Category: विज्ञान प्रविधि

काठमाडौं । नेपालले पुस अन्तिम साताबाट कोरोना खोपको बुस्टर डोज वितरणको तयारी गरेको छ । स्वास्थ्य तथा जनसंख्या मन्त्री विरोध खतिवडाले यस्तो जानकारी गराएका हुन् । उनका अनुसार विश्व स्वास्थ्य संगठनले अनुमति दिएमा पुस अन्तिमबाट बुस्टर डोज दिइने छ । बुधबार नियमित प्रेस ब्रिफिंगमा उपस्थित भएका मन्त्री खतिवडाले बुस्टर डोज सुरू गर्दा पहिलो चरणमा फ्रन्टलाइनमा खटिने स्वास्थ्यकर्मी, सुरक्षाकर्मी वृद्धवृद्धा, बालबालिका हुँदै विस्तारै सबै नागरिकलाई लगाइने बताए ।

सरकारले खोप लगाएदेखि अहिले सम्म दुइ करोड २२ लाख २८ हजार १७७ मात्रा खोप लगाइसकेको जनाएको छ । कुल जनसंख्याको ४१ Þ१ पहिलो मात्रा ३२ .२ प्रतिशत पूर्णमात्रा लगाएका छन् । लक्षित जनसंख्यामा ६२ .५ प्रतिशत ले एक मात्रा र ४९.१ प्रतिशत पुर्णमात्रा खोप लगाएका छन् ।

विश्व स्वास्थ्य संगठनले लक्षित समुहका ५० प्रतिशत नागरिकले पुर्ण मात्रा खोप लगाएपछि बुस्टर डोज खोप लगाउन सिफारिस गरेको छ। पछिल्लो समय कोरोनाको नयाँ भेरियन्ट ओमिक्रोन फैलन थालेपछि बुस्टर डोजसमेत वितरणको दवाव बढेको हो । मन्त्री खतिवडाले १२ वर्ष देखि १७ वर्षका सबै बाल-बालिकालाई खोप लगाउन समेत आग्रह गरेका छन् ।

काठमाडौं । नेपालमा आजबाट ५७ जिल्लामा १२ वर्षदेखि १७ वर्ष उमेर समूहका किशोर किशोरीमा कोरोना भाइरसविरुद्धको खोप वितरण शुरु हुँदैछ । स्वास्थ्य तथा जनसङ्ख्या मन्त्रालयका अनुसार उनीहरलाई अमेरिकामा उत्पादन भएको मोडर्ना खोपको पहिलो मात्रा दिइन लागेको हो । आजबाट पुस १४ गतेसम्म अभियान जारी रहने छ ।

प्रदेश नं १ को ताप्लेजुङ, सङ्खुवासभा, ओखलढुङ्गा, खोटाङ, भोजपुर, धनकुटा, तेह्रथुम, पाँचथर, इलाम र उदयपुरमा खोप लगाइने भएको छ । प्रदेश नं २ मा सिराहा, महोत्तरी, सर्लाही, रौतहट र बारा जिल्लामा खोप लगाइने छ । खोप लगाउनेमा बागमती प्रदेशको दोलखा, सिन्धुपाञ्चोक, रसुवा, धादिङ, नुवाकोट, रामेछाप र मकवानपुर रहेका छन् ।

गण्डकी प्रदेशमा गोरखा, मनाङ, मुस्ताङ, म्याग्दी, लमजुङ, तनहुँ, नवलपरासी पूर्व, स्याङ्जा र पर्वत छन् । लुम्बनी प्रदेशमा रुकुमपूर्व, रोल्पा, प्यूठान, गुल्मी, अर्घाखाँची, पाल्पा, नवलपरासी पश्चिम, कपिलवस्तु र बर्दिया रहेका छन् । कर्णाली प्रदेशका डोल्पा, मुगु, हुम्ला, जुम्ला, कालीकोट, दैलेख, जाजरकोट, रुकुमपश्चिम र सल्यान तथा सुदूरपश्चिमका बाजुरा, बझाङ, दार्चुला, बैतडी, डोटी, अछाम र कञ्चनपुर छन् ।

अहिले पहिलो खोप लगाएका विद्यार्थीलाई दोस्रो मात्रा माघ २ देखि १२ गतेसम्म लगाइने भएको छ । यसअघि १२ वर्षमाथिका दीर्घ रोगीका लागि फाइजर खोप सञ्चालन भएका १९ जिल्ला र सिन्धुली गरी २० जिल्लामा समेत फाइजर खोप लगाइने भएको छ ।

काठमाडौं । सरकारले नेपालमा बालबालिकालाई लक्षित गरी ४ पुसबाट कोरोनाविरुद्धको खोप वितरण थाल्ने भएको छ । पहिलो चरणमा ५७ जिल्लाका १७ लाख बालबालिकालाई लक्षित गरी खोप अभियान चलाउने तयारी छ । स्वास्थ्य तथा जनसङ्ख्या मन्त्रालयका अनुसार यसको तयारी समेत पुरा भएको छ । नेपालमा १२ देखि १८ वर्ष उमेर समूहका ३४ लाख बालबालिका खोप लगाउन योग्य अवस्थामा छन् । पहिलो चरणमा १७ लाख बालबालिकालाई लगाउने भएको हो ।

स्वास्थ्य तथा जनसङ्ख्या मन्त्रालयका अनुसार पहिलो चरणमा अमेरिकी कम्पनीद्वारा निर्मित मोडर्ना खोप बालबालिकालाई दिइने छ । यस पटक विद्यालयहरुमै खोप केन्द्र सञ्चालन गरिने छ । तीन चरणमा गरी ३५ लाखभन्दा बढी खोप आइसकेको छ । सोही मोडर्ना खोप १७ लाख बालबालिकामा लगाइने छ । पहिलो चरणमा हिमाल र पहाडका ५७ जिल्लामा मोडर्ना खोप लगाउन लागिएको हो । यसअघि अमेरिकी खोप फाइजर आउँदा १२ देखि १७ वर्ष उमेर समूहका बालबालिकालाई दिइएको थियो ।

काठमाडौं । नेपालमा कोरोना भाइरसको नयाँ भेरियन्ट ओमिक्रोन नफैलिएको पुष्टी भएको छ । पहिलो पृष्टि भएयता आइतबारसम्म टेकुस्थित राष्ट्रिय जनस्वास्थ्य प्रयोगशाला (एनपीएचएल)मा एक हजार ८ सय जनाको जीन सिक्वेन्सिङ गरिएको थियो । जसमा थप व्यक्तिमा ओमिक्रोन पुष्टी नभएको प्रयोगशालाले जनाएको छ ।
नेपालमा १९ मंसिरमा पहिलो पटक ओमिक्रोन पुष्टी भएको हो । त्यसपछि प्रयोगशालामा सबै प्रदेशबाट एक हजार ८ सय स्याम्पल परिक्षण गरिएको थियो ।

कोरोना भाइरसको नयाँ भेरियन्ट ओमिक्रोन पुष्टि भएका दुई जना व्यक्तिको समेत पीसीआर रिपार्ट नेगेटिभ आइसकेको छ । नेपालमा ६६ वर्षीय विदेशी नागरिक र उनको सम्पर्कमा आएका ७१ वर्षीय वृद्धमा जिन सिक्वासिङ गर्दा ओमिक्रोन संक्रमण पुष्टि भएको थियो। दुई व्यक्तिसँग सम्पर्कमा आएकाको कन्ट्याक्ट ट्रेसिङगमा रहेका ६६ जनाको पिसिआर परीक्षण गर्दा कोरोना नेगेटिभ रिर्पोट आएको थियो ।

जुम्ला । आज राष्ट्रपति विद्यादेवि भण्डारी कर्णालीको जुम्ला जाने कार्यक्रम तय भएको छ । जुम्लास्थित कर्णाली स्वास्थ्य विज्ञान प्रतिष्ठान शिक्षण अस्पतालमा एमबीबीएसको औपचारिक रुपमा शुभारम्भ गर्न राष्ट्रपति जुम्ला जाने भएकी हुन् । एमबीबीएस लगायत शैक्षिक कार्यक्रमको आज राष्ट्रपति विद्या भण्डारीले शुभारम्भ गर्ने प्रतिष्ठानले जनाएको छ । एमबीबीएस कार्यक्रम शुभारम्भका लागि बिहान ११ बजे हेलिकोप्टरमा राष्ट्रपति भण्डारी जुम्ला पुग्नेछिन् ।

राष्ट्रपतिले ७६ करोडमा बन्न लागेको क्वार्टर र एकेडेमिक भवनको शिलान्यास गर्ने छिन् । एमबीबीएस, बीएनएस, बीफार्मा लगायतका शैक्षिक कार्यक्रमको समेत शुभारम्भ आजै हुने छ । राष्ट्रपति जुम्ला आउने भएपछि कर्णाली प्रदेशका प्रदेश प्रमुख तिलक परियार र नेपाल सरकारका स्वास्थ्य तथा जनसङ्ख्या राज्यमन्त्री भवानीप्रसाद खातुन जुम्ला पुगेका छन् । एमबीबीएसमा १९, बीपीएचमा ८, बीएनएसमा १६, बीफार्मामा ८ र बीएमएसमा ११ विद्यार्थी भर्ना भएका छन् । यहाँ छात्रवृत्तिका विद्यार्थी मात्र भर्ना भएका छन् ।

काठमाडौं । देशभर चिसो झनै बढेको छ । मौसमविद्ले चिसो अझै बढ्ने भन्दै आवश्यक सुरक्षा एवं सतर्कता अपनाउन आह्वान गरेका छन् । चिसोमा न्यानो हुन आगो, कोइला तथा ब्रिकेट र हिटर बाल्दा सावधानी अपनाउन नसकिए आगलागीको जोखिम हुने भएकाले ख्याल गर्न मौसमविद्ले आग्रह गरेका हुन् । केही दिनयता दिउँसोको समयमा पारिलो घाम लाग्ने गरेको छ ।

काठमाडौंमा आज न्यूनतम तापक्रम आज ६ दशमलव ५ डिग्री सेल्सियस मापन गरिएको छ। बिहीबार ६ दशमलव २ डिग्री सेल्सियस मापन भएको थियो । नेपालमा अहिले उल्लेखनीय मौसमी प्रणाली नभएकाले अबको केही दिन पनि मौसम सफा हने भएको छ । आज प्रदेश(१, वाग्मती र गण्डकी प्रदेशका पहाडी क्षेत्रका केही ठाउँमा भने मौसम आंशिक बद्ली हुने सम्भावना छ ।

काठमाडौं । नेपालमा १८ वर्ष भन्दा मुनीका बालबालिकालाई लगाउने प्रयोजनका लागि कोभ्याक्स सुविधाअन्तर्गत प्राप्त कोरोनाविरुद्धको करिब १५ लाख मोडर्ना खोप बिहीबार नेपाल आइपुग्दैछ । स्वास्थ्य सेवा विभागले यस्तो जानकारी गराएको हो । बिहीबार १४ लाख ९७ हजार छ सय डोज मोडर्ना खोप आउन लागेको हो । यसअघि गत शुक्रबार एक लाख ८८ हजार चार सय डोज मोडर्ना खोप नेपाल आएको छ ।

त्यसो त बुधबार समेत कोभिशिल्ड खोप नेपाल आएको छ । नेपालमा अहिलेसम्म कुल एक करोड ९२ लाख ८५ हजार १९७ मात्रा खोप वितरण भइसकेको ेछ । एक करोड पाँच लाख चार हजार ७६४ जनाले पहिलो मात्रा र ८७ लाख ८० हजार ४३३ जनाले पूर्ण मात्रा खोप लगाएका छन् । सरकारले आगामी चैत भित्र सबै नागरिकमा खोप वितरण गरिसक्ने लक्ष्य लिएको छ ।

काठमाडौं । विश्व स्वास्थ्य संगठनले अहिले प्रयोगमा रहेका कोरोना भाइरस विरुद्धका खोपहरु नयाँ भेरियन्ट ओमिक्रोन विरुद्ध समेत प्रभावकारी रहेको जनाएको छ । पहिलो पटक दक्षिण अफ्रिकामा देखिएको यो भेरियन्टलाई फाइजर खोपमा परीक्षण गरिएको थियो । प्रयोगशाला परीक्षणमा सकारात्मक नजिता आएको अन्तर्राष्ट्रिय संचारमाध्यमले जनाएका छन् । सोही आधारमा डब्ल्यूएचओले अहिले प्रयोगमा रहेका खोपले ओमिक्रोनविरुद्ध समेत काम गर्ने छन् ।

खोपले ओमिक्रोन भेरियन्टबाट संक्रमित भए पनि गम्भीर बिरामी पर्न नदिने डब्ल्यूएचओका आपतकालीन निर्देशक डा. माइक रायनले बताएका छन् । अनुसन्धानकर्ताहरुले नयाँ भेरियन्टविरुद्ध खोपले कसरी काम गर्छ भन्नेबारे थाहा पाउन भने थप अनुसन्धानको आवश्यकता औल्याएका छन् । ओमिक्रोनले खोपलाई छल्ने सम्बन्धमा अरु भेरियन्ट भन्दा शक्तिशाली भने बाहिर हल्ला भएजसतो पाइएको छैन ।

तनहुँ । तनहुँमा शिकार खेल्ने क्रममा गोली लागेर एक जनाको मृतयु भएको छ । जिल्ला प्रहरी तनहुँका प्रवक्ता डिएसपी युवराज खड्कालाई उदृत गर्दै स्थानीय संचारमाध्यमले जनाए अनुसार जिल्लाको शुक्लागण्डकी नगरपालिका १ थप्रेकमा घटना भएको छ । आइतबार राति सिकार खेल्न गएका बेला गोली लागेर सोही ठाउँका १७ वर्षीय रोहित मल्लको ज्याा गएको छ ।

शुक्लागण्डकीस्थित रतनपुर सामुदायिक वनको तुरतुरे पाखामा सिकार खेल्न गएको बेला घटना भएको प्रहरीको भनाइ छ । गोली लागेर युवकको घटनास्थलमै मृत्यु भएको हो । दुई जना सिकार खेल्न गएको र गोली लागेर एक जनाको घट्नास्थलमै मृत्यु भएको खबर प्रहरी समक्ष पुगेको थियो । प्रहरीका अनुसार बन्दुक रोहितले नै बोकेको देखिएको छ । प्रहरीले बन्दुकसहित छिमेकी ४७ वर्षीय सुनबहादुर गुरुङलाई पक्राउ गरेको समेत जनाएको छ ।

काठमाडौं । नेपालमा आजबाट बाघको गणना शुरु हुने भएको छ । राष्ट्रिय निकुञ्ज तथा वन्यजन्तु संरक्षण विभागले आइतबारदेखि बाघ गणना गर्न थाल्ने जनाएको छ । गणना चितवन राष्ट्रिय निकुञ्जको सौराहा सेक्टरबाट हुनेछ । २०२१ भित्रै गणना गरिने भए पनि कार्यक्रमको नाम ‘राष्ट्रिय बाघ गणना २०२२’ राखिएको छ । नेपालमा पर्सा राष्ट्रिय निकुञ्ज, चितवन, बाँके, बर्दिया र शुक्लाफाँटा राष्ट्रिय निकुञ्जमा बाघ पाइन्छ । सबैभन्दा धेरै चितवनमा रहेको अनुमान छ ।

गणनाका लागि बाघ पाइने ५ वटा निकुञ्ज र बाहिरको क्षेत्र समेटेर तीनवटा कम्प्लेक्स बनाइएको छ । पहिलो चरणमा चितवन–पर्सा कम्प्लेक्सबाट गणना हुने विभागले जनाएको छ । गणनाका दौरान नेपाली सेना र हात्तिको अधिकतम सहयोग लिइने भएको छ । बाघ गणनाका लागि क्यामेरा जडान मूख्य काम हुनेछ । यो पटक एउटा टोलीमा कम्तीमा पनि ६ देखि ८ जना प्राविधिक रहने बताइएको छ ।

क्यामेरा ट्र्यापिङ र अकुपेन्सी सर्भे विधिबाट बाघको गणना हुने भएको छ । आगामी साउन १३ मा विश्व बाघ दिवसका दिन नतिजा सार्वजनिक गर्ने तयारी छ । गणना क्रममा बाघ ओहोरदोहोर गर्ने क्षेत्र र बाटो पत्ता लगाएर स्वचालित क्यामेरा राखिने भएको छ । क्यामेरा पार गरेर बाघ गए आफैं फोटो खिचिन्छ । क्यामेरामा कैद भएका बाघको तस्बिर हेरेर उक्त क्षेत्रमा कति बाघ छन् भन्ने निर्क्योल हुनेछ । नेपालमा सन् २०१८ मा २ सय ३५ बाघ रहेको अनुमान थियो ।

काठमाडौं । नेपाल सरकारले दैनिक दुई लाख जनालाई कोरोना भाइरसविरुद्धको खोप वितरण गर्ने भएको छ । यसका लागि तयारी पूरा गरेको सरकारले जनाएको छ । राससका अनुसार आवश्यक खोप, खोपकेन्द्र र जनशक्तिको व्यवस्था गरिसकेको स्वास्थ्य तथा जनसङ्ख्या मन्त्रालयले जनाएको छ । मन्त्रालयले विदेशबाट नियमित खोप आउन थालेपछि खोप आवश्यक पर्ने सबैलाई लगाउने जनाएको छ ।

मन्त्रिपरिषद्को यही मङ्सिर १३ गते बसेको बैठकले सबै नागरिकलाई निःशुल्क रुपमा कोभिड–१९ खोप उपलब्ध गराउने निर्णय गरेको थियो । मन्त्रालयका सहप्रवक्ता डा समीरकुमार अधिकारीले दैनिक दुई लाख जनालाई खोप लगाउने गरी आवश्यक सबै तयारी पूरा भएको जानकारी दिए । उनले खोप लगाउन आएका कोहीलाई पनि खोप नलगाई नफर्काएको जानकारी गराए ।

सर्वसाधारणमा कोभिड–१९ विरुद्धको खोप पु¥याउनका लागि नियमित सञ्चालन हुने खोप केन्द्रबाट नै खोप लगाउने तयारी सरकारको छ । नेपालमा स्वास्थ्यकर्मी, कर्मचारी र अग्रपंक्तिमा काम गर्नेले करीव सबैले खोप पाइसकेका छन् । नेपालमा दुई करोड ७३ लाख ५६ हजार ५३० मात्रा खोप आइसकेको छ । तीन करोड ५० लाख खोप आउने क्रममा छ ।

अहिलेसम्म एक करोड ८८ लाख ६२ हजार २१६ जनाले खोप लगाइसकेका छन् । तीमध्ये एक करोड दुई लाख ४८ हजार ३६९ पहिलो मात्रा र ८६ लाख १३ हजार ८४७ जनाले पूर्ण मात्राको खोप लगाइसकेका छन् ।

अहिलेसम्म एक करोड ८८ लाख ६२ हजार २१६ जनाले खोप लगाइसकेका छन् । तीमध्ये एक करोड दुई लाख ४८ हजार ३६९ पहिलो मात्रा र ८६ लाख १३ हजार ८४७ जनाले पूर्ण मात्राको खोप लगाइसकेका छन् । कूल जनसङ्ख्यामध्ये ३३.७ प्रतिशतले पहिलो मात्रा र २८४ प्रतिशतले पूर्ण मात्रा खोप लगाइसकेका छन् ।

सरकारले पुस मसान्तभित्र कूल लक्षितको दुई तिहाई र चैतमसान्तसम्म लक्षित सबै नागरिकलाई खोप लगाउने लक्ष्य लिएको छ । सरकारले खरिद गरेर र कोभ्याक्स सुविधामार्फत दैनिक खोप ल्याइरहेको छ । अहिले नेपालमा १८ वर्षभन्दा माथिका सबै नागरिकले चाहेको बेला खोप पाइरहेका छन् ।

सरकारले बालबालिका खोप लगाउन मोडर्ना र फाइजर ल्याउने अन्तिम तयारीमा गरेको छ । फाइजर खोप एक लाख मात्रा आइसकेको छ । यही पुस १५ गतेभित्र मोडर्ना र फाइजर खोप ल्याउने मन्त्रालयको तयारी रहेको छ । मोडर्ना ७७ लाख र फाइजर ६० लाख ल्याउनका लागि सबै प्रक्रिया पूरा गरिएको मन्त्रालयका सहप्रवक्ता डा.अधिकारीले जानकारी दिएका छन् ।

भरतपुर । चितवनमा आजबाट स्मार्ट लाइसेन्स नवीकरण शुरु हुने भएको छ । पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले स्मार्ट लाइसेन्स सेवाको शुभारम्भ गर्ने भएका छन् । हालसालै सुरुआत गरिएका सवारी दर्ता र स्मार्ट लाइसेन्स नवीकरण सेवाको शुभारम्भ हुने भएको हो ।

यातायात कार्यालयमा भीडभाड नहोस् भन्ने उद्देश्यले सेवाग्राहीका लागि भेटघाट व्यवस्थापन प्रणालीमार्फत अनलाइन टोकन प्रणाली लागू गरिएको छ । चितवन यातायात डट बागमती डट जिओभी डट एनपी मा लगइन गरी आफ्नो विवरण भरेर टोकन लिन सकिने छ । सोही टोकन र समयका आधारमा सेवा लिन सकिने यातायात कार्यालयले जनाएको छ ।

काठमाडौं । सरकारले आगामी मंसिर २८ गतेबाट मेसिन रिडेबल पासपोर्ट (एमआरपी) वितरण बन्द गर्ने भएको छ । अब राहदानी विभागबाट अनिवार्य रुपमा ई-पासपोर्ट वितरण गरिने विभागले जनाएको छ । विभागले नारायणहिटीबाट एमआरपी वितरण गरिरहेकोमा टोकन दिन बन्द गरेको जनाएको छ । २८ गतेबाट सेवाग्राहीलाई त्रिपुरेश्वरस्थित नयाँ भवनबाट ई-पासपोर्ट मात्रै वितरण गरिने भएको हो ।

अनलाइन आवेदनबाट बुक गरेको समयमा सेवाग्राही बायोट्रिक दिन त्रिपुरेश्वरस्थित कार्यालयमा जानुपर्छ । ईपासपोर्ट वितरण थालेपनि एमआरपी जारी गर्न भने विभागले बन्द गरेको छैन । एमआरपी प्रणालीको तथ्यांक नयाँ प्रणालीमा सार्न र छपाइको काम प्रभावकारी बनाउन विभागले केही दिन दुवै खालका पासपोर्ट वितरण गरिरहेको बताएको हो ।

अब विभागको मुख्य कार्यालयबाट ईपासपोर्ट मात्रै वितरण गरिने भएको हो । ‘विदेशस्थित कुटनीतिक नियोगबाट भरिसकेका फारमहरु अनुसार एमआरापी नै छपाइ भएर वितरण हुनेछ । विभागका अनुसार अहिलेसम्म विभागले ७१ लाख १० हजार एमआरपी वितरण गरिएका छन् । जसमा करिब एक लाख एमआरपी बुक मौज्दात छ । अर्को साताबाट काठमाडौं उपत्यकाका तीन वटै जिल्ला प्रशासन कार्यालयबाट विद्युतीय राहदानी ईपासपोर्ट वितरण हुनेछ ।

ई-पासपोर्ट बनाउनेले राष्ट्रिय परिचयपत्र वा त्यसको भेरिफाइड नम्बर अनिवार्य भर्नुपर्नेछ । जिल्ला प्रशासन कार्यलयहरुबाट तत्कालै राष्ट्रिय परिचयपत्र नपाए पनि जिल्ला प्राशसन कार्यालयमा आवेदन भरेपछि पाइने परिचयपत्र नम्बर पासपोर्टमा अनिवार्य गरिएको छ ।

३४ पृष्ठको राहदानी जिल्ला प्रशासन कार्यालयबाट बनाउँदा ५ हजार रुपैयाँ दस्तुर लाग्नेछ । तर, ६६ पृष्ठको बनाउन चाहे १० हजार रुपैयाँ दस्तुर तोकिएको छ । राहदानी विभागबाट दुई दिने सेवा अवधि बुक गरेर पासपोर्ट बनाउँदा ३४ पृष्ठको दस्तुर १२ हजार र ६६ पृष्ठको रहादानीको दस्तुर २० हजार तोकिएको छ ।

राहदानी हराएको, केरमेट भएको, पाना च्यातिएको वा अन्य कारणले राहदानी प्रयोग गर्न नसक्ने भएर नयाँ बनाउनुपर्दा तोकिएको शुल्कमा थप ५ हजार रुपैयाँ दस्तुर लाग्नेछ । नियोगहरुमार्फत राहदानी बनाउँदा लाग्ने शुल्क भने क्षेत्र तथा क्षेत्रअनुसार फरक फरक तोकिएको छ ।

काठमाडौं । विश्व स्वास्थ्य सङ्गठन (डब्लुएचओ) ले कोरोनाभाइरसको ओमिक्रोन भेरियन्टबाट विश्वभर सङ्क्रमणको उच्च जोखिम बढेको बताएको छ । सोमवार डब्लुएचओले नयाँ भेरियन्टले विश्वभर नै गम्भीर परिणाम ल्याउन सक्ने बताएको हो । बीबीसीका अनुसार सङ्गठनका प्रमुख डा. टेड्रोस एडह्यानम गेब्राएससले गरिब देशहरूमा खोप पठाउन पुनः आह्वान गरेका छन्। यो महिनाको सुरुमा ओमिक्रोन दक्षिण अफ्रिकामा पत्ता लागेको थियो।

प्रारम्भिक प्रमाणहरूले यसको सङ्क्रमण जोखिम धेरै रहेको देखाएका थिए। उक्त भेरियन्टबारे छिट्टै खबर गरिएको भनेर दक्षिण अफ्रिकाको डब्यूएचओले प्रशंसा समेत गरेको छ । सोमवार डा. टेड्रोसले विश्वभरका वैज्ञानिकहरूले नयाँ भेरियन्ट उच्च सङ्क्रामक भए नभएको बारे अध्ययन गरिरहेको समेत बताए । नयाँ भेरियन्टका कारण कसैको ज्यान गएको भन्ने खबर भने अहिलेसम्म छैन ।

काठमाडौं । संस्कृति, पर्यटन तथा नागरिक उड्डयनमन्त्री प्रेमबहादुर आलेले नेपाली नागरिक उड्डयन क्षेत्रलाई कालो सूचीबाट हटाउन यूरोपेली यूनियनका प्रतिनिधिसँग आग्रह गरेका छन् । युरोपेली संघको एसिया तथा प्रशान्त क्षेत्रका लागि युरोपेली बाह्य मामिला सेवाका नायब प्रबन्ध निर्देशक पाओला पम्पालोनीसँग मंगलबार मन्त्रालयमा भएको भेटमा मन्त्री आलेले युरोपियन युनियनले नेपालको वायुसेवा क्षेत्रलाई कालो सूचीमा राखेकाले हटाउन आग्रह गरेका हुन् ।

जवाफमा निर्देशक पाम्पोलोनीले कालो सूचीबाट हटाउने विषयमा युरोपियन युनियन सकारात्मक रहेको बताए । छलफलमा दुईपक्षीय सहयोगका विभिन्न कुराकानी भएको मन्त्री आलेको सचिवालयले जनाएको छ । नेपाल–सघ संयुक्त आयोगको तेह्रौं बैठकमा भाग लिन तीन सदस्यीय प्रतिनिधिमण्डलको नेतृत्व गर्दै गत शनिबारदेखि टोली काठमाडौंमा छ ।

काठमाडौं । विभिन्न जिल्लाबाट काठमाडौं प्रवेश गर्नेहरुलाई लक्षित गरि चार वटा नाकामा खोप केन्द्र स्थापना भएको छ । आगामी एक महिनासम्म यी केन्द्रमा निशुल्क कोरोना विरुद्धको खोप लगाउन पाइने भएको छ । सरकारले कलङ्की, बल्खु, कोटेश्वर र गोङ्गबुमा यस्तो व्यवस्था गरेको हो । खोप कार्यक्रम ५ पुससम्म कायम हुने भएको छ ।

यी केन्द्रमा १८ वर्ष उमेर पूरा भएका सबै नागरिकले खोप लगाउन सक्ने छन् । खोप लगाउन जाँदा उमेर खुल्ने प्रमाण पत्र साथमा हुनु पर्छ । चारवटै खोप केन्द्रबाट भेरोसेल, कोभिसिल्ड र एस्ट्राजेनेकाको खोप दिन थालिएको छ । सरकाले यसअघिको प्राथमिकतमा छुटपुट सबैलाई खोप लगाउन आह्वान गगरेको छ । पर्याप्त खोप उपलब्ध भएसँगै सरकारले सबै नागरिकलाई खोप लगाउन आह्वान गरेको हो ।