काठमाडौं । फिफा विश्वकप २०२२ मा समूह चरणका खेल सम्पन्न भएका छन् । यससँगै अब नकआउट समीकरण पूरा भएको छ । शुक्रबार राति समूह जी अन्तर्गत ब्राजिल र क्यामरुन तथा सर्बिया र स्वीटजरल्याण्ड भिडेका थिए । जसमा क्यामरुन र स्वीटजरल्याण्डले जित निकाले । जितका वावजुत क्यामरुन घर फर्कियो । सर्बियालाई ३–२ ले हराएको स्वीटजरल्याण्डले अन्तिम १६ मा स्थान बनायो । हारे पनि ब्राजिल समूह जी को विजेताका रुपमा अन्तिम १६ मा पुगेको छ ।
२२औं संस्करणको विश्वकपमा सहभागी ३२ राष्ट्रलाई ८ समूहमा विभाजन गरेर खेलाइएको छ ।हरेक समूहमा ४(४ टिम थिए । समूह चरणको ४८ खेलपछि १६ टिम अन्तिम १६ मा प्रवेश गर्दा १६ टिमको चुनौती भने समाप्त भएको छ । हरेक समूहको समूह विजेता र समूह उपविजेता अन्तिम १६ मा पुगेका हुन् ।
नकआउट चरणमा फाइनलसहित कुल १६ खेल हुनेछ । नकआउट पुग्नेमा युरोपबाट सर्वाधिक ८ राष्ट्र छन् । एसियाबाट ३, दक्षिण अमेरिका र अफ्रिकाबाट २÷२ दुई तथा उत्तर अमेरिकाबाट एक टिम छन् । समूह ए बाट नेदरल्याण्ड्स र सेनेगल, समूह बी बाट इंग्ल्याण्ड र अमेरिका, समूह सी बाट अर्जेन्टिना र पोल्याण्ड, समूह डी बाट फ्रान्स र अष्ट्रेलिया, समूह इ बाट जापान र स्पेन, समूह एफबाट मोरक्को र क्रोएसिया, समूह जी बाट ब्राजिल र स्वीटजरल्याण्ड तथा समूह एचबाट पोर्चुगल र दक्षिण कोरिया अन्तिम १६ मा प्रवेश गरे ।
कुन टिमको खेल कोसँग ?
मंसिर १७
नेदरल्याण्ड्स विरुद्ध अमेरिका
अर्जेन्टिना विरुद्ध अष्ट्रेलिया
मंसिर १८
इंग्ल्याण्ड विरुद्ध सेनेगल
फ्रान्स विरुद्ध पोल्याण्ड
मंसिर १९ गते
जापान विरुद्ध क्रोएसिया
ब्राजिल विरुद्ध दक्षिण कोरिया
मंसिर २० गते
मोरक्को विरुद्ध स्पेन
पोर्चुगल विरुद्ध स्वीटजरल्याण्ड
