Category: समाचार

बागलुङ । बागलुङको ढोरपाटन नगरपालिकास्थित भुजीखोलामा आएको बाढीका कारण घर बगेपछि हराइरहेका २१ जनाको अझै कुनै सुचना प्राप्त हुन सकेन । अघिल्लो बुधबार राती आएको बाढीले घर बगाएपछि ३८ जना हराएका थिए । त्यसमध्ये १७ जनाको भने शव फेला परिसकेको छ ।

स्थानीय प्रशासनका अनुसार हराइरहेका २१ जनाको खोजी कार्य भने अहिले पनि जारी रहेको छ । स्थानीय बासि, प्रहरी, सशस्त्र प्रहरी र नेपाली सेनाले उद्धारको काम जारी राखेका छन् ।

सोमबार अन्दाजी ३४ वर्षीय पुरुषको शव बडीगाड गाउँपालिका ७ स्थित बढीगाड खोलामा फेला परेको छ । यहाँबाट बगेका अधिकांश शवशरु गुल्मीमा पुगेर फेला परिरहेका छन् ।

जिल्ला प्रहरी कार्यालय बागलुङले जनाए अनुसार मृतक १७ जनामध्ये १५ जनाको भने सनाखत समेत भइसकेको छ । उनीहरुको शव आफन्तको जिम्मा लगाइसकिएको छ । पहिचान नभएका दुई शव भने बुर्तिवाङ स्वास्थ्य केन्द्रमा राखिएको छ ।

काठमाडौं । कोरोना भाइरसको संक्रमणबाट नेपालमा थप ११ जनाको मृत्यु भएको छ।

सोमबार स्वास्थ्य तथा जनसंख्या मन्त्रालयको अनुसार पछिल्लो २४ घण्टामा कोरोना संक्रमणबाट काठमाडौंका तीन जना सहित थप ११ जनाको मृत्यु भएको हो । मृत्यु हुनेमा काठमाडौंका ३७,९०, ८३ वर्षीय महिला रहेका छन् ।

त्यस्तै मोरडका ७६ वर्षीय पुरुष, सिराहाका ८७ र ६२ वर्षीय पुरुष, सर्लाहीका ३५ वर्षीय, दोलखाका ६९, बाँकेका ६३ वर्षीय र मकानपुरका ३९ पुरुष रहेका छन् । ६३ वर्षीय महिला रहेकी छिन् योसँगै कोरोना संक्रमणबाट नेपालमा मृत्यु हुनेको संख्या ३ सय पुगेको छ।

काठमाडौं । नेपालमा पछिल्लो २४ घण्टामा थप ९ सय ७९ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयकाको अनुसार २४ घण्टामा गरिएको ९ हजार २ सय १८ जनाको पीसीआर परीक्षणमा थप ९ सय ७९ जनामा कोरोना संक्रमण पुष्टि भएको हो ।

यो सहित नेपालमा कोरोना संक्रमित हुने को संख्या ४७ हजार२ सय ३६ जना पुगेको छ।

पछिल्लो २४ घन्टामा थप १७ सय ३६ जना कोरोना संक्रमणमुक्त भएका छन्। योसहित नेपालमा हालसम्म ३० हजार ६ सय ७७ उपचारपछि निको भएका छन्। देशभर संक्रमितको १६ हजार २ सय ५९ रहेको छ ।

काठमाडौं । स्वास्थ्य तथा जनसंख्या मन्त्रालयले वीर अस्पताललाई कोभिड-१९ अस्पतालका रुपमा प्रयोग गर्ने निर्णय गरेको छ।

काठमाडौं उपत्यकामा कोरोना संक्रमण बढ्दै गएपछि वीर अस्पताललाई कोभिड अस्पतालकारुपमा सञ्चालन गर्ने निर्णय गरिएको हो।

वीर अस्पतालमा हुँदै आएका अन्य नियमित सेवाहरु राष्ट्रिय ट्रमा सेन्टरबाट प्रदान गर्ने निर्णय भएको स्वास्थ्य प्रवक्ता डा जागेश्वर गौतमले जानकारी दिए।

मन्त्रालयको इन्सिडेन्ट कमाण्ड सिस्टमको आइतबार बिहान बसेको बैठकले सो निर्णय भएको उनले जानकारी दिए।

काठमाडौं । नेपालमा कोरोना कोरोना संक्रमणबाट थप नौ जनाको मृत्यु भएको छ। स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार मृत्यु हुनेमा सात पुरुष र दुईजना महिला छन्।

मृत्यु हुनेमा मोरङकी ६४ वर्षीया र झापाको ४५ वर्षीया महिला रहेकी छिन्। त्यसैगरी काठमाडौंका तीन पुरुषको मृत्यु भएको छ।

काठमाडौंका ६८, ७४ र ८४ वर्षीय पुरुषको मृत्यु भएको मन्त्रालयका प्रवक्ता डा। जागेश्वर गौतमले बताए।

मोरङका ४५ वर्षीय, धनुषाका ३५ वर्षीय र चितवनका ७० वर्षीय पुरुषको मृत्यु भएको मन्त्रालयले जनाएको छ।

काठमाडौं । नेपालमा पछिल्लो २४ घण्टामा थप ९ सय ८० जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार २४ घण्टामा गरिएको १० हजार ३ सय ४२ जनाको पीसीआर परीक्षणमा थप ९ सय ८० जनामा कोरोना संक्रमण पुष्टि भएको हो ।

यो सहित नेपालमा कोरोना संक्रमित हुने को संख्या ४६ हजार २५७ जना पुगेको छ। पछिल्लो २४ घन्टामा थप १८१४ जना कोरोना संक्रमणमुक्त भएका छन्। योसहित नेपालमा हालसम्म २८ हजार ९४१ उपचारपछि निको भएका छन्।

बागलुङ । गत बुधबार राती बाढी र पहिरोमा परी हराइरहेका बागलुङको ढोरपाटन नगरपालिका ९ बोबाङका २३ जना अझै फेला पर्न सकेका छैनन्। हराइरहेका मध्ये शनिबार एक जनाको शव फेला परेको छ ।

यससँगै यस विपत्तिमा परी ज्यान गुमाउनेको संख्या कुल १५ पुगेको छ । तर, अझै २३ जना वेपत्ता छन् । बिहीबार र शुक्रबारको खोजीमा १४ जनाको शव फेला परेको थियो । प्रहरीका अनुसार शनिबार पनि बिहानैबाट खोजी थालिएको थियो ।

रातिको बाढी र पहिरोले बाग्लुङको ढोरपाटन नगरपालिका ९ बोबाङमा ठूलो मानवीय क्षति भएको थियो । हराइरहेका मानिसमा १५ दिने शिशुदेखि वृद्धसमेत रहेको प्रहरीले जनाएको छ । मृत्यु भएका १४ मध्ये १३ जनाको भने शव समेत सनाखत भइसकेको छ । यो प्राकृतिक विपतले ठूलो मानवीय तथा भौतिक क्षति गरेको छ ।

काठमाडौं । नेपालमा पछिल्लो २४ घण्टामा थप १ हजार ४१ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार २४ घण्टामा गरिएको १२ हजार ४ सय ७३ जनाको पीसीआर परीक्षणमा थप १ हजार ४१ जनामा कोरोना संक्रमण पुष्टि भएको हो ।

यो सहित नेपालमा कोरोना संक्रमित हुनेको संख्या ४५ हजार २७७ जना पुगेको छ।

पछिल्लो २४ घण्टामा थप १५६६ कोरोना संक्रमणमुक्त भएका छन्। योसहित नेपालमा हालसम्म २७ हजार १ सय २७ उपचारपछि निको भएका छन्।

काठमाडौं। नेपालमा कोरोना भाइरसको संक्रमणबाट थप १४ जनाको मृत्यु भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार पछिल्लो २४ घण्टामा कोरोना संक्रमणबाट थप १४ जनाको मृत्यु भएको हो ।

उनका अनुसार काठमाडौंका ८२, ६७, २२ र चितवनकी ३५ वर्षीया महिला तथा सप्तरी ५५–५५ वर्षीय, धनुषाका ६५, कास्कीका ३१, नवलपरासीका ३७, प्यूठानका ५८, रुपन्देहीका ७८, पाल्पाका ६३ र सुर्खेतका ४२ वर्षीय पुरुषको उपचारका क्रममा मृत्यु भएको हो। योसँगै कोरोना संक्रमणबाट नेपालमा मृत्यु हुनेको संख्या २७१ पुगेको छ।

काठमाडौं । नेपालमा पछिल्लो २४ घण्टामा थप १३ सय ५९ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा। जागेश्‍वर गौतमको अनुसार २४ घण्टामा गरिएको १३ हजार ६ सय ३८ जनाको पीसीआर परीक्षणमा थप १३ सय ५९ जनामा कोरोना संक्रमण पुष्टि भएको हो ।

यो सहित नेपालमा कोरोना संक्रमित हुनेको संख्या ४४ हजार ३३६ जना पुगेको छ।

पछिल्लो २४ घण्टामा थप १३५४ कोरोना संक्रमणमुक्त भएका छन्। योसहित नेपालमा हालसम्म २५ हजार ५ सय ६१उपचारपछि निको भएका छन्।

बागलुङ । बुधबार राति आएको बाढी र पहिरोमा परी हराइरहेका बागलुङ, ढोरपाटन नगरपालिका–९ बोबाङका स्थानीयको खोजी आज पनि शुरु भएको छ । यस घटनामा १४ जनाको शव फेला परिसकेको छ । अझै २४ जना वेपत्ता छन् । त्यसमध्ये चार जनाको शव सनाखत भइसकेको प्रहरीले जनाएको छ ।

प्रहरीका अनुसार ढोरपाटन–९ की २६ वर्षकी केशमाया विक, ४५ वर्षीय विरे विक, २२ वर्षीय जीवन विक र ११ वर्षीय डल्ले विकको सनाखत भएको छ । शव भेटिए पनि १० जनाको सनाखत हुन सकेको छैन । बाढीले बगाएको शव क्षतविक्षत अवस्थामा भेटिएका कारण पहिचानमा समस्या आएको हो ।

उनीहरुको शव बुर्तिबाङस्थित प्राथमिक स्वास्थ्य केन्द्रमा राखिएको छ । पहिचान भएकाहरुको पोष्टमार्टमको काम समेत शुक्रबार हुने भएको छ । वेपत्ता भएकाको खोजीमा सेना, प्रहरी र स्थानीय बिहानैबाट जुटेका छन् ।

बगाएकाहरुको शव अधिकारीचौर, बुर्तिवाङ र बडिगाड गाउँपालिकासम्म पुगेको अवस्थामा फेला परेको छ । पहिरोले फलेघर र सुपुर्दुङमा एक दजर्न बढी घर बगाएको । वडा नं ८ सम्म कुल ४० घर पूर्ण रुपमा क्षतिग्रस्त बनेका छन् ।

बागलुङ । बागलुङको ढोरपाटन नगरपालिकास्थित भूजी खोलामा आएको बाढीबाट वेपत्ता हुनेको संख्या ४१ पुगेको छ । प्रहरीका अनुसार उनीहरुमध्ये १२ जनाको शव फेला परेको छ । जिल्ला प्रहरी कार्यालयका अनुसार खोजी कार्य जारी छ ।

सोहीकारण अझै धेरै मानिस हराएको आशंका गरिएको छ । घटनास्थलमा धेरै ठूलो मानवीय क्षति भएको प्रहरीले जनाएको छ । सोहीकारण उद्धार र राहतमा समेत कठिनाई भएको छ ।

प्रहरीका अनुसार शव फेला परेका मानिसको समेत पहिचान हुन सकेको छैन । शवहरु चिन्न नसक्ने अवस्थामा छन् । प्रहरीका अनुसार बाढीले ३१ घरमा पूर्ण रुपमा क्षति गरेको छ । स्थानीय विद्यालय, लघु जलविद्युत् तथा झोलुङ्गे पुलसमेत बाढीले बगाएको छ।

बिहीबार ढोरपाटनमा बाढीले बगाएर हराइरहेकामध्ये तीन जनाको शव भने गुल्मीको बढीघाट खोलामा फेला परेका छन् । मुसिकोट नगरपालिका –५ इन्द्रेगौंँडा ७ को सुदी र चन्द्रकोट गाउँपालिका –८ तीनसिमलस्थित बढिघाट खोला किनारमा शव फेला परेको हो । बाढीग्रस्त क्षेत्रमा आज गृहमन्त्रीसहितको टोली हेलिकोप्टरबाट जान उडेपनि प्रतिकुल मौसमका कारण जान भने सकेन । काठमाडौंबाट उडेको टोली पोखरामा पुगेर रोकिएको छ ।

काठमाडौं । सत्तारुढ नेपाल कम्युनिष्ट पार्टी (नेकपा) को सचिवालयले उपाध्यक्ष वामदेव गौतमलाई राष्ट्रियसभा सदस्यमा मनोनित गर्न सिफारिस गर्ने निर्णय गरेको छ।

प्रधानमन्त्री निवास बालुवाटारमा सकिएको सचिवालय बैठकले राष्ट्रियसभा सदस्यमध्ये राष्ट्रपतिले मनोनित गर्ने खाली एक सिटमा गौतमलाई मनोनयन गर्न सिफारिस गर्ने निर्णय गरेको हो ।

सचिवालयको निर्णयपछि अब सरकारले गौतमलाई राष्ट्रियसभा सदस्यमा मनोनित गर्न राष्ट्रपतिलाई सिफारिस गर्नेछ।

राष्ट्रपतिले मनोनित गर्ने राष्ट्रियसभा सदस्यमा गौतम वा खतिवडा कसलाई सिफारिस गर्ने भन्ने विषयमा नेकपामा विवाद थियो ।

निषेधाज्ञा उल्लंघन गर्दै रातो मच्छिन्द्रनाथको रथ तान्‍न थालियो
काठमाडौं । उपत्यकामा निषेधाज्ञाकै बीच वर्षा र सहकालका देवता मानिने रातो मच्छिन्द्रनाथको रथ तान्‍न शुरु गरिएको छ ।

बिहीबार बिहान साढे ९ बजेतिर भेला भएका युवाहरुले ललितपुरको पुल्चोकमा रथ तान्‍न शुरु गरेपछि सरोकारवालालाई नै अलमलमा परेका छन् । रथ तान्नकालागि सर्वसाधारणहरुको पनि उल्लेख्य सहभागिता रहेको थियो

युवाहरुले असोज २ गतेदेखि मलमास सुरु हुने र रथयात्रा अनिश्चित हुने भन्दै जनस्वास्थ्यको मापदण्ड पालना गर्दै रथयात्रा गर्न माग गर्दै प्ले कार्ड सहितको प्रदर्शन समेत गरेका छन् ।

कोरोना संक्रमण नफैलियोस् भनेर भदौ २४ गतेसम्मका लागि उपत्यका ९काठमाडौं, भक्तपुर र ललितपुर० मा निषेधाज्ञा जारी गरिएको छ ।

सर्वसाधारणको भिड नहोस् र संक्रमण नफेलियोस् भनेर तीनवटै जिल्लाका प्रमुख जिल्ला अधिकारीहरुको छलफलले हिजो ९बुधबार० मात्रै भदौ २४ गतेसम्मका लागि निषेधाज्ञा जारी गरिएको हो ।

तर रथयात्राको विषयमा न त गुठी संस्थानले कुनै निर्णय गरेको छ न त सरोकारवाला निकायलाई नै यसबारे जानकारी छ ।

गत असार १० गतेदेखि निर्माण सुरु भएको रथमा मत्स्येन्द्रनाथको मूर्ति रथारोहण गरिसकिएको छ । तर कोरोना संक्रमणको जोखिमका कारण अहिलेसम्म रथयात्रा हुन सकेको छैन ।

बागलुङ । बागलुङको ढोरपाटन नगरपालिका वडा नं ७, ८ र ९ मा नदी किनारमा बाढीले घर बगाउँदा वेपत्ता भएका मध्ये ८ जनाको शव भेटिएको छ । तटीय बस्तीमा बाढी पसेपछि ठूलो मानवीय क्षति भएको छ । खोजीका क्रममा ८ जनाको शव भेटिएको प्रहरीले जनाएको छ । सकुर्दुङको भूजी खोलाले वितण्डा मच्चाएको हो ।

बाढीमा १३ जना बेपत्ता भएको प्रहरीको अनुमान छ । बाढीले १३ घर बगाएको छ । घटना स्थलमा ८ जनाको शव फेला परेपनि उनीहरुको सनाखत भने भइसकेको छैन । रातको १२ बजेतिर ठूलो पहिरोसँगै यहाँ बाढी बस्तीमा पसेको थियो ।

बागलुङ । बागलुङको ढोरपाटन नगरपालिका–९ मा बाढीले ठूलो मानवीय तथा भौतिक क्षति गरेको छ । यहाँ गतराती गएको बाढी र पहिरोले दर्जनौं घर बगाएको छ । जसमा कम्तिमा १२ जना बेपत्ता भएको स्थानीय प्रशासनले जानकारस् गराएको छ । यस स्थानमा सुकुर्दुङ खोलाले वितण्डा मच्चाएको हो । बाढीले कम्तिमा १० घर बगेका छन् ।

सुकुर्दुङ खोलाको बाढीले बोबाङ, सुर्कुदुङ र शेरावाङ गाउँका घर बगाएको स्थानीय प्रहरीले जनाएको छ । बाढीले घर बगाउँदा कम्तिमा १२ जना सम्पर्क विहीन रहेको र थप क्षति भएको हुन सक्ने इलाका प्रहरी कार्यालय बुर्तिवाङले उल्लेख गरेको छ । रातिको समयमा भएको क्षतिका कारण यकिन विवरण संकलनको काम भइरहेको प्रहरीको भनाई छ ।

बाढीका कारण एक दर्जन मानिस बेपत्ता भएको र एक जनाको शव फेला परेको प्रहरीले पुष्टी गरेको छ । अहिले उद्धारको काम जारी रहेको छ । घटनास्थलमा प्रहरी, सेना तथा स्थानीय बासी उद्धारमा खटिएका छन् । ढोरपाटन शिकार आरक्षको प्रवेशद्वार मानिने देउराली पहाडबाट पहिरो खसेपछि आएको बाढीले ठूलो मानवीय क्षति गरेको हो ।

प्रहरीका अनुसार लाकुरीबोटमा ३ जना, दुनेपधेँरीमा ३ जना, घट्टबोटमा ७ जना, भुसुन्डेमा ३ जना सम्पर्कविहीन छन् । लाँकुरीबोटका ११ घर, दुनेपधेँरीका ५ घर, घट्टबोटमा ८ घर, भसुन्डेमा १ घर बगेको प्रहरीले जानकारी दिएको छ ।