पश्चिम बंगाल । भारतीय राज्य पश्चिम बंगालमा तृणमूल कंग्रेसकी अध्यक्ष तथा मुख्यमन्त्री ममता बेनर्जी पराजित भएकी छन् । तर, उनको एकल तागतमा प्रधानमन्त्री नरेन्द्र मोदी तथा गृहमन्त्री अमित शाहसहित हेभिवेट नेताले प्रचार गरेको भाजपा नराम्रोसँग हारेको छ ।
तृणमूल कंग्रेसले भने पश्चिम बंगालमा पुनः सानदार जित निकाल्न सफल भएको छ । यहाँ विधान सभाको मतगणनामा आइतबार बिहानैबाट शुरु भएको हो । साँझसम्म अधिकांश सीटको नतिजा आइसकेको छ । जसमा मुख्यमन्त्री ममता बेनर्जी पराजित हुन पुगेकी छिन् ।
उनलाई भाजपाका शुभेन्दु अधिकारीले हराए । उनी यसअघि मूख्यमन्त्री वेनर्जीकै सरकारमा मन्त्री थिए । चुनाव नजिकिएसँगै उनी भाजपा गएका हुन् । भारतीय जनता पार्टीले यहाँ निकै र्याली आयोजना गर्यो, जहाँ प्रधानमन्त्री मोदी र साह आफै खटिएका थिए ।
वेनर्जी भने नन्दीग्रामबाट लडेकी थिइन् । यो उनको निर्वाचन क्षेत्र भने होइन । अधिकारी भन्दा वेनर्जी २ हजार मतले हारेकी छिन् । उनले बेनर्जीले मतगणनामा धाँधली भएको र यो विषय अब अदालत पुग्ने समेत बताएकी छिन् । लगातार दुई पटक मूख्यमन्त्री बनेकी वेनर्जीको पश्चिम बंगालमा पुनः जादु चलेको छ ।
अब उनी तेस्रो कार्यकालका लागि मुख्यमन्त्री बन्न सक्नेछिन् । विधान सभामा सांसद नभएको व्यक्ति ६ महिनाका लागि मन्त्री बन्न सक्ने व्यवस्था रहेको छ । भारतीय संचारमाध्यमहरुका अनुसार त्यस अवधीमा कुनै सहज क्षेत्रबाट उपनिर्वाचनमार्फत उनी पुनः निर्वाचित हुने ढोका खुलै रहेको समेत बताइएको छ । यो राज्यमा ममताको पार्टीले २०९ क्ष्सीट ल्याएको छ । यो दुई तिहाई बहुमत हो । विजेपीले मात्र ७६ सीट जितेको छ ।
