Category: समाचार

काठमाडौं । सत्तारुढ नेपाल कम्युनिस्ट पार्टी (नेकपा) केन्द्रीय कमिटी बैठक आजबाट शुरु हुने भएको छ ।

प्रदर्शनीमार्गस्थित राष्ट्रियसभा गृहमा बिहान ११ बजेबाट केन्द्रिय कमिटी बैठक बोलाइएको छ ।

नेकपा सचिवालयका अनुसार उक्त बैठकलाई प्रधानमन्त्री एवं पार्टी अध्यक्ष केपी शर्मा ओलीले उद्घाटन सम्बोधन गर्ने कार्यक्रम राखिएको हो ।

सरकारले गरेका राम्रा कामको प्रधानमन्त्री ओलीले प्रशंशा गर्ने कार्यक्रम रहेको छ ।

पार्टी र सरकारका विषयमा उठेका विषयमा प्रधानमन्त्रीले सम्बोधन गर्ने भएका हुन् ।

नेकपा सचिवालय बैठकले केन्द्रीय कमिटी बैठकमा उठाउने एजेण्डा तय गरेको हो ।

बैठकमा अध्यक्ष पुष्पकमल दाहाल प्रचण्डले दुबै अध्यक्षको तर्फबाट राजनीतिक प्रतिवेदन पेश गर्ने कार्यक्रम तय गरिएको छ ।

महासचिव विष्णु पौडेलले सांगठनिक तथा विधान संशोधन प्रस्ताव पेश गर्ने कार्यतालिका तय गरिएको छ ।

काठमाडौं

राम्रो काम गर्न उमेरले छेक्दैन । अहिलेका प्रख्यात बाल कलाकार ८ बर्षीय प्रिन्स प्रसिद सिंह थापा समाजसेवामा लागेका छन् । उनीबिभिन्न कार्यक्रमहरुमा मोडलिङ्, प्रस्तोता तथा नृत्य गरेर स्वआर्जन गर्छन् । बहुमुखी प्रतिभाका धनी उनले आफ्नो कमाईबाट आएकोपैसा अनि आफ्नो पकेट मनी बचाएर  असहाय तथा निम्नआय भएका बालबालिकाहरुलाई न्यानो लुगा बितरण गरेका छन् । मनकारीथापाले अभियानको रुपमा नेपालका पूर्वी पहाडी जिल्ला ओखलढुङगामा १८ जना बालबालिकाहरुलाई जाडोको लागि न्यानो कपडा, टोपी, हाइनेक, ज्याकेट बाँडेका छन् । केही असक्त बालबालिकाहरुको लागि नगद सहयोग पनि गरेका छन ।

बिभिन्न म्युजिक भिडियो, बिज्ञापन अनि “भोक” जस्तो लघुसिनेमाबाट ख्याती कमाएका यी ८ बर्षीय बालक सडक बालबालिका, अनाथ बालबालिका रआवाजविहिन बालबालिकाहरुको आवाज बन्न चाहन्छन । यी बालकले केही बर्ष अघिदेखि सहयोग   गर्दै आएका छन । सामाजिककार्यमा अग्रज प्रिन्स यो भन्दा अगाडि पनि सडक बालबालिकाहरु र निम्न आय भएका बालबालिकाहरुलाई सहयोग गर्दै आएका छन् ।यो भन्दा अगाडिको जिल्ला भ्रमणको क्रममा अति नै बिपन्न सुचीमा रहेका बालबालिकाहरु देखेर यो पटकको जाडोको लागि न्यानो लुगाबितरण अभियान पुर्वको पहाडी जिल्लाहरुमा न्यानो लुगा बितरण गरेको बताउँछन् । उनी भन्छन्; “यो त मेरो सुरुवात मात्रै हो । विपन्नपरिवारका बालबालिकालाई अझै पनि धरै सहयोग गरिरहने छु ।”

तँपाईले के, कसरी प्रेरणा पाउनु भयो ? भन्ने हाम्रो प्रश्नमा भन्छन् “केही दिन अगाडि यस क्षेत्रमा घुम्न आउंदा यहाँको अधिकांसबालबालिकाहरुमा न्यानो लुगाको अभाव दु:ख कष्ट देखेकोले सोही अवस्थाले मलाई आफुले सक्ने सहयोग गर्न पर्छ भन्ने भावना आयो, सोहीबाट म प्रेरित भएको हुं । सानो उमेरमा नै अरुको आँसु, दुख, पिडा देख्न्न नसक्ने प्रिन्स अहिलेको हाम्रो समाजको लागि प्रेरणाकास्रोत हुन् । आफ्ना छोराछोरीहरुले न्यानो कपडा पाएपछि लाभान्वित भएका अभिभाबकहरुको अनुहारमा धेरै खुसी देखिएको थियो ।उनको यो पुण्य कार्यको लागि सलाम ।   

जनकपुर । प्रदेश नं दुईको स्थायी राजधानी जनकपुर हुने भएको छ । अहिले अस्थायी राजधानी रहेकै जनकपुरधामलाई स्थायी राजधानी बनाउने सम्बन्धमा सहमति जुटेको हो ।

प्रदेश दुईको नामाकरण र राजधानी टुङ्गो लगाउने विषयमा सभामुख सरोजकुमार यादवको संयोजकत्वमा संसदीय विशेष समिति गठन भएको हो । यस समितिमा जनकपुरधामलाई नै स्थायी राजधानी तोक्ने सहमति भएको हो ।

अब जनकपुरधाम स्थायी राजधानी हुने निश्चित बनेको छ । समितिले प्रदेश राजधानीको सीमामा समेत टुंगो लगाएको हो ।

समितिले टुंगो लगाएको राजधानी जनकपुरधामको विषय प्रदेशसभाको दुई तिहाई बहुमतले पारित गरेपछि औपचारिकता पाउने छ ।

प्रदेशको राजधानीको विषयमा विशेष समितिमा टुंगो लागेपनि नामको विषयमा भने सहमति भइसकेको छ्रैन । यद्दपी छलफल भने जारी रहेको छ ।

काठमाडौं । प्रतिनिधिसभाको सभामुखमा अग्निप्रसाद सापकोटा निर्वाचित भएका छन् । आइतबार भएको निर्वाचनमा उनी निर्विरोध निर्वाचित भएका छन् । उनी नेकपाका नेता हुन् ।

सापकोटालाई सभामुखमा नेकपा संसदीय दलका उपनेता सुवासचन्द्र नेम्वाङले प्रस्ताव गरेका थिए ।

नेम्वाङको प्रस्तावमा नेकपा संसदीय दलका प्रमुख सचेतक देव गुरुङ, पूर्व सभामुख ओनसरी घर्ती र राष्ट्रिय जनता पार्टी (राजपा)का सांसद लक्ष्मण लाल कर्णले समर्थन गरे ।

गत असोजमा कृष्णबहादुर महराले राजिनामा दिएपछि रिक्त भएको उक्त पदमा चार महिनापछि सापकोटा निर्वाचित भएका हुन् ।

सापकोटा नेकपाका अध्यक्ष प्रचण्डका विश्वास पात्र हुन् । उनी नेकपाका स्थायी कमिटी सदस्य एवं प्रतिनिधिसभा सदस्य समेत हुन् ।

करीव १५ वर्ष शिक्षण पेशा गरेका सापकोटा १० वर्षे जनयुद्धमा होमिएका थिए । जनआन्दोलन ०६२\०६३ को जनआन्दोलनमा काठमाडौं उपत्यकाको कमाण्ड सम्हालेका थिए ।

शान्ति प्रक्रियामा आइसकेपछि पनि उनी दुई पटक मन्त्री बनेका छन् ।

शान्ति प्रक्रियापछि ०६४ र ०७० को संविधान सभा निर्वाचनमा सभासद बनेका उनी ०७४ को निर्वाचनमा सिन्धुपाल्चोकबाट सांसदमा निर्वाचत भएका थिए ।

स्थानीय स्तरमा उनी लोकप्रिय छन् । झलनाथ खनाल नेतृत्वको सरकारमा उनी सञ्चार मन्त्री भएका थिए ।

०७३ सालमा केपी शर्मा ओली पहिलोपटक प्रधानमन्त्री हुँदा सापकोटा वन तथा भूसंरक्षण मन्त्रालयको जिम्मेवारीमा थिए ।

काठमाडौं । नेकपाका नेता अग्नी सापकोटा आज सभामुख पदमा चयन हुँदैछन् । यो पद असोजयता रिक्त थियो ।

जसले गर्दा प्रतिनिधिसभाको काम अवरुद्ध भएको छ । तत्कालिन सभामुख कृष्णबहादुर महरामाथि बलात्कार प्रयासको आरोप लागेपछि यो पद रिक्त भएको हो ।

सभामुख पदमा नेकपाका तर्फबाट अग्निप्रसाद सापकोटाको मात्रै उम्मेदवारी परेको छ ।

नेकपाले जित्ने निश्चित भएकाले कांग्रेसले उमेदवारी दिएन ।

संघीय संसद् सचिवालयको कार्यतालिका अनुसार आइतबार दिउँसो ३ बजे बैठक बस्दैछ ।

ज्येष्ठ सदस्य महन्थ ठाकुरले आइतबारको बैठक सञ्चालन गर्दैछन् । उनले सापकोटाका प्रस्तावक र बोल्न समय दिने गरी कार्यतालिका बनाइएको छ ।

प्रस्तावक र समर्थकले आफ्ना भनाइ राखेपछि ठाकुरले एकल उम्मेदवारी परेकाले सापकोटा सभामुखमा निर्वाचित भएको घोषणा गर्ने भएको छन् ।

सभामुख निर्वाचन प्रक्रिया सकिएलगत्तै आजै अर्को बैठक बस्नेछ । दोस्रो बैठक नवनिर्वाचित सभामुखले सञ्चालन गर्नेछन् ।

काठमाडौं । राष्ट्रिय सभा निर्वाचन बिहीबार सम्पन्न भएको छ । निर्वाचनमा नेकपाको तर्फबाट उठेका सबै उमेदवारले जितेका छन् ।

नेकपाले प्रदेश नं २ मा बाहेक अन्यत्र एकल उमेदवारी दिएको थियो । प्रदेश नं २ मा भने राजपासँग मिलेर उमेदवारी दिएको थियो । यहाँ नेकपाको एकल बहुमत थिएन् ।

सोहीकारण ४ सीटमध्ये २\२ सीट बाँडेका थिए । यसरी सबै पदमा नेकपाले उठाएकै उमेदवारले जीत हाँसिल गरेका हुन् । कूल १८ सीटका लागि बिहीबार निर्वाचन भएको हो ।

यी सांसदको पदावधी ६ वर्षको हुनेछ । बिहीबार भएको निर्वाचनमा प्रदेश १ मा महिलातर्फ इन्दु गौतम, दलितबाट गोपी अछामी र अन्यबाट देवेन्द्र दाहाल विजयी भए ।

प्रदेश २ बाट महिलातर्फ तुलसा दाहाल र दलिततर्फ राधेश्याम पासवान विजयी भए ।

प्रदेश २ मै गठबन्धन तर्फका राजपाका उम्मेदवार शेखर प्रसाद सिंह र मृगेन्द्रकुमार सिंह विजयी भएको निर्वाच्न आयोगले जनाएको छ ।

प्रदेश ३ मा महिलातर्फ गङ्गा बेलबासे र अन्यमा वेदुराम भुसाल विजयी भए । गण्डकी प्रदेशबाट अन्यमा नारायणकाजी श्रेष्ठ र महिला तर्फ भगवती न्यौपानेले विजयी भए ।

प्रदेश ५ मा महिलामा विमला घिमिरे र अपाङ्ग तथा अल्पसङ्ख्यकतर्फ जगप्रसाद शर्मा र अन्यबाट गोपाल भट्टराईले जित हात पारेका छन् ।

प्रदेश ६ मा महिलाबाट सुनिता बिसी र अन्यबाट मायाप्रसाद शर्मा विजयी भए । सुदूरपश्चिम प्रदेशबाट महिलामा शारदा भट्ट र अन्यबाट तारामान स्वाँर सांसद बनेका छन् ।

राष्ट्रिय सभामा यसअघि सांसद रहेका कांग्रेसका १३ जनामध्ये सात जना यस निर्वाचनपछि बाहिरिँदै छन् । उनीहरुको स्थानमा अब सबै नेकपाका उमेदवार सांसद बनेका छन् ।

समाजवादी पार्टीका दुई जनामध्ये एक जना यस पटक बिदा भए, त्यसमा समेत नेकपा आएका छन ।

नेकपाका भने आठ जना दुई वर्षे कार्यकाल सकेर जाँदा १६ जना नयाँ सांसद बनेका छन् । यसले नेकपालाई भने नाफा भएको छ ।

काठमाडौं । नेकपाका नेता तथा प्रवक्ता नारायणकाजी श्रेष्ठ सांसद बनेका छन् । उनी राष्ट्रियसभा सदस्यमा निर्वाचित भएका हुन् ।

बिहीबार सम्पन्न निर्वाचनमा उनी कूल ३४ सय ६२ मतभार प्राप्त गर्दै राष्ट्रियसभा सदस्यमा निर्वाचित भएका हुन् ।

उनले नेपाली कांग्रेसका उम्मेदवार सूर्यप्रसाद रेग्मीलाई हराए । उनी रेग्मीभन्दा १ हजार २ सय १८ मतभारले अगाडी रहे ।

कांग्रेस उम्मेदवार रेग्मीले २२ सय ४४ र राष्ट्रिय जनमोर्चाका उम्मेदवार शंकरप्रसाद बरालको नाममा १९८ मतभार रहेको थियो ।

श्रेष्ठ गण्डकी प्रदेशको अन्य समूहबाट राष्ट्रियसभा प्रतिनिधित्व गर्ने भएका छन् । गण्डकी प्रदेशबाटै महिला सदस्यमा नेकपाकी भगवती न्यौपाने विजयी भइन् ।

उनले कांग्रेसकी विमला गौचनलाई १ हजार २० मतभारले पराजित गरेकी हुन् ।

न्यौपानेले ३३ सय ६६ र गौचनले २३ सय ४० मतभार पाएका हुन् । राष्ट्रिय सभामा रिक्त रहेको १८ पदका लागि विहीबार निर्वाचन भएको हो ।

निर्वाचनमा १६ पदमा नेकपा र २ पदमा राजपा निर्वाचित भइसकेका छन् ।

धादिङ । धादिङमा ग्याङ फाइट भएको छ । युवाको दुई समूहबीच भएको फाइटमा एकजनाको मृत्यु भएको प्रहरीले जनाएको छ ।

खनियाँवास गाउँपालिका–४ का २५ वर्षीय सन्तबहादुर तामाङको फाइटमा परी मृत्यु भएको हो ।

उनी कर्तव्य ज्यान मुद्दामा जेल सजाय भुक्तान गरिसकेका व्यक्ति रहेको प्रहरीले जनाएको छ ।

जिल्ला प्रहरी कार्यालय धादिङका अनुसार घटनामा केही युवा घाइते छन् ।

त्यसमध्ये रविन तामाङलाई उपचारका लागि काठमाडौं ल्याइएको छ ।

मंगलबार राती भएको घटनाबाट ती युवाको मृत्यु भएको बताइएको छ । गाउँपालिकाको दार्खाभन्ने स्थानमा गुराँस युवा क्लबले आयोजना गरेको फुटबल प्रतियोगिताका दौरान विवादले उग्र रुप लिएपछि घटना भएको बताइएको छ ।

प्रहरीले घटनामा संलग्न रोशन तामाङ र उनका भाइ रामलाई पक्राउ गरेको बताएको छ ।