Author: Vishwanews.com

काठमाडौं । काठमाडौं उपत्यकामा पछिल्लो २४ घण्टामा थप ६२ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको काठमाडौंका ५७ र ललितपुरका ५ जनामा कोरोना संक्रमण पुष्टि भएको हो ।

गौतमको अनुसार राष्ट्रिय जनस्वास्थ्य प्रयोगशालामा गरिएको परीक्षणमा काठमाडौंका २७, शुक्रराज ट्रपिकल तथा सरुवा रोग अस्पतालमा गरिएको परीक्षणमा ललितपुरका एक जना र काठमाडौंका १४ जनामा कोरोना देखिएको हो ।

स्टार अस्पताल सानेपामा गरिएको परीक्षणमा काठमाडौंका एक जना र ललितपुरमा दुई जना ,वि आइडी ल्याब गरिएको परीक्षणमा काठमाडौंका एक जनामा कोरोना संक्रमित भेटिएका उनले जानकारी दिए ।

त्यस्तै पाटन अस्पतालको प्रयोगशालामा गरिएको परीक्षणमा काठमाडौंका २ जना र ललितपुरका २ जनामा कोरोना देखिएको छ ।

त्रिवि शिक्षण अस्पतालमा गरिएको परीक्षणमा काठमाडौंका एक जना, नेपाल प्रहरी अस्पतालको प्रयोगशालामा गरिएको परीक्षणमा काठमाडौंका ११ जनामा कोरोना भाइरसको संक्रमण देखिएको छ ।

काठमाडौं। नेपालमा कोरोनाबाट थप दुई जनाको मृत्यु भएको छ । स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमको अनुसार वीरगन्जकी १८ वर्षकी युवती र वीरगन्ज ११ बस्‍ने ४६ वर्षका पुरुषको कोरोना संक्रमणबाट मृत्यु भएको हो ।

गौतमको अनुसार वीरगञ्जस्थित हेल्थ केयर अस्थायी कोभिड अस्पतालमा उपचाररत ४६ वर्षीय पुरुषको मृत्यु बुधबार बिहान ६ बजे मृत्यु भएको हो ।

ज्वरो आएको र श्वासप्रश्वासमा समस्या देखिएपछि उनी गए राति ९ बजे अस्पताल भर्ना भएका थिए। त्यस्तै पर्सा वीरगन्जकी १८ वर्षकी युवतीको कोरोना भाइरसको संक्रमणबाट मृत्यु भएको छ । उनको साउन १९ गते मृत्यु भएको जानकारी दिए ।

झाडापखालाको समस्या देखिएर उपचारका लागि नेशनल मेडिकल लैजाने क्रममा मृत्यु पश्चात संकलन गरेर नारायणी अस्पतालको प्रयोगशालामा गरिएको परीक्षणमा कोरोना संक्रमण देखिएको उनले बताए । योसँगै कोरोना संक्रमणबाट मृत्यु हुनेको संख्या ६० पुगेको छ ।

काठमाडौं । नेपालमा कोरोना भाइरसको संक्रमणबाट थप एक जनाको ज्यान गएको छ । स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार मोरङको विराटनगर महानगरपालिका ५ आदर्शटोलका ७७ वर्षिय वृद्धको कोरोनाका कारण मृत्यु भएको हो ।

ज्वरो र स्वासप्रश्वासको समस्याबाट पिडित उनी सोमबार विहान ९ बजे अस्पताल भर्ना भएका थिए ।

दिउँसो ज्यान गएको उनको सोमबार साँझ आएको कोरोना नतिजा पोजेटिभ मन्त्रालयले जनाएको छ । उनी मधुमेहको समस्याबाट ग्रसित रहेको र पछिल्ला दिनमा ज्वरो र श्वासप्रश्वासमा समस्या देखिएको उनको उपचारका क्रममा निधन भएको हो ।

योसँगै नेपालमा कोरोनाबाट मृत्यु हुनेको संख्या ५८ पुगेको छ ।

काठमाडौं । काठमाडौं उपत्यकाम पछिल्लो २४ घण्टामा थप ६१ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार संक्रमितहरु काठमाडौंको ४८, ललितपुरको १ र भक्तपुरको १३ जनामा संक्रमण पुष्टि भएको हो ।

योसँगै काठमाडौंमा कोरोना संक्रमित हुनेको संख्या ५४१ ललितपुरमा १०९ र भक्तपुरमा ७७ पुगेको छ भने काठमाडौं उपत्यकाको कुल संक्रमित संख्या ६६७ पुगेको छ।

गोरखा । बलात्कारको आरोपमा गोरखाका एक जना वडाध्यक्ष पक्राउ परेका छन् । गोरखा, पालुङटार नगरपालिका वडा नम्वर ४ का वडाध्यक्ष ठाकुरकान्त रानाभाट पक्राउ परेका हुन् । उनीमाथि चौध वर्षीया किशोरीलाई जबरजस्ती करणी गरेको आरोप छ । किशोरी र वडाध्यक्षबीच सम्बन्ध रहेको थाहा पाएपछि परिवारले जाहेरी दिएका थिए ।

बिहे गर्छु भन्दै यसअघि पनि पटक–पटक जबरजस्ती करणी गरेको पीडित परिवारले दिएको जाहेरीमा उल्लेख रहेको प्रहरीले जनाएको छ । उमेर नपुगेको किशोरीसँग सहमतिमै भएको सम्बन्धलाई समेत कानुनले करणी मान्छ । ४७ वर्षीय रानाभाटलाई सोमवार जिल्ला प्रहरी कार्यालयबाट खटिएको विशेष टोलिले पालुङटारबाट पक्राउ गरेको हो । घटनाबारे थप अनुसन्धान भइरहेको प्रहरीले जनाएका ेछ ।

मेलम्ची । मेलम्चीमा पहिरोमा पुरिएका सबै ८ जनाकै निधन भएको छ । सिन्धुपाल्लोक जिल्लाको मेलम्ची नगरपालिका वडा नम्बर ११ मा कभर्ड हल निर्माणमा खटिएका मजदुर सुतेको अवस्थामा पहिरोमा परेका थिए । उनीहरुलाई माथिबाट आएको पहिरोले पुरेको हो । प्रहरीका अनुसार मृतक सबैको सनाखत भएको छ ।

ज्यान गुमाउनेमा बाराको सिमराका राजेश चौधरी, विक्रम थिङ, मानबहादुर रुम्बा, सिमन घलान, शिव बालक र सोनम लामा रहेका छन् । उता, वीरगञ्जका प्रदीप चौरासिया र भारतका राजेन्द्र चौरासियाको पनि ज्यान गएको छ । पहिरोमा परी एक जना घाइते भएका छन् । भारतका बारु शाहलाई प्राथमिक उपचारपछि थप उपचारका लागि काठमाडौं लगिएको छ ।

उता, सोमबार नै सिन्धुपाल्चोकको पाँचपोखरी थाङपाल गाउँपालिका २ बरुवामा पहिरोले घर पुरिँदा क्षेत्री टोलका यज्ञबहादुर क्षेत्री र उनकी श्रीमती लक्ष्मीको ज्यान गएको छ । सिन्धुपाल्चोकमा यसअघि असारमा गएको पहिरोमा परी २० जना अझै वेपत्ता छन् ।

काठमाडौं । पछिल्लो २४ घण्टामा काठमाडौं उपत्यकामा ५१ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार २४ घण्टामा थप ५१ जनामा कोरोना पुष्टि भएको हो ।

संक्रमितहरु काठमाडौंको ४३, ललितपुरको ३ र भक्तपुरको ५ जना रहेका छन् । योसँगै काठमाडौंमा कोरोना संक्रमित हुनेको संख्या ४९३ ललितपुरमा १०८ र भक्तपुरमा ६४ पुगेको छ भने काठमाडौं उपत्यकाको कुल संक्रमित संख्या ६६७ पुगेको छ।