Category: समाचार

काठमाडौं । नेपालमा कोरोना भाइरसको तेस्रो संक्रमण पुष्टी भएको छ ।

यूएईबाट ५ चैतमा फर्किएका एक युवामा कोरोना भाइरसको पुष्टी भएको टेकुस्थित शुक्रराज अस्पतालले जनाएको छ ।

यो संगै अब नेपालमा तेस्रो पोजेटिभ पुष्टी भएको हो । यसअघि चीनबाट फर्किएका एक नेपालीमा कोरोना देखिएको थियो ।

उनी निको भएर घर फर्किसकेका छन् । आइतबार मात्र एक जना युवतीमा कोरोना देखिएको थियो । उनी फ्रान्सबाट नेपाल आएकी थिइन् ।

बुधबार भने यूएईबाट नेपाल आएका युवामा देखिएको हो । उनी धादिंगको स्थायी बासिन्दा भएको र ३२ वर्षिय रहेको पाइएको छ । उनी यूएईको सारजहाबाट एयर अरेवियाको जी९५३७ उडान नम्बरबाट नेपाल आई होटेलमा बसेका थिए ।

अस्पताल स्रोतका अनुसार उनी १० चैतमा अस्पतालमा पुगेका थिए । उनको परीक्षणमा कोरोना पोजेटिभ देखिएको हो । उनलाई अलग्गै राखेर उपचार भइरहेको छ ।

काठमाडौं । नेपालम आइतबार थप एक जनामा कोरोना संक्रमणको पुष्टी भएको थियो । उनी फ्रान्सबाट कतार हुँदै नेपाली आएकी थिइन् ।

उनीसँगै एउटै जहाजमा ४ चैतमा नेपाल आएका सबैमा कोरोना संक्रमणको आंशका छ । सरकारले उनीहरु सबैको पहिचान भइसकेको जानकारी दिएको छ ।

मंगलबार स्वास्थ्य मन्त्रालयका प्रवक्ता डा. विमल देवकोटाले ति युवतीसँगै हवाई यात्रा गरी काठमाडौं आएका सबै यात्रुको पहिचान भइसकेको जानकारी गराएका छन् ।

उनीहरुमध्ये संक्रमणको आंशका तथा लक्षण भने कसैमा नदेखिएका कारण कडाईका साथ सेल्प क्वारेन्टाइनमा बस्न भनिएको छ ।

युवतीका आफन्त तथा उनीको सम्पर्कमा आइसकेका मानिसलाई समेत क्वारेन्टाइनमा राखिएको छ । युवतीको अवस्था भने सामान्य रहेको मन्त्रालयले जनाएको छ ।

काठमाडौं । नेपाल-भारत सीमा नाकामा अलपत्र अवस्थामा रहेका नेपालीलाई स्वदेश प्रवेश गर्न दिइने भएको छ। सरकारले उनीहरुलाई नेपाल आउन दिने निर्णय गरेको छ ।

लकडाउनका वावजुत ठूलो संख्यामा नेपाली नेपाल र भारतीयका सीमा नाकामा आएर रोकिएका छन् ।

अर्थ र सञ्चार तथा सूचना मन्त्री डा. युवराज खतिवडाले सीमा क्षेत्रमा अलपत्र नेपालीलाई नागरिकतालगायत कागजपत्र हेरेर नेपाल प्रवेश गर्न दिने निर्णय भएको जानकारी दिएका छन् ।

मंगलबार कोरोना संक्रमण रोकथाम तथा नियन्त्रण उच्चस्तरीय समिति बैठकले उक्त निर्णय गरेको हो ।

अलपत्र परेका नेपालीलाई नेपाल प्रवेशको अन्तिम मौका दिन लागिएको उनले जानकारी दिए । पूर्वसूचनाको अभावमा नेपाली सिमानामा आएर बसेका थिए ।

मन्त्री खतिवडाका अनुसार नेपाली भएको प्रमाणित गरेपछि मात्र उनीहरूलाई नेपाल आउन दिइने भएको हो ।

पूर्वदेखि पश्चिमसम्म भारतसँगका सीमा क्षेत्रमा नेपालीहरू अलपत्र परेको जानकारी स्थानीय प्रशासन र सञ्चार माध्यमबाट जानकारी आएको उनले जानकारी दिए ।

सीमा नाकामा अलपत्र परेका नेपालीलाई नेपाल पभत्र आइसकेपछि भने अनिवार्य क्वारेन्टाइनमा राखिने भएको छ ।

१४ दिनमा क्वारेन्टाइनमा राख्ने निर्णय भएको हो । स्थानीय सरकारहरुले यसको समन्वय गर्ने भएका छन् ।

काठमाडौं । सरकारले सडकमा सुरक्षाकर्मी परिचालन गर्दै लकडाउन कार्यान्वयन थालेको छ । काठमाडौंसहित जिल्ला सदरमुकामहरुमा बिहान केही मानिस बाहिर निस्किएका थिए ।

उनीहरुलाई सुरक्षकर्मीले सम्झाएर घर पठाएको छ । दिउँसो हुँदै गएपछि भने क्रमशः मानिस घर बाहिर निस्कन छाडेका छन् ।

सरकारले कोरोना भाइरसको संक्तमण फैलन नदिन कडाई शुरु गरेको हो । यसघि सोमबार स्वास्थ्य मन्त्रालयले नेपालमा एक जनामा कोरोनाको पुष्टी भएको सार्वजनिक गरेको थियो ।

यो दोस्रो बिरामीको पुष्टी थियो । यसअघि एक जा बिरामी पुष्टी भएपनि उनी उपचारपछि घर फर्किसकेका थिए ।

संसारभर महामारीका रुपमा फैलिएको यस रोगको संक्रमणले १५ हजार मानिसको ज्यान गइसकेको छ ।

लकडाउनको समयमा अतिआवश्यक सवारीका साधन बाहेक अन्य सवारी चलाउन पाइदैन । मानिसले घरबाहिर निस्कन पाउने छैनन् ।

काठमाडौं । सरकारले नेपालभर लकडाउन घोषणा गरेको छ । अब एक सातासम्म सर्वसाधारण घरबाहिर निस्कन पाउने छैनन् । नेपालमा कोरोनाको पुष्टी भएसँगै सरकारले लकडाउन घोषणा गरेको हो ।

नेपालमा कोरोनाको संक्रमण पुष्टी भएसँगै सरकारले लकडाउनमा जाने निर्ण गरेको हो । फ्रान्सबाट कतारको दोहा हुँदै चैत ४ गते नेपाल आएकी एक युवतीमा कोरोना संक्रमण भएको पुष्टि भएको छ ।

कोरोनासम्बन्धी उच्चस्तरीय समितिको सोमबार बसेको बैठकले मंगलबार विहान ६ बजेबाट एक सातासम्म सार्वसाधारणलाई घरबाट बाहिर निस्कन रोक लगाएको छ ।

खाद्यान्न र अत्यावश्यक बस्तु ढुवानी गर्ने बाहेक अरु सवारी साधन पनि चलाउने पाइने छैन । मानिसको आवागमन पूर्ण रुपमा प्रतिवन्ध लगाइएको छ । अब उडान समेत रोकिएका छन् ।

काठमाडौं । नेपालका कोरोना भाइरसको दोस्रो बिरामी पुष्टी भएको छ । काठमाडौं स्थायी घर भएकी एक १९ वर्षिय युवतिमा कोरोनाको संक्रमण पुष्टी भएको स्वास्थ्य तथा जनसंख्या मन्त्री भानुभक्त ढकालले जानकारी दिए ।

मन्त्रालयले सोमबार आकस्मिक पत्रकार सम्मेलन गरी नेपालमा कोरोना सांक्रमणको पुष्टी गरेको हो । यो केश दोस्रो हो । यसअघि चीनबाट नेपाल आएका एक युवामा कोरोना पोजिेटिभ देखिएको थियो ।

उनी उपचार पछि निको भएर घर फर्किसकेका छन् । १९ वर्षिय युवती फ्रान्सबाट कतार हुँदै ४ चैतमा नेपाल आएकी थिइन् । उनीसँगै कतारसम्म आएकी भियतनामकी एक साथिमा कोरोनाको पुष्टी भएपछि उनी टेकु अस्पतालमा जाँचका लागि स्वयम पुगेकी थिइन् ।

जाँच गर्दा उनमा कोरोनाको पुष्टी भएको हो । आइतबार साँझ उनको अन्तिम रिपोर्ट आएको थियो । उनको अन्तिम रिपोर्टले कोरोना पोजेटिभ देखिएपछि मन्त्रालयले आकस्मिक पत्रकार सम्मेलन गरेको हो ।

मन्त्रालयका अनुसार ति युवतीको सम्पर्कमा आएका आफन्तहरुलाई आइसोलेसनमा राखिएको छ । साथै उनी आएको जहाजमा भएका सबै मानिसहरुलाई जाँचका लागि टेकु अस्पतालमा आउन आह्वान समेत गरिएको छ ।

वीरगन्ज । आइतबार साँझ एकाएक समाचार फैलियो, वीरगन्जका एक व्यापारीमा कोरोना भाइरसको संक्रमण पुष्टी भयो ।

संक्रमणको आशंकामा एक नेपाली पटना मेडिकल कलेज, बिहारमा भर्ना भएको खबर सार्वजनिक भयो । तर, यो खबर झुटो सावित भएको छ ।

उनलाई कोरोना संक्रमण भएको पुष्टि भइनसकेको पटना मेडिकल कलेज, बिहारले जानकारी गराएको छ ।

यद्दपी उनको रिपोर्ट नै नआएको र बाहिर हल्ला मात्र फिजिएको अस्पतालको भनाई छ । उनको उपचार भने जारी रहेको बताइएको छ ।

वीरगञ्जका व्यापारी उनी केही दिनअघि अस्पतालमा भर्ना भएको परिवारले जनाएको छ ।

भारतीय टेलिभिजन च्यानलमा भने उनलाई कोरोना संक्रमण भएको पुष्टि भएको दाबी गर्दै समाचार प्रकाशन गरेका छन् । नेपालमा भने अहिलेसम्म कोरोनाको पुष्टि भएको छैन ।