Author: Vishwanews.com

काठमाडौं । अब मोबाइल एपबाटै आफ्नो जग्गाको लालपूर्जा, जग्गाको कित्ता लगायत विवरण हेर्न मिल्ने भएको छ ।

सरकारले नयाँ वर्षमा ‘मेरो कित्ता’ कार्यक्रम शुरु गर्दै यस्तो व्यवस्था गर्न लागेको हो । बुधबार राष्ट्रको नाममा सम्बोधन गर्दै प्रधानमन्त्री केपी शर्मा ओलीले सरकारले भूमि सम्बन्धी सम्पूर्ण विवरण अनलाइनबाटै हेर्न सकिने व्यवस्था गर्न लागिएको बताएका हुन् ।

सरकारले शुरु गरेको ‘मेरो कित्ता’ मार्फत् आफ्नो जग्गाधनी पुर्जा, आफ्नो कित्ता, आफू बसेकै ठाउँबाट एप्समार्फत् हेर्न सकिने उनले जानकारी दिए ।

काठमाडौं । नेपालमा थप ५८० जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको पीसीआर परीक्षणमा ५८० जनामा संक्रमण पुष्टी भएको हो।

यससँगै हालसम्म संक्रमण पुष्टि हुनेको संख्या २ लाख ८१ हजार ५६४ जना पुगेको छ। स्वास्थ्य मन्त्रालयका अनुसार १२९ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७४ हजार ४४७ जना पुगेको मन्त्रालयले जनाएको छ ।

संक्रिय संक्रमितको संख्या ४ हजार ५६ जना रहेको छ । पछिल्लो २४ घण्टामा मृत्यु हुनेको संख्या ३ रहेको छ । नेपालमा कोरोनाबाट मृत्यु हुनेको संख्या ३०६१ पुगेको छ ।

काठमाडौं । पूर्वराजा ज्ञानेन्द्र शाहले फुटेर नभई जुटेर शक्ति संरक्षणमा लाग्न सबैसँग आह्वान गरेका छन् । नयाँ वर्ष २०७८ को उपलक्ष्यमा शुभकामना सन्देश सार्वजनिक गर्दै उनले एउटा बिग्रेको अर्कोले हेर्ने बेला नभएको भन्दै एकतामा जोड दिएका छन् । उनले सबैको एउटै उद्देश्य देशको उन्नति हुनुपर्ने बताएका छन् । उनले भनेका छन्, ‘निषेध र प्रतिशोधको चक्रब्यूहबाट बाहिर आउनै पर्दछ।’

राजनीतिक नैतिकता, जनताप्रतिको उत्तरदायित्व, निष्ठा र इमानदारिता सबैमा हुनुपर्ने भन्दै उनले आपसी भाँडभैलो र द्वन्द्वको समेत अन्त्य हुनुपर्ने उल्लेख गरेका छन् । हरेक नयाँ वर्षमा सुख, शान्ति, समुन्नति र सन्तुष्टिको अपेक्षा रहने भन्दै उनले समय बित्दै जाँदा ती सबै आशा, अभिलाषा चकनाचुर हुँदै जाने तर्फ सचेत हुन समेत आग्रह गरेका छन् । शाहले पहिले देश अनि मात्र आफू भन्ने भावना सबैमा हुनु आवश्यक रहेको समेत उल्लेख गरेका छन् ।

काठमाडौं । नेपालमा थप ४६० जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको ४३८६ पीसीआर परीक्षणमा ४६० जनामा संक्रमण पुष्टी भएको हो।

यससँगै हालसम्म संक्रमण पुष्टि हुनेको संख्या २ लाख ८० हजार ९८४ जना पुगेको छ। स्वास्थ्य मन्त्रालयका अनुसार १५३ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७४ हजार ३१८ जना पुगेको मन्त्रालयले जनाएको छ ।

संक्रिय संक्रमितको संख्या ३ हजार ६ सय ८ जना रहेको छ । पछिल्लो २४ घण्टामा मृत्यु हुनेको संख्या ५ रहेको छ । नेपालमा कोरोनाबाट मृत्यु हुनेको संख्या ३०५८ पुगेको छ ।

काठमाडौं । नेपालमा कोरोना संक्रमितको संख्या बढेको छ ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको ४३७८ पीसीआर परीक्षणमा ४९६ जनामा संक्रमण पुष्टि भएको हो। ७२७ मा एन्टिजेन परीक्षण गर्दा ६३ लाई कोरोना पुष्टि भएको छ । स्वास्थ्य मन्त्रालयले सोमबारदेखि एन्टिजेन परीक्षणलाई पनि संक्रमितको सूचीमा राखेको छ यो दुवै सहित धने नेपालमा एकैदिन कोरोना संक्रमितको संख्या ५५९ पुगेको छ ।

यससँगै हालसम्म संक्रमण पुष्टि हुनेको संख्या २ लाख ८० हजार ५२५ जना पुगेको छ। स्वास्थ्य मन्त्रालयका अनुसार १३८ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७४ हजार १६५ जना पुगेको मन्त्रालयले जनाएको छ ।

काठमाडौं । संसदीय समितिहरुको हेरफेर भएको छ । सर्वोच्च अदालतले गत फागुन २३ गते नेकपा खारेज गरेर माओवादी केन्द्र र नेकपा एमाले ब्यूँताएपछि समितिमा पनि हेरफेर गरिएको छ ।

सोमबार सभामुख अग्नीप्रसाद सापकोटाले संसदीय समिति हेरफेरको सूचना पढेर सुनाएका थिए । कार्यव्यवस्था परामर्श समितिमा १४ जनाको नाम सार्वजनिक भएको छ ।

कार्यव्यवस्थामा उमाशंकर अरगरिया, कृष्णभक्त पोख्रेल, खगराज अधिकारी, जयपुरी घर्ती, दिलेन्द्र प्रसाद बडु, देवप्रसाद गुरुङ, पुष्पाभुाल गौतम, बालकृष्ण खाँड, रेखा शर्मा, लक्ष्मणलाल कर्ण, लालबहादुर थापा, विशाल भट्टराई, शान्ता चौधरी र शेरबहादुर तामाङ रहेका छन् ।

साथै अर्थसमितिमा घनश्याम भुसाल, मोतीलाल दुगड र वर्षमान पुन रहेका छन् । त्यस्तै अन्तराष्ट्रिय सम्बन्ध समितिमा कृष्णबहादुर महरा र लिलादेवी सिटौला रहेका छन् ।

उद्योग तथा वाणिज्य र श्रम तथा उपभोक्ता हित समितिमा रामेश्वर राय यादव, कृषिमा शक्तिबहादुर बस्नेत, महिलामा जानकी देवी राम र सुवर्ण ज्वारचन, राज्य व्यवस्थामा मोहन प्रसाद पाण्डे, विकास तथा प्रविधिमा बिना मगर, शिक्षामा गिरिराजमणि पोखरेल र योगेश कुमार भट्टराई, सार्वजनिक लेखामा गोकुल प्रसाद बाँस्काेटा, राज्य व्यवस्था तथा सुशासन समितिबाट अर्थ समितिमा बिनोद कुमार चौधरी, सार्वजनिक लेखाबाट अन्तराष्ट्रिय सम्बन्धमा पुष्पा कुमारी कर्ण कायस्थलगायत रहेका छन् ।