Category: समाचार

काठमाडौं । काठमाडौंको बौद्धमा प्रहरीले गोली हानेर एक जनालाई पक्राउ गरेको छ । प्रहरीका अनुसार गुण्डागर्दीमा संलग्न विष्णु लामालाई प्रहरीले गोली हानेर समातेको हो ।

महानगरीय प्रहरी वृत्त, बौद्धले लामालाई प्रक्राउ गर्न खोज्दा भागेको र त्यसपछि प्रहरीले गोली चलाएको बताइएको छ । प्रहरीले दायाँ खुट्टामा घुँडामुनी गोली हानेर उनलाई पक्रिएको छ ।

लामा रहेको सूचनाका आधारमा प्रहरी त्यहाँ पुगेको थियो । पक्राउ पछि लामालाई उपचारका लागि वीर अस्पताल लगिएको छ ।

प्रहरीका अनुसार उनिमाथि ०७३ सालमा सिन्धुपाल्चोकमा १७ महिने बालिकाको हत्या गरेको अभियोग पनि उनीमाथि रहेको छ ।

यसबाहेक २०७५ सालमा मेडिकल कलेजका विद्यार्थीमाथि खुकुरी समेत प्रहार गरेका थिए । उनी फरार थिए ।

काठमाडौं । पूर्वराजा ज्ञानेन्द्र शाहले माटोको सम्मान र राष्ट्रनायकहरुको वीरगाथाबारे बोल्न नसक्ने परिपाटी मुलुकमा आउन नहुने बताएकाछन् ।

पृथ्वी जयन्तीका अवसरमा शुभकामना सन्देश जारी गरेका पूर्वराजा ज्ञानेन्द्रले असान्दर्भिक विषयमा मुलुकलाई विवादमा पार्ने काम कतैबाट हुन नहुने समेत उल्लेख गरेका छन् ।

उनले परस्पर प्रेम, एकता र सद्भावमा लाग्न समेत देशबासीमा आह्वान गरेका छन् ।

जनमानसमा के छ, के भइरहेको छ भन्ने सबैमा स्पष्टै भएको भन्दै उनले राष्ट्रनायकहरुको वीरगाथाबारे बोल्न नसक्ने, माटोको सम्मानमा बोल्नै नहुने, राष्ट्रिय अखण्डता र स्वाभिमानको अभिव्यक्तिलाई कुण्ठित पार्ने प्रयास कतैबाट हुन नहुने उल्लेख गरेका छन् ।

नेपाल सदा स्वतन्त्र, शान्त, अविभाज्य र अखण्ड रहनुपर्नेमा समेत पूर्व राजाको जोड रहेको छ ।

देशको सबै भूभागको रक्षा र नेपाली जनताको समृद्धिका लागि गहकिलो प्रयास आवश्यक रहेको समेत उनको शुभकामना सन्देशमा राखिएको छ ।

पृथ्वीनारायणबाट शुरु भएको शाहवंशिय शासन सत्ता ज्ञानेन्द्रको पालामै आएर टुंगिएको हो ।

काठमाडौं । नेपाल एकीकरणमार्फत टुक्रा टुक्रामा विभाजित राज्यलाई सिंगो मुलुक बनाएका राजा पृथ्वीनारायण शाहलाई स्मरण गर्दै आज पृथ्वी जयन्ती मनाइँदै छ ।

गोर्खाका राजा नरभूपाल शाह र रानी कौशल्यावतीका जेठा छोराका रूपमा वि.सं. १७७९ पुस २७ मा उनको जन्म भएको थियो ।

१८ वर्षको उमेरमै राजगद्दी सम्हालेका उनी त्यसपछि नेपाल एकिकरणको अभियानमा लागेका थिए ।

त्यसबेला नेपालमा बाइसे र चौबिसे राज्यहरु सक्रिय थिए । उनको यस अभियानलाई उनको मृत्युपछि छोरा बहादुर शाहले समेत निरन्तरता दिएका थिए ।

सोहीकारण राज पृथ्वीनारायण शाहलाई राष्ट्र निर्मातासमेत मानिन्छ । उनको जन्म दिनमा यसअघि राष्ट्रिय एकता दिवस भनी बिदा दिने प्रचलन थियो ।

तर, गणतान्त्रिक सरकारले यो बिदा कटौती गर्यो । गोरखाका केही स्थानीय तहले भने बिदा दिएका छन् ।

उनको जन्म दिनलाई राष्ट्रिय प्रजातन्त्र पार्टीले धुमधाम साथ मनाउँछ ।

नेपाली सेनाले गोरखाबाट सुरु गरेको पदयात्रा पनि आजैका दिन सिंहदरबार अगाडि आइपुग्दै समापन गर्ने कार्यक्रम रहेको छ ।

काठमाडौं । सत्तारुढ नेपाल कम्युनिस्ट पार्टी (नेकपा)ले उपसभामुख शिवमाया तुम्बाहाम्फेलाई राजीनामा गराउने भएको छ । शनिबार नेकपा सचिवालयको बैठक बसेको थियो ।

प्रवक्ता नारयणकाजी श्रेष्ठका अनुसार सभामुखमा पार्टीका तर्फबाट उम्मेदवार दिने र उपसभामुख तुम्बाहम्फेलाई राजीनामा गराउने निर्णय भएको छ ।

यसअघि प्रधानमन्त्री केपी शर्मा ओली र नेकपा अध्यक्ष प्रचण्डले शुक्रबार उपभामुखसँग छलफल गरेका थिए ।

उनले राजिनामा नगर्ने बताएकी थिइन् । तर, शनिबार पार्टीको बैठकले भने सभामुखमा उम्मेदवारी दिने र पार्टीको तर्फबाट उपसभुमुखमा निर्वाचित शिवमाया तुम्बाहाम्फेलाई राजिनामा गराउने निर्णय गरेको हो ।

बैठक बालुवाटारमा बसेको थियो । प्रधानमन्त्री ओली बैठकमा भने सहभागी भएनन् । उनको स्वाथ्य अवस्थामा अझै प्रभावकारी सुधार हुन सकेको छैन ।

नेकपाले सभामुखबारे ठोस निर्णय लिन नसकेका कारण प्रतिनिधिसभा अहिले ठप्प छ । सदनका काम कारवाहीले गति लिन सकेका छैनन् ।

काठमाडौं । प्रधामन्त्री केपी शर्मा ओली र नेकपा अध्यक्ष पुष्पकमल दाहाल (प्रचण्ड)ले शुक्रबार उपसभाुमख शिवमाया तुम्बाहङफेसँग छलफल गरेका छन् ।

सो क्रममा शीर्ष नेताले राजिनामा गरेर सभामुख चयनको बाटो खुला गर्न आग्रह गरेका थिए । तर, शिवमायाले भने यसमा असहमति जनाएकी छिन् ।

शुक्रबार दिउँसो नेकपाका अध्यक्षद्धयले उपसभामुख तुम्बाहाङफेसँग प्रधानमन्त्री निवास बालुवाटारमा छलफल गरेका हुन् ।

तुम्बाहाङफेले भने आफू सभामुखका लागि अयोग्य किन भए भनी कारण खोजेकी थिइन्। उनले आफूमा सभामुख बन्न नपुग्ने कुनै योग्यता भए त्यो प्रस्तुत गर्न शीर्ष नेतासाग आग्रह गरेकी थिइन् ।

भेटमा आफू योग्य रहेको सम्बन्धमा शिवमायाले करीव १ दर्जन कारण पेश गरेकी थिइन् । सभामुख कृष्ण बहादुर महराको राजिनामा पछि सभामुख पद खाली छ ।

यस पदमा प्रधानमन्त्रीले पूर्वएमाले, प्रचण्डले पूर्वमाओवादी र राष्ट्रपतिबाट शिवमायालाई निररन्तरता दिनुपर्ने दावि गरेपछि यो पद अड्किएर बसेको छ ।

यसले गर्दा प्रतिनिधिसभा नै अवरुद्ध भएको छ । शिवमायाले यदि आफू सभामुखका लागि अयोग्य बन्ने भए उपसभामुखमा यथावत रहन दिनसमेत आग्रह गरेकी छिन् ।

उपसभामुख शिवमाथाले अब आफैले प्रक्रिया अगाडि बढाउने र उपसभामुखको हैसियतमा काम गर्ने जानकारी समेत शीर्ष नेतालाई गराएकी छिन् ।

उपसभामुखले राजीनामा नदिएसम्म सभामुखको निर्वाचन प्रक्रिया अगाडि बढाए संविधानअनुसार नेकपाले सभामुखमा दाबी गर्न नमिल्ने प्रावधान रहेको छ ।

काठमाडौं । नेपालमा क्रसर उद्योगीको दादागिरिको एक हद शुक्रबार देखिएको छ । उत्खनन् बाट नदीजन्य वस्तुको अवैध तस्करी रोक्न माग गर्ने एक युवालाई धनुषामा टिपरले किचेर मारिएको छ ।

प्रहरीका अनुसार धनुषा जिल्ला, मिथिला नगरपालिका–५ स्थित औरही खोलामा जथाभावी तरिकाले उत्खनन गरी बालुवा, गिट्टी झिकिरहेको काम रोक्न सक्रिय स्थानीय युवा दिलीपकुमार महतोलाई टिपरले किचेर हत्या गरिएको हो ।

युवकलाई ना. ७ ख ६४१३ नम्बरको टिपरले किचेर हत्या गरिएको प्रहरीले पुष्टी गरेको छ ।

उता, प्रहरीले भने हत्या गरेर पछि उनको शरीरमाथि टिपर चलाएको आरोप लगाएका छन् । उनलाई क्रसर उद्योगका मानिसले बिहान ४ बजे नै घरबाट उठाएर खोलामा पुर्याएका थिए ।

पछि उनलाई टिपरले किचेको खबर परिवारमा आएकोथियो । प्रहरीका अनुसार उनको नियोजित रुपमा हत्या गरिएको हो ।

प्रहरीले टिपर र टिपरका चालकलाई नियन्त्रणमा लिइ थप अनुसन्धान गरिरहेको बताएको छ ।

घट्नाको विरोधमा पूर्व–पश्चिम राजमार्ग अन्तर्गत मिथिला नगरपालिकाको ढल्केबरका स्थानीयहरुले चक्काजाम गरेका थिए ।

प्रहरीले भिड हटाएर सडक खाली गरेको थियो । मृतकका आफन्तले क्रसर उद्योगका संचालकहरुले उनलाई केही दिन अगाडी देखि नै मार्ने धम्की दिएका थिए ।

नेपालमा क्रसर उद्योगहरु गुण्डाराजको कब्जामा छ । त्यसमा प्रहरीको समेत मिलेमतोको आशंका गरिन्छ ।

काठमाडौं । नेपाली कांग्रेस सभापति शेरबहादुर देउवाले हालै तोकिएको १४ औं महाधिवेशनको मिति परिवर्तन नहुने स्पष्ट पारेका छन् ।

संस्थापन पक्षबाहेक समूहले काठमाडौं बोलाएका ५२ जिल्लाका सभापतिहरुले बिहीबार केन्द्रिय सभापति देउवासँग भेट गरेका थिए ।

असन्तुष्ट समूहले परामर्श बैठकका लागि उनीहरुलाई काठमाडौं डाकेको थियो । देउवाले आफ्नो निवास बूढानीलकण्ठमा भेटेका हुन् ।

देउवाले पार्टी सहमतिका आधारमा चल्ने भन्दै उनले त्यसका लागि आफू तयार रहेको उल्लेख गरे ।

वरिष्ठ नेता रामचन्द्र पौडेल समूहसँग लगातार संवाद गर्दा समेत सहमति हुन नसकेको भन्दै उनले पार्टीलाई अनिर्णयको बन्दी बनाउन उचित नठानेको उनले उल्लेख गरे ।

पार्टी सम्वाद र सहमतिकै आधारमा अगाडी बढ्ने उनले जिल्ला सभापतिहरुसँगको भेलामा बताएका थिए ।

देउवाले महाधिवेशनको मिति २०७७ फागुन ७ बाट भने परिर्वतन हुन कुनै सम्भावना नरहेको उल्लेख गरे ।

महाधिवेशनको मिति कायम राख्दै अन्य कार्यतालिकामा भने हेरफेर गर्न सकिने उनको भनाई छ ।

काठमाडौं । नेपाली सेनाले इराकमा खटिएका आफ्नो संगठनका सैनिकलाई सतर्क रहन आग्रह गरेको छ । शान्ति स्थापनाका लागि इराकमा नेपाली सेना समेत तैनाथ छन् ।

नेपाली शान्ति सैनिकलाई सतर्क रहेर जिम्मेवारइी निर्वाह गर्न सेनाले आग्रह गरेको हो । इराकको किरकुक र इरविलमा नेपाली सेना तैनाथ छन् ।

इरान र अमेरिकाबीच तनाव शुरु भएपछि मध्यपूर्वमा फेरी भिषण युद्धको आंशका भइरहेको छ ।

बुधबार बिहानै इरानले अमेरिकी सैन्य अखडामा मिसाइल प्रहार गरेपछि अमेरिकाबाट कस्तो प्रतिक्रिया आउने हो भन्ने त्रास जारी रहेको छ ।

इरानले भने आक्रमणमा ८० जना अमेरिकी सैनिक मारेको दावि गरेको छ ।

अमेरिकी कारबाहीमा इरानका सैन्य कमान्डर कासिम सुलेमानी मारिएपछि इरान बदलाको मनस्थितिमा छ ।

सेनाले बुधबार विज्ञप्ति निकालेर सबै नेपाली सैनिक सकुसल रहेको समेत उल्लेख गरेको छ ।

शान्ति स्थापनामा इराकमा तैनाथ नेपाली सेनाको गार्ड युनिटलगायत लेबनान र सिरियामा तैनाथ नेपाली सेनाका युनिटमा पनि विशेष सतर्कता अपाउन सेनाले निर्देशन दिएको छ ।

काठमाडौं । सत्तारुढ नेकपाभित्र आन्तरिक विवादले राज्यका तीन अंगमध्ये एक व्यवस्थापिका संसद अनिर्णयको बन्दी भएको छ । सभामुख कृष्णबहादुर महरालाई बलात्कार प्रयासको आरोप लागेपछि उनले राजिनामा गरे ।

असोजमा उनको राजिनामा आएको थियो । त्यसको तीन महिना नाघिसक्दा समेत मुलुकले अझै सभामुख पाउन सकेको छैन ।

सरकारको सिफारिसमा राष्ट्रपतिले ४ पुसमा संसदको हिउँदे अधिवेशन आह्वान गरेकी थिइने । त्यसपछि संसद अगाडी नै बढ्न सकेको छैन ।

किनकी नेतृत्वको अभावले संसद बस्न सकेको छैन । सभामुख वा उपसभामुख नभएको अवस्थामा जेष्ठ नागरिकले चलाउन सक्ने प्रावधान छ ।

सभामुखका लागि नेकपा भित्र पूर्व एमाले र पूर्व माओवादी खेमा बीच नै विवाद छ । त्यसमाथि राष्ट्रपति विद्यादेवि भण्डारी वर्तमान उपसभामुख शिवमाया तुम्बाहाम्फेको पक्षमा रहेकी छिन् ।

जसले गर्दा नेताहरुबीच कुरा मिल्न सकेको छैन । पार्टीमा पूर्वएमालेको तर्फबाट प्रधानमन्त्री भइसकेको अवस्थामा सभामुखमा पूर्वमाओवादी नेताहरुले दावि गरेका छन् ।

किनकी प्रधानमन्त्रीका लागि पूर्वसहमति अनुसार प्रचण्डले दावा नगरेपछि उनीमाथि फेरी पनि पूर्वएमालेका अगाडी झुकेको आरोप उनकै समर्थक नेताहरु लगाउँछन् ।

यस्तो अवस्थामा कुनै पनि हालतमा पद छाड्न नहुने पूर्वमाओवादी नेताहरुको तर्क रहेको छ ।

प्रचण्ड र केपी ओलीबीच मात्र कुरा मिल्दा पनि दोस्रो तहका नेताबीच सहमतिमा कुनै समस्या छैन । तर, दुई नेतामा पुगेर अड्किएको हलोका कारण संसदको मेला अलपत्र परेको छ ।

काठमाडौं । ९ माघका लागि निर्धारित राष्ट्रियसभा सदस्यको १८ पदमा ४५ जनाको उम्मेदवारी परेको छ । आइतबार सात वटै प्रदेशमा मनोनयन दर्ताको काम सम्पन्न भएको छ ।

उमेदवारहरुले तोकिएको स्थानमा पुगी उमेदवारी दर्ता गराएका छन् । यस पटक चर्चित अनुहारका रुपमा अर्थमन्त्री डा. युवराज खतिवडाको बर्हिगमन हुँदैछ भने नेकपाका प्रवक्ता तथा प्रत्यक्ष निर्वाचनमा पराजित अनुहार नारायणकाजी श्रेष्ठको इन्ट्री हुँदैछ ।

निर्वाचन आयोगका अनुसार राष्ट्रियसभा निर्वाचनका लागि कूल ६ दलको उम्मेदवारी परेको छ ।

सत्तारुढ नेकपा, प्रमुख प्रतिपक्षी नेपाली कांग्रेस, राष्ट्रिय जनता पार्टी, समाजवादी पार्टी, राष्ट्रिय जनमोर्चा र नेपाल मजदुर किसान पार्टीबाट उम्मेदवारी दर्ता भएको छ ।

नेमकिपाले प्रदेश ३ मा र राजमोले गण्डकी र प्रदेश ५ मा उम्मेदवारी दिएका हुन् । प्रदेश २ मा नेकपा र राजपा तथा कांग्रेस र समाजवादी पार्टीबीच तालमेल गरेर उमेदवारी परेको छ ।

अन्य स्थानमा भने सबै दल एक्लाएक्लै भिड्ने भएका छन् । सातवटै प्रदेशमा महिला ७, दलित २, अपांगता भएका व्यक्ति वा अल्पसंख्यक समूहका २ र अन्य समूहका ७ गरी १८ पदमा निर्वाचन हुन लागेको छ ।

महिला समूहतर्फ १६, दलित समूहतर्फ ५, अपाङ्गता भएको व्यक्ति वा अल्पसंख्यक समूहतर्फ ५ र अन्य समूहतर्फ १९ गरी कुल ४५ जनाको उमेदवारी परेको आयोगले जानकारी दिएको छ ।

राष्ट्रियसभा निर्वाचनमा प्रदेशसभा सदस्य र स्थानीय तहका प्रमुख तथा उपप्रमुखले मतदान गर्न पाउने प्रावधान रहेको छ ।

काठमाडौं । ९ माघका लागि निर्धारित राष्ट्रियसभा निर्वाचनका लागि आज उम्मेदवारी मनोनयनपत्र दर्ता हुने भएको छ ।

निर्वाचन आयोगले दिएको जानकारी अनुसार आज बिहान १० बजेदेखि अपराह्न ३ बजेसम्म उम्मेदवार मनोनयन दर्ता गर्न सकिने गरी तालिका राखिएको छ ।

५९ सदस्य रहने राष्ट्रियसभाबाट १९ जना सदस्यको पदावधी २० फागुनबाट सकिदैछ । उनीहरुको पदावधी दुई वर्षे कार्यकालका लागि थियो ।

१९ जनामध्ये १८ जना निर्वाचनबाट आउनेछन् भने एकजनालाई सरकारको सिफारिशमा राष्ट्रपतिले मनोनयन गर्ने प्रावधान रहेको छ ।

यस निर्वाचनका लागि निर्वाचन अधिकृतको कार्यालय सम्बन्धित प्रदेशको उच्च अदालत रहेका जिल्लामा स्थापना गरिएको आयोगले जनाएको छ ।

मनोनयनपत्र दर्ता गर्न जादा उमेदवारले नागरिकताको प्रमाणपत्रको प्रतिलिपि, मतदाता नामावलीको उतार, धरौटी जम्मा गरेको नगदी रसिद वा बैंक भौचर पेश गर्नुपर्ने छ ।

आयोगका अनुसार महिला, दलित वा अल्पङ्ख्यक समुदाय वा आर्थिकरुपले विपन्न उम्मेदवारको हकमा धरौटी रकममा ५० प्रतिशत छुटको व्यवस्था रहेको छ ।

प्रस्तावक र समर्थकको नाम, सम्बन्धित प्रदेशसभाका सदस्य वा सम्बन्धित प्रदेशभित्रको गाउँपालिकाको अध्यक्ष वा उपाध्यक्ष तथा नगरपालिकाको प्रमुख वा उपप्रमुख समावेश भएको निर्वाचन मण्डलको मतदाता नामावलीमा नाम दर्ता भएको व्यहोरा खुल्ने प्रमाण पनि पेश गर्नुपर्ने आयोगको सूचिमा उल्लेख छ ।

राष्ट्रियसभामा सदस्यको पहिलोपटक एकतिहाइ सदस्यको पदावधि दुई वर्ष, अर्को एकतिहाइको चार वर्ष र बाँकी एकतिहाइको छ वर्षमा पदावधि समाप्त हुने संवैधानिक व्यवस्था रहेको छ।

काठमाडौं । प्रमुख प्रतिपक्षी नेपाली कांग्रेसले राष्ट्रियसभा सदस्य निर्वाचनको प्रयोजनका लागि पार्टीका तर्फबाट उठ्ने उम्मेदवारको टुंगो लगाएको छ ।

पार्टी केन्द्रीय समितिले कांग्रेस पदाधिकारी बैठकलाई उमेदवार छनोटको अधिकार दिएको थियो । सोही अनुसार शनिबार १४ जना उम्मेदवारको टुंगो पार्टीले लगाएको छ ।

२ उम्मेदवारको नाम टुंगो लाग्न बाँकि रहेको छ । ९ माघमा हुने निर्वाचनमा कूल १८ सांसदका लागि निर्वाचन हुनेछ । कांग्रेसले प्रदेश नम्बर २ मा समाजवादी पार्टीसँग तालमेल गरेको छ ।

जहाँ कांग्रस र समाजवादीले दुई खुई सीटमा तालमेल गरेका हुन् । आइतबार मनोनयन दर्ताको कार्यक्रम रहेको छ ।

कांग्रेसले प्रदेश नम्बर १ मा पाँचथरका निरबहादुर विश्वकर्मा (दलित) र सुनसरीकी मीना पुलामी मगर (महिला) लाई छानेको छ । झापाका राजेन्द्र घिमिरे अन्यमा उमेदवार बनेका छन् ।

प्रदेश नम्बर २ मा महोत्तरीकी नगिना यादव (महिला), धनुषाका भोला पन्जियार (अल्पसंख्यक) रअपांगता)मा उमेदवार छनोट भएका छन् ।

कांग्रेसले प्रदेश नम्बर ३ बाट न्धिुपाल्चोकका हरिशरण श्रेष्ठ (अन्य), चितवनकी छलीकुमारी शर्मा उपाध्याय (महिला)लाई चयन गरेको छ ।

गण्डकी प्रदेशमा स्याङ्जाका सूर्यप्रसाद रेग्मी (अन्य), म्याग्दीकी विमला गौचन (महिला) छानेको छ ।

प्रदेश नम्बर ५ मा अर्घाखाँचीका बालकृष्ण पाण्डे (अन्य) र दाङकी गिरिजा न्यौपाने (महिला)मा छानिएका छन् ।

बाँकेकी मेराज हलवाई अल्पसंख्यक र अपाङ्गता)बाट छानिएकी छिन् । कर्णाली प्रदेशको भने उम्मेदवार अझै टुंग्याइएको छैन ।

सुदुरपश्चिम प्रदेशबाट बैतडीका प्रताप ठगुन्ना (अन्य) र कैलालीकी तुलसी देवकोटा (महिला) छानिएका छन् ।

काठमाडौं । नेपाली कांग्रेस र समाजवादी पार्टी नेपालबीच राष्ट्रियसभा निर्वाचनमा तालमेल गर्ने सहमति भएको छ । दुई पार्टीबीच प्रदेश २ का चार सिट बाँडफाँट गर्ने सहमति भएको छ ।

सहमति अनुसार कांग्रेसले महिला र अल्पसंख्यक तथा समाजवादीले दलित र अन्य पदको उमेदवारी दिने भएका छन् ।

सहमतिपत्रमा कांग्रेस सभापति शेरबहादुर देउवा र समाजवादीका अध्यक्ष उपेन्द्र यादवले हस्ताक्षर गरेका छन् ।

प्रदेश २ मा सत्तारुढ नेपाल कम्युनिस्ट पार्टी र राष्ट्रिय जनता पार्टी (राजपा)बीच चुनावी तालमेल भइसकेको छ ।

कांग्रेसले बिहीबार नै समाजवादी पार्टीसँगको तालमेलबारे संकेत गरेको थियो । समाजवादी पार्टी सत्तारुढ नेकपासँग चिढिएसँगै कांग्रेससँग नजिक भएको हो ।

काठमाडौं ।नेपाल कम्युनिष्ट पार्टी (नेकपा) सचिवालय बैठक आज बस्दैछ ।

शुक्रबार बिहान डाकिएको बैठकमा राष्ट्रियसभा निर्वाचनका लागि उम्मेदवार चयन र र सभामुख पदमा पार्टीका नेताको टुंगो लगाउने विषयमा छलफल हुने बताइएको छ ।

बैठक प्रधानमन्त्री निवास वालुवाटारमा बस्दैछ । बिहीबार पनि बैठक बसेको थियो, तर सहमति हुन सकेन् ।

सभामुख पदमा अध्यक्षद्धय प्रचण्ड र केपी शर्मा ओलीबीच पूर्व माओवादी की पूर्व एमालेबाट सभामुख बनाउने भन्ने सम्बन्धमा सहमति जुट्न बाँकि रहेको छ ।

राष्ट्रियसभामा भने कूल १८ सिटका लागि उमेदवार खडा गर्नुपर्ने भएको छ । त्यसमध्ये २ राष्ट्रिय जनता पार्टी (राजपा)लाई दिने सहमति भएको छ । नेकपाका भागमा १६ सिट पर्छ ।

सभामुख कृष्णबहादुर महरामाथि बलात्कार प्रयासको आरोप लागेपछि यो पद अहिले रिक्त रहेको छ । तर, सत्तारुढ दल भित्रकै गुटबन्दीले उमेदवार टुंगो लागेको छैन ।

काठमाडौं । महानगरीय प्रहरी कार्यालय रानीपोखरीबाट सादा पोशाकमा खटिदै आएको समूह अब नखट्ने भएको छ ।

यसरी खटिदै आएको टोलीको ड्यूटी हटाएर अब पोशाकमै प्रहरी खटाउने निर्णय भएको छ । यस्तो निर्णय बिहीबारबाटै कार्यान्वयनमा आएको कार्यालयले जानकारी दिएको छ ।

मातहतका प्रहरी कार्यालयले शान्ति सुरक्षा र अपराध नियन्त्रणमा आफै खटिदै आएको र महानगरीय अपराध नियन्त्रण महाशाखाबाट सादा पोशाकमा पुलिस खटिने भएकाले दोहोरो गरी कर्मचारी खटाउनु आवश्यक नभएको निष्कर्षमा कार्यालय पुगेको हो ।

अब कार्यालयका टोलीहरु सबै पुलिसकै पोशाकमा सुरक्षामा खटिने भएका छन् ।

घुमुवा प्रहरीप्रति समाजको इमेज पनि नकारात्मक बन्दै गएको, पदको दुरुपयोग गरी गलत फाइदा लिने गरेको समेत आरोप पुलिसमाथि लाग्दै आएको छ ।

उपत्यकामा प्रहरी वरिष्ठ उपरीक्षकको नेतृत्वमा २१ जनासम्म घुमुवा टोली परिचालन हुने गरेको थियो ।