र वितरण अन्य अत्यावश्यक नभएका सेवाहरु स्थगित गरिएको बताएको छ ।
शान्ति सूरक्षा सम्बन्धी सेवा, ठाडो निवेदन र उजुरी सम्बन्धी सेवा, मुद्दाको सुनुवाई सम्बन्धि सेवा, विपद व्यवस्थापन सम्बन्धी सेवाहरु भने नियमित संचालन रहने प्रशासनले बताएको छ ।
काठमाडौं । नेपालमा पछिल्लो २४ घण्टामा थप ३५५६ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको १५ हजार ५७७ जनाको पीसीआर परीक्षणमा थप ३५५६ जनामा कोरोना संक्रमण पुष्टि भएको हो ।
योसँगै नेपालमा कोरोना संक्रमितको संख्या १ लाख १५ हजार ३५८ पुगेको मन्त्रालयले बताएको छ ।
पछिल्लो २४ घण्टामा १५०३ जना कोरोना संक्रमण मुक्त भएर डिस्चार्ज भएका छन् । यससँगै नेपालमा कोरोना संक्रमणबाट निको हुनेको संख्या ७८ हजार ७८० पुगेको छ ।
काठमाडौं । सरकारले परीक्षणको दायरालाई फराकिलो र सहज बनाउने उद्देश्यले पीसीआर भन्दा छिटो नतिजा दिने एन्टिजेन किटमार्फत कोरोना परीक्षण गर्न अनुमति दिएको छ।
मन्त्रालयका प्रवक्ता डा. जागेश्वर गौतमले कोभिड–१९ राष्ट्रिय टेस्टिङ गाइडलाइनलाई चौथो पटक संशोधन गरी कोरोना परीक्षणमा एन्टिजेन किट प्रयोग गर्न सकिने स्वीकृति प्रदान गरेको जानकारी दिए।
जसबाट धेरै व्यक्तिको एकैपटक परीक्षण गर्नुपरे, छिटो निर्क्योल गर्नुपर्ने अवस्था रहे तथा एकै स्थानमा धेरैजना बसोबास गर्ने स्थान जस्तै ब्यारेक, कारागार तथा वृद्धाश्रम लगायतका स्थानमा एन्टिजेनमा आधारित द्रुत परीक्षण किटबाट परीक्षण गर्न सकिने छ ।
‘ ‘एन्टिजेन्ट किट प्रयोग गरी कोरोना परीक्षण गर्न राष्ट्रिय प्रयोगशालाले अनुमति दिएका प्रयोगशालाहरुले पाउनेछन्। स्वास्थ्य सेवा विभाग र एफडिएबाट स्वीकृति प्राप्त किट मात्रै प्रयोग गर्न पाइनेछ।’ गौतमले एन्टिजेन किटमार्फत कोरोना परीक्षण गर्दा अधिकतम एक हजारमात्रै शुल्क लिने व्यवस्था गरिएको बताए।
के हो एन्टिजेन किट ?
सामान्य भाषामा भन्नुपर्दा एन्टिजेन परीक्षणमा कोरोना भाइरसको खोलमा रहेको प्रोटिन पहिचान गरिन्छ । यदि नमुनामा सो प्रोटिन रहेको देखिए त्यसको उपस्थितिले शरीरमा भाइरस सक्रिय रहेको जनाउँछ ।
एन्टिजेनकै प्रतिक्रिया स्वरुप शरीरले एन्टिबडी उत्पादन गर्छ । यो परीक्षण गर्ने प्रक्रिया र पहिला प्रयोग गरिएको एन्टिबडी परीक्षणको प्रविधि लगभग उस्तै नै हो ।
पीसीआर र एन्टीजेन परीक्षणमा के फरक छ ?
हालसम्म विश्वभर पीसीआर (पोलिमेरास चेन रियाक्सन) परीक्षणलाई कोरोनाको भाइरस पत्ता लगाउने भरपर्दो विधिको रुपमा मानिन्छ।
यो परीक्षणमा जेनेटिक मेटेरियललाई एक स्वाब स्याम्पलबाट अलग गरिन्छ। केमिकल्सको प्रयोगले प्रोटिन र फ्याटलाई जेनेटिक मेटेरियलबाट हटाएर नमूनालाई मलिकुलर ल्याबमा एनालाइसिसका लागि राखिन्छ। यसले स्वाबमा भाइरस छ कि छैन भन्ने प्रष्टसँग देखाउँछ।
तर, पीसीआर परीक्षण कम्तिमा पनि ७ घण्टा समय लाग्छ। स्वाबको तामक्रमलाई निश्चित डिग्री तापक्रम तल र माथि गरेर भाइरस हेर्ने गरिन्छ। पीसीआरमा रिएजेन्टको पनि तापक्रम कामय राख्नुपर्ने हुन्छ भने स्वाब कलेक्सनको पनि तोकिएको मापदण्ड पूरा गर्नुपर्ने हुन्छ।
एन्टीजेन परीक्षणले भने मानिसको शरीरमा भएको प्रोटिनलाई अलग गर्छ। यो परीक्षणमा ५ देखि १० मिनेटभित्र रिपोर्ट निकाल्न सकिन्छ।
तर, यो टेष्टको विश्वसनीयता पीसीआर परीक्षणको जति भने हुँदैन। यसको एक्युरेन्सी रेट पीसीआरको भन्दा कम हुन्छ। यसको प्रयोग मुख्यरुपमा हट स्पट एरियामा छिटो धेरै जनाको रिपोर्टका लागि गर्ने गरिन्छ।
काठमाडौं । काठमाडौं उपत्यकामा २१२९ जना संक्रमित थपिएका छन्।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा काठमाडौंमा १ ७४६, भक्तपुरमा १६७ र ललितपुरमा २१६ जना संक्रमित थपिएका हुन् ।
काठमाडौं । कर्णाली प्रदेशका मुख्यमन्त्री महेन्द्रबहादुर शाहीमाथिको राजनीतिक संकट तत्कालका लागि टरेको छ । मुख्य मन्त्रीलाई हटाउने योजनामा हस्ताक्षर गरेका नेकपाका भित्रका माधव नेपाल समूह पछि हटेपछि तत्कालका लागि संकट टरेको हो ।
तीन मन्त्री र एक सचेतक पाएपछि नेपाल समूह अविश्वासको प्रस्तावबाट पछि हट्न राजी भएको हो । नेता नेपाल पक्षले समर्थन फिर्ता लिएपछि मुख्यमन्त्री शाही बहुमतमा पुगेका छन्।
मुख्यमन्त्री एवम् संसदीय दलका नेता महेन्द्र बहादुर शाहीले पार्टीको सचेतकमा सांसद कुर्मराज शाहीलाई नियुक्त गरेका छन् ।
शाही कालिकोटबाट निर्वाचित हुन् । हिजोमात्रै मुख्यमन्त्री शाहीले प्रमुख सचेतक गुलाबजंग शाहलाई हटाएर उनको ठाउँमा सीता नेपालीलाई ल्याएका थिए ।
नेपाली पहिले सचेतकको जिम्मेवारीमा थिईन् । पार्टी यद्यपि ओली पक्षीय प्रदेश सदस्यहरुले भने हस्ताक्षर फिर्ता लिन आनाकानी गरिरहेका छन् ।
नेपाल पक्षीय प्रदेश सभा सदस्यहरु भने हस्ताक्षर फिर्ता लिन सहमत भइसकेको एक प्रदेश सदस्यले जानकारी दिए । नेपाल पक्षका सांसदहरु आज असन्तुष्ट पक्षले बोलाएको संसदीय दलको बैठकमा समेत सहभागी भएनन् ।
शाहीविरुद्ध अविश्वास प्रस्ताव ल्याएपछि अध्यक्ष पुष्पकमल दाहालले नेता माधवकुमार नेपाल र प्रधानमन्त्री समेत रहेका केपी शर्मा ओलीलाई भेटेर समस्या समाधानका लागि आग्रह गरेका थिए ।
दाहाललले नेता नेपालसँग भेटेर कुरा गरेपछि नेपालले नेकपाका केन्द्रीय सदस्य नीरज आचार्यलाई समस्या समाधान गर्न सुर्खेत पठाएका थिए । नेता आचार्यले सुर्खेत पुगेर हस्ताक्षरकर्ता नेता नेपाल पक्षधरका सांसदहरूसँग छलफल गरेका थिए ।
विराटनगर । मोरङ र रुपन्देही जिल्लामा कोरोना भाइरसको संक्रमणबाट थप चार जनाको निधन भएको छ । कोसी अस्पताल कोभिड १९ उपचार केन्द्र विराटनगरमा एकजना र विराट मेडिकल कलेज टंकीशिनवारीमा दुई जना कोरोना संक्रमितको ज्यान गएको हो ।
मोरङको बुढीगंगा गाउँपालिका–५ का ७१ वर्षीय पुरुषको विराटनगरस्थित कोसी अस्पताल कोभिड–१९ उपचार केन्द्रमा ज्यान गएको अस्पतालले जनाएको छ । उता, मोरङको बुढीगंगा गाउँपालिका– २ टंकीशिनवारीमा रहेको विराट मेडिकल कलेजको आइसोलेसनमा मंगलबार बिहान दुई जनाको ज्यान गएको हो ।
सुन्दरहरैँचा नगरपालिका–३ घर भएका ४३ वर्षीय पुरुष र विराटनगर महानगरपालिका– ७ हाटखोलाका ४५ वर्षीय पुरुषको ज्यान गएको छ । यता, बुटवलस्थित कोरोना विशेष अस्पतालमा उपचारको क्रममा एकजना कोराना संक्रमितको मृत्यु भएको छ ।
अस्पतालका अनुसार बुटवल उपमहानगरपालिका–३ का ७२ वर्षीय पुरुषको उपचारको क्रममा मंगलबार बिहान ९ः४५ बजे मृत्यु भएको हो । मृतकहरुमा दीर्घरोगको समस्या रहेको बताइएको छ ।
काठमाडौं । काठमाडौं उपत्यकामा कोरोनाभाइरस सङ्क्रमितहरूको सङ्ख्या व्यापक रूपमा बढिरहेको छ।
आइतबार देशभर संक्रमितको संख्या २ हजार ७१ जना थपिदा राजधानी काठमाडौं उपत्यकामा १ हजार ४ सय १६ जना संक्रमितहरुको संख्या थप भयो ।
पछिल्लो तथ्याङ्क अनुसार उपत्यका का तीन जिल्लामा सङ्क्रमितहरूको सङ्ख्या ४० हजार नाघेको छ भने मृत्यु हुनेहरूको सङ्ख्या भने १ सय ९२ छ।
नेपालीको प्रमुख चाड दशैँ मुखैमा रहेको र सङ्क्रमितहरूको सङ्ख्या व्यापक रूपमा बढिरहेको अवस्थामा धेरैमा अबको सरकारी कदम के हुन्छ भन्ने विषयमा व्यापक कौतुहलता रहेको पाइन्छ।
विशेषतः चाडबाडका बेला एक ठाउँबाट अर्को ठाउँ जाने र आफन्तहरूसँग भेटघाट अन्य समयमा भन्दा बढी गरिने हुँदा अबको एक हप्तामा सुरु हुने पर्वअघि के हुन्छ भन्ने विषयमा चासो बढेको हो।
तर बढ्दो सङ्क्रमण दर अनि दशैँको आगमन नजिकिएको अवस्थामा सरकार र स्थानीय निकायहरुले कोरोना संक्रमणका कस्ता उपाय अबलम्बन गर्दछन त ? यसको स्पष्ट जवाफ सरकार जिम्मेवार निकायहरूसँग छैन।
अधिकारीहरूले काठमाडौंका हकमा चुनौती रहेको र आइसोलेशन वार्डहरू भरिँदै गएको अवस्थामा विशेष व्यवस्था गर्नुपर्ने तर त्यसको समाधान भने लकडाउन नै हो भन्ने नरहेको बताउने गरेका छन्।
अब राष्ट्रव्यापी रूपमा लकडाउन नहुने पनि बताउने गरिएको छ।
पर्ख र हेर
उपत्यकाका तीन जिल्लाका अधिकारीहरू हाल पर्ख र हेरको अवस्थामा देखिन्छन्।
साप्ताहिक रूपमा दुई देखि तीन दिनसम्म काठमाडौं, ललितपुर र भक्तपुर जिल्लाका प्रमुख जिल्ला अधिकारीहरूको बैठक भइरहेको भए पनि निषेधाज्ञाका विषयमा भने छलफल केन्द्रित नभएको उनीहरूले बताएका छन्।
‘हामीले पछिल्लो अवस्थाको समीक्षा गरिरहेका छौँ। विज्ञहरूसँग पनि परामर्श गरिरहेका छौँ, ‘जिल्ला प्रशासन कार्यालय काठमाण्डूका प्रमुख जिल्ला अधिकारी जनकराज दाहालले बताउनुभएको छ,’अत्यावश्यक सेवा मात्रै सञ्चालनमा राखेर अरू सेवा स्थगन गर्ने हो कि भन्ने सोचमा छौँ। लकडाउन नै गर्ने नगर्ने चाहिँ कुरा भएको छैन। क्षेत्रगत रूपमा लकडाउन पनि गर्न सकिन्छ। त्यो भनेको कुनै वडा वा टोलको अवस्था हेरेर प्रतिबन्धात्मक व्यवस्था कायम गर्ने हो।’
जिल्ला प्रशासन कार्यालय ललितपुरका प्रमुख जिल्ला अधिकारी नारायण प्रसाद भट्टले पनि सरोकारवालाहरूसँग परामर्श भइरहेको र अबको केही दिनमा यस विषयमा स्पष्ट पार्न सकिने अवस्था हुने जानकारी दिनुभएको छ।
चाडबाडका बेला सुरक्षा लगायतका अन्य विभिन्न विषयबारे प्रबन्ध गर्नुपर्ने हुँदा आफूहरू निरन्तर सम्पर्कमा रहेको जिल्ला प्रशासन कार्यालय भक्तपुरकी प्रमुख जिल्ला अधिकारी हुमकला पाण्डेले बताउनुभयो।
‘यस्तै अवस्था रहे हालको योजना समीक्षा गर्नुपर्ने हुन्छ। हामीले अवस्थाबारे जानकारी सम्बन्धित निकायहरूलाई गराइरहेका छौँ ‘, पाण्डेले भन्नुभयो।
लकडाउन जस्तो संवेदनशील विषयमा निर्णय गर्नका लागि माथिल्ला निकायको निर्देशन आवश्यक हुने र हालसम्म त्यस विषयमा कुनै पनि किसिमको सङ्केत प्राप्त नभएको तीनै जिल्लाका प्रमुख अधिकारीहरूका प्रमुखहरूको आशय छ।
आफै जागरूक हुन जरुरी
सङ्क्रमणको दर बढ्ने क्रम तीव्र रहेको अवस्थामा सर्वसाधारणहरू आफै सचेत हुनुपर्ने स्थानीय प्रशासकहरु बताउँछन्।
सरकारले जारी गरेका मापदण्ड पालना गरेर अघि बढ्नुपर्ने अवस्था झन् बढ्दै गएका बेला सर्वसाधारणहरूकै भूमिका प्रमुख हुने भक्तपुरकी प्रमुख जिल्ला अधिकारी पाण्डेले बताउनुभयो।
तर के लकडाउन नै हालको समस्याको समाधान हो त ?
नेपालमा सङ्क्रमितहरूको सङ्ख्या १ लाख नाघिसकेको अवस्थामा जनस्वास्थ्यविद् डा. शरद वन्त भन्नुहुन्छ, ‘ जनघनत्व बढी भएका स्थानमा सङ्क्रमण बढेको छ र त्यस्ता ठाउँमा सङ्क्रमण समुदायमा स्थापित भइसकेको पाइन्छ। हामीसँग रोक्न सक्ने विधिको प्रभावकारी कार्यान्वयन भयो भने यही अवस्थामा सङ्क्रमण कम गराउन सक्छौँ। लकडाउन मात्रैले सङ्क्रमण रोकिने भए अहिले यसरी फैलिने नै थिएन। यसको सबैभन्दा बढी जिम्मेवार नागरिकहरूमा छ।’
के भन्छ स्वास्थ्य मन्त्रालय ?
स्वास्थ्य मन्त्रालयले पछिल्लो अवस्थाको मध्यनजर गर्दै उपत्यकाका तीन जिल्लामा लकडाउन गर्नुपर्ने ुब्रिफिङ गरेकोु भन्ने किसिमका विवरणहरू सार्वजनिक भए पनि प्रवक्ता जागेश्वर गौतमले भने त्यसको खण्डन गर्नुभएको छ।
अस्पतालहरूमा शय्या व्यवस्थापन गर्न सकिने अवस्था भएसम्म लकडाउन गर्नु नपर्ने आफूहरूको धारणा रहेको अधिकारीहरू बताउँछन्।
त्यसको अर्थ कोभिड-१९ का बिरामीहरूले हाल अस्पतालमा सहज रूपमा बेड पाउन सकिने अवस्था छ त ?
बीबीसीको प्रश्नमा गौतम भन्नुहुन्छ, ‘अब हामी आइसोलेशन सेन्टरलाई पनि अस्पताल बेडका रूपमा परिणत गर्ने छौँ। अक्सीजन दिन सकिने पूर्वाधार भएका आइसोलेशन सेन्टरलाई त्यही अनुसार प्रयोगमा ल्याउने छौ।’
चाडबाडको मुखमा कस्तो व्यवस्था हुनुपर्छ भन्ने विषयमा मन्त्रालयले यो हप्ता भित्रै निर्क्योल गर्ने उहाँले जानकारी दिनुभयो। (बीबीसी)
काठमाडौं । सरकारले काठमाडौं उपत्यकामा रहेका सबै सरकारी अस्पताललाई कोभिड अस्पतालमा रुपान्तरण गरेको छ । स्वास्थ्य तथा जनसंख्या मन्त्रालयबाट यस्तो निर्णय भएको हो । अब सबै सरकारी अस्पताललाई कोभिड अस्पताल बनाउने र स्वास्थ्य सेवा विभागसँग भएको भेन्टिलेटर, आईसीयू र अक्सिजन आदि सघन उपचारका लागि व्यवस्थापन गर्ने निर्णय भएको मन्त्रालयले जानकारी दिएको छ ।
अब सबै सरकारी अस्पताललाई कोभिड अस्पताल बनाउने र स्वास्थ्य सेवा विभागसँग भएको भेन्टिलेटर, आईसीयू र अक्सिजन आदि सघन उपचारका लागि व्यवस्थापन गर्ने निर्णय भएको मन्त्रालयले जानकारी दिएको छ ।
काठमाडौं उपत्यकामा कोरोना भाइरसका संक्रमितको संख्या तीब्र गतिमा बढिरहेको छ । यसले बिरामीको उपचारमा समस्या आइरहेको छ । मन्त्रालयले अब कोरोना भाइरसका संक्रमित बिरामी होटेलमा समेत रहन सक्ने गरी वैधानिक निर्णय गरेको छ ।
यसअघि होटेलहरुमा आपसी समझदारीमा संक्रमित रहने गरेको भएपनि बैधानिकता थिएन । अब अस्पतालले होटलहरुसँग सहकार्य गरेर होटल आइसोलेसन सेन्टर सञ्चालन गर्न सक्नेछन् । यसबाट बिरामीले अझ बढी केयर पाउने छन् । यस्ता होटेलमा भने संक्रमितबाहेक अन्य पाहुना भने राख्न सकिने छैन ।
काठमाडौं । नेपालमा कोरोना भाइरसको संक्रमणबाट थप ९ जनाको मृत्यु भएको छ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा कोरोना संक्रमणबाट ७ पुरुष र २ महिलागरि थप ९ जनाको मृत्यु भएको हो ।
मृत्यु हुनेमा सुनसरीमा ३७, ८९ र ९० वर्षीय पुरुष, काठमाडौंमा ७१ वर्षीया महिला, ६३ र ६७ वर्षीय पुरुष, ललितपुरमा ५० वर्षीय पुरुष, चितवनमा ४० वर्षीया महिला र रुपन्देहीमा ७४ वर्षीय पुरुषको रहेका छन् ।
योे सँगै कोरोना संक्रमणबाट अहिलेसम्म नेपालमा मृत्यु हुनेको संख्या ६४५ पुगेको छ। नेपालमा कुल संक्रमितमध्ये मृत्यु हुने दर शून्य दशमलव ५८ प्रतिशत छ ।
काठमाडौं । नेपालमा पछिल्लो २४ घण्टामा थप ४०४७ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको १४ हजार ५३० जनाको पीसीआर परीक्षणमा थप ४०४७ जनामा कोरोना संक्रमण पुष्टि भएको हो ।
योसँगै संक्रमितको कुल संख्या १ लाख ११ हजार ८ सय २ पुगेको छ।
पछिल्लो २४ घन्टामा थप १४७३ जना कोरोना संक्रमणमुक्त भएका छन्। योसँगै देशभर डिस्चार्ज हुनेको संख्या ७७ हजार २७७ पुगेको छ। देशभर ३३ हजार ८ सय ८० जना सक्रिय संक्रमित छन्।
काठमाडौं । काठमाडौं उपत्यकामा २२८३ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा काठमाडौंमा १८८८ जना, भक्तपुरमा ११८ र ललितपुरमा २७७ जना संक्रमित थपिएका हुन् ।
यो सँगै काठमाडौं उपत्यकामा कुल संक्रमितको संख्या ३५ हजार ९ सय ८९ पुगेको छ । ललितपुरमा ४ हजार ९ सय २६ र भक्तपुरमा ३ हजार ५ सय ५२ जना पुगेको मन्त्रालयले जनाएको छ।
काठमाडौं । सत्तारूढ नेपाल कम्युनिस्ट पार्टी ९नेकपा०कर्णाली प्रदेश संसदीय दलका नेता तथा मुख्यमन्त्री महेन्द्रबहादुर शाहीले गुलावजंग शाहलाई प्रमुख सचेतकबाट हटाएका छन् ।
सचेतक शाहको काम कारबाही सन्तोषजनक नभएको भन्दै मुख्यमन्त्रीले जिम्मेवारीबाट हटाएका हुन् । मुख्यमन्त्री शाहीले उनको ठाउँमा सीता नेपालीलाई नियुक्त गरेका छन् ।
नेकपाबाट कर्णाली प्रदेशको प्रदेशसभामा ३३ जना सांसद छन् । त्यो मध्येबाट १८ जनाले नेकपाको संसदीय दलको नेता समेत रहेका मुख्यमन्त्री शाहीविरुद्ध अविश्वासको प्रस्ताव दर्ता गरेका थिए ।
शाहीविरुद्ध हस्ताक्षर गर्नेमा पुर्व माओवादीका ३ जना सांसद समेत रहेका छन् । नेकपा संसदीय दलका प्रमुख सचेतक गुलावजंग शाह समेत शाहीलाई दल नेताबाट हटाउने पक्षमा थिए ।
काठमाडौं । कोरोना भाइरस फोन, पैसा र स्टेनलेस स्टिल जस्ता केही वस्तुको सतहमा २८ दिनसम्म जीवित रहने एक अध्ययनले देखाएको छ। अष्ट्रेलियाको नेश्नल साइन्स एजेन्सीले गरेको अध्ययनमा कोरोना भाइरस पैसा, फोनको स्क्रिनमा २८ दिनसम्म जीवित रहने देखाएको हो।
पैसा र फोनको स्क्रिनमा २८ दिनसम्म भाइरस जीवित रहने अध्ययनको निष्कर्षमा केही जानकारले भने आशंका व्यक्त गरेका छन्। सतहमा रहेको भाइरसबाट मानिस संक्रमित हुने सम्भावना कति रहन्छ भन्ने उनीहरुको शंका छ। हालसम्म कोरोना संक्रमण मानिसको खोकी, हाँच्छ्यु वा कुरा गर्दा निस्कने थुकको कण र हावाका माध्यमबाट सर्ने देखिएको छ।
अनुसन्धानमा के भनिएको छ?
यो अध्ययन भन्दा पहिला ल्याब्रोटरीमा गरिएको परीक्षणबाट पत्ता लागेको थियो की बैंक नोट र काँचमा कोरोना भाइरस दुई वा तीन दिनसम्म जीवित रहन सक्छ। जबकी प्लास्टिक र स्टेनलेस स्टीलको सतहमा यो ६ दिनसम्म जीवित रहन सक्छ। यद्यपी ल्याब्रोटरीको परीक्षण र अष्ट्रेलियन एजेन्सीको अध्यनको नतिजामा फरक देखिएको छ।
अष्ट्रेलियन एजेन्सी सीएसआईआरओको एक अध्ययनका अनुसार कोरोना निकै कडा भाइरसको हो। कोरोना भाइरस २० डिग्री सेल्सियसको तापक्रम र अध्यारोमा मोबाइलको काँच, प्लास्टिक र बैंक नोट जस्ता सतहमा २८ दिनसम्म जीवित रहन सक्छ।
कोरोना भाइरसको तुलनामा यस्तै परिस्थितीमा फ्लूको भाइरस १७ दिनसम्म जीवित रहन सक्छ। भाइरोलोजी जर्नलमा प्रकाशित रिसर्चमा पत्ता लगेको छ की चिसो तापमानको तुलनामा गर्मी तापमानमा यो भाइरस कम समयसम्म जीवित हुन्छ। ४० डिग्री सेल्सियसमा राख्दा केही सतहमा भाइरस २४ घण्टा भित्र संक्रामक रहँदैन।
के यसमा असहमति छन्?
कार्डिफ यूनिभर्सिटीका कमन कोल्ड सेन्टरका पूर्व निर्देशक प्रोफेसर रोन एक्सेलले यो अध्ययनको अलोचना गरेका छन्। उनले भनेका छन् की भाइरस २८ दिनसम्म जीवित रहन सक्ने भन्ने कुराले मानिसमा अनावश्यक डर पैदा भइरहेको छ। उनले भनेका छन्, ‘यो भाइरस खोकी र हाँच्छ्युँबाट निस्कने थुक र फोहोर हातका माध्यमबाट फैलन्छ। तर यो अध्ययनमा भाइरस फैलने कारणकारुपमा मानिसको खकारको प्रयोग गरिएको छैन। मानिसको खकारमा ठूलो संख्यामा ह्वाइट सेल्स हुन्छन्। जसले भाइरसलाई नष्ट गर्नका लागि इन्जाइम बनाउँछन्। खकारमा भाइरससँग लड्नका लागि एन्टिबडी र केमिकलसमेत हुन सक्छन्। मलाई लाग्छ संक्रमक भाइरस सतहमा झरेको खकारमा केही घण्टासम्म जिवित रहन सक्छ। न की केही दिनसम्म।’
यही वर्षको जुलाईमा रटगर्स युनिभर्सिटीमा माइक्रो बायोलोजीका प्रोफेसर इमानुएल गोल्डम्यानको एक पेपर लेन्सेट पत्रिकामा छापिएको थियो। यसमा भनिएको थियो की सतहमा परेका थुकका कणबाट संक्रमण सर्ने खतरा निकै कम छ। गत साता क्यालिफोर्निया युनिभर्सिटीका मेडिसिन प्रोफेसर मोनिका गान्धीले भनेकी थिइन् ‘कोरोना भाइरस सतहका माध्यमबाट फैलँदैन।’
हात र टचस्क्रिनलाई सफा राख्ने बानि बसालौं
कोरोना भाइरस मुख्यरुपमा हावाको माध्यमबाट फैलन्छ। अहिलेसम्म भएका अनुसन्धानबाट पत्ता लागेको छ की यो भाइरस हावामा रहेका कणमा तीन घण्टासम्म जीवित रहन सक्छ। अहिलेसम्म पैसा र टचस्क्रिनबाट कुन रुपमा भाइरस फैलन सक्छ भन्ने पूर्ण जानकारी आइसकेको छैन।
नयाँ अध्ययनमा काँच, कागज, प्लास्टिक र स्टिल पर भाइरस कति समयसम्म जीवित रहन सक्छ भनेर पत्ता लगाइएको छ। यी सबै सतहमा २० डिग्री सेल्सियसमा २८ दिनपछि समेत भाइरस रहेको देखिएको छ। अध्यनको नतिजाले भन्छ की संक्रमणको खतरा कम गर्नका लागि नियमित हात धुने र टचस्क्रिनलाई धुने र स्यानिटाइज गर्न आवश्यक छ। साथै संक्रमणको खतरा काम गर्नका लागि हातले अनुहार छुन हुँदैन।
किन महत्वपूर्ण छ यो रिसर्च?
सीएरआईआरओका मुख्य कार्यकारी अधिकारी डा. लेरी मार्शल भन्छन्, ‘कुनै पनि सतहमा यो भाइरस कति समयसम्म टिकिरहन सक्छ। यो जानकारीले हामीलाई संक्रमणको जोखिम कम गर्न र मानिसहरुलाई बचाउन सहयोग गर्छ।’ अध्ययनमा सहभागी सदस्यहरुका अनुसार स्टेनलेस स्टिलमा कम तापक्रममा भाइरस धेरै समयसम्म जीवित रहनुले यो कुराको पुष्टि हुन्छ की कोरोना महामारीको गम्भीर असर मिट प्रोसेसिङ केन्द्र र कोल्ड स्टोरेजको आसपास किन देखिरहेको छ। विश्वभर मिट प्रोसेसिङ केन्द्र र कोल्ड सेन्टरमा काम गर्ने हजारौं मानिस कोरोना संक्रमित भएका छन्। यो भन्दा पहिला भाइरस संक्रमणको अधिकांश घटना बन्द कोठामा काम गर्ने र चिसो वातावरणमा काम गर्नेमा बढी देखिएको थियो। ठूलो आवाज आउने मेसिनको आसपास काम गर्दा ठूलो स्वरमा बोल्दासमेत भाइरस फैलिएको बताइएको थियो।
बीबीसीबाट
धादिङ । धादिङको थाक्रे गाउँपालिका १ सिम्लेमा गुडिरहेको बसमा आगोलागी भएको छ । यद्दपी दुर्घटनामा मानवीय क्षति भने हुन पाएन । आगलागीबाट ना ५ ख ६९० नम्बरको बस भने पूर्ण रुपमा क्षति भएको छ ।
प्रहरीका अनुसार यो बस हेटौंडाबाट काठमाडौ जाँदै थियो । बसमा ब्याट्री पड्किएर आगलागी भएको प्रहरीले जानकारी दिएको छ । धुनीबेंसी नगरपालिकाको दमकल ,कर्मचारी, प्रहरी र स्थानीयको सहायतामा आगो नियन्त्रणमा लिइएको छ ।
काठमाडौं । नजिकिएको दशैंसँगै स्वाभाविक रुपमा बजारमा भिडभाड बढ्छ । सरकारले सोही प्रयोजनका लागि बजार पसल खुला राख्न दिने निर्णय समेत गरेको छ । तर, त्यस क्रममा अनिवार्य सामाजिक दूरी कायम गर्न भनिएको छ । अनिवार्य साबुन पानीले हात धुनुपर्ने, माक्स लगाउनु पर्ने र भिडभाड नगर्न समेत आग्रह गरेको छ ।
तर, बजारमा त्यसको पालना छैन । मानिसले माक्स चिउडोमा पहिरिएर हिँडेका छन् । सार्वजनिक यातायातले एक लहरमा एक एक जना मात्र यात्रु राख्न पाउँछन् । तर, काठमाडौंका सार्वजनिक बसमा साविकमा जस्तै यात्रु यात्रा गरिरहेका छन् । उनीहरुमाथि कसैले नियमत गरेको छैन । तर, गाडीले भाडा भने ५० प्रतिशत थपेर लिने गरेका छन् । यसले व्यवसायीलाई दोहोरो फाइदा भएको छ । किनमेल निष्फिक्री भइरहेको छ ।
यसले नागरिक स्तरबाट कोरोना महामारी फैलाउन ठूलो भूमिका खेलेको छ । रेष्टुरेन्टमा चिया र चुरोटमा रमाउने युवाको जमात समेत घटेको छैन । अर्को तर्फ कोरोना फैलन नदिने मूख्य जिम्मेवारी निर्वाह गर्नपर्ने निकाय स्थानीय सरकार र महानगरपालिकाहरु हुन् ।
काठमाडौं महानगरपालिकाका मेयर र जनप्रतिनिधी निदाएका छन् । उनी कहाँ छन् के गर्दै छन् पत्ता छैन । यसको आक्रोस केन्द्र सरकारले समेत व्यक्त गरिसकेको छ
काठमाडौं महानगरपालिकाका मेयर र जनप्रतिनिधी निदाएका छन् । उनी कहाँ छन् के गर्दै छन् पत्ता छैन । यसको आक्रोस केन्द्र सरकारले समेत व्यक्त गरिसकेको छ ।
अन्य जिल्लाले जसरी कोरोना रोकिरहेका छन्, त्यसअनुसार काठमाडौं असफल भएको परराष्ट्र मन्त्री प्रदीप ज्ञवालीको भनाई छ । बढ्दो संक्रमणका बीच काठमाडौंमा आइसोलेसन वार्डको अभाव भएको छ । अस्पतालमा बेड भरिएका छन् ।
यो अवस्थामा क्वारेन्टिन व्यवस्थापन गर्ने र संक्रमितलाई घरभन्दा छुट्टै राख्ने व्यवस्था काठमाडौंमा छैन । संक्रमित जब घरमै बसे, त्यसपछि संक्रमणको दर उच्च भएको हो । किनकी काठमाडौंमा एउटै डेरामा धेरैजना बस्नु पर्छ । यो अवस्थामा आइसोलेसनको सम्भावना छैन ।
काठमाडौं । शिक्षा, विज्ञान तथा प्रविधिमन्त्री गिरिराजमणि पोखरेललाई कोरोना संक्रमण पुष्टि भएको छ ।
पाटन अस्पतालमा गरिएको स्वाब परीक्षणको रिपोर्ट आइतबार पोजेटिभ आएको हो।
शनिबार ज्वरो आएपछि पाटन अस्पताल भर्ना भएका थिए । परीक्षणका क्रममा उनलाई कोरोना संक्रमण पुष्टि भएको हो । मन्त्री पोखरेल अहिले पनि अस्पतालमै छन् ।
यसअघि शनिबार पर्यटनमन्त्री योगेश भट्टराईलाई पनि कोरोना संक्रमण पुष्टि भएको थियो ।
काठमाडौं । कर्णाली प्रदेशका मुख्यमन्त्री महेन्द्रबहादुर शाहिविरुद्ध आफ्नै पार्टीभित्रबाट अविश्वासको प्रस्ताव दर्ता भएको छ ।
नेकपाबाट कर्णाली प्रदेशको प्रदेशसभामा ३३ जना सांसद छन् । त्यो मध्येबाट १८ जनाले नेकपाको संसदीय दलको नेता समेत रहेका मुख्यमन्त्री शाहीविरुद्ध अविश्वासको प्रस्ताव दर्ता गरेका हुन् । शाहीविरुद्ध हस्ताक्षर गर्नेमा पुर्व माओवादीका ३ जना सांसद समेत रहेका छन् ।
नेकपा संसदिय दलका प्रमुख सचेतक गुलावजंग शाह समेत शाहीलाई दल नेताबाट हटाउने पक्षमा छन् । उनकै सरकारमा मन्त्री रहेका नन्दसिंह वुढा र दल रावल समेत मुख्यमन्त्रीलाई दल नेताबाट हटाउनुपर्ने पक्षमा रहेको स्रोतको दावी छ ।
मुख्यमन्त्री शाहीको कार्यशैली खराव रहेको र सरकारको काम समेत प्रभावकारी नभएको आरोप लाग्दै आएको थियो । उनि मुख्यमन्त्रीभन्दा पनि आफ्नो व्यापार व्यवसायमा बढी सक्रिय रहेको नेकपाका नेताहरु नै बताउंछन् । शाहीमाथी सुर्खेतभन्दा बढी काठमाण्डौंमा वस्ने गरेको र प्रदेशको पार्टीलाई समेत व्यवस्था गर्ने गरेको आरोप छ ।
उनलाई सुरुदेखी नै मुख्यमन्त्री वन्न नदिन पुर्व एमालेका नेता यमलाल कंडेल सक्रिय थिए । केन्द्रका नेताहरुले पुर्व माओवादी र पुर्व एमालेले पाउने मुख्यमन्त्रीहरुको भागवण्डा गरेपछि पनि कर्णालीमा सरकार गठन गर्न अफ्ठेरो परेको थियो ।
कंडेल पुर्व एमालेको तर्फबाट प्रदेश प्रमुख नेता थिए । उनले नै माधव नेपाल पक्षका प्रकाश ज्वालालाई अर्थमन्त्री र अन्य ३ जना आफु पक्षिय नेताहरुलाई मन्त्रीमा सिफारीस गरेका थिए । हाल शाहीको मन्त्रीमण्डलमा ६ जना मन्त्री छन् । कंडेल निकट मन्त्री खड्क खत्रीलाई मुद्दा लागेपछि उक्त मन्त्रालय पनि शाहीले ओगटेका छन् ।
नेकपाका अध्यक्ष प्रचण्ड र वरिष्ठ नेता माधव नेपालले प्रदेशको भौतिक मन्त्रालयमा चन्द्रबहादुर शाहीलाई मन्त्री बनाउन गरेको आग्रह पनि मुख्यमन्त्री शाहीले अस्विकार गरेका थिए । मन्त्री बनाउन सिफारीस ष्रेका शाही वरिष्ठ नेता नेपाल निकट नेता हुन् ।
यसअघि प्रधानमन्त्री केपी शर्मा ओली पक्षिय नेता कंडेलले शाहीलाई दल नेताबाट हटाउन गरेको प्रयास माधव नेपाल पक्षिय सांसदहरुको सहयोगले असफल हुंदै आएको थियो । तर, नेपाल पक्षलाई पनि शाहीले मिलाउन नसकेपछि उनिविरुद्ध सजिलै बहुमत जुटेको हो । पुर्व माओवादीभित्र समेत शाहीविरुद्ध चर्को असन्तुष्टि थियो ।
पुर्व माओवादीबाट प्रतिनिधीत्व गर्ने उपसभामुख पुष्पा घर्ती सांसदहरु ठम्मर विष्ट र धर्मराज रेग्मीले समेत शाही विरुद्ध हस्ताक्षर गरेका छन् । प्रदेशका गृहमन्त्री नरेन्द्र भण्डारीसंग समेत मुख्यमन्त्री शाहीको सुमधुर सम्बन्ध छैन् ।
‘मुख्यमन्त्रीको कार्यशैली नै यसको लागी मुख्य जिम्मेवार हो, उनले पार्टीलाई मिलाउन नसक्नु र कार्यसम्पादन राम्रो नगर्दाको परिणामले आज यस्तो अवस्था आएको हो ।
मुख्यमन्त्री शाहीलाई दल नेताबाट हटाएर कंडेललाई दल नेता बनाउने तयारी छ । अहिले मुख्यमन्त्री शाही रप्रमुख सचेतक गुलावजंग शाहबीच छलफल भइरहेको छ ।
उनीहरुले मुख्यमन्त्री शाहीबाट सरकार र पार्टीको प्रभावकारिता जनस्तरमा कमजोर भएको आरोप लगाउंदै नेकपा प्रदेशसभा संसदीय दलको विधान २०७५ को नियम २४ (१) बमोजिम संसदीय दलका नेता मुख्यमन्त्री शाहीविरुद्ध विश्वास नभएकोले अविश्वासको प्रस्ताव पेश गरेको जनाएका छन्।
काठमाडौं । नेपालमा पछिल्लो २४ घण्टामा २०७१ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको १२ हजार ४२७ जनाको पीसीआर परीक्षणमा थप २०७१ जनामा कोरोना संक्रमण पुष्टि भएको हो ।
योसँगै नेपालमा कोरोना संक्रमितको कुल संख्या १ लाख ७ हजार ७ सय ५५ पुगेको छ।
पछिल्लो २४ घन्टामा थप १५५२ जना कोरोना संक्रमणमुक्त भएका छन्।
योसँगै देशभर डिस्चार्ज हुनेको संख्या ७५ हजार ८०४ पुगेको छ। देशभर ३१ हजार ३ सय १५ जना सक्रिय संक्रमित छन्।
काठमाडौं । काठमाडौं उपत्यकामा थप १४१६ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौंमा १ हजार ७१, ललितपुरमा १ सय ६१ र भक्तपुरमा १ सय १० जनालाई कोरोना संक्रमण देखिएको हो ।