Author: Vishwanews.com

काठमाडौं । नेकपा एमाले संसदीय दलका नेता केपी शर्मा ओली तेस्रो कार्यकालका लागि प्रधानमन्त्रीमा नियुक्त भएका छन् । राष्ट्रपति विद्यादेवी भण्डारीले संविधानको धारा ७६(३) अनुसार संसदको सबभन्दा ठूलो दलको संसदीय दलको नेताका रुपमा ओलीलाई प्रधानमन्त्रीमा नियुक्त गरेको जानकारी राष्ट्रपति कार्यालयले गराएको छ । ओलीको सपथ ग्रहण कार्यक्रम आज हुँदैछ ।

प्रधानमन्त्री ओलीले २७ वैशाखमा संसदको विश्वास पाउन नसकेपछि पदमुक्त भएका थिए । त्यसपछि राष्ट्रपतिले तीन दिनभित्र संविधानको धारा ७६ (२) अनुसार दुई वा दुईभन्दा बढी दलको समर्थनमा सरकार गठन गर्न आह्वान गरेकी हुन् । वैकल्पिक सरकार गर्न विपक्षी दल असफल भएपछि उनी पुनः प्रधानमन्त्री बनेका हुन् ।

प्रधानमन्त्री ओलीले आफ्नो सत्ता जोगाइदिएका माधव नेपाल पक्षका सांसदलाई समेत मन्त्री बनाउने तयारी गरेका छन् । यद्दपी नामको टुंगो लागेको छैन । प्रधानमन्त्री ओलीले अब ३० दिनभित्र विश्वासको मत प्राप्त गर्नुपर्छ । त्यसो गर्न नसके सरकार पुनः पदमुक्त हुनेछ ।

काठमाडौं । विपक्षी दलले तोकिएको समयमा वैकल्पिक सरकार दिन नसकेपछि अब प्रधानमन्त्री पदमा पुनः केपी शर्मा ओली नै नियुक्त हुने भएका छन् । आज दिनभरको कसरतमा कांग्रेस, माओवादी र जनता समाजवादी पार्टीको उपेन्द्र यादव पक्षले बहुमत जुटाउन सकेन । खासगरी महन्थ ठाकुर पक्षको जसपाले आज डेढ दर्जन सांसदलाई भक्तपुरको एक रिसोर्टमा लगेर राख्यो, जहाँ यादव पक्षले थप चलखेल गर्न सकेन ।

फलस्वरुप विपक्षी गठबन्धनले बहुमत पुर्याउन सकेन । राष्ट्रपति विद्यादेवि भण्डारीले संविधानको धारा ७६ को उपधारा २ बमोजिम बहुमतको सरकार बनाउन आजसम्मको समय दिएकी थिइन् । तर, दलहरु यसमा असफल भए । खासगरी विपक्षी दलले जसपाको समर्थन नपाएपनि एमालेको माधव नेपाल समुहका सांसदको राजिनामा आउने अपेक्षा गरेका थिए ।

तर, अध्यक्ष ओली यो समुहप्रति निकै उदार बन्दै कारवाही फुकुवा गरि फकाउन सफल भएका छन् । सोहीकारण अब पुन संविधानको धारा ७६ के उपधारा ३ बमोजिम एमालेको सरकार बन्ने छ । यस प्रावधान अनुसार बनेको सरकारले एक महिना भित्र संसदमा विश्वासको मत लिनु पर्छ ।

त्यसो गर्न नसके उनी फेरि पदमुक्त हुनेछन्। सोहीकारण अबको कम्तिमा एक महिना ओली नै प्रधानमन्त्री हुने निश्चित भएको छ । राष्ट्रपतिबाट आजै राती उनलाई प्रधानमन्त्री पदमा नियुक्त गर्ने र शुक्रबार सपथ ग्रहण गराउने तयारी छ ।

काठमाडौं । नेकपा एमालेका अध्यक्ष केपी शर्मा ओली र नेता माधवकुमार नेपालबीचको वार्ता सकिएको छ।

दिउँसो २ बजेपछि शुरु भएको वार्ता ६ बजेसम्म चलेको हो। व्यवसायी रामेश्वर थापाको चपलीहाइटस्थित घरमा भएको सहमति नजिक पुगेको छ ।

वार्तापछि सञ्चारकर्मीहरुसँग कुरा गर्दै नेता नेपालले वार्ता सकरात्मक भएको प्रतिक्रिया दिएका छन्। उनले भने, ‘मैले अस्ति पठाएको पत्रमा प्रस्ताव गरेको ६ बुँदामा छलफल भयो। फागुन २८ को निर्णय कसरी फिर्ता लिने भन्ने विषयमा कुरा भयो। छलफल जारी रहन्छ।’

उनले सासंद पदबाट राजीनामा दिने विषय केही समयलाई टरेको उनले बताए। उनले अहिले नै सहमति भने भइनसकेको तर विभिन्न चरणमा वार्ता जारी रहेको बताए। वार्ताबाट बाहिर निस्किँदा नेता नेपाल खुशी नै देखिएका छन्।

माधवकुमार नेपाल समूहले सर्वोच्च अदालतको २३ फागुनको फैलासले एमाले र माओवादी केन्द्र ब्युँताइदिएपछि एमालेको पार्टी कमिटी पनि एकताअघिको अवस्था अर्थात २०७५ जेठ २ मा पुग्नुपर्ने माग गरेको छ ।

तर २८ फागुनमा अध्यक्ष केपी शर्मा ओलीले आफू निकट नेताहरुको बैठकबाट नेताहरुको जिम्मेवारी हेरफेर, माओवादी केन्द्रबाट आएका नेताहरुलाई केन्द्रीय कमिटीमा मनोनयन गर्ने निर्णय गरेपछि दुई समूहबीच फाटो बढ्दै गएको थियो ।

काठमाडौं । नेपालमा पछिल्लो २४ घण्टामा थप ८९६० जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार १९ हजार ७७१ जनाको पीसीआर र ४२४ एन्टिजेन परीक्षणमा ८९६० जनामा संक्रमण पुष्टि भएको हो ।

कोरोना भाइरस संक्रमणबाट एकै दिन २१४ जनाको मृत्यु भएको छ । यससँगै नेपालमा कोरोनाबाट मृत्यु हुनेको संख्या ४ हजार ४६६ पुगेको छ।

काठमाडौं । शेयर बजार दोहोरो अंकले बढेको छ । साताको कारोबारको अन्तिमदिन नेप्से १०.१३ अकले बढेर २६८४.०१ विन्दुमा पुगेको हो ।

नेपाल स्टक एक्सचेन्जका अनुसार आज २१६ कम्पनीको ६ अर्ब ९७ करोड ३५ लाख ७९ हजार ९६ रुपैयाँ बराबरको २ करोड १६ लाख ८ हजार १८३ कित्ता शेयर किनबेच भएका छन् ।

विहीबार कारोबारमा आएका १३ समूह मध्ये ९ वटाको परिसूचकमा हरियाली छाएको छ । भने ४ वटाको परिसूचक घटेको छ ।

कारोबारमा आएका १५ कम्पनीको लगानीकर्ता मालामाल भएका छन् । २ वटा कम्पनीको शेयर मूल्य १० प्रतिशतले बढेको छ भने अन्यको ९ प्रतिशत भन्दा बढीले बढेको छ ।

जीवन बीमा समूहको परिसूचक सबैभन्दा धेरै ८५.१२ अंकले बढेको छ भने व्यापार समूह सबैभन्दा धेरै २३.८६ अंकले घटेको छ ।

कारोबारमा आएका २१८ कम्पनीमध्ये १३४ कम्पनीको शेयर मूल्य बढेको छ भने ६५ कम्पनीको घटेको छ । १९ कम्पनीको मूल्य स्थिर रहेको छ ।

आज नेपाल पुनर्बीमा कम्पनीको सर्वाधिक कारोबार भएको छ । यसको ४९ करोड ४ लाख रुपैयाँ बढीको कारोबार भएको छ । कारोबार रकमकै आधारमा नेशनल हाइड्रोेपावरको २५ करोड र अरुण काबेलीको २१ करोड रुपैयाँको कारोबार सहित शीर्ष तीनमा रहे ।

दिव्यश्वरी हाइड्रोेपावर र समता घरेलु लघुवित्तको शेयर मूल्य ठ्याक्कै १० प्रतिशतले बढेको छ ।

यसैगरी, आज विशाल बजार, रुरु जलविद्युत्, सांग्रिला विकास बैंक, प्रोग्रेसिभ फाइनान्स, जोशी हाइड्रोेपावर, समृद्धि फाइनान्स, आँखुखोला जलविद्युत्, खानीखोला हाइड्रोेपावर, बेस्ट फाइनान्स र युनियन हाइड्रोेपावरको सेयर मूल्यमा पोजेटिभ सर्किट लागेको छ ।

बढ्दो बजारमा आज रिडी हाइड्रोेपावरको सेयर मूल्य सबैभन्दा धेरै २.०९ प्रतिशतले घटेको छ ।

काठमाडौं । नेकपा (एमाले) ले स्थायी कमिटीको बैठकले माधव नेपालसहित चार नेतामाथिको कारबाही फुकुवा गरेको छ ।

विहीबार बसेको स्थायी कमिटीको बैठकले माधवकुमार नेपाल, भीम रावल, सुरेन्द्र पाण्डे र घनश्याम भुसालमाथिको कारबाही फुकुवा गर्ने निर्णय गरेको हो ।

राष्ट्रपति बिद्यादेवी भण्डारीले बहुमतको सरकार गठनका लागि दिएको समयको अन्तिम दिन प्रधानमन्त्री निवास बालुवाटारमा एमालेको स्थायी कमिटी बैठक बसेको थियो ।

बैठकले माधवकुमार नेपाललगायत असन्तुष्ट नेताहरूको मागको सम्बोधनलगायतका कुरा गर्न पार्टी अध्यक्ष केपी ओलीलाई दिने निर्णय गरेको छ ।

काठमाडौं । गण्डकी प्रदेशको मुख्यमन्त्रीमा पुनःनियुक्ति पाएका पृथ्वीसुब्बा गुरुङले पद तथा गोपनीयताको शपथ लिएका छन् ।

नयाँ सरकार गठनका लागि विपक्षी दलले समय सीमाभित्र बहुमत जुटाउन नसकेपछि मुख्यमन्त्रीमा पुनःनियुक्ति भएका गुरुङलाई बुधबार साँझ प्रदेश प्रमुख सीताकुमारी पौडेलले शपथ खुवाएकी हुन् ।

बुधबार नै प्रदेश प्रमुख पौडेलले संविधानको धारा १६८ (३) अनुसार ठूलो दलको हैसियतले एमालेका संसदीय दलका नेता गुरुङलाई मुख्यमन्त्रीमा नियुक्त गरेकी थिइन् ।

गुरुङ मुख्यमन्त्री पदमा आज नियुक्त भए पनि उनले प्रदेशसभामा एक महिनाभित्र विश्वासको मत लिनुपर्नेछ।

प्रदेशसभामा कुनै दलको एकल बहुमत नभएमा र दुई वा दुई भन्दा बढी दल मिलेर पनि बहुमत जुटाउन नसकेमा संविधानको धारा १६८(३) अनुसार प्रदेशसभाको ठूलो दलको संसदीय दलको नेतालाई प्रदेश प्रमुखले मुख्यमन्त्री नियुक्त गर्न सक्ने व्यवस्था छ ।

आइतबार मुख्यमन्त्रीबाट गुरुङले राजीनामा दिएपछि प्रदेश प्रमुख पौडेलले ३ दिनभित्र बहुमतको सरकार गठनका लागि दलहरुलाई आह्वान गरेकी थिइन्।

प्रमुखले दिएको समयवधिभर बहुमतको सरकार बनाउन विपक्षी दलले कसरत गरेका थिए। तर जनमोर्चाका दुई सांसदले साथ नदिएपछि विपक्षीलाई धक्का पुगेको हो।

काठमाडौं । गण्डकी प्रदेशको मुख्यमन्त्रीमा पुन: पृथ्वीसुब्बा गुरुङ नियुक्त भएका छन् ।

नयाँ सरकार गठनका लागि विपक्षी दलले समय सीमाभित्र बहुमत जुटाउन नसकेपछि प्रदेश प्रमुख सीताकुमारी पौडेलले गुरुङलाई मुख्यमन्त्री पदमा नियुक्त गरेकी हुन्।

प्रदेशसभाका चार दलको समर्थन रहेको भन्दै मुख्यमन्त्रीमा दावी पेश गरेका नेपाली कांग्रेसका कृष्णचन्द्र नेपाली पोखरेलको दावी नपुग्ने भन्दै पौडेलले ठूलो दलको संसदीय दलको नेता मुख्यमन्त्रीको रुपमा गुरुङलाई नियुक्त गरेकी छिन् ।

गुरुङ मुख्यमन्त्री पदमा आज नियुक्त भए पनि उनले प्रदेशसभामा एक महिनाभित्र विश्वासको मत लिनुपर्नेछ।

प्रदेशसभामा कुनै दलको एकल बहुमत नभएमा र दुई वा दुई भन्दा बढी दल मिलेर पनि बहुमत जुटाउन नसकेमा संविधानको धारा १६८(३) अनुसार प्रदेशसभाको ठूलो दलको संसदीय दलको नेतालाई प्रदेश प्रमुखले मुख्यमन्त्री नियुक्त गर्न सक्ने व्यवस्था छ ।

आइतबार मुख्यमन्त्रीबाट गुरुङले राजीनामा दिएपछि प्रदेश प्रमुख पौडेलले ३ दिनभित्र बहुमतको सरकार गठनका लागि दलहरुलाई आह्वान गरेकी थिइन्।

प्रमुखले दिएको समयवधिभर बहुमतको सरकार बनाउन विपक्षी दलले कसरत गरेका थिए। तर जनमोर्चाका दुई सांसदले साथ नदिएपछि विपक्षीलाई धक्का पुगेको हो।

काठमाडौं । नेपालमा पछिल्लो २४ घण्टामा थप ९३०५ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार २०३६२ पीसीआर र ४२४ एन्टिजेन परीक्षणमा ९३०५ जनामा संक्रमण पुष्टि भएको हो ।

नयाँ संक्रमित थप भएसँगै एक लाख ६३४ जना सक्रिय संक्रमित रहेका छन्। ५१७ जना व्यक्ति क्वारेन्टाइनमा छन्।

पछिल्लो २४ घण्टामा १६८ जना संक्रमितको मृत्यु भएको छ । यो सहित नेपालमा हालसम्म कोरोनाबाट मृत्यु हुनेको संख्या ४ हजार २२५ पुगेको छ ।

पछिल्लो २४ घण्टामा ४ हजार ४४४ जना निको भएका छन् । निको हुने दर ७४.९ प्रतिशत छ ।