Author: Vishwanews.com

काठमाडौं । बिहीबार दिनभर राजनीति केन्द्रमा रहिन् नेकपा नेतृ रामकुमारी झाँक्री । राष्ट्रपतिविरुद्ध अभिव्यक्ति दिएको आरोपमा उनलाई प्रहरीले पक्राउ गरेको थियो । उनलाई पक्राउ गर्न प्रहरी घरमा पुगेसँगै अनेरास्ववीयुका कार्यकर्ता नाराबाजी गर्दै घेराउमा पुगेका थिए । उनीहरुले प्रधानमन्त्री केपी शर्मा ओली र राष्ट्रपति विद्यादेवि भण्डारीविरुद्ध चर्को नाराबाजी गरे ।

तर, प्रहरीले अदालतबाट पक्राउ पूर्जी लिएर आएपछि भने रामकुमारी झाँक्री आफैले गिरफ्तारी दिइन् । उनलाई महानगरीय अपराध महाशाखामा राखिएको थियो । महाशाखामै पुगी उनलाई नेकपा प्रवक्ता नारायणकाजी श्रेष्ठ र नेता योगेश भट्टराईले भेट गरे ।

उनलाई पक्राउ गरेको विरोधमा दिनभरजसो सामाजिक संजालमा सरकारको कडा आलोचना भयो । नेपाली कांग्रेस, नेता गगन थापा, पूर्वप्रधानमन्त्री बाबुराम भट्टराईसहित सबैले उनको गिरफ्तारीको कडा आलोचना गरे । उनको समर्थनमा बानेश्वरमा अनेरास्ववीयुले जुलुस निकाल्यो ।

अन्ततः साँझ उनलाई प्रहरीले छाडेको छ । चर्को आलोचनाका बीचमा सरकार झुक्न बाध्य भएको छ । यसअघि झाँक्रीले गोरखामा राष्ट्रपतिविरुद्ध आपत्तिजनक अभिव्यक्ति दिएको भन्दै नेकपा संम्बद्ध महिला संघले पक्राउ गरी कारवाही गर्न गृहमन्त्रीसमक्ष अपिल गरेको थियो ।

झाँक्रीले भने आफु खलपात्रा विरुद्ध बोलेको भन्दै राष्ट्रपति पदसँग आफ्नो सधै सम्मान रहने बताउँदै आएकी छिन् । उता, प्रहरी हिरासतबाट रिहा भएपछि नेतृ झाँक्रीले प्रतिगमन झुक्ने प्रक्रिया सुरु भएको प्रतिक्रिया दिएकी छन् । रिहाइपछि सञ्चारकर्मीहरुसँग कुरा गर्दै झाँक्रीले आफू विना शर्त रिहा भएको जानकारी दिइन् ।

काठमाडौं । नेपालमा कोरोना भाइरसको संक्रमणबाट थप ५ जनाको मृत्यु भएको छ ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टाको अवधिमा देशभर ५ जना संक्रमितको मृत्यु भएको हो ।

यो सहित कोरोनाका कारण मृत्यु हुनेको संख्या २ हजार ५२ पुगेको छ ।

काठमाडौं । नेपालमा थप ८१ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप ८१ जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७२ हजार ४ सय ३० जना पुगेको छ । स्वास्थ्य मन्त्रालयका अनुसार १११ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ६८ हजार ६६० जना पुगेको मन्त्रालयले जनाएको छ । संक्रिय संक्रमितको संख्या १ हजार ७ सय १८ रहेको छ ।

काठमाडौं । प्रधानमन्त्री केपी शर्मा ओलीले अख्तियार दुरुपयोग अनुसन्धान आयोगको काममाथि सरकारले हस्तक्षेप नगर्ने बताएका छन् ।

बुधबार अख्तियार दुरुपयोग अनुसन्धान आयोगको ३० औं स्थापना दिवसका अवसरमा बोल्दै प्रधानमन्त्री ओलीले निष्पक्ष ढंगले काम गर्ने वातावरण निर्माण गर्न सरकार तयार रहेको बताए । उनले अख्तियारलाई दबाब र प्रभावमा पार्ने काम नगर्न पनि चेतावनी दिएका छन् ।

‘अख्तियार लाचार छायाँ होइन । सरकारबाट आयोगमाथि कुनै हस्तक्षेप हुँदैन । आफ्नो कर्तव्य निष्पक्ष ढंगले पूरा गर्नु । यसमा भनसुन, दबाब, टाउकाको माया छ कि छैन् भनेर धम्की दिने काम नगरे हुन्छ, त्रासबाट मुक्त भएर काम गर्नु । सुरक्षाको व्यवस्था सरकारले गर्छ’, उनले भने ।

प्रधानमन्त्री अ‍ोलीले निर्वाचनपछि अख्तियारको कानून पारित भएर आउने भएकाले काम गर्न थप सहज हुने बताएका छन् । उनले अख्तियारले विगत २० वर्षमा सकारात्मक योगदान पुर्याएको भन्दै अख्तियारले निर्दोष मानिसहरुलाई मुद्दा लगाएर दुःख दिन नहुने बताए ।

‘अख्तियारले निर्दोष मान्छेमाथि आरोप लगाउने र मुद्दा दायर गर्नु हुँदैन । त्यसो हुँदा काम गर्ने मानिसहरुलाई हतोसाही बनाउँछन्’, उनले भने, ‘अख्तियारले मुद्दा दायर गर्नुभन्दा अगाडि तथ्यहरुका आधारमा एकीन गरेर मात्र मुद्दा दर्ता गर्नुपर्छ । अख्तियारबाट दोषीहरु थर्कमान हुनुपर्छ । अख्तियारले कारबाही गर्न नसक्ने ठाउँ छैन् भनेर काम गर्नुपर्छ ।’

प्रधानमन्त्री ओलीले नेपालमा भ्रमष्टाचार कन्ट्रोल हुने दाबी गरे । उनले सञ्चारमाध्यमहरुले भ्रष्टाचारबारे सत्यतथ्य विषय बाहिर ल्याउनुपर्ने बताए । प्रधानमन्त्री ओलीले सबेलाई भ्रष्टाचारीको आँखाले हेर्न नमिल्ने बताए ।

उनले सरकारले विकास गरेका नागरिक एपहरुले भ्रष्टाचार नियन्त्रणमा सहयोग पुर्याउने बताए । नागरिक एपले भ्रष्टाचार नियन्त्रणमा सहयोग पुर्याउने उनको भनाई छ ।

‘भ्रष्टाचार नियन्त्रणका मुख्य केन्द्रहरु डिजिटल सिस्टममा गएपछि लेनदेन गर्नै नपरेपछि, पैसा बुझाउन व्यक्ति अफिसमा जानु नपरेपछि, अफिसमै गएर मेरो फाइल के भयो कसो भयो भन्न नपरेपछि अनलाइनबाट काम हुने भएपछि यसले भ्रष्टाचार नियन्त्रणमा मद्दत पुर्याउँछ’, उनले भने ।

काठमाडौं । सरकारले गरेको संसद विघटनको विरोधमा आन्दोलनमा हेको नेकपा (प्रचण्ड,माधव समूह)ले आज काठमाडौंमा विशाल सभा आयोजना गरेको छ । सभामा दुई लाख भन्दा बढी मानिस उतार्ने दावि समुहको छ । भृकुटीमण्डपमा आयोजना गरिएको विरोधसभाका कारण राजधानीको ट्राफिक व्यवस्थापन आज पनि अस्तव्यस्त हुनेछ ।

सभालाई अध्यक्ष प्रचण्डसहितका शीर्ष नेताले सम्बोधन गर्ने कार्यक्रम छ । आयोजकका अनुसार ११ बजेबाट जुलस निस्कने छ । विरोधसभा अघि पुल्चोक, माइतीघर मण्डला, केशरमहल, त्रिपुरेश्वर र जमलबाट जुलुस निस्किने कार्यक्रम छ । जुलुसको शीर्ष नेताहरुले नेतृत्व गर्ने भएका छन् ।

मुख्य र्‍याली सुनधाराबाट सुरु भई भृकुटीमण्डपमा पुगेर सभामा परिणत हुनेछ । यो जुलुसमा प्रचण्ड र माधव कुमार नेपाल समेत सहभागी हुनेछन् । आज पनि काठमाडौंबाहिरबाट हजारौंको संख्यामा मानिसहरु काठमाडौं ल्याइएको छ । आजको सभालाई नेकपाले निर्णायक हुने दावि गरेको छ ।

काठमाडौं । सरकारले पहिलो र दोस्रो चरणमा निर्वाचन गर्ने निर्णय गरेको छ । सोमबार बसेको मन्त्रिपरिषद् बैठकले गत वैशाख १७ र २७ गते सात वटा प्रदेशमा दुई चरणमा निर्वाचन गर्ने निर्णय गरेको हो ।

पहिलो चरण अर्थात वैशाख १७ गते ४० जिल्लामा निर्वाचन हुनेछ भने २७ गते ३७ वटा जिल्लामा निर्वाचन हुने सरकारका प्रवक्ता एवं सञ्चार तथा सूचना प्रविधिमन्त्री पार्वत गुरुङले जानकारी दिए ।

जसअनुसार वैशाख १७ प्रदेश नम्बर २, गण्डकी, लुम्बिनी र सुदूरपश्चिम प्रदेश र दोस्रो चरण अर्थात वैशाख २७ गते प्रदेश १, वागमती र कर्णालीमा हुनेछ ।

प्रधानमन्त्री केपी शर्मा ओलीले गत पुस ५ गते प्रतिनिधिसभा विघटन गरेर मध्यावधी निर्वाचनमा जाने निर्णय गरेका थिए ।

काठमाडौं । प्रधानमन्त्री केपी शर्मा ओलीले निर्वाचन आयोगका पदाधिकारीसँग छलफल गरेका छन् ।

मंगलबार निर्वाचन आयोग पुगेका प्रधानमन्त्री ओलीले प्रमुख निर्वाचन आयुक्त दिनेशकुमार थपलियासहित आयोगका अन्य पदाधिकारीसँग करिब एक घण्टा छलफल गरेका हुन् ।

प्रधानमन्त्री ओलीका प्रेस सल्लाहकार सूर्य थापाले छलफल निर्वाचनको तयारीका विषयमा केन्द्रित रहेको जानकारी दिए । प्रधानमन्त्री ओलीले निर्वाचनको तयारीको प्रक्रिया निरन्तर अगाडि बढाउन निर्वाचन आयोगलाई आग्रह गरेको उनले बताए ।

थापाका अनुसार प्रधानमन्त्रीलाई आयोगको तयारीबारे प्रमुख निर्वाचन आयुक्त दिनेश थपलिया र आयुक्तहरुले जानकारी गराएका थिए । उनीहरुले आयोगको तयारी, सुरक्षा, बजेट लगायतका विषयमा जानकारी गराएका थिए ।

प्रधानमन्त्रीसँगै उपप्रधानमन्त्री ईश्वर पोखरेल, नेकपा महासचिव विष्णु पौडेल र नेता सुवास नेम्वाङ पनि आयोगको कार्यालय पुगेका थिए ।

पुस ५ गते प्रतिनिधिसभा विघटन गरेका प्रधानमन्त्री ओलीले वैशाख १७ र २७ गते नयाँ निर्वाचनको घोषणा गरेका छन् ।