Category: खेलकुद

काठमाडौंँ, २६ असारः कप्तान किलियन एमबाप्पे र उसमान डेम्बेलेको गोलमा मोरक्कोलाई हराउँदै फ्रान्स फिफा विश्वकप २०२६ को सेमिफाइनलमा प्रवेश गरेको छ । अमेरिकाको बोस्टन स्टेडियममा आज भएको पहिलो क्वाटरफाइनल खेलमा मोरक्कोलाई २–० गोलले पराजित गर्दै फ्रान्स विश्वकपको सेमिफाइनलमा पुगेको हो । एमबाप्पेले पहिलो हाफमा पेनाल्टीमार्फत गोल गर्न सकेनन् । दोस्रो हाफमा भने गोल गर्न सफल भए भने अर्को गोलको लागि सहयोगी बने ।

फ्रान्स लगातार तेस्रोपटक विश्वकपको सेमिफाइनलमा प्रवेश गरेको हो । यसअघि फ्रान्सले सन् २०१८ मा विश्वकपको ट्रफी जितेको थियो भने २०२२ मा उपविजेता बनेको थियो । आज खेलको ६०औँ मिनेटमा एम्बाप्पेले गोल गर्दै फ्रान्सलाई पहिलो अग्रता दिलाए । त्यसपछि खेलको ६६औँ मिनेटमा उनले नै पास मिलाएपछि उस्मान डेम्बेलेले गोल गर्दै फ्रान्सको अग्रता दोब्बर बनाए । यसपछि खेलमा थप गोल हुन सकेन र फ्रान्सले मोरक्कोमाथि २–० गोलको जित निकाल्यो । फ्रान्सले अब सेमिफाइन खेलमा बेल्जियम र स्पेनबीचको विजेता टोलीसँग प्रतिस्पर्धा गर्नेछ ।

काठमाडौँ, २४ असारः कोलम्बियालाई हराउँदै स्वीट्जरल्यान्ड फिफा विश्वकप २०२६ को क्वार्टरफाइनलमा प्रवेश गरेको छ । क्यानडाको बिसी प्लेस भ्यानकुभर स्टेडियममा आज भएको खेलमा स्वीट्जरल्यान्डले पेनाल्टी सुटआउटमा कोलम्बियालाई ४–३ ले हराउँदै क्वार्टरफाइनलमा प्रवेश गरेको हो ।

खेलको निर्धारित ९० मिनेटमा र त्यसपछि थपिएको ३० मिनेटको अतिरिक्त समयमा पनि गोल हुन नसकेपछि खेल पेनाल्टी सुटआउटमा पुगेको हो । स्वीट्जरल्यान्डको जितमा ग्रानिट जाका, जेकी आम्दोनी, सेड्रिक इटेन र रुबेन वर्गासले गोल गरे । त्यस्तै म्यानुअल अकांजीको प्रहार भने बहिरियो ।

प्रतियोगितामा कोलम्बियाका लागि जुआन क्विन्टेरो, जामिन्टन क्याम्पाज र लुइस डियाजले गोल गर्दा डेभिन्सन सान्चेज र कुचो हर्नान्डेजको प्रहार बाहिरियो । यससँगै विश्वकपको अन्तिम १६ को खेल सकिएको छ । 

काठमाडौँ, २३ असारः फिफा विश्वकपको राउन्ड अफ(१६ अन्तर्गत भएको रोमाञ्चक प्रतिस्पर्धामा स्पेनले पोर्चुगललाई १–० ले पराजित गर्दै क्वाटरफाइनलमा स्थान सुरक्षित गरेको छ ।

अमेरिकाको डलास खेलमैदानमा भएको खेलमा निर्धारित ९० मिनेटसम्म दुवै टोलीले गोल गर्न नसकेपछि खेल अतिरिक्त समयमा जाने सङ्केत देखिएको थियो । तर खेलको दोस्रो हाफको अतिरिक्त समयमा मिकेल मेरिनोले निर्णायक गोल गर्दै स्पेनलाई महत्वपूर्ण जित दिलाए ।

यो जितसँगै स्पेन विश्वकपको क्वाटरफाइनलमा प्रवेश गरेको छ भने पोर्चुगलको उपाधि यात्रा राउन्ड अफ–१६ मै समाप्त भएको छ । यसैबीच, स्पेन १६ वर्षपछि विश्वकपको क्वाटरफाइनलमा प्रवेश गरेको हो । यसअघि सन् २०१० मा विश्वकप च्याम्पियन बनेको स्पेन त्यसयता क्वाटरफाइनलमा पुग्न सकेको थिएन । अन्तिम समयमा विजयी स्पेन विजयी भएसँगै पोर्चुगल विश्वकपबाट बाहिरिएको छ ।

काठमाडौँ, १९ असारः फिफा विश्वकप २०२६ अन्तर्गत आज भएको खेलमा क्रोएसियालाई पराजित गर्दै पोर्चुगल विश्वकपको अन्तिम १६ मा प्रवेश गरेको छ । क्यानडाको टोरन्टो स्टेडियममा आज भएको खेलमा पोर्चुगलले क्रोएसियालाई २–१ गोलअन्तरले पराजित गर्दै विश्वकपको अन्तिम १६ मा प्रवेश गरेको हो । पोर्चुगलको जितमा क्रिस्टियानो रोनाल्डो र गोन्कालो रामोसले समान एक एक गोल गरे । खेलमा पहिलो अग्रता भने क्रोएसियाले लियो । खेलको ५३ औँ मिनेटमा इभान पेरिसिसचले गोल गर्दै टोलीलाई सुरुआती अग्रता दिलाए ।

त्यसपछि खेलको ६८ औँ मिनेटमा पोर्चुगलका क्रिस्टियानो रोनाल्डोले गोल गर्दै खेललाई एक एक गोलको बराबरीमा ल्याए । खेलको दोस्रो हाफको अतिरिक्त समयमा रामोसले गोल गरे । त्यसयता खेलमा गोल हुन सकेन र पोर्चुगलले क्रोएसियामाथि २–१ गोलको जित हासिल गर्यो । अब पोर्चुगलले अन्तिम १६ मा स्पेनसँग प्रतिस्पर्धा गर्नेछ ।

काठमाडौँ, १७ असारः फिफा विश्वकप फुटबल प्रतियोगिताअन्तर्गत आज भएको खेलमा फ्रान्स स्विडेनलाई पराजित गर्दै अन्तिम १६ मा पुगेको छ । अमेरिकाको न्यूयोर्कस्थित न्यूजर्सी रङ्गशालाा भएको खेलमा फ्रान्सले स्विडेनलाई ३–० गोलअन्तरले पराजित ग¥यो । फ्रान्सको जितमा खेलको ४५औँ र ७४औँ मिनेटमा किलियन एम्बाप्पेले गोल गरे भने खेलको ५३औँ मिनेटमा ब्राडली बारकोलाले गोल गरे । अब अन्तिम १६ मा फ्रान्सले पाराग्वेको सामना गर्नेछ । अन्तिम–३२ को खेलअन्तर्गत गए राति भएको खेलमा नर्वेले आइभरी कोस्टलाई २–१ गोलअन्तरले पराजित गरेको थियो ।

काठमाडौँ, १७ असारः फिफा विश्वकप फुटबल प्रतियोगिताअन्तर्गत आज भएको खेलमा आइभरी कोस्टलाई पराजित गर्दै नर्वे अन्तिम १६ मा पुगेको छ ।
अमेरिकाको डलास रङ्गशालामा भएको खेलमा नर्वेले आइभरी कोस्टलाई २–१ गोलअन्तरले पराजित ग¥यो । नर्वेका लागि खेलको ३९औँ मिनेटमा एन्टोनियो नुसाले गोल गरे ।

खेलको ७४औँ मिनेटमा आइभरी कोस्टका लागि अमाद डियाल्लोले गोल गर्दै खेल बराबरीमा ल्याए । त्यसपछि खेलको ८६औँ मिनेटमा एर्लिङ हल्याण्डले गोल गर्दै नर्वेलाई २–१ को अग्रता दिलाए । त्यसपछि खेलमा कुनै पनि गोल भएन र नर्वे अन्तिम १६ मा पुग्यो । अब अन्तिम १६ मा नर्वेले ब्राजिलको सामना गर्नेछ ।

कोलालम्पुर, १६ असार (रासस–सिन्ह्वा) । फिफा विश्व कप सन् २०२६ सँग सम्बन्धित अवैध खेलकुद सट्टेबाजी र अनलाइन जुवा गतिविधिहरूलाई लक्षित गरी सुरु गरीएको राष्ट्रव्यापी अपरेसनमा ३३१ जनालाई पक्राउ गरिएको मलेसियन अधिकारीहरूले घोषणा गरेका छन् । उनीहरुको बीचबाट लगभग ३५ हजार अमेरिकी डलर नगद जफत गरिएको तथा छ लाख ४० हजार अमेरिकी डलर भन्दा बढीको सट्टेबाजी लेनदेनको पर्दाफास भएको बुकिट अमन आपराधिक अनुसन्धान विभागका निर्देशक एम कुमार एस मुथुवेलुले विज्ञप्ति मार्फत जनाउनु भएको छ ।

मलेसियन कम्युनिकेसन एण्ड मल्टिमेडिया कमिसन ९एमसीएमसी० को सहकार्यमा गत जुन –११ मा सुरु भइ जुलाई –१९ सम्म जारी रहने अपरेसनले देशव्यापी रुपमा २९३ वटा छापा मारी वेबसाइट र सामाजिक सञ्जाल मार्फत जुवा सम्बन्धी विज्ञापन र प्रचार गतिविधिहरूको निगरानी गरिएको उनले बताए । उनका अनुसार अधिकारीहरूले १८५ वटा वेबसाइटहरू, विभिन्न अनलाइन प्लेटफर्महरू, र सामाजिक सञ्जालका खाताहरू फुटबल सट्टेबाजी र जुवा प्रचारका लागि प्रयोग भइरहेको पहिचान गरेको उल्लेख गरेका छन् ।

काठमाडौँ, १३ असारः उसमान डेम्बेको ह्याट्रिकमा फ्रान्सले नर्वेलाई पराजित गर्दै फिफा विश्वकप २०२६ अन्तर्गत समूह आइको विजेता बन्दै नकाउट चरणमा पुगेको छ । अमेरिकाको बोस्ट्न स्टेडियममा सम्पन्न समूहको अन्तिम खेलमा नर्वेलाई ४–१ ले पराजित गर्दै फ्रान्स समूह बिजेता बनेको हो । फ्रान्सको लगातार यो तेस्रो जित हो । फ्रान्सले यसअघि सेनेगलाई ३–१ र इराकलाई ३–० ले पराजित गरेको थियो ।

अठाइस वर्षपछि विश्वकपमा फर्कको नर्वे भने समूह उपविजेता बन्दै नकआउट चरणमा पुगेको छ । खेलमा डेम्बेलेले खेलको पहिलो हाफको ३२आँै मिनेटभित्रै ह्याट्रिक पुरा गरेका थिए । उनले खेलको सातौँ मिनेटमा गोल गर्दै फ्रान्सलाई पहिलो अग्रता दिलाए । त्यसपछि खेलको २०औँ मिनेटमा डेम्बेलेले व्यक्तिगत दोस्रो गोल गर्दै फ्रान्सको अग्रता दोब्बर बनाए । खेलको २१आँै मिनेटमा नर्वेका लागि थेलो आसगार्डले गोल गर्दै खेलमा फर्काउने प्रयास गरे । तर खेलको ३२औँ मिनेटमा डेम्बेलेले गोल गर्दै ह्याट्रिक पूरा गर्दै फ्रान्सलाई ३–१ को अग्रता दिलाए ।

खेलको ५०औँ मिनेटमा नर्वेका योर्गन स्ट्रान्ड लार्सनले पेनाल्टीमा गोल गर्न चुके सकेनन् । त्यसपछि खेलको दोस्रो हाफको अतिरिक्त समयमा फ्रान्सका डिजायर डोएले गोल गरेपछी फ्रान्सले नर्बेमाथी ४–१ को जित निकाल्यो । आजै भएको यसै समूहको अर्को खेलमा सेनेगलले इराकलाई ५–० गोलअन्तरको पराजित गर्दै जित हासिल गरेको छ । यससङै समूह आइमा अमेरिकाले नौ अङ्क बटुलेको छ भने नर्बेको ६ अङ्क छ । तेस्तै सेनेगलले तीन अङ्क जोड्दा इराक भने अङ्कबिहीन रहँदै विश्वकपबाट बाहिरियो ।

लस एन्जलस, १२ असार (रासस÷एएफपी) । फ्रान्स र नर्वेबीच शुक्रबार विश्वकपको महत्वपूर्ण समूह ‘आई’ को निर्णायक खेलमा लयमा रहेका गोलकर्ता किलियन एमबाप्पे र एर्लिङ हालान्डबीच रोमाञ्चक भिडन्त हुने भएको छ । रियल मड्रिडका स्टार एमबाप्पे र म्यानचेस्टर सिटीका स्ट्राइकर हाल्यान्डले प्रतिस्पर्धाको सुरुवातदेखि नै उत्कृष्ट प्रदर्शन गरेका छन् । अर्जेन्टिनाका लियोनल मेसी पाँच गोलसहित गोल्डेन बुटको दौडमा पहिलो स्थानमा रहेपनि एमबाप्पे र हाल्यान्ड दुवैले ४–४ गोल गरेका छन् र गोल्डेन बुटको दौडमा दोस्रो स्थानमा छन् ।

स्थानीय समय अनुसार शुक्रबार दिउँसो ३ः०० बजे बोस्टनको फक्सबरोमा हुने यो भिडन्तमा समूहको शीर्ष स्थानका लागि प्रतिस्पर्धा हुनेछ । सेनेगल र इराकलाई सहजै हराएको फ्रान्सको प्रदर्शन प्रभावशाली छ । उनीहरूको राम्रो गोल अन्तरका कारण फ्रान्सलाई समूहको पहिलो स्थानमा रहनका लागि बराबरी मात्र काफी छ ।

त्यसैगरी नर्वेको पनि अहिलेसम्मको खेलमा निकै राम्रो प्रदर्शन भइरहेको छ । नर्वेले आफ्नो पहिलो खेलमा इराकलाई ४–१ ले हराएको थियो भने सोमबार सेनेगललाई ३–२ ले पराजित गरेको थियो । पहिलो पटक विश्वकप खेलिरहेका २५ वर्षीय हाल्यान्डप्रतिको विश्वव्यापी ध्यानाकर्षणले उहाँलाई थप उत्साहित बनाएको छ । उनको आक्रामक र उत्साही खेलशैलीले फ्रान्सको अनुभवी प्रतिरक्षालाई पनि चुनौती दिन सक्छ ।

सेनेगलमाथिको जितपछि अन्तिम ३२ मा स्थान बनाएपछि हल्यान्डले फ्रान्ससँग खेल्नु कुनै चिन्ताको बिषय नभएको बताएका थिए । नर्वेलाई उपाधि दाबेदार हो भनी सोधिएको सवालमा उनले प्रतिस्पर्धामा रहेको कुनै पनि टोलीको उद्देश्य राम्रो नतिजा हात पार्नु रहने बताएका थिए । “बिल्कुल पनि विश्वकप जित्ने अभिलाषा कुनै पनि खेलाडीको लागि सुनौलो सपना हुन्छ,तर निर्णय ९० मिनेटको प्रतिस्पर्धामा खेलमा टोलीले समात्ने लयले निर्धारण गर्छ,” उनले फक्स टेलिभिजनसँग भने ।

“हामीले अहिले १२ खेलमा लगातार जित हासिल गरेका छौँ। म एउटा विशेष कुराको हिस्सा बनेको छु, इतिहास रचिरहेको छु र नर्वेजियन भएकोमा अत्यन्त गर्व गरिरहेको छु”, उनले भने, “फ्रान्ससँग खेल्नु ‘मेरो लागि कुनै विशेष होइन ।” “हामीहरूले उनीहरूमाथि जित्ने सम्भावना जति रहेको छ त्यति नै सम्भावना उनीहरूको रहन्छ । त्यो सबै खेलले बताउनेछ,” उनले भने ।

फ्रान्स र एमबाप्पेको तयारीमा यस हप्ता टोलीका व्यवस्थापक दिदिएर देसाम्प्सको आमाको निधनले टोलीलाई अस्थायी रूपमा सहायक प्रशिक्षक गाई स्टेफानले देसाम्प्सले हेर्नेछन् । यद्यपि फ्रान्स समूहमा दोस्रो भएमा जुलाई १९ को फाइनलसम्मको बाटो थप कठिन हुन सक्ने भएकाले कुनै गल्ती गर्न चाहँदैन । पराजय भएमा उनीहरूले अन्तिम ३२ मा आइभरी कोस्टसँग खेल्नुपर्नेछ, त्यसपछि सम्भवतः ब्राजिलसँग अन्तिम १६ मा खेल्नुपर्नेछ । फ्रान्सको क्वार्टरफाइनलमा इङ्ल्यान्ड र सेमिफाइनलमा अर्जेन्टिनासँग भेट हुन सक्नेछ ।

शुक्रबारका अन्य खेलहरूमा, स्पेनले मेक्सिकोको ग्वाडालाहारामा उरुग्वेसँगको खेलमा समूह ‘एच’ को शीर्ष स्थान पक्का गर्न प्रयास गर्नेछ ।

उरुग्वेलाई अन्तिम ३२ मा पुग्नका लागि यो खेलमा कम्तीमा एक अंक आवश्यक छ, किनकि उनीहरूले दोस्रो खेलमा कमजोर टोली केप भर्डेसँग २–२ को बराबरी खेलेका थिए । स्पेन बराबरीबाटै समूहको पहिलो स्थानमा पुग्नेछ। केप भर्डेले भने साउदी अरबमाथि जित हासिल गर्दै आफ्नो सपना (अभियान) लाई जारी राख्ने प्रयास गर्नेछ ।

समूह ‘जी’ मा इजिप्टले सियाटलमा इरानलाई हराएर शीर्ष स्थान पक्का गर्न प्रयास गर्नेछ। यो खेल विवादास्पद बनेको छ। यो खेल सियाटलमा गौरवको उत्सवको भाग हो र स्थानीय अधिकारीहरूले यसलाई ‘प्राइड म्याच’ नाम दिएका छन् । इरान र इजिप्टका अधिकारीहरूले यो खेलको क्रममा हुने गौरव गाथाको विरोध गरेका छन् । इरानमा समलिङ्गी सम्बन्ध इस्लामिक कानुनअनुसार अवैध छ र मृत्युदण्डसम्म हुन सक्छ। इजिप्टमा पनि अस्पष्ट कानुनअन्तर्गत यसलाई दण्डनीय बनाइन्छ ।

समूह ‘जी’को को अर्को खेलमा, केभिन डे ब्रुइन र रोमेलु लुकाकु भएको बेल्जियमको टोलीले न्यूजिल्यान्डलाई हराएर नकआउट चरणमा पुग्ने प्रयास गर्नेछ । यदि उनीहरू सफल भए भने मोरक्को र ब्राजिलसँग हारेर तेस्रो स्थानको दर्जामा पुछारमा रहेको स्कटल्याण्डले बाहिरिनु पर्ने सम्भावना छ ।

“मलाई लाग्छ हामीले आफैँलाई अलिकति निराश बनायौँ”, स्कटल्याण्डका मिडफिल्डर लुइस फर्गुसनले भने, “केही खेल हेर्न र नतिजा पर्खन अलिक तनावपूर्ण हुनेछ, तर यो पर्खाइको खेल मात्र हो ।” यसैबीच, इक्वेडरले जर्मनीमाथि २–१ को जित हासिल गरी अन्तिम ३२ मा स्थान बनाएको छ । विश्वप्रसिद्ध टोलीलाई हराएको उत्साहमा इक्वेडरमा शुक्रबारलाई सार्वजनिक बिदा दिइएको छ ।