Category: खेलकुद

साउदी अरव । कप्तान लियोनल मेस्सीको एकमात्र गोल निर्णायक बनेपछि अर्जेन्टिनाले अन्तर्राष्ट्रिय मैत्रिपूर्ण खेलमा ब्राजिललाई पराजित गरेको छ ।

शुक्रबार राती साउदी अरेवियामा सम्पन्न खेलमा मेसीले खेलको चौथो मिनेटमै टोलीलाई अग्रता दिए । अर्जेन्टिनाले पाएको पेनाल्टीमा मेसीको प्रहार ब्राजिलियन गोलकिपरले बचाएका थिए ।

तर, उनले बल नियन्त्रणमा लिन सकेनन् । सोही बललाई गोलको पोष्ट दिँदै पुनः एकपटक मेसी ठूलो आलोचनाबाट मात्र बचेनन्, टोलीलाई महत्वपूर्ण जीत समेत दिलाए ।

शुक्रबार अर्जेन्टिनाले दुर्ए दर्जनभन्दा बढी पटक ब्राजिलको पोष्टमा प्रहार पर्यो । तर, गोल भने हुन सकेनन् । ब्राजिलले समेत केही राम्रा अवसर गुमाएको थियो ।

साउदी अरेबियाको किङ्ग साउद युनिभर्सिटी स्टेडियममा करीव २४ हजार दर्शकसामू विश्व फूटबलका दुई महारथी मुलुकबीच प्रतिस्पर्धा भएको हो । यससँगै अर्जेन्टिनाले कोपा अमेरिकामा ब्राजिलसँगको हारको बदलासमेत लिएको छ ।

पोर्चुगल । विश्वचर्चित स्ट्राइकर क्रिस्टियानो रोनाल्डोको ह्याट्रिकको मद्दतमा पोर्चुगलले लिथुवानीयामाथि फराकिलो जीत निकालेको छ ।

यूरोकप छनोट अन्तर्गत बिहीबार राती सम्पन्न खेलमा पोर्चुगलले लिथुवानीयालाई ६–० गोल अन्तरले हरायो । यससँगै अब पोर्चुगल युरोकप छनोटको निकै नजिक पुगेको छ ।

पोर्चुगलको घरेलु मैदानमा भएको खेलमा रोनाल्डोले ह्याट्रिक गरेका हुन् । बिहीबार तीन गोल तपेसँगै उनले देशका लागि ९८ गोल गरेका छन् ।

सातौँ मिनेटमा पेनाल्टीमार्फत गोल गरेका रोनाल्डोले २२औँ र ६५ औं मिनेटमा थप दुई गोल गर्दै ह्याट्रिक पुरा गरेका हुन् । जीतपछि पोर्चुगलको समूह चरणमा १४ अंक पुगेको छ ।

लण्डन । कप्चान ह्यारी केनले ह्याट्रिक गरेसँगै इंल्याण्डले युरो कप फुटबल छनोटमा मोन्टेनेग्रो माथि फराकिलो जीत निकालेको छ । जीतसँगै इंल्याण्ड यूरोपकप २०२० मा छनोट समेत हुन सफल भएको छ ।

खेत बिहीबार राती इंल्याण्डमा भएको थियो । इंल्याण्डले मोन्टेनेग्रोमाथि ७-० गोल अन्तरको फराकिलो जीत निकाल्यो । इंल्याण्डले ११औं मिनेटमा अग्रता लिएको थियो ।

केनले लगातार १८औं, २४औं र ३७औं मिनेटमा गोल गर्दै ह्याट्रिक पूरा गरेका हुन् । कूल ६ गोल गरेको इल्याण्डका लागि १ गोल आत्मघाती गोलका रुपमा उपहार प्राप्त भएको थियो ।

छनोट चरणका लागि इंल्याण्ड समूह ‘ए’ मा रहेको छ । कूल सात खेलबाट १८ अंक बनाएको इंल्याण्ड छनोट भएको हो ।

काठमाडौं । नेपालको महिला भलिबल टोलीले देशलाई एक ऐतिहासिक उपाधी जिताउन सफल भएको छ ।

बंगलादेशको राजधानी ढाकामा सम्पन्न प्रथम एशियन सेन्ट्रल जोन महिला भलिबल च्याम्पियनसिपको उपाधि नेपालको पोल्टामा पर्यो । यो नेपाली महिला भलिबलको पहिला अन्तर्राष्ट्रिय उपाधि जिहो ।

नेपाल र माल्दिभ्सबीचको खेलमा ३–० सेटको सोझो जीत निकाल्दै नेपालले यो सफलता चुमेको हो । खेल बिहीबार भएको थियो । नेपालले पहिलो सेट २५-१३, दोस्रो सेट २५-१२ र तेस्रो सेट २५–८ ले जितेको हो ।

नेपालले प्रतियोगितामा कुनै पनि खेल हारेन । नेपालले समूह चरणमा बंगलादेश, माल्दिभ्स, अफगानिस्तान र किर्गिस्तानलाई हराएको थियो । नेपाली महिला टीमले सन् २००० देखि नै अन्तर्राष्ट्रिय यात्रा शुरु गरेपनि उपाधी नै भने पहिलो पटक जीतेको हो ।

ढाका । इमर्जिङ टिम्स एसिया कपमा नेपालले पहिलो खेल हारेको छ । नेपाललाई भारतले ७ विकेटले हराएको हो । नेपाली टीम भरपर्दा दुई खेलाडी पारस खड्का र सन्दीप लामिछाने बीना नै मैदानमा उत्रिएको छ ।

दुबै जना खेलाडी दुबईमा आयोजना भएको टी१० लीगमा भाग लिन उता पुगेका छन् । एसिया कप भने बंगलादेशको ढाकामा जारी छ ।

बिहीबार नेपालले भारतलाई मात्र १९४ रनको लक्ष्य दियो । भारतले यो लक्ष्य ४२ ओभरमा ३ विकेट गुमाएर फेला पार्यो । नेपालका कप्तान ज्ञानेन्द्र खड्काले निरन्तर कमजोर प्रदर्शन जारी राखेका छन् ।

भारतका सन्भिर सिंह र अरमान जाफरले अर्धशतक प्रहार गरे । सन्दिर ५६ र जाफरले ५१ रन जोडे । रवि शरतको नाममा ४९ रन बढ्यो ।

नेपालका लागि कारण केसी, ललितनारायण राजवंशी र सुशन भारीले १, १ विकेट लिए । यसअघि टस हारेर ब्याटिङमा उत्रिएको नेपाल ४४. ५ ओभरमा अलआउट भएको हो ।

नेपालका लागि शर्राफले सवार्धिक ५६ रन जोडे । कुशल भूर्तेलले २८ रन बनाए । शरद भेषवाकरले ४४ रन बनाए ।

काठमाडौं । अन्तर्राष्ट्रिय रंगशालाको अभावले नेपालले कुवेतसँग हुने होम म्याच घरमै खेल्ने अवसर गुमाएको छ । अब नेपाल र कुवेतबीचको प्रतिस्पर्धा भूटानमा हुने भएको छ ।

फिफा विश्वकप २०२२ कतार र एएफसी एसियन कप २०२३ चीनका लागि छनोट प्रतियोगितामा यी दुई मुलुक भिड्न लागेका हुन् । यो खेल ३ मंसिरमा हुँदैछ ।

भुटानको राजधानी थिम्पुस्थित चाङ्गलिमिथाङ रंगशालामा खेल हुने पक्का भएको अखिल नेपाल फूटबल संघ (एन्फा)ले जानकारी दिएको छ ।

एन्फाले आफ्नो मैदान तयार नभएको अवस्थामा स्वतन्त्र भेन्यूका रुपमा भुटानमा खेल्न प्रस्ताव गरेको थियो ।

त्यसलाई एसियाली फुटबल महासंघले स्विकृत गरेको एन्फाले उल्लेख गरेको छ । दशरथ रंगशालाको तयारी पुरा नभएपछि विदेशमै खेलाउनु पर्ने बाध्यता आएको हो ।

बार्सिलोना । स्पेनिस लालिगा फुटबलमा कप्तान लियोनल मेसीको ह्याट्रिक मद्दतमा बार्सिलोनाले सेल्टा भिगोमाथि जीत निकालेको छ । यस जीतसँगै बार्सिलोना लीगको शीर्ष स्थानमा समेत उक्लिएको छ ।

शनिबार राति बार्सिलोनाको घरेलु मैदान नाउ क्याम्पमा भएको खेलमा बार्सिलोनाले सेल्टा भिगोलाई ४–१ गोलले हराएको हो । मेसीले दुई फ्रिकीकलाई गोल पोष्टको दिशा दिए । एक गोल भने पेनाल्टीमा गर्दै ह्याट्रिक पुरा गरे ।

२३ औं मिनेटमा पेनाल्टीमार्फत मेस्सीले बार्सिलोनालाई अग्रता दिलाएका थिए । सेल्टा भिगोले ओलाजाको गोलमार्फत ४२ औ मिनेटमा खेल बराबरीमा ल्यायो ।

पहिलो हाफको ईन्जुरी समयमा गोल गर्दे मेसीले पुन बार्सिलोनालाई अग्रता दिलाए । ४८ औ मिनेटमा फ्रिकिक मार्फत ह्याट्रिक पुरा गरे ।

सर्जियो बुस्केटले ८५ औ मिनेटमा अर्को गोल थप्दै बासिंलोनालाई ४–१ को अवस्थामा पुर्याए ।

शीर्ष स्थानको बार्सिलोनाले १२ खेलबाट २५ अंक जोड्दै शीर्ष स्थानमा उक्लिएको हो । दोस्रो स्थानको रियल म्याड्रिडको समान अंक छ, तर, गोल अन्तरमा बार्सिलोना अगाडी छ ।

काठमाडौं । नेपाल १४ वर्षपछि पहिलो पटक प्रथम श्रेणीको क्रिकेट खेल्न मैदानमा उत्रिएको छ ।

नेपाल भ्रमणमा रहेको ऐतिहासिक टोली मेरिलेबोन क्रिकेट क्लब (एमसिसी) र नेपालबीचको एक मात्र प्रथम श्रेणीको क्रिकेट बुधबारबाट राजधानीमा शुरु भएको छ ।

त्रिभुवन विश्वविद्यालय क्रिकेट मैदानमा शुरु तीनदिवसीय खेलको पहिलो दिन एससीसीले राम्रो प्रदर्शन गरेको छ।

क्लवले टस हारेर ब्याटिङ रोजेको थियो । पहिलो ८६ ओभरको खेल भयो । यसमा कूल ६ विकेट गुमाएर टोलीले ३११ रन जोडिसकेको छ ।

एमसिसीका लागि यासिर आराफात ३५ रन र एलेक्स थमसन २१ रन बनाएर क्रिजमा रहँदा पहिलो दिनको खेल सकियो । यस दिन विल रोड्सले ७३ रन बनाए ।

टोलीका लागि तीन जना खेलाडीले अर्धशतक प्रहार गरिसकेका छन् । बलिङतर्फ सन्दीप लामिछाने, सोमपाल कामी र शरद भेषवाकरले समान २, २ विकेट लिए ।

नेपाल सन् २००५ पछि पहिलो पटक प्रथम श्रेणीको क्रिकेट खेल्न लागेको हो । कप्तान ज्ञानेन्द्र मल्लसहित विनोद भण्डारी, ललितनारायण राजवंशी, राजु रिजाल, आरिफ शेख, सन्दीप लामिछाने, दीपेन्द्रसिंह ऐरी, करण केसी, पवन सरार्फ गरी ९ जनाका लागि यो खेल प्रथम श्रेणी क्रिकेटको डेब्यू समेत भएको छ ।

सोमपाल कामी र शरद भेषवाकरले भने प्रथम श्रेणीको क्रिकेट यसअघि पनि खेलिसकेका छन् । एससीसीको टोलीले नेपालमा एदिवसीय, टीट्वाण्टी र प्रथम श्रेणी गरी तीन वटा सिरिज खेल्दैछ ।

काठमाडौं । स्पेनिस लालीगा लिडर बार्सिलोनालाई कमजोर टोली लेभान्टेले पराजित गरेको छ । लेभान्टले पाहुना टोली बार्सिलोनालाई ३–१ गोल अन्तरले हराएको हो ।

घरेलु मैदानमा बाघ समान हुने बार्सिलोना अवे मैदानमा भने कमजोर देखिने गरेको छ । शनिबार राति सम्पन्न खेलमा अग्रता भने बार्सिलोनाले लिएको थियो ।

कप्तान लियोनल मेसीको पेनाल्टी गोलमार्फत ३८ औं मिनेटमा बार्सिलोनाले अग्रता लिएको थियो । तर, दोस्रो हाफमा बार्सिलोनाले आफ्नो लय गुमायो र तीन गोल खान पुग्यो ।

बार्सिलोनाले ७ मिनेटको अन्तरमा तीन गोल खाएको थियो । जोस कम्पानाले खेलको ६१ औं मिनेटमा गोल गर्दै लेभान्टेलाई १–१ गोलको बराबरीमा फर्काए ।

६३ औं मिनेटमा बेरजा मेयराल र निमन्जा राडोजाले ६८ औं मिनेटमा गोल गर्दै लेभान्टेलाई प्रभवशाली जीत दिलाए ।

एजेन्सी

काठमाडौं । मापदण्ड नपुगि क्लवहरुलाई मान्यता दिएको कसुरमा एसियाली फुटबल महासंघ (एएफसी)ले अखिल नेपाल फुटबल संघ (एन्फा) लाई नगद जरिवाना गरेको छ ।

एएफसीको अनुशासन तथा आचार संहिता समिति एन्फालाई १० हजार अमेरिकी डलर जरिवानको निर्णय गरेको हो । एएफसीले एन्फालाई गल्ती सच्याउने अवसर पनि प्रदान गरेको छ ।

दुई वर्ष भित्र त्यसो नगरे ३५ हजार डलर जरिवाना गर्ने चेतावनी एएफसीको छ । एन्फाले ‘एएफसी क्लब लाइसेनिङ रेगुलेसन बिपरित काम गरेको कसुरमा जरिवाना गरिएको हो ।
अघिल्लो सिजनमा मनाङ मर्स्याङ्दी क्लबलाई एन्फाले च्याम्पियनको हैसियतमा नेपालको तर्फबाट एएफसी कप २०१९ खेल्न अनुमति दिएको थियो । तर, त्यो वर्ष नेपालमा लीग नै भएको थिएन् ।

अर्कोतर्फ क्लब लाइसेन्स पाउन आफ्नै मैदान, एकेडेमी, उमेर समूहको टिम, टिम डाक्टर, मिडिया अफिसरजस्ता आधारभूत मापदण्ड पुगेको हुनुपर्छ । नेपालमा भने त्यस प्रकारका मापदण्डलाई वास्ता नगरी भटाभट क्लवलाई मान्यता दिने प्रचलन रहेको छ ।

अमेरिकाको सिकागोमा शनिबार प्रो. बक्सर चार्ल्स कोनवेलसँगको प्रतिस्पर्धा दौरान घाइते भएका प्याट्रिकको बुधबार उपचारको क्रममा निधन भएको छ । व्यवसायिक बक्सिङ प्रतिस्पर्धाको दौरान घाइते बनेका अमेरिकी बक्सर प्याट्रिक डेको निधन भएको हो ।

सुपर वेल्टरवेट फाइटको १० औं राउण्डमा प्याट्रिक नकआउट भएका थिए। कोनवेल कडा पन्चले नकआउट भएका उनलाई स्ट्रेचरमा राखेर रिङबाहिर निकाली तत्काल एमर्जेन्सीमा अस्पताल लगिएको थियो ।

घाइते भएपछि २७ वर्षे उनलाई तत्काल अस्पताल लगिएको थियो। तर, चार दिनपछि उनको अस्पतालमा निधन भएको हो। प्याट्रिकले २२ फाइटमा १७ खेल जितेका थिए। गत जुलाईमा फाइटको दौरान रसियन बक्सर म्याक्सिम डाडासेभको पनि निधन भएको थियो। पछिल्लो समय बक्सिङमा ब्यबसायिक खेलाडीहरुको निधनले खेलाडी सुरक्षाको प्रश्न खडा भएको छ। यस विषयम बिश्व बक्सिङ् एसोसिएसनको गम्भिर ध्यानाकर्षण भएको छ ।

काठमाडौं । नेपाललाई बलियो प्रतिस्पर्धी जोर्डनले विश्वकप छनोट प्रतियागिताअन्तर्गत भएको खेलमा पराजित गरेको छ ।

मंगलबार जोर्डनको घरेलु मैदानमा सम्पन्न खेलमा नेपाललाई ३ गोलको अन्तरले हराएको हो । नेपालले भने कुनै गोल गर्न सकेन ।

जोर्डनसँगको खेलसँगै अब नेपालले विश्वकप छनोटका ४ खेल खेलेको छ । यी चारवटै खेल अवे हुन् ।

नेपालले घर भित्र अब ४ वटा खेल खेल्नेछ । अवे खेलमा भने तीन खेलमा नेपाल पराजित भयो । एक खेलमा जीत निकाल्न सफल भएको छ । नेपाल अष्ट्रेलिया, कुवेत र जोर्डनसँग हार्यो ।

चाइनिज ताइपेलाई भने पराजित गर्न सफल भयो । मंगलबार अम्मान अन्तर्राष्ट्रिय रंगशालामा सम्पन्न खेलमा नेपालले पहिलो हाफ बराबरी खेलेको थियो ।

निकै राम्रो डिफेन्स गर्दै जोर्डनको निरन्तरको आक्रमण विफल पारेको नेपालले दोस्रो हाफमा भने ३ गोल खान पुग्यो ।

खेलको ५६औं मिनेटमा फिरास शालबयाले पेनाल्टीमार्फत गोल गरे । ७८औं मिनेटमा अहमद इर्सान र ८८औं मिनेटमा बाहा फइसलको गोलमार्फत नेपाल तीन गोलले हार्न पुगेको हो ।

पाँच टोली सहभागी समूह बीमा नेपाल चार खेलबाट ३ अकं बटुल्दै चौथो स्थानमा रहेको छ । अब चार वटा खेल खेल्न बाँकि रहेको छ ।

काठमाडौं । अन्तराष्ट्रिय क्रिकेट काउन्सिल .आईसीसी)ले नेपाल र जिम्बाब्वेको निलम्बन हटाउने निर्णय गरेको छ ।

आइसीसीको सोमबार बसेको बैठकले नेपाललाई सशर्त निलम्बन फुकुवा गरेको आइसीसीले ती शर्तहरुबारे भने खुलाएको छैन ।

यसअघि सन् २०१६ मा क्रिकेट संघ नेपाल (क्यान) निलम्बनको निर्णय लिँदा भने आइसीसीले नेपालमा हुने अधिक राजनीतिकरण, आर्थिक अनियमितताजस विषयलाई प्राथमिकताका साथ उठाएको थियो ।

नेपाल २०१६ देखि आइसीसीको निलम्बनमा छ । क्यान निलम्बनपछि आइसीसीकै नेतृत्वमा क्यानको विधान संशोधन गरिएको छ ।