Category: कानुनी कुरा

काठमाडौं । बिहीबार राती करीव १ बजे काठमाडौं महानगरपालिका–६ कपनमा घरको कोठा भित्र ठूलै झगडा भएको सुनेपछि छिमेकीले प्रहरीलाई खबर गरे । खबरपछि प्रहरी पुग्दा एक युवक र एक युवती रक्ताम्य अवस्थामा थिए । युवतीको ज्यान गइसकेको थियो । युवकको सास चलिरहेको पत्ता पाएपछि तुरुन्तै प्रहरीले अस्पताल पु्यायो । तर, अस्पतालले मृत घोषणा गर्यो । यो घटनाले पछिल्लो समय युवा जमात कसरी बाचिरहेको छ भन्ने एक तथ्य उदांगो् पारिदिएको छ । काठमाडौं महानगरपालिका–६ कपनमा यो जोडी ‘लिभिङ टुगेदर’मा बस्दै आएको खुलेको छ ।
खोटाङ शाक्ला गाउँपालिका–५ घर भएकी २२ वर्षीया युशिना राई र सङ्खुवासभा घर भएका २५ वर्षीय अनिष जिमीको भेट भने एक महिना अगाडी मात्र भएको र प्रेममा परेपछि उनीहरु लिभिङ टुगेदरमा बसेको पाइएको छ । प्रहरीका अनुसार उनीहरु पब्जी खेलबाट नजिकिएका थिए । झण्डै एक महिनादेखि सँगै बस्थे । उनीहरु प्रायजसो कोठा भित्रै बस्ने गरेको र रातीसम्म पब्जी खेल्ने गरेको् समेत छिमेकीहरुले बताएका छन् ।

उनीहरुका अविभावक भने गाउँमै थिए । काठमाडौंमा आफन्तको घरमा बसेका उनीहरु चिच्याएको आवाज सुनिएपछि राति कोठामा हेर्दा गम्भीर अवस्थामा फेला परेको परिवारको भनाई छ । प्रहरीकोमा राति १२ः४५ बजे घटनाबारे जानकारी आएको थियो । घटनाबारे प्रहरीले थप अनुसन्धान भइरहेको बताएको छ । युवतीको शरीरमा रगत लतपतिएको र चक्कुले हानेको घाउ देखिएको छ ।

काठमाडौं । काठमाडौं महानगरपालिका–६ फैकास्थित राधाकृष्ण मन्दिर नजिक एक घरको कोठामा युवक–युवती मृत फेला परेको प्रहरीले जनाएको छ । स्थानीय संचारमाध्यमले प्रहरीलाई उदृत गर्दै जनाए अनुसार संखुवासभा घर भएका २५ वर्षीय अनिस जिमी र खोटाङकी युसुना राई मृत फेला परेका छन् ।

बौद्ध प्रहरीका अनुसार उनीहरु डेरामा सँगै बस्दै आएका थिए । उनीहरुको शरीरमा धारिलो हतियार प्रहार भएको प्रारम्भिक अनुसन्धानमा खुलेको छ । घटनास्थलमा धारिलो हतियारसमेत भेटिएको प्रहरीको भनाई छ । प्रहरीले घटनाबारे अनुसन्धान समेत अगाडी बढाएको छ ।

काठमाडौं । राष्ट्रिय सभा सदस्य निर्वाचनका लागि मङ्गलबार उम्मेदवारी दर्ता हुने भएको छ । आगामी माघ १२ मा निर्वाचन हुदैछ ।  सो प्रयोजनका लागि बिहान १० बजेदेखि ३ बजेसम्म मनोनयन दर्ताको कार्यतालिका तोकिएको  छ ।

निर्वाचनका लागि सातवटै प्रदेशमा निर्वाचन अधिकृतको कार्यालय राखिएको छ । सम्बन्धित प्रदेशको निर्वाचन अधिकृतको कार्यालयमा मनोनयन दर्ता गर्न सकिने निर्वाचन आयोगले जानकारी गराएको छ ।

रिक्त १९ राष्ट्रिय सभा सदस्यको पदका लागि निर्वाचन हुने लागेको हो । जसमा सात महिला, तीन दलित, दुई अपाङ्गता भएका व्यक्ति वा अल्पसङ्ख्यक र सात जना अन्य समूहका रहेका छन् ।

आयोगका अनुसार प्रदेश १ बाट तीन, प्रदेश २ बाट दुई, बागमतीबाट दुई, गण्डकीबाट तीन, लुम्बिनीबाट तीन, कर्णालीबाट तीन र सुदूरपश्चिमबाट तीन जना निर्वाचित हुनेछन् ।

चुनावका लागि १२ दल निर्वाचन आयोगमा दर्ता भएका छन् । यो चुनावका लागि सत्ता साझेदार दल र प्रतिपक्षी एमाले प्रतिस्पर्धा गर्दैछन् ।

१९ सिटमा सत्ता गठबन्धनमा रहेका दलले भागबण्डा गरेका छन् । जसअनुसार कांग्रेसले ६, माओवादी केन्द्र र एकीकृत समाजवादीले ५/५, जनता समाजवादीले २ र जनमोर्चाले एक सिटमा प्रतिस्पर्धा गर्नेछन् । एमाले भने एक्लै चुनावी मैदानमा लड्नेछ ।

काठमाडौं । नेकपा माओवादी केन्द्रले समानुपातिकतर्फको केन्द्रिय सदस्यको नाम टुंगो लगाएको छ । आठौं राष्ट्रिय महाधिवेशनको बन्दसत्रमा अध्यक्ष पुष्पकमल दाहाल प्रचण्डले केन्द्रीय सदस्यहरुको नाम घोषणा गरेका हुन् । आइतबार कमलादीस्थित प्रज्ञा भवनमा प्रचण्डले समानुपातिक र खुलातर्फका केन्द्रीय सदस्यहरुको नाम प्रस्ताव गरे ।

माओवादीको विधानमा समानुपातिकतर्फ १५४ र खुलातर्फ १४५ केन्द्रीय सदस्य रहने व्यवस्था छ । प्रचण्डले समानुपातिकतर्फ १२५ र खुलातर्फ १११ केन्द्रीय सदस्यको नाम प्रस्ताव गरेका छन् ।

यस्तो छ समानुपातिकमा केन्द्रीय सदस्य बनेकाको सूची

खसआर्य पुरुष (१४)

नारायण दाहाल
सूर्य सुवेदी
धिरेन्द्र शर्मा
नरबहादुर विष्ट
बसन्त शर्मा
केशव नेपाल
निर्मल आचार्य
जोखबहादुर महरा
देवराज रेग्मी
तारामान स्वाँर
देवराज रेग्मी
हरिराज अधिकारी
देवेन्द्र पराजुली
अच्युतम काफ्ले

खसआर्य युवा (४)

विजय भण्डारी
दुर्गा चापागाईं
अनिल शर्मा
लालबहादुर सोडारी

खसआर्य महिला (२५)

आशा कोइराला
सीता पोखरेल
कल्पना धमला
गङ्गाकुमारी बेल्बासे
दामाकुमारी शर्मा
देवी खड्का
धर्मशिला चापागाईं
नारायणी शर्मा
वलावती शर्मा
विमला सुवेदी
रेणु चन्द
रेनु दाहाल
सत्या पहाडी
समिता कार्की
लक्ष्मी न्यौपाने
मञ्जु बम
कुन्ती जोशी
टीका बुढाथोकी
गोमा कुँवर
कालिका चलाउने
मुक्तिनी गौतम
हरिमाया शर्मा
मुक्ति चौलागाईं

खसआर्य युवा महिला (६)

यशोदा न्यौपाने
ओमकुमारी पौडेल
विमला सिंह
दीपन सिंखडा
गीता तिमल्सिना
कृष्णा शाह

जनजाति पुरुष (११)

अजम्बर राई काङमाङ
रामकुमार राई
मानबहादुर बुढामगर
जीतबहादुर योन्जन
दीपेन्द्रकुमार पुन
तुलाराम घर्तीमगर
राजकाजी गुरुङ
परशुराम तामाङ
हितबहादुर तामाङ
दिलिप प्रजापति
छक्कबहादुर लामा

जनजाति युवा (४)

इन्द्रबहादुर आङ्बो
हेमकुमार राई
डम्बर घर्तीमगर
नविन जिरेल

जनजाति महिला (२२)

अमृता थापा
ओनसरी घर्ती
कमला रोका
कुमारी मोक्तान
ताराकुमारी घर्ती
दुर्गा जयन्ती राई
पार्वती थापा
शशी श्रेष्ठ
लक्ष्मी लामा
सोमती तमु
होमकुमारी खापुङ
सीता थेबे
मणि खुम्बु किराँती
पी घर्ती
लक्ष्मी पुन
मीना तामाङ
सरिता महर्जन
प्रतिमा श्रेष्ठ
उर्मिला लामा
लक्ष्मी गुरुङ
लालकुमारी पुन
माया बल

जनजाति युवा महिला (४)

विना मगर
आर तामाङ
ममता ताजपुरिया
कमला दोङ

दलित पुरुषतर्फ (३)

विष्णुबहादुर बिक
यमबहादुर परियार
जगत पार्की

दलित महिला (११)

अन्जना बिसंखे
सुशीला श्रीपाईली
सीता बौडेल
मानकुमारी नेपाली
सीता नेपाली
धनमाया बिक
लक्ष्मी बिक
शान्ति नेपाली
गीता गहतराज
दुर्गाकुमारी बिक
पम्फा बसेल

दलित युवा (१)

सुबोध श्रीपाइली

दलित युवा महिला (१)

पार्वती बिक

मधेसी पुरुष (३)

जगत यादव
शिवकुमार मण्डल
रामकुमार यादव

मधेसी युवा (१)

सुरेन्द्र मेहता

मधेसी महिला (२)

बोधमाया कुमारी यादव
सुनिताकुमारी यादव

थारु पुरुष (३)

सन्तकुमार चौधरी
हरिनारायण चौधरी
देवीलाल चौधरी

थारु युवा (१)

अमनलाल मोदी थारु

थारु महिला (५)

रुपा चौधरी
अञ्जना चौधरी
अञ्जु चौधरी
दीपा चौधरी
कृष्णा चौधरी

मुस्लिम पुरुष (१)

हकिकुल्लाह मुसलमान

मुस्लिम महिला (१)

कौसर साह

पिछडिएको क्षेत्र (३)

नरेश भण्डारी
देवकी मल्ल
कुमार पौडेल

काठमाडौं । राष्ट्रिय सभा सदस्यको निर्वाचनमा दुई हजार २५ जना मतदाताले भोट हाल्ने भएका छन् । सातवटै प्रदेशका निर्वाचन अधिकृतको कार्यालयले जारी गरेको मतदाता नामावलीमा कुनै दाबी विरोध र उजुरी नपरेसँगै यो संख्या कायम भएको हो । सातवटै प्रदेशमा स्थापित निर्वाचन अधिकृतको कार्यालयले शनिबार बिहान १० बजे मतदाता नामावली प्रकाशन गरेका थिए । बिहान ११ बजेदेखि अपराह्न ४ बजेसम्म दाबी विरोध र नाम सच्याउन निवेदन आह्वान गरिएकोमा कुनै निवेदन परेन ।
राष्ट्रिय सभा निर्वाचनका लागि स्थापना गरिएको सातवटै प्रदेशको निर्वाचन अधिकृतको कार्यालयमा मङ्गलबार उम्मेदवारी दर्ता हुँदैछ । प्रदेश १ मा ९२ जना प्रदेश सभा सदस्य र २७२ जना स्थानीय तहका प्रमुख र उपप्रमुख गरी ३६४ जना मतदाता कायम भएका छन् । प्रदेश २ मा १०४ प्रदेश सभा सदस्य र २६८ स्थानीय तहका गरी कुल ३७२ जना मतदाता कायम भएको आयोगको तथ्यांक छ । बागमती प्रदेशमा १०९ प्रदेश सभा सदस्य र २३७ स्थानीय तहका प्रमुख र उपप्रमुख गरी ३४६ जना मतदाता रहेका छन् ।

गण्डकीमा ५९ प्रदेश सभा सदस्य र १७० स्थानीय तहका गरी कुल २२९ मतदाता छन् । लुम्बिनीमा ८१ प्रदेश सभा सदस्य र २१५ स्थानीय तहका गरी कुल २९६ मतदाता रहनेछन् । कर्णालीमा ३५ प्रदेश सभा सदस्य र १५६ स्थानीय तहका प्रमुख गरी १९१ जना मतदाता कायम भएका छन् । सुदूरपश्चिममा ५२ प्रदेश सभा सदस्य र १७५ स्थानीय तहका प्रमुख गरी २२७ जना मतदाता कायम भएको छ ।

काठमाडौं । नेकपा माओवादी केन्द्रको आठौं महाधिवेशनको बन्दसत्र आइतबार दिउँसो १ बजेसम्म स्थगित गरिएको छ । शनिबार रातिका लागि निर्वाचन कार्यक्रम तोकिएको थियो । ती सबै कार्यक्रम आइतबार दिउँसो १ बजेसम्मका लागि स्थगित गरिएको छ । शनिबार नै निर्वाचन समितिले मतदाता नामावली प्रकाशनदेखि उम्मेदवारी दर्ता हुँदै मतदानसम्मको कार्यतालिका सार्वजनिक गरेको थियो । यसबीचमा नेताहरुबीच सहमतिको प्रयास भइरहेका कारण प्रक्रिया रोकिएको हो ।

आइतबार बन्दसत्रमा सहमतिमा केन्द्रीय सदस्यहरुको नाम घोषणा गर्ने तयारी रहेको छ । शनिबार दिउँसो साढे दुई बजे स्थगित भएको बन्दसत्र साँझ पौने ७ बजे पुनः सुरु गरिएको थियो । बन्दसत्रमा अध्यक्ष पुष्पकमल दाहाल प्रचण्डले सहमतिबाटै केन्द्रीय कमिटी चयनका लागि राम्रो गृहकार्य भएको र थप गृहकार्य गर्नुपर्ने भएकोले बन्द सत्र आइतबार १ बजेसम्मका लागि स्थगित गर्न प्रस्ताव राखेका थिए ।

काठमाडौं । नेकपा (माओवादी केन्द्र)को पदाधिकारी १५ सदस्यीय हुने भएको छ । राजधानीमा जारी आठौँ राष्ट्रिय महाधिवेशनको बन्दसत्रमा स्थायी समिति सदस्य देवप्रसाद गुरुङले विधान मस्यौदा प्रस्तुत गरेका छन् । अध्यक्ष पुष्पकमल दाहाल ‘प्रचण्ड’ले राजनीतिक प्रतिवेदन पेश गर्नुभएलगत्तै नेता गुरुङले विधान मस्यौदा प्रस्तुत गरेका थिए ।

विधानको मस्यौदाअनुसार माओवादी केन्द्रको केन्द्रीय समिति २९९ सदस्यीय हुने भएको हो । एक अध्यक्ष, एक वरिष्ठ उपाध्यक्ष, छ उपाध्यक्ष, एक महासचिव, दुई उपमहासचिव, तीन सचिव र कोषाध्यक्षसहित १५ सदस्यीय पदाधिकारीको व्यवस्था गरिएको छ । पदाधिकारीलाई पनि समावेशी बनाइने भएको छ । केन्द्रीय समितिमा १० प्रतिशत मनोनीत गर्न सकिने प्रस्ताव गरिएको छ ।

काठमाडौं । पूर्वप्रधानमन्त्री केपी शर्मा ओलीले आफु तल पर्ने डरले गरेको एक कदमका कारण पछिल्लो एक वर्षमा मुलुकले सबैभन्दा ठूलो क्षति बेहोर्नु परेको छ । यस्तो कदमको शुरुवात भएको दिन हो आज पुस, ५ । गत वर्ष आजकै दिन ओलीको सिफारिसमा राष्ट्रपति विद्यादेवी भण्डारीले संसद विघटन गरेकी थिइन् । ओलीले आफू हट्नुपर्‍यो भने प्रधानमन्त्रीको कुर्सीमा कोही पनि बस्न नसक्ने धम्की दिने गरेका थिए ।

सोही अनुसार उनले संसद विघटन गरेका हुन् । उनको यो निर्णयपछि सबैभन्दा क्षति राष्ट्रपति संस्थाको निष्पक्षता र गरिमामाथि पुगेको छ । खासगरी संविधान विपरितका काममा पनि राष्ट्रपतिले प्रश्न गर्न नसकेको आरोप लागेको छ । यो आरोपले पदकै गरिमा घटाएको हो । यो घटनापछि केन्द्रको सरकारको नेतृत्व गरिरहेको नेकपा फुटेर एमाले र माओवादी घटक छुट्टाछुट्टै भए । फुटको ऋृंखला त्यतिमा रोकिएन ।

एमाले पार्टी पुनः फुट्यो । केन्द्र सरकार ढलेपछि एमाले नेतृत्वका सबै प्रदेश सरकार ढले । माओवादीले नेतृत्व गरेको स्थानमा पनि हेरफेर गर्नुपर्यो । हुन त ओलीको यो निर्णय लामो समय टिकेन । सवोच्च अदालतबाट ओलीको निर्णय बदर भयो र उनको सरकारल ढलेको हो । ओलीको यसै निर्णयका कारण कांग्रेस सभापति शेर बहादुर देउवा ५ औं पटक मुलुकको प्रधानमन्त्री बने ।

काठमाडौं । नेपाली कांग्रेसको नयाँ नेतृत्वका लागि मतदान शुरु भएको छ । १४ औं महाधिवेशनअन्तर्गत आज मतदान हुँदैछ । सभापति पदमा पाँच जनाबीच प्रतिस्पर्धा भइरहेको छ । शेरबहादुर देउवा, प्रकाशमान सिंह, शेखर कोइराला, विमलेन्द्र निधि र कल्याण गुरूङ नेतृत्वको होडमा छन् । बिहान ८ बजेबाट मतदान सुरू भएको हो ।
मतदानका लागि प्रदर्शनीमार्गमा तीन मतदान स्थल तोकिएका छन्। भृकुटीमण्डप, नेपाल पुलिस क्लव र राष्ट्रिय सभा गृहमा मतदान स्थल छ । मत खसाल्न एक हजार एक सय बुथ तयार गरिएका छन्। महाधिवेशनमा ४७४३ जना प्रतिनिधि छन्। एक महाधिवेशन प्रतिनिधिलाई मतदान गर्न करिब ४५ मिनेटसम्म लाग्ने अनुमान छ। २९ मतपत्रमा मत दिनुपर्ने भएकोले समय लाग्नेछ ।

१२१ केन्द्रीय सदस्य र १३ पदाधिकारीका लागि निर्वाचन जारी छ । मतदान सुरू भएको करिब १० घन्टामा मतदान सकिने निर्वाचन समितिको अनुमान छ। मतदान सकिएपछि सभापति पदका लागि भने गणना सुरू हुनेछ।

उपसभापतिलगायत अन्य पदका लागि भने मतबाकस पार्टी केन्द्रीय कार्यालय सानेपामा लगेर शिलबन्दी गरेर राख्ने तयारी छ।

सभापति पदको मतपरिणाम आइसकेपछि कुनै उम्मेदवारले ५० प्रतिशत मत कटाएमा मात्रै अरू पदका लागि भएको मतदानको मतगणना सुरू हुनेछ। कसैले पनि ५० प्रतिशत मत नकटाएमा सभापति पदमा २८ गत पुनः मतदान हुनेछ ।

काठमाडौं । नेपाली कांग्रेसका पूर्वसहमहामन्त्री प्रकाशमान सिंहले आफु पार्टी सभापतिमा उम्मेदवार हुने अडान नछाडेका कारण संस्थापन इत्तर पक्षले उमेदवार तय गर्न अझै सकेको छैन । साझा उम्मेदवार खोजि देउवालाई टक्कर दिने रामचन्द्र पौडेल समूहको प्रयास अझै सार्थक हुन सकेको छैन । कांग्रेसको १४औं महाधिवेशन २४ मंसिरबाट शुरु हुँदैछ , तर, अहिलेसम्म साझा उमेदवार तय हुन नसक्दा देउवाको सम्भावना अझ बलियो बन्दै गएको छ । निर्वाचन कार्यतालिका अनुसार २५ गते उम्मेदवारी दर्ता र २७ गते मतदानको तालिका छ ।

सभापतिका आकांक्षीमा सहमतिको प्रयास गर्न पछिल्लो तीन दिन लगातार बैठक बस्दा पनि सहमति जुुटेन । बुधबार चाक्सीबारीमा बसेको बैठक तनावपूर्ण रहेका कारण अब साझा उमेदवार चयन हुने सम्भावना कम भएको हो । वरिष्ठ नेता पौडेल, महामन्त्री डा. शशांक कोइराला, पूर्वमहामन्त्री प्रकाशमान सिंह र केन्द्रीय सदस्य डा. शेखर कोइरालाबीच भएको छलफलमा पौडेलले पूर्वमहामन्त्री सिंह र केन्द्रीय सदस्य कोइरालालाई ‘तपाईहरु मिल्नुस्, नभए मलाई मान्नुस्’ भनेका थिए ।