Category: विश्व

काठमाडौं । भारतको उत्तराखण्डस्थित चमोली जिल्लामा हिमनदी फुटेको छ । बाँध भत्किएपछि ऋषिगंगा परियोजनालाई क्षति अनुमान गरिएको छ ।

उक्त घटनामा १५० जना भन्दा बढी बेपत्ता भएको भारतीय सञ्चारमाध्यमहरुले जनाएका छन् । बेपत्ता हुनेहरु सबै ऋषिगंगा परियोजनामा काम गर्ने मजदुर रहेको बताइएको छ ।

उत्तराखण्डका मुख्यमन्त्री त्रिवेन्द्र सिंह रावत घटनास्थलतर्फ प्रस्थान गरेका छन् । उनले अफवाहलाई ध्यान नदिन र पुरानो भिडियो सार्वजनिक गरेर मानिसमा भ्रम सिर्जना नगर्न आग्रह गरेका छन् ।

उनले नदी फुटेका कारण अलाकानन्दको तल्लो इलाकामा बाढी आउने सम्भावना रहेको जानकारी दिए । बाढीलाई ध्यानमा राख्दै पौरी, टिहरी, रुद्रप्रयाग, हरिद्वार र देहरादुनलगायत धेरै जिल्लामा सतर्कता अपनाइएको छ ।

समुद्री तटमा मानिसहरू सतर्क भएर बसेका छन् । नदीको किनारमा बसोबास गर्ने मानिसहरूलाई सुरक्षित स्थानतर्फ लगिँदैछ ।

काठमाडौं । चीनले नेपाललाई ५ लाख डोज कोरोना खोप अनुदान प्रदान गर्ने भएको छ । शुक्रबार परराष्ट्रमन्त्री प्रदीपकुमार ज्ञवाली र चिनियाँ विदेशमन्त्री वाङ यीबीच टेलिफोन संवाद भएको छ । संवादका क्रममा यीले यस्तो घोषणा गरेका हुन् । यसअघि चीनले नेपाललाई ३ लाख डोज खोप अनुदानमा दिने बताएको थियो ।

यो ५ लाख सोही ३ लाखमा थपिने हो वा थप ५ लाख हो भन्ने चाँही खुलेको छैन । परराष्ट्र मन्त्रालयका अनुसार विदेशमन्त्री वाङले कोरोना खोपका लागि नेपाललाई प्राथमिकतामा राख्ने बचन पनि दिएका छन् । त्यसो त अहिलेसम्म कुनै पनि चिनियाँ खोप आपतकालीन प्रयोगका लागि नेपालमा दर्ता भइसकेका छैनन् ।

चीनले भने आफ्ना नागरिकलाई खोप लगाइरहेको छ । नेपालमा भारतीय खोप अभियान जारी रहेको छ । भारतले १० लाख डोज खोप दिएको हो । पहिलो चरणमा ५ लाख मानिसले यो खोप पाउने छन् ।

काठमाडौं । म्यानमारकी प्रजातन्त्रवादी नेतृ आङ साङ सुकी सैन्य हिरासतमा परेकी छिन् । बीबीसीका अनुसार म्यानमारमा सैन्य कु भएको छ । सुकीलाई सेनाले हिरासतमा लिएको हो । सुकीको पार्टी नेशनल लिग फर डेमोक्रेसीका प्रवक्ताले वक्तव्य जारी गर्दै यसको पुष्टी गरेका छन् ।

केही दिनयता जारी सरकार र सेनाबीचको तनाव र सत्ता पलटको आशंकाका बीच सुकीलाई सेनाले हिरासतमा लिएको हो । म्यानमारमा नोभेम्बर महिनामा आम निर्वाचन भएको थियो । जसमा सुकीको पार्टी पार्टी भारी मतसहित अग्रस्थानमा थियो ।

सेनाले चुनावी प्रक्रियामा धाँधली भएको आरोप लगाउँदै अमान्य भएको बताएको थियो । सेनाले सोमबार तय भएको संसद बैठक समेत स्थगित गर्न आह्वान गरेको छ । अहिले म्यानमारमा व्यापक सैन्य तैनाथी बढाइएको छ । राजधानीसहितका शहरमा सैनिकको कब्जामा छन् । राजधानीमा टेलिफोन र इन्टरनेट सेवासमेत बन्द भएको छ ।

टोकियो । जापानमा हावाहुरी र हिमपातका कारण जनजीवन प्रभावित बनेको छ । जापानका विभिन्न क्षेत्रमा तिब्र गतिमा आएको हावाहुरी तथा बाक्लो हिमपातले हवाइ सेवा नै रोकिएको स्थानीय संचारमाध्यमले जनाएका छन् । उत्तरी भागमा हावाहुरी र हिमपात चल्दा १ सयवटा भन्दा धेरै उडान उद्द भएका छन् ।

होक्काइडो र उत्तरी होन्सु प्राकृतिक विपत्तिबाट मारमा परेको छ । मानवीय क्षतिको भने विवरण आइसकेको छैन । पछिल्लो प्राकृतिक अवरोधका कारण मुलुकको सबैभन्दा ठूलो हवाइ सेवा प्रदायक अल निप्पन एअरवेजका ४६ र जापान एअरवेजका ३४ वटा उडान स्थगित भएको बताइएको छ । होक्काइडोमा शुक्रबार रातिदेखि नै ३० मिटर प्रतिसेकेण्ड गतिमा हुरी चलेको छ ।

नयाँ दिल्ली । भारतको नयाँदिल्लीस्थित इजरायली दूतावास नजिक बम विष्फोट भएसँगै प्रहरीले पुरै दिल्ली कब्जा गरेको छ । भारत–इजरायल कूतनीतिक सम्बन्धको २९ औं वर्षगाँठको दिन एपीजे अब्दुल कलाम रोडमा शुक्रबार साँझ बम विष्फोट भएको भारतीय संचारमाध्यमले जनाएका छन् । विष्फोटबाट दूतावासमा कुनै क्षति भने पुगेन ।

मानवीय क्षति समेत नभएको बताइएको छ । कार पार्किङ क्षेत्रमा भएको यो विष्फोटमा कारका सिसा फुटेका छन् । यससँगै दिल्ली प्रहरीले राजधानीमा सरक्षा अलर्ट बढाएको छ । यसअघि भारतको स्वतन्त्रता दिवसका दिन समेत नयाँ दिल्लीमा आक्रमणको चेतावनी दिइएको थियो ।

बम विष्फोट कसले र किन गरायो भन्ने नखुलेको समेत संचारमाध्यमले जनाएका छन् । दिल्ली प्रहरीका जनसम्पर्क अधिकारीले चर्चामा आउने उद्देश्यले कसैले बम विष्फोट गराएको हुन सक्ने आशंका गरेका छन् ।

दिल्ली प्रहरीका कमिश्नर एसएन श्रीवास्तवले यस घटनाको अनुसन्धान विशेष सेलले गरिरहेको जानकारी दिए । दिल्लीमा विमानस्थल, महत्वपूर्ण प्रतिष्ठान, मेट्रो र सरकारी कार्यालयसहित बढी भिडभाड हुने क्षेत्रमा सुरक्षाकर्मीहरु नैताथ भएका छन् ।

क्यामरुन । क्यामरुनमा एक यात्रुवाहक बसमा भएको आगलागीमा परी कम्तिमा ५३ जनाको ज्यान गएको छ । २९ जना गम्भीर घाइते रहेको र उनीहरुको अवस्था समेत चिन्ताजनक रहेको अधिकारीहरुले जनाएका छन् । पेट्रोलियम पदार्थ बोकेको ट्यांकरसँग बस ठोक्किँदा बसमा आगो लागेको बताइएको छ ।

दुर्घटनामा परेका सबैको शव जलेको र पहिचानमा समेत कठिनाई आएको स्थानीय अधिकारीलाई उदृत गर्दै अन्तर्राष्ट्रिय संचारमाध्यमले जनाएका छन् ।

देशको मध्य पश्चिमी क्षेत्रमा पर्ने क्लिफ अफ डिस्चाङ भन्ने स्थानमा स्थानीय समयअनुसार बुधबार दिउँसो ३ः३० बजे दुर्घटना भएको थिया । यो ७० सीटे बस थियो । दुर्घटना बारे थप अनुसन्धान जारी रहेको प्रहरीको भनाई छ ।

काठमाडौं । ताइवानले आफ्नो आकासमा एक दर्जन चिनियाँ लडाकु जहाज छिरेको दावि गरेको छ । ताइवानी रक्षा मन्त्रालयले शनिबार ताइवानको दक्षिण, पश्चिमी आकाशमा ८ वटा बम खसाल्ने जहाज र ४ वटा लडाकु जेट प्रवेश गरेको दावि गरेको छ ।

ताइवानले चिनियाँ जहाजको निगरानीका लागि मिसाइल तयारी अवस्थामा राखेको समेत उल्लेख गरेको अन्तराष्ट्रिय संचारमाध्यमले जनाएका छन् । चीनबाट एयर स्पेसमा अतिक्रमण भएपछि आफुहरु समेत चनाखो बनेको ताइवानको भनाई छ । त्यसो त ताइवान चीनको स्वशासित क्षेत्र मानिन्छ ।

त्यसकारण चीनले यहाँ अन्य समयमा समेत लडाकु विमान पठाउने गरेको थियो । तर, एकै पटक दर्जनौं जहाज छिरेपछि भने ताइवान सशंकित बनेको हो । उता, अमेरिकाले समेत एक विज्ञप्ती जारी गर्दै ताइवानमाथि चीनको दबाब रोकिनु पर्ने बताएको छ ।

अमेरिकी विदेश मन्त्रालयले ताइवानमाथि सैन्य, कूटनीतिक र आर्थिक दबाब दिन रोकेर प्रजातान्त्रिक प्रक्रियाबाट चुनिएका प्रतिनिधिहरूसँग अर्थपूर्ण वार्ता गर्न आह्वान गरेको छ ।

एजेन्सी

बेइजिंग । चीनले एक विवादास्पद कानून ल्याउदै जलसेनालाई थप अधिकार सम्पन्न बनाएको छ । चिनियाँ संचारमाध्यमका अनुसार अब आफ्ना तटवर्ती सेना (नौसेना) लाई चीनले विदेशी जहाजमा गोली हान्ने अधिकार दिएको छ । प्रशान्त महासागरको पश्चिमी क्षेत्रमा रहेका नौसेनालाई गोली हान्न माथिल्लो तहको आदेश कुर्नु नपर्ने भएको हो ।

यसको पुष्टी चीनको न्युज एजेन्सी सिन्ह्वाले गरेको हो । राष्ट्रिय सार्वभौमिकता, सुरक्षा र समुद्री अधिकारको रक्षा गर्न ल्याइएको यो कानुन फेब्रुअरी १ बाट लागू हुने भएको छ ।

चिनियाँ तटरक्षकले आफ्नोबारे निर्णय आफै गर्न सक्नेछन् । यसको मतलव परिआएको खण्डमा माथिको आदेश नकुरी सेनाले गोली चलाउन सक्नेछ । दक्षिण चीन सागरसहित समुन्द्री क्षेत्रमा अमेरिकासहितका मुलुकसँग टकराव परिरहेका समयमा चीनले यस्तो कानून ल्याएको हो ।

कर्नाटक । भारतमा जिलेटिन भरिएको एक ट्रक विष्फोट भएको छ । कर्नाटक राज्यमा भएको यस विभत्स घटनामा कम्तिमा ८ जनाको मृत्यु भएको पुष्टी भारतीय संचारमाध्यमले गरेका छन् ।

ट्रकमा मजदुर रहेको र राती १० बजे आसपास भएको घटनामा उनीहरुको ज्यान गएको बताइएको छ । विष्फोटपछि त्यसआसपास गन्ध फैलिएको थियो । रातको समय समेत भएका कारण उद्धारमा कठिनाई भएको बताइएको छ ।

सो स्थानमा विष्फोटक पदार्थ रहेको हुनसक्ने आशंकामा बम डिस्पोजल टोली झिकाइएको थियो । अहिले भने प्रहरीले घटनास्थल वरपरको क्षेत्र नियन्त्रणमा लिएको बीबीसीले लेखेको छ ।

स्थानीयले विष्फोटको समयमा भूकम्प आएजस्तै महसुस गरेको बताएका छन् । आसपासका धेरैजसो घरका झ्याल र ढोकाका सिसा फुटेका छन् । विष्फोटको आवाज आसपासका जिल्लासम्म पुगेको थियो ।

पुने । भारतमा कोरोना भाइरस विरुद्धको खोप उत्पादन गर्ने कम्पनीको एक भवनमा आगलागी भएको छ । आगलागीमा परी कम्तिमा ५ जनाको मृत्यु भएको छ । पुनेस्थित सेरम इन्स्टिच्युटको भवनमा बिहीबार आगलागी भएको भारतीय संचारमाध्यमले जनाएका छन् ।

यो कम्पनीले कोरोना भाइरस विरुद्ध अक्सफोर्ड युनिभर्सिटी र एस्ट्राजेनेकाले विकास गरेको खोप उत्पादन गरिरहेको छ । कम्पनीको निर्माणाधीन भवनमा बिहीबार आगलागी भएको जनाइएको छ । घटनास्थलमा १० ओटा दमकल खटिएको बताइएको छ ।

रोयटर्सले आगलागीबाट कम्पनीको खोप उत्पादनमा कुनै क्षति नगरेको बताएको छ । आगलागीको कारण इलेक्ट्रिक सट भएको बताइएको छ । किनकी यो भवनमा निर्माणको काम जारी रहेको थियो । पुनेमा सेरम इन्स्टिच्युट एक सय एकड जमिनमा फैलिएको बताइएको छ । सेरम इन्स्टिच्युटबाट अहिलेसम्म पाँच करोड डोज कोरोना खोप उत्पादन भइसकेको छ ।

काठमाडौं । नेपाललाई भारतले दिएको दश लाख डोज भ्याक्सिन बोकेको एयर इन्डियाको विमान काठमाडौं आइ पुगेको छ ।

भारतले अनुदान स्वरुप दिएको कोरोना भाइरसविरुद्धको खोप बोकेको विमान बिहिबार बिहान साढे ११ बजे त्रिभुवन विमानस्थलमा आइपुगेको हो। उक्त खोप केहीबेरमा नेपालका लागि भारतीय राजदूत विनयमोहन क्वात्राले हस्तान्त्रण गर्ने छन्।

खोपलाई विमानस्थलस्थित कार्गो भवनको कोल्ड स्टोरमा राखिनेछ र त्यसपछि टेकुस्थित केन्द्रीय स्टोरमा लगिनेछ।

खोप बढीमा पाँच दिनभित्र देशका सात प्रदेशमा पठाइने स्वास्थ्य मन्त्रालयले जनाएको छ । अक्सफोर्ड, एस्ट्राजेनेकाले विकास गरेको तथा सेरम इन्स्टिच्युट अफ इन्डियाले उत्पादन गरेको कोभिसिल्ड खोप भारतले नेपाललाई दिएको हो ।

विभागबाट प्रदेशको भण्डारण केन्द्रमा खोप पठाउने गरि तयारी छ । तोकिएका खोप केन्द्रहरुबाट पहिलो चरणमा स्वास्थ्यकर्मी, सफाइकर्मी, सुरक्षाकर्मी, एम्बुलेन्स चालक, शव व्यवस्थापन गर्ने टोलीलगायतलाई खोप दिइने भएको छ ।