Author: Vishwanews.com

काठमाडौं । सरकारले राजस्व बोर्डको अध्यक्षमा पूर्व सचिव महेश दाहाललाई नियुक्त गरेको छ। अर्थमन्त्री डा. युवराज खतिवडाले मन्त्रीपरिषदको निर्णय सुनाउदै दाहाललाई नियुक्त गरेको जानाकारी दिए ।

उनी तत्कालिन प्रधानमन्त्री माधवकुमार नेपालका पालमा हङ्कङको महाबाणिज्य दूत पनि भएका थिए। अर्थमन्त्री डा. युवराज खतिवडाले गत पुसमै राजश्व बोर्ड गठन गर्ने बताएका थिए। तर गठन भने गर्न सकिरहेका थिएनन्।

त्यस्तै अर्थमन्त्रालयले राजस्व सम्बन्धिका विवाद समाधान तथा नीतिगत सुझाव दिनका लागि गठन गर्ने स्थायी संयन्त्रको सदस्यमा निर्मलहरी अधिकारी नियुक्त भएका छन्।

अधिकारी यसअघि अर्थमन्त्रालयको सहसचिवबाट अवकास पाएका थिए। उनी अहिले राष्ट्रिय बाणिज्य बैंक सञ्चालक समिति अध्यक्ष छन्।

काठमाडौं । नेपालमा कोभिड–१९ को महामारीका बीच बैंकर्ष संघ नेपालले ग्राहकलाई अनलाइन कारोबारलाई जोड दिन आह्वान गरेको छ । सकेसम्म बैंकमा नजान आग्रह गर्दै संघले जोखिम न्यूनिकरणका लागि घरबाटै बैंकिङ कारोबार गर्न सुझाव दिइएको छ । विश्वव्यापी महामारीको रुपमा फैलिएको कोभिड–१९ को प्रभावबाट बच्न तथा जोखिम न्यूनिकरणका लागि सम्भव भएसम्म घरबाटै कारोबार गर्न संघले आग्रह गरेको हो ।

डिजिटल बैंकिङ (मोबाइल\इन्टरनेट बैंकिङ) को माध्यमवाट प्रायस् जसो सबै प्रकारका दैनिक कारोवार गर्न सकिने हुनाले डिजिटल बैंकिङ सेवाको अझ बढी प्रयोग गर्न संघले आग्रह गरेको छ ।

एउटा खातावाट अर्को कुनै खातामा रकम जम्मा गर्न, विभिन्न बिलहरु भुक्तानी गर्न, आफ्नो खाताको कारोबार विवरण हेर्न, खातामा रहेको रकम हेर्न, आदि कामहरु सहज रुपमा डिजिटल बैंकिङ्गवाट गर्न सकिने हुनाले घरमै बसी सहज रुपमा बैंकिङ गर्न सकिन्छ ।

डिजिटल बैंकिङ प्रयोग गर्न कुनै पनि प्राबिधिक समस्या भएमा, पासवर्ड विर्सिएमा वा अन्य कुनै अफ्ठ्यारो परेको खण्डमा सम्बन्धित बैंकको शखामा फोन मार्फत् सम्पर्क गरि सहयोग लिन पनि संघले आग्रह गरेको छ ।

आफ्नो खाता वा खातावाट भएको कारोबारको सिलसिलामा कुनै पनि जानकारी वा प्रश्न भएमा समेत सम्बन्धित शाखामा फोन मार्फत् सम्पर्क गर्न संघले आह्वान गरेको छ । अत्यावश्यक अवस्थामा बाहेक बैंकको शाखामा नआई भिडभाड कम गर्नका निमित्त सहयोग गरिदिनुहुन समस्त ग्राहकहरुमा संघले आग्रह गरेको छ ।

जग्गा धितोमा रोक्का(फुकुवा सबै काम बैंकबाटै, किनबेच सम्बन्धी अधिकार स्थानीय तहलाई
काठमाडौं । भूमि व्यवस्थापन तथा अभिलेख विभागले जग्गा धितोमा रोक्का–फुकुवाका सबै काम बैंक तथा वित्तीय संस्थालाई दिने तयारी गरेको छ ।

मालपोत कार्यालय धाउनु पर्ने बाध्यताको अन्त्य गर्न बैंक तथा वित्तीय संस्थालाई पनि भूसेवा केन्द्र सञ्चालनको अनुमति दिने तयारी थालेको हो ।

योे प्रक्रियामा गएसँगै बैंकले आफूले गर्नुपर्ने सबै काम सकेर तिर्नु र बुझाउनु पर्ने शुल्क, मालपोतको खातामा जम्मा गरेको भौचर आधिकारिक इमेलमार्फत मालपोत कार्यालयमा पठाएपछि मालपोतले जग्गा रोक्का गरिदिनेछ ।

कुनै इमेलमा शंका लागेमा कर्मचारीले बैंकमा फोन गरेर आधिकारिकता जाँच गर्न सक्छन्। शंका नलागेमा रोक्कारफुकुवा गरेर त्यसको जानकारी इमेलमै पठाउन सकिने भूमि व्यवस्थापन तथा अभिलेख विभागका एक कर्मचारीले बताए ।

यसका लागि कर्मचारी सञ्चय कोष र विभागबीच सम्झौता हुने र सञ्चय कोषसँगको सहकार्यमा काम गर्दा आउने रिजल्टका आधारमा वाणिज्य बैंकसँग पनि थप सम्झौता गर्दै जाने जनाइएको छ ।

त्यस्तै जग्गा किनबेच सम्बन्धी स्थानीय तहको संवैधानिक अधिकार कार्यान्वयनको प्रक्रिया सुरु भएको छ ।

भूमि व्यवस्थापन तथा अभिलेख विभागले जग्गा नामसारी, लिखत पारित, लालपुर्जा वितरण जस्ता काम स्थानीय तह गराउन जग्गा किनबेचको अधिकार स्थानीय तहमा पठाउने गरी प्रक्रिया थालेको हो ।

समितिले दिने प्रतिवेदनका आधारमा मालपोत ऐन २०३४ संशोधन हुने र ऐन संशोधन भएपछि जग्गा किनबेचको सम्पूर्ण काम स्थानीय तहबाट हुने विभागले जनाएको छ ।

यो ऐन २०७५ साल मंसिर मसान्तसम्म भएका संशोधनका आधारमा हाल काम हुँदै आएको छ । त्यसपछि भने ऐन संशोधन हुन सकेको थिएन । यसपाली स्थानीय तहमा अधिकार हस्तान्तरण हुने गरी ऐन संशोधन हुन लागेको हो ।

‘

काठमाडौं । नेपाल अहिले लकडाउन मुक्त देश हो । विश्वभर कैयौं मुलुक कडा लकडाउनको अवस्थामा रहेपनि नेपाल भने त्यसबाट मुक्त छ । तर, देशको झण्डै आधा भन्दा बढी क्षेत्र र जिल्लामा भने निषेधाज्ञा लागु छ । जहाँ पूर्ण लकडाउन नभएपनि अत्यावश्यक बाहेक धेरैजसो सेवा बन्द भएका छन् । त्यसो त सरकारले पनि बढी भिडभाड हुने क्षेत्रबाट प्रवाह हुने सेवा बन्द गरिसकेको छ ।

अनलाइनबाट सम्भव नभएको काम तत्कालका लागि बन्द छ । कोरोना सङ्क्रमितको संख्या थपिदै गएपछि जिल्ला र स्थानीय तहलाई निषेधाज्ञा लगाउन सक्ने अधिकारी दिइएको छ । अहिलेसम्म ४१ जिल्लामा आंशिक तथा पूर्ण लकडाउन गरिएको गृह मन्त्रालयको तथ्यांक छ । मन्त्रालयकाअनुसार २८ जिल्लामा स्थानीय प्रशासनले सङ्क्रामक रोग नियन्त्रण ऐन अनुसार निषेधाज्ञा जारी गरेका छन् ।

काठमाडौं उपत्यकाका घोषित निषेधाज्ञा छैन । तर, कडाई भएको छ । प्रवेशमा करीव निषेध छ । भक्तपुरको मध्यपुर थिमिमा लकडाउन छ ।काठमाडौंको कागेश्वरी मनोहरा नगरपालिकाले भने अत्यावश्यक बाहेकका सेवा तथा व्यवसाय बन्द गर्ने निर्णय लिएको छ । दुई सयभन्दा धेरै सङ्क्रमित भएको जिल्लालाई रेडजोनमा राख्ने निर्णय यसअघि नै सरकारले गरेको हो । अहिले काठमाडौं, मोरङ, पर्सा, बारा, रौतहट, सर्लाही, महोत्तरी, धनुषा र बाँके रेडजोनमा छन् ।

काठमाडौं । नेपालमा १५ दिनको अवधीमै दोस्रो पटक पेट्रोलियम पदार्थको भाउ बढेको छ । नेपाल आयल निगमले पेट्रोलियम पदार्थको मूल्य बढाएको हो । आइतबार राति १२ बजेबाट लागू हुने गरी डिजेल, पेट्रोल र मटीतेलमा प्रतिलिटर एक रुपैयाँ मूल्य बढेको निगमले जनाएको छ । अगस्ट १६ मा भारतीय आयल कर्पोरेसनबाट प्राप्त नयाँ मूल्यसूचीमा भाउ बढेर मूल्य प्राप्त भएको निगमले जनाएको छ ।

नयाँ मूल्य समायोजन पछि डिजेल र मेटितेलको प्रतिलिटर मूल्य ९१ र पेट्रोलको १०५ रुपैयाँ पुगेको छ । हवाई इन्धन र खाना पकाउने ग्यासको मूल्य भने यथावत नै रहेको छ । मूल्य वृद्धि स्वचालित मूल्य समायोजन कार्याविधि अनुसार नै भएको निगमको दावि रहेको छ ।