पोखरा । आज पोखरामा उपचार भइरहेका कोरोना भाइरसबाट संक्रमित स्याङ्जाका एक पुरुषको ज्यान गएको छ । कोरोना सङ्क्रमण पुष्टि भएपछि उनलाई उपचारका लागि पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रीय अस्पतालमा ल्याइएको थियो । यहाँ स्याङ्जा, पुतलीबजार नगरपालिका १ का ८५ वर्षीय पुरुषको ज्यान गएको हो ।
सङ्क्रमणको पुष्टि भएपछि भदौ २४ मा उनलाई उपचारार्थ भर्ना गरिएको थियो। अब गण्डकी प्रदेशमा कोरोना पोजेटिभ रहेको अवस्थामा मृत्यु हुनेहरूको सङ्ख्या २३ पुगेको अस्पतालले जनाएको छ ।
दैलेख । हिन्दु धर्मावलम्बीले गाईलाई भगवान मान्छन् । उनको छोरा गोरु माथि पनि उत्तिकै श्रद्धा र आस्था गरिन्छ । सोहीकारण गाई र गोरुमाथि चोट पुर्याउनु कानूनतः वर्जित रहेको छ । तर, दैलेखमा बारीमा बाँधिराखेका दुई गोरुमाथि क्रुर व्यवहार भएको छ । बारीमा बाँधेका गोरुको खुटटा छिनालिएको छ भने शरीरभर चोटैचोट पारी विक्षिप्त बनाइएको छ ।
यो घटना दैलेख, भैरवी गाउँपालिका–२ रावतकोटका कमल थापाले पालेका गोरुमाथि भएको हो । उनका अनुसार गर्मी महिना भएको र मलको समेत प्रयोजनका लागि गोरु खुला स्थानमै बाध्ने गरिन्छ । बिहीबार तल्लो गरामा बाँधेका गोरू माथिल्लो गरामा सार्न जाँदा गोरुमाथि अत्यन्तै अकल्पनिय क्रुरता प्रदर्शन भएको हो ।
उनका अनुसार दुबै गोरुको शरीरभर चोटैटचोट पारिएको छ । दुइ वटै गोरूलाई निर्मम तरिकाले काटिएको छ । थापाले प्रहरीलाई बताएअनुसार एउटा गोरूको दुइटै खुट्टा छिनाइएको छ । मुखमा समेत धारिलो हतियारले छियाछिया पारिएको छ ।
अर्को गोरूको एउटा खुट्टा र पुच्छर छिनाइएको छ । मुख र जुरोमा समेत गहिरो चोट हुने गरी हतियारले हानिएको छ । किलोमा बाँधेर राखिएका निर्दोष पशुमाथिको यो हदको व्यवहारले भने यहाँ सबैलाई विक्षिप्त पारेको छ । प्रहरीका अनुसार यो घटनामा संलग्न रहेको आंशकामा दुई जनालाई नियन्त्रणमा लिएको छ ।
पक्राउ पर्नेमा थापाका छिमेकी राजु विष्ट र भीमबहादुर विष्ट छन्। नेपालमा कसैले गाई वा गोरू मार्ने वा कुनै चोट पुर्याउने नियतले काम गर्न र गराउन पाउँदैन । यस्तो कसुर गरेमा तीन वर्षसम्म कैद हुने व्यवस्था छ ।
बुटवल । कोरोना भाइरसको संक्रमणबाट धनुषा र रुपन्देहीमा थप एक\एक जनाको मृत्यु भएको छ । जनकपुरधाम उपमहानगरपालिका वडा नम्बर चार मुरली चोकका ६०वर्षीय पुरुषको कोरोना संक्रमणबाट मृत्यु भएको हो। उनी भदौ १९ मा स्वासप्रस्वास सम्बन्धि समस्या देखिएपछि भेन्टिलेटरमा राखेर उपचार शुरु गरिएको थियो ।
उनमा भदौ २२ मा पीसीआर परीक्षणबाट कोरोना पुष्टी भएको थियो । उनको शुक्रबार मृत्यु भएको हो । उता, रुपन्देहीमा पनि थप एकजना कोरोना संक्रमितको ज्यान गएको छ । जिल्लाको ओमसतिया गाउँपालिका–५ का ४० वर्षीय पुरुषको बुटवलस्थित कोरोना विशेष अस्पतालमा गतरात मृत्यु भएको हो ।
उनमा भदौ १४ मा लुम्बिनी प्रादेशिक अस्पतालमा पीसीआर परीक्षण गर्दा कोरोना देखिएको थियो । उनको पनि भेन्टिलेटरको सहायतामा उपचार भइरहेको थियो । रुपन्देहीमा मात्र १७ जनाको मृत्यु भइसकेको छ ।
भरतपुर । चितवनमा आज थप ८७ जनामा कोरोना संक्रमण पुष्टि भएको छ । शुक्रबार राति आएको परीक्षणको नतिजामा उनीहरुमा कोरोना देखिएको हो । भरतपुर अस्पतालको कोभिड–१९ परीक्षण प्रयोगशालाका अनुसार संक्रमित सबैभन्दा धेरै भरतपुर महानगरपालिकामा छन् । यहाँ ५० पुरुष र २३ महिला गरी कुल ७३ जनामा कोरोना देखिएको हो ।
उता कालिका नगरपालिकाका ६ पुरुष र २ महिलामा कोरोना पुष्टी भएको छ । खैरहनीका २ महिला र २ पुरुष गरी ४ जना तथा रत्ननगरका २ जना महिलामा समेत कोरोना देखिएको ल्यावले जनाएको छ । अब चितवनमा संक्रमितको संख्या १२ सय पुगेको तथ्यांक छ ।
काठमाडौं । इजरायल र बहराइन बीच शान्ती सम्झौता भएको छ । उनीहरु एकअर्काबीच सम्बन्ध सुधारमा सहमत बनेका छन् । यो सम्झौताका लागि पहल भने अमेरिकाले गरेको हो । यसको जानकारी अमेरिकी राष्ट्रपति डोनाल्ड ट्रम्प दिएका छन् ।
ट्रम्पले ट्वीटमार्फत एक महिनाको अवधिमा इजरायलसँग शान्ति सम्झौता गर्ने बहराइन दोस्रो मुलुक भएको उल्लेख गरेका छन् । एक महिनाअघि संयुक्त अरव इमिरेट्ससँग शान्ती सम्झौता भएको थियो । यो सम्झौताका लागि समेत अमेरिकाले नै पहल गरेको थियो । सो सम्झौताको औपचारिक हस्ताक्षर कार्यक्रम भने आगामी साता अमेरिकामा आयोजना हुन लागेको छ ।
इजरायल खाडी क्षेत्रमा सबैजसो मुलुकबाट वहिष्कारमा पर्दै आएको मुलुक हो । किनकी उनीहरु प्यालेष्टाइनसँगको विवादमा बहराइनको हात मान्छन् । जसलाई अमेरिकाले सहयोग गरिरहेको छ । ट्रम्पले गत जनवरीमा मध्यपूर्व शान्ति योजना सार्वजनिक गरेका थिए ।
जसमा इजरायल–प्यालेस्टिनी संघर्ष समाधान गर्ने उद्देश्य राखिएको थियो । त्यसअनुसार नै उनी पछिल्ला शान्तीवार्ता गराउन सफल भएको अन्तर्राष्ट्रिय संचारमाध्यमले लेखेका छन् । एजेन्सी
भक्तपुर । भक्तपुरमा एकै घरका तीन जना सदस्य मृत फेला परेका छन् । उनीहरुको घरमा पालेको एउटा कुकुर समेत मृत अवस्थामा फेला परेका कारण यो घटना रहस्यमय रहेको प्रहरीले जनाएको छ । भक्तपुर प्रहरीका अनुसार अहिले अनुसन्धानका लागि प्रहरी टोली घटनास्थलमा पुगिसकेको छ ।
प्रहरीका अनुसार एकाघरमा श्रीमान, श्रीमती र छोराको शव भेटिएको छ । शुक्रबार साँझ भक्तपुरको मध्यपुर ठिमी नगरपालिका–९ निकोसेराका सुदीप अधिकारी उनकी श्रीमती सुशीला अधिकारी र छोरा सुशान्तको शव मृत अवस्थामा फेला परेको हो । उनीहरुको शव गन्हाउने अवस्थामा पुगिसकेका कारण केही समय अगाडी नै मृत्यु भएको हुन सक्ने आशंका गरिएको छ । प्रहरीले हत्याको आशंकासति प्रहरी पुगेर अनुसन्धान सुरु गरेको छ ।
काठमाडौं । राष्ट्रिय गौरवको आयोजना भैरहवास्थित गौतमबुद्ध अन्तराष्ट्रिय विमानस्थलको भौतिकतर्फको निर्माणको काम सम्पन्न भएको छ । अब उपकरण जडानको काम बाँकि रहेको आयोजनाले जनाएको छ । आयोजनाको कुल प्रगति ९२.५ प्रतिशत पुगिसकेको छ । यो उपकरण जडानअन्तर्गतको काम हो ।
भैरहवा विमानस्थल आयोजना प्रमुख प्रवेश अधिकारीका अनुसार बाँकी काम भने चिनियाँ दक्ष तथा प्राविधिक रइन्जिनियर आएपछि मात्र शुरु हुनेछ । उनीहरुले नेपालमा लागेको यात्रा प्रतिवन्धका कारण विदेशमै रोकिएका छन् । उपकरण विमानस्थल निर्माण क्षेत्रमा आईसकेका छन् । तर, त्यसको जडानमा चिनियाँ प्राविधिक आउनु पर्ने भएकाले मात्र उपकरण जडानको काम रोकिएको आयोजनाले जनाएको छ ।
आयोजना प्रमुख अधिकारीका अनुसार ३५ जना दक्ष कामदार तथा इन्जिनियर नेपाल आउनु पर्नेछ । उनीहरुलाई नेपाल ल्याउन पहल थालिएको छ । यो अवधिमा विमानस्थलको ३ हजार मिटर लामो धावनमार्ग, ट्याक्सी वे तथा एप्रोनको सिभिलतर्फको काम सम्पन्न भएको छ । यी संरचनामा विद्यूतीकरणको काम जारी छ ।
अन्तर्राष्ट्रिय टर्मिनल भवन, प्रशासनिक भवन, अग्नि निवारण भवन तथा कन्ट्रोल टावर निर्माणको काम पनि पुरा भएको छ । यी संरचनामा अहिले इन्टेरियर, उपकरण जडान र फिनिसिङका काम भइरहेको अपडेट रहेको छ । आयोजनाको वित्तीय प्रगति भने ६३ प्रतिशत पुगेको बताइएको छ । यो नेपालको त्रिभुवन विमानस्थल पछिको दोस्रो अन्तर्राष्ट्रिय विमानस्थल बन्नेछ ।
काठमाडौं । असारको पहिलो सातादेखि सुरु भएको सत्तासीन दल नेपाल कम्युनिष्ट पार्टी (नेकपा) स्थायी कमिटी बैठक शुक्रबार सकिएको छ ।
आन्तरिक विवादको कारण पटक पटक रोकिँदै आएको वैठक साढे दुई महिनापछि टुंगिएको हो । प्रधानमन्त्री केपी शर्मा ओलीको राजीनामा माग गरिएपछि नेकपाको आन्तरिक विवाद सुरु भएको थियो ।
शुक्रबार बसेको स्थायी कमिटी बैठक आजैबाट समाप्त भएको प्रवक्ता नारायणकाजी श्रेष्ठले जानकारी दिए । वैठकमा अध्यक्ष केपी शर्मा ओलीले पार्टीलाई दुर्घटनाबाट बचाउन सफल भएको र पार्टी कमजोर बनाउन खोज्ने देशी विदेश शक्तीलाई विफल बनाउन सफल भएको बताए ।
वैठकमा अध्यक्षको कार्यविभाजनको सन्दर्भमा प्रधानमन्त्रीले सरकारको नेतृत्व गर्ने र प्रचण्डले पार्टी कामको नेतृत्व गर्ने निर्णय भएको छ ।
सरकार पार्टीको मार्गनिर्देशनमा सञ्चालन हुने र दैनिक काममा पार्टीले हस्तक्षेप नगर्ने र महत्वपूर्ण निर्णयहरु लिँदा पार्टीका मार्गनिर्देशनलाई केन्द्रमा राखेर निर्णय गर्ने निर्णय भएको छ ।
यसरी राष्ट्रिय महत्वका निर्णयहरुमा सचिवालय र दुई अध्यक्षको परामर्शमा सरकारले निर्णय लिनेसमेत निर्णय भएको छ ।
त्यस्तै मिलेनियम च्यालेन्ज कर्पोरेसन (एमसीसी) परिमार्जनसहित अनुमोदन गर्ने निर्णय गरेको छ। बैठकले एमसीसी परिमार्जनसहित पारित गर्ने निर्णय गरेको प्रवक्ता श्रेष्ठले जानकारी दिए। ‘
एमसीसी केही संशोधन गरेर अनुमोदन गर्ने बैठकले निर्णय गरेको छ,’ प्रवक्ता श्रेष्ठले भने,‘ वरिष्ठ नेता झलनाथ खनाल नेतृत्वको तीन सदस्यीय कार्यदलले दिएको सुझावका आधारमा कुन(कुन कुरा संशोधन गर्ने भन्ने निर्क्यौंल हुन्छ।’
यसअघि एमसीसी पारित गर्ने कि नगर्ने भन्ने विषयमा पार्टीभित्र विवाद चर्किएपछि त्यसबारे अध्ययन गरेर सुझाव दिन नेकपाले खनालको संयोजकत्वमा स्थायी कमिटी सदस्य भीमबहादुर रावल र परराष्ट्रमन्त्री प्रदीप ज्ञवाली सदस्य रहेको कार्यदल गठन गरेको थियो। कार्यदलले केही बुँदा संशोधन गरेरमात्रै एमसीसी पारित गर्न नेतृत्वलाई सुझाव दिएको थियो। अब कार्यदलको त्यही सुझावका आधारमा एमसीसी परिमार्जनसहित अनुमोदन गरिने छ।
काठमाडौं । नेपालमा थप ५ जना कोरोना संक्रमितको मृत्यु भएको छ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा ५ वटा जिल्लाका १ महिला र ४ पुरुष गरी ६ जना कोरोना संक्रमितको मृत्यु भएको हो ।
मृत्यु हुनेमा मोरङमा ४० वर्षीया महिला, महोत्तरीमा ६५, धनुषामा ४५, काठमाडौंमा ७० र नवलपरासीमा ५५ वर्षीय पुरुष रहेका छन् । यो सँगै नेपालमा कोरोना संक्रमित मृतकको संख्या ३ सय २२ पुगेको छ।
नेपालमा हाल कुल मृत्युदर शून्य दशमलव ६२ प्रतिशत रहेको मन्त्रालयले जनाएको छ।
काठमाडौं । काठमाडौं उपत्यकामा थप ६९६ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा काठमाडौंका ६२०, भक्तपुरका ३८ र ललितपुरका ३८ जनामा कोरोना संक्रमण पुष्टि भएको हो।
यो सहित उपत्यकामा कोराना संक्रमितको संख्या १० हजार ७ सय ८ पुगेको छ। काठमाडौंमा ८ हजार ७ सय २६ ललितपुरमा १ हजार ९२ र भक्तपुरमा ८९० संक्रमित पुगेको स्वास्थ्य तथा जनसंख्या मन्त्रालयले जनाएको छ।
काठमाडौं । नेपालमा पछिल्लो २४ घण्टामा थप १४५४ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको १० हजार ७ सय १ जनाको पीसीआर परीक्षणमा थप १४ सय ५४ जनामा कोरोना संक्रमण पुष्टि भएको हो ।
योसँगै नेपालमा कोरोना संक्रमितको संख्या ५१ हजार ९१९ पुगेको छ।
पछिल्लो २४ घन्टामा थप ९ सय ७२ जना कोरोना संक्रमणमुक्त भएका छन्। योसहित नेपालमा हालसम्म ३६ हजार ६ सय ७२ उपचारपछि निको भएका छन्।
हाल देशभर १४ हजार ९२५ जना सक्रिय संक्रमित छन्।
काठमाडौं । असहमतिलाई टुंग्याउँदै आज सत्तारुढ नेपाल कम्युनिष्ट पार्टी नेकपाको स्थायी कमिटीको बैठक बस्ने भएको छ । यसअघि पटक पटक स्थगित हुँदै आएको बैठक अन्तिम समय साउन १३ गतेदेखि स्थगित भइरहेको छ । उक्त दिन स्थायी कमिटीमा प्रधानमन्त्री केपी शर्मा ओलीको राजीनामा माग भएपछि बैठक अवरुद्ध भएको थियो ।
प्रधानमन्त्रीले त्यसपछि बैठक बस्ने वातावरण सिर्जना नै हुन दिएनन् । त्यसपछि अध्यक्ष प्रचण्ड र प्रधानमन्त्रीले केपी शर्मा ओलीले एक कार्यदल गठन गरी सहमतिको खोजी थालेका थिए । सोहीअनुसार भएको सहमतिलाई अनुमोदन गर्न आज स्थायी कमिटि बैठक बस्न लागेको हो ।
आज कार्यदलले तयार पारेको प्रतिवेदनमा छलफल हुने एजेण्डा राखिएको छ । बैठक बिहान ११ बजेबाट प्रधानमन्त्री निवास बालुवाटारमा शुरु हुनेछ ।
काठमाडौं । अमेरिकी सरकारले १ हजार भन्दा बढी चिनियाँ नागरिकको भिसा खारेज गरिदिएको छ । ट्रम्प प्रशासनबाट चिनियाँ नागरिकको भिसा खारेज भएको विदेश मन्त्रालयले पुष्टी गरेको छ । बौद्धिक सम्पत्ति, प्रविधि र अरु संवेदनशील सूचनामा शंकास्पद पहुँच प्राप्त गरेके सूचनाका आधारमा चिनियाँ विद्यार्थी र अनुसन्धनकर्ताको भिसा रद्द गरिएको छ ।
अमेरिकामा चुनाव नजिकिएसँगै चुनावसँग सम्बन्धित विवरण तथा सूचनाहरु चिनियाँ, रसियन तथा इरानीयनहरुको निसानामा पर्छन् । विदेश मन्त्रालयका प्रवक्ताका अनुसार राष्ट्रपतिको आदेश अनुसार सेप्टेम्बर ८, २०२० सम्ममा एक हजारभन्दा बढीको भिसा खारेज भइसकेको छ ।
अमेरिकामा ठूलो संख्यामा चिनियाँ नागरिक बस्छन् । अध्ययन र अनुसन्धानका लागि अनुमति प्राप्त गरेका चिनियाँ विद्यार्थीको संख्या अधिक छ । चीनको सेनासँग निकट सम्बन्ध रहेका चिनियाँ स्नातक विद्यार्थी र अनुसन्धाताहरूको अमेरिका प्रवेशमा कडाई गर्नेगरी राष्ट्रपति डोनाल्ड ट्रम्पले गत जुन १ तारिखमै आदेशमा हस्ताक्षर गरिसकेका थिए ।
एजेन्सी
काठमाडौं । अब निजी विद्यालयहरुले अनलाइन कक्षा संचालन गरेवापत शुल्क लिन पाउने भएका छन् । सरकारले यसका लागि कानूनी व्यवस्थाबाटै प्रावधान गरेको हो । शिक्षा, विज्ञान तथा प्रविधि मन्त्री गिरीराजमणि पोखरेलले मन्त्रस्तरीय निर्णयबाट शुल्क लिन पाउने व्यवस्था गरेका छन् । विद्यार्थी सिकाई सहजीकरण निर्देशिका ल्याउँदै मन्त्रालयले निजी विद्यालयहरूले स्थानीय तहले स्वीकृत गरेको दरमा शुल्क लिन सक्ने उल्लेख गरिएको छ ।
मन्त्रालयका अनुसार विद्यालयले प्रचलित कानुनको अधीनमा रही स्थानीय तहले स्वीकृत गरे बमोजिम शूल्क लिन सक्ने भएका छन् । गत चैतबाट सबै प्रकारका शिक्षालय बन्द छन् । कोरोना महामारीको नियन्त्रणका लागि अपनाइएको यो उपायका कारण यो वर्ष पठनपाठन प्रभावित भएको छ ।
अर्कोतर्फ विद्यालयहरुले समेत आम्दानी गर्न नसकेपछि शिक्षकहरुलाई तलव खुवाउन सकेका छैनन् । यसअघि शिक्षा मन्त्रालयले अनलाइन वा अन्य माध्यमको कुनै पनि दूरशिक्षाको नाममा शुल्क लिन नपाउने निर्णय गरेको थियो । अब विद्यालयले १ असारयताको अनलाइन कक्षाको शूल्क लिन सक्नेछन् ।
काठमाडौं । नेपालका एक जिल्लाबाट अर्को जिल्लामा जाने व्यक्ति आफ्नै खर्चमा अनविार्य १४ दिनको क्वारेन्टिनमा बस्नु पर्ने भएको छ । स्वास्थ्य तथा जनसंख्या मन्त्रालयले यस्तो प्रावधान ल्याएको हो । सरकारले नाकामा कडाई गरी जिल्ला भित्रको जनजीवन सहज बनाउने रणनीति ल्याएको छ । सोहीअनुसार जिल्ला छाडेर जाने र प्रवेश गर्ने व्यक्तिलाई भने कडाई गर्न लागिएको हो ।
स्वास्थ्य मन्त्रालयका प्रवक्ता डाक्टर जागेश्वर गौतमका अनुसार विदेशबाट आउने वा एक जिल्लाबाट अर्को जिल्लामा जाने व्यक्ति आफ्नै घर अथवा आफ्नै खर्चमा १४ दिन अनिवार्य क्वारेन्टिनमा बस्नु पर्ने नियम ल्यार्एको छ ।
यस अवधिमा कुनै पनि लक्षण नदेखिएमा त्यस्ता व्यक्तिले पीसीआर परीक्षण गर्नु नपर्ने व्यवस्था समेत भएको छ । पीसीआर परीक्षणका लागि नमुना संकलन गरेको ७२ घण्टाभित्र रिपोर्ट नेगेटिभ आएकालाई मात्र नेपाल आउन अनुमति दिइने व्यवस्था अहिले पनि कार्यान्वयनमा रहेको छ ।
काठमाडौं । नेपालका बिहीबार कोरोना भाइरसको अर्को रेकर्ड कायम भएको छ । १ हजार २४६ जनामा कोरोना पुष्टी भएको यस दिन नेपालमा कुल संक्रमितको संख्याले ५० हजारको नेटो काटेको हो । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले दिएको जानकारी अनुसार नेपालमा पछिल्लो २४ घण्टामा सो संख्याका संक्रमित थपिएका हुन्।
यीसहित हालसम्म संक्रमित हुनेको संख्या ५० हजार ४६५ पुगेको हो । नेपालमा कोरोनालाई जित्ने मानिसको संख्या पनि उत्तिकै रहेको छ । पछिल्लो २४ घण्टामा जना १ हजार ८१८ जनाले कोरोनालाई जित्न सफल भएका छन् ।
अब नेपालमा निको हुनेको संख्या ३५ हजार ७ सय पुगेको छ। अहिले देशभर निको हुनेको प्रतिशत ७१ रहेको छ । मन्त्रालयका अनुसार देशभर सक्रिय संक्रमितको संख्या अब १४ हजार ४४८ मात्र रहेको छ। पछिल्लो २४ घण्टामा ५ जनाको कोरोनाका कारण निधन भएको छ । यससँगै नेपालका कोरोनाका कारण ज्यान गुमाउनेको संख्या भने ३१७ पुगेको हो ।
अझै २१ जनाको विभिन्न अस्पतालमा भेन्टिलेटरको सहायतामा उपचार मन्त्रालयको तथ्यांक रहेको छ । पछिल्लो २४ घण्टामा ११ हजार १ सय ४४ जनाको पिसिआर परीक्षण गरिएको मन्त्रालयको तथ्यांक छ । अहिलेसम्म देशभर ८ लाख १० हजार पिसिआर परीक्षण भइसकेको छ ।
काठमाडौं । सरकारले विदेशबाट नेपाल आउने चाहने नेपाली नागरिकलाई लगाएको दैनिक संख्याको कोटा हटाएको छ । अब माग अनुसार एयरलाइन्सले उडान थप्न र थप नेपालीलाई घर ल्याउने पाउने भएका छन् । यस्तो प्रावधान भने नियमित दैनिक उडान खुलेको गन्तब्यका लागि मात्र हो ।
यसअघि सरकारले दैनिक ८ सय जना मात्रै विदेशबाट यात्रु ल्याउन पाउने गरी कोटा तोकेको थियो । तर, विदेशबाट नेपाल आउने नेपालीको संख्या अधिक भएसँगै सरकारले कोटा हटाउने निर्णय गरेको हो ।
नयाँ नियम अनुसार दैनिक २ देखि ३ हजारसम्म यात्रु नेपाल आउने अनुमान गरिएको संस्कृति, पर्यटन तथा नागरिक उड्डयन मन्त्री योगेश भट्टराईले जानकारी दिए । उनका अनुसार अब सरकारले खोलेको अन्तर्राष्ट्रिय व्यवसायिक (नियमित)उडानतर्फ एयरलाइन्सले अनुमति मागेमा थप उडानको अनुमति दिनेछ ।
भट्टराईका अनुसार उपप्रधानमन्त्री, परराष्ट्र मन्त्री, पर्यटन मन्त्री र श्रममन्त्रीबीचको छलफल र प्रधानमन्त्री केही शर्मा ओलीसँगको परामर्शपछि यस्तो निर्णय भएको हो । उनले हालको पीसीआर र क्वारिन्टिनसम्बन्धी नियमलाई यथावत राखेर कोटा हटाइएको जानकारी दिए ।
त्यसबाहेक कुनै कम्पनीले कम्पनीकै खर्चमा कामदारलाई नेपाल ल्याउन चाहेमा त्यसलाई प्राथमिकतामा राखेर उडान अनुमति दिइने भएको छ । यता, श्रम कल्याणकारी कोषबाट उद्धार गर्नुपर्नेका लागि श्रम मन्त्रालयले सम्बन्धित देशको नियोगसँगको समन्वयमा उडानको व्यवस्था हुने भएको छ ।
काठमाडौं । सरकारले विदेशी पर्यटक तथा विदेशको नागरिकता दिएका गैरआवासीय नेपालीलाई समेत नेपाल प्रवेशको अनुमति खुला गर्ने तयारी थालेको छ । संसारका धेरै मुलुकमा विदेशी नागरिकमाथिको प्रतिवन्ध क्रमशः खुकुलो बनाउँदै लगिएको छ । यसै सन्दर्भमा नेपालमा समेत पर्यटकलाई स्वास्थ्य मापदण्ड पालना गर्ने गरी आगमन अनुमति खुला गर्ने तयारी गरिएको हो ।
यसअघि नेपालमा अतिआवश्यक काम परेको बेला सम्बन्धित मुलुकमा रहेको दूतावासबाट सिफारिस लिएर गैरआवासीय नेपाली घर आउन पाउने नियम बनाइएको छ । तर, त्यो अवस्था भनेको एकाघरको मृत्यु भएका वा परिवारको कुनै सदस्यमा जटिल प्रकारको बिरामी देखिएको अवस्थामा मात्र थियो ।
तर, क्वारेन्टिन र परीक्षणका मापदण्ड पुरा गरी अब क्रमशः विदेशी नागरिकलाई समेत नेपाल खुला गर्ने प्रस्ताव संस्कृति, पर्यटन तथा नागरिक उड्डयन मन्त्री योगेश भट्टराईले कोभिड १९ संकट व्यवस्थापन केन्द्र (सीसीएमसी)मा पठाएका छन् ।
यसका साथै नेपालमा संचालित आयोजनामा काम गर्ने कामदारलाई समेत नेपाल आउन दिने अनुमतिको प्रस्ताव सीसीएसी पुगेको छ । नेपालमा चीनबाट ठूलो संख्यामा कामदार कार्यरत रहेका छन् ।
काठमाडौं । संस्कृति, पर्यटन तथा नागरिक उड्डयन मन्त्रालयले आन्तरिक उडान सूचारु गर्ने तयारी थालेको छ । यसका लागि उडान संचालनको मिति १ असोज राखेर मन्त्रालयले कोभि १९ संकट व्यवस्थापन केन्द्रमा सिफारिस गरेको हो । पर्यटन मन्त्री योगेश भट्टराईका अनुसार १ असोजमा सम्भव नभए १५ असोजबाट भने उडान सूचारु हुनेछन् । नजिकिएको चाडबाडलाई मध्यनजर गर्दै उडान खोल्न लागिएको उनले जानकारी दिए ।
नेपालमा ११ चैतयता सबै प्रकारका उडानमा प्रतिवन्ध लागेको थियो । १६ भदौबाट अन्तर्राष्ट्रिय व्यवसायिक उडान खुलेका छन् । यो सम्भवतः दक्षिण एसियामै पहिलो भएको पर्यटनमन्त्रीको दावि छ । नेपालमा आन्तरिक उडानका लागि समेत प्रोटोकल तयार रहेका कारण पहिलो चरणमा कोभिडको संकट कम भएका जिल्लास्थित विमानस्थलबाट उडान थाल्ने तयारी मन्त्रालयले गरेको हो ।
उनका अनुसार पहिलो चरणमा हिमाली र पहाडी भेगका विमानस्थलमा जहाज उड्नेछन् । त्यसपछि मात्र तराई भेगमा उडान शुरु गरिनेछ । तर, उडान खुले पनि कोभिडको प्रभावलाई मध्यनजर राख्दै थप निर्णयहरु हुने उनले जानकारी दिए ।
काठमाडौं । संसदीय सुनुवाई समितिबाट तीन मुलुकका लागि प्रस्तावित राजदूतको नाम सर्वसम्मत अनुमोदन भएको छ । सरकारले सिफारिस गरेका जर्मनीका लागि रामकाजी खड्का, बेल्जियम र युरोपियन युनियनका लागि गेहेन्द्र राजभण्डारी र पाकिस्तानका लागि तापस अधिकारीको नाम बिहीबार संसदीय सुनुवाई समितिबाट सर्वसम्मत अनुमोदन भएको हो ।
अनुमोदन भएसँगै अब उनीहरु राष्ट्रपतिबाट नियुक्ति पाउन योग्य भएका छन् । आजको बैठकले राजदूत सिफारिसमा समानुपातिक समावेशी सिद्धान्त अवलम्बन नगरेकामा भने विशेष ध्यानाकर्षण गराउने निर्णय समेत गरेको छ ।
सुनुवाई समितिका सभापति लक्ष्मणलाल कर्णका अनुसार सरकारले राजदूत सिफारिसमा समानुपातिक समावेशी सिद्धान्त अवलम्बन नगरेका भन्दै विशेष ध्यानाकर्षण गराएको जानकारी दिए ।
बिहीबार सुनुवाई समितिमा प्रस्तावित राजदूतमाथि परेका विभिन्न उजुरीबारे सवालजवाफ भएको थियो । उनीहरुमाथि कुल ५ वटा उजुरी परेको बताइएको छ । त्यसमध्ये एक बेल्जियमाका लागि सिफारिस भएका राजभण्डारीविरुद्ध थियो । अन्य भने किटानीविनाका थिए ।
काठमाडौं । नेपालमा थप ५ जना कोरोना संक्रमितको मृत्यु भएको छ। स्वास्थ्य तथा जनसंख्या मन्त्रालयको अनुसार पछिल्लो २४ घण्टामा काठमाडौंका तीन जनासहित १ महिला र ४ पुरुष गरी ५ जना कोरोना संक्रमितको मृत्यु भएको हो ।
मृत्यु हुनेमा काठमाडौंमा मात्र ५५ वर्षीया महिला, ५९ र ८३ वर्षीय पुरुषको मृत्यु भएको छ। चितवनमा ६२ र कपिलवस्तुमा २९ वर्षीय पुरुषको मृत्यु भएको छ।
यो सँगै नेपालमा कोरोना संक्रमित मृतकको संख्या ३ सय १७ पुगेको छ।
नेपालमा हाल कुल मृत्युदर शून्य दशमलव ६३ प्रतिशत रहेको मन्त्रालयले जनाएको छ।
काठमाडौं । काठमाडौं उपत्यकामा थप ५७२ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको परीक्षणमा काठमाडौं का ४९५ , भक्तपुरका ३४ र ललितपुरका ४३ जनामा कोरोना संक्रमण पुष्टि भएको हो।
यो सहित काठमाडौंमा ८ हजार १ सय ६ ललितपुरका १ हजार ५४ र भक्तपुरमा ८५२ संक्रमित पुगेका छन्।
काठमाडौं । नेपालमा पछिल्लो २४ घण्टामा थप १२ सय ४६ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको ११ हजार १ सय ४४ जनाको पीसीआर परीक्षणमा थप १२ सय ४६ जनामा कोरोना संक्रमण पुष्टि भएको हो ।
यो सहित नेपालमा कोरोना संक्रमित हुने को संख्या ५० हजार ४६५ जना पुगेको छ।
पछिल्लो २४ घन्टामा थप १ हजार ८१८ जना कोरोना संक्रमणमुक्त भएका छन्। योसहित नेपालमा हालसम्म ३५ हजार ७०० उपचारपछि निको भएका छन्।
हाल देशभर १४ हजार ४४८ जना सक्रिय संक्रमित छन्। यीमध्ये होम आइसोलेसनमा रहनेको संख्या ६ हजार ४३८ जना छन्।
काठमाडौं । नेपाल कम्यूनिष्ट पार्टी भित्रको विवाद अन्ततः टुंगिएको छ । प्रधानमन्त्री केपी शर्मा ओली र नेकपा अध्यक्ष पुष्पकमल दाहाल प्रचण्डबीच आगामी स्थायी कमिटीको बैठकमा लैजाने एजेण्डाका विषयमा समेत सहमति भएसँगै पार्टी भित्रको विवाद तत्कालका लागि टुंगिएको हो ।
बुधबार दुई नेताबीचको छलफलमा यस विषयमा सहमति भएको हो । बालुवाटारमा करिब २ घण्टा दुई अध्यक्षबीच छलफल भएको थियो । यसअघि अघिल्लो बिहीबार बसेको सचिवालय बैठकले प्रधानमन्त्री ओली र अध्यक्ष दाहाललाई सहमतिको प्रस्ताव तयार पार्ने जिम्मेवारी दिएको थियो । त्यसपछि शनिबार बस्ने भनेको सचिवालय बैठक सरेको थियो ।
पार्टीले विवाद मिलाउन महासचिव विष्णु पौडेलको नेतृत्वमा कार्यदल गठन गरी सहमतिको प्रस्ताव तयार पारेको थियो । कार्यदलको प्रस्तावमा वरिष्ठ नेता माधवकुमार नेपालका केही असहमति थिए । ती असहमतिलाई दुई अध्यक्षले सम्बोधन गरेसँगै तत्कालका लागि विवाद मिलेको हो ।
अब प्रतिनिधिसभाको वर्तमान कार्यकालभर प्रधानमन्त्री केपी शर्मा ओलीले सरकार चलाउने छन् । पार्टीको अधिकार सम्पन्न अध्यक्ष भने प्रचण्ड बन्ने छन् ।
कार्यदलको प्रतिवेदनमा अध्यक्षद्वयको कार्यविभाजन, सरकार र पार्टी नेतृत्वको समीक्षा, भारसँगको सीमा विवाद, कोरोना भाइरस, अमेरिकी परियोजना एमसिसी, पार्टी एकताको बाँकी काम, एकता महाधिवेशनजस्ता विषय समेटिएको थियो ।
नेकपाको स्थायी कमिटी बैठक भने शुक्रबार बोलाइएको छ । यो बैठकले सहमतिलाई अनुमोदन गर्नेछ ।
काठमाडौं । तीन साता लामो निषेधाज्ञा खुकुलो बनेको दिन आजबाट काठमाडौं उपत्यकामा सार्वजनिक यातायात चल्न थालेका छन् । प्रशासनले जोर विजोर प्रणालीमा सबै प्रकारका निजी सवारी र १६ सीट भन्दा माथिका सार्वजनिक यातायात खोल्ने निर्णय बुधबार गरेको थियो ।
सार्वजनिक यातायातमा समेत जोर विजोर प्रणाली लागु भने हुन्छ । यससँगै आजबाट सडकमा सार्वजनिक यातायातका साधन गुड्न थालेका छन् । उपत्यकामा कोरोना भाइरसको बढ्दो संक्रमण नियन्त्रण गर्न भन्दै तीन सातासम्म कडा निषेधाज्ञा जारी भएको थियो ।
उपत्यकाका तीन वटै जिल्लाका प्रमुख जिल्ला अधिकारीहरुको बैठकले उपत्यकामा बिहीबारदेखि पसल र सवारी साधन चलाउन सकिने गरी निर्णय लिएका हुन् । यसका लागि चर्को जनदवाव पनि थियो । किनकी लामो समय कामविहिन भएका गरीखाने गर्वलाई निषेधाज्ञाले समस्यामा पारेको थियो ।
उपत्यकामा ट्याक्सी समेत चल्नेछन् । जहाँ चालकसहित ३ जना बस्न पाउने नियम बनाइएको छ । सार्वजनिक सवारी साधनमा एक लहरमा एक जना मात्र गरी कुल सिट संख्याको आधाको आधा मात्र यात्रु बोक्न पाइने गरी नियम बनेको छ । मालवाहक ढुवानीका साधनमा जोरविजोर लागु हुँदैन ।
काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराईले नेपाल एयरलाइन्सलाई आन्तरिक उडानमा प्रयोग गर्न जहाज खरीद प्रक्रिया तत्काल थाल्न निर्देशन दिएका छन् । उनले बुधबार नेपाल एयरलाइन्सका अधिकारीसँग मन्त्रालयमा छलफल गर्दै यस्तो निर्देशन दिएका हुन् ।
मन्त्री योगेश भट्टराईले हिमाली, पहाडी तथा दुर्गम क्षेत्रका नागरिकहरुलाई सेवा उपलब्ध गराउन आन्तरिक उडानमा सञ्चालन गर्ने गरी जहाज खरिद योजना तत्काल अघि बढाउन नेपाल एयरलाइन्सलाई निर्देशन दिएका हुन् ।
उनले नेपाल एयरलाइन्सँग अब आन्तरिक तर्फ दुईबटा मात्र टुइनअर्टर जहाज भएको र यसले माग थेग्न नसक्ने भन्दै नयाँ किन्ने प्रक्रिया अगाडी बढाउन निर्देशन दिएका हुन् । उनले नेपाल एयरलाइन्सलाई पब्लिक मोडलमा लैजान उपयुक्त खाका बनाउन समेत व्यवस्थापनलाई निर्देशन दिएका छन् ।
त्यसका लागि नागरिक लगानी कोष, कर्मचारी सञ्चय कोष, पर्यटन मन्त्रालय र अर्थ मन्त्रालयसँग छलफल गरी खाका बनाउने उनले निर्देशन दिए । उनले कम्पनीको स्थिति सुधारमा आ आफनो विभागबाट तत्कालीन र दीर्घकालीन योजना बनाएर अघि बढ्न समेत उनले निर्देशन दिएका छन् ।
मन्त्री भट्टराईले निगमलाई आर्थिक नोक्सान हुने कुनैपनि क्रियाकलापमा संलग्न कर्मचारीलाई कारवाही गर्न कार्यकारी अध्यक्ष सुशील घिमिरेलाई निर्देशन दिएको मन्त्रालयले जनाएको छ । उनले खर्च कटौती तथा मितव्ययिता अपनाउन, विदेशमा रहेका कर्मचारी कटौती गर्न, बैठक भत्ता घटाउन साथै कर्मचारी, बोर्डका पदाधिकारी र अवकाश पाएका कर्मचारीले पाउने सुविधा वापतको टिकट ५० प्रतिशत कटौती गर्न समेत उनले निर्देशन दिए ।
काठमाडौं । काठमाडौं उपत्यकामा निषेधाज्ञा खुकुलो पारिएको छ।
बुधबार बसेको उपत्यकाका तीन जिल्लाका प्रमुख जिल्ला अधिकारीको बैठकले केही सहजतासँगै निषेधाज्ञा खुकुलो पार्ने निर्णय गरेका हुन् ।
नयाँ मोडालिटी अनुसार बिहीबारबाट जोर बिजोर प्रणालीबाट सार्वजनिक यातायात सञ्चालन गर्न दिने लगायतका निर्णय भएको छ । पसल सञ्चालनमा नयाँ व्यवस्था गरिएको छ ।
अब उपत्यकामा सोमबार बुधबार र शनिबार सपिङ मल, कपडा पसल, फेन्सि स्टोर, जुत्ता, कस्मेटिक पसल लगायतका पसलहरु खोल्न पाइने भएको छ ।
अनलाइन डेलिभरी र टेकअवे सेवाका लागि दिउँसो १२ बजेदेखि साँझ ७ बजेसम्मको समय तोकिएको छ।
भाँडा तथा भान्साका सामाग्री कारोबार गर्ने पसलहरु सातामा आइतबार मंगलबार र शुक्रबार सञ्चालन हुनेछन्। वर्कसप बिहान ८ बजेदेखि बेलुका ८ बजेसम्म दैनिक सञ्चालन गर्न पाइनेछ।
फुटपाथ तथा ठेला व्यापारका लागि समय तोकिएको छ। दैनिक बिहान ११ बजेसम्म र बेलुका ४ देखि ७ बजेसम्म सञ्चालन गर्न पाइनेछ। डिपार्टमेन्टल स्टोरका हकमा पनि यही नियम लागू हुनेछ।
व्यापार गर्दा आवश्यक स्वास्थ्य मापदण्डहरु अपनाउनु पर्ने उल्लेख गरिएको छ ।
यसअघि बन्द गरिएका क्षेत्र अर्को निर्णय नहुँदासम्म बन्द नै रहने छन् । निषेधाज्ञा खुकुलो भए पनि भेला हुन, जुलुस गर्न, भीडभाड र जात्रा, महोत्सवमा सहभागी हुन, मन्दिर र चर्चामा नित्य पूजाबाहेक गतिवविधि गर्न, कलकारखाना र व्यवसयायमा भीडभाड हुने कामग गर्न, शैक्षिक संस्था सञ्चालन गर्न, गोष्ठी गर्न, सिनेमा घर खुला गर्न, शैलुन, ब्यूटी पार्लर स्पा सञ्चालन गर्न पाइने छैन।
पुस्तकालय, चिडियाखाना खोल्न र स्वास्थ्य मापदण्ड विपरित श्रमिक र कामदार ओसारपसार गर्न पाइने छैन। उपत्यकामा तेस्रोपटक थपिएको निषेधाज्ञाको समयसीमा बुधबार मध्यरात १२ बजे सकिँदै छ ।
भदौ ३, १० र १७ गते कोरोना संक्रमणको जोखिम बढेको भन्दै उपत्यकाका तीन जिल्लाका प्रमुख जिल्ला अधिकारीको बैठकले निषेधाज्ञा लगाउने निर्णय गरेको थियो ।
काठमाडौं । काठमाडौं उपत्यकामा निषेधाज्ञा खुकुलो पारिएको छ।
बुधबार बसेको उपत्यकाका तीन जिल्लाका प्रमुख जिल्ला अधिकारीको बैठकले केही सहजतासँगै निषेधाज्ञा खुकुलो पार्ने निर्णय गरेका हुन् ।
नयाँ मोडालिटी अनुसार बिहीबारबाट जोर बिजोर प्रणालीबाट सार्वजनिक यातायात सञ्चालन गर्न दिने लगायतका निर्णय भएको छ ।
त्यस्तै पसल पनि समय निर्धारण गरेर सञ्चालन गर्ने दिइने भएको छ । कार्यालय र व्यवसाय पनि स्वास्थ्य सुरक्षाका मापदण्ड अनुसार सञ्चालन गर्न दिने सहमति भएको छ ।
अन्य क्षेत्रमा भने भदौ ३१ गतेसम्म निषेधाज्ञा जारी रहने भएको छ । यसअघि बन्द गरिएका क्षेत्र अर्को निर्णय नहुँदासम्म बन्द नै रहने छन् ।
निषेधाज्ञा खुकुलो भए पनि भेला हुन, जुलुस गर्न, भीडभाड र जात्रा, महोत्सवमा सहभागी हुन, मन्दिर र चर्चामा नित्य पूजाबाहेक गतिवविधि गर्न, कलकारखाना र व्यवसयायमा भीडभाड हुने कामग गर्न, शैक्षिक संस्था सञ्चालन गर्न, गोष्ठी गर्न, सिनेमा घर खुला गर्न, शैलुन, ब्यूटी पार्लर स्पा सञ्चालन गर्न पाइने छैन।
पुस्तकालय, चिडियाखाना खोल्न र स्वास्थ्य मापदण्ड विपरित श्रमिक र कामदार ओसारपसार गर्न पाइने छैन। उपत्यकामा तेस्रोपटक थपिएको निषेधाज्ञाको समयसीमा बुधबार मध्यरात १२ बजे सकिँदै छ ।
भदौ ३, १० र १७ गते कोरोना संक्रमणको जोखिम बढेको भन्दै उपत्यकाका तीन जिल्लाका प्रमुख जिल्ला अधिकारीको बैठकले निषेधाज्ञा लगाउने निर्णय गरेको थियो ।
काठमाडौं । काठमाडौं उपत्यकामा निषेधाज्ञा खुकुलो पारिएको छ।
बुधबार बसेको उपत्यकाका तीन जिल्लाका प्रमुख जिल्ला अधिकारीको बैठकले केही सहजतासँगै निषेधाज्ञा खुकुलो पार्ने निर्णय गरेका हुन् ।
बैठकले बिहिबारदेखि उपत्यकामा जोर विजोर सवारीसाधन चलाउन पाउने निर्णय गरेको छ। सार्वजनिक यातायातको सम्बन्धमा भने कुनै निर्णय भएको छैन। स्वास्थ्य सुरक्षाका मापदण्ड पालना गरेर कार्यालय र व्यवसाय सञ्चालन गर्न दिने तयारी भएको छ।
त्यस्तै, पसल व्यवसाय पनि विहान बेलुकी खोल्न दिने निर्णय भएको निर्णय गरेका छन् । अन्य क्षेत्रमा भने भदौ ३१ सम्म निषेधाज्ञा रहने जनाइएको छ।
उपत्यकामा तेस्रोपटक थपिएको निषेधाज्ञाको समयसीमा बुधबार मध्यरात १२ बजे सकिँदै छ । भदौ ३, १० र १७ गते कोरोना संक्रमणको जोखिम बढेको भन्दै उपत्यकाका तीन जिल्लाका प्रमुख जिल्ला अधिकारीको बैठकले निषेधाज्ञा लगाउने निर्णय गरेको थियो ।
काठमाडौं । नेपालमा कोरोना भाइरसको संक्रमणबाट थप ६ जनाको मृत्यु भएको छ। स्वास्थ्य तथा जनसंख्या मन्त्रालय पछिल्लो २४ घण्टामा ३ महिला र ३ पुरुष गरी ६ जना कोरोना संक्रमितको मृत्यु भएको हो ।
मृत्यु हुनेमा काठमाडौंमा ८३ वर्षीया महिला र ६७ वर्षीय पुरुष, कास्कीका ७३ वर्षीया महिला, अर्घाखाँचीका ४२ वर्षीय पुरुष, बाँकेकी ८० वर्षीया महिला र नवलपरासीका ६४ वर्षीय पुरुष रहेका छन् ।
यो सँगै नेपालमा कोरोना संक्रमित मृतकको संख्या ३ सय १२ पुगेको छ।
नेपालमा हाल कुल मृत्युदर शून्य दशमलव ६३ प्रतिशत रहेको मन्त्रालयले जनाएको छ।