Category: समाचार

काठमाडौं । नेपालमा कोरोना संक्रमणबाट थप एक जनाको मृत्यु भएको छ । स्वास्थ्य तथा जनसंख्या मन्त्रालयका प्रवक्ता डा.जागेश्‍वर गौतमको अनुसार ललितपुरको स्टार अस्पतालमा रौतहटका २९ वर्षीय पुरुषको शनिबार राति उपचारको क्रममा मृत्यु भएको हो ।

कोभिड–१९ परीक्षणका क्रममा उनको पीसीआर रिपोर्ट पोजेटिभ आएको गौतमले बताए ।

उनमा श्वासप्रश्वास सम्बन्धी समस्या थियो। उनको मृत्यु भएपनि शनिबार राति नै स्वाब संकलन गरिएको थियो। यो सँगै नेपालमा कोरोना संक्रमणबाट मृत्यु हुनेको संख्या २९ पुगेको छ।

काठमाडौं । नेपालमा पछिल्लो २४ घण्टामा थप १२१ जना कोरोना संक्रमणमुक्त भएका छन्।

स्वास्थ्य तथा जनसंख्या मन्त्रालयका प्रवक्ता डा.जागेश्‍वर गौतमको अनुसार देशका विभिन्न स्थानका अस्पतालबाट उनिहरु संक्रमणमुक्त भएका हुन् ।

पछिल्लो पटक १३ महिला र १०८ जना गरी १२१ जना निको भएका हुन्। योसहित नेपालमा हालसम्म ३ हजार १३४ जना उपचारपछि निको भएका छन्।

काठमाडौं । नेपालमा पछिल्लो २४ घण्टामा थप ४ सय ७६ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशका विभिन्न प्रयोगशालामा गरिएको परीक्षणमा थप ४ सय ७६ जनामा कोरोना संक्रमण पुष्टि भएको हो ।

आइतबारसम्म कोरोना संक्रमितको संख्या १३ हजार २४८ पुगेको छ ।

पछिल्लो २४ घण्टामा थप १२१ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या ३ हजार १ सय ३४ पुगेको छ।

कुल संक्रमितमध्ये २९ जनाको मृत्यु भएको छ।

सर्लाही । सर्लाहीमा नेकपा र कांग्रेसका कार्यक्रताबीच हिंस्रक झडप भएको छ । सर्लाहीको धनकौल गाउँपालिकामा गत राती यस्तो झडप भएको हो । प्रहरीका अनुसार घटनामा गोली समेत चलेको थियो । घटनामा १८ जना घाइते छन्।

घाइतेमध्ये केहीलाई गोली लागेको प्रहरीले जनाएको छ । सर्लाहीको रामनगर गाउँपालिकामा एक साताअघि नेकपाका एक कार्यकर्ताको हत्या भएको थियो । सोही विषयलाई लिएर नेकपाका युवा विद्यार्थीले आइतबार सर्लाहीका विभिन्न स्थानमा जुलुस प्रदर्शन जारी राखेका छन् । त्यसक्रममा दुई पार्टीका कार्यकर्ताबीच विवाद हुँदा झडप भएको प्रहरीले जनाएको छ ।

गोली लागेका घाइतेहरु समेत गम्भीर भने नरहेको प्रहरीले अस्पताललाई उदृत गर्दै जानकारी गराएको छ ।
घाइते हुनेमा १५ जना कांग्रेस र तीन जना नकेपा कार्यकर्ता छन् । घटनामा संलग्न एक जना भने पक्राउ परेका छन् । घटनाबारे अनुसन्धान भइरहेको प्रहरीले जनाएको छ ।

रामनगरका नेकपा कार्यकर्ता ६० वर्षीय रामजल रायको एक साताअघि हत्या भएको थियो। उनको शव अझै उठेको छैन । नेकपाले यो घटनामा कांग्रेसको हात रहेको बताएको छ ।

काठमाडौं

महानगरीय प्रहरी परिसर, ललितपुरमा कार्यरत पुलिस इन्सपेक्टर रुद्रबहादुर शाही लागूऔषध कारोवार गरेको आरोपमा पक्राउ परेका छन् । लागूऔषध नियन्त्रण ब्युरोले एक प्रहरी निरीक्षकको संलग्नता देखेपछि बिहीबार नियन्त्रणमा लिएको हो । गत बुधबारदेखि ब्युरोले लागू औषधसम्बन्धी अपरेसन थालेको प्रवक्ता तथा एसपी प्रविन धितालले जानकारी दिए ।

एसपी प्रबिन धिताल भन्छन्; “हामीले गत बुधबारदेखि केही सदस्य गठन गरी अपरेसन थालेका हौं, सोही अनुसार अनुसन्धान गर्नका लागि ललितपुरका एक प्रहरी निरीक्षकलाई पनि हामीले सोधपुछका लागि नियन्त्रणमा लिएका छौं” ।

लागुऔसध ओसारपसार गिरोहमा इन्सपेक्टर शाहीको प्रमुख भूमिका देखिएको प्रहरीको दावी छ । सो समूहमा इन्सपेक्टर शाहीसँगै एक पूर्व पाइलट भूपेश शेरचन (साहित्य सर्जक भूपी शेरचन पुत्र) पनि पक्राउ परेको छ । शेरचन नेपाल एयरलाइन्सका पूर्वपाइलट हुन् । डिप्रेसनले गर्दा लागुऔषध कारोबारमा लागेको प्रहरी समक्ष उनले बताएका छन् । राजधानीको नक्सालमा बस्दै आएका ४८ वर्षीय नेपाल एयरलाइन्सका कर्मचारी भुपेशले जागिर सुरु गरेको केही वर्षमै राजीनामा दिएका थिए । प्रहरीको सुरुवाती सोधपुछमा भुपेशले ‘जागिर सुरु गरेपछि केही विमान दुर्घटनामा साथीहरु गुमाएपछि डिप्रेसनमा पुगेको’ बताएका छन् ।

विश्वसन्देश सम्वाददाताले लागूऔषध नियन्त्रण व्यूरोका प्रवक्ता एसपी धितालसँग बृस्तित जानकारी माग्ने क्रममा बताए; “खासमा प्रहरीले सन्तोष कुमार साहलाई वाच गरि राखेको थियो । यस अघि पनि २०७३ सालमा लागूऔषध मुद्दामा सन्तोस साह धरौटीमा रिहा भएको व्यक्ति हो । सन्तोस प्रहरीको निगरानीमा नै थियो । स्थानीयको जानकारीको आधारमा र त्यसको गतिबिधि हेरेर हामीले ३ महिनादेखि पछि लागिराख्यौं । गत बुधबार हामीलाई सन्तोषको पेप्सीकोलास्थित कोठामा सामान आउने थाहा भएपछि तत्काल छापा मार्यौं । सबुत प्रमाण सहित सन्तोस पक्राऊ पर्यो । त्यसैबेला त्यहाँ लागूऔषध सेवन र खरिद गर्न भूपेश पनि पुगेका रहेछन् । पछि सन्तोसले नै ओसारपसारमा सहयोग गर्ने काम प्रहरी इन्सपेक्टर शाहीले गर्ने बताएका हुन् । इन्सपेक्टरलाई पक्राऊ गर्दा इन्सपेक्टरको कोठाबाट पनि लागूऔषध बरामद भयो” । 

पक्राऊका सम्वन्धमा लागू औषध नियन्त्र ब्युरो काठमाडौंले प्रेस बिज्ञप्ति समेत जारी गरी सकेको छ । पक्राऊ पर्नेमा शाही र शेरचनसँगै ज्ञानेश्वरका अविनास थपलिया, बर्दीयाका सन्तोष कुमार साह र उदयपुरका एलिसन बस्नेत छन् । उनीहरुको साथबाट मनोद्दिपक लागुऔषध ६६० बोतल, नाइट्राभेट ११४० ट्याब्लेट, स्पास्मो प्रोक्स्भिोन क्याप्सुल ३३० थान र एक लाख रुपैयाँ प्रहरीले बरामद गरेको छ ।

काठमाडौं । प्रधानमन्त्री केपी शर्मा ओलीले १६ करोडको गाडी नेपालमा आएको छ कि छैन, त्यो थाह नभएको बताएका छन् ।

ओलीले मदन भण्डारी फाउण्डेसनद्धारा आइतबार आयोजित कार्यक्रममा आफ्लाई नेपालमा १६ करोडको गाडी छ छैन त्यो पनि थाहाँ नभएको बताए ।

राष्ट्रपतिलाई १६ करोडको गाडी किन्न लागेको भन्दै सामाजिक सञ्जालभरि विरोध भैरहेको बेला उनले उक्त कुराको प्रष्ट पारेका हुन् ।

ओलीले मन्तव्य भने आजकल मान्छेहरु अक्सर भन्ने गर्छन्, ‘मदन भण्डारी साइकलमा हिंड्नुहुन्थ्यो, अहिलेका नेताहरु, उहाँकी श्रीमती १६ करोडको गाडीमा हिंड्ने ! ‘ भनेर भन्छन्।

१६ करोडको गाडी नेपालमा आएको छ कि छैन, त्यो मलाई थाह छैन। १६ करोडको होइन, राष्ट्रपति हिंड्ने गाडी बाटामा जाँदाजाँदै स्टार्ट बन्द हुने खालको गाडी हुनुभएन। यो ईर्ष्याभावका कुरा नगरम्।

राष्ट्रपति साइकलमा हिंड्दैनन्। हो, स्वेडेनका राजा साइकलमा हिंड्छन्। बडो चर्चा छ। मैले पनि कहिलेकाँहि चर्चा गर्छु। तर के गाडी नै नभएर साइकलमा हिँडेका हुन्।

उनीहरु फङसनहरुमा जाँदा, गाडिमा हिँड्दा स्कर्टिङ हुदैन ? त्यस्तो होइन, स्कर्टिङ पनि हुन्छ सबै कुरा हुन्छ। तर, दरबार नजिकैको रेलवे स्टेशनमा जाने त्यो सोखको कुरा मात्र हो।

कहिलेकाँही उनी साइक्लिङ गर्छन्। त्यो सोखको कुरा हो। गाडि नभएको होइन।

मदन भण्डारीको धर्मपत्नी साइकल चलाउन जान्नु हुन्न। त्यो आलोचना गर्नेहरु केमा हिंड्छन्रु आम्दानी कति पारदर्शी छ, थाह छैन मलाई। तर हिंड्न चाहिँ राम्रै गाडिमा हिंड्छन्, ती आलोचना गर्नेहरु।

मदन भण्डारीलाई यस्तै आरोप लगाएका थिए। मदन भण्डारी साइकलमा निस्कने, कहिले अर्को साथीले गाडी ल्याएपछि हिंड्ने। चुनावमा उमेदवार भएर प्रचारमा जाँदा गाडी छैन।

साइकलमा हिंड्नु पर्ने अवस्थामा एकजना नक्शालका थापाजीले म आफै ड्राइभ गर्छु र तपाईलाई चुनाव भरी सघाउँछु भनेर आफै ड्राइभ गरेर मदनलाई गाडीमा लिएर हिंड्नुभो।

त्यसपछि देशव्यापीरुपमा हल्ला चल्यो, पोस्टर टाँसिए, ‘ज्ञानेन्द्रले दिएको रातो गाडिमा मदन भण्डारी हिंड्ने गरेका छन्’ भनेर। दरबारसँगको कनेक्सन जोडेयो मदन भण्डारी जस्तो व्यक्तिसँग।

भौतिकवादको एउटा खराबी छ किनभने त्यसले पाप धर्म भन्ने कुरा मान्दैन। पाप लाग्छ भन्ने ठान्दैन। सत्य निष्ठा छोड्दिए पछि जे भने पनि भयो, जे गरे पनि भयो।

पापको डर छैन, नर्क जानुपर्ला भन्ने छैन। त्यसैले भौतिकवादीहरु भ्रष्ट भए भने खतरनाक हुन्छन्।

इमान छाडेको भौतिकवादी बहुतै खतरनाक हुन्छ। जे पनि बोल्छ।

भौतिकवादी पनि छाडा भौतिकवादी भयो भने खतरा हुन्छ।

हामीले अनुसरण गर्न जरुरी छ। इमानसहितको अभियान र विचारमा हुनु जरुरी छ। आज यस सन्दर्भमा म यहि आग्रह गर्न चाहन्छु। इमानसहित उहाँलाई अनुसरण गरौं।

काठमाडौं । नेपालमा पछिल्लो २४ घण्टामा थप १ सय ७९ जना कोरोना संक्रमित उपचारपछि निको भएर घर फर्किएका छन् ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशका विभिन्न अस्पतालबाट १३ महिला र १६६ पुरुष गरी १७९ जना संक्रमित निको भएर घर फर्किएका हुन् ।

यो सहित डिस्चार्ज हुनेको संख्या ३ हजार १३ पुगेको छ।

काठमाडौं । नेपालमा पछिल्लो २४ घण्टामा थप ४ सय ६३ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशका विभिन्न प्रयोगशालामा गरिएको परीक्षणमा थप ४ सय ६३ जनामा कोरोना कोरोना संक्रमण पुष्टि भएको हो ।

आइतबारसम्म कोरोना संक्रमितको संख्या १२ हजार ७ सय ७२ पुगेको छ ।

पछिल्लो २४ घण्टामा थप १७९ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या ३ हजार १३ पुगेको छ।

कुल संक्रमितमध्ये २८ जनाको मृत्यु भएको छ।

काठमाडौं । पछिल्लो २४ घण्टामा देशभरबाट १३६ जना कोरोना संक्रमण मुक्त भई डिस्चार्ज भएका छन्। तीमध्ये महिला १८ र ११८ जना पुरुष छन्।

देशभरबाट हालसम्म २ हजार ८३४ जना व्यक्ति संक्रमण मुक्त भई घर फर्किएका छन्। जसमा महिला २४२ र २ हजार २५९२ जना पुरुष रहेका छन्।

नेपाल पछिल्लो २४ घण्टामा ५५४ कोरोना संक्रमित थप भएका छन्। योसँगै कूल संक्रमितको संख्या १२ हजार ३सय ९ पुगेको छ। जसमध्ये २८ जनाको मृत्यु भएको छ।

काठमाडौं । नेपालमा पछिल्लो २४ घण्टामा थप ५ सय ५४ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशका विभिन्न प्रयोगशालामा गरिएको परीक्षणमा थप ५ सय ५४ जनामा कोरोना जनामा कोरोना संक्रमण पुष्टि भएको हो ।

आज थपिएका ५५४ सहित नेपालमा संक्रमितको संख्या १२ हजार ३ सय ९ पुगेको छ।

पछिल्लो २४ घण्टामा थप १३६ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या २८३४ पुगेको छ।

कुल संक्रमितमध्ये २७ जनाको मृत्यु भएको छ।