काठमाडौं । काठमाडौं उपत्यकामा पछिल्लो २४ घण्टामा ७३७ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयको अनुसार काठमाडौंका ६५२, ललितपुरका ६० र भक्तपुरका ३५ जनामा कोरोना संक्रमण पुष्टि भएको हो । यो सहित उपत्यकामा कोराना संक्रमितको संख्या १३ हजार ६ सय ६१ पुगेको छ।
काठमाडौंमा ११ हजार २ सय ३५ ललितपुरमा १ हजार २ सय ८६ र भक्तपुरमा १ हजार १ सय ४० संक्रमित पुगेका छन्।
काठमाडौं । नेपालमा पछिल्लो २४ घण्टामा थप १ हजार ५ सय ३९ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको १० हजार ४ सय ९४ जनाको पीसीआर परीक्षणमा थप १ हजार ५ सय ३९ जनामा कोरोना संक्रमण पुष्टि भएको हो ।
यो सहित नेपालमा कोरोना संक्रमित हुनेको संख्या ५८ हजार ३२७ जना पुगेको छ।
पछिल्लो २४ घन्टामा थप १०६८ जना कोरोना संक्रमणमुक्त भएका छन्। योसहित नेपालमा हालसम्म ४१ हजार ७ सय उपचारपछि निको भएका छन्।
हाल देशभर १६ हजार २४२ जना सक्रिय संक्रमित छन्। देशभरका संस्थागत आइसोलेसन ८ हजार ५४१ जना र होम आइसोलेसनमा ७ हजार ७०१ जना रहेका छन् ।
काठमाडौं । नेपाली कांग्रेसका महामन्त्री डाक्टर शशांक कोइरालालाई अस्पताल भर्ना गरिएको छ । उनमा कोरोना भाइरसको संक्रमण पुष्टी भएको छ । भदौ २३ मा कोरोना संक्रमण पुष्टि भएका उनी होम आइसोलेसनमा थिए ।
तर, ज्वरो बढेपछि उनलाई बुधबार बिहान काठमाडौंको ओम अस्पताल भर्ना गरिएको छ । उनको आइसीयूमा उपचार जारी रहेको अस्पतालले जनाएको छ । ज्वरो कम हुन थालको र स्वास्थ्य अवस्था समेत सामान्य रहेको अस्पताल स्रोतले जनाएको छ ।
काठमाडौं । मध्यपूर्वी क्षेत्रमा शान्ती स्थापनार्थ एक महत्वपूर्ण सम्झौतामा हस्ताक्षर भएको छ । संयूक्त अरब इमिरेट्स र बहराइनले इजरायलसँग शान्ती सम्झौता गरेका छन् । अमेरिकी राष्ट्रपति डोनाल्ड ट्रम्पको मध्यस्थतामा भएको यो सम्झौतालाई राष्ट्रपति ट्रम्पले तारिफ गरेका छन् ।
यी तीन मुलुकबीच एक आपसमा सम्बन्ध सामान्य बनाउने गरी ऐतिहासिक सम्झौता भएको हो । सम्झौतापछि टुईटरमार्फत राष्ट्रपति ट्रम्पले नयाँ मध्यपूर्वको सुरूवातको संज्ञा दिएका छन् । उनले तीन वटै मुलुकलाई बधाई समेत दिएका छन् । दशकौंको विभाजन र संघर्षपछि एउटा नयाँ मध्यपूर्वको सुरूवात गरेको उनको भनाई छ ।
सम्झौता अनुसार अब इजरायल, युएई र बहराइन एकअर्को मुलुकमा दूतावास खोल्न र राजदूत नियूक्त गर्न सहमत भएका छन् । सम्झौता कार्यक्रम मंगलबार ह्वाइटहाउसमा भएको हो । यो सम्झौताप्रति प्यालेस्टाइनको भने असहमति रहेको छ । प्यालेस्टान खाडी मुलुकहरुले आफुलाई धोका दिएको रुपमा यो सम्झौतालाई लिन्छ ।
उसको माग इजरायलसँगको विवाद समाधान नभएसम्म खाडी मलुकले इजरायललाई माफी दिन नहुने छ । यो सम्झौताका लागि राष्ट्रपति ट्रम्पको भूमिका महत्वपूर्ण छ । उनले गत जनवरीमा मध्यपूर्व शान्ति योजना ल्याएका थिए । जसमा तीन मुलुकीच शान्ती सम्झौता गर्ने उल्लेख थियो । नजिकिएको निर्वाचनलाई ट्रम्पले एक हतियारका रुपमा शान्ती सम्झौतालाई उपयोग गर्नेछन् । एजेन्सी
काठमाडौं । सरकारले बहराइनका राजकुमार सहित १८ जनाको टोलीलाई हिमाल आरोहणको अनुमति दिएको छ । उनीहरु आरोहणका लागि मंगलबार नेपाल प्रस्थान गरेका छन् । उनीहरुले नेपालमा लोबुचे र मनास्लु हिमाल आरोहण गर्दैछन् । उनीहरु मंगलबार राति नेपाल प्रस्थान गरेको बहराइनस्थित नेपाली दूतावासले जानकारी दिएको छ ।
बहराइनको डिफेन्स फोर्समा कार्यरत १५ जना बहराइनका नागरिक र ३ जना बेलायती नागरिक आरोहण टोलीमा समावेश छन् । उनीहरु शेख ईशा एयरबेसको चार्टर्ड जहाज चढेर काठमाडौं उडेका हुन् । यो टोलीले नेपालमा २ महिना बिताउने छ । यस क्रममा लोबुचे र मनास्लु हिमाल आरोहण गर्नेछन् ।
यो आरोहण आगामी सिजनमा सगरमाथा आरोहणको तयारीका रुपमा लिइएको समेत दूतावासले जनाएको छ । उनीहरुलाई मन्त्रिपरिषद्ले अनुमति दिएको हो । नेपालमा स्वास्थ्य मन्त्रालयले तोकेको मापदण्ड भने उनीहरुले पालना गर्नुपर्नेछ । यो टोली कोरोनापछि नेपाल आउने पहिलो विदेशी आरोही टोली हुनेछ ।
काठमाडौं । नेपालमा आज बिहान ६ रेक्टरको ६ सेक्टर स्केलको ठूलो भूकम्प गएको छ । बिहान ५ः१९ बजेको समयमा सिन्धुपाल्चोकको राम्चेलाई केन्द्रबिन्दु बनाएर भूकम्प गएको राष्ट्रिय भूकम्प मापन केन्द्रले जानकारी दिएको छ । भूकम्पको शक्तिशाली धक्का काठमाडौं उपत्यकासहित यो आसपासका जिल्लामा महसुस भएको छ ।
बिहान सबेरै आएको भूकम्पपछि सबै मानिस घर बाहिर निस्किएका थिए । उपत्यकामा केही मानिस खुला चौरतर्फ लागेका थिए । सिन्धुपाल्चोकमा केन्द्र भएर गएको ठूलो भूकम्पले गरेको क्षतिको विवरण भने आइसकेको छैन ।
२०७२ सालपछि पहिलो पटक नेपालमा ६ रेक्टर स्केलमाथिको भूकम्प गएको हो । यो भुकम्पलाई नयाँ भूकम्प मानिएको छ । बिहानको ठूलो भूकम्पपछि सिन्धुपाल्चोकमा ३ रेक्टर स्केलको अर्को धक्का समेत महसुस गरिएको केन्द्रले जनाएको छ । बाढी र पहिरोका कारण आक्रान्त सिन्धुपाल्चोकमा भूकम्पले फेरी त्रास थपिदिएको छ ।
काठमाडौं । अर्थमन्त्रीबाट राजिनामा दिएका डा. युवराज खतिवडालाई सरकारले विशेष आर्थिक सल्लाहकार नियुक्त गरेको छ । कानूनी प्रावधानका कारण मन्त्री बन्न नपाउने अवस्था आएसँगै उनले राजिनामा गरेका थिए । सोमबार बसेको मन्त्रिपरिषद् बैठकले उनलाई मन्त्री सरहकै सेवा सुविधा दिने गरी विशेष आर्थिक सल्लाहकार बनाएको हो ।
सरकारले यो पद आफै सिर्जना गरेको छ । किनकी यसअघि यस्तो पदमा व्यक्तिलाई राख्ने गरिएको थिएन । राष्ट्रियसभा सदस्य बनेर अर्थमन्त्री भएका खतिवडाले कार्यकाल सकिएपछि यही भदौ १९ मा राजिनामा गरेका थिए ।
प्रधानमन्त्री ओलीका प्रिय पात्र उनी अब पनि अर्थ मन्त्रालयको छाँया मन्त्रीकै रुपमा रहने देखिएको छ । किनकी अर्थ मन्त्रालयमा ओलीले कसैलाई पनि जिममेवारी नदिएर आफैले राखेका छन् । यसको मतलव अर्थका फाइल अब खतिवडाले नै तयार पार्नेछन् ।
काठमाडौं । नेपाल विद्यूत प्राधिकरणबाट कुलमान घिसिङ बिदा भएका छन् । उनलाई प्राधिकरणले मंगलबार औपचारिक बिदाई गरेको छ । उनले आफ्नो चार वर्षे कार्यकाल सफलतापूर्वक पार गरी बिदा भएका हुन् । नेपालमा १८ घण्टासम्म लोडसेडिंग भइरहेको समयमा नेतृत्व सम्हालेका उनले अन्धकारबाट नेपाललाई पार मात्र लगाएनन्, प्राधिकरणलाई वार्षिक ५ अर्ब मुनाफा कमाउने संस्थामा परिणत समेत गर्न सफल भएका छन् ।
उनलाई कर्मचारीले पुन नियुक्तिको शुभकामना समेत दिएका छन् । बिदाई समारोहणमा कुलमानले सबैको साझा प्रयासबाट आफुले सफलता पाएको भन्दै आगामी दिन समृद्ध नेपाल निर्माणमै खर्च गर्ने प्रतिवद्धता व्यक्त गरे । उता, सरकारले प्राधिकरणको निमिक्त कार्यकारी निर्देशकमा लेखनाथ कोइरालालाई नियुक्त गरेको छ ।
उनलाई उर्जामन्त्री वर्षमान पुनले मंगलबार निमित्त कार्यकारी निर्देशक तोकेका छन् । कोइराला नेपाल विद्युत प्राधिकरणको उपकार्यकारी निर्देशकमा कार्यरत छन् । कुलमानको पुननियुक्तिमा सरकारलाई ठूलो जनदवाव रहेको छ । तर, सरकारले उनको कार्यकाल थप्ने निर्णय नगरेपछि उनी बाहिरिएका हुन् । सरकारले कसलाई कार्यकारी बनाउछ भन्ने अझै टुंग्गो लागिसकेको छैन ।
काठमाडौं । सरकारले लामो दूरीका यातायातका साधन १ असोजबाटै चलाउन सकिने गरी निर्णय सार्वजनिक गरेको छ । यसअघि सोमबार मन्त्रिपरिषद् बैठकपछि भने मन्त्रिहरुले लामो दूरीका यातायात र आन्तरिक उडान ५ असोजबाट खुल्ने निर्णय भएको बताएका थिए ।
तर, औपचारिक निर्णय सार्वजनिक गर्दै सरकारका नवनियुक्त प्रवक्ता प्रदीप ज्ञवालीले १ असोजबाटै यी सेवा संचालनमा आउने निर्णय भएको बताएका छन् । उनका अनुसार सार्वजनिक यातायातमा भने भाडा ५० प्रतिशत बढी लिन पाइने भएको छ ।
स्वास्थ्य सुरक्षा सम्बन्धि मापदण्ड पालना गर्दै यातायात सञ्चालन गर्न पाइने छ । उनका अनुसार संक्रमणको जोखिम बढेमा भने स्थानीय प्रशासनबाटै आवश्यक निर्णयहरु हुनेछन् । बसको एक लहरको सिटमा एक जना मात्र बस्न पाइनेछ। जहाजमा समेत यस्तै गरी यात्रा गर्न पाइने भएको छ ।
काठमाडौं । नेपालमा कोरोना भाइरसको संक्रमणबाट थप ११ जनाको मृत्यु भएको छ। पछिल्लो २४ घण्टामा कोरोना संक्रमणबाट थप ११ जनाको मृत्यु भएको छ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा ४ जना महिला र ७ जना पुरुषगरि थप ११ जनाको ज्यान गएको हो । मृत्यु हुनेमा काठमाडौंमा मात्र ४ जना कोरोना संक्रमित रहेका छन् ।
काठमाडौंमा ८६ वर्षीया महिला, ३४, ९६ र ६६ वर्षीय पुरुषको कोरोनाबाट ज्यान गएको छ ।
सर्लाहीमा ६४ वर्षीय पुरुष, सिरहामा ३५ वर्षीया महिला, बारामा ५५ वर्षीया महिला र ५५ वर्षीय पुरुषको मृत्यु भएको मन्त्रालयले जनाएको छ।
मकवानपुरमा ६१ वर्षीय पुरुष, रुपन्देहीमा ६४ वर्षीया महिला र कपिलवस्तुमा ५८ वर्षीय पुरुषको मृत्यु भएको छ।
यो सँगै नेपालमा कोरोना संक्रमित मृतकको संख्या ३ सय ७१ पुगेको छ।
नेपालमा कुल संक्रमितमध्ये मृत्यु हुने दर शून्य दशमलव ६५ प्रतिशत हो ।
काठमाडौं । काठमाडौं उपत्यकामा थप ६७६ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा काठमाडौंका ५५५, भक्तपुरका ८६ र ललितपुरका ३५ जनामा कोरोना संक्रमण पुष्टि भएको हो।
योसँगै उपत्यकामा कोराना संक्रमितको संख्या १२ हजार ९ सय २४ पुगेको छ।
काठमाडौंमा १० हजार ५ सय ८३ ललितपुरमा १ हजार २ सय २६ र भक्तपुरमा १ हजार १ सय १५ संक्रमित पुगेका छन्।
काठमाडौं । नेपालमा पछिल्लो २४ घण्टामा थप १ हजार ४ सय ५९ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको १० हजार ३ सय ७५ जनाको पीसीआर परीक्षणमा थप १ हजार ४ सय ५९ जनामा कोरोना संक्रमण पुष्टि भएको हो ।
यो सहित नेपालमा कोरोना संक्रमित हुने को संख्या ५६ हजार ७८८ जना पुगेको छ।
पछिल्लो २४ घन्टामा थप १०६२ जना कोरोना संक्रमणमुक्त भएका छन्। योसहित नेपालमा हालसम्म ४० हजार ६३८ उपचारपछि निको भएका छन्।
हाल देशभर १५ हजार ७८९ जना सक्रिय संक्रमित छन्।
काठमाडौं । कोरोना भाइरसको सबैभन्दा बढी चपेटामा परेको अमेरिकामा ज्यान गुमाउने मानिसको संख्या दुई लाख नजिक पुगेको छ । यहाँ पछिल्लो २४ घण्टामा४ सय ८० जनाको ज्यान गयो । यससँगै कोरोनाबाट कुल १ लाख ९९ हजार मानिसको जीवन समाप्त भएको छ ।
वर्ल्डोमिटर्सले मंगलबार बिहान गरेको अपडेट अनुसार अमेरिकामा मंगलबार ३८ हजार ७२ जनामा संक्रमण पुष्टि भएको छ । अमेरिकामा कुल कोरोना संक्रमित संख्या ६७ लाख ४९ हजार २८९ पुगेको छ। संक्रमितमध्ये अहिलेसम्म ४० लाख २७ हजार ८२६ जनाले यो रोगलाई जित्न सफल भएका छन् ।
२५ लाख २२ हजार ४६३ जना सक्रिय संक्रमित रहेका छन् । त्यसमध्ये अझै १४ हजार १०४ जना भने गम्भीर अवस्थामा छन् । उता, विश्वभर २ करोड ९४ लाखभन्दा बढी मानिसमा कोरोना भाइरसको संक्रमण पुष्टी भइसकेको छ ।
पछिल्लो २४ घण्टामा कुल २ लाख ४० हजारभन्दा बढीमा संक्रमण पुष्टि भएको छ । संसारभर एकै दिन ४ हजार ३५२ जनाको मृत्यु भएको छ । विश्वभर मृत्यु हुनेको संख्या ९ लाख ३२ हजार ४२२ पुगेको छ । कोरोनालाई जित्नेको संख्या २ करोड १२ लाख ७३ हजार ३०४ रहेको छ ।
काठमाडौं । अमेरिकामा पछिल्लो एक महिना सातायता विभिन्न राज्यमा फैलिएको डडेलोले मानवीय क्षति तिब्र बनाएको छ । अहिलेसम्म ३५ जनाको मृत्यु भइसकेको अन्तर्राष्ट्रिय संचारमाध्यमले उल्लेख गरेका छन् ।
बीबीसीका अनुसार अमेरिकामा तीन वटा राज्यमा डडेलोको कहर चलेको छ । यसको फैलावट तिब्र रहेको र रोकथाममा असफल भएको भन्दै सरकारको आलोचन समेत शुरु भएको छ । अगष्टको प्रारम्भबाटै क्यालिफोर्निया, आरेगन र वासिङ्टनमा डडेलो शुरु भएको हो ।
३५ जनाले ज्यान गुमाएको र कैयौं व्यक्ति वेपत्ता रहेको बताइएको छ । डढेलोको प्रभाव दुई लाख हेक्टर क्षेत्रफलमा फैलिएर विनास भइसकेको छ । ती क्षेत्रका संरचना जलेका छन् । जीवजन्तुको क्षति समेत अनगिन्ती भइसकेको बताइएको छ ।
अहिले पनि यी तीन राज्यका ३० भन्दा बढी क्षेत्रमा डडेलोको ठूला लप्काहरु संक्रिय रहेको संचारमाध्यमले लेखेका छन् । लाखौं व्यक्तिलाई घर छाड्न प्रशासनले आदेश दिइसकेको छ । डडेलोकै कारण अमेरिकामा यो वर्ष तापक्रम समेत वृद्धि हुने देखिएको छ ।
कोरोना भाइरसको चपेटामा परेको अमेरिकामा निर्वाचन समेत नजिकिएको छ । त्यसमाथि आएको डडेलोको प्रकोपले ट्रम्प प्रशासनको चुनावी अभियानमा समेत प्रभाव पर्न सक्ने आंकलन गरिएको बीबीसीले लेखेको छ ।
काठमाडौं । अर्जेन्टाइन स्टार लिओनल मेसी विश्वकै सर्वाधिक कमाइ गर्ने खेलाडी बन्न सफल भएका छन् । फोर्ब्सले सन् २०२० को खेलाडीहरुको कमाई सम्बन्धी सूचि सार्वजनिक गरेको छ । शीर्ष १० को सूचिको पहिलो नम्बरमा मेसी रहेका छन् । उनलाई र्पोचुगिष्ट स्ट्राइकर क्रिस्टियानो रोनाल्डोले पच्छ्याइरहेका छन् । फोर्ब्सले सार्वजनिक गरेको तथ्यांक अनुसार यो वर्ष मेसीको वार्षिक कमाइ १२६ मिलियन अमेरिकी डलर पुगेको छ ।
रोनाल्डोको कमाई मेसीको भन्दा ९ मिलियन कम छ । यो वर्ष मेसीले पारिश्रमिकबाट ९२ मिलियन डलर र एन्डोरसमेन्टबाट ३४ मिलियन डलर कमाएका छन् । रोनाल्डोले भने पारिश्रमिकबाट ७० मिलियन डलर र एनडोरसमेन्टबाट ४७ मिलियन कमाए । उनको कुल कमाई ११७ मिलयन डलर रहेको छ ।
सर्वाधिक कमाइ गर्ने शीर्ष १० खेलाडी को को हुन् ?
लियोनल मेसी : १२६ मिलियन अमेरिकी डलर
क्रिस्टियानो रोनाल्डो : ११७ मिलियन डलर
नेमार : ९६ मिलियन डलर
किलिएन एमबाप्पे : ४२ मिलियन डलर
मोहम्मद सालाह : ३७ मिलियन अमेरिकी डलर
पउल पोग्बा : ३४ मिलियन अमेरिकी डलर
एन्टोनी ग्रीजमन : ३३ मिलियन अमेरिकी डलर
गारेथ बेल : २९ मिलियन अमेरिकी डलर
रोवर्ट लेवान्डोस्की : २८ मिलियन अमेरिकी डलर
डेविड डे हेअ : २७ मिलियन अमेरिकी डलर
काठमाडौं । सरकारले कोरोना बीमाका नाममा फेरी झेल शुरु गरेको छ । यसअघि निजी ल्यावबाट भएको परीक्षण अमान्य हुने निर्णय गरेको बीमा समितिले त्यो निर्णय सच्याउँदै भुक्तानी हुने रकममा ७५ प्रतिशत कटौती गरेको छ । यसअघि कोरोना बीमा १ लाख रुपैयाँको थियो ।
अब २८ भदौयता हुने कोरोना बीमा एक लाख रुपैयाँकै भएपनि भुक्तानी भने मात्र २५ हजारको हुनेछ । अर्थातः कोरोना लागेको व्यक्ति होम आइसोलेसनमा बसेर निको भएको अवस्थामा उसले कुल विमांकको मात्र २५ प्रतिशतसम्म मात्र पाउने गरी कोरोना बीमाको मापदण्ड संशोधन भएको छ ।
आइसोलेसनमा बस्नु परेमा हकमा भने बिल भर्पाईका आधारमा ७५ प्रतिशतसम्म मात्र भुक्तानी हुनेछ । अर्थातः आइसुलेसनमा बस्दा कुल २ लाख खर्च भयो भने कोरोना बीमाले अधिकतम ७५ हजार रुपैयाँसम्म मात्र कभर गर्नेछ । यसअघि ५० हजार र १ लाख रुपैयाँको कोरोना बीमा गरिएको थियो । जुन, जस्तो सुकै अवस्थामा पनि भुक्तानी हुन्थ्यो ।
तर, नयाँ मापदण्डमा सरकारले झेल गरेको छ । बीमा कम्पनीहरुको दवावमा बीमा समितिले यस्तो निर्णय गरेको हो । प्रारम्भिक दिनमा नेपालमा संक्रमित कम भएको अवस्था र धेरै मानिसले कोरोना बीमा गरेका कारण कम्पनीहरु नाफामा थिए ।
पछिल्ला दिनमा संक्रमित बढेपछि उनीहरु डराएका हुन् । समितिका अनुसार भदौ २८ सम्म कोरोना बीमा गरेकाहरुको हकमा भने नयाँ मापदण्ड लागू हुदैछ । उनीहरुले संक्रमण पुष्टि भएपछि एक लाख रुपैयाँ नै पाउने भएका छन् ।
काठमाडौं । तीब्र जन दवावका बीच सोमबार मन्त्रिपरिषद् बैठकले नेपाल विद्यूत प्राधिकरणको कार्यकारी निर्देशकमा कुलमान घिसिङलाई पुननियुक्ति दिने अपेक्षा धेरैको थियो । किनकी सरकारले जनप्रिय नियुक्ति दिएर पुनः एक पटक स्यावासी पाउने सम्भावना छ । तर, त्यस विपरित जनताले प्रत्यक्ष निर्वाचनमा हराएका बामदेव गौतमलाई सांसद बनाएर जनमतकै उपहास हुने निर्णय गर्यो, तर कुलमानको पक्षमा निर्णय आएन ।
कुलमान नियुक्त कसले रोक्यो ? नेपालमा संचारमाध्यमबीच यो विवाद पुनः एक पटक बाझिएको छ । केही संचारमाध्यम लेख्छन्, यो प्रस्ताव उर्जा मन्त्रालयले आइतबार नै क्याविनेट लगेको थियो । तर, प्रधानमन्त्रीले यसलाई अगाडी बढाउन चाहेनन् । यसमा केही सत्यता प्रधानमन्त्रीका प्रेस सल्लाहकार सूर्य थापाको एक पेज लामो स्टाटसले पनि दिन्छ ।
उसले नेपाल विद्युत प्राधिकरणको कार्यकारी निर्देशकमा नियुक्ति पाउन खुला प्रतिस्पर्धाबाट आउनु पर्ने बताएका छन् । नियम अनुसार नै कार्यकारी निर्देशक नियुक्ति हुने र त्यसका लागि कुलमान खुला प्रतिूपर्धाबाट आउनु पर्ने उनको भनाई छ । तर, नेकपा प्रवक्ता नारायणकाजी श्रेष्ठ भने कुलमानलाई सरकारले पुननियुक्ति दिनु पर्ने पक्षमा छन् । उनले जनमतको कदर गर्न समेत सरकारलाई सुझाव दिएका छन् ।
अर्को पक्षका संचारमाध्यम लेख्छन्, उर्जा मन्त्रालयले नै कुलमानको प्रस्ताव लगेको थिएन, सोहीकारण कुलमानको नियुक्ति सोमबार हुन सकेन । यद्दपी प्रधानमन्त्री केपी शर्मा ओलीले चाहेका भए, सोमबार कै बैठकमा उनको नियुक्तिको सम्भावना पनि थियो । किनकी यस्तो निर्णयमा प्रधानमन्त्री स्वयमले ठाडो प्रस्ताव लगेर पास गराउन खोज्छन् ।
क्याविनेटमा पूर्व एमाले पक्षधर मन्त्रिहरु कुलमानलाई पुननियुक्तिको पक्षमा छैनन् । सोहीकारण पनि उनको पक्षमा मन्त्रिपरिषद् भित्र माहोल बन्न सकेको छैन । कुलमान घिसिङ ४ वर्षे कार्यकाल सकेर आइतबार बिदा भएका हुन् । उनली २०७३ भदौ २९ मा कार्यकारी निर्देशक नियुक्त भएका थिए । उनले नेपालबाट लोडसेडिंग सधैका लागि हटाएर स्यावासी कमाएका छन् ।
काठमाडौं । सरकारले नेकपा उपाध्यक्ष वामदेव गौतमलाई राष्ट्रिय सभाका लागि सिफारिस गरेको छ। सोमबार बसेको मन्त्रिपरिषद बैठकबाट गौतमलाई राष्ट्रिय सभाका लागि सिफारिस गरिएको हो ।
उनलाई भदौ १८ गते बसेको नेकपा सचिवालय बैठकले राष्ट्रिय सभा सदस्यका लागि सिफारिस गरेको थियो । राष्ट्रिय सभामा मन्त्रिपरिषदबाट सिफारिस भई राष्ट्रपतिले नियुक्ति गर्ने एक सीट खाली रहेको छ ।
काठमाडौं । ५ असोजबाट लामो दुरीको यातायात सेवा र आन्तरिक हवाई उडान शुरु हुने भएको छ । आज बसेको मन्त्रिपरिषद् बैठकले यस्तो निर्णय गरेको हो । नेपालमा १० चैत राती १२ बजेदेखि लामो दुरीको यातायात र हवाई यातायातमा प्रतिवन्ध लागेको छ । नजिकिएको दशैं र यात्रु तथा व्यवसायिको तिब्र दवावका बीच सरकारले यी दुबै यातायातका साधन चलाउने निर्णय गरेको हो ।
जुम्ला । वरिष्ठ चिकित्सक डा. गोविन्द केसीले १९ औं सत्याग्रह जुम्लाबाट शुरु गरेका छन् । भ्रष्टाचार नियन्त्रणमा सरकार असफल भएको आरोप लगाउँदै डा. केसीले विभिन्न मागका साथ सत्याग्रह थालेका हुन् । केसीले सोमबारदेखि जुम्लाबाट अनसन शुरु गरेका छन् । उनी जुम्ला बजार नजिकै सिंहचौरस्थित बाबिरा मस्ट मन्दिरमा सत्याग्रहमा छन् ।
आफुलाई जुम्लामा हिँडडुल गर्नदेखि उपचार गर्न जान समेत बारम्बार अवरोध हुँदै आएको गुनासो समेत उनले गरेका छन् । केसी केही समययता जुम्लाका ग्रामिण भेगमा औषधोपचार गर्दै हिँडेका छन् । उनले कर्णाली स्वास्थ्य विज्ञान प्रतिष्ठानमा तत्काल पूर्वाधार र जनशक्ति पुर्याएर एमबिबिएसलगायतका कार्यक्रम राख्न माग गरेका छन् ।
गेटा मेडिकल कलेज र राप्ति स्वास्थ्य विज्ञान प्रतिष्ठानमा पूर्वाधार र जनशक्ति पुर्याएर पठनपाठन सुरू गर्नु पर्ने समेत उनको माग छ । प्रदेश नम्बर दुई र गण्डकी प्रदेश तथा डोटी वा डडेल्धुरा, उदयपुर र इलाम वा पाँचथरमा सरकारी मेडिकल कलेज खोल्ने प्रक्रिया अघि बढाउन पनि उनले आफ्नो मागमा समेटेका छन् ।
उनले मास्कको प्रयोग र सामाजिक दूरीलाई अनिवार्य गर्दै पिसिआर परीक्षण व्यापक बनाएर लकडाउन र निषेधाज्ञा अन्त्य गर्नुपर्ने समेत माग गरेका छन् । कोभिड तथा अन्य रोगका सबै बिरामीहरुका लागि समेत उचित उपचारको व्यवस्था हुनुपर्ने उनी बताउँछन् । २०७५ साउन १० गते भएको सम्झौताअनुसार चिकित्सा शिक्षा ऐनमा संशोधनको माग समेत डा. केसीले दोहोर्याएका छन् ।
उनले त्रिवि चिकित्साशास्त्र अध्ययन संस्थानमा वरिष्ठता मिचेर भएका नियुक्ति सच्याउँदै सबै पदमा वरिष्ठताका आधारमा नियुक्ति गर्न माग गरेका छन् । डा. केसीले राज्यलक्ष्मी गोल्छा घुस काण्ड, आयल निगम जग्गा खरिद, वाइडबडी, सेक्युरिटी प्रेस खरिद, दरबारमार्गको जग्गा, ओम्नी समूहको औषधि खरीदलगायत सबै ठूला भ्रष्टाचारका दोषीलाई छानवि गरी कानुन बमोजिम कारबाही गर्न पनि सरकारसँग माग गरेका छन् ।
काठमाडौं । सर्वोच्च अदालतले जग्गाको कित्ताकाट खुलाउने सरकारी निर्णयमा रोक लगाएको छ । सोमबार सर्वोच्च अदालतका न्यायाधीश सुष्मालता माथेमाको एकल इजलासबाट जग्गा कित्ताकाटको निर्णय कार्यान्वयन नगर्न अल्पकालीन अन्तरिम आदेश जारी भएको हो ।
अधिवक्ता सन्तोष भण्डारी, सुजन नेपाल र नवराज पाण्डेले भूमि व्यवस्था तथा गरिबी निवारण मन्त्रालयलाई विपक्षी रीट दायर गरेका थिए । यो रीटमा सुनुवाई गर्दै सर्वोच्चले आगामी ८ असोजमा दुबै पक्षलाई छलफलका लागि डाकेको छ ।
२०७४ साउन २६ मा मन्त्रालयले कित्ताकाट रोकेको थियो । तर, भदौ १८ मा मन्त्रालयले नै पुरानो निर्णय बदर गर्दै कित्ताकाट फकुवा गरेको थियो । यस निर्णयलाई भूमाफियाको चलखेल भएको भन्दै आम सर्वसाधारणबाट व्यापक आलोचना भएको थियो ।
किनकी मन्त्रालयले कित्ताकाट फुकुवा किन आवश्यक थियो भन्ने बारे चित्तबुझ्दो जवाफ दिन सकेको छैन । भूउपयोग ऐन २०७६ अनसार एक प्रयोजनका लागि छुट्याएको जमिन अन्य क्षेत्रमा प्रयोग गर्न पाइदैन ।
काठमाडौं । सरकारसँग गरेको सम्झौता अनुसार मल ल्याउन नसकेका दुई कम्पनीमाथि सरकारले कारवाही प्रक्रिया अगाडी बढाएको छ । उता, उच्च अदालत पाटनले भने कारवाही तत्कालका लागि अगाडी नबढाउन अल्पकालीन अन्तरिम आदेश जारी गरेको छ । सम्झौता बमोजिम युरिया मल ल्याउन असफल भएका दुई कम्पनीलाई कालोसूचीमा राख्न कृषि सामाग्री कम्पनी लिमिटेडले सिफारिस गरेको थियो ।
शारदाप्रसाद अधिकारीको शैलुङ इन्टरप्राइजेज र हुमनाथ कोइरालाको हानिको मल्टिप्रपोज कम्पनीलाई कालोसूचीमा राख्न सिफरिस गरिएको हो । यी दुई कम्पनीले ५० हजार मेट्रिक टन मल ल्याउने गरी ठेक्का पाएका थिए । तर, समयमै मल ल्याउन नसकेपछि सरकारले बंगलादेशसँग पैँचो माग्नु परेको छ ।
दुवै कम्पनीलाई कालोसूचीमा राख्न सार्वजनिक खरिद अनुगमन कार्यालयलाई कृषि सामाग्री कम्पनी लिमिटेडले पत्राचार गरेको छ । मल साउनमै आउनु पर्ने थियो । मल ल्याउन नसकेका उनीहरुको सम्झौता समेत सरकारले खारेज गरिदिएको छ ।
अदालतमा उच्च अदालत पाटनका न्यायाधीश रमेशप्रसाद भण्डारीको एकल इजलासले शारदा प्रसाद अधिकारीको शैलुङ इन्टरप्राइजेज र हुमनाथ कोइरालाको होनिको मल्टिप्रपोज कम्पनीविरुद्ध गरेको सम्झौता खारेजको कारबाही कार्यन्वयन नगर्न कृषि सामग्री कम्पनीको नाममा आदेश जारी गरेको छ ।
अदालतले भनेको छ, ‘दुवै कम्पनीलाई भदौ २१ मा गरिएको कारबाही तथा उक्त कारबाही कार्यान्वनय गर्न २२ मा पठाइएको पत्र तत्काल कार्यन्वयन नगर्नू नगराउनू, ।’ उच्च अदालतले दुबै पक्षलाई भदौ ३१ मा छलफलका लागि समेत बोलाएको छ ।
काठमाडौं । कोरोना भाइरसको संक्रमणबाट नेपालमा एकैदिन १५ जनाको मृत्यु भएको छ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा कोरोना संक्रमणबाट ९ वटा जिल्लाका ५ महिला र १० पुरुषको मृत्यु भएको हो ।
मृत्यु हुनेमा काठमाडौंका मात्र ६ जना रहेका छन् । काठमाडौंमा ६१ वर्षीया महिला, ७७, ६२, ७३, ८५ र ७० वर्षीय पुरुषको मृत्यु भएको हो ।
ललितपुरमा ५५, भक्तपुरमा ७३, रामेछापमा २३ वर्षीय पुरुषको मृत्यु भएको मन्त्रालयले जनाएको छ । मोरङमा ४० र ७० वर्षीय पुरुष, गोरखाका ६३, नवलपरासीका ६२, पर्साका ५५ र कपिलवस्तुकी ४७ वर्षीया महिलाको मृत्यु भएको छ ।
यो नै हालसम्म मुत्यु भएको उच्च संख्या हो । यो सँगै नेपालमा कोरोना संक्रमित मृतकको संख्या ३ सय ६० पुगेको छ। नेपालमा कुल संक्रमितमध्ये मृत्यु हुने दर शून्य दशमलव ६५ प्रतिशत छ ।
काठमाडौं । पछिल्लो २४ घण्टामा काठमाडौं उपत्यकामा थप ५१२ जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयको अनुसार सोमबार काठमाडौंका ४४०, भक्तपुरका ४३ र ललितपुरका २९ जनामा कोरोना संक्रमण पुष्टि भएको हो।
जसअनुसार काठमाडौंमा १४१ महिला र २९९ पुरुष, भक्तपुरमा महिला २८ र १५ पुरुष, ललितपुरमा ११ महिला र १८ पुरुषमा कोरोना संक्रमण देखिएको छ । यो सहित उपत्यकामा कोराना संक्रमितको संख्या १२ हजार २ सय ४८ पुगेको छ।
काठमाडौंमा १० हजार २६, ललितपुरमा १ हजार १ सय ९० र भक्तपुरमा १ हजार ३१ संक्रमित पुगेका छन्।
काठमाडौं । नेपालमा पछिल्लो २४ घण्टामा थप ११ सय ७० जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको १० हजार ८ सय ७८ जनाको पीसीआर परीक्षणमा थप १ हजार १ सय ७० जनामा कोरोना संक्रमण पुष्टि भएको हो ।
यो सहित नेपालमा कोरोना संक्रमित हुनेको संख्या ५५ हजार ३२९ जना पुगेको छ।
पछिल्लो २४ घन्टामा थप ८७९ जना कोरोना संक्रमणमुक्त भएका छन्। योसहित नेपालमा हालसम्म ३९ हजार ५७६ उपचारपछि निको भएका छन्।
हाल देशभर १५ हजार ३९३ जना सक्रिय संक्रमित छन्।
काठमाडौं । नेपाल वायुसेवा निगमका वरिष्ठ पाइलट विजय लामालाई कोरोना संक्रमण देखिएको छ।
उनीसँगै नेपाल वायुसेवा निगमको वाइडबडी जहाज उडाएका बेलायती क्याप्टेन उदय कोल्हात्करलाई संक्रमण पुष्टि भएको छ।
कोरोना देखिएसँगै अहिले सोल्टी होटलको आइसोलेसनमा बसेका छन् ।
दुवैले तीन दिनअघि शान्ति मिसनमा खटिएको नेपाली सेनाको टोलीलाई वाइडबडी जहाजबाट अफ्रिकी मुलुक दक्षिण सुडान लगेका थिए।
काठमाडौं । नेपाली साहित्यका युगपुरुष राष्ट्रकवि स्व. माधव प्रसाद घिमिरेको सम्झनामा ‘उनको प्रीति पैले हो की , मेरो प्रीति पैले’ गीत सार्वजनिक भएको छ ।
राष्ट्रकवि घिमिरेले रचना गरेका गीत चर्चित गायक/संगीतकार तथा निर्देशक नारायण रायमाझीको संगितमा नयाँ भर्सनमा नयाँ कलाकारको साथ बजारमा आएको हो ।
रिमा इन्टरटेन्टमेन्ट नेपाल मार्फत सार्वजनिक भएको गीतमा प्रविन बेडवाल र रचना रिमालले स्वर दिएका छन् ।
राष्ट्रकवि घिमिरेले २०२४ साल बैशाख १२ गते रचना गरेको गीत यसअघि २०६० साल बैशाखमा रेकर्डिङ् भएको थियो । नारायण रायमाझीकै संगितमा पहिला सार्वजनिक गीतमा जगदिस समाल रसपना श्रीले स्वार दिएका थिए ।
नयाँ कलाकारको साथ सार्वजनिक गीतमा बि.बि. अनुरागीको संगीत संयोजन रहेको छ भने श्याम श्वेत रसाईलीको मिक्सिङ्ग गरेका छन् ।
छायांकन/सम्पादन/कलर मिराज अर्यालले गरेका छन् । सहयोगीहरुमा रत्न बि.क., विर्मा खड्का, उदिराम खड्का, बिन्दु खड्का, बिबेक खड्का, मनोज खड्का,राकेश सोनी रहेका छन् ।
राष्ट्रकवि माधवप्रसाद घिमिरेको १०१ वर्षका उमेरमा भदौ २ गते मंगलबार साँझ लैनचौरस्थित निवासमा निधन भएको थियो ।
गत असोजमा १०१ वर्ष पूरा भएर १०२ वर्ष लागेका थिए । वि.सं. १९७६ असोज ७ गते जन्मिएका घिमिरे स्वच्छन्दतावादी भावधारा र परिष्कारवादी शैली भएका कुशल कवि र गीतकार हुन् ।
बाल्यावस्थादेखि निरन्तर रुपमा नेपाली साहित्यका कविता, खण्डकाव्य, गीतिनाटक, कथा, अनुवाद लेख प्रबन्धजस्ता अनेकौं विधा–उपविधाहरुमा निरन्तर कलम चलाउँदै आएका थिए। उनलाई ‘राष्टकवि’ को उपाधिले सम्मान गरिएको थियो।
उनको प्रीति पैले हो की , मेरो प्रीति पैले
जान्दिनँ म – एकैचोटी के भो कुुन्नि कैले
यती राम्रो मुहार हजुर, पैले कहाँ थियो
बल्ल देखे – बलेपछी नजरको दियो
उनको नजर पैले हो की , मेरो नजर पैले
जान्दिनँ म – एकैचोटी के भो कुुन्नि कैले
एउटा पर्दा उघारे झै दुईतिर हाँसी
पुरिबको जुन झ¥यो पश्चिमबाट ब्याँसी
उनको मुस्कान पैले होकि मेरो मुस्कान पैले
जान्दिनँ म – एकैचोटि के भो कुन्नि कैले
बेनीघाटमा उनीसित भेट भयो अस्ति
आज लाग्छ सधैभरी संगै थीईन जस्ती
उन्को अर्पन पैले हो की मेरो अर्पन पैले
जान्दिनँ म – एकैचोटि के भो कुन्नि कैले
काठमाडौं । निजी ल्यावमा गरिएको परीक्षणमा कोरोना पुष्टी भएमा समेत अब कोरोना बीमा दावि गर्न सकिने भएको छ । यसअघि बीमा कम्पनीहरुले सरकारी ल्यावको रिर्पोटलाई मात्र मान्य हुने बताएका थिए । बीमा समिति कोरोना बीमा सम्बन्धी मापदण्ड संशोधन गर्दै यस्तो प्रावधान सुनिश्चित गरेको हो ।
कोरोना बीमा मापदण्डअनुसार निजी ल्याबको रिपोर्टका आधारमा पनि अब भने कोरोना बीमा दाबी गर्न सकिने छ । यो प्रावधान आजबाट लागु हुनेछ । बीमा समितिको सञ्चालक समिति बैठकले कोरोना बीमा मापदण्ड २०७७ संशोधन छ ।
स्वास्थ्य तथा जनसंख्या मन्त्रालयबाट कोभिड १९ परीक्षण गर्न सूचीकृत भएका सरकारी तथा निजी अस्पताल वा प्रयोगशालाहरुबाट पीसीआर परीक्षण गर्दा संक्रमण पुष्टि भएको सक्कल रिपोर्ट पेस गर्नु पर्ने मापदण्डले स्पष्ट पारेको छ ।
समितिबाट यसअघि निजी ल्याबमा कोरोना परीक्षण गर्दा पोजेटिभ देखिए कोरोना बीमा गर्नेहरुले दाबी भुक्तानी नपाउने निर्णय भएपछि त्यसमा बीमा कम्पनीको चलखेल भएको भन्दै चर्को आलोचना भएको थियो । त्यसकारण समिति मापदण्ड फेर्न बाध्य भएको हो ।
संशोधित मापदण्डमा मन्त्रालयबाट स्वीकृति पाएका अस्पताल वा प्रयोगशालामा कार्यरत कर्मचारीहरुको बीमा दाबीको लागि आफ्नो अस्पताल वा प्रयोगशाला वा एकै समूहको लगानी भएका अस्पताल वा प्रयोगशालाबाहेक अन्य स्वीकृति प्राप्त अस्पताल वा प्रयोगशालाबाट पीसीआर परीक्षण गराउनु पर्ने व्यवस्था गरिएको छ ।
बीमा कम्पनीहरुलाई संक्रमितले पेस गरेको रिपोर्टमा शंका लागेमा भने आफ्नै खर्चमा पुनः अर्को ल्याबमा कोरोना परीक्षण गराउन सकिने व्यवस्था समेत मापदण्डले तोकेको छ । प्रकृया पूरा भएपछि ७ दिन भित्र दाबी भुक्तानी भइसक्ने भएको छ ।
काठमाडौं । काठमाडौं महानगरपालिकाका प्रमुख विद्यासुन्दर शाक्यले कोरोनालाई जित्न सफल भएका छन् । उनको आइतबार कोरोना नेगेटिभ रिपोर्ट आएको छ । उनको शनिवार स्वाब संकलन गरी परीक्षणमा पठाइएको थियो । उनमा १५ भदौमा कोरोना देखिएको थियो । त्यसपछि उनी सोल्टी होटलका भीआइपी आइसोलेसनमा बसेका थिए ।
श्रीमती बिरामी भएपछि जचाउन ग्राण्डी अस्पतालमा जाँदा आफुले पनि स्वाव दिएका उनमा कोरोना देखिए पनि श्रीमतीमा भने देखिएन । उनीमाथि काठमाडौंमा आइसुलेन वार्ड र क्वारेन्टिनको व्यवस्थापन गर्न नसकेको आरोप छ । सोहीकारण काठमाडौंमा कोठा भाडामा लिएर बस्नेहरुमा संक्रमण देखियो भने निकै समस्या हुने गरेको छ ।
काठमाडौं । सन् १९८४\८५ को लीगयता फ्रेन्च लीग च्याम्पियन पेरिस सेन्ट जर्मेन (पिएसजी)ले पहिलो पटक लीगमा लगातार पहिलो दुई हार सामना गर्यो । तर, गत राती खेलमा उसले अर्को झट्का समेत बेहोरेको छ । मार्सेसँग हारेको यो खेलमा ब्राजिलियन स्टार नेयमारसहित तीन खेलाडीले रातो कार्ड पाए ।
तनावपूर्ण खेलमा मार्सेका दुई खेलाडीलाई समेत रेफ्रीले २ रातो कार्ड देखाए । लीगको दोस्रो खेलमै यी दुई क्लवबीच अनुशासनहिन खेल भएको हो । पिएसजीलाई मार्सेले उसैको मैदानमा १- ० ले पराजित गर्यो । मार्सेका लागि फ्लोरिन थाउभिनले दोस्रो हाफमा गरेको एक मात्र गोल निर्णायक बन्यो । उसले अंक तालीकामा महत्वपूर्ण तीन अंक जोड्यो ।
नेयमार कोरोना संक्रमणबाट निको भएर मैदान फर्केका हुन् । तर, उनले सोचेजस्तो प्रदर्शन भने गर्न सकेनन् । खेलको इन्जुरी समयमा भएको धक्काधक्कीमा रातो कार्ड देखाइएको हो । पिएसजीका लिएनड्रो परेडेस र लेभिन कुर्जुवा र मार्सेका डानियो बेनेडेट्टो र जोर्डन अमाभवीले रातो कार्ड पाए ।