काठमाडौं । यूएईविरुद्धको तेस्रो तथा अन्तिम एकदिवसीय अन्तर्राष्ट्रिय क्रिकेट प्रतियोगितामा नेपालले जितेको छ ।
कीर्तिपुरस्थित टीयू क्रिकेट मैदानमा आज सम्पन्न खेलमा यूएईमाथि ६ विकेटको जित निकालेसँगै नेपालले सिरिज २-१ ले जितेको हो।
नेपालले आशिफ सेख र ज्ञानेन्द्र मल्लको अर्धशतकीय पारीले सहज जित हासिल गरेको हो ।
शुक्रबार यूएईले दिएको १७७ रनको लक्ष्य नेपालले ४०.१ ओभरमा चार विकेट गुमाएर पूरा गरेको छ। नेपाललाई ज्ञानेन्द्र मल्ल र आशिफ शेखले जिम्मेवार पारि खेल्दै लक्ष्यसम्म डोहोर्याएका थिए।
ओपनर अर्जुन साउद ९ रन बनाएर ९.६ ओभरमा आउट भएपछी अर्का ओपनर आशिफ शेखले मल्लसँग १ सय २२ रनको ठूलो साझेदारी बनाउन सफल भएका थिए। रोहित पौडेलले १० र अर्जुन साउँदले नौ रन बनाए।
ज्ञानेन्द्रले आशिफसँग मिलेर दोस्रो विकेटका लागि १२२ रनको शतकीय साझेदारी गर्दै जितको आधार तय गरेका थिए ।
दोस्रो विकेटमा नेपालका लागि यो कीर्तिमानी साझेदारी हो । यसअघि ओमानसँग यी दुईले नै ९२ रनको साझेदारी गरेका थिए ।
यूएईका लागि हजरत बिलाल र आयन अफ्जल खानले एक-एक विकेट लिए।
पहिलो ब्याटिङ गरेको युएईले खराब सुरुवातका बाबजुत समालिएर १ सय ७७ रनको लक्ष्य दिएको थियो।
यूएईका लागि आयन अफ्जाल खान र हजरत बिलालले १० औँ विकेटका लागि ८३ रनको साझेदारी गर्दै यूएईलाई समानजनक स्कोरमा पुर्याएका थिए।
यी दुईले एकदिवसीय अन्तराष्ट्रियमा १० औँ विकेटका लागि चौथो ठूलो साझेदारी गरेका हुन्। त्यसअघि यूएईले ९३ रन जोड्दा ९ विकेट गुमाएको थियो।
यूएईका लागि खानले ५४ रनको अर्धशतकीय अविजित इनिङ खेल्दा उनलाई हजरतले २० रनमा साथ दिए।
त्यस्तै अलसान सरउफले ३३ रन बनाउँदा थप दोहोरो स्कोरका रुपमा रोहन मुस्ताफाको २४ र ओपनर मुहम्मद वासिमको ११ रन रह्यो।
नेपालका लगि बलिङतर्फ नेपालका गुलशन झा, कुशल भुर्तेल र दीपेन्द्रसिंह ऐरीले दुई/दुई विकेट लिए ।
नेपाल पहिलाे खेलमा ८४ रनमा पराजित हुँदा दाेस्राे खेलमा पुनरागमन गर्दै नेपालले यूएईलाई तीन विकेटले हराएकाे थियाे । याे जितसँगै नेपालले शृङ्खला दुई–एकले आफ्नाे पक्षमा पारेकाे हाे ।
यूएईले अघिल्लो महिना अस्ट्रेलियामा विश्व कप खेलेको थियो । नेपालले सन् २०१८ मा विश्व कप छनोटबाट एक दिवसीय अन्तर्राष्ट्रिय मान्यता पाएको थियो । त्यसयता नेपालले घरेलु मैदानमा यो दोस्रो पटक शृङ्खला खेलेको हो ।
यो सँगै नेपालले पहिलो पटक घरेलु द्विपक्षीय एकदिवसीय शृंखला जितेको हो । यसै वर्षको मार्चमा नेपालले घरेलु मैदानमा खेलेको पहिलो एकदिवसीय अन्तर्राष्ट्रिय शृंखलामा पपुवा न्य गिनीसँग २–० ले पराजित भएको थियो ।
