Category: समाचार

काठमाडौं । गत बिहीबारदेखिको अविरल वर्षा र त्यसपछि आएको बाढी पहिरोमा परी निधन हुनेको संख्या ५१ पुगेको छ ।

मन्त्रीपरिषद्को आइतबार बसेको बैठकले निधन भएको संख्या सार्वजनिक गरेको हो । मुलुकभर ५१ जनाको निधन भएको र ३१ जना वेपत्ता रहेको सरकारको तथ्यांकमा उल्लेख छ ।

२८ जना घाइते छन् । १० हजार ३ सय ८५ घरधुरी यस विपत्तीबाट विस्थापित भएका छन् भने ठूलो आर्थिक क्षति भएको मन्त्रीपरिषद् वैठकपछि सार्वजनिक विज्ञप्तीमा उल्लेख गरिएको छ ।

यसैबीच सरकारले उद्धार तथा राहत प्रभावकारी बनाउन सरोकारवाला निकायको जिम्मेवारी पनि तोकेको छ । सरकारले घाइतेहरुको उपचारका सम्पूर्ण व्यवस्था गर्ने भएको छ ।

घाइतेको उपचारमा कुनै कमी हुन नदिने, घाइते भई अपांग तथा अशक्त हुने र मृतकका परिवारका सदस्यलाई पनि सरकारले यथोचित व्यवस्था गर्ने निर्णय मन्त्रीपरिषद् बैठकले गरेको छ ।

प्रभावित क्षेत्रमा रोगको प्रकोप हुन नदिन औषधि उपरणसहितको थप स्वास्थ्यकर्मीहरुको टोली तुरुन्त परिचालन गर्ने निर्णय सरकारले गरेको छ ।

विपद् प्रभावित क्षेत्रमा यातायात, विद्युत, सञ्चारजस्ता अत्यावश्यक सेवा सूचारु गराउन सम्बन्धित निकायले पूर्ण सतर्कता अपनाउने निर्णय सरकारले गरेको छ ।

यातायात आवागमन सूचारु गराउन रक्षा, गृह र भौकि पूर्वाधार तथा यातायात मन्त्रालयहरुले समन्वय गर्ने निर्णय समेत बैठकले गरेको छ ।

उद्धार र राहतलगायत काममा आवश्यक सहयोग गर्न जनप्रतिनिधिलाई आग्रह गरिएको छ ।

गृह मन्त्रालयको समन्वयमा विपदबाट भएको क्षतिको विवरण तयार गरी मूल्यांकन गर्ने र त्यसपछि पुनस्र्थापना र पुनर्निर्माणलगायतका विषयमा निर्णय गर्ने निष्कर्षमा सरकार पुगेको हो ।

डोल्पा । डोल्पामा खोलाले तीन घर बगाउँदा एक जनाको निधन भएको छ भने १० जना वेपत्ता भएका छन् ।

शनिबार डोल्पाको तल्लो भेगस्थित मुड्केचुला गाउँपालिका(१ मा औलमा पर्ने काचिला खोलामा बाढी आएछि ती घर बगाएको प्रहरीले जानकारी दिएको छ ।

तीन घरका १० जना सम्पर्कविहीन भएका छन् भने १ जनाको शव भेटिएको प्रहरीले जानकारी दिएको छ । मृत्यु हुने धर्मराज बोहोरा छन् ।

शनिबार दिउँसो साढ. तीन बजेतिर खोलामा ठूलो बाढी आएपछि ३ घर, १० घट्ट र लघुजलविद्युत्को पाइप समेत बगाएको प्रहरीले जानकारी दिएको छ ।

सम्पर्कविहीन व्यक्ति सुरक्षित स्थानमा गए या बाढीले बगाये भन्ने बारे नै निश्चित नभएको स्थानीय प्रशासनले बताएको छ ।

सदरमुकामाट करीव १ दिनको प्रदल दुरीमा पर्ने उक्त स्थानतर्फ प्रहरी टोली परिचालन भइसकेको प्रहरीले उल्लेख गरेको छ ।

जिल्लाका उच्च अधिकारी समेत घटनास्थलतर्फ लागेका छन् । नेपालमा निरन्तर आएको वर्षा र त्यसबाट उत्पन्न विपद्ले देशका विभिन्न स्थानमा ठूलो जनधनको क्षति गरिरहेको छ ।

काठमाडौं । बिहीबारदेखि नै परेको अविरल वर्षा र त्यसपछि आएको बाढी तथा पहिरोमा परी देशभर ३२ जनाले ज्यान गुमाएका छन् ।

प्रहरी प्रधान कार्यालयको पछिल्लो तथ्यांक अनुसार देशभर ज्यान गुमाउने नागरिकको संख्या ३२ पुगेको हो । विभिन्न स्थानमा १७ जना अझै वेपत्ता छन् ।

पहाडी भेगमा पहिरो र तराई भेगमा डुबानका कारण धेरै क्षेत्रमा त्रास फैलिएको छ । शनिबार भने वर्षातः कम भएका कारण केही राहत मिलेको छ ।

सुरक्षाकर्मीले विभिन्न स्थानबाट साढे ८ सय जनाको सकुशल उद्दार गरिसकेका छन् । १२ जना भने घाइते भई विभिन्न अस्पतालमा उपचारार्थ रहेको प्रहरीको भनाई छ ।

बाढी पहिरोले सबैभन्दा बढी उपत्यका भित्रै मानवीय क्षति गरेको छ । ललितपुरमा पाँच तथा काठमाडौंमा तीन जनाले ज्यान गुमाएका छन् ।

खोटाङ, काभ्रेपलाञ्चोक, भोजपुर र मकवानपुरमा पनि तीनरतीन जनाको निधन भएको प्रहरीको तथ्यांक रहेको छ ।

धादिङ र सिन्धुलीमा २/२ तथा ओखलढुङ्गा, पर्सा, रामेछाप, इलाम, झापा, सुनसरी, बारा र चितवनमा १/१ जनाले ज्यान गुमाएका छन् ।

काठमाडौं । शनिबार पनि तराईका नदिहरुका जलस्तर बढ्ने क्रम जारी छ । जल तथा मौसम विज्ञान विभागका अनुसार पूर्वी तराईका अधिकांश ठूला नदिहरुले खतराको सूचि पार गरिसकेका छन् ।

सप्तकोसी र कमला नदीमा बाढीका कारण खतराको स्तर माथि पुगिसकेको बाढी मापन केन्द्रले शनिबार सवेरै जानकारी गराएको छ ।
कमला नदी(धनुषा(तितरिया बाढीमापन केन्द्रमा जलसतह खतरा तहभन्दा ज्यादै माथि पुगेको केन्द्रको भनाई छ ।

उता, धनुषा, सिराहा जिल्लामा पनि डुबानको समस्या हुने भन्दै नदि किनारमा उच्च सतर्कता अपनाउन केन्द्रले सूचित समेत गरेको छ ।

सप्तकोसी नदीको चतरा क्षेत्रमा जलसतहले सतर्कताको तह पार गरिसकेको केन्द्रले उल्लेख गरेको छ ।

डुबानले जनकपुर क्षेत्र जलमग्न भएको छ । उपमहानगभित्रका सबै संरचना डुबेका छन् । यातायात, विमानस्थल तथा अन्य सेवा ठप्प रहेको स्थानीय प्रशासनले जानकारी दिएको छ ।

उता, दशगजा क्षेत्रमा भारतले बनाएको बाँध नखोल्दा नेपालतर्फ रौटहत र आसपासको क्षेत्र डुबानमा परेको छ । रौटहट सदरमुकाम गौरलगायतका क्षेत्र डुबानमा परेको हो ।

विभागका अनुसार आइतबारसम्म वर्षाको सम्भावना छ । जसले गर्दा पहाडमा पहिरो र तराईमा डुबानको समस्या जारी रहन सक्ने भन्दै सचेत रहन सबैलाई सूचित गरेको छ ।

काठमाडौं । बिहीबारबाट निरन्तर परेको मनसुनले देशमा विभिन्न स्थानको जनजीवन प्रभावित पारेको छ । वर्षापछि आएको बाढीले रौतहटमा डुबान शुरु भएको छ ।

पूर्व–पश्चिम राजमार्ग अवरुद्ध बन्नुका साथै लाल बकैया नदी वस्तीमा छिर्दा डुबान शुरु भएको हो । प्रहरीका अनुसार चन्द्रपुर लच्कामा बाढी सडकमा पसेको छ, जसले गर्दा पूर्व–पश्चिम राजमार्ग नै अवरुद्ध भएको हो ।

उता, पाल्पा बुटवल खण्डमा पहिरो गएछि अवरुद्ध सिद्धार्थ राजमार्ग एकतर्फी रुपमा संचालनमा आएको छ ।

बिहीबार बेलुका राजमार्गको सिद्धबाबा नजिकै हेडबक्स नजिकै र बिहान केराबारी क्षेत्रमा ठूला ढुङ्गासहितको पहिरो खसेको जिल्ला प्रहरी पाल्पाले जानकारी दिएको छ ।

शुक्रबार बिहानैदेखि पहिरो हटाएर एकतर्फी सवारी संचालन शुरु भएको प्रहरीको भनाई छ ।

उता, तीन दिनयताको लगातार वर्षाका कारण सप्तकोशी नदीको जलस्तर बढेको छ । तर, खतराको स्तर भने पार नभइसकेको प्रहरीले जानकारी दिएको छ ।

शुक्रबार बिहानसम्म कोशीमा पानीको बहाव १ लाख ६९ हजार क्युसेक प्रतिसेकेण्ड पुगेको छ। ब्यारेजका ३२ वटा ढोका खोलिएका छन्।

सुनसरीमा वस्तीमा बाढी पस्दा स्थानीय प्रभावित भएका छन् । सुनसरीको हरिनगर गाउपालिका–५ वसन्तपुरस्थित सुकसेना टोलका ३५ घरपरिवार बाढीका कारण प्रभावित भएमा हुन् । उनीहरुलाई प्रहरीले उद्धार गरेर स्थानीय विद्यालयमा राखेको छ।

यता, हेटौंडा–सिस्नेरी–फाखेल–हुमाने काठमाडौं सडक पहिरोका कारण पुर्ण रुपमा अवरुद्ध बनेको छ।

इन्द्रसरोवर गाउँपालिका–२ देउराली भन्दा एक किलोमिटर तल बिहीबार राति देखि परेको पानीले लेदो माटोसहितको पहिरो खस्दा सडक अवरुद्ध भएको हो।

काठमाडौं । प्रधानमन्त्री केपी शर्मा ओलीले नेपालमा हुने सबै प्रकारको बाल विवाह रोक्न सरकार कट्टिवद्ध रहेको बताएका छन् ।

विश्व जनसङ्ख्या दिवसका अवसरमा आज दिएको शुभकामना सन्देशमा प्रधानमन्त्री ओलीले बाल विवाहलाई विकास प्रतिफलको नकारात्मक सूचकको संज्ञा दिँदै यसमा परिवर्तन ल्याउन प्रयास भइरहेको उल्लेख गरेका छन ।

‘कुनै पनि प्रकारको बालश्रम र बाल दुव्र्यवहारप्रति सरकारले शून्य सहनशीलताको नीति अख्तियार गरेको छ, उनले भनेका छन्, ‘बालविवाहजस्तो विकासको प्रतिफलको नकारात्मक सूचकमा परिवर्तन ल्याउन प्रयास भइरहेका छन् ।’

उनले बालविवाह रोकथाममा वर्तमान सरकार कटिबद्ध रहेको बताएका हुन । आगामी दिनमा प्रजनन यिन्त्रणभन्दा व्यवस्थापनमा ध्यान दिनुपर्ने उनको भनाई छ ।

प्रजननदर घटाएर जनसङ्ख्या वृद्धिदर नियन्त्रण गर्ने नीति अहिले अपनाइएको छ । शिक्षा, स्वास्थ्य र रोजगारीका अवसरमा आएको सुधारसहित जन्मदरमा आएको कमीलाई ध्यानमा राख्दै यसको व्यवस्थापनमा ध्यान दिनुपर्ने प्रधानमन्त्रीको जोड छ ।

जुलाई ११ लाई संयुक्त राष्ट्र सङ्घले विश्व जनसङ्ख्या दिवस तोकेको छ । प्रधानमन्त्री ओलीले ज्येष्ठ नागरिकको सामाजिक, आर्थिक, पारिवारिक र आवासको सुरक्षाका साथै उनीहरुको स्वास्थ्य सेवा र तन्दुरुस्ती पनि सरकारको प्राथमिकतामा परेको उल्लेख गरेका छन् ।

युवा जनशक्तिको बसाइँसराइका प्रवृत्तिलाई नियमन गर्दै कामको खोजीमा बाह्य मुलुक जान लालायित युवालाई स्वदेशमै रोजगारी उपलब्ध गराउने र उनीहरुको क्षमता यहीँ परिचालन गर्ने सोचका साथ काम हुन थालेको उनको दावि छ ।