काठमाडौं । शुक्रबार थप २१६ जना कोरोना संक्रमणमुक्त भएका छन्। स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशका विभिन्न अस्पतालबाट संक्रमणमुक्त भएका हुन् ।
संक्रमण मुक्त हुनेमा ९ जना महिला र २ सय ७ जना पुरुष रहेका छन् ।
योसहित नेपालमा हालसम्म १ हजार ४ सय २ जना उपचारपछि निको भएका छन्।
काठमाडौं । नेपालमा पछिल्लो २४ घण्टामा थप ४ सय २६ जनामा कोरोना भाइरसको संक्रमण देखिएको छ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशका विभिन्न प्रयोगशालामा गरिएको परीक्षणका क्रममा थप ४ सय २६ जनामा कोरोना भाइरसको संक्रमण पोजेटिभ देखिएको हो। यो नेपालमा संक्रमितको संख्या ८ हजार २ सय ७४ पुगेको छ ।
पछिल्लो २४ घण्टामा थप २१६ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या १४०२ पुगेको छ।
कुल संक्रमितमध्ये २२ जनाको मृत्यु भएको छ।
न्यूयोर्क
अमेरिकी राष्ट्रपति डोनाल्ट ट्रम्पले आफ्ना पूर्व राष्ट्रिय सुरक्षा सल्लाहकार जोन बोल्टनको किताब प्रकाशन रोक्न माग गर्दै अदालतको ढोका ढक्ढक्याएका छन् । ट्रम्पका तर्फबाट महान्यायाधिवक्ता कार्यालयले वासिंटन डिसी जिल्ला अदालतमा मुद्दा दायर गरेको हो ।
बोल्टनले किताबमा बिना अनुमती गोप्य (क्लासिफाइड) सूचनाहरु राखेको ट्रम्प प्रशासनको आरोप छ । तर, ट्रम्पले सार्वजनिक रुपमा भने बोल्टनले किताबमा झुठो विवरण लेखेको दावी गरेका छन् । आलोचकहरुले भने ‘यदि झुठो विवरण उल्लेख गरेको भए क्लासिफाइड सूचनाको बहाना देखाएर किन प्रकाशनमा अवरोध गर्न खोजेको त’ भनि ट्रम्पलाई प्रतिप्रश्न गरेका छन् । वासिंटन पोष्ट सम्पादकीय बोर्डले ट्रम्पले स्वतन्त्र अभिव्यक्तिको हक माथि हस्तक्षेप गर्न खोजेको आरोप लगाएको छ ।
यस अघि संसदमा ट्रम्प विरुद्ध महाभियोग प्रस्ताव चल्दा बयान दिन अश्विकार गरेका बोल्टनले किताबमा गम्भिर घटनाहरु उजागर गरेका छन् । उनका अनुसार ट्रम्पले दोस्रो कार्यकालका लागि राष्ट्रपतिय चुनावमा सघाउन चीनियाँ समकक्षि सि जिनफिङलाई गुहार मागेका थिए । गत बर्ष जापानको ओसाकामा सम्पन्न जी २० को बैठकमा ट्रम्पले चीनले अमेरिकाबाट कृषिजन्य उत्पादनको आयात बृद्धि गरिदिए आफुलाई निर्वाचित हुन सहयोग पुग्ने भन्दै याचना गरेको बोल्टनको किताबमा उल्लेख छ । दुई राष्ट्रपतिबीचको एक्लाएक्लै भेटमा जिनफिङले कुराकानीको सुरुवात गर्दै ट्रम्प समक्ष अमेरिकामा चीन बिरोधी धारणाबारे गुनासो राखेका थिए । जवाफमा ट्रम्प डेमोक्र्याटहरुले चीन विरोधी धारणा बढाएको भन्दै आफ्ना प्रतिद्वन्दिप्रति क्रुद्ध भएको बोल्टनले उल्लेख गरेका छन् ।
त्यस लगत्तै ट्रम्पले चुनावी कुरा झिकेको र आफुलाई जिताउने आर्थिक सामर्त्य चीनसँग रहेको भन्दै ट्रम्पले भटमास र गहुँको आयात बढाइदिन अनुरोध गरेका थिए । ट्रम्पले जिनफिङसँग बोलेको शब्दनै आफुलाई ज्ञाँत भएपनि सरकारको (किताव) प्रकाशन पुर्वको समिक्षाका कारण त्यसो गर्न नसकेको बोल्टनले उल्लेख गरेका छन् । चीन मात्र नभइ रसिया, युक्रेन, उत्तर कोरिया लगायतका डिलमा ट्रम्पका कमजोरी बोल्टन आफ्नो किताब ‘द रुम ह्वेर इट ह्यापेन्ड’ मा खुलाएका छन् । उनको किताब आउँदो साता प्रकाशनको तयारी थियो । अब अदालतको आदेशले प्रकाशनलाई प्रभाव पार्न सक्नेछ । कानूनी जानकारहरु भने अदालतले किताब प्रशासनमा अवरोध नगर्ने नजिर रहेको बताइ रहेका छन् ।
(तस्वीरः ब्लुमबर्ग डट कम)
काठमाडौं । प्रधानमन्त्री केपी शर्मा ओलीले आगामी फागुनपछि नेपालमा कोरोना भाइरसको संक्रमण नियन्त्रणमा आइसक्ने दावि गरेका छन् । प्रधानमन्त्रीका अनुसार साउनमा नेपालमा कोरोना सबैभन्दा उच्च विन्दुमा पुग्नेछ । त्यसपछि भने यसको ग्राफ ओरालो लाग्न शुरु हुनेछ । दशैं तिहार र छठजस्ता चाडमा हुने भेटघाटले फेरी कोरोना केही बल्झन सक्ने उनले बताए ।
मंसिरमा अलि माथि पुग्ने ग्राफ त्यसपछि भने घट्ने उनको अनुमान रहेको छ । यस पटक चाडबाडले केही समय कोरोना बढाउने उनले उल्लेख गरे । फागुनको महिना सम्भवतः नियन्त्रणको महिना हुने प्रधानमन्त्रीको भनाई छ । यसबीचमा संक्रमितलाई सहज रुपमा आउन दिन नहुने र बाहिरबाट आउनेलाई क्वारेन्टिनमा राख्ने काम भने हुनुपर्ने उनको तर्क छ ।
बिहीबार प्रधानमन्त्री, उपराष्ट्रपति र राष्ट्रपति कार्यालयको विनियोजन बजेटबारे सांसदहरुल उठाएको प्रश्नको जवाफ दिन प्रधानमन्त्री राष्ट्रिय सभामा बोलेका हुन् । प्रधानमन्त्रीले कोरोनाबाट मृत्यु भएका व्यक्तिको संख्याका सम्बन्धमा भने फेरी पनि विवादास्पद अभिव्यक्ति दिएका छन् ।
बुधबारसम्म मृतकको संख्या २० पुगिसकेको थिए । प्रधानमन्त्रीले भने दुई\तीन जना मात्र कोरोनाका कारण मरेको गैरजिम्मेवार अभिव्यक्ति दिए । अन्य कारणले मृत्यु भएपनि कोरोना संक्रमणको पुष्टि भएपछि कोरोनाबाट भएको मृत्युमा राख्नुपर्ने डब्ल्यूएचओको प्रोटोकलका कारण यस्तो भएको उनको तर्क छ ।
२० जना पनि अन्य देशको तुलनामा निकै कम भएको भन्द्यै नेपालको उपचार विधि र प्रतिरोधी क्षमताका कारण मृत्युदर ज्यादै न्यून भएको समेत तर्क दिन भ्याए । सरकारले राम्रो तयारी गरेका कारण संक्रमित नियन्त्रित मै रहेको र भारतबाट संक्रमित आएका कारण नेपालमा स)ख्या बढेको उनको तर्क थियो ।
यति ठूलो संख्यामा आएका मानिसलाई विश्वको कुनै पनि देशले मापदण्डअनुसार क्वारेन्टिन गर्न नसक्ने भन्दै फेरी पनि प्रधानमन्त्री दायित्वबाट उम्कन खोजेका छन् । व्यवस्थित क्वारेन्टिन स्थलहरू बनाउन मात्र पनि एक वर्ष लाग्न सक्ने उनको तर्क छ । भारतबाट थाम्न नसक्ने गरी मानिस आएको उनको भनाई छ ।
प्रधानमन्त्री ओलीले विदेशमा भएका नागरिकको उद्धार समेत भने जस्तो सजिलो नभएको तर्क दिए । यसरी ल्याउनेहरूमा कोरोना संक्रमण छ छैन परीक्षण गर्नुपर्ने भए पनि ओमनबाट ल्याउने क्रममा अलमल बनाइएको भन्दै दुख व्यक्त गरे ।
प्रधानमन्त्रीले कोभिड–१९ रोकथाम र नियन्त्रणमा खर्च भएको १० अर्बको हिसाब खोज्नेसँग फेरी पनि रोष प्रकट गरे । उनले १० अर्ब तल्लो तहमा गएको, क्वारेन्टिन बनेको र उनीहरुलाई खाना खुवाउने काममा खर्च भएको तर्क दिए ।
काठमाडौं । नेपालको नयाँ नक्साले वैधानिकता प्राप्त गरेको छ । लिम्पियाधुरा, लिपुलेक र कालापानी क्षेत्र समेटिएको नेपालको नयाँ राजनीतिक नक्सालाई राष्ट्रपतिले प्रमाणिकरण गरेसँगै नक्साले संवैधानिक मान्यता पाएको हो । निशान छापमा लिम्पियाधुरासहितको नयाँ नक्सा अद्यावधिक गर्न सरकारले संविधान संशोधन विधेयक ल्याएको थियो ।
यो विधेयक प्रतिनिधिसभा र राष्ट्रियसभाबाट पारित भएपछि प्रमाणिकरणका लागि विधेयक राष्ट्रपति समक्ष पुगेको थियो । बिहीबार राष्ट्रपति विद्यादेवी भण्डारीले विधेयकलाई प्रमाणीकरण गरेकी छिन् ।
प्रतिनिधि सभाबाट ३१ जेठमा सर्वसम्मत पारित भएको विधेयकलाई राष्ट्रिय सभाले बिहीबार सर्वसम्मतिले पारित गर्यो । राष्ट्रिय सभाबाट पारित भएपछि फेरी प्रतिनिधिसभा पुगेको विधेयक बिहीबार सभामुख अग्निप्रसाद सापकोटाले राष्ट्रपतिसमक्ष पठाएका हुन् ।
सरकारले जेठ ५ मा लिम्पियाधुरासहितका क्षेत्र समेटेर नेपालको नयाँ राजनीतिक तथा प्रशासनिक नक्सा मन्त्रिपरिषद्बाट पास गरेको हो । जेठ ७ मा नयाँ नक्सा सार्वजनिक गरिएको थियो ।
काठमाडौं । नेपालमा पछिल्लो २४ घण्टामा थप ६ सय ७१ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमको अनुसार देशका विभिन्न प्रयोगशालामा गरिएको परीक्षणमा थप ६ सय ७१ जनामा कोरोना संक्रमण पुष्टि भएको हो ।
आज थपिएका ६७१ सहित नेपालमा संक्रमितको संख्या ७ हजार ८ सय ४८ पुगेको प्रवक्ता डा गौतमले जानकारी दिए।
पछिल्लो २४ घण्टामा थप १९ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या ११८६ पुगेको छ।
कुल संक्रमितमध्ये २२ जनाको मृत्यु भएको छ।
प्रवक्ता डा गौतमका अनुसार हालसम्म देशका ७४ जिल्लामा संक्रमण देखिएको छ।
कोरोना भाईरस महामारी पछि उत्पन्न परिस्थितीका कारण अमेरिकाको पूर्वी तटीय राज्यमा बसोबास गर्ने बालबालिकाहरुमा मार्चदेखि यता शरिरको तौलमा औसत ७ पाउण्ड बृद्धि भएको एक अध्ययनले जनाएको छ । पूर्वी तटीय राज्यहरु मध्ये न्युजर्सी राज्यमा बसोबास गर्ने बालबालिकाहरुको औसत १० दशमलब २० पाउण्ड तौल बढेको छ भने न्युयोर्क र म्यासाच्युसेट्स राज्यमा बसोबास गर्ने बाल बालिकाको तौल औसत १० पाउण्डले बृद्धि भएको अध्ययनले देखाएको डेली मेलले लेखेको छ ।
अमेरिकी बिद्यालयहरुमा हुने बिषयगत कक्षाका नियमित ब्यायामको साथमा पोषण बिशेषज्ञको सल्लाह अनुसार बिद्यालयमा उपलब्ध गराईने खानेकुराले नियन्त्रित बालबालिकाको तौल एक्कासी कोरोना महामारीको लकडाउनका कारण घर मै बसेर खाने अनियन्त्रित खानेकुराको कारण बृद्धि भएको अध्ययनको निस्कर्ष छ ।
अध्ययन गरिएका बालबालिकाका ५ हजार अभिभाबकहरु मध्ये अधिकांशले आफ्ना केटा केटीले घर बस्दा ब्यायाम नगरेको र पटक पटक खाजा (स्न्याक्स) खाने गरेको कारण तौलमा उल्लेख्य बृद्धि भएको बताएका थिए । ५५ प्रतिशत बालबालिकाका अभिभाबकले आफ्नो बच्चाहरु मोटाएकोमा चिन्ता ब्यक्त गरेका थिए ।
मार्च महिनामा कोरोना भाईरसको कारणले गर्दा अमेरिकाका सबै बिद्यालयहरुले विद्यार्थीलाई यो बर्षको लागि घर मै राखेर अध्ययन गराएको थियो । यदि कोरोना भाईरसको महामारी नभएको भए ५ करोड ५१ लाख विद्यार्थीहरु घरमा नभै अधिकाँश समय स्कुलमा हुने थिए । ती सबै विद्यार्थी घर बसे पछि मोटाएका हुन् भने बिशेष गरी अमेरिकाको पूर्वीय राज्यमा बसोवास गर्ने १५ प्रतिशत बाल बच्चा धेरै मोटाएको अध्ययनको निस्कर्ष छ ।
यद्यपी अमेरिकाका करिब १८ दशमलब ५ प्रतिशत बाल बच्चाहरुमा पहिलेदेखि नै मोटोपना भएको सिडिसिले जनाएको छ ।अधिक मोटोपना भएका बच्चाहरुमा युवा अवस्था अगाडि नै उच्च रक्त्तचाप, उच्च क्लोरोस्ट्रोल, दोश्रो प्रकारको डाईबेटिज, दम, निन्द्रा नलाग्ने जस्ता रोगको शिकार हुने गर्दछन् ।
लकडाउन पछि बालबालिकाको वजन बृद्धि राज्य अनुसार यस्तो छ;
न्युजर्सी – १० दशमलब २ पाउण्ड
म्यासाच्युसेट्स – ९ दशमलब ८ पाउण्ड
न्युयोर्क – ९ दशमलब ६ पाउण्ड
फ्लोरिडा – ९ दशमलब १ पाउण्ड
मेरिल्यान्ड – ८ दशमलब २ पाउण्ड
डेलावेर – ७ दशमलब ९ पाउण्ड
नर्थ क्यारोलाइना – ७ दशमलब २ पाउण्ड
जर्जिया – ६ दशमलब ७ पाउण्ड
मेन – ६ पाउण्ड
कनेक्टिकट – ५ दशमलब ५ पाउण्ड
साउथ क्यारोलाइना ४ दशमलब ६ पाउण्ड
भर्जिनिया – ४ पाउण्ड
भर्मोन्ट – ३ दशमलब ३ पाउण्ड
न्यु ह्यम्सायर – २ दशमलब ४ पाउण्ड
रोड आईल्याण्ड – २ दशमलब १ पाउण्ड
समाचार श्रोत : डेली मेल डट को डट युके
अमेरिकाको तीन वटा राज्यमा पहिलो पटक अहिले सम्मकै उच्च संख्यामा कोरोना संक्रमित भेटिएका छन् । एरिजोना, फ्लोरिडा र टेक्सस राज्यले कोरोना संक्रमितको संख्यामा लगातार उकालो लाग्दै अहिलेसम्म कै उच्च संख्यामा पुगेको हो । एरिजोनामा अहिलेसम्मकै उच्च २४ सय जनामा एकै दिन संक्रमण देखिएको छ । त्यहाँ हालसम्म ३९ हजार संक्रमित भएका छन् । टेक्ससमा ९ दिनमा लगातार संक्रमितको संख्या ८ औं पटक मंगलवार पनि उकालो चढ्दै २६ सय २२ नयाँ संक्रमित भेटिएका छन् भने २५ सय १८ जना अस्पताल भर्ना भएका छन् । एकै दिन संक्रमितको यो संख्या टेक्ससमा अहिलेसम्म कै उच्च हो । यध्यपी बढदो कोरोना संक्रमितको संख्यालाई गभर्नर ग्रेग अबोटले ‘चासोको कुरा त हो तर चिन्तित हुनु पर्ने बिषय भने नभएको’ प्रतिकृया दिएका छन् । टेक्ससमा गत मेई १ तारिखदेखि नै उत्साहका साथ अर्थतन्त्र खुला गरिएको थियो । टेक्ससमा बुधाबारसम्म ९३ हजार २ सय ९३ जना संक्रमित र २ हजार ४७ जनाको मृत्यु भै सकेको छ । फ्लोरिडामा संक्रमितको संख्या लगातार १५ दिनदेखि उकालो लागि रहेको छ । फ्लोरिडामा मंगलवार एकै दिन २७ सय ८३ जना नयाँ संक्रमित देखिए । फ्लोरिडामा ८२ हजार ७ सय १९ संक्रमित र ३ हजार १८ जनाको मृत्यु भै सकेको छ ।
अमेरिका भरको संक्रमितको संख्याको ३० प्रतिशत र मृतकको संख्याको ४२ प्रतिशत हिस्सा ओगटेको न्युयोर्क, न्युजर्सी र कनेक्टिकटमा कोरोना संक्रमणमा उल्लेख्य सुधार देखिएको छ । अमेरिकामा २१ लाख संक्रमित र १ लाख १७ हजारको मृत्यु भै सकेको जोन हप्किन्स युनिभर्सिटीले जनाएको छ ।
एजेन्सी
एजेन्सी
अमेरिकाको पेन्सिल्भानिया राज्यस्थित फिलाडेल्फिया सहरमा ठेक्का लिएर मानब हत्या गर्दै हिंडने एक युवकलाई प्रहरीले पक्राऊ गरेको छ । प्रहरीले २५ बर्षीय स्टेभन विलियम्सलाई हजारौं डलर लिएर मानव हत्या गर्दै हिंडेको अभियोग अन्तर्गत पछिल्ला ४ हत्यामा संलग्न भएको आरोपमा गत शुक्रबार पक्राऊ गरेको हो । विलियम्सलाई सन् २०१८ को सेप्टेम्बरदेख यता ८ महिना भित्र भएका ४ वटा हत्या अभियोगमा पक्राऊ गरिएको स्थानीय केवाईडब्लु न्युजले जनाएको छ । केवाईडब्लु न्युजका अनुसार विलियम्सद्वारा ठेक्का लिएर थुप्रै हत्या भएको हुन सक्ने आशंका प्रहरीले गरेको छ । हत्या भएका मानिससँगको सम्बन्धमा पनि प्रहरीले अनुसन्धान गरी रहेको छ ।
फिलाडेल्फिया इन्क्वायररका अनुसार हत्या भएका ती चार ब्यक्तीलाई सुरुमा चिन्दिन भनेका विलियम्सले पछि बयान फेर्दै चिन्छु भनेका छन् । फिलाडेल्फिया डिस्ट्रिक एटर्नी ल्यारी कार्सनरले आरोपी विलियम्सले हजारौं डलर लिदै मानव हत्या गर्दै हिंडेको भेटिएको छ ।
आरोपित विलियम्सलाई अभियोग लगाइएका चार हत्या मध्ये पहिलो हत्या सन् २०१८ को सेप्टेम्बर महिनामा फिलाडेल्फियास्थित विलियन क्राउफोर्डको भएको थियो । क्राउफोर्ड उक्त दिन बिहानै आफ्नी बहिनीलाई भेट्न रन्हर्स्टस्थित घर गएका थिए । उनी गाडीबाट बाहिर निस्कदै गर्दा थुप्रै पटक उनी माथि गोली प्रहार भएको केवाईडब्लु न्युजले जनाएको छ । अर्को हत्या सन् २०१९ को फेब्रुअरी महिनामा ३९ बर्षीय जर्मिन साईमोन्स नामका ब्यक्तीको आफ्नै घर अगाडि पार्क गरेर गाडी भित्रै बसेको अवस्थामा भएको थियो ।
अर्को हत्या सन् २०१९ को मार्च महिनामा माउण्ट एरीस्थित आफ्नै घरको बरन्डामा बसेका ३१ बर्षीय रिचर्ड आईज्याकको भएको थियो । अर्को हत्या सन् २०१९ को मेई महिनामा जिरार्ड एभिन्युमा आफ्नै छोराको गाडी भित्र पर्किङमा बसि रहेका ४६ बर्षीय लिस्ली क्यारोललाई अर्को गाडीमा आएर गोली प्रहार गरी भएको थियो ।
कृष्ण आचार्य / न्युयोर्क
न्युयोर्कमा कोरोना भाईरसको महामारीले जनजीवन प्रभावित भए लगत्तै Nepali lions Network, NY to help COVID -19 lions (clubs of Queens, Buddha, Nepalese & KTM) अन्तर्गत सबै नेपाली लायन्स क्लवहरू संगठित भएर आफ्नो श्रोत साधन क्षमताले भ्याएसम्म कोरोना प्रभावित समुदायको हितको लागि सुचना र विभिन्न आवश्यक सामग्री उपलब्ध गराउँदै आएको छ ।
यसै बीच Lions clubs International District 20 K1 zone 1G अन्तर्गत रहेका Lions Clubs of Queens का नेपाली र अन्य दुई Flushing र Kew Gardens का लायन्सहरूको सकृय सहभागितामा Lions Club International District 20-K1 zone chairmen Yalin Weng को प्रायोजनमा गत जुन १४ तारिखमा नेपाली र अन्य समुदायलाई समेत खाध्यान्न वितरण कार्यक्रम ज्याक्सन हाईट न्युयोर्क कुईन्समा सम्पन्न भएको छ । बिशेष गरेर COVID-19 बाट प्रत्यक्ष वा अप्रत्यक्षरूपमा प्रभावित भएका र सहयोगको अति जरूरी भएका परिवारहरूको पहिचान गरि संकलित नामावली अनुरूप ७५ परिवारलाई खाध्यान्न (चामल, दाल, राजमा, बोडी र चना) वितरण गरिएको छ ।
Nepali Lions Network का कार्यक्रम संयोजक कुईन्स बुद् का अध्यक्ष लायन अर्जुन गौडेलले खाध्यान्न वितरण कार्यक्रमको संयोजन गर्नु भएको थियो । स्पेशलिस्ट क्लव कोओर्डिनेटर लायन मंगलदास श्रेष्ठ, वरिष्ठ लायन कृष्ण आचार्य, लायन वेगम पण्डित, Queens KTM अध्यक्ष लायन रूद्र पून लगायतले लायन्सक्लवहरू जति बढि वनाउन सक्यो समुदायमा सेवा पनि त्यति नै धेरै पुर्याउन सकिने विचार राख्दै Zone chairmen Lion Yalin Weng लाई आर्थिक सहयोगको लागि बिशेष धन्यवाद दिएका थिए । ऊनीहरूले समुदायलाई अप्ठेरो पर्दा जहिले पनि कुईन्समा रहेका तीन वटै नेपाली लायन्स क्लवहरू संगठित भएर समुदायको सेवामा संधै मिलेर कार्य गर्ने प्रतिवद्धतासमेत व्यक्त गरेका थिए ।
Zone chairmen Lion Yalin Weng ले आफूले गरेको यो दान र सहयोगले COVID-19 महामारीवाट पिडित परिवारलाई थोरै भएपनि राहत दिन पाउदा गर्व लागेको बताऊँदै यो कार्यक्रममा स्थानीय क्लवहरूको संयोजकारी भुमिका अति राम्रो भएको र आगामी दिनमा सबै नेपाली लायन्स क्लवहरूलाई प्रेरित गर्दै आवश्यकता अनुसार समुदायको हितमा अरु धेरै कार्यक्रमहरू संचालन गर्दैजाने प्रतिवध्दता पनि व्यक्त गरिन् । कार्यक्रमको अन्तमा खाध्यान्न वितरण कार्यक्रमका संयोजक लायन अर्जुन गौडेलले प्रायोजक Lion Ms. Weng लगायत सबै स्वयंसेवक लायनहरूलाई धन्यवाद दिदै यो कार्यक्रम सम्पन्न गर्न पुर्याउनु भएको योगदान र सामूहिक सहकार्यले आफुलाई सामाजिक सेवा कार्यमा अझ उत्साह थपेको बताए।
राहतको लागि अत्यावश्यक परिवारहरूको पहिचान गरिएका वास्तविक नाम अनुसार खाध्यान्न वितरणमा सहजीकरण गर्न स्वयंसेवी लायनहरू खिम भट्टराई, रूपा शाह, बुद्ध पौडेल, रिमाया नेपाली, खडग ब. पुलामीमगर (विक्की), चन्द्र नेपाली, शिवजी खड्का, शिव के.सी, राजा राहत खान, रविना बानिया, अशोक कार्की लगायत अन्य स्वयंसेवकहरू खटिनुभएको थियो ।
काठमाडौं । नेपालमा कोरोना संक्रमणका कारण थप एक जनाको मृत्यु भएको छ। स्वास्थ्य तथा जनसंख्या मन्त्रालय प्रवक्ता डा। जागेश्वर गौतमका अुनसार बाँकेको नेपालगन्ज मेडिकल कलेजमा उपचारको क्रममा मृत्यु मृत्यु भएकी महिलामा कोरोना संक्रमण पुष्टि भएको हो ।
बैजनाथ गाउँपालिका ६ की ४६ वर्षीया महिलाको नेपालगन्ज मेडिकल कलेज तथा शिक्षण अस्पताल कोहलपुरको आईसीयुमा सोमबार साँझ साढे ६ बजेतिर मृत्यु भएको थियो । ती महिलाको मंगलबार साँझ कोरोना रिपोर्ट पोजेटिभ आएको मन्त्रालयले जनाएको छ ।
निमोनिया रोगले ग्रस्त ती महिला जेठ ३० गते अस्पतालमा भर्ना भएकी थिइन्। यसअघि बाँके जिल्लामा ४ जेठमा नरैनापुर गाउपालिका ५ का २५ वर्ष युवाको कोरोनाबाट मृत्यु भएको थियो।
हालसम्म कोरोना संक्रमणले सिन्धुपाल्चोक, बारा, ललितपुर, अर्घाखाँची, दैलेख, बाजुरा, दोलखा, पाल्पा, सुर्खेत, कैलाली, डोल्पा, स्याङ्जा, चितवन, अर्घाखाँची, विरगञ्ज र पर्सामा एक एक जनाको मृत्यु भएको छ। गुल्मीमा कोरोनाबाट दुई जनाको मृत्यु भएको छ।
काठमाडौं । पछिल्लो २४ घण्टामा कोरोना संक्रमितको संख्या हालसम्मकै उच्च दरले वृद्धि भएको छ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमको अनुसार देशका विभिन्न प्रयोगशालामा गरिएको परीक्षणमा थप ५ सय ८६ जनामा कोरोना संक्रमण पुष्टि भएको हो ।
यीसहित कुल संक्रमित ७ हजार १७७ पुगेका छन्।
स्वास्थ्य तथा जनसंख्या मन्त्रालयका प्रवक्ता जागेश्वर गौतमले पछिल्लो २४ घण्टामा संक्रमित थपिएको जानकारी दिए।
पछिल्लो २४ घण्टामा ९ जना पुरुष कोरोनामुक्त भएका छन्।
उनका अनुसार हालसम्म १ हजार १ सय ६७ जना कोरोनामुक्त भई विभिन्न अस्पतालबाट डिस्चार्ज भएका छन्। जसमा महिला १ सय १२ र पुरुष १ हजार ५५ छन्।
काठमाडौं । संसारभर कोरोना संक्रमितको संख्या झण्डै एक करोड पुगेको छ । मंगलबार रातीसम्मको तथ्यांक नुसार कोरोनाबाट विश्वभर सङ्क्रमित हुनेको संख्या ८२ लाख ५० हजार नाघेको हो । ८२ लाख ५६ हजार २ सय ५७ जना मानिसमा सङ्क्रमण पुष्टी भइसकेको वर्ल्डओमिटरको तथ्यांकमा उल्लेख छ । उनीहरुमध्ये आधा मानिसले कोरोनालाई जितिसकेका छन् । अर्थातः ४३ लाख ६ हजार ८९ जना निको भएर घर फर्किसकेका छन् ।
कोरोनाबाट ज्यान गुमाउनेको संख्या भने ४ लाख ४५ हजार ९ सय ३७ रहेको छ । पछिल्लो समय भारतमा कोरोन संक्रमणले तिब्र रुप लिएको छ । भारतमा ३ लाख ५४ हजार संक्रमित पुगेका छन् । यहाँ ११ हजार ९ सय भन्दा धेरैले ज्यान गुमाएका छन् । १ लाख ८७ हजार ५ सय ५२ जना निको भएको तथ्यांक छ ।
विश्वमा सबैभन्दा धेरै सङ्क्रमित भएको देश अमेरिका हो । यहाँ २२ लाख ८ हजार ४ सय संक्रमित छन् । ब्राजिलमा ९ लाख २८ हजार ८ सय ३४ रहेका छन् । ५ लाख ४५ हजार ४ सय ५८ सहित रुस तेस्रो स्थानमा छन् ।
विश्वभर ३५ लाख ४ हजार २ सय ३१ जनाको उपचार भइरहेको तथ्यांक छ । ५४ हजार ५ सय ९३ सङ्क्रमित भने अवस्थामा छन् । नेपालमा संक्रमित ६५ सय भन्दा माथि पुगेको छ । २० जनाको ज्यान गइसकेको छ ।
काठमाडौं । नेपालमा भित्रने विदेशी बुहारीले ७ वर्षपछि मात्र नागरिकता पाउने गरी कानून प्रस्ताव गरिएको छ । प्रतिनिधि सभा, राज्य व्यवस्था तथा सुशासन समितिले यस्तो प्रस्ताव गरी कानूनको मस्यौदामा छलफल अगाडी बढाएको छ । नेपाली नागरिकसँग विवाह गर्ने विदेशी महिलालाई ७ वर्षपछि मात्र अंगीकृत नागरिकता दिने प्रस्ताव समितिको रहेको छ ।
नागरिकता नपाएसम्म भने आर्थिक, सामाजिक र सांस्कृतिक अधिकार उपभोग गर्न पाउने गरी स्थायी आवासीय अनुमति पत्र प्रदान गर्न सकिने गरी प्रस्ताव भएको हो । विदेशी बुहारीका विषयमा के गर्ने भन्ने सम्बन्धमा समितिमा सहमति भने जुटिसकेको छैन । नागरिकतासम्बन्धी विधेयक अहिले पनि समितिमा विचाराधीन अवस्थामा रहेको छ ।
संसदको यसै अधिवेशनमा विधेयक अगाडी बढाउने तयारीमा समिति छ । सोहीकारण समिति सभापति शशि श्रेष्ठले विधेयकलाई अगाडी बढाएकी छिन् । समितिले गरेको प्रस्ताव अनुसार ७ वर्ष स्थायी रुपमा नेपालमा बसेको वडाको सिफारिस र अन्य मुलुकको नागरिकता वा राष्ट्रियता खुलेको कुनै प्रमाणपत्र लिएको भए त्याग गर्ने प्रक्रिया चलाएको वा नलिएको भए त्यसको प्रमाण पेश गरेपछि वैवाहिक अंगीकृत नागरिकताको बाटो खुल्ने उल्लेख गरिएको छ ।
वैवाहिक नागरिकता पाउनुअघिको अवधिका लागि आर्थिक, सामाजिक र सांस्कृतिक अधिकार उपभोग गर्न पाउने गरी स्थानीय आवासीय अनुमति दिने समितिको प्रस्ताव छ ।
अहिलेको प्रावधान अनुसार नेपाली नागरिकसँग विवाह गरेको विदेशी महिलाले सिधै अंगीकृत नागरिकता लिन पाउने प्रावधान रहेको छ । पछिल्लो समय सरिता गिरिको प्रकरणले समितिका सदस्यहरु झस्किएको देखिएको छ । समितिको प्रस्तावमा सत्तारुढ नेकपा कम्युनिस्ट पार्टी (नेकपा)का सांसदहरुको सहमति रहेको छ । प्रमुख विपक्षी दल कांग्रेसले भने निर्णय दिइसकेको छैन ।
कांग्रेसका सांसदले विदेशी बुहारीलाई ७ वर्षसम्म नेपाली नागरिकता नदिने प्रस्ताव ठिक भएपनि अंगीकृत नागरिकता नपाउँदासम्म राजनीतिक र प्रशासनिक बाहेक अन्य अधिकार भने प्रयोग गर्न पाउने गरी नागरिकता दिन सकिने राय व्यक्त गरेका छन् ।
भारत र चीन बीचको सिमा बिबादका क्रममा झडप हुँदा २० जना भारतीय सैनिकको मंगलवार मृत्यु भएको छ । भारतीय सैनिक मुख्यालयलाई हवाला दिदै रेउटर्स र एसोसिएट्स प्रेसले समाचार सम्प्रेसण गरेको छ । दक्षिण एसियाका दुई आणबिक शक्ती राष्ट्र बीचको सिमा बिबादका कारण ५३ बर्ष पछिको यो मानबीय क्षति हो ।
यस अगाडि ३ जना भारतीय सेनाको झडपमा मृत्यु भएको र १७ जना थप सैनिक गम्भिर घाईते भएको भारतीय सेनाले बताएको समाचार एजेन्सीहरुले जनाएका छन् । संसारकै दुई चर्चित राष्ट्रहरु त्यस क्षेत्रको हिमाली भाग सहितको २ हजार १ सय ७५ माईल्स लामो सिमाको लगातार बिबादमा छन् । सिमा बिबादका क्रममा सामान्य झडप हुने ढुंगा प्रहार गर्ने गरे पनि सन् १९७५ देखि यता दुई देश बीचको सिमाका कारण गोली प्रहार भने भएको थिएन ।
घटना लद्दाक क्षेत्रको गल्वान भ्यालीमा भएको हो ।
एजेन्सी
न्युयोर्क
लाखौं संक्रमित बनाएर हजारौंको ज्यान लिने कोरोना संक्रमणको बिरुद्ध दिनहुँ नयाँ नयाँ शुभकामना समाचार आउन थालेका छन् । यस्तै समाचार बीच अब कोरोना संक्रमण कै कारण ज्यान गुमाउनु पर्ने अवस्थामा पुगेका बिरामीलाई बचाउने औषधी पत्ता लागेको छ । सस्तो मुल्य र सर्वसुलभ ‘डेक्जामेथाजोन’ ले कोरोना संक्रमणबाट झण्डै मृत्यु सैय्यामा पुग्न लागेका बिरामीलाई बचाउने नयाँ तथ्य पत्ता लागेको छ । बेलायतस्थित बिज्ञहरुका अनुसार ‘डेक्जामेथाजोन’ को थोरै प्रयोगले पनि यो खतरनाक भाईरसबाट बच्न्न सकिने कुरा बिबिसि न्युजले लेखेको छ । बिबिसि न्युजका अनुसार महामारी सुरु भएयता यो औषधीको प्रयोगले बेलायतमा भेण्टिलेटरमा पुगेका करिब ५ हजार बिरामीको ज्यान बचाई सकेको छ । अक्स्फोर्ड युनिभर्सिटीका अनुसन्धानकर्ताले करिब २ हजार बिरामीमा यो औषधीको प्रयोग गरेका थिए र उनिहरुले ‘डेक्जामेथाजोन’ डोज नपाएका अन्य ४ हजार बिरामीसँग तुलना गरेका थिए । अनुसन्धानकर्ताका अनुसार यो औषधीले भेण्टिलेटरमा पुगेका करिब ४० प्रतिशत बिरामी र अक्सिजन लेभल कम भएका करिब २५ प्रतिशत बिरामीलाई बचाउने उनिहरुको दाबी छ । मुख्य अनुसन्धानकर्ता पिटर हर्बीले औषधीको बारेमा भनेका छन्; “कोरोना संक्रमणको महामारी पछि विश्वभर अनुसन्धानको रुपमा प्रयोग गरिएका औषधी मध्ये मृत्युदर घटाऊने यो औषधी नै मुख्य साबित भएको छ” ।
डेक्जामेथाजोन सन् १९६० देखि आर्थ्राईटिज र आज्मा जस्ता रोगहरुको उपचारमा प्रयोग गरिदै आएको औषधी हो ।
काठमाडौं । नेपालमा पछिल्लो २४ घण्टामा थप ३ सय ८० जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमको अनुसार देशका विभिन्न प्रयोगशालामा गरिएको परीक्षणमा थप ३ सय ८० जनामा कोरोना संक्रमण पुष्टि भएको हो । यो सहित संक्रमितको संख्या ६ हजार ५ सय ९१ जना पुगेको छ ।
पछिल्लो २४ घण्टामा मंगलबार ११७ जना डिस्चार्ज भएका छन् । जसमध्ये ८ जना महिला १०९ जना पुरुष रहेका छन् । नेपालमा सोमबारसम्म १९ जनाको भने कोरोना संक्रमणका कारण मृत्यु भएको मन्त्रालयले जानकारी दिएको छ।
काठमाडौं । भारत र चीनको बीच चर्किएको सीमा विवाद झडपमा रुपान्तरण भएको छ ।
बीबीसी हिन्दीका अनुसार सोमवार राति दुईदेशको सेनाबीच भिडन्त हुँदा एक वरिष्ठ सैन्य अधिकारी र दुई सैनिकको मृत्यु भएको पुष्टि गरेको छ।
भारत र चीनबीच सीमामा लामो समयदेखि तनाव हुँदै आएको छ। यो क्षेत्रमा ५३ वर्षपछि गोली चलेको छ ।
भारत र चीनबीच यो क्षेत्रमा ५३ वर्षअघि सन् १९६७ मा गोली चलेको थियो । त्यसयता विवादहरु भइरहे पनि फायरिङ भने भएको थिएन ।
यसअघि १९६७ को सेप्टेम्बर ११ मा सिक्किमको नाथू(लामा भारत र चीनबीच हिंसात्मक झडप भएको थियो । यसपछि १५ सेप्टेम्बर १९६७ मा पनि झडप भएको थियो ।
त्यही वर्षको अक्टोबरदेखि विवाद समाधान भएको थियो । त्यतिबेला चीनका ३२ जना र भारतीय ६५ सैनिक मारिएका थिए । त्यस्तै चो ला झडपमा पनि भारतका ३६ जवानहरु मारिएका थिए ।
चीनले आफ्नो ३८,००० वर्ग किलोमिटर क्षेत्र ओगटेको भारतको आरोप छ।
सीमाबारे दुई पक्षले तीन दशकमा पटकपटक वार्ता गरेका भए पनि कुनै समाधान फेला पारेका छैनन्।
गत मे महिनामा दुई देशका सेनाबीच सिक्किमको सीमामा हात हालाहाल भएको थियो।
काठमाडौं । पछिल्लो २४ घण्टामा सोमबार ६७ जना कोरोना संक्रमित डिस्चार्ज भएका छन् । देशको विभिन्न अस्पतालबाट डिस्चार्ज भएका मध्ये ७ जना महिला ६० जना पुरुष रहेका छन् ।
यो सहित डिस्चार्ज हुनेको संख्या १ हजार ४१ पुगेको छ। जसमध्ये पुरुष ९ सय ३७ र महिला १ सय ७ जना छन्।
काठमाडौं। नेपालमा पछिल्लो २४ घण्टामा ४ सय ५१ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमको अनुसार देशका विभिन्न प्रयोगशालामा गरिएको परीक्षणमा थप ४ सय ५१ जनामा कोरोना संक्रमण पुष्टि भएको हो । यो सँगै संक्रमितको संख्या ६ हजार २ सय ११ पुगेको छ ।
पछिल्लो २४ घण्टामा सोमबार ६७ जना डिस्चार्ज भएका छन् । जसमध्ये ७ जना महिला ६० जना पुरुष रहेका छन् । यो सहित डिस्चार्ज हुनेको संख्या १ हजार ४१ पुगेको छ। जसमध्ये पुरुष ९ सय ३७ र महिला १ सय ७ जना छन्।
पर्वत । पर्वतको कुश्मा नगरपालिका–३, दुर्लुङमा गएको पहिलोमा परेका १० जनामध्ये ९ जनाको शव फेला परेको छ । एक जना अझै बेपत्ता रहेका छन् जिल्ला प्रहरी कार्यालय, पर्वतले उपलब्ध गराएको विवरण अनुसार ५८ वर्षीय तुलबहादुर थापा, ५२ वर्षीय मिनकुमारी थापा, विविशा थापा, बाग्लुङ जैमुनी–९ घर भइ माइती आएकी ३० वर्षीय डिरपा थापा, १७ वर्षीय विवेक थापा, १४ वर्षीय सम्राट थापा, कुश्मा–३ का २६ वर्षीय कमला विक, प्रमिश विक र ७ वर्षीया प्रमिशा विकको ज्यान गएको छ ।
१३ वर्षीय जेनिश विक बेपत्ता रहेका छन् । उनको खोजी कार्य जारी रहेको छ । नेपाली सेना, नेपाल प्रहरी र सशस्त्र प्रहरी तथा स्थानीय दुई दिनदेखि लगातार उद्दारमा जुटेका छन् । शनिबार राती अबिरल वर्षापछि घरमाथिको जंगलबाट खसेको पहिरोले दुई घर बगाएको थियो । जसमा १० जनाको परिवार नै परेका थिए । उनीहरु दुई परिवार रहेको प्रहरीले जनाएको छ ।
रुकुम । ६ जनाको ज्यान जाने गरी रुकुम पश्चिमको चौरजहारी नगरपालिका ८ को सोतीमा भएको घटना नियोजित हत्या भएको निष्कर्षमा प्रहरी पुगेको छ । गाउँबाट भाग्दै गरेका युवालाई बाटो छेकेर नियोजित तरिकाले आक्रमण गरिएको र आक्रमणका क्रममा उनीहरुको ज्यान गएको प्रहरीको अनुसन्धानले देखाएको छ ।
जेठ १० मा रुकुम पश्चिमको चौरजहारी नगरपालिका ८ को सोतीमा जाजरकोटबाट गएका १८ जना युवाको टोलीमाथि गाउँलेले आक्रमण गरेका थिए । ती युवा गाउँकी मल्ल थरकी एक युवतीलाई भगाउन गएका थिए । घटनामा संलग्न भएको आरोपले प्रहरीले आइतबार ३४ जनाविरुद्ध जिल्ला अदालत रुकुम पश्चिममा मुद्दा दायर गरेको छ ।
मुद्दा दर्ता गरिएकामध्ये दुई जना बालबालिका हुन् । एक जना भने मतियारका रुपमा दर्ता भएको छ । ३१ जनाविरुद्ध ज्यान मार्ने उद्योग, कर्तव्य ज्यान र जातीय विभेद तथा छुवाछुत कसुरमा मुद्दा दर्ता गरिएको प्रहरीले जानकारी दिएको छ । जिल्ला अदालत रुकुम पश्चिमका श्रेस्तेदार कृतबहादुर बोहराले आइतबार मुद्दा दर्ता भएको जानकारी दिएका छन् । सोमबारबाट थुनछेक बहस सुरु हुने भएको छ ।
मुद्दा लागेकामध्ये पाँच जना फरार छन् । अरु सबैलाई प्रहरीले पक्राउ गरिसकेको छ । जाजरकोट भेरी नगरपालिकाका नवराज विककी प्रेमिकालाई भगाउन १८ जनाको टोली रुकुम गएको थियो । उनकी प्रेमिका र उनीबीच शुरुमा राम्रो सम्बन्ध भएपनि पछिल्लो समय सम्बन्ध बिग्रिएको र धेरै जना युवा जाँदा भगाउन सकिने उद्देश्यले नवराजले युवाहरुलाई रुकुम लगेको पाइएको छ ।
तर, सो क्रममा जातीय विषय समेत उठेपछि विवाद भएका कारण प्रहरीले जातीय विभेदको कसुरमा समेत मुद्दा दर्ता गरेको छ ।
यो घटनामा नवराजसहित गणेश बुढा मगर, सञ्जु विक, लोकेन्द्र सुनार, गोविन्द शाही र रुकुम पश्चिम चौरजहारी नगरपालिकाका टीकाराम नेपालीको ज्यान गएको छ । उनीहरुको शव भेरी नदीमा भेटिएको हो । प्रहरीका अनुसार गाउँलले लखेट्दै ढुंगा प्रहार गर्दा युवाको ज्यान गएको पाइएको छ ।
काठमाडौं । नेपालमा पछिल्लो २४ घण्टामा थप ६१ जना कोरोना संक्रमणमुक्त भएका छन्। स्वास्थ्य तथा जनसंख्या मन्त्रालयको अनुसार उनीहरू देशका विभिन्न स्थानका अस्पतालबाट संक्रमणमुक्त भएका हुन् ।
संक्रमण मुक्त हुनेमा ५५ जना पुरुष र ६ जना महिला रहेका छन् । नारायणी अस्पतालमा उपचाररत १२ जना ,पाटन अस्पतालमा उपचाररत १ जना, बिपी कोइराला स्वास्थ्य विज्ञान प्रतिष्ठानबाट ३, रौतहटको गौरमा उपचाररत ९ जना समेत संक्रमणमुक्त भएका छन्।
यस्तै डडेल्धुरामा उपचाररत ५ जना, दार्चुलाबाट १ जना, डोटीबाट १ जना, सेती प्रादेशिक अस्तपालबाट ६ जना, सहपूर्वा बाँकेबाट १६ जना र दाङमा उपचाररत ६ जना संक्रमण मुक्त भएर घर फर्किएका हुन् ।
यो सहित डिस्चार्ज हुनेको संख्या ९७४ पुगेको छ। जसमध्ये पुरुष ८७७ र महिला ९७ जना छन्।
काठमाडौं । सरकारले निजी प्रयोगशालाहरुलाई पनि कोरोना संक्रमण परीक्षण गर्न दिने भएको छ ।
पछिल्लो समय सरकारी प्रयोगशालाहरूले परीक्षण धान्न नसकेपछि सरकारले निजी प्रयोगशालाहरूलाई समेत परीक्षण गर्ने अनुमति दिएको हो।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले अनुसार पीसीआर टेस्टका लागि संकलन भएका नमुना आवश्यक प्रक्रिया पूरा गरी निजी प्रयोगशालालाई पनि जाँच्न दिइनेछ ।
यसरी जाँच गर्दा लाग्ने खर्च सरकारले व्यहोर्नेछ । राष्ट्रिय जनस्वास्थ्य प्रयोगशालामा ९ वटा निजी प्रयोगशालाहरूले परीक्षणको लागि आवदेन दिएका थिए। तर कुन-कुन निजी प्रयोगशालालाई परीक्षण अनुमति दिने कुरा टुंगो लागेको छैन।
काठमाडौं । नेपालमा पछिल्लो २४ घण्टामा ४ सय २५ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमको अनुसार देशका विभिन्न प्रयोगशालामा गरिएको परीक्षणमा ४ सय २५ जनामा कोरोना संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार कुल संक्रमितको संख्या ५७६० पुगेको छ । आइतबार ६१ जना डिस्चार्ज भएका छन् । यो सहित डिस्चार्ज हुनेको संख्या ९७४ पुगेको छ। जसमध्ये पुरुष ८७७ र महिला ९७ जना छन्।
काठमाडौं । सरकारले काठमाडौं उपत्यका प्रवेशका लागि झन् कडाइ गरेको छ । आइतवार सूचना जारी गर्दै जिल्ला प्रशासन कार्यालय काठमाडौँले पासहरू बन्द गर्दै नयाँ व्यस्था गरेको हो ।
नयाँ व्यवस्था अनुसार काठमाडौं बाहिरबाट उपत्यका प्रवेश गर्न चाहनेले अब पास लिन सम्बन्धित स्थानीय तहको स्वीकृति लिनुपर्नेछ।
जेठ २८ गतेको निर्णयले जोरबिजोर प्रणालीमा निजी सवारी सञ्चालन गर्ने निर्णय गरेपछि पास बन्द गरिएको जिल्ला प्रशासन कार्यालयले जारी गरेको विज्ञप्तिमा उल्लेख गरिएको छ।
‘काठमाडौं जिल्लाको जुन नगरपालिकामा बसोबास रहेको छ सोही नगरपालिकाले प्रवेशको लागि दिएको अनुमतिसहित यात्रा सुरू गर्ने जिल्ला प्रशासन कार्यालयमा निवेदन दिनु हुन,’ प्रशासकीय अधिकृत मानबहादुर बुढाले आइतबार निकालेको सूचनामा उल्लेख छ।
त्यसपछि जिल्ला प्रशासन कार्यालयले कोरोना सङ्क्रमणको जोखिम निर्धारण, फर्किनुको औचित्य आदिको विश्लेषण गरेर पास उपलब्ध गराउने जानकारी गराएको छ।
काठमाडौँबाट बाहिर जानको लागि भने व्यक्तिगत र संस्थागत आवश्यकता देखाएर कागजपत्र पेश गर्न अनुरोध गरेको छ।
काठमाडौं । चर्चित बलिउड अभिनेता सुशान्तसिंह राजपुतले आत्महत्या गरेका छन् । मुम्बईस्थित आफ्नै घरमा उनी झुण्डिएको अवस्थामा फेला परेको भारतीय सञ्चारमाध्यमले जनाएका छन्।
बालाजी टेलिफिल्मसका टेलिचलचित्रहरूबाट लोकप्रियता हासिल गरेका राजपुत ३४ वर्षका थिए ।
उनी लामो समयदेखि डिप्रेसनको औषधि सेवन गरिरहेको भारतीय सञ्चारमाध्यमहरूले जनाएका छन् । उनले एमएस धोनी, काइपे चे, केदारनाथलगायतका सिनेमाहरूमा अभिनय गरेका थिए ।
पर्वत । पर्वतमा गतरातीको भीषण पहिरोमा परी अहिलेसम्म ५ जनाको मृत्यु भएको छ । ४ जना अझै बेपत्ता रहेको प्रहरीले जनाएको छ । पर्वतको कुश्मा नगरपालिका–३ मा गएराति गएको पहिरोमा परेर मृत्यु हुनेको संख्या ५ पुगेको हो । आइतबार बिहान पहिरोबाट दुई जनाको शव निकालिएको छ ।
जिल्ला प्रहरी कार्यालय, पर्वतका अनुसार शनिबार राती नै तुलबहादुर थापा, मिनकुमारी थापा र विविशा थापाको शव भेटिएको थियो । घटनामा अझै चार जना बेपत्ता रहेको बताएको छ । अबिरल वर्षा पछि पहिरो गएको हो । अहिले पनि उद्घारको काम जारी रहेको छ ।
न्युयोर्क
अमेरिकाको आगामी निर्वाचनको लागि डेमोक्र्याटिक पार्टीबाट सम्भाबित राष्ट्रपतीय उम्मेद्वार जो बाईडेन आफ्नो उपराष्ट्रपति छनौटको दोश्रो चरणमा प्रवेश गरेका छन् । बाईडेन ह्वाईट हाऊस दौडको लागि आफ्नो सहयात्री छनौटको दोश्रो चरणमा प्रवेश गरेको र यस अगाडिका सम्भाबितहरुको फराकिलो घेरा साँघुरो बनेको अमेरिकी मुलधारका संचार माध्यमले शुक्रबार जनाएका छन् ।
समाचार श्रोतका अनुसार बाईडेनले उपराष्ट्रपति पदका लागि अन्तिम ६ जनाको सुची दोस्रो चरणमा टुङो लगाएका छन् । बाईडेनको पछिल्लो रोजाईमा म्यासाच्युसेट्सकी सिनेटर एलिजाबेथ वारेन, क्यालिफोर्निया राज्यकी सेनेटर कमला ह्यारिस, पूर्व राष्ट्रपति बाराक ओबामाका राष्ट्रिय सुरक्षा सल्लाहकार सुजन राईस परेका छन् । बाईडेनले गत मार्चमा नै आफुले आफ्नो उपराष्ट्रपति महिलालाई बनाउने घोषणा गरेका थिए । फ्लोरिडाकी सांसद भल डेमिङ, एट्लान्टाकी मेयर केश ल्यान्स बटम्स, न्यु मेक्सिकोकी गभर्नर मिसेल लुजम ग्रिसम पनि बाईडेनको पछिल्लो सुचीमा अटाएका छन् ।
महिलालाई आफ्नो उपराष्ट्रपति बनाउने घोषणा गरी सकेका पूर्व उपराष्ट्रपति बाईडेन माथि जर्ज फ्लोएड मृत्यु प्रकरण पछि उनलाई अश्वेत महिललाई उपराष्ट्रपति छनोट गर्नु पर्ने दबाब बढ्न थालेको समाचार श्रोतहरुले बताएका छन् । बाईडेन अश्वेत मतदाता बीच लोकप्रिय मानिदै आएका छन् । उनले छनोट गरेका पछिल्लो ६ जनाको सुचीमा म्यासाच्युसेट्सकी सेनेटर वारेन र न्यु मेक्सिको गभर्नर ग्रिसम बाहेकका ४ जना अश्वेत जातीका हुन् ।
न्युयोर्क
राष्ट्रपति डोनाल्ड ट्रम्पले नोभेम्बरमा पुन: निर्वाचित हुन नसके शान्तिपूर्णरुपमा ह्वाइट हाऊस छोड्ने बताएका छन् । शुक्रबार फक्स न्युज टेलिभिजनसँगको अन्तर्वार्तामा उनको सम्भावित प्रतिद्वन्दी जो बाईडेनले ब्यक्त गरेको बिचार माथि खनिंदै उक्त प्रतिकृया दिएका हुन् । पूर्व उपराष्ट्रपति तथा डेमोक्र्याटिक दलबाट राष्ट्रपतिका सम्भावित उम्मेद्वार जो बाईडेनले नोभेम्बरको निर्वाचनमा पराजित भएमा पनि राष्ट्रपति ट्रम्पले सजिलै व्हाईट हाऊस नछोड्ने हुँदा सेनाले बल प्रयोग गरेर निकाल्नु पर्ने शंका यस अगाडि ब्यक्त गरेका थिए । ट्रम्पले बाईडेनको त्यही शंका माथि कार्यक्रम प्रस्तोता ह्यारिस फल्कनरको प्रश्नमा प्रतिकृया दिंदै ह्वाईट हाऊसस्थित ओभल अफिस शान्तिपूर्णरुपमा छोड्ने बताउँदै उनले त्यही प्रसँगमा जोडे; “तर हाम्रो देशको लागि धेरै ठुलो दु:खको कुरा हुने छ” । टेलिभिजन अन्तर्वार्ताका क्रममा ट्रम्पले बाईडेनलाई साँचुअरी सिटी (आरक्षित सहर) मा भूमिगत रुपमा लुकिरहेको आरोप लगाउँदै भनें; “ऊ आफु बाहिर आउन सक्दैन लुकेर बस्छ” ।
पूर्व उपराष्ट्रपति बाईडेन जारी कोरोना महामारीका कारण लागू भएको भ्रमण प्रतिबन्ध र राज्य बन्दका कारण आफ्नै निवासको बेसमेन्टबाट आगामी राष्ट्रपति निर्वाचनको प्रचार प्रसार गर्दै आएका छन् । राष्ट्रपति ट्रम्पले भने आगामी जुन २० तारिखदेखि ओक्लोहामा राज्यबाट आफ्नो चुनावी सभा सुरु गर्ने घोषणा गरी सकेका छँन् ।