Category: कला / साहित्य

काठमाडौं । नेपाल दक्षिण एसिया मै सबैभन्दा खुशी नागरिक बस्ने मुलुक बनेको छ । संयुक्त राष्ट्रसंघ अन्तर्गत दिगो विकास समाधान नेटवर्कले गरेको सर्वेक्षणमा यस्तो नतिजा आएको हो । सन् २०२१ को खुशी देशहरुको सूचीमा नेपाल ५ दशमलव २६ अंकसहित ८७ औँ स्थानमा परेको छ ।

सन् २०१९ मा एक सयौँ स्थानमा रहेको नेपाल २०२० मा ९२ औँ स्थानमा रहेको थियो । यसपटक पाँच स्थान माथि उक्लिएर दक्षिण एसियाकै खुशी देश बनेको छ । सन् २०१९ मा नेपाल भुटान र पाकिस्तानपछि तेस्रो खुशी हुने देश बनेको हो ।

राष्ट्रसंघले कोरोनाभाइरस महामारी पछिको सामाजिक, मनोवैज्ञानिक, आर्थिक सूचकलाई आधार मानेर १ सय ४९ देशमा अध्ययन गरेको बताइएको छ । कूल ग्राहस्थ्य उत्पादन, सामाजिक सहयोग, व्यक्तिगत स्वतन्त्रता र भ्रष्टाचारको अवस्थालाई अध्ययनको सूचक मानिएको थियो ।

रिपोर्ट अनुसार फिनल्याण्ड यसपटक पनि विश्वकै सबैभन्दा खुशी देशको रुपमा पहिलो स्थानमा छ । सबैभन्दा बेखुशी देशको रुपमा सार्क सदस्य राष्ट्र अफगानिस्तान रहेको छ । भारत १ सय ४४ औँ स्थानमा छ ।

नेपाल, बंगलादेश र पाकिस्तानभन्दा भारत तल रहेका छन् । खुशी देशको शीर्ष सूचीमा फिनल्याण्डपछि क्रमशः डेनमार्क, स्विजरल्याड, आइसल्याण्ड, नेदरल्याण्ड, नर्वे, स्वीडेन, लक्जेम्बर्ग, न्युजिल्याण्ड र अष्ट्रिया रहेको छन् ।

काठमाडौं । राष्ट्रिय परीक्षा बोर्डको बैठकले आगामी जेठ १३ गतेदेखि २०७७ सालको माध्यमिक शिक्षा परीक्षा (एसईई) परीक्षा सञ्चालन गर्ने भएको छ ।

जेठ १३ गतेदेखि २४ गतेसम्म परीक्षा सञ्चालन गर्ने निर्णय गरेको बोर्डले जनाएको छ । गत २६ माघमा बसेको मन्त्रिपरिषद् बैठकले एसईई परीक्षा बोर्डले नै लिने निर्णय गरेको थियो ।

गत वर्ष कोभिड–१९ को महामारीका कारण विद्यालयहरूले गरेको आन्तरिक मूल्यांकनको आधारमा ग्रेड निर्धारण गरी नतिजा प्रकाशित गरिएको थियो ।

काठमाडौं । दक्षिण एसियाली भेगमा रहेका मुलुकमध्ये भुटान र नेपाल सबैभन्दा शान्त रहेको देखिएको छ । ग्लोवल पिस इन्डेक्सको अध्ययनमा दक्षिण एसियाली मुलुकमध्ये भुटान सबैभन्दा शान्त मुलुक हो । दोस्रो स्थानमा नेपाल छ । यस भेगका ८ मुलुकमध्ये माल्दिभ्स अध्ययनमा समावेश छैन । सबैभन्दा अशान्त मुलुक भने अफगानिस्तान रहेको अध्ययनको निष्कर्ष छ ।

ग्लोवल पिस इन्डेक्स २०२० मा विश्वव्यापी श्रेणी अन्तर्गत भुटान १९ औं शान्त मुलुक हो । नेपाल ७३ औं शान्त मुलुक बनेको छ । सन् २०१९ को तुलनामा नेपालको स्थान समेत तीन अंक सुधार भएको छ । दक्षिण एसियाका अन्य मुलुकहरुमा भारत १३९ औं, पाकिस्तान १५२, बंगलादेश ९७, श्रीलंका ७७ र अफगानिस्तान १६३ औं स्थानमा छन । नेपाल र भुटानबाहेकका मुलुक कुनै न कुनै रुपमा आतंकवादी आक्रमणको निसानामा पर्दै आएका छन् ।

काठमाडौं । नेपालमा आज ७१ औं प्रजातन्त्र दिवस मनाइँदै छ। २००७ सालको क्रान्ति सफल भएसँगै १०४ वर्ष लामो निरंकुश राणाशासन अन्त्य भई प्रजातन्त्र स्थापना भएको दिनको सम्झनामा आज कै दिन हरेक वर्ष प्रजातन्त्र दिवस मनाउन थालिएको हो । आज प्रजातन्त्र दिवस मूल समारोह समितिको आयोजनामा सैनिक मञ्च टुँडीखेलमा विशेष समारोह संचालन हुन्छ ।

कार्यक्रममा राष्ट्रपति, प्रधानमन्त्रीसहित उच्च पदस्थ अधिकारी सहभागी हुने प्रचलन रहेको छ । आजै बिहान नेपाली नेपाली सेनाले ६ः२९ मा तोप सलामी र बिगुल बजाएर बढाइँ गरेको छ । जनताको क्रान्तीबाट सफलता प्राप्त भई जनताको शासनमाथि पकड भएको दिनका रुपमा यो दिनको महत्व ठूलो रहेको छ ।

प्रजातन्त्रकै जगमा लोकतन्त्र हुँदै देश अहिले संघीय लोकतान्त्रिक गणतन्त्रात्मक शासन व्यवस्थामा छ । जहाँ अब मुलुकको सर्वोच्च पदमा जनताकै छोराछोरी पुग्ने सक्छन् । यो दिनको उपलक्ष्यमा राष्ट्रपति, उपराष्ट्रपति, प्रधानमन्त्री, सभामुखसहित सबै दलका शीर्ष नेताले शुभकामना व्यक्त गरेका छन् ।

यता, सरकारको सिफारिसमा राष्ट्रपतिबाट करीव ६ सय कैदीबन्दीलाई समेत आजकै दिन आम माफी दिने निर्णय भएको छ । मन्त्रिपरिषद्को सिफारिशमा राष्ट्रपति विद्यादेवी भण्डारीले कैदीबन्दीको भुक्तान हुन बाँकी कैद कट्टा गरी माफी मिनाहा दिएकी छन् ।

राष्ट्रपति कार्यालयका सहायक प्रवक्ता केशवप्रसाद घिमिरेले जनाए अनुसार ४०१ कैदीको भुक्तान हुन बाँकी कैद कट्टा गरी माफी मिनाहा गरिएको छ । आजसम्म कम्तीमा ५० प्रतिशत कैद भुक्तान गरेका र असल चालचलन भएका १७९ कैदीको भुक्तान हुन बाँकी कैद समेत छुट दिइएको छ । उता, १५ जनाको विभिन्न अदालतबाट विभिन्न मितिमा भएका फैसला बमोजिम कैद, जरिवाना, सर्वस्वलगायत सजाय माफी गरिएको छ ।

काठमाडौं । सरकारले देशभर सम्पूर्ण सामुदायिक विद्यालयमा दिवा खाजाका रुपमा ‘जङ्क फुड’ दिन नपाउने नियम ल्याएको छ । राष्ट्रिय समाचार समितिका अनुसार शिक्षा तथा मानव स्रोत विकास केन्द्र सानोठिमीले सोमबार यस्तो नियम सार्वजनिक गरेको छ ।

‘विद्यालय दिवाखाजा व्यवस्थापन सहयोगी पुस्तिका’ प्रकाशन गर्दै केन्द्रले सामुदायिक विद्यालयका प्रारम्भिक बालविकासदेखि कक्षा ५ सम्मका विद्यार्थीलाई दिवाखाजामा ‘जङ्क फुड’ खुवाउन नपाइने नियम ल्याएको हो ।

अब विद्यालयहरुले स्थानीयस्तरमा उत्पादन भएका खानेकुरालाई प्राथमिकतामा राखेर दिवाखाजा तयार पार्नु पर्ने छ । केन्द्रले बालबालिकालाई उपयुक्त हुने ६० प्रकारका ‘मेनु’ तयार गरी पुस्तिकामा समावेश समेत गरेका छ ।

सरकारले विद्यार्थीलाई दिवाखाजाको प्रयोजनका लागि ७ अर्ब ७२ करोड ९३ लाख ३० हजार रुपैयाँ देशभरका सामुदायिक विद्यालयमा पठाएको छ । यो रकमले २९ लाख ४० हजार ७८९ विद्यार्थीलाई विद्यालयमा दैनिक खाजा निःशुल्क खुवाइन्छ ।

सरकारले कर्णाली भेगमा प्रतिविद्यार्थी दैनिक २० रुपैयाँ र अन्य भेगका विद्यार्थीलाई १५ रुपैयाँका दरले दिवाखाजा खुवाउने गरेको छ । यसले विद्यालयमा भर्ना हुने र विद्यालयमा नियमित आउने विद्यार्थीको संख्या कायम राख्न समेत ठूलो भूमिका खेलेको छ ।

काठमाडौं । पशुपतिमा वेवारिसे शव जलाएर प्रशंसा बटुल्दै बीबीसीको १०० महिलाको सूचीमा परेकी सपना रोका मगरले विजयजंग बस्नेतविरुद्ध प्रहरीमा उजुरी दिएकी छिन् ।

काठमाडौं प्रहरी परिसरका अनुसार सपनाले बस्नेतविरूद्ध अभद्र व्यवहारको मुद्दा जाहेरी दिएकी हुन् ।

बस्नेतले युट्युब च्यानलमा आफूसँग सपनाका नग्न तस्वीरहरू पेनड्राइभमा भएको बताएका थिए। उनले ती सामाग्रीहरू सार्वजनिक गर्ने धम्की दिएका थिए।

एक समय सपना विनयलाई बुवा भनेर सम्बोधन गर्ने गर्थिन् भने विनय सपनालाई छोरी भन्थे । तर पछिल्लो समय आपसी विवाद बढेको थियो ।

सपनाका अश्लील फोटो आफूसँग मोबाइल र पेनड्राइभमा सुरक्षित रहेको भन्दै युट्यबुमा अन्तर्वार्ता दिएपछि उनीहरुभित्रको विवाद थप बाहिर आएको हो । विनयले सपनामाथि धम्कीपूर्ण चेतावनी दिएपछि महिला अधिकारकर्मीले प्रहरीमा उजुरी दिएर कारवाही गर्नुपर्ने माग उठाएका थिए । सपना विश्वकै १०० प्रभावशाली महिलाको सूचीमा परेपछि भने उनीहरुको सम्बन्ध बिग्रिएको थियो ।