Category: मनोरञ्जन

दोलखा । कोरोना भाइरसको महामारीपछि बन्द गरिएको दोलखा भिमसेन मन्दिर अब सर्वसाधारणको दर्शनका लागि खुला गरिएको छ । नेपालमा कोरोना भाइरसको उच्चतम महामारी केही नियन्त्रणमा आएसँगै यो मन्दिर दर्शन खुला गरिएको हो । नेपालमा सर्वाधिक भीड हुने मन्दिरमध्ये दोलखा भीमेश्वर मन्दिर पनि एक हो ।

कोरोना भइरसका कारण लकडाउनदेखि बन्द रहेको दोलखाको प्रसिद्ध भीमेश्वर मन्दिर दर्शन ११ दिनपछि सर्वसाधारणको दर्शनका लागि खुला भएको हो । दर्शन गर्न आजदेखि मन्दिरको मूल ढोका खुला गरिएको छ । एक शिला तीन अवतारका रुपमा पूजा गरिने प्रसिद्ध भीमेश्वरको मन्दिर आजदेखि खुला गर्ने निर्णय भीमेश्वर मन्दिर गुठी तथा पूजा व्यवस्थापन समिति र भीमेश्वर नगरपालिकाले गरेका थिए ।

मन्दिर चैत ११ गतेदेखि बन्द गरिएको थियो । मन्दिरको मुख्य बाहिरी गेट खुला गरिएको भए पनि भित्री मुख्य मूलद्वार भने बन्द राखिने भएको छ । मन्दिर परिसरमा भित्र पसेर घुमेर दर्शन गर्न सकिने व्यवस्था मिलाइएको जनाइएको छ । दोलखाबजारमा वर्षभरि मनाइने जात्रापर्वहरु खुलाउनका लागि मन्दिर घुमाउनै पर्ने बाध्यता रहेका कारण मन्दिर दर्शनका लागि खुला गरिएको भीमेश्वर मन्दिर गुठी तथा पूजा व्ययवस्थापन समितिका अध्यक्ष भरत श्रेष्ठलाई उदृत गर्दैनेपालको सरकारी समाचार समिति राससले जनाएको छ ।

काठमाडौं । नायक राजेश हमालले महानायकका सन्दर्भमा कलाकार दीपाश्री निरौलालाई क्षमा गरिदिन आफ्ना फ्यानहरुलाई आह्वान गरेका छन् । कलाकार तथा निर्देशक दीपाश्री निरौलाले राजेश हमाल प्रति लक्षित गर्दै उनलाई महानायक केही संचारकर्मीले मात्र बनाएको धारणा राखेकी थिइन् । अहिले सिनेमा उद्योगमा राजेश हमाल नभएको समेत उनको तर्क थियो ।

यो तर्क सार्वजनिक भएपछि फ्यानहरुले उनको विपक्षमा गालिगलौज जारी राखेका छन् । त्यसपछि दीपाश्रीले सार्वजनिक रुपमै उक्त अभिव्यक्तिबारे माफी मागेकी छिन् । तर, उनीविरुद्ध गाली आउन छाडेको छैन । यसले आफु तनावमा पुगेको उनले बताइसकेकी छिन् । लामो समयसम्म यस काण्डमा मुख नखोलेका राजेशले बुधबार राती बोकेका हुन् ।

उनले मध्यरातमा एक भिडियो सार्वजनिक गरेका छन् । जहाँ हमालले सहकर्मी दीपाश्री निरौलालाई माफी दिन आफ्ना समर्थकसँग आग्रह गरेका हुन्। आफूप्रति लक्षित गर्दै दीपाश्रीले दिएको अभिव्यक्तिकाविरुद्ध दर्शकले गाली गरिरहेको भन्दै त्यस्ता प्रतिक्रिया नजनाउन समेत उनले आह्वान गरे ।

मानवीयताको हिसावले यस्ता प्रतिक्रियामा आफुले खासै चासो नदिने र काममा मात्र ध्यान दिने उनको भनाई छ । राजेशले दर्शकलाई सकारात्मक भएर सम्बन्धित व्यक्तिलाई मानवीय हिसावले आत्मसममानमा ठेस नपुग्ने गरी संयमित भएर प्रतिक्रिया जनाउन अपिल गरेका छन्। कलाकारिता कुनै व्यक्तिको नभई राष्ट्रको सम्मानको विषय भएको भन्दै सबै कलाकारलाई सम्मानित दृटिले हेर्न आह्वान समेत उनले गरेका छन् ।

काठमाडौं । धरहराको १० औं तलासम्मको निर्माण काम सम्पन्न भएको छ । अब ११ औं तला र टावर निर्माणको काम थालिने राष्ट्रिय पुनर्निर्माण प्राधिकरणले जनाएको छ । टावर निर्माणको काम दुई÷तीन दिनमा सुरु हुने बताइएको छ । लकडाउनका बेला धरहरामा टावरबाहेक अरु काम हुँदै थियो । झण्डै साढे तीन महिनापछि टावरको काम थाल्न लागिएको प्राधिकरणले जनाएको छ ।

टावर निर्माणको काम गर्ने कामदार अहिले क्वरेण्टीनमा छन् । लकडाउनका बेला घर गएका १ सय १० जना कामदार काठमाण्डौ फर्किसकेको प्राधिकरणले जनाएको छ । राष्ट्रिय पुनःनिर्माण प्राधिकरणका प्रमुख कार्यकारी अधिकृत सुशील ज्ञवालीका अनुसार धरहराको ३९ प्रतिशत काम सम्पन्न भएको छ । धरहरामा अहिले पार्किङस्थलको काम भइरहेको । धरहरामा अवलोकन कक्षका साथै म्युजियम, वाटर फाउन्टेन, बगैँचा, रेष्टुरेन्ट, अत्याधुनिक पार्किङ बन्दैछ ।

काठमाडौं । नेपालमा प्रतिवन्धमा परेका भारतीय न्यूज च्यानलहरु फेरी देखिन थालेका छन् । केवल अपरेटरहरूले चार वटा भारतीय समाचार च्यानलबाहेक अन्यको प्रसारण खुला गर्ने निर्णय लिएका हुन् । केवल अपरेटरहरूको आइतबार बसेको बैठकले जी–न्युज, आजतक, इन्डिया टिभी र एबिपी न्यूज च्यानलको प्रसारण प्रतिवन्ध भने यथावत राखेका छन् ।

यी च्यानल नेपालबारे उग्र तथा कपोलकल्पित समाचार प्रसारण गर्नेमा पर्छन् । केही च्यानलका कारण सबै टिभिको प्रसारण रोक्नु उपयुक्त नहुने भन्दै केवल अपरेटर च्यानल खुलाउने निष्कर्षमा पुगेका हुन् । नेपालले नयाँ राजनीतिक नक्सा सार्वजनिक गरेपछि नेपाल चीनको गुलाम भएको भन्दै च्यानलहरुले नेपाल र प्रधानमन्त्री केपी शर्मा ओलीबारे आपत्तिजनक सामग्री प्रसारण गरेका थिए । एबीपी न्यूजले भने अभिनेत्री मनिषा कोइरालाको अपमान गरेको थियो ।

काठमाडौं । काठमाडौंमा सरकारी पास दूरुपयोग गर्दै होटेलमा जम्मा भएर जुवाको खालमा जमेका व्यापारिक घरानाका व्यक्तिहरु प्रहरीको फन्दामा परेका छन् । लकडाउनको मौकामा जुवा खेलिरहेको अवस्थामा उनीहरुलाई प्रहरीले पक्रेको हो ।

कमलादीस्थित गगौंर बुटिक होटलमा जुवाको खालबाट उनीहरुलाई पक्राउ गरिएको प्रहरीले पुष्टी गरेको छ । व्यापारीहरु रामचन्द्र सांघाइ, अशोक अग्रवाल, पुरुषोत्तम अग्रवाल, सुरेश अग्रवाल, गोविन्द अग्रवाल, नन्द शर्मा, विमल खेतान, विमल अबुजा र निक्की जोगाई जुवाको खालबाट पक्राउ परेका हुन् ।

निक्की काठमाडौंस्थित एक होटल संचालक हुन् । रामचन्द्र सांघाइ ग्रुपका प्रवन्ध निर्देशक हुन् । अशोक विशाल ग्रुपका प्रवन्ध निर्देशक रहेको प्रहरीले जनाएको छ । उनीहरुको साथबाट २ लाख ७७ हजार नगद, क्वाइन, चिप्सलगायत बरामद भएको छ । यी सामान क्यासिनो खेलमा प्रयोग हुन्छन् । लकडाउनको अवधिमा अधिकांश व्यापारीले सवारी पास बनाएका छन् ।

काठमाडौं । आज नेपालमा गणतन्त्र दिवस मनाइदैछ । नेपाललाई संघीय लोकतान्त्रिक गणतन्त्र नेपाल घोषणा गरेको दिनको सम्झनामा यो दिवस मनाउने गरिन्छ । सरकारले यस दिनको उपलक्ष्यमा दिपावली गर्न समेत आम जनतासँग आह्वान गरेको छ । जनआन्दोलन २०६२\६३ को बलमा आम निर्वाचनबाट गठित संविधानसभाको पहिलो बैठकले २०६५ जेठ १५ गते नेपालमा संघीय लोकतान्त्रिक गणतन्त्र घोषणा गरेको थियो ।

दुई सय ३८ वर्ष लामो शाहवंश राज शासनको अन्त्य भई त्यस दिन देखि नेपालमा जनताको छोराछोरी पनि सर्वोच्च तहमा पुग्न सक्छन् भन्ने सन्देश प्रवाह भएको थियो । यस वर्ष कोरोना भाइरस संक्रमणको जोखिमका कारण सरकारले औपचारिक समारोह भने आयोजना गरेन् । यसअघि २०७२ साल जेठ १५ मा समेत गणतन्त्र दिवस मनाइएको थिएन् । त्यसदिन सो वर्ष आएको विनासकारी भूकम्पले पुर्याएको जनधनको क्षतिको शोकमा गणतन्त्र दिवस नमनाउने निर्णय भएको थियो ।

गणतन्त्र पछिका दिनहरु अपेक्षित सहज हुने अनुमान जनतको थियो । तर, त्यसअनुसार सरकारहरुले काम गर्न नसकेपछि यस व्यवस्थाप्रति पनि जनतको निरासा भने बढ्दो छ । यद्दपी पात्र खराब हुन सक्छन्, व्यवस्था राम्रो भनि सुद्धिकरणमा लाग्नुपर्छ भन्ने चेतसमेत जनतामा आइसकेको छ ।

काठमाडौं । अभिनेत्री मनिषा कोइरालाले नेपालले जारी गरेको नयाँ नक्सालाई समर्थन गरिन् । यसको विरुद्ध भारतीय मिडिया तल्लो स्तरमा झरेर उनको आलोचनामा लागेको छ । भारतका ठुला र चर्चित भनिएका एबिपी न्युजसहितका मिडियाले भारतको नुन खाएर चीनको समर्थन गरेको भन्दै उनी विरुद्ध लागेका हुन् ।

मनिषाले नेपालका परराष्ट्र मन्त्री प्रदीप ज्ञवालीको नक्सासम्बन्धित टुइटमा कोट गर्दै यो कदमलाइ स्वागतयोग्य भनेकी थिइन् । साथै, उनले यो मामलाले नेपाल, भारत र चीनको सम्बन्धमा कुनै असर गर्न नहुने उल्लेख गरेकी छिन् ।

भारतीय मिडियाले तीन क्षेत्र कालापानी, लिपुलेक र लिम्पियाधुरालाई भारतकै भुमी दावी समेत गरेका छन् । यता नेपालले भने ती क्षेत्र भारतले अतिक्रमण गरेको भन्दै यसलाइ नेपालको नक्सामा राखिसकेको छ । लिम्पियाधुरासहित ३३५ वर्ग किलोमिटर भूमि समेटिएको नक्सा सरकारले आज जारी गरेको छ ।

नेपालले चीनको उक्साहटमा नयाँ नक्सा जारी गरेको भारतिय मिडियाको दावी छ । मनिषा कोइराला नेपाली चेली हुन् । उनी बलिउडमा लामो समय राज गर्न सफल अभिनेत्री हुन ।

काठमाडौं । कोरोना भाइरसको संक्रमणका कारण नेपालको एक ठूलो उत्सव बुद्ध जयन्ती प्रभावित भएको छ । यस दिन सरकारले विदेशी पाहुना बोलाएर धुमधामसाथ बौद्ध सम्मेलन मनाउने गरेको थियो ।

तर, यो वर्ष बुद्ध जयन्ती तथा वैशाख शूल्क पूर्णिमाका दिन तोकिएको सबै औपचारिक कार्यक्रम रद्द भएका छन् ।

यसको साटो सरकारले वैशाख २५ गते साँझ ७ बजे देशभर दीप प्रज्वलन गर्न आह्वान गरेको छ ।

मंगलबार बसेको कोरोना रोकथाम तथा नियन्त्रण उच्च स्तरीय समितिको बैठकले कोरोना रोकथाम र उपचारमा खटिएका स्वास्थ्यकर्मीको सम्मान र भगवान गौतमबुद्धको सम्झानामा दीप प्रज्वलन गर्न आह्वान गरेको हो ।

यस वर्ष लुम्बिनीमा भने २४६४ दीप प्रज्वलन गरी गौतमबुद्धको जन्मदिन मनाइदैछ । यस दिन सामाजिक दूरी कायम गरी लामा तथा बौद्धधर्म गुरुहरुबाट मात्र लुम्बिनीमा पूजा तथा प्रार्थना गरिने भएको छ ।