अमृता के सी ( रोनी )

काठमाडौँ, असोज २०।बूढानीलकण्ठ नगरपालिका ११ स्थित जगडोल झण्डा पार्कमा दिउँसोको समयमा चार लाख नगद लुटिएको फोन आए पछी स्थानिय प्रहरीलाई दौड धुप भएको छ ।
आइतबार दिउँसो अन्दाजी १ बजेको समयमा साँखु घर बताउने एक व्यक्तिले आफ्नो ४ लाख रुपैयाँ झन्डा पार्कमा लुटिएको भन्दै प्रहरीको १०० नम्बरमा फोन गरे पछी महानगरीय प्रहरी वृत्त बौद्धका उपनिरीक्षक सहितको टोली पैसा लुटिएको भनिएको ठाँऊ झन्डा पार्क पुगेको थियो । घटना घटेको भनिएको स्थानमा महानगरीय प्रहरी वृत्त बौद्धका उपनिरीक्षक ढुण्डिराज न्यौपाने र गोकर्ण प्रहरी प्रभागका प्रमुख रामजी घिमिरेको टोलि पुगेको थियो। प्रहरी श्रोतका अनुसार पीडित भनिएका व्यक्तीले आफु साँखुको भएको र चितवन जाने भनेर हिडेको बताएका थिए। बैंकबाट नगद चार लाख झिकेर चितवन जान लाग्दा लुटेरा भनिएकाहरुले फोन गरि सुन किन्न झन्डा पार्कमा बोलाएको बयान प्रहरीलाई दिएको प्रहरी श्रोत बताउछ । पिडकहरु पनि मोटर बाइकमा आएको र वरपर बस्ती भएकोले उनिहरुले एकान्तमा जाउ भनी झन्डा पार्क मुनीको गाँऊ पैयाटारमा बाईक राखी हिड्दै उकालो चढ्ने क्रममा लुटेको पीडितले प्रहरीलाई बताएको प्रहरीको भनाई छ । जगडोलमा झण्डा पार्क चढ्ने क्रममा पानी प्यास लागेको र लुटेराहरुले पानी दिएको त्यसपछि आफ्नो पैसा भएको झोला लिएर उनीहरु भागेको पीडितले बताएका छन् । प्रहरीले उक्त मोबाइल नंम्बरमा फोन गर्दा लुटेराहरुको नंम्बर बन्द रहेको जानकारी प्रहरी दिएको छ ।

घटना बारे थप अनुसन्धान भैरहेको समयमा आज बुधवार पीडित भनिएका व्यक्ती नै प्रहरीसँग सम्पर्क बिहिन भएको गोकर्ण प्रहरी प्रभागका प्रमुख रामजी घिमिरेले बताए। पिडित भनिएका व्यक्ती नै सम्पर्क बिहिन भए पछी घटना शंकास्पद भएको घिमिरेले जानकारी दिए।

अमृता के सी ( रोनी )
काठमाडौँ, असोज १९। बूढानीलकण्ठ नगरपालिकाको जगडोल भञ्ज्याङ्गमा दोस्रो सुगम ब्याडमिन्टन प्रतियोगिताको शुभारम्भ गरिएको छ। बूढानीलकण्ठ नगरपालिकाका वडाहरु ११ र १३ का वडा अध्यक्ष क्रमश राजु अधिकारी र श्रीकृष्ण श्रेष्ठले सँयुक्तरुपमा प्रतियोगिताको शुभारम्भ गरेका हुन्। प्रतियोगिता एक हप्तासम्म आयोजना हुने आयोजकले जनाएको छ । प्रतियोगिता २०७८/०६/१८ गते देखि संचालन भइ २०७८/०६/२५ गते समापन हुने जानकारी दिएका छन् ।

सुगम बचत तथा ऋण सहकारी संस्था लि. र सुगम वेलफेयर सोसाइटीको संयुक्त आयोजनामा सुरु भएको प्रतियोगिता शुभारम्भ कार्यक्रमलाई सम्बोधन गर्दै आयोजक संस्था सुगम सहकारीका सल्लाहकार रवि कुमार पौडेलले गोकर्णेश्वर नगरपालिका र बूढानीलकण्ठ नगरपालिकाको संगम स्थल रहेको ठाउँ भञ्ज्याङ्गमा नमुना गाउँ बनेको दाबी गरे। नमुना गाँऊ बनाउन स्थानिय सरकार र स्थानिय संघ संस्थाहरुले ठूलो भुमिका निभाएको भन्दै प्रतियोगी खेलाडीहरुलाई शुभकामना दिए।

प्रतियोगिता शुभारम्भ कार्यक्रममा सम्बोधन गर्दै बू.न.पा. १३ का वडा अध्यक्ष श्रीकृष्ण श्रेष्ठले सुगम सहकारीले सबैलाई जोड्ने काम गरेको भन्दै खेल जित्न र हार्नको लागि मात्र नभई स्वस्थ जीवनको लागि खेल अपरिहार्य भएको बताए भने बू.न. पा ११ का वडा प्रमुख अधिकारीले खेल बिनाको जीवन नै निरर्थक भएकोले ब्याडमिन्टन प्रतियोगिता आयोजक र व्यवस्थापन टिमलाई धन्यवाद सहित भोलिका दिनहरुमा पनि उक्त प्रतियोगितालाई निरन्तरता दिन अनुरोध गरे।

“ स्वास्थ्यको लागि खेल ” भन्ने नाराका साथ वडा बू. न. पा. ११ र १३ का वडा अध्यक्षहरुले खेल खेलेर उद्घाटन गरेको कार्यक्रममा धन्यवाद ज्ञापन व्यक्त गर्दै सुगम वेलफेयर सोसाइटीका अध्यक्ष श्याम राज गौतमले व्यस्त समयमा विभिन्न ठाउँमा छरिएरका दाजुभाइ संयुक्त रूपमा खेल खेल्दा आपसी भाइचारा बढ्ने बताउदैँ उकृष्ट प्रदर्शनको लागि खेलाडिहरुलाई शुभकामना दिएका थिए ।

सरस्वती न्यौपाने, रसुवा

रसुवा जिल्लाको नौकुण्ड गाउँपालिका भित्र रहेका आठ वटा स्वास्थ्य संस्थाहरूलाई असोज १६ गते एक कार्यक्रमबीच स्वास्थ्य सामाग्री हस्तान्तरण गरिएको छ ।

रसुवा ट्रेक एण्ड एक्पिडिसनको पहलमा अमेरिकी संस्था डाईरेक्ट रिलिफ एवम् माउन्टेन हट नेपालको सहयोगमा करिब १६ लाख रूपैयाँ बराबरको सामान रसुवा ट्रेकका प्रवन्ध निर्देशक बलराम न्यौपाने (दुर्गानाथ) ले कोभिड लगायत अन्य कारणले विरामीलाई अक्सिजन अभाव हुन नदिन र बिरामीहरूलाई सहज होस भन्ने उद्देश्यले अक्सिजन उत्पादन गर्ने अक्सिजन कन्सनट्रेटर ८ थान, भोल्टेज रेगुलेटर ८ थान, पिपि सेट १५ वटा, अक्सि मिटर ८ वटा नौकुण्ड गाउँपालिकाकोवडा नम्बर ६ का वडा अध्यक्ष धर्म बहादुर थोक्रालाई हस्तान्तरण गर्नुभएको हो।
प्रवन्ध निर्देशक न्यौपानेबाट हस्तान्तरित सामग्री बुझ्दै वडा अध्यक्ष धर्म बहादुर थोक्राले तीन ओटा स्वास्थ्य चौकी र अरू ५ वटा सामुदायिक स्वास्थ्य ईकाईलाई दाताले तोके बमोजिम सम्बन्धित स्वास्थ्य संस्थामा ती सामग्री पठाउने बताउनु भयो । स्वास्थ्य प्रमुख बसन्त चालिसे, सहायक प्रमुख जिल्ला अधिकारी, दुर्गा थापा, सम्बन्धि स्वास्थ्य चौकिका ईन्चार्जहरूको उपस्थितिमा सामग्री हस्तान्तरण गरिएको हो।
उपलब्ध भएको सामग्रीले श्वासप्रश्वास भएका बिरामीलाई उपचारमा सहजता पार्ने वातावरण तयार भएको भन्दै स्थानीयहरूले खुसी व्यक्त गरे। आगामी दिनहरूमा पनि यस्तै सहयोग पाइरहने अपेक्षा उनीहरूले राखेका थिए।
उपचारका सामग्री उपलब्ध गराई स्वास्थ्यकर्मीहरूको मनोबल उच्च पारी दिने दाता संस्था लगायत पहल कदमी गरि गाउँवासीको हितमा अह्रोरात्र खट्ने सामाजिक अभियानता बलराम न्यौपाने धन्यवादको पात्र भएको सरस्यु स्वास्थ्य ईकाई प्रमुख निरन्जन तामाङले बताउनु भयो।

पीपीई सेट र अक्सिमिटर प्रारम्भ सामाजिक संस्थाबाट प्राप्त भएको वताईएको छ ।

अमृता के सी ( रोनी )
काठमाडौँ, असोज १६। नेपाली काँग्रेस १४ औं गोकर्णेश्वर नगर अधिवेशनमा अत्यधिक मतले सभापतिमा कुमार लामा निर्वाचित भएका छन् ।

गोकर्णेश्वर नगरपालिका स्थित सुनगाभा व्याङ्क्वेटमा आज भएको निर्वाचनमा जम्मा खसेको मत २०५ थियो। उक्त निर्वाचनमा उपा सभापतिमा बिकास श्रेष्ठ र बटुकृष्ण ढुंगेल, सचिवमा जयराम बिष्ट र रमेश प्रसाद रिजाल, सहसचिवमा गोकुल प्रसाद सिंखडा र अशोक नेपाल निर्वाचित भएका छन् ।

कस्ले कति मत पाए?
सभापति :-
१)कुमार लामा – १०९

उपा-सभापति:-
१)बिकास श्रेष्ठ -११५
२)बटुकृष्ण ढुंगेल -१०२

सचिव :-
१)जयराम बिष्ट – १३०
२)रमेश प्रसाद रिजाल-९०

सहसचिव :-
१)गोकुल प्रसाद सिंखडा -१०३
२)अशोक नेपाल -११४

काठमाडौँ,असोज १४। नेपाली काँग्रेस गोकर्णेश्वर नगर सचिवमा जयराम बिष्टले उम्मेद्वारी दिएका छन् ।आसन्न १४ औँ नगर अधिवेशनमा “युवालाई अवसर अग्रजलाई सम्मान ” भन्ने नाराका साथ बिष्टले उम्मेद्वारी घोषणा गरेका छन् ।

नेपाली काँग्रेस तरुण क्षेत्रीय कोषाध्यक्ष एवं गोकर्णेश्वर नगरपालिका वडा नं ३ बालुवा इकाई क्षेत्रीय प्रतिनिधि बिष्टले असोज १६ गते हुने नगर अधिवेशनमा नगर सचिवका लागि दावेदारी दिएका छन् । लामो समयदेखि समाजसेवामा सक्रिय बिष्टले सिद्धान्तनिष्ठ, सेवा र विकासमुखी राजनीति बनाउनु पर्ने बताए। बिगत पन्ध्र वर्ष देखि सामाजिक संस्था लायन्स क्लबको विभिन्न पदहरुमा रहि सेवा गरिरहेका, श्री देवि बाल सुधार मा.वि को व्यवस्थापन समितिका अध्यक्ष र स्वतन्त्र टोल सुधार समितिको समेत अध्यक्ष रहेका बिष्टले आफू सचिवमा निर्वाचित भए नेपाली काँग्रेसलाई थप क्रियासिल र चलायमान बनाउने बताए।

काठमाडौं

पोखरामा हत्या गरिएका युवा १८ बर्षीय नुभिव उप्रेतीको हत्या प्रकरणका बारेमा माईतीघर मण्डलामा शान्तिपूर्ण आन्दोलन तथा दिप प्रज्वलन गरिएको छ । गत २०७८ बैशाख ४ गते नुभिवको सब बिहान ६:४५ मा पोखरास्थित ताल वाराही मन्दिरअगाडि तैरिरहेको अवस्थामा फेला परेको भनि मृतककी आमा भिमा मैनाली उप्रेतीलाई करिव ७ बजे पोखरा प्रहरीले फोन मार्फत जानकारी गरेका थिए
। रातिसम्म घर नआएपछि यसरी कहिल्यै बिना खवर घर बाहिर नगएकाले परिवारले जावलाखेल प्रहरी मार्फत हुलिया टिपाई उनी हराएको जानकारी गराएका थिए । निकै ठूलो सम्भावना बोकेका बिभिन्न टेलिचलचित्रमा बाल कलाकारका रुपमा समेत अब्बल भुमिका निर्वाह गरेका तथा गायन, लेखन र बाध्यबाधनमा निकै राम्रो दख्खल भएका नुभिव बिभिन्न सामाजिक कार्यमा समेत सक्रिय थिए । ऊनले भुकम्पका समयमा समेत युवाहरुका लागि सचेतना मुलक काममा सक्रिय रही हालको कोभिड १९ को माहामारीमा पनि आफू जस्तै युवाहरुका लागि आवाज दिदै आएका थिए ।

रेडीयो, टेलिकाष्ट र गित संगितबाट आवाज दिने तथा योग ध्यानका कक्षा संचालन गर्दै आएका ऊनले आरम्भ नेपाल तथा युवा जस्ता सामाजिक संस्था मार्फत आफूजस्ता युवालाई सचेत गराऊन सक्रिय थिए । सानो उमेरमा समाजिकीकरण भै सकेका सक्रिय एक युवक यसरी उदाऊनै नपाई रहस्यमय तरिकाले हत्या हुनुले सतमाजमा मानवता हराएको हो त ? भन्ने आशंका पलाएको छ ।

पहिले प्रहरीले अत्महत्या भनी लुकाएको यो घटनामा हाल पोखराको लेकसाइर्डस्थित सडकहरुमा पटक पटक दागाँधर्दै लखेटी लखेटी मरन्नासन्न गरी कुटेको सि.सि. टी.भी. फुटेज प्रहरीले अनुसन्धानको क्रममा पुनर जाहेरी पश्चात् प्रहरीले भेटेपछि हाल घटनामा संलग्न ३ जनालाई पुर्पक्षका लागि जिल्ला प्रहरी कार्यालय कास्कीले थुनामा राखेको छ तर सि.सि.टि.भि.मै देखिएका अन्य शंकास्पद् व्यक्तिलाई खोज्न तथा तथा मृतकको लास जाचँ मुचुल्का गरीसकेपछि पनि मृतकको फोनबाट फोन गर्ने व्यक्ति र ऊनले प्रयोग गरेको फोन सेट तथा ऊनले बिल तिरेको पोखरास्थित ट्रेजर लाउन्ज सि.सि.टि.भि.फुटेज लुकाईनु तथा लेकसाईड स्थित मृतक संलग्न बिभिन्न ठाऊँमा सि.सि.टि.भि. जडान भएका ठाँऊबाट स्पष्ट रुपमा प्रहरी समेत प्रत्यक्षदर्शी हुदा हुदै एक भविष्यका कर्णधार,एक कुशल युवा कलाकारको रहस्यमय हत्या भएकाले सोह्र श्राद्धको पञ्चमी तिथि पारी कलाकार संघका अध्यक्ष श्री रविन्द्र खड्का, उपाध्यक्ष श्री मोहन निरौला, कलाकार तथा समाजसेवी विश्व वस्नेत, कलाकार अभय बराल, ममता, लेखक कलाकार जयाँ ओझा, भक्त पोखरेल,रुपेन्द्र शिवाकोटी,यादव अधिकारी समाजसेवी गोमा खनाल तथा समाजसेवी तथा चलचित्रकर्मी सरिता राजोपाध्याय, शिक्षकहरु,पत्रकारहरु, व्यवसायी, मृतकका परिवारहरु, साथीहरु तथा बिभिन्न पेशा व्यवसायीहरुको सक्रियतामा शान्तिपूर्ण आन्दोलन तथा मृतकको आत्माको चीर शान्तिका लागि दीप प्रज्वलन गरिएको थियो ।

काठमाडौँ, असोज ११ । गोकर्णेश्वर नारायणटार बागमती पुल नजिक बस भित्रै चालक मृत अवस्थामा फेला परेका छन्।

सोमबार बिहान बा ५ ख ६५३० नं को बाबा गोकर्णेश्वर बसमा आइतबार राती सुतेका चालकलाई सहचालकले फोन गर्दा फोन नउठाए पछि आएर हेर्दा मृत अवस्थामा फेला परेका हुन्। चालक मृत अवस्थामा फेला परे पछी सहचालकले प्रहरीलाई खबर गरेका थिए । दोलखा फिरफिरे घर भई हाल मुलपानी बस्ने अन्दाजी बर्ष ४५ का बाबा गोकर्णेश्वर यातायातका चालक तुलाराम उप्रेती (बलराम) भनिने व्यक्ति मृत अवस्थामा फेला परेका हुन् । शवलाई पोष्टमार्टमको लागि अस्पताल लागिएको छ भने घटनाको थप अनुसन्धान भईरहेको प्रहरीले जानकारी गराएको छ ।

अमृता के सी ( रोनी )
काठमाडौँ, असोज ८ । नेपाली काँग्रेसकाे १४ औं इकाई अधिवेशन नगरपालिका अन्तर्गतका वडाहरूमा धमाधम सम्पन्न भैरहेको छ । नेपाली काँग्रेस काठमाडौँ क्षेत्र नं ३ प्रदेश “ख” को सचिव तथा गोकर्णेश्वर नगरपालिकाको उपप्रमुख शान्ति नेपाल र कोषाध्यक्ष किरण के.सी.को वडा रहेकोे गोकर्णेश्वर-४ मा अधिवेशन शुरु भएको चार दिन पछि इकाई र क्षेत्रीय प्रतिनिधि सर्वसम्मत हुन नसकेपछि अन्तत आज निर्वाचन पद्धतिबाट नेतृत्व चयन भएको छ। गोकर्णेश्वर नगरपालिका वडा नं ४ स्थित सुनगाभा पार्टी प्यालेसको सभाहलमा गरिएको निर्वाचनमा गो.न.पा. वडा नं ४ को इकाई सभापतिमा ज्ञान कुमार श्रेष्ठ निर्वाचित भएका छन् । उक्त निर्वाचनबाट नेपाली काँग्रेस काठमाडौँ जिल्ला क्षेत्र नं ३ प्रदेश “ख ” गोकर्णेश्वर नगरपालिका वडा नं ४ को वडा अधिवेशनमा निर्वाचित १० जना क्षेत्रीय प्रतिनिधिहरु तपशिल रहेका छन् ।

कसले कति मत पाए ?

१) जयराम महत – १४९
२) सन्त कुमार श्रेष्ठ – १४६
३) राजेश श्रेष्ठ – १३९
४) किरण केसी – १३६
५) दयराम श्रेष्ठ – १२७
६) मनराज श्रेष्ठ -११८
७) विकेश श्रेष्ठ – ११६
८) सुदर्शन सिग्देल – ११२
९) दिपक प्रसाद ढुंगाना- ११०
१०) रामजी श्रेष्ठ – १०८

अमृता के सी ( रोनी )
काठमाडौँ, असोज ६। नेपाली काँग्रेसकाे इकाई अधिवेशन नगरपालिका अन्तर्गतका वडाहरूमा सम्पन्न भएकाे छ। सबै इकाईमा सर्वसम्मत नेतृत्व चयन गरिएकाे छ । प्राय वडामा बुथ प्रतिनिथि पनि सर्वसम्मत चयन भएकाे छ ।गोकर्णेश्वर नगरपालिकाको वडा नं ५ मा इकाई देखि क्षेत्रीय प्रतिनिधि सबै सर्वसम्मत चयन गरिएकाे छ ।

नेपाली काँग्रेस गोकर्णेश्वर नगरपालिका वडा नं ५ को इकाई सभापतिमा शेखर सुवेदी सर्वसम्मतले निर्वाचित भएका छन्। मंगलबार पिस ब्यान्केट जोरपाटीमा भएको वडा अधिवेशनबाट क्षेत्रीय प्रतिनिधिमा निर्वाचित श्री बहादुर योगी लगायतको टिमले सर्वसम्मत रुपमा अधिवेशन सम्पन्न गर्नको लागि महत्वपूर्ण भूमिका खेलेको र यसबाट अन्य वडाका साथै देशका अन्य क्षेत्रमा पनि सकारात्मक सन्देश गएको जानकारी गराए । नवनिर्वाचित निर्विराेध इकाई समिति यस प्रकारकाे रहेकाे छः

सभापतिः शेखर सुवेदी

उपसभापतिः ज्योति पुडासैनी, सन्तोष लामा

सचिवः दिपक लामा, सन्तोष सुवेदी

सहसचिवः दिपक सापकोटा, रामकुमार तामाङ

सदस्यः देवकी ढुंगाना ,बिन्दा खतिवडा, सोनु लामा रिना थापा सुवेदी, संदेश बराल, राजेन्द्र लम्साल, अजय ढकाल , केशब नेपाल प्रकाश सुवेदी, लक्ष्मी राजामगर, राम बहादुर बस्नेत, लाक्पा शेर्पा, बिरेन राइ नरेश बराल, सुदिप खतिवडा, ममता पुडासैनी, दिपक पुडासैनी, दिपक बस्नेत, सुमित्रा सुनुवार चन्द्रिका लामा, आकाश लामा र प्रदिप लामा सर्वसम्मत रुपमा चयन भएका हुन् ।

काठमाडौँ, असोज ६ ।नेपाली काँग्रेस काठमाडौँ जिल्ला क्षेत्र नं ३ अन्तर्गत गोकर्णेश्वर नगरपालिका वडा नं ९ को इकाइ सभापति लागायतका सम्पुर्ण पदमा सर्वसम्मत चयन भएको छ ।वडा नंं ९ को इकाइ सभापतिमा राजिव थापा सहित सबै पदाधिकारी सर्वसम्मत रुपमा चयन गरेको हो ।

अधिवेशनबाट उपसभापतिमा निर्मल खतिवडा र विष्णु केसी, सचिव केशव अधिकारी र श्रीकृष्ण कारञ्जीत, उपसचिव उमेश चालिसे, कोषाध्यक्ष अस्मिता श्रेष्ठ, सुजीत सिं ठकुरी र मनोनित कोषाध्यक्ष रोहित देवकोटा चयन भएका हुन्।

उक्त अधिवेशन काठमाडौं क्षेत्र नं. ३ का सभापति एवं गोकर्णेश्वर नगरपालिकाका प्रमुख सन्तोष चालिसेको प्रमुख आतिथ्यतामा सम्पन्न भएको हो। अधिवेशनलाई सम्बोधन गर्दै नगर प्रमुख चालिसेले वडा नंं ९ मा विगत देखि नै सर्वसम्मत रुपमा नेतृत्व चयन गर्दै आएको बताउँदै यसबाट अन्य क्षेत्रमा पनि सकारात्मक सन्देश जाने बताए।

अमृता के सी ( रोनी )
काठमाडौँ, असोज ६ । नेपाली काँग्रेस काठमाडौं जिल्ला क्षेत्र नं ४ अन्तर्गत बूढानीलकण्ठ नगरपालिका वडा नं ११ को इकाई सभापति लागायतका सम्पुर्ण पदमा सर्वसम्मत चयन भएको छ । वडा नंं ११को इकाई सभापतिमा राधेश्याम कार्की सहित सबै पदाधिकारी सर्वसम्मत रुपमा चयन गरेको हो ।

बूढानीलकण्ठ नगरपालिका वडा नं ११ स्थित कपन संगित सरोवर डवलि मन्चमा मंगलबार भएको अधिवेशनबाट उपसभापति डिल्ली रिजाल र नारायण खड्का, सचिवमा आनन्द अधिकारी र सुदर्शन के सी साथै सहसचिवमा उत्तम पौडेल र सबिना देवकोटा चयन भएका हुन्।

जेष्ठ नागरिक एवं क्रियाशिल सदस्य गुण बहादुर खड्काको प्रमुख आतिथ्यतामा सम्पन्न अधिवेशनको क्षेत्रीय प्रतिनिधिहरुमा आत्माराम पौडेल, शशी प्रसाद शर्मा, बिनोद चालिसे, रामकृष्ण के सी, अच्युत प्रसाद पौडेल, राजाराम बुढाथोकी, दिलिप खत्री, सन्तोष भण्डारी, युवराज संग्रौला र विशु कुमार के सी चयन भएका छन्।

उक्त अधिवेशनबाट खस आर्य तर्फ ज्योती के सी, राजेन्द्र बुढाथोकी, राजेन्द्र अधिकारी, रमा रिजाल र पार्वती अधिकारी (के सी) निर्वाचित भएका छन् भने खुल्ला महिला तर्फ शर्मिला गौतम के सी, आरती कार्की, बविता बुढाथोकी, सुनिता घिमिरे पौडेल र सोम कुमारी घिमिरे चयन भएका हुन्।१४ औं नेपाली काँग्रेस वडा अधिवेशनमा निर्वाचित बूढानीलकण्ठ नगरपालिकाको वडा नं ११ को क्षेत्रीय प्रतिनीधिहरुको नाम तपसिल बमोजिमको छ।

अमृता के सी ( रोनी )
काठमाडौँ, असोज ६ ।काठमाडौँ क्षेत्र नं ३ नेपाली काँग्रेस गोकर्णेश्वर नगरपालिका वडा नं ३ को इकाई सभापतिमा श्याम बहादुर श्रेष्ठ निर्वाचित भएका छन्। गोकर्णेश्वर वडा नं ३ का वडा अध्यक्ष राजेन्द्र कुमार भण्डारीको प्रमुख आतिथ्यता अधिवेशन सम्पन्न भएको थियो ।

अधिवेशनबाट वडा नं ३ को उपसभापतिमा राम कृष्ण श्रेष्ठ निर्वाचित भएका छन् भने सचिवमा मैना गिरी र जन्जित के सी अत्यधिक मतले निर्वाचित भएका छन् ।उक्त अधिवेशनले कोषाध्यक्षमा निर्मला कामी, सहसचिवमा विजय श्रेष्ठ र जनक गिरी निर्विरोध निर्वाचित भएका छन्।

अधिवेशनमा निर्वाचन समितिलाई धन्यवाद दिदै वडा अध्यक्ष भण्डारीले जो निर्वाचित भएपनी सबैको व्यक्तिगत विजय नभई काँग्रेसको विजय भएको भन्दै निर्वाचित सबैलाई बधाई तथा शुभकामना दिए।साथै सबै क्रियाशिल सदस्यहरू हातेमालो गरि अघि बढ्न अनुरोध गरे।

काठमाडौँ, असोज ५ ।नेपाली काँग्रेस बूढानिलकण्ठ -१३ को सभापतिमा भाइनारायण श्रेष्ठ निर्वाचित भएका छन् । बूढानिलकण्ठ नगरपालिका वडा नं १३ को सार पार्टी प्यालेसमा मंगलबार भएको वडा अधिवेशनले श्रेष्ठलाई सभापतिमा चयन गरेको हो।श्रेष्ठको अध्यक्षतामा उपसभापतिमा निवेश श्रेष्ठ र रामलाल श्रेष्ठ सचिब दिनेस श्रेष्ठ र विकास श्रेष्ठ निर्वाचित भएका छन्।

सह सचिवमा श्याम काजी श्रेष्ठ र दिनेश नगरकोटीलाई निर्वाचित गरेको अधिवेशनमा विशाल श्रेष्ठ ,रामचन्द्र श्रेष्ठ ,संकल्प श्रेष्ठ , संकल्प श्रेष्ठ ,रोसन श्रेष्ठ ,किरण श्रेष्ठ ,राम नगरकोटी ,बिनोद श्रेष्ठ ,पार्वती श्रेष्ठ ,सुस्मिता पाण्डे ,ममता श्रेष्ठ ,संगीता श्रेष्ठ ,सहकुल कार्की ,राजेन्द्र खत्री ,कविता खत्री ,कल्पना पौडेल ,बिजेन्द्र श्रेष्ठ ,राजन श्रेष्ठ ,कल्पना श्रेष्ठ र सम्झना श्रेष्ठ सदस्यमा निर्वाचित भएका छन्।

काठमाडौँ, असोज ४ । नेपाली काँग्रेसको आसन्न १४ औं अधिवेशनका लागि नेपाली काँग्रेस गोकर्णेश्वर नगरपालिका वडा नं ३ ईकाइ सभापतिमा किरण बहादुर बिष्टले दाबी गरेका छन्। अनुशासन,आर्थिक पारदर्शिता, पार्टी प्रतिको ईमान्दारिता र निरन्तरता नै आफ्नो उम्मेद्वारीको मुख्य आधार रहेको बताउदै बिष्टले आसन्न १४ औं अधिवेशनका लागि नेपाली काँग्रेस गोकर्णेश्वर नगरपालिका वडा नं ३ को ईकाइ सभापतिमा दाबी गरेका हुन् ।

नेपाली काँग्रेसको गौरवमय इतिहासलाई सम्मान गर्दै गतिशील र बैचारिक संगठन निर्माणका लागि भन्दै बिष्टले उम्मेद्वारी घोषणा गरेका हुन्। लामो समय देखि नेपाली काँग्रेसमा सक्रिय रहेका बिष्ट अनुशासित र जुझारु नेपाली काँग्रेसलाई सहि दिशा प्रदान गर्ने कुशल छवि भएको व्यक्ती हुन् ।
काँग्रेसको राजनीतिमा सक्रिय बिष्ट हालका पनि इकाई सभापति हुन् । उनले नगरपालिका भित्र विभिन्न सामाजिक संघ सस्थामा क्रियाशील रहदै समाजसेवामा सक्रिय भूमिका खेल्दै आउनुले उनि राजनीतिक मात्र नभई सामाजिक व्यक्तित्व पनि भएको प्रष्ट बुझिन्छ। आजसम्म कसैलाई पनि घाटा हुने काम नगरेको बताउने उनले समाजमा भए गरेका विकास निर्माणमा सहभागिता जनाउदै आएका छन् ।

उनले अहिले सम्म आफूले पार्टी र समाजमा गरेको योगदानको कदर हुने समेत बिश्वास व्यक्त गर्दै बिगतमा भएका कमि कमजोरीलाई सच्याउदै उनले विधि पद्धतिमा रहेर पार्टीलाई सक्रिय बनाउने, काम गर्दा सबैसँग सल्लाह गरेर मात्र गर्ने र आउँदै गरेको चुनावमा पार्टीलाई अत्याधिक मतका साथ जिताउने गरी काम गर्ने योजना बनाएर आफूले इकाई सभापतिका लागि उम्मेद्वारी घोषणा गरेकोले सबै क्रियाशिल दाजुभाई दिदीबहिनीहरुलाई अत्यधिक मत दिई निर्वाचित गर्न समेत आग्रह गरेका छन् ।

दोलखा, भाद्र २४

छिरिङ डोल्मा शेर्पा फाउन्डेसन र लायन्स क्लब अफ नेपाल शेर्पाजको संयुक्त आयोजनामा लपिलाङ -५, कालिन्चोव्क दोलखाका पहिरो पीडितलाई राहत वितरण गरेका छन् । कालिन्ङचोक गापा लापिलाङ वडा ४, इकाई इन्चार्ज सहदेव खड्काको सभापतित्वमा सम्पन्न कार्यक्रममा फाउण्डेसनका अध्यक्ष शेर्पाले राहत प्रदान गरेका हुन् ।

पहिरो पिडितहरुलाई ३५६ ब्लाकेन्ट, १०८ ऊनी सुइटर, ४००० पिस मास्क र ४००० लिटर स्यानिटाइजर बितरण गरेका छन् । कार्यक्रममा बोल्दै शेर्पाले; “फाउण्डेसनले भविष्यमा पनि यस्ता कार्यक्रमलाई निरन्तरता दिने” बताएका छन्।

काठमाडौँ, भाद्र २४। बूढानीलकण्ठ नगरपालिका वडा ११ स्थित सूर्यमुखी महिला समूहकाे भवनमा “गरिबी निवारणका लागि लघु उद्यम विकास कार्यक्रम” (मेडपा) अन्तर्गतकाे ४५ दिने एडभान्स सिलाई कटाई तालिम सुरू भएकाे छ ।“सीप सिकाै, सीपकाे सदुपयाेग गरी उद्यमी बनाै” नारका साथ उपप्रमुख रमा देवी राइद्वारा कपडा सिएर यस तालिम उट्घाटन गरिएकाे हो ।

बूढानीलकण्ठ नगरपालिकाले दक्ष जनशक्ति उत्पादन गरि गरिबी निवारण गर्नका लागि विभिन्न कार्यक्रमहरु ल्याएको छ।यसका लागि नगरपालिकाले विभिन्न समयावधीमा सिपमुलक कार्यक्रमहरू संचालन गर्दै आएकाे छ । जस अन्तर्गत बुधबार एक कार्यक्रम बिच एडभान्स सिलाइ कटाइ तालिमको सुरु भएकाे हो ।

तालिमका लागि नगरपालिकाले रू. ३ लाख १५ हजारकाे लागत छुट्टाएकाे छ। सीप सिकाउनका लागि ७ वटा कपडा सिलाउने मेसिन, १ वटा इन्टरलक मेसिन, २ वटा आइरन, १३ प्रकारका कपडाहरू लगायतका सिकाईका लागि आवश्यक सरसामान खरिद गरिएकाे छ । उपलब्ध मेसिनहरू तालिम पश्चात उत्कृष्ट प्रशिक्षार्थीहरूलाइ कुल रकमकाे ८० प्रतिशत छुटमा बिक्री गरिने जानकारी गराईएको छ ।