Category: समाचार

काठमाडौं । अब काठमाडौं उपत्यकामा लकडाउन कडा पारिने भएको छ ।काठमाडौंमा औसधि पसलबाहेक अन्य पसल खोल्न नपाउने गरि प्रहरीले कडाइ थालेको छ ।बिहीवार गृह मन्त्रालयमा सुरक्षा सम्यन्त्रको बैठक बसेको थियो ।बैठकले अब काठमाडौंमा भने लकडाउनको कार्यान्वयन कडा पार्ने निर्णय गरेको हो ।

काठमाडौंमा मङ्गलबार र बुधबार तिन जना तथा भक्तपुरमा २ जनामा कोरोना देखिएको थियो ।त्यसपछि यहाँ लकडाउन कडा पार्नु पर्ने निस्कर्समा सरकार पुगेको हो ।काठमाडौंमा अहिले कतिपय स्थानमा जाम नै हुने गरेको छ ।अहिले काठमाडौंमा कोरोना जाचलाइ कडा पारिएको छ ।

काठमाडौं । बुधबार प्रधानमन्त्री केपी शर्मा ओलीले लिपुलेक विवादबारे सर्वदलीय बैठक आह्वान गरेका छन् ।

साँझ बसेको बैठकले भारतले नेपालको भूमि अतिक्रमण गरी सडक बनाएको निष्कर्ष निकालिएको छ ।

नेताहरुका अनुसार भारतले नेपालको भूमि मिचेकोमा दुई मत नरहेको निष्कर्षमा सर्वदलीय बैठक पुगेको छ ।

बैठक बुधबार साँझ बालुवाटारमा बसेको थियो । लिपुलेक क्षेत्रमा भारतले नेपाली भूमिमा सडक निर्माण गरेको ठहरसहित त्यहाँबाट उसलाई फिर्ता पठाउन सरकारले सबै किसिमका पहल गर्नुपर्ने ठहर सर्वदलीय बैठकले गरेको हो ।

बैठकले लिम्पियाधुरास्थित काली नदीको मूहानयताको भूभाग नेपालकै भएको निचोडसहित बैठकले सरकारलाई दह्रोसँग खुट्टा टेक्न आग्रह गरेको छ ।

लिपुलेकमा भारतले एकतर्फी रुपमा सडक निर्माण गरेको छ । त्यो सडक नेपालकै भूमिमा रहेको ठहर बैठकले गरेको हो ।

नेताहरुले सरकारलाई बलियोसँग कूटनीतिक पहलका लागि आग्रह गरेका छन् ।

राप्रपाका एकजना अध्यक्ष प्रकाशचन्द्र लोहनीका अनुसार लिम्पियाधुरायताको भूभाग नेपालको भएको भन्दै प्रधानमन्त्रीलाई जनताको विश्‍वाससहित अघि बढ्न सुझाव दिइएको जानकारी दिए ।

अहिले भइरहेका पहल र प्रयत्न पर्याप्त नरहेको नेताहरुको भनाई थियो । परराष्ट्रमन्त्री प्रदीप ज्ञवालीका अनुसार प्रधानमन्त्रीले आफ्नो भूमि कुनै हालतमा नछाड्ने अडान बैठकमा राखेका थिए ।

बैठकमा प्रधानमन्त्रीले भारतले अहिलेसम्म वार्ता गर्न नचाहेको जानकारी गराएका थिए ।

तर, भारतले वार्ता नगरी सुख नपाउने उनले बताएका थिए । बैठकमा प्रधानमन्त्री ओलीले पुर्खाले लडेर बचाएको नेपाललाई अब अडेर बचाउनु पर्ने उनले बताए ।

काठमाडौं । भारतले अतिक्रमण गरेको दार्चुलाको पिलुलेक नजिकै छाङरुमा बोर्डर आउट पोष्ट (बीओपी) स्थापना भएको छ ।

लिपुलेक नजिकै करीव १० किलोमिटर वर छाङरुमा सशस्त्र प्रहरीको बोर्डर आउट पोष्ट खोलिएको छ ।

बुधबार गृह मन्त्रालयको टोली नेपाली सेनाको हेलिकोप्टरबाट दार्चुला सदरमुकाम गएको थियो ।

सदरमुकामबाट सोही हेलिकोप्टरमा थप सुरक्षाकर्मी लिएर भारतले भूमि अतिक्रमण गरी सडक बनाएको क्षेत्रदेखि नजिकै गएको हो ।

बुधबार सशस्त्र प्रहरीको कार्य एवं सीमा सुरक्षा विभागका प्रमुख एआईजी नारायणबाबु थापाको उपस्थितिमा सशस्त्र प्रहरीको बीओपी स्थापना गरिएको हो ।

नेपाली सेनाको एम–१६ हेलिकोप्टर त्यहा गएको हो । प्रहरीका अनुसार यस स्थानमा २५ जनाको टोली रहने भएको छ ।

काठमाडौं  । कोरोना भाइरसको संक्रमण पुष्टि भएका दुईजना अस्पतालबाट भागेका छन्। वीरगन्जस्थित नारायणी अस्पतालमा उपचाररत दुई जना कोरोना संक्रमित शौचालयको भेन्टिलेसन् फोडेर भागेका हुन्।  उनीहरूको अहिले खोजीकार्य भइरहेको छ। उनीहरु मंगलबार भर्ना भएका थिए।

महानगरपालिकाकै वडा नम्बर १६ र १३ का दुई संक्रमितमध्ये एकजना १७ र अर्का ३० वर्षका छन्।  वीरगन्जको नारायणी अस्पतालमा ६९ जना कोरोना संक्रमित उपचाररत छन्।

अस्पतालबाट भाग्ने दुई जनामध्ये एक जना थुनुवा हुन्। संक्रमित भागेपछि खोजी कार्य भइरहेको बताइएको छ।

काठमाडौं । कपिलवस्तु र बाँकेमा गरि थप २ जनामा कोरोना संक्रमण देखिएको छ।

स्वास्थ्य तथा जनसंख्या मन्त्रालयका अनुसार कपिलवस्तु नगरपालिका ५ का २२ वर्षीय पुरुषमा कोरोना संक्रमण देखिएको हो। राष्ट्रिय जनस्वास्थ्य प्रयोगशालामा गरिएको परीक्षणका क्रममा कोरोना पोजेटिभ देखिएको हो।

आजै दिउसो नेपालगञ्जका एक युवाको धुलिखेल प्रयोगशालामा गरिएको परीक्षणका क्रममा कोरोना पोजेटिभ रिपोर्ट आएको थियो। उनि बाँके जिल्ला नेपालगञ्ज ८ का ३६ वर्षीय पुरुष हुन् । यो सहित नेपालमा संक्रमितको संख्या २१९ पुगेको छ।

काठमाडौं । भारतीय अतिक्रमणमा परेको लिपुलेक नजिकै आज नेपाली फौजको एक टोली खट्ने भएको छ ।

नेपाली सेनाको हेलिकोप्टरबाट काठमाडौंबाट टोली दार्चुलातर्फ लागिसकेको छ । दार्चुलाको छाङरुमा सशस्त्र प्रहरी इन्सपेक्टरको नेतृत्वमा २५ जनाको टोली आजबाट फिल्डमा खट्ने भएको छ ।

यो क्षेत्र भारतले अतिक्रमण गरेको नेपाली भूमि लिपुलेकभन्दा करिब १०–१२ किलोमिटर नेपालतर्फ पर्ने गृह मन्त्रालयले जनाएको छ ।

काठमाडौंबाट बन्दोबस्ती, खाद्यान्न र हातहतियारसहित उनीहरुलाई नेपाली सेनाको हेलिकोप्टरले छाङरूमा पुर्याउने कार्यक्रम रहेको छ ।

बुधबार बिहान गृहमन्त्रीका सुरक्षा सल्लाहकार इन्द्रजित राई, सशस्त्र प्रहरीका एआईजी नारायणबाबु थापालगायत टोली यस भेगतर्फ लागिसकेको प्रहरीले जनाएको छ ।

छाङरूसम्म पुग्ने मोटर बाटो छैन । त्यसकारण टोलीलाई सेनाको हेलिकोप्टरले उक्त स्थानसम्म लैजाने छ ।

सशस्त्रको टोली राख्न छाङरूमा एउटा घर भाडामा लिइएको छ ।

लिपुलेकमा नेपाली भूमि अतिक्रमण गरेर भारतले तिब्बतको मानसरोवर जोड्ने सडक बनाएपछि सरकारमाथि नेपाली फौज राख्ने दवाव बढेको हो ।

काठमाडौं । पछिल्लो समय नेपालमा कोरोना संक्रमितको संख्या बढ्दै गएको छ ।

स्वास्थ्य तथा जनसंख्या मन्त्रालयको रिपोर्ट अनुसार हालसम्म १७ जिल्लामा कोरोना संक्रमित भेटिएको छन्।

भारतसँग सीमा जोडिएका प्रदेश २ र ५ उच्च जोखिमा देखिएको छन् । प्रदेश २ पर्सामा एकै दिन ३९ जना संक्रमित भेटिएसँगै ७१ जनामा संक्रमण देखिएको छ ।

प्रदेश ५ मा ७० जनामा संक्रमण पुष्टि भएको स्वास्थ्य तथा जनसंख्या मन्त्रालयको तथ्यांकमा उल्लेख छ।

त्यस्तै तेस्रो स्थानमा प्रदेश १ छ। भारतसँग सीमा जोडिएको यस प्रदेशमा हालसम्म ३६ जनामा कोरोना भाइरसको संक्रमण पुष्टि भइसकेको छ।

त्यस्तै सुदुर पश्चिममा ५ जना संक्रमति हुँदा गण्डकी प्रदेशमा दुई जनामा संक्रमण पुष्टि भएको छ। वाग्मती प्रदेशमा ७ जनालाई कोरोना पुष्टि हुँदा कर्णाली प्रदेशलाई भने कोरानाले छोएको छैन् ।

सुदुर पश्चिम र गण्डकी प्रदेशका संक्रमित निको भएर घर फर्किसकेका छन् भने बागमती प्रदेशकै चितवनमा दुई जनामा संक्रमण पुष्टि भएको छ। जसमध्ये एक जनाको आइसोलेसनमा उपचार भइरहेको छ। अन्यसबै कोराना मुक्त भैसकेका छन् ।

अन्य जिल्लाहरु उदयपुर जिल्लामा ३२ जनामा कोरोना भाइरसको संक्रमण पुष्टि भएको छ। पर्सामा ६४, कपिलबस्तु २९ , बाँके २४ रुपन्देही १६, कैलाली ४, रौतहट ३ बारा ३ जनामा संक्रमण पुष्टि भएको छ । काठमाडौं ५, बाग्लुङमा दुई जनामा संक्रमण पुष्टि भएकोमा उनीहरु उपचारपछि घर फर्किसकेका छन्।

झापा २, बर्दिया, १ भोजपुर १ , कञ्चनपुर १, सप्तरी १ सर्लाहीमा १ जनामा कोरोनाको संक्रमण देखिएको हो ।

सुदुरपश्चिममा संक्रमित भएका पाँच जना मध्ये कैलालीमा चार र कञ्चनपुरमा एक जना रहेका छन्। उनीहरु पाँचै जना उपचारपछि घरै फर्किसकेका छन्। नेपालमा कोरोना संक्रमित भेटिएकामध्ये हालसम्म ३३ जना उपचार पछि निको भएर डिस्चार्ज पनि भएका छन्।

हाल उपचारका क्रममा रहेका सबै कोरोना संक्रमितहरूको अवस्था सामान्य रहेको मन्त्रालयले जानकारी दिएको छ।

काठमाडौं । नेपालमा ५७ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार कपिलवस्तु, रूपन्देही, पर्सा र बारामा संक्रमित भेटिएका हुन्।

स्वास्थ्य मन्त्रालयका अनुसार कपिलवस्तु, रूपन्देही, पर्सा र बारामा संक्रमित भेटिएका हुन्।

जसमध्ये कपिलवस्तुमा ८, रूपन्देहीमा ९, पर्सामा ३९ र बारामा १ जना नयाँ संक्रमित भेटिएका हुन्। उनीहरू सबै पुरूष रहेको मन्त्रालयले जनाएको छ।

मन्त्रालयका अनुसार उनीहरू सबैको स्वास्थ्य अवस्था सामान्य छ। योसँगै नेपालमा कोरोना भाइरसका संक्रमित १९१ पुगेका छन्। नेपालमा देखिएका कुल १९१ संक्रमितमध्ये ३३ जना उपचारपछि निको भएका छन्।

काठमाडौं । सरकारले नेपाली भूमि भारतीय पक्षबाट मिचिएको सम्बन्धमा भारत सरकारका प्रतिनिधिसँग जानकारी लिएको छ ।

परराष्‍ट्र मन्त्री प्रदीप ज्ञवालीले काठमाडौंस्थित भारतीय राजदूत विनयमोहन क्वात्रालाई मन्त्रालयमा बोलाएर लिपुलेकमा नेपाली भूमि मिचेर सडक खनेको विषयमा जानकारी लिएका हुन् ।

उनले त्यस सम्बन्धमा राजदूतलाई स्पष्ट जानकारी गराएको मन्त्रालयले जनाएको छ ।

नेपाली भूमिमा पर्ने लिपुलेकमा विना सूचना भारतले सडक निर्माण गरेको तथा अन्य गतिविधि दोहोर्याएपछि नेपालले राजदूतमार्फत कूटनीतिक नोट दिएको छ ।

भारतले लिपुलेकमा नेपाली भूमि मिचेर बनाएको सडक संचालनमा ल्याएको छ ।

त्यस घटनाको परराष्ट्रमन्त्रालयले कडा भत्सर्ना पनि गरिसकेको छ । भारतले भने सडक भारतकै भूमिका बनाएको भन्दै नेपालको दावि खारेज गरेको बताएको छ ।

जसले गर्दा अहिले दुई मुलुकबीच सीमा विवाद चर्किएको छ । पछिल्लो समय भारतको रवैया विरुद्ध नेपालमा प्रदर्शन तथा विरोध समेत शुरु भएको छ ।

काठमाडौं । नेपाल कम्युनिष्ट पार्टी (नेकपा)का कार्यकारी अध्यक्ष एवं पूर्व प्रधानमन्त्री पुष्पकमल दाहाल प्रचण्डले भारतबाट भइरहेको नेपाली भूमि अतिक्रमण विरुद्ध एक्सनमै जानुपर्ने धारणा राखेका छन् ।

त्यसका लागि सरकारले बलियो कूटनीतिक पहल गर्नुपर्ने उनको सुझाव छ । दार्चुलामा भारतले नेपालको भूमि मिचेर सडक निर्माण गरेपछि नेपालमा बहस व्यापक भएको छ ।

यसै सन्दर्भमा आइतबार संघीय संसद प्रतिनिधि सभा अन्तर्गतको राज्य व्यवस्था तथा सुशासन समितिको बैठकमा उपस्थित भएका प्रचण्डले सरकारले दिने वक्तव्यले मात्र सबै जिम्मेवारी पुरा नहुने स्पष्ट पारे ।

उनले चिठी नीतिगत, सैद्धान्तिक र भावनात्मक रुपमा ठीक भएपनि अब एक्सन पनि ठिक तरिकाले लिनु पर्ने सुझाव दिए ।

उनीभन्दा अगाडी बोलेका सांसदले सरकारले चिठी र वक्तब्य मात्र निकाल्ने तर, काम गर्न नसक्ने आरोप लगाएका थिए ।

प्रचण्डले एक्सन आवश्यक रहेको विषयमा आफू सहमत रहेको उल्लेख गरे । उनले लिपुलेक तथा जहाँजहाँको सीमामा विवाद छ त्यो विषयमा भारत र चीन दुवै देशसँग छलफल गरिएको समेत उल्लेख गरे ।

लिपुलेकको विषय भने भारत र चीनको सम्झौताका आधारमा भएको भन्दै यो त्रिदेशिय मुद्दा भएको समेत उनले उल्लेख गरे ।

यो समस्या तीन वटै मुलुक मिलेर गर्नुपर्नेमा उनको जोड छ । प्रचण्डले यो विषयलाई अहिले नै अन्तर्राष्ट्रिय अदालतमा लैजाने विषयमा भने सोच्नुपर्ने बताए।

यो विषय सामान्य नभएको र भारतले पटक पटक नक्सा प्रकाशित गर्दा लिपुलेक, लिम्पियाधुरा आफ्नो नक्सामा पारेको विषयलाई समेत हिसाब गर्नुपर्ने उनको भनाई छ ।

विराटनगर । आइतबार दुई जना कोरोना संक्रमित डिस्चार्ज भएका छन । यससँगै नेपालमा अब कोरोनालाई जित्ने बिरामीको संख्या ३२ पुगेको छ ।

आइतबार झापाको बाह्रदशी गाउँपालिका निवासी ५० वर्षीय पुरुष र भोजपुरको हतुवागढीका २६ वर्षीय युवक कोरोनामुक्त भएको कोशी अस्पतालले जनाएको छ ।

दुबै जना विराटनगरको कोसी अस्पतालमा उपचारार्थ भर्ना भएका थिए । अब भोजपुर पनि कोरोनामुक्त भएको छ ।

भोजपुरका युवकमा गत वैशाख ११ गते कोरोना संक्रमण देखिएको थियो। उनी गत फागुनको अन्तिम साता साउदीबाट नेपाल आएका थिए।

झापाका पुरुषमा वैशाख १४ गते संक्रमण देखिएको थियो। उनी भारतको दिल्लीबाट आएका थिए। नेपालमा १ सय १० जनामा संक्रमण पुष्टी भइसकेको छ ।

काठमाडौं । पश्चिम नेपालमा भारतले मिचेको भूमि फिर्ता ल्याउन माग गर्दै संसदमा संकल्प प्रस्ताव दर्ता भएको छ ।

लिम्पियाधुरा, कालापानी र लिपुलेकमा भारतले अतिक्रमण गरेको भूमि फिर्ता गरी नेपालको राजनीतिक र प्रशासनिक उपस्थिति कायम गर्न माग गर्दै सत्तारुढ नेपाल कम्युनिस्ट पार्टी (नेकपा)का सांसदले संकल्प प्रस्ताव दर्ता गरेका हुन् ।

संसद सचिवालका अनुसार नेकपा सांसद रामकुमारी झाक्री ,गणेशप्रसाद ठगुन्ना, दिपकप्रकाश भट्टलगायत संकल्प प्रस्ताव दर्ता गरेका छन् ।

उनीहरुले महाकाली नदी पारीको नेपाली भूमि फिर्ता लिन माग गरेका छन् । भारतले लिपुलेक क्षेत्रमा सडक निर्माण गरी संचालनमा ल्याएपछि यतिबेला नेपाल र भारतको सम्बन्ध फेरी चिसिएको छ ।

भारतले उक्त भूमि आफ्नो भएको दावि गरेको छ भने नेपालले भने आफ्नो भूमिमा भारतले सडक बनाएको दावि गरेको छ ।

दार्चुलाको लिम्पियाधुरा, लिपुलेक र कालापानी क्षेत्रको भूभाग नेपालको भएको ऐतिहासिक प्रमाण, तथ्यहरुले प्रमाणित भएको भन्दै संकल्प प्रस्तावमा महाकाली नदी पूर्वको करिव ४०० वर्ग किमी भूभाग फिर्ता गरी नेपालको राजनीतिक र प्रशासनिक उपस्थिति कायम गर्न माग गर्दै संकल्प प्रस्ताव दर्ता गरेका छन् ।